យោងតាមចុះផ្សាយរបស់ ​​AS បានឲ្យដឹងថា Ronaldo គ្រោងនឹងត្រឡប់​ទៅប្រទេសកំណើត​វិញ ជាមួយគូស្នេហ៍របស់ខ្លួន Georgina Rodriguez ខណៈពេល​វិមានដ៏ធំរបស់ពួកគេនៅជិតទីក្រុង Lisbon កំពុងត្រូវបានសាងសង់។ ទោះ​ជាយ៉ាងណា ផែនការនេះកំពុងមានបញ្ហាស្របពេលគូស្នេហ៍១គូនេះព្យាយាមស្វែងរកសាលារៀន​ឲ្យ​កូនទាំង៥នាក់នៅទីនោះ។

Ronaldo និង Rodriguez ត្រូវបានគេមើលឃើញថា បានទៅសាលា​រៀន​ឈ្មោះ​ St. Julian ជា​សាលា​ឯកជនរបស់ចក្រភពអង់គ្លេស ស្ថិតក្នុងចំណោមគ្រឹះ​ស្ថាន​អប់រំ​ដ៏​ល្បី​បំផុត​នៅ​ប្រទេសព័រទុយហ្គាល់។ សាលារៀននេះគឺជាកន្លែងដែលក្មេងៗនៃគ្រួសារអ្នកមាន និងអ្នកមានអំណាចបំផុតនៅក្នុងតំបន់បានចុះឈ្មោះចូលរៀន​អាយុពី៣ទៅ១៨ឆ្នាំ។

Ronaldo និង Rodriguez ត្រូវបានគេមើល​ឃើញ​ពី​ពី​ការ​ពិភាក្សាអំពីការចុះឈ្មោះសម្រាប់កូនរបស់ពួកគេឲ្យចូលរៀននៅសាលានោះ ប៉ុន្តែត្រូវ​បែរជាត្រូវខាងសាលាបានបដិសេធ។

តាមការបញ្ជាក់របស់ V+Fama បាននិយាយថា ​ការ​បដិសេធ​របស់​សាលា​រៀន​ St. Julian ក្រោមហេតុផល​ឯកជន​ភាព​គឺ​​មិនចង់ឲ្យកូនរបស់ Ronaldo សិក្សានៅទីនោះ ពី​ព្រោះពួកគេចង់ការពារសិស្សដទៃទៀត។ ពួក​គេ​មិនចង់ឲ្យសាលារៀននោះក្លាយជាប្រភពព័ត៌មានឥតឈប់ឈរនោះទេ។ ជារួមខាងសាលាការពារខ្លាចមានករណីណាមួយកើតឡើងមិនប្រក្រតីចំពោះកូនៗរបស់ពួកគេ ដូច្នេះ​ខាងសាលាអាចប្រឈមមុខនឹងការបាត់បង់កេរ្ដិ៍ឈ្មោះដោយសារផ្សព្វផ្សាយពី​សារព័ត៌មានជុំវិញពិភពលោក។

Ronaldo និង Rodriguez រួមជាមួយកូន៥នាក់​កំពុង​នៅប្រទេសអារ៉ាប៊ីសាអ៊ូឌីត​ ជាកន្លែងដែល​រូប​គេ​​លេង​ឲ្យ​ក្លិប Al Nassr តាំងពីដើមឆ្នាំ២០២៣។ កិច្ចសន្យារបស់ខ្សែប្រយុទ្ធវ័យ៣៩ឆ្នាំជាមួយក្លិបអារ៉ាប់នឹងផុតកំណត់នៅរដូវក្តៅឆ្នាំ២០២៥៕

ប្រែសម្រួល៖ ផា រតនា

The post សាលា​រៀន​ឯកជនមួយនៅព័រទុយហ្គាល់មិនទទួលយក​កូនរបស់ Ronaldo appeared first on Kampuchea Thmey Daily.

តារាម៉ូដែលអាហ្សង់ទីនអាចរកបាន១០លានដុល្លារសម្រាប់រដូវកាលទី១ ហើយចំនួននោះអាចកើនឡើង នៅរដូវកាលទី២ បើទោះបីជាក្រុមហ៊ុន Netflix មិន​បានបញ្ចេញតួលេខផ្លូវការក៏ដោយ។ រដូវកាលទី៣ រឿង«I Am Georgina»ត្រូវបានចាក់ផ្សាយនៅលើ Netflix តាំងពីថ្ងៃទី១៨ ខែកញ្ញា។

ប្រភពជាច្រើនបានរាយការណ៍ថា ទ្រព្យសម្បត្តិសុទ្ធរបស់​​ Rodriguez ត្រូវបានគេប៉ាន់ប្រមាណ​​ចំនួន១៩.៧លានដុល្លារ។ ក្រៅពីប្រាក់ចំណូលពី Netflix នាងក៏អាចរកប្រាក់បានប្រមាណ ១០០,០០០ដុល្លារ ពី​ការផ្សព្វផ្សាយពាណិជ្ជកម្មនៅលើគណនី Instagram ដែលមានអ្នកតាមដាន៦៣លាននាក់។ តារា​ម៉ូដែល​រូប​នេះ​​មាន​គ្លីនិកហ្វេហ្ស៊ិន​​ជា​មួយ​ Ronaldo ដែលអាចរកបាន​ចំណូលបាន១០.៥លានដុល្លារក្នុងមួយឆ្នាំ។

រដូវកាលទី៣ ស៊េរីរឿង«I Am Georgina» តារាម៉ូដែលវ័យ៣៩ឆ្នាំរូបនេះបង្ហាញពីភាពស្និទ្ធស្នាលជាងមុន​ជាមួយមិត្តភក្តិជិតស្និទ្ធ និងក្រុមគ្រួសារ ក៏ដូចជាជីវិត​រស់​​នៅក្នុងប្រទេសអារ៉ាប៊ីសាអ៊ូឌីត​ ជាកន្លែងដែល​ Ronaldo កំពុង​លេង​ឲ្យ​ក្លិប Al Nassr តាំង​ពីឆ្នាំ២០២៣។ ​រដូវ​កាល​ទី២ ស៊េរីរឿង«I Am Georgina» តារា​ឆ្នើម​ Ronaldo បានបង្ហាញខ្លួនក្នុងសាច់រឿងនេះមិនបានច្រើនទេ ប៉ុន្តែ​រដូវ​កាល​ទី​៣ រូបគេ​មានបង្ហាញខ្លួន​ច្រើន​។

ចំពោះ Ronaldo ចាប់ផ្តើមមានទំនាក់ទំនងស្នេហាជាមួយ Rodriguez ​កាល​ពី​ឆ្នាំ២០១៦។ គូស្នេហ៍មួយមានកូនពីរនាក់ជាមួយគ្នា ខណៈកូនទី៣ របស់ Ronaldo មានតាមរយៈការពពោះជំនួស៕

ប្រែសម្រួល៖ ផា រតនា

The post មិត្តស្រីរបស់ Ronaldo រកបានចំណូល១០លានដុល្លារពី Netflix appeared first on Kampuchea Thmey Daily.

ខ្សែប្រយុទ្ធ Ronaldo ​បានបើកដំណើរគណនី YouTube ផ្លូវការដំបូងរបស់​ខ្លួន​មានឈ្មោះ UR Cristiano ហើយមានអ្នកចុចតាមដានជាង១លាននាក់ ក្នុងរយៈពេល​៩០នាទីដំបូង។ ត្រឹម​រយៈពេល៤ម៉ោង មានអ្នកចុចតាមដានរហូតដល់៥លាននាក់។ គិតមកទល់ពេល​នេះ អ្នកចុចតាមដានចំនួន១១លាននាក់លើគណនី Youtube របស់កីឡាករ Ronaldo។

កីឡាករ Ronaldo បានបង្ហោះសារលើគណនីប្រព័ន្ធផ្សព្វផ្សាយសង្គមថា ៖«ការ​រង់ចាំ​បាន​ចប់​ហើយ។
គណនី​ YouTube របស់ខ្ញុំបានមកដល់ហើយ SIUUU Subscribe និងចូលរួមជាមួយខ្ញុំក្នុងដំណើរថ្មីនេះ»។

ក្រោយរយៈពេល៣ម៉ោង បន្ទាប់ពីការបង្ហោះវីដេអូដំបូងរបស់គាត់មានអ្នកចុចតាមដានចំនួន១.៦៩លាននាក់បានចុចតាមដានលើប្រព័ន្ធឌីជីថលដែលទើបនឹងចាប់ផ្តើមថ្មី។ បច្ចុប្បន្ន​រូប​គេ​មានអ្នកតាមដាន ១១២.៥ លាននាក់នៅលើវេទិកាX ហើយមានអ្នកតាមដានចំនួន១៧០លាននាក់នៅលើ Facebook និង អ្នកតាមដានចំនួន៦៣៦លាននាក់នៅលើ Instagram៕

ប្រែសម្រួល៖ ផា រតនា

The post Ronaldo បំបែកកំណត់ត្រាថ្មីនៅលើ YouTube appeared first on Kampuchea Thmey Daily.

អាថ៌កំបាំង​មួយ​ក្នុងការ​ជួយ​នាង​រក្សា​សម្រស់ និង​សុខភាព​គឺ​ត្រូវ​ប្រើ​តែ detox ឲ្យបាន​ទៀងទាត់ ដោយមាន​គ្រឿងផ្សំ​សំខាន់ៗ​រួមមាន ស្លឹក Bay និង cinnamon ។ នាងបានអនុវត្តអាថ៌កំបាំងនេះ ដើម្បីបន្សាបជាតិពុល និងថែរក្សារាងកាយរបស់ខ្លួន​ អស់រយៈពេលជាច្រើនឆ្នាំមកហើយ។

មិត្តស្រីរបស់ Ronaldo ធ្លាប់បានចែករំលែកអំពីទម្លាប់របស់នាងក្នុងការផឹកតែ detox ដើម្បីបន្សុទ្ធរាងកាយរបស់នាង ដែលជាវិធីសាស្ត្រសាមញ្ញ នាំមកនូវអត្ថប្រយោជន៍ជាច្រើនដល់សុខភាព។

ស្លឹក Bay ​ជាគ្រឿងផ្សំដែលធ្លាប់ស្គាល់នៅក្នុងចានជាច្រើន។ វាមិនត្រឹមតែបង្កើនរសជាតិប៉ុណ្ណោះទេ ប៉ុន្តែវាក៏មានផ្ទុកនូវសារធាតុប្រឆាំងអុកស៊ីតកម្មដ៏មានឥទ្ធិពលជាច្រើន ជួយពង្រឹងប្រព័ន្ធភាពស៊ាំ និងប្រឆាំងនឹងភ្នាក់ងារបង្កគ្រោះថ្នាក់ដល់បរិស្ថាន។

លើសពីនេះ ស្លឹក Bay ក៏ជួយសម្រួលដល់ការរំលាយអាហារ កាត់បន្ថយបញ្ហាក្រពះពោះវៀន នាំមកនូវអារម្មណ៍ស្រស់ស្រាយ និងងាយស្រួល។​ យ៉ាងណា មិនមែនមានតែស្លឹក Bay នោះទេ មិត្តស្រីរបស់ Ronaldo ក៏បានបន្ថែមក្លិនឈ្ងុយក្នុងមើមឈើទៅក្នុងតែរបស់នាងផងដែរ។ cinnamon មានភាពល្បីល្បាញសម្រាប់លក្ខណៈសម្បត្តិប្រឆាំងនឹងការរលាក គ្រប់គ្រងកម្រិតជាតិស្ករក្នុងឈាម និងនាំមកនូវតុល្យភាពដល់រាងកាយ។ ការរួមបញ្ចូលគ្នានៃស្លឹក Bay និង cinnamon ក្នុងពែងតែបង្កើតជាភេសជ្ជៈ detox ដ៏មានប្រសិទ្ធភាពបំផុត ដែលមិនត្រឹមតែជួយសម្អាតរាងកាយប៉ុណ្ណោះទេ ប៉ុន្តែថែមទាំងធ្វើឲ្យសុខភាពទូទៅប្រសើរឡើងផងដែរ។

បន្ថែមពីលើការរីករាយជាមួយតែ detox, តារាម៉ូដែលវ័យ ៣០ឆ្នាំរូបនេះចែករំលែកថា​ ការរៀបចំតែក៏ជាពិធីសុខភាពដ៏ឆ្ងាញ់ផងដែរ។ ពីការស្ងោរគ្រឿងផ្សំរហូតដល់ការរីករាយ រាល់ជំហានគឺជាឱកាសសម្រាប់នាងក្នុងការភ្ជាប់ទំនាក់ទំនងជាមួយខ្លួននាង និងមានពេលសម្រាក។ នេះ​មិន​ត្រឹម​តែ​ជួយ​បន្សាប​ជាតិពុល​ក្នុង​រាង​កាយ​ប៉ុណ្ណោះ​ទេ ប៉ុន្តែ​ក៏​នាំ​មក​នូវ​ការ​សម្រាក​កាយ បង្កើន​ថាមពល​ប្រចាំ​ថ្ងៃ និង​បង្កើន​អារម្មណ៍​ផង​ដែរ ។

ក្រៅ​ពី​មើល​ថែ​សុខភាព​មិត្ត​ស្រី​របស់ Ronaldo ក៏​រក្សា​ពិធី​ពិសេស​ដែល​នាង​ជឿ​ថា​ ជួយ​ទាក់ទាញ​ទ្រព្យសម្បត្តិ។ ជារៀងរាល់យប់ Georgina ចាក់ទឹកបីលីត្រ ហើយដាក់ស្លឹក basil ក្នុងធុងមួយយប់ ហើយប្រើទឹកនោះដើម្បីជូតកម្រាលឥដ្ឋនៅព្រឹកបន្ទាប់។ មិត្តស្រី Ronaldo ជឿថាពិធីនេះនឹងនាំមកនូវភាពរុងរឿងនិងសំណាង។ ទោះបីជាមានមតិចម្រុះជាច្រើនអំពីប្រសិទ្ធភាពនៃវិធីសាស្ត្រនេះក៏ដោយ នាងនៅតែបន្តធ្វើវាអស់រយៈពេលជាយូរ។

សូមបញ្ចាក់ថា Georgina Rodriguez មិនត្រឹមតែជានិមិត្តរូបនៃភាពស្រស់ស្អាតប៉ុណ្ណោះទេ ថែមទាំងជាស្ត្រីដែលដឹងពីរបៀបថែរក្សាសុខភាពរបស់នាងពីរឿងសាមញ្ញបំផុត។ អាថ៌កំបាំងរបស់នាងគឺការរួមបញ្ចូលគ្នាដ៏ល្អឥតខ្ចោះនៃធម្មជាតិ និងទម្លាប់ដែលមានសុខភាពល្អ ដើម្បីជួយរក្សាភាពស្រស់ស្អាត និងសុខភាពប្រកបដោយនិរន្តរភាព៕

អត្ថបទ៖ សាង ស្រីល័ក្ខ

The post មិត្តស្រី Ronaldo មានអាថ៌កំបាំងបន្សាបជាតិពុល ខុសពីអ្នកដទៃ appeared first on Kampuchea Thmey Daily.

ស្ថិតក្នុងវ័យ៣៩ឆ្នាំ តារាជើង​ស៊ុត​ Cristiano Ronaldo កំពុងឆ្ពោះទៅកាន់ការបំបែកកំណត់ត្រាជាកីឡាករស៊ុតបញ្ចូលទី​ច្រើន​ជាង​គេ​​បំផុតក្នុង១រដូវកាល​នៃ​លីគ​បាល់ទាត់​កំពូល​អារ៉ាប៊ីសាអ៊ូឌីត​។ គិតចាប់តាំងពីឆ្នាំ១៩៧៦ ជាឆ្នាំដែល​លីគបាល់ទាត់ប្រទេសអារ៉ាប៊ីសាអ៊ូឌីត​ត្រូវបានបង្កើតឡើង​ជា​ផ្លូវ​ការ មានតែកីឡាករ Abderrazak Hamdallah ម្នាក់​​ប៉ុណ្ណោះអាចរកគ្រាប់បាល់​ច្រើនជាងគេក្នុង១រដូវកាល​​​គឺ​ចំនួន​៣៤គ្រាប់​ក្នុង​រដូវកាលឆ្នាំ២០១៩ ក្នុងនាមជាខ្សែប្រយុទ្ធរបស់ក្លិប Al-Nassr។

ខ្សែប្រយុទ្ធម៉ារ៉ុក​ វ័យ៣៣ Hamdallah ក៏ជាកីឡាករឆ្នើម១រូបនៅលីគអារ៉ាប៊ីសាអ៊ូឌីត​ផងដែរ ខណៈរូបគេធ្លាប់ឈ្នះស្បែកជើងមាស៣លើក បន្ទាប់ពីផ្លាស់មកលេងនៅទីនេះតាំងពីឆ្នាំ២០១៨ ហើយបច្ចុប្បន្នកំពុងលេងឲ្យក្លិប Al-Ittihad។

គិតត្រឹមសប្ដាហ៍ទី២៦ កីឡាករ Ronaldo រកគ្រាប់បាល់បាន២៩គ្រាប់ ហើយ​រូបគេត្រូវការតែ៦គ្រាប់ទៀត​ប៉ុណ្ណោះ​ ដើម្បីបំបែកកំណត់ត្រាជាអ្នកស៊ុតបញ្ចូលទីច្រើនបំផុតក្នុង​១រដូវកាល។ ការប្រកួត​រដូវ​កាល​នេះ នៅសល់៨សប្ដាហ៍ទៀត​ទើប​ចប់​ ដូច្នេះមានន័យថា រូបគេមានភាគរយខ្ពស់ក្នុងការប្រកួតកំណត់ត្រា។

ប្រសិនបើមិនមានបញ្ហារបួស កីឡាករ Cristiano Ronaldo អាចបំបែកកំណត់ត្រានេះបាន នោះរូបគេនឹងត្រូវបានចារជាប្រវត្តិសាស្រ្ដ ក្ន្នុង​លីគ​អារ៉ាប៊ីសាអ៊ូឌីត​ ជា​កីឡាកររកគ្រាប់បាល់បានច្រើនគេ ក្នុងរយៈ៤៨ឆ្នាំ។

មិនត្រឹមតែជាអ្នកស៊ុតបញ្ចូលទីច្រើនជាងគេក្នុងរដូវកាលនេះទេ កីឡាករ Ronaldo ក៏ជាកីឡាករបញ្ជួន​បាល់ឲ្យមិត្តរួមក្រុមស៊ុតបញ្ចូលទីច្រើនជាងគេផងដែរគិតត្រឹម​សប្ដាហ៍ទី២៤៕

ប្រែសម្រួល៖ ផា រតនា

The post Ronaldo ជិតបំបែកកំណត់ត្រាថ្មីមួយនៅលីគ អារ៉ាប៊ីសាអ៊ូឌីត appeared first on Kampuchea Thmey Daily.

លើសពីនេះទៀតដែរ មិត្តស្រីរបស់កំពូលតារាបាល់ទាត់សញ្ជាតិព័រទុយហ្គាល់ បានបង្ហាញដើមទ្រូងរបស់នាងនៅពីមុខកាមេរ៉ា។ Georgina Rodriguez ក៏​បាន​បង្ហាញ​គ្រឿង​អលង្ការ​ដ៏​ប្រណិតជាមួយ​នឹង​កាបូប​ស្បែក​ក្រពើ​ភ្លឺ​ចាំង​ម៉ាក Hermes Birkin ដែល​មាន​តែមបក់​មាស​​មាន​តម្លៃ​ដល់​ទៅ ៦៤,៨១០ដុល្លារ។

Hermes Birkin គឺជាម៉ូដែលកាបូបដែលស្រលាញ់ដោយគូស្នេហ៍របស់ Ronaldo ។ នាង​ប្រើ​របស់​ម៉ាក​នេះ​ក្នុង​ប្លង់​ផ្សេងៗ​ដើម្បី​បង្ហាញ​ពី​ថ្នាក់​ដ៏​ប្រណិត​របស់​នាង។ កាបូបមួយក្នុងចំណោមកាបូបថ្លៃបំផុតទីពីរដែល Georgina Rodriguez កាន់កាប់គឺ Himalaya Birkin ដែលមានតម្លៃប្រហែល ២០២,៥៣១ដុល្លារ ដែលជាកម្មសិទ្ធិរបស់ខ្សែកាបូបថ្លៃបំផុតទីពីរនៃម៉ាក Hermes ។ ប្រសិនបើអ្នកទិញចង់ទទួលបានការរចនាខាងលើ អ្នកទិញត្រូវតែជាអតិថិជនស្មោះត្រង់ ហើយប្រហែលជាត្រូវរង់ចាំជិត ១-២ ឆ្នាំដើម្បីឲ្យ Hermes កាន់នឹងដៃ។

ក្រៅ​ពី Hermes មិត្ត​ស្រី​របស់ Ronaldo ក៏​ចំណាយ​ប្រាក់​លើ​ម៉ាក​យីហោ​រាប់​សិប​ទៀត​ដូច​ជា LV, Dior, Chopard និង Chanel។​ ជីវិតរបស់តារាស្រី Al-Nassr ធ្វើឲ្យស្រីៗជាច្រើនច្រណែននឹងភាពប្រណីតរបស់នាងតែងតែបង្អួតលើបណ្ដាញអ៉ីនធើណេតជារឿយៗ៕

អត្ថបទ សាង ស្រីល័ក្ខ

ចុចអាន៖ម្ដាយ Preeyada លើកដៃសំពះអរគុណ Aum ដែលជួយគាត់ពេលទឹកដល់ច្រមុះ

The post មិត្តស្រី Ronaldo បង្អួតកាបូប Hermes តម្លៃរាប់សិបលានដុល្លារ appeared first on Kampuchea Thmey Daily.

កីឡាករជម្រើសជាតិព័រទុយហ្គាល់រូបនេះបានចាកចេញពីក្លិប Man Utd កាលពីដើមរដូវកាលនេះ បន្ទាប់ពីបទសម្ភាសន៍របស់គេជាមួយ លោក Piers Morgan ដែលនាំឱ្យផ្ទុះចេញរឿងជាមួយ Erik ten Hag និងតួអង្គសំខាន់ៗផ្សេងទៀតនៅ Old Trafford។

Ronaldo មិនអាចស្វែងរកក្លិបនៅអឺរ៉ុបបានទេ បន្ទាប់ពីគេបានបញ្ចប់កិច្ចសន្យាជាមួយ United ហើយបានបញ្ចប់ការផ្លាស់ប្តូរដ៏គួរឱ្យភ្ញាក់ផ្អើលមួយទៅកាន់ Al-Nassr នៃប្រទេសអារ៉ាប៊ីសាអូឌីត។

ទោះបីជាយ៉ាងណាក៏ដោយ បើតាម Mundo Deportivo កីឡាករវ័យ ៣៨ឆ្នាំរូបនេះ ហាក់កំពុងធុញទ្រាន់នឹងស្ថានភាពរបស់ខ្លួនរួចទៅហើយ ហើយចង់ចាកចេញពីប្រទេសអារ៉ាប៊ីសាអូឌីត និងប្រហែលជាត្រលប់ទៅអឺរ៉ុបវិញ ឬទៅកន្លែងផ្សេងទៀត អាស្រ័យលើអ្វីដែលសំណើរដាក់ជូន។

វានៅតែត្រូវបានគេមើលឃើញថាតើក្លិបនៅអឺរ៉ុបឥឡូវនេះចាប់អារម្មណ៍លើ Ronaldo ឬប្រសិនបើលីកដែលមិនសូវប្រកួតប្រជែងផ្សេងទៀតដូចជា MLS ទំនងជាជំហានបន្ទាប់សម្រាប់គេ។

Ronaldo រកបាន ១៣ គ្រាប់ ក្នុងចំណោម ១៤ ប្រកួតនៃលីគ សម្រាប់ក្លិប Al-Nassr ដូច្នេះការរកគ្រាប់បាល់ប្រាកដជាមិនពិបាកសម្រាប់គេទេ ប៉ុន្តែគេនៅតែត្រូវមើលថាតើ Ronaldo នៅតែអាចធ្វើបានដូចសប្តាហ៍នោះក្នុងសប្តាហ៍នៅលីគអឺរ៉ុបភាគច្រើនដែរឬទេ៕

ប្រែសម្រួល៖ មន្នីរ័ត្ន

ប្រភព៖ caughtoffside.com

The post Ronaldo ចង់ចាកចេញពីក្លិបអារ៉ាប៊ីសាអូឌីត Al-Nassr និងត្រឡប់ទៅអឺរ៉ុបវិញ appeared first on Kampuchea Thmey Daily.

តារាម៉ូដែលវ័យ២៩ ឆ្នាំដែលធ្វើដំណើរទៅរស់នៅប្រទេសអារ៉ាប៊ីសាអូឌីត ចាប់តាំងពីខ្សែប្រយុទ្ធវ័យ ៣៨ឆ្នាំបានផ្លាស់ទៅលេងបាល់ទាត់ជាមួយក្លឹប Al Nasser ដែលជាភ្នាក់ងារថ្មីនៅក្នុង​សមរភូមិ Pro League អារ៉ាប៊ីសាអូឌីត នៅចុងឆ្នាំមុន។

យ៉ាង​ណា​មិញ ទង្វើ​ចុង​ក្រោយ​របស់​នាង​ស្លៀក​ប៊ីគីនី​តូច​បង្អួត​រាង​​នៅ​មាត់​អាង​ បានបង្កឲ្យមានការជជែកគ្នាថាមិនសមរម្យសោះ។ មុន​ពេល​បង្ហោះ​រូប​នេះ​លើ Instagram មនុស្ស​មួយ​ចំនួន​មិន​ពេញ​ចិត្តលើនាងស្រាប់តែហើយ។ ព្រោះ​កន្លងមកនាងតែងតែបំពានច្បាប់ក្នុងប្រទេស ហើយការ​ធ្វើ​ដូច្នេះ ​គឺ​ជា​ការ​រំលោភ​ច្បាប់​អារ៉ាប៊ីសាអូឌីត ដ៏​តឹងរ៉ឹង​ក្នុងសាសនាផងដែរ។

ជាមួយគ្នា​នោះដែរ​​​ អ្នក​គាំទ្រ​ខ្លះ​បានបញ្ចេញសារវាយ​ប្រហារ​នាងថា “វាឈ្លើយណាស់”, “នេះគឺជាអារ៉ាប៊ីសាអូឌីត។ ហើយអ្នកស្ថិតនៅក្រោមការគ្រប់គ្រងរបស់ប្រទេស” និង “អ្នកគួរតែសុំទោសចំពោះ​អល់ឡោះ” ខណៈដែលអ្នកខ្លះបានការពារនាងថា នេះជារឿងផ្ទាល់ខ្លួន​ហើយមិនអាក្រាតតាម​របៀបណាមួយ​ឡើយ។

ទោះជាយ៉ាងនេះក្តី លោក James Dorsey អ្នកជំនាញខាងច្បាប់​មជ្ឈិមបូព៌ា បានប្រាប់កាសែត Daily Star របស់អង់គ្លេសថា ជាគោលការណ៍កូដ​សំលៀកបំពាក់ គឺជាការគ្រប់គ្រងរបស់​ព្រះរាជាណាចក្រ។ ការ​ស្លៀក​ប៊ីគីនី​ត្រូវ​បាន​គេ​ចាត់​ទុក​ថា​មិន​សមរម្យ។ ប៉ុន្តែ​កូដ​សំលៀកបំពាក់​បាន​បន្ត​វិវឌ្ឍ​ចាប់តាំងពី​លោក Mohammed bin Salman ឡើង​កាន់​តំណែង​មក​ម្ល៉េះ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖កម្ពុជា​នៅមានមេដាយ​មាសច្រើន​​គ្រឿង​ត្រូវ​ប្រជែងថ្ងៃចុងក្រោយ

The post មិត្តស្រី Ronaldo បំពានច្បាប់អារ៉ាប៊ីសាអូឌីតម្ដងទៀត ក្រោយបង្អួតរាងស្រើបស្រាលជាសាធារណៈ appeared first on Kampuchea Thmey Daily.