កំពង់ដរ Archives - Kampuchea Thmey Daily

តាមផ្លូវជាតិលេខ ១ ភូមិសាស្រ្តខេត្តកណ្តាល មានកំពង់ចម្លង ៧ កន្លែងកំពុងវិនិយោគធ្វើអាជីវកម្ម

Dy Bunnara — Tue, 23 May 2023 04:14:02 +0000

ក្នុងភូមិសាស្រ្តខេត្តកណ្តាលតាមកំណាត់ផ្លូវជាតិលេខ ១ មានកំពង់ចម្លងចំនួន ៧ កន្លែង កំពុងវិនិយោគធ្វើអាជីវកម្មសម្រាប់ចម្លងអ្នកដំណើរ។

ដោយសារភូមិសាស្រ្តខេត្តកណ្តាល តំបន់ខ្លះខណ្ឌចែកដោយទន្លេមានទន្លេមេគង្គ ទន្លេសាប ទន្លេបាសាក់ ធ្វើឲ្យពលរដ្ឋនៅតាមតំបន់មួយចំនួនត្រូវការប្រើប្រាស់កំពង់ចម្លងឆ្លងធ្វើដំណើរទៅវិញទៅមក។

បើតាមឯកសាររបស់មន្ទីរសេដ្ឋកិច្ចនិងហិរញ្ញវត្ថុខេត្តកណ្តាល ក្នុងភូមិសាស្រ្តខេត្តកណ្តាលនៅលើកំណាត់ផ្លូវជាតិលេខ ១ ចាប់ពីព្រំប្រទល់រាជធានីភ្នំពេញដល់ស្ពានអ្នកលឿងមានកំពង់ចម្លងចំនួន ៧ កន្លែងដែលកំពុងវិនិយោគអាជីវកម្មក្នុងនោះមាន៖

១) កំពង់ចម្លងតាព្រហ្ម-ព្រែកដូនកឹម
២) កំពង់ចម្លងកោះរះ-កោះប្រាក់
៣) កំពង់ចម្លងក្តាបន្ទះ-ផ្លូវត្រី ទ្រុងមាន់-ទឹកខ្លាំង
៤) កំពង់ចម្លងបន្ទាយដែក-បឹងគ្រុំ
៥) កំពង់ចម្លងសក្តិពីរ-ល្វារស
៦) កំពង់ចម្លងព្រែកត្រែង-ជ្រោយជ្រែ
៧) កំពង់ចម្លងកោះតេជោ-គគីរធំ

បើតាមរបាយការណ៍របស់មន្ទីរសាធារណការនិងដឹកជញ្ជូនខេត្តកណ្តាល បច្ចុប្បន្ននៅក្នុងខេត្តកណ្តាលមានកំពង់ចម្លងចំនួន ៨១ កន្លែង កំពុងធ្វើអាជីវកម្ម។

គួរបញ្ជាក់ថា ថ្មីៗនេះក្រសួងសាធារណការនិងដឹកជញ្ជូន កំពុងជំរុញរៀបចំច្បាប់ស្តីពីការដឹកជញ្ជូនតាមផ្លូវទឹកនិងកំពង់ផែឲ្យបានឆាប់ ដើម្បីគ្រប់គ្រងការធ្វើដំណើរតាមផ្លូវទឹកឲ្យមានសុវត្ថិភាព។

នៅក្នុងសន្និសីទវឌ្ឍនភាពរបស់ក្រសួងសាធារណការ លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានបញ្ជាក់ថា ក្រោយឧបទ្ទវហេតុលិចទូកដចម្លងនៅភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល ជំរុញឲ្យក្រសួងត្រូវតែពន្លឿនបង្កើតច្បាប់ដឹកជញ្ជូនតាមផ្លូវទឹក និងច្បាប់កំពង់ផែឲ្យបានឆាប់បំផុត។ នៅពេលច្បាប់ដឹកជញ្ជូនតាមផ្លូវទឹក និងច្បាប់កំពង់ផែដាក់ឲ្យអនុវត្តស្របតាមស្ដង់ដារបច្ចេកទេស នឹងទប់ស្កាត់មិនឲ្យមានហេតុការណ៍អាក្រក់កើតឡើងជាថ្មី៕

The post តាមផ្លូវជាតិលេខ ១ ភូមិសាស្រ្តខេត្តកណ្តាល មានកំពង់ចម្លង ៧ កន្លែងកំពុងវិនិយោគធ្វើអាជីវកម្ម appeared first on Kampuchea Thmey Daily.

ពលរដ្ឋតាមបណ្ដាស្រុកចំនួន ៤ ក្នុងខេត្តស្ទឹងត្រែងធ្វើដំណើរឆ្លងកាត់ទន្លេនៅពឹងផ្អែកលើទូកដនៅឡើយ

deth leng — Tue, 21 Feb 2023 08:28:38 +0000

ប្រជាពលរដ្ឋរស់នៅតាមដងទន្លេមេគង្គ ទន្លេសេកុង ទោះជាមានស្ពានធំៗ ឆ្លងកាត់ទន្លេក៏ដោយ តែនៅក្នុងស្រុកចំនួន ៤ នៅតែពឹងផ្អែកលើទូកដសម្រាប់ធ្វើដំណើរឆ្លងកាត់ទន្លេនៅឡើយ។

លោក ស គឹមណាត ប្រធានមន្ទីរសាធារណការ និងដឹកជញ្ជូនខេត្តបានឲ្យដឹងថា កំពង់ដនៅក្នុងខេត្តស្ទឹងត្រែងមានចំនួន ៧ កន្លែង ក្នុងស្រុកចំនួន ៤ មានស្រុកសៀមបូក១មួយកន្លែង ស្រុកសៀមប៉ាង២កន្លែង ស្រុកសេសាន៣កន្លែង និងស្រុកថាឡាបរិវ៉ាត់ ១កន្លែង។ ក្នុងនោះមានកំពុងដ៏ចំនួន ៥ កន្លែងដែលទទួលបានការវិនិយោគធ្វើអាជីវកម្ម។

ប្រធានមន្ទីរសាធារណការខេត្តស្ទឹងត្រែងបញ្ជាក់ថា កំពង់ដទាំង ៧ កន្លែង ដែលកំពុងដំណើរការធ្វើអាជីវកម្មនៅ ខេត្តស្ទឹងត្រែងមានឈ្មោះដូចជា៖

កំពង់ចម្លងស្រុកសៀមបូក (ស្រែក្រសាំង-កោះព្រះ), កំពង់ចម្លងស្រុកសេសាន(ស្ដៅ-សាមគ្គី), ស្ដៅ-សាមឃួយ កំពង់ចម្លងតាឡាត កំពង់ចម្លងស្រុកថាឡាបរិវ៉ាត់ និងកំពង់ចម្លងស្រុកសៀមប៉ាង។

ទាក់ទងទៅនឹងទូកដលោកប្រធានមន្ទីរបានបញ្ជាក់ថា អ្នកធ្វើអាជីវកម្មទាំងអ្នកដេញថ្លៃបាន និងអ្នកវិនិយោគទៅលើកំពង់ចម្លងទាំង៧កន្លែង ត្រូវតែអនុវត្តទៅតាមសៀវភៅបន្ទុក ទាំងយកថ្លៃភាស៊ីឲ្យបានត្រឹមត្រូវទៅតាមសៀវភៅបន្ទុក។

លោកបន្តថា ពិសេសជាងនេះទៅទៀតនោះគឺអាជីវកម្មទូកដ៏ចម្លងត្រូវគិតពីសុវត្ថិភាពនៅពេលដឹកអ្នកដំណើរឆ្លងទៅឆ្លងមកត្រូវមានអាវពោងសុវត្ថិភាពឲ្យបានគ្រប់គ្រាន់ ដើម្បីការពារដល់ការធ្វើដំណើររបស់ប្រជាពលរដ្ឋកុំឱ្យមានគ្រោះថ្នាក់ដោយយថាហេតុណាមួយកើតឡើង។

ព្រោះកន្លងមកសមត្ថកិច្ចជំនាញបានចុះទៅត្រួតពិនិត្យបច្ចេកទេសធ្វើការណែនាំក្រើនរំលឹកដល់ម្ចាស់អាជីវកម្មទូកដរមួយឆ្នាំរហូតទៅបីដងឯណ្ណោះ៕

អត្ថបទ៖ ងិនលីម

The post ពលរដ្ឋតាមបណ្ដាស្រុកចំនួន ៤ ក្នុងខេត្តស្ទឹងត្រែងធ្វើដំណើរឆ្លងកាត់ទន្លេនៅពឹងផ្អែកលើទូកដនៅឡើយ appeared first on Kampuchea Thmey Daily.

មកស្គាល់កំពង់ដរចម្លង ១១ កន្លែង នៅទូទាំងខេត្តកំពង់ចាម

Dy Bunnara — Mon, 20 Feb 2023 03:47:57 +0000

ខេត្តកំពង់ចាមដែលមានស្ពានឆ្លងកាត់ទន្លេធំៗចំនួនពីរ តែពលរដ្ឋនៅតាមតំបន់មួយចំនួននៅតែពឹងអាស្រ័យលើការប្រើប្រាស់ទូកដរចម្លងសម្រាប់ធ្វើដំណើរទៅមក។

បើតាមប្រធានមន្ទីរសាធារណការខេត្តកំពង់ចាមបានបញ្ជាក់ថា កំពង់ដរក្នុងខេត្តកំពង់ចាមបច្ចុប្បន្នមាន ១១ កន្លែង។ កំពង់ដរទាំង ១១ កន្លែង ដែលទទួលបានការវិនិយោគធ្វើអាជីវកម្ម ភាគច្រើនមានទីតាំងនៅតាមបណ្តាស្រុកជាប់ដងទន្លេដូចជាស្រុកកងមាស ស្រីសន្ធរ កំពង់សៀម និងកោះសូទិន។

កំពង់ដរទាំង ១១ កន្លែងដែលកំពុងធ្វើអាជីវកម្មនៅខេត្តកំពង់ចាមមានឈ្មោះដូចជា៖

ស្រុកកងមាស

-ស្វាយស្រណោះ-ព្រែកពោធិ៍
-ព្រែកលីវ-អូរលាវ
-ថ្លុកជ្រៅ-ស្វាយខ្សាច់ភ្នំ
-អង្គរបាន- ឫស្រីស្រុក
-ពាមជីកង-កោះអណ្តែត
-ភូមិថ្មី-ខ្ញូង

ស្រុកកោះសូទិន

-ជីហែ-កោះសូទិន

ស្រុកកំពង់សៀម

-ក្រូចលើច-កោះពីរ
-មាន់ហើរ-កំពង់ទ្រាស
-តោពីរ-កោះសំរោង
-កំពង់ក្របី-កំពង់ស្ពឺ

ក្នុងសន្និសីទជោគជ័យរយៈពេល ៥ ឆ្នាំ លោក អ៊ុន ចាន់ដា អភិបាលនៃគណៈអភិបាលខេត្តកំពង់ចាមបានបញ្ជាក់ថា ក្រោយលិចទូកចម្លងនៅខេត្តកណ្តាល អាជ្ញាធរខេត្តបានបង្កើនការចុះត្រួតពិនិត្យបច្ចេកទេសនៅតាមទីតាំងអាជីវកម្មកំពង់ចម្លងទូទាំងខេត្ត ដោយណែនាំត្រូវអនុវត្តតាមគោលការណ៍សុវត្ថិភាពឲ្យបានត្រឹមត្រូវ។

លោកបន្តថា ជាវិធានការបង្ការទុកមុន លោកក្រើនរំលឹកដល់ម្ចាស់អាជីវកម្មទូកដរចម្លង ត្រូវយកចិត្តទុក់បំផុតលើសុវត្ថិភាព ជាពិសេសត្រូវមានអាវពោងសុវត្ថិភាពឲ្យបានគ្រប់គ្រាន់ដើម្បីការពារដល់អ្នកដំណើរក្នុងពេលមានឧបទ្ទវហេតុកើតឡើង៕

The post មកស្គាល់កំពង់ដរចម្លង ១១ កន្លែង នៅទូទាំងខេត្តកំពង់ចាម appeared first on Kampuchea Thmey Daily.

កំពង់ដរ Archives - Kampuchea Thmey Daily

តាម​ផ្លូវ​ជាតិ​លេខ ១ ​ភូមិសាស្រ្ត​ខេត្ត​កណ្តាល មាន​កំពង់​ចម្លង​ ៧ កន្លែង​កំពុង​វិនិយោគ​ធ្វើ​អាជីវកម្ម

ពលរដ្ឋតាមបណ្ដាស្រុកចំនួន ៤​ ក្នុងខេត្តស្ទឹងត្រែង​ធ្វើដំណើរឆ្លងកាត់ទន្លេ​នៅពឹងផ្អែក​លើទូកដ​នៅឡើយ

មក​ស្គាល់​កំពង់​ដ​រចម្លង​ ១១ កន្លែង នៅ​ទូទាំង​ខេត្ត​កំពង់ចាម

តាមផ្លូវជាតិលេខ ១ ភូមិសាស្រ្តខេត្តកណ្តាល មានកំពង់ចម្លង ៧ កន្លែងកំពុងវិនិយោគធ្វើអាជីវកម្ម

ពលរដ្ឋតាមបណ្ដាស្រុកចំនួន ៤ ក្នុងខេត្តស្ទឹងត្រែងធ្វើដំណើរឆ្លងកាត់ទន្លេនៅពឹងផ្អែកលើទូកដនៅឡើយ

មកស្គាល់កំពង់ដរចម្លង ១១ កន្លែង នៅទូទាំងខេត្តកំពង់ចាម