ព្រឹត្តិការណ៍​ប្រកួត​កីឡា​បាល់បោះ​ពិការ​ជើង​ឯក​អាស៊ី Asian Para Throwball Championship លើក​ទី​២ បាន​រៀបចំ​ពី​ថ្ងៃទី​១ ដល់ ទី​៤ ខែ​មិថុនា ឆ្នាំ ២០២៦ នៅទី​ក្រុង​កូឡាឡាំពួរ ប្រទេស​ម៉ាឡេស៊ី ដែល​​មាន​ ៧ ប្រទេស​ចូល​រួម​ប្រកួត​។ នៅ​វគ្គ​ផ្តាច់​ព្រ័ត្រ ក្រុម​នារី​កម្ពុជា បានឈ្នះ​ម្ចាស់​ផ្ទះ​ ម៉ាឡេស៊ី ដោយ​លទ្ធផល ៣ សិត ​០ ដើម្បី​ឈ្នះ​មេដាយ​មាស។

ចំណែក​ក្រុម​បាល់បោះ​បុរស​ពិការ​កម្ពុជា ក៏​បាន​ឈ្នះ​មេដាយ​មាស បន្ទាប់​ពី​បាន​យក​ឈ្នះ ឥណ្ឌា ទាំង៣​សិត (២១-៣, ២១-២ និង ២១-២)។ នេះ​ជា​ការ​ឈ្នះ​មេដាយ​មាស ពីរ​លើក​ជាប់​គ្នា​របស់​ក្រុម​បាល់បោះ​ពិការ​កម្ពុជាទាំង​បុរស និង​នារី បន្ទាប់​ពី​ក្រុម​ទាំង​ពីរ​ធ្លាប់​បានឈ្នះ​មេដាយ​មាស លើក​ទី​១ កាល​ពី​ឆ្នាំ ២០២៥ ដែល​ពេល​នោះកម្ពុជា​បាន​ទទួល​ធ្វើ​ម្ចាស់​ផ្ទះ​រៀបចំ​ការ​ប្រកួត៕

អត្ថបទ៖ វិរបុត្រ

The post ក្រុម​បាល់បោះ​ពិការ​កម្ពុជាទាំង បុរស និង​នារី ឈ្នះ​មេដាយ​មាស​ពី​ការ​ប្រកួត​បាល់បោះ​ពិការ​ជើង​ឯក​អាស៊ី appeared first on Kampuchea Thmey Daily.

ការ​ប្រកួត​​កីឡា​បាល់​បោះ​ជន​ពិការ​ជើង​ឯក​អាស៊ី លើក​ទី១​នេះ​មាន​២​វិញ្ញាសា​គឺ​ មាន​​វិញ្ញាសា​បាល់បោះ​ជន​ពិការ​បុរស និង​វិញ្ញាសា​ជន​ពិការ​នារី។ សម្រាប់​វិញ្ញាសា​​បាល់បោះ​ជន​ពិការ​បុរស​មាន​៦​ប្រទេស​គឺ​ក្រុម​បុរស​ម្ចាស់​ផ្ទះ កម្ពុជា ម៉ាឡេស៊ី ស្រីលង្កា និង​ឥណ្ឌា ខណៈ​វិញ្ញាសា​បាល់បោះ​ជន​ពិការ​នារី មាន​ ក្រុម​នារី​ម្ចាស់​ផ្ទះ​កម្ពុជា ថៃ ឥណ្ឌា និង​នេប៉ាល់។ កម្ពុជា និង​ឥណ្ឌា​​បាន​ដាក់​​​កីឡាករ កីឡាការិនី​ជន​ពិការ​របស់​ខ្លួន​ចូល​រួម​ប្រកួត​ទាំង​ពីរ​វិញ្ញាសា។

នេះ​ជា​លើកទី១​ហើយ​ដែល​ទ្វីប​អាស៊ី​មាន​រៀបចំ​ការ​ប្រកួត​កីឡា​បាល់បោះ​ផ្នែក​ជន​ពិការ​កម្រិត​អាស៊ី​ទាំង​ពីរ​វិញ្ញាសា ហើយ​កម្ពុជា​ទទួល​ធ្វើ​ជា​ម្ចាស់​ផ្ទះ៕

អត្ថបទ៖ វីរបុត្រ

The post កម្ពុជាធ្វើ​ម្ចាស់​ផ្ទះ​ការ​ប្រកួត ​​កីឡាបាល់បោះជន​ពិការ​អាស៊ី​​ចុង​សប្តាហ៍នេះ appeared first on Kampuchea Thmey Daily.