កីឡាករ Naoya Inoue Archives - Kampuchea Thmey Daily

កំពូលអ្នកប្រដាល់ជប៉ុន Inoue បំបាក់កំពូលអ្នកប្រដាល់ Nakatani បន្តកំណត់ត្រាមិនចាញ់ ១៤ ឆ្នាំ

Kosal Sem — Mon, 04 May 2026 06:54:53 +0000

កំពូលអ្នកប្រដាល់សកល ជប៉ុន Naoya Inoue បានបន្តគ្រប់គ្រងខ្សែក្រវាត់ពិភពលោកទម្ងន់ស្រាល និងកាន់កាប់កំណត់ត្រាមិនចាញ់សោះក្នុងរយៈពេល ១៤ ឆ្នាំក្នុងអាជីពខ្លួន បន្ទាប់ពីយកឈ្នះមិត្តរួមជាតិកីឡាករ Junto Nakatani ដោយពិន្ទុនៅទីក្រុង តូក្យូ កាលពីថ្ងៃទី ២ ខែ ឧសភា ឆ្នាំ ២០២៦។

Naoya Inoue

ការប្រកួតនេះត្រូវបានគេចាត់ទុកជាការប្រកួតដ៏ធំបំផុតមួយក្នុងប្រវត្តិសាស្ត្រប្រដាល់សកលជប៉ុន ដោយសារនេះ គឺជាការប៉ះគ្នារវាងកំពូលអ្នកប្រដាល់របស់ ជប៉ុន ពីររូប ដែលសុទ្ធតែមានឈ្មោះ និងចំណាត់ថ្នាក់ល្អបំផុតនៅក្នុងកីឡាប្រយុទ្ធពិភពលោក (Pound-for-pound)។

អ្នកប្រដាល់វ័យ ៣៣ ឆ្នាំ Inoue បានគ្រប់គ្រងស្ថានភាពយ៉ាងល្អក្នុងរយៈពេល ១២ ទឹកពេញ។ ទោះបីជានៅចុងការប្រកួត កីឡាករ Nakatani ព្យាយាមដាក់សម្ពាធមកវិញក៏ដោយ ក៏ Inoue នៅតែគ្រប់គ្រងស្ថានភាពបានល្អ តាមរយៈការបម្លាស់ទី និងវាយដោយភាពវៃឆ្លាត។ ចុងក្រោយ Inoue បានទទួលជ័យជម្នះដោយពិន្ទុ និងបន្តការពារខ្សែក្រវាត់ពិភពលោកទម្ងន់ស្រាលរបស់ខ្លួនបានជោគជ័យ។

Naoya Inoue ប្រកួតទល់នឹង Nakatani

ក្រោយជ័យជម្នះដ៏ធំធេងនេះ Inoue នៅតែបន្តកាន់កាប់កំណត់ត្រាមិនចាញ់សោះក្នុងរយៈពេល ១៤ ឆ្នាំ។ អ្នកប្រដាល់រហស្សនាម Monster វ័យ ៣៣ ឆ្នាំ បានប្រកួតអាជីពតាំងពីឆ្នាំ ២០១២ មកចំនួន ៣៣ ប្រកួត ក្នុងនោះឈ្នះទាំង ៣៣ លើក ហើយបានផ្តួលឱ្យដៃគូសន្លប់ចំនួន ២៧ លើក៕

Naoya Inoue

ប្រែសម្រួល៖ សេម កុសល
ប្រភព៖ BBC

The post កំពូលអ្នកប្រដាល់ជប៉ុន Inoue បំបាក់កំពូលអ្នកប្រដាល់ Nakatani បន្តកំណត់ត្រាមិនចាញ់ ១៤ ឆ្នាំ appeared first on Kampuchea Thmey Daily.

កំពូលអ្នកប្រដាល់ជប៉ុន Inoue វ៉ា Floyd ក្លាយជាកីឡាករឈ្នះការប្រកួតពិភពលោកជាប់ៗគ្នាច្រើនបំផុត

Kosal Sem — Wed, 07 Jan 2026 01:59:32 +0000

កំពូលអ្នកប្រដាល់សកលជប៉ុន Naoya Inoue បានវ៉ាដាច់កំណត់ត្រាអ្នកប្រដាល់ អាមេរិក Floyd Mayweather និងលោក Joe Louis ក្លាយជាកីឡាករឈ្នះការប្រកួត លក្ខណៈប្រជែងខ្សែក្រវាត់ពិភពលោកជាប់ៗគ្នាច្រើនជាងគេបំផុតក្នុងពិភពលោក បន្ទាប់ពីថ្មីៗនេះកីឡាករបានយកឈ្នះលើកីឡាករ David Picasso។

កីឡាករ Naoya Inoue ទល់នឹងកីឡាករ David Picasso

Naoya Inoue នៅតែបន្តកំណត់ត្រាមិនចាញ់សោះក្នុងអាជីពរបស់ខ្លួន ដោយកាលពីថ្ងៃទី ២៧ ខែ ធ្នូ ឆ្នាំ ២០២៥ រូបគេបានឈ្នះពិន្ទុកីឡាករ ម៉ិកស៉ិក David Picasso ក្នុងការប្រកួតការពារខ្សែក្រវាត់ពិភពលោកទម្ងន់ស្រាល (Super-Bantamweight) នៅប្រទេស អារ៉ាប៉ីសាអ៊ូឌីត។

ក្រោយជ័យជម្នះនេះ បានធ្វើឱ្យអ្នកប្រដាល់សកល ជប៉ុន វ័យ ៣២ ឆ្នាំក្លាយជាកីឡាករ ដែលឈ្នះការប្រកួត លក្ខណៈប្រជែងខ្សែក្រវាត់ពិភពលោកជាប់ៗគ្នាច្រើនបំផុតក្នុងលោក ពោលគឺចំនួន ២៧ ដង។ បច្ចុប្បន្ន Inoue បានរុញ Floyd និងលោក Joe Louis ឱ្យធ្លាក់មកចំណាត់ថ្នាក់លេខ ២ វិញ ដោយអ្នកទាំង ២ មានកំណត់ត្រាឈ្នះ ២៦ ដងជាប់ៗគ្នាដូចគ្នា។

កីឡាករ Naoya Inoue

គួរឱ្យដឹងថា Inoue បានប្រឡូកអាជីពប្រដាល់រយៈពេល ១៣ ឆ្នាំហើយ ពោលតាំងពីឆ្នាំ ២០១២ មក គឺប្រកួតមិនដែលចាញ់ទាល់តែសោះ។ កីឡាករឡើងសង្វៀនប្រកួតសរុបចំនួន ៣២ លើក ក្នុងនោះជាលទ្ធផលឈ្នះទាំង ៣២ លើក និងផ្ដួលដៃគូឱ្យបោះបង់ការប្រកួតចំនួន ២៧ លើក។

បច្ចុប្បន្នកីឡាកររហស្សនាម “Monster” កំពុងគ្រងខ្សែក្រវាត់ ១២ ខ្សែរួមមាន WBA (Unified) bantamweight, WBA (Regular) bantamweight, WBO super bantamweight, IBF super bantamweight, WBC super bantamweight, WBA (Super) super bantamweight, WBO bantamweight, IBF bantamweight, WBC bantamweight, WBA (Super) bantamweight, WBO junior bantamweight និងខ្សែក្រវាត់ WBC light flyweight៕

កីឡាករ Naoya Inoue

អត្ថបទ៖ សេម កុសល

The post កំពូលអ្នកប្រដាល់ជប៉ុន Inoue វ៉ា Floyd ក្លាយជាកីឡាករឈ្នះការប្រកួតពិភពលោកជាប់ៗគ្នាច្រើនបំផុត appeared first on Kampuchea Thmey Daily.

កំពូលអ្នកប្រដាល់ជប៉ុន Naoya Inoue កំពុងកាន់កំណត់ត្រា មិនចាញ់សោះរយៈពេល ១៣ ឆ្នាំ

Kosal Sem — Wed, 22 Oct 2025 01:05:52 +0000

នៅក្នុងប្រទេស ជប៉ុន ក្រៅពីសម្បូរធនធានកីឡាករ ឃីគបុកស៊ីង ពួកគេក៏ល្បីខ្លាំងផងដែរ អំពីកីឡាករសកលឆ្នើមៗលំដាប់ពិភពលោក។ ជាក់ស្តែង ពួកគេមានកីឡាករប្រដាល់សកលដ៏ល្បីម្នាក់ គឺកីឡាករ Naoya Inoue ដែលកំពុងកាន់កំណត់ត្រាប្រកួតរយៈពេល ១៣ ឆ្នាំចុងក្រោយមិនចាញ់សោះ។

កីឡាករ Naoya Inoue

កីឡាករ Naoya ដែលកើតនៅថ្ងៃ១០ មេសា ឆ្នាំ១៩៩៣ ជាអ្នកប្រដាល់សកលអាជីព បានចាប់ផ្តើមប្រកួតប្រដាល់សកលស្ម័គ្រចិត្តពីឆ្នាំ២០១០ ដល់២០១២ ដែលធ្លាប់ប្រកួតក្នុងព្រឹត្តិការណ៍សំខាន់ៗជាច្រើនមានដូចជា ជើងឯកយុវជនអាស៊ី ជើងឯកយុវជនពិភពលោក ជើងឯកពិភពលោក AIBA និងជម្រុះតំបន់អាស៊ីដើម្បីព្រឹត្តិការណ៍កីឡាអូឡាំពិក។ នៅចុងឆ្នាំ២០១២ រូបគេបានចាប់ផ្តើមប្រកួតប្រដាល់សកលអាជីព ហើយប្រកួតដំបូងរូបគេបានផ្តួលកីឡាករ Crison Omayao ឲ្យសន្លប់ក្នុងទឹកទី៤។

គិតតាំងពីឆ្នាំ២០១២ ដល់ខែ តុលា ឆ្នាំ២០២៥ ជើងខ្លាំង Inoue បានប្រឡូកអាជីពប្រដាល់រយៈពេល ១៣ ឆ្នាំហើយ ដោយឡើងសង្វៀន ៣១ លើក ក្នុងនោះជាលទ្ធផលឈ្នះទាំង ៣១ លើក និងផ្ដួលដៃគូឱ្យបោះបង់ការប្រកួតចំនួន ២៧ លើក។

កីឡាករ Naoya Inoue

ឆ្លងកាត់រយៈពេល ១៣ ឆ្នាំ អ្នកប្រដាល់ ជប៉ុន វ័យ ៣២ ឆ្នាំ ប្រមូលបានខ្សែក្រវាត់លំដាប់ពិភពលោកចំនួន ១២ ខ្សែ រួមមានខ្សែក្រវាត់ WBA (Unified) bantamweight, WBA (Regular) bantamweight, WBO super bantamweight, IBF super bantamweight, WBC super bantamweight, WBA (Super) super bantamweight, WBO bantamweight, IBF bantamweight, WBC bantamweight, WBA (Super) bantamweight, WBO junior bantamweight និងខ្សែក្រវាត់ WBC light flyweight។

ទន្ទឹមនឹងសមត្ថភាពដ៏ល្អបែបនេះ កាលពីឆ្នាំ២០២៣ កំពូលអ្នកប្រដាល់អាស៊ី Manny Pacquiao ធ្លាប់បានលើកសរសើរយ៉ាងខ្លាំងពីសមត្ថភាពដ៏អស្ចារ្យរបស់ Inoue។ វីរបុរសហ្វីលីពីនបានសរសើរថា ៖«Inoue មានល្បឿនដ៏អស្ចារ្យ និងកណ្តាប់ដៃមានកម្លាំងខ្លាំង។ គាត់ជាកីឡាករប្រដាល់ដ៏ពិសេសម្នាក់»។

Inoue មានរហស្សនាមមួយទៀត ត្រូវបានគេហៅថា “Monster” នោះគឺដោយសារតែអំណាចកណ្តាប់ដៃដ៏ពិសេសរបស់គាត់ ដែលមានភាគរយក្នុងការផ្តួលដៃគូរហូតដល់ទៅ ៨៨.៨៨%។ តាមរយៈភាពអំណោយផល ក៏ដូចជាចំណុចពិសេសត្រង់កណ្តាប់ដៃបែបនេះ បានធ្វើឱ្យ Inoue មិនដែលចាញ់សោះចាប់តាំងពីចាប់អាជីពជាកីឡាករប្រដាល់សកល ហើយខ្សែក្រវាត់របស់គេនៅតែមិនទាន់បាត់បង់មួយខ្សែណា ទោះបីជាមានកីឡាករជាច្រើនចូលមកដណ្តើមក៏ដោយ៕

កីឡាករ Naoya Inoue

ប្រែសម្រួល៖ សេម កុសល

The post កំពូលអ្នកប្រដាល់ជប៉ុន Naoya Inoue កំពុងកាន់កំណត់ត្រា មិនចាញ់សោះរយៈពេល ១៣ ឆ្នាំ appeared first on Kampuchea Thmey Daily.

កីឡាករ​ Naoya Inoue Archives - Kampuchea Thmey Daily

កំពូល​អ្នក​ប្រដាល់ជប៉ុន Inoue បំបាក់កំពូលអ្នកប្រដាល់ Nakatani បន្តកំណត់ត្រាមិនចាញ់ ១៤ ឆ្នាំ

កំពូលអ្នកប្រដាល់ជប៉ុន Inoue វ៉ា Floyd ក្លាយជាកីឡាករឈ្នះការប្រកួតពិភពលោកជាប់ៗគ្នាច្រើនបំផុត

កំពូល​អ្នក​ប្រដាល់ជប៉ុន Naoya Inoue កំពុង​កាន់​កំណត់ត្រា មិនចាញ់សោះរយៈពេល ១៣ ឆ្នាំ

កីឡាករ Naoya Inoue Archives - Kampuchea Thmey Daily

កំពូលអ្នកប្រដាល់ជប៉ុន Inoue បំបាក់កំពូលអ្នកប្រដាល់ Nakatani បន្តកំណត់ត្រាមិនចាញ់ ១៤ ឆ្នាំ

កំពូលអ្នកប្រដាល់ជប៉ុន Naoya Inoue កំពុងកាន់កំណត់ត្រា មិនចាញ់សោះរយៈពេល ១៣ ឆ្នាំ