ផលិតកម្ម ហ្គាឡាក់ស៊ី ណាវ៉ាត្រា ទទួលបានសិទ្ធិពីសម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ក្នុងការផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដែលជារឿងប្រវត្តិសាស្ត្រ និងឆ្លុះបញ្ចាំងពីជីវិតតស៊ូរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ក្នុងបុព្វហេតុជាតិមាតុភូមិ។

ពិធីនេះធ្វើឡើង កាលពីថ្ងៃទី២០ ខែមីនា ឆ្នាំ២០២៥ ក្រោមការអញ្ជើញជាកិត្តិយសរបស់អ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន ហ្គាឡាក់ស៊ីណាវ៉ាត្រា គ្រុប និងលោកស្រីភរិយា ព្រមទាំងថ្នាក់ដឹកនាំក្រុមហ៊ុន ទីប្រឹក្សាផលិតកម្ម ផលិតករ អ្នកនិពន្ធ តារាចម្រៀង សិល្បករសិល្បការិនី និងភ្ញៀវកិត្តិយសជាច្រើនរូប ដែលប្រាព្ធធ្វើឡើងនៅភោជនីយដ្ឋានទន្លេបាសាក់ រាជធានីភ្នំពេញ។

អ្នកឧកញ៉ា ឡេង ណាវ៉ាត្រា  សម្ដែងការដឹងគុណដ៏ខ្ពង់ខ្ពស់បំផុតដល់សម្តេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន ដែលមានទឹកចិត្តប្រកបដោយគុណធម៌ដ៏ជ្រាលជ្រៅផ្តល់ឱកាសឲ្យក្រុមហ៊ុន ហ្គាឡាក់ស៊ី ណាវ៉ាត្រា គ្រុប ទទួលសិទ្ធិផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដោយអ្នកឧកញ៉ាបង្ហាញនូវមោទកភាពដ៏ខ្ពង់ខ្ពស់យ៉ាងក្រៃលែងសម្រាប់ផលិតកម្ម ហ្គាឡាក់ស៊ី និងក្នុងនាមអ្នកឧកញ៉ាផ្ទាល់ ដែលបានទទួលនូវភារកិច្ច ដ៏មានតម្លៃជាប្រវត្តិសាស្រ្តក្នុងការផលិត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី”។

ទន្ទឹមគ្នានេះ អ្នកឧកញ៉ា អះអាងថា ពេលដែលទទួលការងារមួយនេះរូបលោកមានក្ដីរំភើបរីករាយ ព្រោះភារកិច្ចដ៏ធំធេងគឺមានតម្លៃមហាសាលក្នុងជីវិតអ្នកឧកញ៉ា ដែលរកអ្វីមកប្រៀបផ្ទឹមបានឡើយ ហើយអ្នកឧកញ៉ារួមជាមួយឯកឧត្តម ហ៊ឹម នភា តារាចម្រៀង ដែលទទួលបានការណែនាំផ្ទាល់ពីសម្តេចតេជោ គឺមានការប្តេជ្ញាចិត្តខ្ពស់ក្នុងការផលិតកម្រង Album កម្រងចម្រៀងរឿង “កូនប្រុសក្រោមពន្លឺព្រះចន្ទពេញបរមី” ដើម្បីផលិតជូនដោយក្តីគោរពបំផុតជូនសម្តេចតេជោ និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បន្សល់ទុកកម្រងចម្រៀងដល់អ្នកជំនាន់ក្រោយបានដឹងគ្រប់ព្រឹត្តិការណ៍ប្រវត្តិសាស្រ្តប្រទេសកម្ពុជា ដែលសាច់រឿង និងចម្រៀងនេះ គឺជាប្រវត្តិសាស្ត្រសម្រាប់ក្មេងជំនាន់ក្រោយរាប់ជំនាន់ អាចសិក្សារៀនសូត្រនិងស្វែងយល់បន្ថែមពីតថភាពនៃជីវិតពិតៗ របស់ សម្តេច ក្នុងបុព្វហេតុប្តូរសាច់ស្រស់ ឈាមស្រស់តស៊ូសង្រ្គោះជាតិមាតុភូមិ និងប្រជាជនកម្ពុជា ឱ្យរួចផុតពីរបបយង់ឃ្នងប្រល័យពូជសាសន៍ ប៉ុល ពត និងដើម្បីធ្វើឱ្យមានភាពងាយស្រួលសម្រាប់ការស្រាវជ្រាវ និងអាចរក្សាសិទ្ធិបានពេញលេញ។

អ្នកចម្រៀងពីររូប គឺអ្នកនាង ស៊ុន ស្រីពេជ្រ និងលោក ខេម គឺជាអ្នកចម្រៀងដែលសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ពេញចិត្ត និងផ្ដល់ឱកាសឱ្យច្រៀងក្នុងការផលិតមួយនេះ។

លោក ជា លីសែ ទីប្រឹក្សាផលិតកម្ម Galaxy Navatra បានលើកឡើងថា សម្រាប់ការងារ Media ដើម្បីធ្វើការផ្សព្វផ្សាយនូវបទចម្រៀង ក្រោយពីបានផលិតរួចរាល់ទាំងអស់ឱ្យបានទូលំទូលាយ សម្តេចតេជោ បានផ្តល់ជាអនុសាសន៍ដ៏ខ្ពង់ខ្ពស់ ដោយអនុញ្ញាតជូនផលិតកម្ម Galaxy Navatra ផលិត រក្សាទុកច្បាប់ដើមនៃចម្រៀងទាំងអស់ និងផ្សព្វផ្សាយតាមបណ្តាញសង្គមឱ្យបានទូលំទូលាយ ព្រមទាំងប្រគល់ជូនក្រុមការងារ Media របស់ សម្តេចតេជោ ដើម្បីផ្សព្វផ្សាយផងដែរ។

នៅក្នុងឱកាសនេះ ក៏មានរៀបចំធ្វើសន្និសីទសារព័ត៌មាន ស្តីពីពិធីទទួលសិទ្ធិពីសម្តេចតេជោ ហ៊ុន សែន និងសម្ដេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន បង្កើត album កម្រងចម្រៀងដកស្រង់ចេញពីសាច់រឿង “កូនប្រុសក្រោមពន្លឺព្រះចន្ទពេញបរមី” ដោយអ្នកឧកញ៉ា ឡេង ណាវ៉ាត្រា អគ្គនាយកក្រុមហ៊ុន Galaxy Navatra Group លោក ហ៊ឹម នភា ទីប្រឹក្សាផលិតកម្ម Galaxy Navatra និងតារាចម្រៀង ខេម ដើម្បីបញ្ជាក់ពីបន្ថែមពីគោលបំណង បេសកកម្ម ចក្ខុវិស័យក្នុងការផលិត Album ចម្រៀងរឿង “កូនប្រុសក្រោមពន្លឺព្រះចន្ទពេញបរមី” ផងដែរ៕

The post ផលិតកម្ម Galaxy Navatra បានសិទ្ធិផលិតចម្រៀងស្រង់ចេញពីរឿង “កូនប្រុសក្រោមពន្លឺព្រះចន្ទពេញបរមី” ជាខ្សែជីវិតពិតរបស់សម្ដេចតេជោ appeared first on Kampuchea Thmey Daily.

ក្នុងពិធីសម្ពោធ ក៏នឹងមានការបង្ហាញ របាយការណ៍សង្ខេបខ្លីរបស់ ឯកឧត្តម ហ៊ុយ វាសនា ប្រធានគណៈកម្មការផលិតភាពយន្ត ព្រមទាំងសន្ទរកថារបស់ លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។

គួររំលឹកថា ខ្សែភាពយន្តបែបប្រវត្តិសាស្ត្ររបស់កម្ពុជា រឿង “កូនប្រុសក្រោមពន្លឺព្រះចន្ទពេញបូណ៌មី” បានចាប់ផ្តើមធ្វើពិធីក្រុងពាលីថតជាផ្លូវការហើយ នៅ ថ្ងៃទី ១៣ ខែធ្នូ ឆ្នាំ ២០២១។ រឿង “កូនប្រុសក្រោមពន្លឺព្រះចន្ទពេញបូណ៌រមី” ត្រូវបានថតជាខ្សែភាពយន្តភាគ ដែលនឹងត្រូវលក់ទៅ ឱ្យស្ថានីយ៍ទូរទស្សន៍នានា ដើម្បីចាក់ផ្សាយជាសាធារណៈជូនប្រជាជនបានទស្សនា។

កន្លងមក រឿងនេះត្រូវបានតាក់តែងនិពន្ធជាល្ខោននិយាយ និងចាក់ផ្សាយនៅតាមប្រព័ន្ធផ្សព្វផ្សាយនានានៅកម្ពុជា ដោយទទួលបានប្រជាប្រិយភាពជាខ្លាំង។ រឿង “កូនប្រុសក្រោមពន្លឺព្រះចន្ទពេញបូណ៌មី” ជា រឿងនិទានបែបប្រវត្តិសាស្ត្រ ដែលនិយាយពីដំណើរជីវិតតស៊ូរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយមានបញ្ចូលនូវព្រឹត្តិការណ៍សំខាន់ៗជាច្រើន ក្នុងការស្វែងរកសន្តិភាពជូនប្រជាពលរដ្ឋកម្ពុជា។

ដោយសារដំណើររឿង នៃខ្សែភាពយន្តនេះមានលក្ខណៈប្រវត្តិសាស្ត្រ កម្រិតថ្នាក់ជាតិ ជាប្រវត្តិ នៃខ្សែជីវិតជាក់ស្តែងរបស់សម្តេចតេជោផងនោះ ទើបសម្តេចតេជោ បានសម្រេចឱ្យបង្កើត គណៈកម្មការផលិតខ្សែភាពយន្ត នេះឡើងកាលពី ថ្ងៃទី ០៥ ខែមករា ឆ្នាំ ២០២១។ សមាសភាព គណៈកម្មការទាំង ១៤ រូប សុទ្ធតែជាអ្នកមានជំនាញពិតប្រាកដក្នុងការផលិតខ្សែភាពយន្ត ដែលទទួលបាននូវជំនឿទុកចិត្តពីសម្តេចតេជោ ជាម្ចាស់ដើមនៃប្រវត្តិសាច់រឿង។ គណៈកម្មការ នេះ ដើមឡើយដឹកនាំដោយ លោក ម៉ៅ អាយុទ្ធ រដ្ឋលេខាធិការក្រសួងព័ត៌មាន ដែលមានស្នាដៃក្នុងការផលិតខ្សែភាពយន្តជាច្រើន។ ប៉ុន្តែ លោក បានទទួលមរណភាព ដោយសារ ជំងឺកូវីដ១៩ កាលពីថ្ងៃទី ១៥ ខែមេសា ឆ្នាំ ២០២១។ នៅ ថ្ងៃទី ១៧ ខែវិច្ឆិកា ឆ្នាំ ២០២១ សម្តេចតេជោ នាយករដ្ឋមន្ត្រី ហ៊ុន សែន បានសម្រចកែសម្រួល សមាសភាពគណៈកម្មការ និងអនុគណៈកម្មការ ផលិតភាពយន្តភាគនេះ ដោយមាន លោក ហ៊ីម សុទិត្យ រដ្ឋលេខាធិការក្រសួងព័ត៌មាន ជាប្រធាន លោក ហ៊ុយ វាសនា អ្នកនិពន្ធ និង ដឹកនាំរឿង ជាអនុប្រធាន និង មានទីប្រឹក្សាសមាជិក ចំនួន ១៣ នាក់ផ្សេងទៀត៕

The post ដឹងហើយ កាលបរិច្ឆេទសម្ពោធភាពយន្តប្រវត្តិសាស្ត្រ “កូនប្រុសក្រោមពន្លឺព្រះចន្ទពេញបូណ៌មី” appeared first on Kampuchea Thmey Daily.

លោក ប៉ាន់ ខែមម៉ានូ មានស្រុកកំណើតនៅសង្កាត់រកាក្នុង ក្រុងដូនកែវ ខេត្តតាកែវ ដែលមានឪពុកឈ្មោះ ប៉ាន់ សេរីវុឌ្ឍ ជាអតីតមន្ត្រីនៃមន្ទីរវប្បម៌ និងវិចិត្រសិល្បៈខេត្តតាកែវ និងម្ដាយឈ្មោះ ឡុង សុផា។ លោក ប៉ាន់ ខែមម៉ានូ ត្រូវបានគេស្គាល់ថា ជាប្អូនប្រុសបង្កើតរបស់លោក ប៉ាន់ ខែមប៊ុនថន ដែលមានតួនាទីជានាយករងខុទ្ទកាល័យសម្ដេចតេជោ នាយករដ្ឋមន្ត្រី។

កើតក្នុងគ្រួសារអ្នកសិល្បៈបុរាណ ហើយមានឧបនិស្ស័យខាងសិល្បៈផង លោក ប៉ាន់ ខែមម៉ានូ ត្រូវបានលោកឪពុកបង្ហាត់បង្រៀនលោកសម្តែងល្ខោនយីកេ និងល្ខោនបាសាក់ តាំងពីនៅកុមារភាពមកម្ល៉េះ។ ក្នុងឆ្នាំ២០០៧ លោកបានសម្តែងជាតួឯកក្នុងល្ខោនយីកេរឿងសុវណ្ណសាម នៅទូរទស្សន៍ជាតិកម្ពុជា និងក្នុងឆ្នាំ២០១០ លោកបានចូលប្រឡងចម្រៀងផ្នែកយីកេ នៅស្ថានីយទូរទស្សន៍បាយ័ន ដោយទទួលបានជ័យលាភីកិត្តិយស។

មែនទែនទៅ លោក ប៉ាន់ ខែមម៉ានូ បានវិវត្តន៍ខ្លួនមិនធម្មតានោះទេនៅក្នុងវិស័យសិល្បៈ ថ្វីត្បិតតែលោកនៅមានបទពិសោធន៍ខ្ចី ហើយវ័យនៅក្មេងក៏ដោយក្ដី។ ជាក់ស្ដែង ក្រៅពីជំនាញល្ខោនបាសាក់ និងល្ខោនយីកេ លោក ប៉ាន់ ខែមម៉ានូ ក៏មានសំឡេងយ៉ាងពិរោះស្រទន់មានមន្តស្នេហ៍ ដែលអាចបកស្រាយបទចម្រៀងសឹងតែគ្រប់ទម្រង់ ជាអាទិ៍ បទមហោរី បទប្រពៃណី ស្មូត និងចម្រៀងសម័យមរតកដើម។

តាមរយៈបទពិសោធន៍ការងារលើវិស័យសិល្បៈ និងផ្អែកលើសមត្ថភាពដែលលោកមានកន្លងទៅ ទើបធ្វើ​ឲ្យ​លោក​ ប៉ាន់ ខែមម៉ានូ ទទួល​បាន​ឱកាស​សម្ដែង​ជា​តួអង្គ​សម្ដេចតេជោ ហ៊ុន សែន នៅក្នុង​ខ្សែ​ភាពយន្ត «កូនប្រុសក្រោមពន្លឺព្រះចន្ទពេញបូណ៌មី» និងភាពយន្តចម្រៀង «ទុក្ខស្រីប្ដីព្រាត់» ខណៈលក្ខណៈសម្បត្តិ និងរូបរាងរបស់លោកស្រដៀងទៅនឹងសម្ដេចតេជោ ហ៊ុន សែន ។ សម្ដេចតេជោ នាយករដ្ឋមន្ត្រី ធ្លាប់បានសរសើរលោក ប៉ាន់ ខែមម៉ានូ ថា កាន់តែមានបុគ្គលិកលក្ខណៈសម្បត្តិដូចសម្ដេចទៅៗទាំងរបៀបធ្វើដំណើរ កាយវិការ ការនិយាយសម្ដី និងឥរិយាបទ កាលដែលសម្ដេចនៅជាយុវជន។

ក្រឡេកមកមើលកម្រិតវប្បធម៌ លោក ប៉ាន់ ខែមម៉ានូ បានបញ្ចប់ការសិក្សាសញ្ញាបត្របរិញ្ញាបត្រជាន់ខ្ពស់ផ្នែកគ្រប់គ្រងពាណិជ្ជកម្ម នៅសាកលវិទ្យាល័យឯកទេសនៃកម្ពុជា និងសញ្ញាបត្រកម្រិតបរិញ្ញាបត្រចំនួនពីរ គឺបរិញ្ញាបត្រផ្នែកព័ត៌មានវិទ្យា នៅសាកលវិទ្យាល័យអាស៊ីអឺរ៉ុប និងបរិញ្ញាបត្រផ្នែកអក្សរសាស្ត្រខ្មែរ នៅសាកលវិទ្យាល័យអង្គរខេមរា។ សព្វថ្ងៃនេះលោក ប៉ាន់ ខែមម៉ានូ កំពុងបម្រើការងារជាមន្ត្រីការិយាល័យសិល្បៈបុរាណនៅអគ្គនាយកដ្ឋានវិទ្យុជាតិកម្ពុជា នៃក្រសួងព័ត៌មាន៕

ដោយ៖ ធឿន វ៉ាន់សុង  

The post តើលោក ប៉ាន់ ខែម​ម៉ានូ មានលក្ខណៈពិសេសអ្វី ទើបត្រូវបានជ្រើសឲ្យសម្ដែងជាតួ​សម្ដេចតេជោ ហ៊ុន សែន? appeared first on Kampuchea Thmey Daily.

ក្រុមការងារគ្រប់គ្រងការផលិត បានចុះសិក្សាពិនិត្យជ្រើសរើសទីតាំងសម្រាប់ថតចំនួន ១០២ ទីតាំង ដែលស្ថិតនៅ ក្នុងខេត្តកំពង់ធំ កំពង់ចាម ត្បូងឃ្មុំ កំពង់ស្ពឺ និងរាជធានីភ្នំពេញ ដើម្បីរៀបចំតុបតែងបន្ថែមជាទីតាំងថត ឱ្យស្របនឹង បរិយាកាស ស្ថានភាពភូមិសាស្រ្ត និងជីវភាពរស់នៅ នាសម័យកាលនោះ។

យោងតាមអនុសាសន៍សែនាំរបស់ សម្តេចតេជោ ហ៊ុន សែន នាយករដ្ឋមន្រ្តី គណៈកម្មការបានរៀបចំ សាងសង់បន្ទាយកោះថ្ម បន្ទាយទ័ពលន់នល់នៅ ទន្លេបិទ និងភូមិប្រជាជន នៅ មជ្ឈមណ្ឌលហ្វឹកហ្វឺន បញ្ជាការដ្ឋានអង្គរក្ស (ភ្នំស្រង់) ដែលសំណង់ទាំងនោះ មិនត្រឹមតែជាការសាងសង់សម្រាប់ថតប៉ុណ្ណោះទេ តែជាសំណង់ដែលមានលក្ខណៈរឹងមាំ ដើម្បីទុកជាទីតាំងប្រវត្តិសាស្រ្ត ក្នុងការសិក្សា ស្រាវជ្រាវរបស់សិក្ខាកាម បញ្ជាការដ្ឋានអង្គរក្ស និងកងយោធពលខេមរភូមិន្ទ នៅ ពេលអនាគត។

សម្តេចតេជោបានមានប្រសាសន៍ឱ្យដឹងថា កន្លងមកមានថ្នាក់ដឹកនាំក្រុមហ៊ុនផលិតកុន ហូលីវូដ បានមកស្នើសុំសម្តេចដើម្បផលិតភាពយន្តភាគ រឿង “កូនប្រុសក្រោមពន្លឺព្រះចន្ទពេញបូណ៌មី” នេះម្តងរួចមកហើយ តែសម្តេចមិនអនុញ្ញាតឱ្យផលិតនោះទេ ដោយសាតែវាអាចប៉ះពាល់ដល់ប្រវត្តិសាស្រ្តរបស់ប្រទេស និងប្រជាជនកម្ពុជា ពិសេសទាក់ទិនទៅ នឹងខ្សែជីវិតពិតរបស់សម្តេច និងសម្តេចកិត្តិព្រឹទ្ធបណ្ឌិត។

គួរបញ្ជាក់ថា ខ្សែភាពយន្តភាគខ្នាតធំ រឿង “កូនប្រុសក្រោមពន្លឺព្រះចន្ទពេញបូណ៌មី” ដែលជាភាពយន្តប្រវត្តិសាស្រ្ត ឆ្លុះបញ្ចាំងពីជីវិតពិតៗ របស់សម្តេចតេជោ និងសម្តេចកិត្តិព្រឹទ្ធបណ្ឌិត ក្នុងការតស៊ូសង្រ្គោះជាតិមាតុភូមិ និងប្រជាជនកម្ពុជា ឱ្យរួចផុតពីរបបយង់ឃ្នងប្រល័យពូជសាសន៍ ប៉ុល ពត។

ក្រោយទទួលបានការអនុញ្ញាតដ៏ខ្ពងខ្ពស់ពី សម្តេចតេជោនាយករដ្ឋមន្រ្តី គណៈកម្មការបានជ្រើសរើសអ្នកនិពន្ធចំនួន ៥ រូប ដើម្បីរៀបចំកែសម្រួលខ្លឹមសារអត្ថបទនិពន្ធ ល្ខោនវិទ្យុ ទៅ ជាអត្ថបទនិពន្ធភាពយន្ត សរុបមាន ៤៤ ភាគ ស្មើនឹង ៦៥៣ ឆាក ប្រើពេលផលិតរយៈពេល ១២ ខែកន្លះយ៉ាងតិច ហើយការកាត់តដំឡើងរូបភាព និងត្រូវបញ្ចប់មុនពាក់កណ្តាលឆ្នាំ ២០២៣៕

អត្ថបទ៖ ច័ន្ទ វីរៈ

The post មកដឹងចំនួនតួសម្ដែង និងទីតាំងសំខាន់ៗ ក្នុងភាពយន្តភាគ រឿង “កូនប្រុសក្រោមពន្លឺព្រះចន្ទពេញបូណ៌មី” appeared first on Kampuchea Thmey Daily.

តាមសេចក្ដីសម្រេច គណៈកម្មការមានភារកិច្ចផលិតភាពយន្ត “កូនប្រុសក្រោមពន្លឺព្រះច័ន្ទ​ពេញបូណ៌មី” ឱ្យបានល្អត្រឹមត្រូវតាមសាច់រឿងជាក់ស្ដែង ស្របតាមកាលៈទេសៈ និងដំណាក់កាលនីមួយៗ ប្រកបដោយគុណភាព។

រឿងកូនប្រុសក្រោមពន្លឺព្រះច័ន្ទពេញបូណ៌មី ជារឿងនិទានបែបប្រវត្តិសាស្រ្ត ដែលនិយាយពីដំណើរជីវិតតស៊ូរបស់ សម្ដេចតេជោ ហ៊ុន សែន ដោយបញ្ចូលនូវព្រឹត្តិការណ៍សំខាន់ៗជាច្រើន ក្នុងការស្វែងរកសន្ដិភាពជូនប្រជាពលរដ្ឋកម្ពុជា៕

The post សម្ដេចតេជោ ហ៊ុន សែន សម្រេច​កែសម្រួល សមាសភាពគណៈកម្មការផលិតភាពយន្តរឿង “កូនប្រុសក្រោមពន្លឺព្រះច័ន្ទពេញបូណ៌មី” appeared first on Kampuchea Thmey Daily.