វេទិកាដែលរៀបចំឡើង នាពេលថ្មីៗនេះ ប្រព្រឹត្តទៅក្រោមអធិបតីភាពលោកស្រី ញាណ សុចិត្រា អគ្គនាយកនៃអគ្គនាយកដ្ឋានអភិវឌ្ឍន៍សង្គមនៃក្រសួងកិច្ចការនារី ដោយមានការចូលរួមពីលោកស្រីក្រុមប្រឹក្សាខេត្ត អភិបាលរងស្រុក ការិយាល័យស្រុកប្រតិបត្តិបរកែវ លោកគ្រូ អ្នកគ្រូ ឳពុកម្តាយ និងអាណាព្យាបាល និងសិស្សានុសិស្ស នៅក្នុងវត្តអូរយ៉ាដាវ ដែលស្ថិតក្នុងឃុំប៉ាតេ ស្រុកអូរយ៉ាដាវ ខេត្តរតនគិរី។

បើតាមលោកស្រី ញាណ សុចិត្រា យោងលើរបាយការណ៍នៃលទ្ធផលសិក្សាស្រាវជ្រាវ ដែលបានធ្វើនៅខេត្តចំនួន៩ ក្នុងឆ្នាំ ២០២៤ ដោយក្រសួងកិច្ចការនារី សហការជាមួយអង្គការភ្លែនអន្តរជាតិ បានបង្ហាញថា អត្រាប្រេវ៉ាឡង់នៃការរៀបការមុនអាយុ ១៨ឆ្នាំ​ នៅតែខ្ពស់នៅឡើយ​ ក្នុងនោះប្រហែល ១៤% នៃស្រ្តី បានរៀបការមុនអាយុ ១៨ ឆ្នាំ និងប្រហែល ១៤% បានរៀបការដោយការផ្សំផ្គុំក្នុងអាយុចន្លោះ ១៥ ដល់ ១៨ ឆ្នាំ ជាពិសេសនៅក្នុងខេត្តរតនគិរី។

លោកស្រីបន្តថា ការរៀបអាពាហ៍ពិពាហ៍ ឬការមានកូននៅវ័យក្មេង បង្កផលវិបាកដល់ក្មេងស្រី ដូចជា ប៉ះពាល់ដល់សុខភាពបន្តពូជ សុខភាពផ្លូវចិត្ត ការរំលូតកូនដោយគ្មានសុវត្ថិភាព អំពើហិង្សាក្នុងគ្រួសារ និងបាត់បង់សិទ្ធិសេរីភាពក្នុងការចូលរួមការងារសង្គម និងការធ្វើការសម្រេចចិត្ត។

ចំណែកកត្តាជំរុញឱ្យមានអាពាហ៍ពិពាហ៍នៅវ័យក្មេង អាពាហ៍ពិពាហ៍ដោយបង្ខំ និងការរស់នៅជាប្តីប្រពន្ធនៅវ័យក្មេង រួមមាន ទីតាំងភូមិសាស្រ្ត សេដ្ឋកិច្ចរបស់គ្រួសារ ភាពក្រីក្រ វិសមភាពសេដ្ឋកិច្ចសង្គម ជាតិសាសន៍ សាសនា ការអប់រំ ការបោះបង់ការសិក្សា កង្វះចំណេះដឹង វិសមភាពយេនឌ័រ ការមានផ្ទៃពោះក្នុងវ័យជំទង់ បទដ្ឋានសង្គមនិងវប្បធម៌ កង្វះការអនុវត្តច្បាប់ និងឥទ្ធិពលនៃអ៊ីនធឺណេតនិងបណ្តាញសង្គម៕

The post ក្រសួងកិច្ចការនារី ចុះអប់រំផ្សព្វផ្សាយ អំពីសុខមាលភាព និងសិទ្ធិរបស់ស្ត្រី និងក្មេងស្រី នៅខេត្តរតនគិរី appeared first on Kampuchea Thmey Daily.

ការ​លើក​ឡើង​នេះ​គឺ​ក្នុង​ពេល​ដែល​សម្ដេច​ធិបតី ដឹក​នាំ​ប្រជុំ​គណៈរដ្ឋមន្ត្រី​កាល​ពី​ថ្ងៃ​ទី​២២ ខែ​ឧសភា ម្សិលមិញ​ដោយ​បាន​ណែ​នាំ​ ក្រសួង​ស្ថាប័នពាក់ព័ន្ទ ជា​ពិសេស​ក្រសួង​កិច្ចការ​នារី និង​ក្រសួង​វប្បធម៌​ត្រូវ​ជំរុញ​ដោះស្រាយ​បញ្ហា​នេះ​។

​​​​​សម្ដេច​ក៏​បាន​ណែ​នាំ​ឱ្យ​មាន​ការ​ទទួល​យក​ការណ៍​រាយ​ការណ៍​ពី​ពលរដ្ឋ​ដើម្បី​ដោះស្រាយ​បញ្ហា​ដែល​ពាក់ព័ន្ធ​នឹង​​សីលធម៌​សង្គម​នេះ​​ផងដែរ។

រយៈ​ចុង​ក្រោយ​នេះ​សកម្មភាព​ថត​បង្ហោះ​បង្ហាញ​ភាព​ស៊ិចស៊ី​ សកម្មភាព​ស្រើបស្រាល ការ​ជេរ​ប្រទេច​​ ការ​ប្រើប្រាស់​ភាសា​អាសអាភាស​ជា​ច្រើន​បាន​កើត​ឡើង​លើ​បណ្ដាញ​សង្គម​ហាក់​ដូច​គ្នា​ការ​គ្រប់គ្រង​បើ​ទោះ​បី​កន្លង​ទៅ​ក្រសួង​អាជ្ញាធរ​បាន​ចេញ​សេចក្ដី​ណែ​នាំ​ជា​បន្តបន្ទាប់​ក៏​ដោយ​៕

អត្ថបទ​ដោយ ហ៊ុន សិរីវឌ្ឍន៍

The post នាយករដ្ឋមន្ត្រី​បញ្ជា​ឱ្យ​មាន​វិធាន​ការ​លើ​​អ្នក​ផលិត​មាតិកា​អនាធិបតេយ្យ​លើ​បណ្ដាញ​សង្គម​ដែល​ធ្វើ​ឱ្យ​ប៉ះពាល់​ដល់​សីលធម៌​សង្គម appeared first on Kampuchea Thmey Daily.

ការបញ្ជាក់នេះ ធ្វើឡើងក្នុងជំនួបសម្ដែងការគួរសម និងពិភាក្សាការងារ លើការពង្រឹងកិច្ចសហប្រតិបត្តិការ ក្នុងការលើកកម្ពស់សិទ្ធិ កិច្ចការពារ និងភាពដឹកនាំរបស់ក្មេងស្រីនៅកម្ពុជា រវាងលោកស្រី អ៊ឹង កន្ថាផាវី រដ្ឋមន្ត្រីក្រសួងកិច្ចការនារី ជាមួយលោក Ram Kishan នាយកប្រចាំតំបន់អាស៊ីនិងប៉ាស៊ីហ្វិក នៃអង្គការភ្លែនអន្តរជាតិ នារសៀលថ្ងៃទី៦ ខែឧសភា ឆ្នាំ២០២៦។

កិច្ចពិភាក្សា បានវាយតម្លៃខ្ពស់ចំពោះកិច្ចសហការរបស់ក្រសួង និង អង្គការភ្លែនអន្តរជាតិ តាមរយៈគម្រោងចម្បងៗ ដូចជា Girls Led Project, Changemakers Initiative, Girls Get Equal Campaign, និងកម្មវិធីបង្ការ ទប់ស្កាត់អាពាពិពាហ៍នៅវ័យក្មេង និងការមានផ្ទៃពោះនៅវ័យជំទងជាដើម។ កម្មវិធីទាំងនេះ បានរួមចំណែកក្នុងការលើកកម្ពស់សុខុមាលភាព សមត្ថភាពដឹកនាំ ការចូលរួមសង្គម និងឱកាសសេដ្ឋកិច្ចសម្រាប់ក្មេងស្រីជាច្រើន។

កិច្ចការអាទិភាពបន្ថែមទៀត មានដូចជាការគាំទ្របច្ចេកទេសលើការងារយេនឌ័រ និងសុវត្ថិភាពបច្ចេកវិទ្យា នៅក្នុងក្របខណ្ឌគតិយុត្តិ ការគាំទ្រដល់លើកកម្ពស់ភាពអង់អាច ក្នុងការដឹកនាំ និងផ្នែកសេដ្ឋកិច្ចដល់ក្មេងស្រី ការពង្រឹងសមត្ថភាពធន់នឹងការប្រែប្រួលអាកាសធាតុ និងការចិញ្ចឹមកូនបែបវិជ្ជមាន នៅតាមសហគមន៍៕

The post ក្រសួងកិច្ចការនារី និងអង្គការភ្លែនអន្តរជាតិ បន្តពង្រឹងកិច្ចសហប្រតិបត្តិការ លើកកម្ពស់សិទ្ធិ និងសមត្ថភាពក្មេងស្រីនៅកម្ពុជា appeared first on Kampuchea Thmey Daily.

តាមសេចក្តីណែនាំបានបញ្ជាក់ថា ទោះបីជាកន្លងមកក្រសួងព័ត៌មានបានណែនាំឱ្យអ្នកផលិតមាតិកាផ្សព្វផ្សាយតាមបណ្តាញសង្គមអនុវត្តដោយការទទួលខុសត្រូវ ដើម្បីរក្សាសណ្តាប់ធ្នាប់សង្គមក៏ដោយ ប៉ុន្តែបច្ចុប្បន្ននៅតែមានមាតិកាមួយចំនួនបំពានលើក្រមសីលធម៌ និងមនសិការវិជ្ជាជីវៈ។ មាតិកាទាំងនេះរួមមានការប្រើពាក្យសម្តីអសុរោះ ការបង្ហាញរូបភាពអនាចារ និងស្រើបស្រាល ជាពិសេសការយករូបរាងកាយស្ត្រីមកធ្វើជាឧបករណ៍ទាក់ទាញការចាប់អារម្មណ៍ ឬផ្សព្វផ្សាយពាណិជ្ជកម្ម ដែលនាំឱ្យប៉ះពាល់យ៉ាងធ្ងន់ធ្ងរដល់វប្បធម៌ និងសីលធម៌សង្គមខ្មែរ។

អាជ្ញាធរបានព្រមានថា ការផលិត និងចែកចាយមាតិកាបែបនេះ កំពុងប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រីខ្មែរ ព្រមទាំងធ្វើឱ្យធ្លាក់ចុះគុណតម្លៃវប្បធម៌ប្រពៃណីដែលបុព្វបុរសបានថែរក្សាយូរមកហើយ។ ជាពិសេស ការចម្លងគំរូវប្បធម៌បរទេសដែលមានលក្ខណៈមិនសមរម្យ ត្រូវបានអំពាវនាវឱ្យជៀសវាង ដោយសារអាចបង្កផលប៉ះពាល់ដល់ការយល់ដឹងអត្តសញ្ញាណជាតិរបស់យុវជនជំនាន់ក្រោយ។

ក្នុងគោលបំណងលើកកម្ពស់តម្លៃវប្បធម៌ និងសីលធម៌សង្គម ក្រសួងទាំងបីបានដាក់ចេញវិធានការសំខាន់ៗ រួមមាន៖

-បញ្ឈប់ការផលិត និងផ្សព្វផ្សាយមាតិកាដែលមានពាក្យសម្តីជេរប្រមាថ អាសអាភាស ឬបង្ហាញភាពស្រើបស្រាលលើសលប់

-ហាមឃាត់ការយករូបរាងកាយស្ត្រីមកប្រើប្រាស់ដើម្បីទាក់ទាញ Likes, Shares និង Views ឬផ្សាយពាណិជ្ជកម្ម

-លើកទឹកចិត្តការផលិតមាតិកាដែលបង្ហាញអំពីវប្បធម៌ ប្រពៃណី និងការលើកតម្កើងតួនាទីស្ត្រី

-បង្ការ និងជៀសវាងមាតិកាផ្សព្វផ្សាយដែលមានលក្ខណៈរើសអើងភេទ ឬបំពានសេចក្តីថ្លៃថ្នូរមនុស្ស

-អំពាវនាវឱ្យអ្នកសារព័ត៌មាន និងអ្នកប្រើប្រាស់បណ្តាញសង្គមគោរពក្រមសីលធម៌ និងច្បាប់ជាធរមាន

លើសពីនេះ ក្រសួងបានជំរុញឱ្យមានការផលិតមាតិកាដែលផ្តោតលើការអប់រំ បំណិនជីវិត សិល្បៈ និងវប្បធម៌ ដើម្បីចូលរួមកសាងសង្គមដែលមានចំណេះដឹង និងសីលធម៌ខ្ពស់ ព្រមទាំងលើកកម្ពស់សមភាពយេនឌ័រ។

ជាមួយគ្នានេះ អាជ្ញាធរបានព្រមានថា នឹងចាត់វិធានការតាមច្បាប់យ៉ាងតឹងរ៉ឹងចំពោះបុគ្គល ឬអង្គភាពណាដែលមិនគោរពសេចក្តីណែនាំនេះ បន្ទាប់ពីទទួលការអប់រំ និងការណែនាំរួចហើយ៕

The post ក្រសួង៣ អំពាវនាវបញ្ឈប់មាតិកាអសីលធម៌ ប៉ះពាល់តម្លៃស្ត្រីខ្មែរ appeared first on Kampuchea Thmey Daily.

១.លើកកម្ពស់ភាពជាដៃគូររវាងវិស័យសាធារណៈនិងវិស័យឯកជន ក្នុងការគាំទ្រដល់ការអភិវឌ្ឍសមត្ថភាពផ្នែកសេដ្ឋកិច្ចនិងសហគ្រិនភាពស្រ្តីនៅកម្ពុជា រួមទាំងការចូលរួមរបស់វិស័យឯកជន ការវិនិយោគ និងគំនិត ផ្តួចផ្តើមនានា ដើម្បីគាំទ្រអាជីវកម្មដែលដឹកនាំដោយស្ត្រី។

២.រៀបចំ និងអនុវត្តកម្មវិធី និងគំនិតផ្តួចផ្តើមរួមគ្នា ដើម្បីអភិវឌ្ឍន៍ជំនាញ សមត្ថភាពប្រកួតប្រជែង និងភាពធន់ របស់ស្រ្តីសហគ្រិន រួមទាំងកម្មវិធីបណ្តុះបណ្តាលនិងកម្មវិធីពាក់ព័ន្ធនឹងការលើកកម្ពស់ការចូលរួមពង្រឹងបណ្តាញ ទំនាក់ទំនង ការតភ្ជាប់ទីផ្សារ និងការអភិវឌ្ឍសមត្ថភាព សហគ្រិនស្រ្តីនៅកម្ពុជា។

៣.លើកកម្ពស់ភាពជាតំណាង សំឡេង និងតួនាទីរបស់ស្ត្រី ក្នុងប្រព័ន្ធអេកូឡូស៊ីសហគ្រិនភាព ដោយគាំទ្រដល់វិសាលភាព និងភាពសកម្មរបស់សមាគម និងបណ្តាញសហគ្រិនស្រ្តី និងចូលរួមលើកកម្ពស់ការអនុវត្តគោលនយោបាយនិងកម្មវិធីពាក់ព័ន្ធវិស័យធុរកិច្ច ដែលឆ្លើយតបយេនឌ័រ។

នាឱកាសនោះ លោកស្រី ប្រធានសមាគមសហគ្រិនស្រ្តី បានថ្លែងអំណរគុណយ៉ាងជ្រាលជ្រៅចំពោះលោកស្រី កិត្តិបណ្ឌិត និងក្រសួងកិច្ចការនារី ដែលតែងតែគាំទ្រ តម្រង់ទិស និងផ្តល់ឱកាសនានាដល់សមាគមសហគ្រិនស្រ្តីកម្ពុជា ដើម្បីអនុវត្តសកម្មភាព និងបំពេញបេសកកម្មប្រកបដោយប្រសិទ្ធភាព និងប្រសិទ្ធផល។

ជាមួយគ្នានេះដែរ លោកស្រី យូ បូរី អនុប្រធានសមាគមសហគ្រិនស្រ្តីកម្ពុជា បានជម្រាបជូនអំពីចក្ខុវិស័យ និងបេសកកម្មក្នុងការជំរុញសហគ្រិនស្រ្តីកម្ពុជា តាមរយៈគម្រោងអាទិភាពចំនួន ៥ រួមមាន៖ ១. WE Academy ២. WE Share ៣. WEE Market Hub ៤. WE Talk ៥. WE Financial Support Hub។

ជាការឆ្លើយតប លោកស្រីរដ្ឋមន្រ្តីក្រសួងកិច្ចការនារី បានកោតសរសើរ និងវាយតម្លៃខ្ពស់ចំពោះសមិទ្ធផលរបស់សមាគមសហគ្រិនស្រ្តីកម្ពុជា៕

The post ក្រសួងកិច្ចការនារី និងសមាគមសហគ្រិនស្រ្តីកម្ពុជា ចុះ MOU ផ្តោតលើចំណុចសំខាន់ៗចំនួន៣ appeared first on Kampuchea Thmey Daily.

លោកស្រី បានលើកឡើងដូច្នេះ ក្នុងឱកាសអញ្ជើញជាអធិបតីក្នុងពិធីអបអរសាទរខួបទី១១៥ ទិវាអន្តរជាតិនារី ៨មីនា ឆ្នាំ២០២៦ ក្រោមប្រធានបទ «ភាពជាអ្នកដឹកនាំរបស់ស្ត្រី និងការអភិវឌ្ឍនៅកម្ពុជា» នៅទីស្នាក់ការធនាគារពិភពលោកប្រចាំកម្ពុជា កាលពីថ្ងៃទី១១ ខែមីនា ឆ្នាំ២០២៦។ ពិធីនេះ មានការចូលរួមពីលោកស្រី Tania Meyer ប្រធានធនាគារពិភពលោកប្រចាំកម្ពុជា និងលោកស្រី Towfiqua S. Hoque អ្នកតំណាងសាជីវកម្មហិរញ្ញវត្ថុអន្តរជាតិ។

លោកស្រីបានគូសបញ្ជាក់ថា នៅពីក្រោយកិច្ចអភិវឌ្ឍនៅកម្ពុជា តែងតែមានស្ត្រីចូលរួមយ៉ាងសកម្ម និងជំរុញពីខាងក្រោយ ដែលនេះបានបង្ហាញតាមរយៈការចូលរួមក្នុងការកសាងសហគមន៍ឡើងវិញ ក្រោយមានជម្លោះជាដើម។ លោកស្រី បានសង្កត់ធ្ងន់ថា នៅពេលស្ត្រីទទួលបានឱកាសស្មើភាពក្នុងការអប់រំ ការងារ និងការចូលរួមក្នុងការធ្វើសេចក្តីសម្រេចចិត្ត នោះសេដ្ឋកិច្ចនឹងរីកចម្រើនលឿន សហគមន៍កាន់តែមានភាពរឹងមាំ និងជំនាន់ក្រោយទទួលបានអត្ថប្រយោជន៍យ៉ាងទូលំទូលាយផងដែរ។

ជាមួយគ្នានេះ រដ្ឋមន្ត្រីមន្ត្រីក្រសួងកិច្ចការនារី បានអំពាវនាវដល់ស្ថាប័នពាក់ព័ន្ធ ដៃគូអភិវឌ្ឍន៍ និងវិស័យឯកជន ឱ្យបន្តពង្រឹងកិច្ចសហប្រតិបត្តិការ និងគាំទ្រគោលនយោបាយ ក៏ដូចជាកម្មវិធីនានា ដែលលើកកម្ពស់សមភាពយេនឌ័រ និងបង្កើនឱកាសសម្រាប់ស្ត្រី និងក្មេងស្រី ក្នុងការអភិវឌ្ឍសមត្ថភាព និងការចូលរួមជាអ្នកដឹកនាំនៅគ្រប់វិស័យ ដើម្បីរួមចំណែកកសាងសង្គមកម្ពុជាមួយដែលមានភាពរឹងមាំ បរិយាបន្ន និងចីរភាព។

ឆ្លៀតក្នុងឱកាសនេះ លោកស្រី អ៊ឹង កន្ថាផាវី ក៏បានអញ្ជើញចូលរួមឆ្លើយសំណួរ និងផ្លាស់ប្ដូរបទពិសោធលើប្រធានបទទាក់ទងនឹងសមភាពយេនឌ័រ និងភាពជាអ្នកដឹកនាំស្ត្រី ជាមួយអង្គពិធីទាំងមូលផងដែរ៕

The post រដ្ឋមន្ត្រីក្រសួងកិច្ចការនារី៖ ការវិនិយោគលើស្ត្រី និងក្មេងស្រី គឺជាការវិនិយោគលើអនាគតរបស់ប្រទេសជាតិ appeared first on Kampuchea Thmey Daily.

ការបន្តកិច្ចសហការរួមគ្នានេះ ធ្វើឡើងក្នុងឱកាស លោកស្រីបណ្ឌិត អុឹង កន្ថាផាវី រដ្ឋមន្រ្តីក្រសួងកិច្ចការនារី ទទួលជួបពិភាក្សាការងារជាមួយលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំនៅកម្ពុជា ដើម្បីពង្រឹង និងបញ្ជាក់ឡើងវិញ អំពីកិច្ចសហការដ៏មានតម្លៃរវាងភាគីទាំងពីរ ក្នុងការលើកកម្ពស់សមភាពយេនឌ័រ និងភាពអង់អាចដល់ស្រ្តីក្នុងប្រទេសកម្ពុជា។

ក្រសួងលើកឡើងថា ក្នុងកិច្ចពិភាក្សា ក៏បានបញ្ជាក់ពីតួនាទីកាន់តែសកម្មរបស់ស្ត្រីកម្ពុជា ក្នុងការរក្សាសន្តិភាព អភិបាលកិច្ច និងការអភិវឌ្ឍសេដ្ឋកិច្ចសង្គម ព្រមទាំងបញ្ហាប្រឈមថ្មីៗក្នុងបរិបទតំបន់ និងពិភពលោក។ តាមការផុសនោះ បញ្ជាក់ថា៖ “ក្រសួងកិច្ចការនារី និងអង្គការសហប្រជាជាតិ បន្តប្តេជ្ញាភាពជាដៃគូរួមគ្នា ដើម្បីជំរុញអភិវឌ្ឍន៍សង្គមប្រកបដោយចីរភាព និងស្ថានភាពស្រ្តីកម្ពុជាឲ្យកាន់តែរឹងមាំ”។

សូមជម្រាបថា ក្នុងជំនួបខាងលើ ក្រសួងកិច្ចការនារី និងអង្គការសហប្រជាជាតិប្រចាំកម្ពុជា បានលើកឡើងពីការបន្តកិច្ចសហប្រតិបត្តិការដ៏មានតម្លៃកន្លងមក ការបញ្ជ្រាបយេនឌ័រតាមវិស័យ ការលើកកម្ពស់សុខុមាលភាពស្រ្តីក្នុងវិស័យសេដ្ឋកិច្ច ការទប់ស្កាត់អំពើហិង្សាផ្អែកលើយេនឌ័រ ការលើកកម្ពស់និយាមសង្គមវិជ្ជមាន និងការចូលរួមរបស់ស្ត្រីក្នុងការធ្វើសេចក្តីសម្រេចផងដែរ៕

The post ក្រសួងកិច្ចការនារី  និងអង្គការសហប្រជាជាតិប្រចាំកម្ពុជា បន្តប្តេជ្ញារួមគ្នាលើកកម្ពស់សមភាពយេនឌ័រនៅកម្ពុជា appeared first on Kampuchea Thmey Daily.

ក្រសួងបានបញ្ជាក់ថា ការជ្រើរើសយកប្រធានបទ «សន្តិភាព និងសន្តិសុខសម្រាប់ស្តី និងគ្រួសារ» ក្នុងគោលបំណងរំលេចពីសារៈសំខាន់មិនអាចកាត់ថ្លៃបាននៃសន្តិភាព និងសន្តិសុខសម្រាប់ស្ត្រី និងក្រុមគ្រួសារ ក៏ដូចគូសបញ្ជាក់ ពីការរួមចំណែកយ៉ាងសកម្មរបស់ស្រ្តី ក្នុងកិច្ចខិតខំប្រឹងប្រែងដើម្បីកសាង និងថែរក្សាសន្តិភាព។ ព្រមទាំងអំពាវនាវឱ្យមានកិច្ច អន្តរាគមន៍ជាបន្ទាន់ក្នុងការការពារ និងលុបបំបាត់នូវរាល់ឧបសគ្គរារាំងដែលមានផលប៉ះពាល់ជាអវិជ្ជមានដល់ស្រ្តី និងគ្រួសារ ដែលទាំងនេះជាបុរេលក្ខខណ្ឌ និងជាធាតុផ្សំមិនអាចខ្វះបានសម្រាប់ការអភិវឌ្ឍប្រកបដោយចីរភាព ស្ថិរភាព និងវិបុលភាពសង្គម។

ប្រធានបទនេះដែរ រៀបចំឡើង ស្របតាមរបៀបវារៈស្ត្រី សន្តិភាព និងសន្តិសុខ ដែលជាសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ លេខ១៣២៥ លើការលើកកម្ពស់តួនាទីស្ត្រី និងក្មេងស្រី ក្នុងការចូលរួមកសាង ការពារសន្តិភាព និងសន្តិសុខ ដោយប្រើប្រាស់ភាពជាអ្នកដឹកនាំ ដើម្បីបង្ការ ទប់ស្កាត់ជម្លោះ ការកសាងសន្តិភាព ព្រមទាំង ការស្ដារឡើងវិញក្រោយជម្លោះ។

លើសពីនេះ ប្រធានបទក៏បានឆ្លុះបញ្ចាំងពីការកើនឡើងនូវអស្ថិរភាព និងជម្លោះប្រដាប់អាវុធ នៅក្នុងតំបន់ និងសកលលោក ក៏ដូចជាការប្រែប្រួលអាកាសធាតុ គ្រោះមហន្តរាយ ជំងឺរាតត្បាត និងលទ្ធិជ្រុលនិយម ដោយហិង្សាដែលធ្វើឱ្យប៉ះពាល់យ៉ាងធ្ងន់ធ្ងរដល់សិទ្ធិ ការរស់នៅប្រកបដោយសុវត្ថិភាព សុខុមាលភាព និងសេចក្តីថ្លៃថ្នូរ របស់ពលរដ្ឋនិងសហគមន៍ ជាពិសេសស្ត្រី និងក្រុមងាយរងគ្រោះ។ កម្ពុជាត្រូវបានទទួលស្គាល់លើឆាកអន្តរជាតិ ក្នុងការបញ្ជូនកងរក្សាសន្តិភាពជាស្ត្រី ចំណាត់ថ្នាក់លេខ១៤ ក្នុង ចំណោម ១២០ប្រទេស និងលេខ២ ក្នុងអាស៊ាន ដែលស្រ្តីមាន២១% លើសពីគោលដៅអង្គការសហប្រជាជាតិ។

ជារៀងរាល់ឆ្នាំ កម្ពុជា ក៏ដូចជាប្រទេសនានាទូទាំងសកលលោក បានប្រារព្ធពិធីអបអរសាទរទិវាអន្តរជាតិនារី ៨មីនា ក្នុងគោលបំណង ដើម្បីរំលឹកពីការតស៊ូទាមទារសិទ្ធិ សេរីភាព និងឆ្លុះបញ្ចាំងអំពីវឌ្ឍនភាព សមិទ្ធផល បញ្ហាប្រឈម កាលានុវត្តភាពនានា ក៏ដូច បង្ហាញពីការប្តេជ្ញាចិត្ត និងវិធានការវិជ្ជមាន ក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី និងក្មេងស្រី គ្រប់រូប៕

The post ក្រសួងកិច្ចការនារី ប្រារព្ធទិវាអន្តរជាតិនារី ៨មីនា ឆ្នាំនេះ ក្រោមប្រធានបទ «សន្តិភាព និងសន្តិសុខសម្រាប់ស្តី និងគ្រួសារ» appeared first on Kampuchea Thmey Daily.