លោកស្រី បានលើកឡើងដូច្នេះ ក្នុងឱកាសអញ្ជើញជាអធិបតីក្នុងពិធីអបអរសាទរខួបទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ «ភាពជាអ្នកដឹកនាំរបស់ស្ត្រី និងការអភិវឌ្ឍនៅកម្ពុជា» នៅទីស្នាក់ការធនាគារពិភពលោកប្រចាំកម្ពុជា កាលពីថ្ងៃទី១១ ខែមីនា ឆ្នាំ២០២៦។ ពិធីនេះ មានការចូលរួមពីលោកស្រី Tania Meyer ប្រធានធនាគារពិភពលោកប្រចាំកម្ពុជា និងលោកស្រី Towfiqua S. Hoque អ្នកតំណាងសាជីវកម្មហិរញ្ញវត្ថុអន្តរជាតិ។

លោកស្រីបានគូសបញ្ជាក់ថា នៅពីក្រោយកិច្ចអភិវឌ្ឍនៅកម្ពុជា តែងតែមានស្ត្រីចូលរួមយ៉ាងសកម្ម និងជំរុញពីខាងក្រោយ ដែលនេះបានបង្ហាញតាមរយៈការចូលរួមក្នុងការកសាងសហគមន៍ឡើងវិញ ក្រោយមានជម្លោះជាដើម។ លោកស្រី បានសង្កត់ធ្ងន់ថា នៅពេលស្ត្រីទទួលបានឱកាសស្មើភាពក្នុងការអប់រំ ការងារ និងការចូលរួមក្នុងការធ្វើសេចក្តីសម្រេចចិត្ត នោះសេដ្ឋកិច្ចនឹងរីកចម្រើនលឿន សហគមន៍កាន់តែមានភាពរឹងមាំ និងជំនាន់ក្រោយទទួលបានអត្ថប្រយោជន៍យ៉ាងទូលំទូលាយផងដែរ។

ជាមួយគ្នានេះ រដ្ឋមន្ត្រីមន្ត្រីក្រសួងកិច្ចការនារី បានអំពាវនាវដល់ស្ថាប័នពាក់ព័ន្ធ ដៃគូអភិវឌ្ឍន៍ និងវិស័យឯកជន ឱ្យបន្តពង្រឹងកិច្ចសហប្រតិបត្តិការ និងគាំទ្រគោលនយោបាយ ក៏ដូចជាកម្មវិធីនានា ដែលលើកកម្ពស់សមភាពយេនឌ័រ និងបង្កើនឱកាសសម្រាប់ស្ត្រី និងក្មេងស្រី ក្នុងការអភិវឌ្ឍសមត្ថភាព និងការចូលរួមជាអ្នកដឹកនាំនៅគ្រប់វិស័យ ដើម្បីរួមចំណែកកសាងសង្គមកម្ពុជាមួយដែលមានភាពរឹងមាំ បរិយាបន្ន និងចីរភាព។

ឆ្លៀតក្នុងឱកាសនេះ លោកស្រី អ៊ឹង កន្ថាផាវី ក៏បានអញ្ជើញចូលរួមឆ្លើយសំណួរ និងផ្លាស់ប្ដូរបទពិសោធលើប្រធានបទទាក់ទងនឹងសមភាពយេនឌ័រ និងភាពជាអ្នកដឹកនាំស្ត្រី ជាមួយអង្គពិធីទាំងមូលផងដែរ៕

The post រដ្ឋមន្ត្រីក្រសួងកិច្ចការនារី៖ ការវិនិយោគលើស្ត្រី និងក្មេងស្រី គឺជាការវិនិយោគលើអនាគតរបស់ប្រទេសជាតិ appeared first on Kampuchea Thmey Daily.

លោក​ស្រី Ravina Shamdasani អ្នក​នាំ​ពាក្យ​ការិយាល័យ​សិទ្ធិ​មនុស្ស​អង្គការ​សហ​ប្រជាជាតិ​ បាន​ថ្លែង​​ប្រាប់​​សន្និសីទ​សារ​ព័ត៌​មាន​ក្នុង​ទីក្រុង​ហ្សឺណែវ​ថា ​៖«ឧត្តមស្នងការ លោក Volker Turk អំពាវនាវ​ឱ្យ​មានការស៊ើប​អង្កេត​ជា​បន្ទាន់ មិន​លំអៀង និង​ហ្មត់ចត់​លើការ​វាយ​ប្រហារនេះ​។ រឿង​ត្រូវ​តែ​ដឹង​​គឺ​នៅលើកងកម្លាំង​ដែល​អនុវត្ត​ការវាយ​ប្រហារ​នេះ​ យក​មក​ស៊ើប​អង្កេត​»។

លោកស្រី Shamdasani បន្ត​ថា៖ «រឿង​នេះ​ពិត​ជា​គួរ​ឱ្យ​រន្ធត់​ណាស់។ រូប​ភាព​ដែលបង្ហោះ​នៅ​លើបណ្តាញសង្គម​ គឺ​មាន​ខ្លឹមសារ​នៃ​ការ​បំផ្លិច​បំផ្លាញ ភាព​អស់​សង្ឃឹម គ្មានន័យ និង​ភាពឃោរឃៅ​នៃជម្លោះនេះ»។

ចំណែក​លោក Turk ក៏​បានជំរុញឱ្យគ្រប់ភាគី​ទាំងអស់រក្សា​ភាព​​អត់ធ្មត់ ​និង​ត្រឡប់​ទៅ​តុចរចាវិញ​។

គួរ​បញ្ជាក់​ថា សាលា​រៀន​នៅភាគខាងត្បូងប្រទេសអ៊ីរ៉ង់ត្រូវ​បាន​វាយ​ប្រហារ​នៅ​ថ្ងៃសៅរ៍ ជា​ថ្ងៃ​ដំបូង​នៃការវាយប្រហាររបស់សហរដ្ឋអាមេរិក ​និងអ៊ីស្រាអែលប្រឆាំងនឹង​ប្រទេសនេះ​។

រដ្ឋមន្ត្រី​ការបរទេសសហរដ្ឋអាមេរិក​ លោក​ Marco Rubio និយាយកាលពីថ្ងៃចន្ទ​ថា៖ «កង​កម្លាំង​សហរដ្ឋអាមេរិកនឹង​មិនវាយប្រហារសាលារៀន​ដោយចេតនាទេ»។

រីឯអ៊ីស្រាអែល​ឆ្លើយ​តប​ថា ខ្លួន​កំពុង​ស៊ើបអង្កេត​ឧប្បត្តិហេតុ​នេះ។

ឯកអគ្គរដ្ឋទូតអ៊ីរ៉ង់​ប្រចាំអង្គការសហប្រជាជាតិ​នៅ​ទីក្រុង​ហ្សឺណែវ ​លោក Ali Bahreini ធ្លាប់​បាន​លើក​ឡើង​ពីបញ្ហានេះ​ជាមួយ លោក Turk ក្នុង​លិខិត​មួយចុះ​ថ្ងៃទី០១ ខែមីនា ដោយ​ហៅ​ការ​វាយប្រហារនេះ​ថាមិន​សម​ហេតុផលនិងជាឧក្រិដ្ឋកម្ម។

​ការលើក​ឡើង​​នា​ពេលនោះរបស់ លោក Bahreini ​​​ការ​​វាយប្រហារ​នេះ​​​សម្លាប់​​សិស្ស​​ចំនួន​ ១៥០ នាក់ ប៉ុន្តែ​​ជា​បន្តបន្ទាប់​ប៉ុន្មានថ្ងៃ​មកនេះ ចំនួន​អ្នកស្លាប់​បាន​កើន​ឡើង​ដល់់​ជាង​​១៦០​នាក់ ហើយ​ពិធី​ហែរសព​ទៅ​បញ្ចុះ​វិញ​​បង្ហាញ​ពីភាព​រន្ធ​ត់​ និង​សោកសង្រេង​ខ្លាំងណាស់​​៕

ប្រែសម្រួល៖ ណឺ មិនា

The post ​ភ្នាក់ងារ​ UN ជំរុញ​ឱ្យ​ស៊ើប​អង្កេត​​ជា​បន្ទាន់ មិន​លំអៀង និង​ហ្មត់ចត់ ​​លើ​ការ​វាយ​ប្រហារចំសាលា​ក្មេង​ស្រី​នៅ​អ៊ីរ៉ង់​ appeared first on Kampuchea Thmey Daily.

បើតាមក្រសួងអប់រំ កម្មវិធីនេះត្រូវបានរៀបចំឡើងដើម្បីផ្តល់មូលដ្ឋានគ្រឹះនៃការអប់រំបច្ចេកវិទ្យាដល់ក្មេងស្រី លើកកម្ពស់ការចូលរួម និងការឈោងចាប់អាជីព​ កាត់បន្ថយគម្លាតយេនឌ័រក្នុងវិស័យបច្ចេកវិទ្យា បញ្ជ្រាបឧស្សាហកម្ម Game Education ក្នុងវិស័យអប់រំ កែប្រែក្មេងស្រីមិនត្រឹមតែជាអ្នកប្រើប្រាស់បច្ចេកវិទ្យា ប៉ុន្តែក្លាយជាអ្នកបង្កើតប្រកបដោយនវានុវត្ត។

កម្មវិធីប្រកួតថ្នាក់ជាតិនេះ រៀបចំដោយនាយកដ្ឋានបរិវត្តកម្មឌីជីថលក្រសួងអប់រំ យុវជន និងកីឡា សហការជាមួយអង្គការយូនីសេហ្វ ដែលជាកម្មវិធីប្រកួតប្រជែងថ្នាក់ជាតិលេីកទី១​ នៅកម្ពុជា​ ដែលមានអ្នកចូលរួមប្រមាណ១០០នាក់​ នៅថ្ងៃទី២៨ ខែធ្នូ។ កម្មវិធីនេះមានការចូលរួមប្រកួតពី៣៥ក្រុម មកពីសាលាគោលដៅអនុវត្តកម្មវិធីបំណិនជីវិតតាមមូលដ្ឋានចំនួន៤០សាលា។

បន្ទាប់ពីធ្វើការចម្រាញ់ក្រុមដែលបានឡើងទៅកាន់វគ្គផ្ដាច់ព្រ័តចំនួន៨ក្រុម ដោយចែកចេញពីរកម្រិត ៤ក្រុមអនុវិទ្យាល័យ និង ៤ក្រុមទៀតកម្រិតវិទ្យាល័យ មកពីខេត្តចំនួន ៥ គឺ សៀមរាប បាត់ដំបង ស្ទឹងត្រែង តាកែវ និងកំពង់ចាម។ សម្រាប់ ក្រុមដែលបានជ័យលាភីកម្រិតអនុវិទ្យាល័យ គឺក្រុម SAMAKY មកសាលាអនុវិទ្យាល័យ ហ៊ុន សែន សាមគ្គី ខេត្តស្ទឹងត្រែង។ ចំណែក ក្រុមដែលបានជ័យលាភីកម្រិតវិទ្យាល័យគឺក្រុម Small Tec មកសាលាវិទ្យាល័យ សុខ អាន សំរោង ខេត្តតាកែវ។ រីឯ ក្រុមជ័យលាភី ប្រជាប្រិយភាព ផ្កាត្បូងទទឹម មកពីសាលាអនុវិទ្យាល័យ សុខអាន ចំបក់បិទមាស។ នេះបើតាមការផ្សាយរបស់ក្រសួងអប់រំ៕

The post ក្រសួងអប់រំ៖ កម្មវិធីប្រកួតអប់រំបង្កើតហ្គេម បង្ហាញពីសមត្ថភាពក្មេងស្រីក្នុងបច្ចេកវិទ្យា appeared first on Kampuchea Thmey Daily.

លោកជំទាវបានមានប្រសាសន៍ថា៖ «នៅក្នុងយុគសម័យឌីជីថល បុគ្គលគ្រប់រូប ទាំងក្មេងស្រី និងក្មេងប្រុស អាចចាប់យកជំនាញ មុខរបរ និងការងារនៅក្នុងសង្គមស្របតាមសេចក្តីស្រឡាញ់ សក្តានុពល និងចំណង់ចំណូលចិត្តរបស់ខ្លួនដោយមិនប្រកាន់ភេទ ឬ យេនឌ័រនោះទេ»។

លោកជំទាវ បានបន្តថា នៅក្នុងយុគសម័យឌីជីថល ការចាប់យកចំណេះដឹងឌីជីថល គឺជាមូលដ្ឋានគ្រឹះដ៏សំខាន់សម្រាប់មនុស្សគ្រប់គ្នាក្នុងការបង្កើនគុណភាព និងប្រសិទ្ធភាពក្នុងការទាក់ទងប្រចាំថ្ងៃ រួមទាំងការអភិវឌ្ឃជំនាញ និងមុខរបរផង។ លោកជំទាវបន្ថែមថា ជំនាញបច្ចេកវិទ្យាឌីជីថលនាពេលបច្ចុប្បន្ន គឺជាជំនាញដែលមានប្រជាប្រិយភាព និងតម្រូវការទីផ្សារការងារខ្ពស់ កន្លងមកលោកជំទាវថា ស្ត្រី និងក្មេងស្រីដែលចាប់យកជំនាញនេះនៅមានចំនួនតិចនៅឡើយ។

លោកជំទាវ ពេជ ចន្ទមុន្នី ក៏សង្កត់ធ្ងន់ថា ក្នុងឱកាសទិវា ៨មីនា ឆ្នាំ២០២៤នេះ យើងទាំងអស់គ្នាលើកកម្ពស់ការចូលរួមរបស់ស្ត្រី និងក្មេងស្រីក្នុងវិស័យឌីជីថល ការប្រើប្រាស់បច្ចេកវិទ្យា ការអប់រំផ្នែកវិទ្យាសាស្ត្រ វិស្វកម្ម សិល្បៈ ច្នៃប្រឌិត និងគណិតវិទ្យា៕

The post លោកជំទាវ ពេជ ចន្ទមុន្នី៖ ក្មេងប្រុស និងក្មេងស្រីមានសិទ្ធិរៀនសូត្រជំនាញតាមសមត្ថភាពខ្លួន appeared first on Kampuchea Thmey Daily.

គោលបំណងក្នុងការរៀបចំកិច្ចពិភាក្សានេះឡើងមក ដើម្បីបង្កើនការយល់ដឹងជូនសាធារណៈជនជាពិសេសយុវជន អំពីគោលគំនិតសំខាន់ៗនៃមូលបទ “ភាពជាអ្នកដឹកនាំរបស់ក្មេងស្រី ក្នុងយុគសម័យឌីជីថល”។ ផ្តល់ឱកាសដល់ក្មេងស្រីជំនាន់ក្រោយចូលរួមជាវាគ្មិនកិត្តិយស បង្ហាញនូវគំរូភាពជាអ្នកដឹកនាំ បង្ហាញគំនិតថ្មីៗ បំផុសគំនិត និងចែករំលែកសក្តានុពលរបស់ខ្លួនដើម្បីឈានទៅសម្រេចបានសមភាពយេនឌ័រ ការបង្កើនភាពអង់អាចដល់ស្រ្តីនាពេលអនាគត។ លើកកម្ពស់ការចូលរួមរបស់ក្មេងស្រី នៅក្នុងកិច្ចអភិវឌ្ឍលើគ្រប់វិស័យ រួមទាំងវិស័យឌីជីថល និងភាពជាអ្នកដឹកនាំរបស់ក្មេងស្រី ដោយរំលេចអំពីគុណតម្លៃនៃសិទ្ធិ សក្តានុពល និងកាលានុវត្តភាពរបស់ក្មេងស្រី ក្នុងការចូលរួមក្នុងវិស័យឌីជីថល។

បើតាមក្រសួងកិច្ចការនារី យុទ្ធនាការទិវាអន្តរជាតិក្មេងស្រី គឺជាយុទ្ធនាការជាសកល របស់អង្គការសហប្រជាជាតិ ក្នុងការបញ្ឈប់ការរើសអើងអំពើហិង្សា និងភាពខុសគ្នាផ្នែកសេដ្ឋកិច្ច-សង្គម ដែលធ្វើឱ្យប៉ះពាល់ដល់ក្មេងស្រី ព្រមទាំងចូលរួមបង្កើនភាពអង់អាចរបស់ក្មេងស្រី ដើម្បីឱ្យពួកគេមានឱកាសពេញលេញ ក្នុងការអនុវត្តសិទ្ធិ និងសក្តានុពលរបស់ខ្លួន៕

The post ក្រសួងកិច្ចការនារី និងអង្គការភ្លែនរួមគ្នាជួយជំរុញលើកកម្ពស់ភាពជាអ្នកដឹកនាំរបស់ក្មេងស្រីក្នុងសម័យឌីជីថល appeared first on Kampuchea Thmey Daily.

កម្មវិធីនេះ ធ្វើឡើងក្នុងគោលបំណងរត់ ដើម្បីគុណតម្លៃនៃការយកចិត្តទុកដាក់លើការលើកកម្ពស់សមភាព ក្នុងការចូលរួមរបស់ក្មេងស្រី នៅក្នុងការអភិវឌ្ឍលើគ្រប់វិស័យ រួមទាំង វិស័យឌីជីថល និងភាពជាអ្នកដឹកនាំរបស់ពួកគេ។ ទន្ទឹមនោះ ក៏ចង់រំលេចពីគុណតម្លៃនៃសិទ្ធិ សក្តានុពល និងកាលានុវត្តភាពរបស់ក្មេងស្រី ក្នុងការចូលរួមក្នុងវិស័យឌីជីថល និងការធ្វសេចក្តីសម្រេច ដើម្បីធ្វើឱ្យគុណភាពជីវិតរបស់ពួកគេកាន់តែប្រសើរឡើង។

ក្នុងកម្មវិធីនេះ មិនមែនមានតែរត់ប៉ុណ្ណោះទេ ក៏មានការលេងហ្គេមយករង្វាន់ និងការផ្តល់ប្រឹក្សាសម្រាប់ការសិក្សាមុខវិជ្ជាធីជីថលសម្រាប់អ្នកចូលរួមផងដែរ។ កម្មវិធីនេះ គឺតម្រូវឱ្យមានការចុះឈ្មោះទុកជាមុន ហើយសំបុត្រផ្តល់ជូនឥតគិតប្រាក់សម្រាប់តែ ២០០នាក់ដំបូងប៉ុណ្ណោះ ហើយផុតកំណត់ចុះឈ្មោះថ្ងៃទី០១ ខែតុលា ឆ្នាំ២០២៣។ កម្មវិធីនេះ គឺធ្វើនៅទីក្រុងកោះពេជ្រ រត់ចម្ងាយ៥គីឡូម៉ែត្រ។

សម្រាប់អ្នកដែលមានចំណាប់អារម្មណ៍ អាចចុះឈ្មោះតាមរយៈតំណភ្ជាប់នេះ https://docs.google.com/…/1FAIpQLSejZ1XhjJpKz0…/viewform ៕

The post ក្នុងទិវាអន្តរជាតិក្មេងស្រី ក្រសួងកិច្ចការនារី និងដៃគូរៀបចំកម្មវិធីរត់ ដើម្បីក្មេងស្រីនៅកោះពេជ្រ ខែក្រោយនេះ appeared first on Kampuchea Thmey Daily.

ការលើកឡើងរបស់លោកស្រីបែបនេះ នៅក្នុងកិច្ចពិភាក្សារតុមូលជាមួយអង្គការភ្លែនអន្តរជាតិកម្ពុជា ដែលរៀបចំឡើងដោយក្រុមយុវជនក្រោមប្រធានបទ “លើកកម្ពស់ភាពជាអ្នកដឹកនាំរបស់ក្មេងស្រី និងសមភាពយេនឌ័រ ដើម្បីលុបបំបាត់ការបោះបង់ការសិក្សា និងការរៀបអាពាហ៍ពិពាហ៍វ័យកុមារ” នៅថ្ងៃទី៣១ ខែឧសភានេះ។

កត្តាដែលនាំឱ្យមានការបោះបង់ការសិក្សារបស់ក្មេងស្រី គឺកើតចេញពីកត្តាច្រើនយ៉ាង អាចមកពីបញ្ហាជីវភាព ផ្ទះឆ្ងាយពីសាលា ឈប់រៀនដើម្បីរៀបការ និងកត្តាផ្សេងៗទៀត។ លោកស្រី ស ស៊ីណែត បានលើកឡើងថា បញ្ហាបីមានភាពប្រទាក់ក្រឡាគ្នាគឺ ប្រសិនបើក្មេងស្រីត្រូវបានទប់ស្កាត់ការសិក្សាបាន ពួកគេនឹងមានឱកាសរៀនសូត្រ និងរៀបចំជីវិតពួកគេបានល្អ។ នៅពេលមានចំណេះដឹង នឹងមានប្រាក់កម្រៃតាមដែលគាត់ចង់បាន ហើយនៅពេលដែលសេដ្ឋកិច្ចរឹងមាំ ពួកគេអាចរៀបការដោយការសម្រេចចិត្តខ្លួនឯង និងចូលរួមលើកកម្ពស់សមភាពយេនឌ័រផងដែរ។ ដូចនេះ ការទប់ស្កាត់ការបោះបង់ការសិក្សាទាំងវ័យក្មេង គឺជាការជួយទប់ស្កាត់ការរៀបការវ័យក្មេងរបស់ក្មេងស្រី និងក្មេងប្រុសផងដែរ។ ការរៀបអាពាហ៍ពិពាហ៍វ័យក្មេងជះឥទ្ធិពលមិនល្អជាច្រើនដល់ក្មេងស្រី និងក្មេងប្រុស សម្រាប់ជីវិតរបស់ពួកគេ។

ជុំវិញនឹងបញ្ហានេះ លោកស្រីបានលើកឡើងថា ក្រសួងកិច្ចការនារីបានធ្វើការជាច្រើនក្នុងការចូលរួមទប់ស្កាត់ និងលើកកម្ពស់សមភាពយេនឌ័រ។ ក្រសួងបានធ្វើសកម្មភាពច្រើន ដោយមានការចុះជួបផ្ទាល់ជាមួយអង្គការដៃគូ ក្នុងការណែនាំដល់ឳពុកម្តាយ និងកុមារផ្ទាល់។ ពង្រឹង និងវេទិការលើកកម្ពស់ដល់ភាពក្លាហាន និងផ្លូវចិត្តដល់ក្មេងស្រី។ បើកវគ្គបណ្តុះបណ្តាលក្មេងស្រី និងស្ត្រីចេះរៀបចំផែនការប្រកបមុខរបរ និងសេដ្ឋកិច្ចរបស់ពួកគេ។ មិនតែប៉ុណ្ណោះ ក៏មានការអប់រំផ្នែកអប់រំ និងសុខភាពសម្រាប់ពួកគេ និងចំណាត់ការផ្សេងៗទៀត។

ទន្ទឹមនេះ ធនធានក្មេងស្រីមានភាពល្អប្រសើរ និងមានសមភាពយេនឌ័រ លោកស្រី ស ស៊ីណែត បារម្ភថា ថ្ងៃអនាគតធនធានក្មេងប្រុសនឹងខ្សត់ខ្សោយទៅៗ ព្រោះទី១ គឺពួកគេចេះសេពគ្រឿងច្រវឹងទាំងវ័យក្មេង និងឈប់រៀនត្រឹមថ្នាក់ទី១២ច្រើន ដោយចាប់យកជំនាញអាជីពផ្សេងៗ។ ចំណែកក្មេងស្រីវិញ សព្វថ្ងៃពួកគេមានភាពក្លាហាន និងសកម្មច្រើន៕

The post មន្ត្រី៖ បើទប់ស្កាត់ការបោះបង់ការសិក្សាបាន ក្មេងស្រី នឹងមិនងាយរៀបការទាំងវ័យក្មេង appeared first on Kampuchea Thmey Daily.

ក្រុម​អ្នក​វិទ្យាសាស្ត្រ​បាន​ប៉ាន់​​ប្រមាណ​ថា​ ភាព​ងាយ​រងគ្រោះ​ចំពោះ​​បណ្ដាញ​សង្គម​នៅ​អាយុ​ជាក់លាក់​នេះ អាច​​ពាក់ព័ន្ធ​នឹង​ខួរ​ក្បាល​ ការ​ប្រែប្រួល​អ័រម៉ូន​ និង​សង្គម​ អំឡុង​ពេល​នៃ​ការអភិវឌ្ឍ​របស់​ក្មេង​ជំទង់​។ យ៉ាង​ណា​មិញ ​ក្រុម​អ្នក​ស្រាវ​ជ្រាវ​បាន​បន្ថែម​ថា​វាជាការ​ចាំបាច់ក្នុង​ការ​​ស្រាវជ្រាវ​បន្ថែម​ ដើម្បី​ស្វែង​យល់​ និង​បញ្ជាក់​ឲ្យ​កាន់​តែ​ស៊ី​ជម្រៅ​នៃ​ទំនាក់ទំនង​រវាង​បណ្ដាញ​សង្គម​ និង​ខួរ​ក្បាល​ក្មេង​ជំទង់​។

ក្មេង​ស្រី​ៗ​ដែល​មាន​វ័យ​ចន្លោះ​១១​ឆ្នាំ​ និង​១៣​ឆ្នាំ ដែល​ចំណាយ​ពេល​​នៅ​លើ​បណ្ដាញ​សង្គម​ ច្រើន​អាច​មិន​សូវ​មាន​ភាព​រីករាយ​ក្នុង​ជីវិត​ប៉ុន្មាន​ទេ។​​ ជាក់​ស្ដែង ការ​សិក្សា​របស់​​ចក្រភព​អង់គ្លេស បាន​បង្ហាញ​​ពី​​ចំណុច​នេះ កើត​លើ​​ក្មេង​ប្រុស​ដែល​មាន​អាយុ​១៤​ឆ្នាំ ទៅ​១៥​ឆ្នាំ និង​ក្មេង​ប្រុស​ស្រី​ដែល​មាន​អាយុ​១៩​ឆ្នាំ ក្រោយ​ប្រើ​ប្រាស់​បណ្ដាញ​សង្គម​បាន​មួយ​ឆ្នាំ​​។

ក្រុម​អ្នក​វិទ្យាសាស្ត្រ​បាន​ប៉ាន់​​ប្រមាណ​ថា​ ភាព​ងាយ​រងគ្រោះ​ចំពោះ​​បណ្ដាញ​សង្គម​នៅ​អាយុ​ជាក់លាក់​នេះ អាច​​ពាក់ព័ន្ធ​នឹង​ខួរ​ក្បាល​ ការ​ប្រែប្រួល​អ័រម៉ូន​ និង​សង្គម​ អំឡុង​ពេល​នៃ​ការអភិវឌ្ឍ​របស់​ក្មេង​ជំទង់​។ យ៉ាង​ណា​មិញ ​ក្រុម​អ្នក​ស្រាវ​ជ្រាវ​បាន​បន្ថែម​ថា​វាជាការ​ចាំបាច់ក្នុង​ការ​​ស្រាវជ្រាវ​បន្ថែម​ ដើម្បី​ស្វែង​យល់​ និង​បញ្ជាក់​ឲ្យ​កាន់​តែ​ស៊ី​ជម្រៅ​នៃ​ទំនាក់ទំនង​រវាង​បណ្ដាញ​សង្គម​ និង​ខួរ​ក្បាល​ក្មេង​ជំទង់​។

យ៉ាង​ណា​មិញ ក្រុម​អ្នក​ស្រាវជ្រាវ​បាន​ពិនិត្យ​លើ​ការ​ស្ទង់​មតិ​ដ៏​ធំ​មួយ​ដែល​មាន​មនុស្ស​ជាង​៧២ ០០០​នាក់ ទាក់ទង​នឹង​ការ​ពេញ​ចិត្ត​ចំពោះ​ជីវិត​ខ្លួន​ឯង ​ព្រម​ទាំង​ការ​ចំណាយ​ពេល​ជជែក​ជាមួយ​នឹង​មិត្តភក្ដិ​នៅ​លើ​បណ្ដាញ​សង្គម​ជា​រៀង​រាល់​ថ្ងៃ​។ ការ​ស្ទង់​មតិ​នេះ​​ធ្វើ​ឡើង​រហូត​ដល់​៧​ដង​ ចន្លោះ​ឆ្នាំ២០១១ និង​ឆ្នាំ​២០១៨។ ជា​លទ្ធផល ក្មេង​ជំទង់​បាន​បង្ហាញ​ពី​ទំនាក់ទំនង​អវិជ្ជមាន​ រវាង​បណ្ដាញ​សង្គម​ និង​ការ​ពេញ​ចិត្ត​ចំពោះ​ជីវិត​ទាំង​មូល​ ដូច​ខាង​ក្រោម​៖

• អ្នក​អាយុ​ចាប់​ពី​១៦​ឆ្នាំ ដល់​២១​ឆ្នាំ​ ប្រើ​បណ្ដាញ​សង្គម​ជា​រៀង​រាល់​ថ្ងៃ​ច្រើន​ជាង​៧​ម៉ោង បាន​រាយការណ៍​អំពី​ការ​​មិន​សូវ​ពេញ​ចិត្ត​ចំពោះ​ជីវិត​ខ្លួន​ឯង​ បើ​ប្រៀបធៀប​នឹង​​អ្នក​ដែល​ប្រើ​ត្រឹម​៣​ម៉ោង​។
• ​អ្នក​ដែល​មាន​វ័យ​​ក្មេង​ជាង​នេះ​បាន​បង្ហាញ​អំពី​លំនាំ​ខុស​គ្នា ដោយ​ការ​ពេញ​ចិត្ត​នឹង​ជីវិត​ធ្លាក់​ចុះ​​កាន់​តែ​​ខ្លាំង​ ​នៅ​ពេល​ប្រើប្រាស់​បណ្ដាញ​សង្គម​កាន់​តែ​ច្រើន​។

យ៉ាង​ណា​មិញ ក្រុម​អ្នក​ស្រាវជ្រាវ​បាន​ពិនិត្យ​លើ​ការ​ស្ទង់​មតិ​ដ៏​ធំ​មួយ​ដែល​មាន​មនុស្ស​ជាង​៧២ ០០០​នាក់ ទាក់ទង​នឹង​ការ​ពេញ​ចិត្ត​ចំពោះ​ជីវិត​ខ្លួន​ឯង ​ព្រម​ទាំង​ការ​ចំណាយ​ពេល​ជជែក​ជាមួយ​នឹង​មិត្តភក្ដិ​នៅ​លើ​បណ្ដាញ​សង្គម​ជា​រៀង​រាល់​ថ្ងៃ​។ ការ​ស្ទង់​មតិ​នេះ​​ធ្វើ​ឡើង​រហូត​ដល់​៧​ដង​ ចន្លោះ​ឆ្នាំ២០១១ និង​ឆ្នាំ​២០១៨។ ជា​លទ្ធផល ក្មេង​ជំទង់​បាន​បង្ហាញ​ពី​ទំនាក់ទំនង​អវិជ្ជមាន​ រវាង​បណ្ដាញ​សង្គម​ និង​ការ​ពេញ​ចិត្ត​ចំពោះ​ជីវិត​ទាំង​មូល​ ដូច​ខាង​ក្រោម​៖

• អ្នក​អាយុ​ចាប់​ពី​១៦​ឆ្នាំ ដល់​២១​ឆ្នាំ​ ប្រើ​បណ្ដាញ​សង្គម​ជា​រៀង​រាល់​ថ្ងៃ​ច្រើន​ជាង​៧​ម៉ោង បាន​រាយការណ៍​អំពី​ការ​​មិន​សូវ​ពេញ​ចិត្ត​ចំពោះ​ជីវិត​ខ្លួន​ឯង​ បើ​ប្រៀបធៀប​នឹង​​អ្នក​ដែល​ប្រើ​ត្រឹម​៣​ម៉ោង​។
• ​អ្នក​ដែល​មាន​វ័យ​​ក្មេង​ជាង​នេះ​បាន​បង្ហាញ​អំពី​លំនាំ​ខុស​គ្នា ដោយ​ការ​ពេញ​ចិត្ត​នឹង​ជីវិត​ធ្លាក់​ចុះ​​កាន់​តែ​​ខ្លាំង​ ​នៅ​ពេល​ប្រើប្រាស់​បណ្ដាញ​សង្គម​កាន់​តែ​ច្រើន​។

ជាមួយ​នឹង​កត្តា​​ជា​ច្រើន​ផ្សេង​ទៀត​ ដូចជា​មាតិកា​នៅ​ក្នុង​បណ្ដាញ​សង្គម​ និង​មនុស្ស​ដែល​ប្រាស្រ័យ​ទាក់ទង​តាម​អនឡាញ គឺ​សុទ្ធ​សឹង​តែ​មាន​ផល​ប៉ះពាល់​ដល់​សុខុមាលភាព​របស់​ក្មេង​ជំទង់​។ ទោះ​ជា​យ៉ាង​នេះ​ក្ដី​ បណ្ដាញ​សង្គម​ក៏​​​ផ្ដល់​ផល​វិជ្ជមាន​ចំពោះ​​មនុស្ស​មួយ​ចំនួន​​ផង​ដែរ​ ដោយ​អាច​ភ្ជាប់​ទំនាក់ទំនង​ជាមួយ​នឹង​មិត្តភក្ដិ ព្រម​ទាំង​ស្វែង​រក​ជំនួយ​​ផ្សេង​ៗ​៕

អត្ថបទផ្ដល់ដោយ៖Hello Krupet

ចុចអាន៖បណ្ដាញសង្គម ធ្វើឲ្យរឹតត្បិតសេរីភាពផ្លូវចិត្ត សាកល្បងបន្សាបជាតិពុលតាមវិធីនេះ

ចុចអាន៖តើវេទិកាប្រព័ន្ធផ្សព្វផ្សាយសង្គមមួយណា គួរប្រើនាបច្ចុប្បន្ននេះ ?

The post បណ្ដាញសង្គម អាចឲ្យក្មេងជំទង់ខ្លះ មិនពេញចិត្តជីវិតខ្លួនឯង​​ appeared first on Kampuchea Thmey Daily.