កាលពីយប់ថ្ងៃ ចន្ទ ទី ២៧ ខែ តុលា ឆ្នាំ ២០២៥ លីគបាល់ទាត់កំពូល អាមេរិក (Major League Soccer) បានប្រកាសជាផ្លូវការ អំពីខ្សែប្រយុទ្ធរបស់ក្រុម Los Angeles FC ត្រូវបានជ្រើសរើសជាម្ចាស់ពានគ្រាប់បាល់ល្អបំផុតប្រចាំឆ្នាំ។ គ្រាប់បាល់​នេះ ខ្សែប្រយុទ្ធកូរ៉េខាងត្បូង ស៊ុតហ្វ្រីឃីគ ទល់នឹងក្រុម FC Dallas នៅកីឡដ្ឋាន Toyota កាលពីថ្ងៃទី ២៣ ខែ សីហា។

ពានគ្រាប់បាល់ល្អបំផុតប្រចាំឆ្នាំនេះ ត្រូវបានជ្រើសរើសដោយអ្នកគាំទ្រ ដែលបានធ្វើការបោះឆ្នោតនៅលើគេហទំព័រ MLSsoccer.com។ នៅទីបំផុត គ្រាប់បាល់ហ្វ្រីឃីគរបស់ Son ទទួលបានសម្លេងឆ្នោតពីអ្នកគាំទ្រច្រើនជាងគេ ជាហេតុធ្វើឱ្យរូបគេទទួលបានពាននេះជាលើកដំបូង សម្រាប់ការផ្លាស់មកកាន់លីគ MLS ក្នុងរដូវកាលដំបូង បន្ទាប់ពីចាកចេញពីទ្រនំចាស់ Tottenham Hotspur កាលពីទីផ្សារដោះដូរកីឡាកររដូវក្តៅ៕

សូមទស្សនាវីដេអូនៃការស៊ុតហ្វ្រីឃីគរបស់ Son ខាងក្រោម៖

ប្រែសម្រួល៖ សេម កុសល
ប្រភព៖ GOAL

The post គ្រាប់បាល់ហ្វ្រីឃីគរបស់ Son ត្រូវបានជ្រើសរើសជាគ្រាប់ល្អបំផុតប្រចាំឆ្នាំលីគកំពូលអាមេរិក appeared first on Kampuchea Thmey Daily.

នៅរដូវកាល ២០២៥-២០២៦ Son បានសម្រេចចិត្តយ៉ាងភ្ញាក់ផ្អើល ដោយបានចាកចេញពីទ្រនំចាស់ Tottenham Hotspur ផ្លាស់ទៅកាន់ក្លិប LAFC។ ដ្បិតទើបផ្លាស់ទៅកាន់លីគ អាមេរិក បានពីរ បី សប្តាហ៍ ប៉ុន្តែពេលនេះ Son ត្រូវបានគេចាត់ទុកជាកីឡាករ ដែលមានប្រជាប្រិយភាពបំផុតនៅទីនោះបាត់ទៅហើយ ហើយមិនត្រឹមតែប៉ុណ្ណោះ រូបគេថែមទាំងបានបំបែកកំណត់ត្រារបស់ Messi ដែលជាប់ជាកីឡាករមានអ្នកគាំទ្របញ្ជាទិញអាវច្រើនបំផុតក្នុងខែដំបូងកាលពីឆ្នាំមុនទៀតផង។

យោងតាមការចុះផ្សាយដោយ Marca ដែលដកស្រង់បន្តចេញពី Front Office Sports បានឱ្យដឹងថា Lionel Messi បានបង្កើតកំណត់ត្រាមួយកាលពីឆ្នាំ ២០២៤ ដោយអាវរដូវកាលថ្មីនៅ Inter Miami របស់គាត់ ត្រូវបានលក់អស់ក្នុងចំនួនច្រើនបំផុតរហូតដល់ទៅ ៥០ ម៉ឺនអាវសម្រាប់រយៈពេល ១ ខែដំបូង។

យ៉ាងណាមិញ ចំពោះកំណត់ត្រានេះ ត្រូវបានបំបែកដោយខ្សែប្រយុទ្ធសញ្ជាតិ កូរ៉េខាងត្បូង វ័យ ៣៣ ឆ្នាំហើយ ហើយក៏គ្រោងនឹងវ៉ាកំណត់ត្រារបស់ខ្សែប្រយុទ្ធសញ្ជាតិ អាហ្សង់ទីន ក្នុងចំនួនច្រើនទៀតផង ដោយអាវលេខ ៧ នៅ LAFC របស់គេ កំពុងស្ថិតនៅលើផ្លូវ ក្នុងការលក់អស់រហូតដល់ជាង ១.៥ លានអាវសម្រាប់រយៈពេល ១ ខែដំបូងដូចគ្នានេះ។

គួរបញ្ជាក់ជាថ្មីថា Son ត្រូវបាន LAFC ចុះកិច្ចសន្យាយកបានពី Spurs នៅរដូវក្តៅនេះក្នុងតម្លៃ ៣៥ លានដុល្លារអាមេរិក អមជាមួយសុពលភាពកិច្ចសន្យាដល់ខែ ធ្នូ ឆ្នាំ ២០២៧៕

ប្រែសម្រួល៖ សេម កុសល
ប្រភព៖ Marca

The post មិនធម្មតា! Son បានបំបែកកំណត់ត្រាលក់អាវដាច់បំផុតរបស់ Messi នៅលីគ អាមេរិក appeared first on Kampuchea Thmey Daily.

នៅរដូវក្តៅនេះ Son បានធ្វើការសម្រេចចិត្តយ៉ាងភ្ញាក់ផ្អើល ដោយបានចាកចេញពី Tottenham Hotspur ដែលខ្លួនស្នាក់នៅអស់រយៈពេល ១០ ឆ្នាំ ទៅចូលរួមជាមួយក្លិប LAFC នៃលីគកំពូល អាមេរិក។ យ៉ាងណា នៅថ្ងៃទី ៧ ខែ សីហា ឆ្នាំ ២០២៥ ក្លិប LAFC បានប្រកាសជាផ្លូវការហើយអំពីការចុះកិច្ចសន្យាយកបាន Son ពី Spurs ក្នុងតម្លៃកំណត់ត្រាប្រចាំលីគ អាមេរិក ចំនួន ២៦ លានដុល្លារអាមេរិក អមជាមួយកិច្ចសន្យារយៈពេល ២ ឆ្នាំ ពោលដល់ឆ្នាំ ២០២៧។

ចំពោះការផ្ទេររបស់ Son ទៅកាន់លីគ MLS ត្រូវបានគេដឹងថា ខ្សែប្រយុទ្ធវ័យ ៣៣ ឆ្នាំរូបនេះ នឹងទទួលបានប្រាក់ឈ្នួលខ្ពស់ជាងគេលំដាប់ទី ២ បន្ទាប់ពី Messi ដែលបានផ្លាស់ទៅកាន់ក្លិប Inter Miami តាំងពីឆ្នាំ ២០២៣។ ទោះបីជាយ៉ាងណា រឿងប្រាក់ឈ្នួល មិនទាន់ត្រូវបានគេបង្ហាញជាសាធារណៈនៅឡើយទេ ប៉ុន្តែបើយោងតាមការចុះផ្សាយដោយសារព័ត៌មាន Mykhel បានឱ្យដឹងថា Son នឹងទទួលបានប្រាក់ឈ្នួលចន្លោះពី ១៥ ទៅ ២០ លានដុល្លារអាមេរិកក្នុងមួយឆ្នាំ។

គួរបញ្ជាក់ថា Leo Messi គឺទទួលបានប្រាក់ឈ្នួលចំនួន ២០.៤៥ លានដុល្លារអាមេរិកក្នុងមួយឆ្នាំពី Inter Miami។ ចំណែកកីឡាករ Lorenzo Insigne របស់ Toronto FC ដែលពីមុនឈរលេខ ២ នឹងធ្លាក់ទៅឈរលេខ ៣ វិញ ដោយក្នុងមួយឆ្នាំរូបគេទទួលបានប្រាក់ឈ្នួលចំនួន ១៥.៤០ លានដុល្លារអាមេរិក៕

ប្រែសម្រួល៖ សេម កុសល
ប្រភព៖ Mykhel

The post Son ផ្លាស់ទៅ​ក្លិប​នៅ​អាមេរិក​ ទទួលបានប្រាក់ឈ្នួលខ្ពស់ជាងគេទី ២ បន្ទាប់ពី Messi appeared first on Kampuchea Thmey Daily.

ការ​លើក​ឡើង​របស់ Son បន្ទាប់ពីកីឡាករ Manuel Akanji និង Rodri របស់ក្លិប Manchester City ក៏​ដូច​ជា​អ្នកចាំទី Allison របស់ Liverpool​បាន​ប្រតិកម្ម​ ចំពោះ​ការសម្រេចចិត្ត​ក្នុង​ការផ្លាស់ប្តូររូបមន្ដថ្មី។

កីឡាករ Son បាននិយាយថា៖«យើងមិនមែនជាមនុស្សយន្តទេ។ ខ្ញុំគិតថា យើងត្រូវតែ​ពិចារណា​ឡើងវិញ ហើយត្រូវតែកាត់បន្ថយការប្រកួតខ្លះ ហើយបង្កើនគុណភាពនៃការប្រកួត​ជាងមុន។ នេះជាអ្វីដែលគួរគិតឡើងវិញ។ វាពិតជាការមានប្រកួតច្រើន ការធ្វើដំណើរច្រើន ពី​ព្រោះ​យើងត្រូវការពេល​ថែ​រក្សា​ខ្លួន ពេលខ្លះ​​របួស​ ពេលខ្លះ​មាន​បញ្ហាផ្លូវចិត្ត ពេលអ្នកមិនទាន់ត្រៀមខ្លួនរួចរាល់ ​តើ​អ្នក​បង្ហាញ​ខ្លួន​នៅ​លើ​ទី​លាន​ដោយ​មាន​គុណភាព​បែប​ណា»។

ការលើកឡើងបែបនេះរបស់ កីឡាករ Son Heung-min ក្រោយកីឡាករជាច្រើនបាន​របួស។ ពួក​គេ​មិន​មាន​ពេល​សម្រាក​គ្រប់​គ្រាន់ ហើយ​​ត្រូវ​មាន​ភារកិច្ច​ជាមួយ​ជម្រើសជាតិ​ថែម​​ទៀត។

Son Heung-min បានបន្ថែមថា៖«ក្នុងនាមជាអ្នកគាំទ្របាល់ទាត់ អ្នកចង់ឃើញការប្រកួតដែលមានគុណភាព មិនមែនជាការប្រកួតច្រើន​នោះ​ទេ​ ហើយអ្នកក៏មិនចង់ឃើញមនុស្ស ឬកីឡាករជួបបញ្ហារបួសនោះទេ»៕

ប្រែសម្រួល៖ ផា រតនា

The post Son រិះគន់ការបង្កើនចំនួនការប្រកួតច្រើនហើយថាកីឡាករមិនមែនមនុស្សយន្ត appeared first on Kampuchea Thmey Daily.

អ្នកគាំទ្រកូរ៉េខាងត្បូងបានស្រែកហ៊ោ និងសើចចំអកក្រុមជម្រើសជាតិខ្លួន បន្ទាប់ពីលទ្ធផលបានត្រឹមស្មើជាមួយក្រុមជម្រើសជាតិប៉ាឡេស្ទីនកាលពីសប្តាហ៍មុន។ ប៉ុន្តែសប្ដាហ៍នេះ ពួក​គេ​បានយកឈ្នះក្រុមជម្រើសជាតិអូម៉ង់ក្នុង​លទ្ធផល ៣-១ ហើយឡើងទៅឈរ​លេខ២ ក្នុងពូលB ។

កីឡាករ Son Heung-min បាននិយាយថា ៖«កីឡាករខ្លះមានអារម្មណ៍ថាមានសម្ពាធក្នុងក្រុមជម្រើសជាតិ។ ជាក់ស្តែង យើងទាំងអស់គ្នាគួរតែមានទំនួលខុសត្រូវ ប៉ុន្តែខ្ញុំក៏បានប្រាប់កីឡាករថា ពួកយើងមិនត្រូវគេដាក់ទោស ដោយ​សារ​តែពួកយើង​លេងមិនបានល្អតែមួយប្រកួតទេ»។

កីឡាករ Son បានបន្ថែមថា៖‍«យើងមាន៨​ប្រកួត​ដែលត្រូវលេង ហើយនោះមានន័យថាយើង​នៅ​មានឱកាស៨បន្ថែមទៀតដើម្បីលេងឲ្យអស់ពីសមត្ថភាព។ ប្រសិនបើយើងអាចលេងដោយមានទំនុកចិត្តដូចដែលយើងបានធ្វើនៅថ្ងៃនេះ ខ្ញុំជឿថាយើងនឹងស្ថិតក្នុងទម្រង់ដ៏ល្អ»។

មួយរយៈចុងក្រោយនេះក្រុមជម្រើសជាតិកូរ៉េខាងត្បូងធ្វើមិនបានល្អទេ ជាពិសេសក្នុងឆ្នាំ២០២៤នេះ ពួកគេបានប្ដូរគ្រូបង្វឹកចំនួន៤​​នាក់។ គិតក្នុងវគ្គជម្រុះពានរង្វាន់ជម្រុះពានរង្វាន់ World Cup ជុំទី៣ ក្រុមជម្រើសជាតិកូរ៉េខាងត្បូងនៅសល់៨ប្រកួតក្នងដៃទៀត បើពួកគេធ្វើបានល្អនឹងបានឡើងជុំចុងក្រោយពានរង្វាន់ World Cup លើទី១១ជាប់គ្នា ក្នុងប្រវត្តិសាស្រ្ត​របស់​ខ្លួន៕

ប្រែសម្រួល៖ ផា រតនា

The post Son ជឿថា កូរ៉េខាងត្បូងនឹងឡើងជុំចុងក្រោយ World Cup លើទី១១ជាប់គ្នា appeared first on Kampuchea Thmey Daily.

កីឡាករ Son Heung-min បានដាស់តឿនអ្នកគាំទ្រកូរ៉េខាងត្បូងឲ្យឈប់កំណត់គោលដៅក្នុងការចង់បានគ្រូបង្វឹកថ្មីរបស់ពួកគេបន្ដទៀត ខណៈក្រុមជម្រើសជាតិកូរ៉េខាងត្បូង បានផ្លាស់ប្ដូរគ្រូបង្វឹក៤រូបហើយ ក្នុងរយៈពេលជិត១ឆ្នាំនេះ។
បន្ទាប់ពីលោក Jürgen Klinsmann សញ្ជាតិអាឡឺម៉ង់ បានចេញចាកពីតំណែង​កាលពីថ្ងៃទី១៦ ខែកុម្ភៈ ឆ្នាំ២០២៤ លោក Hong Myung-bo ជាគ្រូបង្វឹកទី៤ ចូលកាន់តំណែងក្នុងការដឹកនាំក្រុមមួយនេះ។

កីឡាករ Son Heung-min បាននិយាយថា ៖«ខ្ញុំមិនអាចនិយាយបានទេសម្រាប់អ្នកគាំទ្រទាំងនោះ។ ខ្ញុំគិតថា ពួកគេមានគ្រូបង្វឹកដែលពួកគេចង់បាន។ ប៉ុន្តែយើងមិនអាចផ្លាស់ប្តូរការសម្រេចចិត្តនេះបានទេ។ គ្រូបង្វឹកគឺបានមកដល់ទីនេះហើយ។ ក្នុងនាមជាប្រធានក្រុម​ ខ្ញុំសូម​ឲ្យអ្នកគាំទ្ររបស់យើងស្រឡាញ់ និងបន្ដគាំទ្រពួកគេ»។

ក្នុងការប្រកួតវគ្គជម្រុះជុំទី៣ ពានរង្វាន់ World Cup ក្នុងតំបន់អាសុី ក្រុមកូរ៉េខាងត្បូង ស្ថិតក្នុងពូល B ជាមួយក្រុមអុីរ៉ាក់, ហ្សកដានី, គុយវ៉ែត, ប៉ាឡេស្ទីន និង អូម៉ង់។ ក្នុងការប្រកួតទី១ ក្នុងវគ្គសន្សំពិន្ទុ លោក Hong Myung-bo បានធ្វើឲ្យអ្នកគាំទ្រកូរ៉េខាងត្បូង កាន់តែមិនពេញចិត្តរូបលោក ក្រោយបញ្ចប់ត្រឹមលទ្ធផលស្មើគ្នា ០-០ ជាមួយក្រុមប៉ាឡេស្ទីន។

ការវិលមកដឹកនាំក្រុមជម្រើសជាតិកូរ៉េខាងត្បូងជាថ្មីរបស់លោក Hong Myung-bo ស្ដិតក្នុងភាពដ៏តានតឹងគ្រូបង្វឹកនៅតែបន្ដអត់ធ្មត់ដឹកនាំក្រុមក្នុងការប្រកួតបន្ទាប់ ត្រូវជួបជាមួយក្រុមអូម៉ង់ នៅថ្ងៃទី១០ ខែកញ្ញា​នេះ៕

ប្រែសម្រួ​ល៖ ផា រតនា

The post Son សំណូមពរឲ្យអ្នកគាំទ្រកូរ៉េខាងត្បូងឈប់សើចចំអកគ្រូបង្វឹកថ្មី appeared first on Kampuchea Thmey Daily.

ខ្សែបយុទ្ធកូរ៉េខាងត្បូង Son Heung-min អាចចាត់ទុកជាកីឡាករឆ្នើមនៅក្លិប Tottenham Hotspur ប៉ុន្តែរូបគេគិតថាខ្លួនមិនទាន់ស័ក្តិសមជាវីរបុរសរបស់ក្លិបនៅឡើយ។ យ៉ាងណាមិញគិតថា ប្រសិនបើខ្លួនជួយក្រុម Spurs ឈ្នះពានរង្វាន់ នោះរូបគេនឹងត្រូវបានអ្នកគាំទ្រហៅ​វីរបុរសរបស់ក្លិប។

កីឡាករ Son Heung-min បាននិយាយថា ៖«ការ​លេងនៅ​ក្រុម​មួយ​រយៈ​ពេល១០ឆ្នាំ​គឺ​ជា​ការ​ខិត​ខំ​ដ៏​ល្អ​មួយ​។ ​ខ្ញុំ​គិត​ថា​អ្នក​ក៏​ត្រូវ​ផ្តល់​អ្វី​មួយ​ត្រឡប់​ទៅ​ក្លិប​វិញ​ដែរ ហើយ​អ្នក​ក៏​យល់ស្របនូវចំណុចនេះ។ ខ្ញុំនៅតែមិនទាន់គិតថា ខ្ញុំជាវីរបុរសរបស់ក្លិបនៅឡើយទេ។ ខ្ញុំចង់ឈ្នះអ្វីមួយជាមួយ Spurs។ បន្ទាប់មកខ្ញុំពិតជាសប្បាយចិត្តខ្លាំង​ដែលត្រូវបានគេហៅថាវីរបុរស។ ខ្ញុំបានចូលរួមជាមួយ Spurs ដើម្បីឈ្នះពានរង្វាន់ ហើយខ្ញុំសង្ឃឹមថាយើងអាចបង្កើតរដូវកាលពិសេសមួយ»។

កីឡាករវ័យ៣២ឆ្នាំ Son Heung-min បង្ហាញខ្លួនច្រើនជាង៥០០ឲ្យ Tottenham Hotspur ហើយកំពុងខិតជិតដល់ឆ្នាំទី១០នៅក្នុងក្របខណ្ឌ Premier League។ រូប​គេ​ជាដៃគូដ៏ល្អជាមួយខ្សែប្រយុទ្ធ Harry Kane មុនពេលប្រធានក្រុមអង់គ្លេសផ្ទេរទៅក្លិប Bayern Munich កាលពីរដូវក្តៅមុន។

ក្លិប Tottenham Hotspur មិនបានឈ្នះពានរង្វាន់អ្វីធំដុំទេ ក្រោយការឈ្នះពានរង្វាន់ League Cup តាំងពីឆ្នាំ២០០៨ ប៉ុន្តែ Son ជាក្ដីសង្ឃឹមថានឹងជួយពួកគេឲ្យឈ្នះពានរង្វាន់រដូវកាលនេះ។ កាលពីរដូវកាលមុន Son ស៊ុត​បាន​​១៧គ្រាប់នៅ Premier League ខណៈ Spurs បានបញ្ចប់ក្នុងចំណាត់ថ្នាក់លេខ៥៕

ប្រែសម្រួល៖ ផា រតនា​

The post Son ចង់ក្លាយជាវីរបុរសរបស់ក្លិប Hotspur appeared first on Kampuchea Thmey Daily.

កីឡាករ Yang Min-hyuk វ័យ១៨ឆ្នាំ ត្រូវបានគេរំពឹងថា នឹងបញ្ចប់ការផ្ទេរទៅកាន់ក្រុម Spurs នៅពេលបញ្ចាប់ការប្រកួតមិត្តភាពអន្ដរជាតិរវាងក្រុមតារា​ឆ្នើម​កូរ៉េ K League XI ជួបជាមួយក្រុម Tottenham Spurs នៅកីឡដ្ឋាន Seoul World Cup ក្នុងប្រទេសកូរ៉េខាងត្បូង ថ្ងៃទី៣១ ខែកក្កដា។

Min-hyuk ​ដែល​ជាយុវជនក្នុងក្រុមជម្រើសជាតិកូរ៉េខាងត្បូង បានស៊ុត​បាន៧គ្រាប់ក្នុងការ​បង្ហាញ​ខ្លួន​២៤លើក​ឲ្យ​ឈុត​ធំក្រុម Gangwon FC និង​បានក្លាយជាកីឡាករស៊ុតបញ្ចូលទីក្មេងបំផុតចាប់តាំងពីឆ្នាំ២០១៣ នៅ​លីគកំពូលកូរ៉េខាងត្បូង K League។

រូបគេត្រូវបានរំពឹងថា នឹងក្លាយជាកីឡាករបាល់ទាត់កូរ៉េខាងត្បូងទី៣ ដែលនឹងផ្លាស់ទៅ​ក្លិប​ Spurs បន្ទាប់ពីប្រធានក្រុម​កីឡាករ​ Son Heung-min និង Lee Young-pyo។

ប្រែសម្រួល៖ ផា រតនា

The post Spurs ជិត​​យក​បាន​កីឡាករកូរ៉េខាងត្បូង​វ័យ​ក្មេង Yang Min-hyuk appeared first on Kampuchea Thmey Daily.