ក្រសួងពាណិជ្ជកម្ម Archives - Kampuchea Thmey Daily

អ្នកនាំពាក្យក្រសួងពាណិជ្ជកម្មថាការធានារ៉ាប់រងលើការដឹកជញ្ជូនខ្ពស់ធ្វើឱ្យប៉ះពាល់ដល់តម្លៃអង្ករកម្ពុជា

hun sirivadh — Fri, 29 May 2026 07:15:08 +0000

អ្នកនាំពាក្យក្រសួងពាណិជ្ជកម្មលោក ប៉ែន សុវិជាតិ បានឱ្យដឹងថាបញ្ហាមួយក្រៅពីថ្លៃដើមផលិតដែលធ្វើឱ្យតម្លៃអង្ករកម្ពុជាលើទីផ្សារអន្តរជាតិពិបាកប្រកួតប្រជែងជាមួយប្រទេសផ្សេងនោះគឺតម្លៃធានារ៉ាប់រងលើការដឹកជញ្ជូនចេញពីកម្ពុជាដែលធ្វើឱ្យតម្លៃអង្ករកម្ពុជាលើទីផ្សារអន្តរជាតិថ្លៃលើសពីប្រទេសប្រកួតប្រជែងជាមធ្យមប្រមាណ៥០ដុល្លារក្នុងមួយតោន។

លើកឡើងក្នងវេទិកាតុមូលនៅព្រឹកថ្ងៃទី២៩ ខែឧសភា ឆ្នាំ២០២៦ នៅរាជបណ្ឌិត្យសភាកម្ពុជា លោក ប៉ែន សុវិជាតិ បានថ្លែងថា៖ «យើងត្រូវប្រកួតប្រជែងជាមួយវៀតណាមដែលឯកឧត្តម ឃឹម ហ្វីណង់ ថាថ្លៃជាងគេ ៥០ ឬ៤០ដុល្លារនោះ។ ហើយខ្ញុំសូមជម្រាបថាថ្លៃជាំងគេនោះគឺមកពីអ្វី? ថ្លៃ ធានារ៉ាប់រង បងចន្ទីនិយាយច្បាស់ណាស់ថាថ្លៃធានារ៉ាប់រងវាថ្លៃ ឱ្យតែឮថាដឹកចេញពីខ្មែរលេងពួយឯងលើសហ្នឹងតែម្ដង»។

លោកក៏បានបន្ថែមផងដែរថា បញ្ហានេះក៏កាន់តែប៉ះពាល់ដល់តម្លៃអង្ករកម្ពុជាលើទីផ្សារអន្តរជាតិថែមទៀតក្រោយមានសង្គ្រាមអាមេរិក អ៊ីស្រាអែល និងអ៊ីរ៉ង់កើតឡើងដែលប៉ះពាល់ដល់ច្រកសមុទ្រហូម័សមក។

យោងតាមគេហទំព័រការធានារ៉ាប់រងលើការដឹកជញ្ជូនតាមផ្លូវសមុទ្រ Cargo insure pro តម្លៃធានារ៉ាប់រងដែលដឹកចេញពីកម្ពុជាត្រូវបានគិតតម្លៃពី ០,១% ទៅ ០,៥% នៃតម្លៃទំនិញ ខណៈការដឹកចេញពីប្រទេសថៃមានតម្លៃ ០,០៥% ដល់០,៥% និងវៀតណាមគិតចន្លោះពី ០,០៥% ទៅ០,៧%។

អ្នកនាំពាក្យក្រសួងកសិកម្មលោក ឃឹម ហ្វីណង់ បានឱ្យដឹងក្នុងកិច្ចពិភាក្សានោះដែរថាបញ្ហាតម្លៃអង្ករពេលនេះគឺទាក់ទងនឹងតម្លៃ ហើយនឹងថ្លៃដើមនៃការផលិត។ លោកបន្ថែមថាការដំឡើងថ្លៃអង្ករប្រមូលទិញលើទីផ្សារនឹងកាន់តែធ្វើឱ្យកម្ពុជាបាត់បង់ការប្រកួតប្រជែងជាមួយប្រទេសជិតខាងតែម្ដង។

លោកថា៖ «ទីផ្សារអង្ករស យើងថ្លៃជាងគេប្រហែល៥០ដុល្លារក្នុងមួយតោនទៅហើយ។ អ៊ីចឹងសួរថាបើថ្លៃជាងហ្នឹងទៀត! អ្នកណាគេមកទិញយើង? យើងថាអង្ករយើងល្អជាង បាទ! ដំណាំស្រូវគឺជាដំណាំដែលការប្រកួតប្រជែងសឹងតែ Perfect Compitition ណា។ ខុសគ្នាតែ១០ ឬ២០ដុល្លារយើងក៏ពិបាកដែរ »។

លោកបន្ថែមថា រាល់ថ្ងៃនេះបើមានជម្រើសរដ្ឋាភិបាលមិនចង់បង្កើនផលិតកម្មស្រូវទេ ដោយរដ្ឋាភិបាលកំពុងស្វែងរកការធ្វើពិពិធកម្មចេញពីដំណាំស្រូវ ខណៈកន្លែងខ្លះនឹងរៀបចំឱ្យមានការធ្វើស្រែឱ្យបាន២ដង ឬបង្កើតឱ្យមានកសិកម្មវិលជុំសម្រាប់ប្រជាកសិករ។

លោកជំរុញបន្ថែមទៀតឱ្យប្រជាកសិករចូលរួមជាមួយរដ្ឋាភិបាលបង្កើតជាសហគមន៍កសិកម្មដើម្បីជួយដោះស្រាយបញ្ហាដែលកំពុងប្រឈម។

បើតាមលោក ឃឹម ហ្វីណង់ បច្ចុប្បន្នកម្ពុជាអាចផលិតស្រូវបានប្រមាណ១៥លានតោនក្នុងមួយឆ្នាំ ខណៈតម្រូវការក្នុងស្រុកមានប្រមាណតែ៦ទៅ៧លានតោនប៉ុណ្ណោះ ដែលនៅសល់ក្រៅពីនោះត្រូវនាំចេញទៅលក់នៅបរទេស។ របាយការណ៍ក្រសួងកសិកម្មឆ្នាំ២០២៥ឱ្យដឹងថាកម្ពុជាបាននាំចេញអង្ករទៅកាន់ទីផ្សារពិភពលោកបានប្រមាណ ៩៤ម៉ឺនតោន ដោយគិតជាទឹកប្រាក់ប្រមាណ ៦០០លានដុល្លាអាមេរិក៕

អត្ថបទដោយ ហ៊ុន សិរីវឌ្ឍន៍

The post អ្នកនាំពាក្យក្រសួងពាណិជ្ជកម្មថាការធានារ៉ាប់រងលើការដឹកជញ្ជូនខ្ពស់ធ្វើឱ្យប៉ះពាល់ដល់តម្លៃអង្ករកម្ពុជា appeared first on Kampuchea Thmey Daily.

ក្រសួងពាណិជ្ជកម្ម ជំរុញឱ្យពាណិជ្ជករ ចូលរួមពិព័ណ៍ គ្រឿងសមុទ្រនៅឥណ្ឌា

deth leng — Tue, 05 May 2026 07:25:47 +0000

ក្រសួងពាណិជ្ជកម្មកម្ពុជា បានជំរុញឱ្យពាណិជ្ជករ ចូលរួមពិធីតាំងពិព័រណ៍គ្រឿងសមុទ្រលើកទី២ (SEB) នៅខែកក្កដា ២០២៦ នៅប្រទេសឥណ្ឌា។

ក្រសួងពាណិជ្ជកម្មកម្ពុជា និងក្រសួងឧស្សាហកម្មឥណ្ឌានឹងរៀបចំ ពិព័រណ៍គ្រឿងសមុទ្រលើកទី២ ពីថ្ងៃទី ១-៣ ខែកក្កដា ឆ្នាំ២០២៦ នៅទីក្រុង Chennai រដ្ឋ Tamil Nadu ប្រទេសឥណ្ឌា។ ពិព័រណ៍នេះនឹងមានស្តង់ចំនួន ៣២៥ ហើយរំពឹងថា មានគណៈប្រតិភូធុរកិច្ចឥណ្ឌា និងបរទេសចូលរួមប្រមាណ ៥០០០ នាក់។

កម្មវិធីក៏នឹងរៀបចំជូនគណៈប្រតិភូចូលរួម កម្មវិធីជំនួបធុរកិច្ច ទស្សនកិច្ច រោងចក្រកែច្នៃគ្រឿងសមុទ្រ និងកសិដ្ឋានជលផលផងដែរ។ ភាគីឥណ្ឌាបានអញ្ជើញក្រុមហ៊ុននាំចូល គ្រឿងសមុទ្រចំនួន១០ និងអ្នកចូលរួមតាំងពិព័រណ៍ចំនួន១០ស្តង់ផ្សេងទៀត ក្នុងផ្នែក seafood processors, aquaculture and processing machinery manufacturers, និង aquaculture/processing input supplier សម្រាប់ចូលរួមរៀបចំពន្លាកម្ពុជា។

ភាគីឥណ្ឌានឹងទទួលចេញថ្លៃសំបុត្រយន្តហោះទៅ-មក មិនលើស២០០០ដុល្លារ (សម្រាប់តែមួយនាក់ក្នុងមួយក្រុមហ៊ុន) ការស្នាក់នៅ និងការធ្វើដំណើរក្នុងស្រុក សម្រាប់តំណាងក្រុមហ៊ុននាំចូលគ្រឿងសមុទ្រ។

ដោយឡែក ក្រសួងពាណិជ្ជកម្មក៏បានប្រកាសថា ពិព័រណ៍ម្ហូបអាហារ និងភេសជ្ជៈ ឆ្នាំ២០២៦ «SIAL CHINA 2026» នឹងប្រព្រឹត្តទៅនៅថ្ងៃទី ១៨-២០ ខែឧសភា ឆ្នាំ២០២៦ នៅមជ្ឈមណ្ឌលតាំងពិព័រណ៍ អន្តរជាតិថ្មីសៀងហៃ ទីក្រុងសៀងហៃ សាធារណរដ្ឋប្រជាមានិតចិន ដែលព្រឹត្តិការណ៍ពិព័រណ៍នេះ នឹងមានអ្នក ចូលរួមតាំងពិព័រណ៍ប្រមាណ ៥,០០០ នាក់ មកពី៧៥ ប្រទេស និងរំពឹងថា មានអ្នកទស្សនាចំនួន ១៧០,០០០នាក់។

ពិព័រណ៍ម្ហូបអាហារ និងភេសជ្ជៈ ឆ្នាំ២០២៦ «SIAL CHINA 2026» គឺជាព្រឹត្តិការណ៍ពិព័រណ៍ម្ហូប អាហារ និងភេសជ្ជៈធំបំផុតលំដាប់ពិភពលោក ដែលជាវេទិកាសម្រាប់ផ្សព្វផ្សាយសម្រាប់ក្រុមហ៊ុនម្ហូបអាហារ និងភេសជ្ជៈ ដែលកំពុងស្វែងរកការពង្រីកខ្លួនទៅទីផ្សារក្រៅប្រទេស និងជំរុញអាជីវកម្មម្ហូបអាហារ តាមរយៈការចែករំលែកការយល់ដឹង និងនិន្នាការថ្មីៗ ក៏ដូចជាការបង្ហាញអំពីម្ហូបអាហារផ្សេងៗទៅតាមតំបន់ និងតាមប្រទេស ដើម្បីផ្សារភ្ជាប់អ្នកតាំងពិព័រណ៍ និងអ្នកទិញ និងផ្តល់ឱកាសដល់ការបង្កើនបណ្តាញទំនាក់ទំនង៕

The post ក្រសួងពាណិជ្ជកម្ម ជំរុញឱ្យពាណិជ្ជករ ចូលរួមពិព័ណ៍ គ្រឿងសមុទ្រនៅឥណ្ឌា appeared first on Kampuchea Thmey Daily.

តម្លៃលក់រាយប្រេងសាំងធ្លាក់ចុះបន្តិចនៅសប្ដាហ៍នេះ

Sokhom Khon — Wed, 15 Apr 2026 00:27:52 +0000

តាមការប្រកាសរបស់ក្រសួងពាណិជ្ជកិម្មនៅយប់ថ្ងៃទី១៤មេសា តម្លៃប្រេងសាំង និងប្រេងម៉ាស៊ូតលក់រាយតាមបណ្ដាស្ថានីយបានធ្លាក់ចុះបន្តិច ខណៈតម្លៃនេះ នឹងត្រូវអនុវត្តចាប់ពីថ្ងៃទី១៥ មេសានេះតទៅ រហូតដល់មានការជូនដំណឹងជាថ្មី។

តាមការប្រកាសរបស់ក្រសួងពាណិជ្ជកិម្ម តម្លៃប្រេងឥន្ធនៈលក់រាយនៅតាមស្ថានីយចាប់ពីថ្ងៃពុធ ទី១៥ ខែមេសា ឆ្នាំ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥១០០ រៀល ក្នុងមួយលីត្រ ធ្លាក់ចុះ១០០រៀល ចំណែកប្រេងម៉ាស៊ូតលក់ចេញក្នុងតម្លៃ ៦៤០០ រៀល ក្នុងមួយលីត្រ ធ្លាក់ចុះ៥០០រៀល ក្នុង១លីត្រ នេះបើធៀបនឹងការប្រកាសពេលមុន។ រាជរដ្ឋាភិបាលបានដាក់ចេញនូវវិធានការឧបត្ថម្ភធន និងបញ្ចុះពន្ធអាករផ្សេងៗ ដើម្បីឆ្លើយតបទៅនឹងនិន្នាការកើនឡើងថ្លៃប្រេងនៅលើទីផ្សារអន្តរជាតិ ព្រមទាំងជួយសម្រួលដល់ជីវភាពរបស់ប្រជាពលរដ្ឋ៕

The post តម្លៃលក់រាយប្រេងសាំងធ្លាក់ចុះបន្តិចនៅសប្ដាហ៍នេះ appeared first on Kampuchea Thmey Daily.

តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់

deth leng — Fri, 10 Apr 2026 01:15:15 +0000

តម្លៃប្រេងឥន្ធនៈលក់រាយក្នុងស្រុកបានធ្លាក់ចុះយ៉ាងគំហុកនៅថ្ងៃសុក្រនេះ បន្ទាប់ពីមានបទឈប់បាញ់រវាងសហរដ្ឋអាមេរិក និងអ៊ីរ៉ង់រយៈពេល ២ សប្ដាហ៍ ហើយទីក្រុងតេហេរ៉ង់ បានយល់ព្រមឯកភាពបើកច្រកសមុទ្រ Hormuz។

ក្រសួងពាណិជ្ជកម្មបានប្រកាសថា តម្លៃសាំងធម្មតាបានធ្លាក់ចុះ ៣០០ រៀល ក្នុងមួយលីត្រ ដោយលក់ចេញក្នុងតម្លៃ ៥២០០ រៀល ក្នុងមួយលីត្រ ធៀបនឹងការប្រកាសលើកមុន ខណៈប្រេងម៉ាស៊ូតបានធ្លាក់ ១៣០០ រៀល ដោយលក់ក្នុងតម្លៃ ៦៩០០ រៀល ក្នុងមួយលីត្រ។ តម្លៃនេះអនុវត្តចាប់ពីថ្ងៃទី ១០ ខែមេសា រហូតដល់ការជូនដំណឹងជាថ្មី។

រាជរដ្ឋាភិបាលបានបន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

១. រាជរដ្ឋាភិបាលបន្តបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ ដែលជាការជួយឧបត្ថម្ភផ្ទាល់របស់រាជរដ្ឋាភិបាលដើម្បីជួយបន្ធូរបន្ទុកប្រជាពលរដ្ឋក្នុងគ្រាលំបាក។

២. រាជរដ្ឋាភិបាលបន្តបញ្ចុះតម្លៃ១សេនដុល្លារ បន្ថែមទៀតក្នុងមួយលីត្រនៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល។ ៣. រាជរដ្ឋាភិបាលបញ្ចុះពន្ធគយដល់សូន្យ ពោលគឺរដ្ឋមិនយកពន្ធនាំចូលប្រេងតែម្តង។

៣. ដោយផ្អែកតាមសភាពការណ៍ដែលតម្លៃប្រេងឥន្ទនៈបន្តកើនឡើងនៅលើទីផ្សារអន្តរជាតិ សម្តេចនាយករដ្ឋមន្ត្រីបានសម្រេចវិធានការបន្ថែមទៀតដោយបញ្ចុះអាករបន្ថែមលើប្រេងសាំង និងប្រេងម៉ាស៊ូតដល់ ០ (សូន្យ) ដុល្លារ។

៤. បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃបន្ថែមប្រេងសាំង និងម៉ាស៊ូតពី ១០% មកត្រឹម ៤% ដោយរាជរដ្ឋាភិបាលជាអ្នកទទួលបន្ទុកជំនួសចំពោះអាករលើតម្លៃបន្ថែមចំនួន ៦% ដែលត្រូវបានកាត់ចេញ៕

The post តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់ appeared first on Kampuchea Thmey Daily.

តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា

deth leng — Tue, 07 Apr 2026 01:05:30 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងនៅថ្ងៃអង្គារទី ០៧ ខែមេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៥០០ រៀល ក្នុងមួយលីត្រ រក្សាតម្លៃនៅដដែល ចំណែកឯប្រេងម៉ាស៊ូតលក់ចេញក្នុងតម្លៃ ៨២០០ រៀល ក្នុងមួយលីត្រ កើនឡើង ១០០ រៀល ធៀបនឹងការប្រកាសពេលមុន។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០៧ មេសា រហូតដល់ការជូនដំណឹងថ្មី។ រាជរដ្ឋាភិបាលបានដាក់ចេញនូវវិធានការឧបត្ថម្ភធន និងបញ្ចុះពន្ធអាករផ្សេងៗ ដើម្បីឆ្លើយតបទៅនឹងនិន្នាការកើនឡើងថ្លៃប្រេងនៅលើទីផ្សារអន្តរជាតិ ព្រមទាំងជួយសម្រួលដល់ជីវភាពរបស់ប្រជាពលរដ្ឋ។

រដ្ឋាភិបាលបានបញ្ចុះតម្លៃប្រេងចំនួន ៦,៥ សេនដុល្លារ ក្នុងមួយលីត្រ, បញ្ចុះតម្លៃ១សេនដុល្លារ បន្ថែមទៀតក្នុងមួយលីត្រនៅពេលដែលប្រេងសាំងអន្តរជាតិកើនលើសពី៩០ដុល្លារ ក្នុង១បារ៉ែល និងប្រេងម៉ាស៊ូតអន្តរជាតិកើនលើសពី១០០ ដុល្លារក្នុង១បារ៉ែល, បញ្ចុះពន្ធនាំចូលដល់សូន្យ និងបញ្ចុះអាករលើតម្លៃបន្ថែមលើប្រេងសាំង និងប្រេងម៉ាស៊ូត ដល់សូន្យ។

បញ្ចុះអាករពិសេសលើប្រេងសាំងពី ៣០% មក ១៥% និងប្រេងម៉ាស៊ូតពី ៤% មក ០ និងបញ្ចុះអាករលើតម្លៃបន្ថែមលើប្រេងសាំងពី ១០% មក ៤% និងប្រេងម៉ាស៊ូតពី ១០% មកសូន្យ៕

The post តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា appeared first on Kampuchea Thmey Daily.

តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ

deth leng — Sat, 04 Apr 2026 00:18:29 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងខ្ពស់នៅថ្ងៃសៅរ៍ ទី ០៤ ខែមេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៥០០ រៀល ក្នុងមួយលីត្រ កើនឡើង ៥០ រៀល ប្រៀបធៀបការការប្រកាសរបស់ក្រសួងពាណិជ្ជកម្មលើកមុន ចំណែកឯប្រេងម៉ាស៊ូតមានតម្លៃ ៨១០០ រៀល ក្នុងមួយលីត្រ កើនឡើង ៦០០ រៀល។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០៤ ខែមេសា រហូតដល់ការជូនដំណឹងថ្មី។ រាជរដ្ឋា ភិបាល បន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

The post តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ appeared first on Kampuchea Thmey Daily.

គម្រោង អេមស៍ បញ្ចេញហិរញ្ញប្បទានឥតសំណង ១,៥ លានដុល្លារ ពង្រឹងខ្សែច្រវាក់តម្លៃ និងទីផ្សារសម្រាប់ផលិតផលបន្លែ និងសាច់

deth leng — Fri, 03 Apr 2026 02:40:28 +0000

គម្រោងជំរុញទីផ្សារសម្រាប់កសិកម្មខ្នាតតូច (AIMS) របស់ក្រសួងពាណិជ្ជកម្ម បានប្រកាសបញ្ចេញហិរញ្ញប្បទានឥតសំណងចំនួន ១,៥ លានដុល្លារ ដើម្បីពង្រឹងខ្សែច្រវាក់តម្លៃ និងការតភ្ជាប់ទីផ្សារសម្រាប់ផលិតផលមាន់ខ្មែរ បន្លែសុវត្ថិភាព និងស្រូវប្រណីត ក្នុងឆ្នាំ២០២៦ នៅទូទាំងខេត្តគោលដៅទាំង ១៨ ប្រទេសកម្ពុជា។

នេះជាការបញ្ចេញហិរញ្ញប្បទានថ្មីបន្ថែម បន្ទាប់ពីគម្រោងទទួលបានលទ្ធផលជាវិជ្ជមានពីការបញ្ចេញហិរញ្ញប្បទានឥតសំណងក្នុងឆ្នាំ ២០២៥ ជិត ១ លានដុល្លារ ដែលគាំទ្រដល់គ្រួសារកសិករខ្នាតតូចនៅជនបទចំនួន ៦៨៦គ្រួសារ ដើម្បីសាកល្បងបច្ចេកវិទ្យា និងការអនុវត្តនានាក្នុងផលិតកម្មជាលក្ខណៈអាជីវកម្ម សម្រាប់ផលិតផលមាន់ខ្មែរ និងបន្លែសុវត្ថិភាព។

សម្រាប់ហិរញ្ញប្បទានក្នុងឆ្នាំ ២០២៦ នឹងធ្វើការគាំទ្រដល់កសិករខ្នាតតូចចំនួន ១៤០០ គ្រួសារ បន្ថែមទៀត ឱ្យទទួលយកបច្ចេកវិទ្យា និងការអនុវត្តផលិតកម្មលក្ខណៈអាជីវកម្ម ដែលអនុវត្តបានជោគជ័យកាលពីឆ្នាំកន្លងទៅនេះ។ បន្ថែមពីលើផលិតផលមាន់ខ្មែរ និងបន្លែសុវត្ថិភាព ហិរញ្ញប្បទានថ្មីនេះនឹងពង្រីកការគាំទ្រដល់ខ្សែច្រវាក់តម្លៃស្រូវប្រណីតផងដែរ។

អេមស៍ គឺជាគម្រោងអនុវត្តដោយក្រសួងពាណិជ្ជកម្ម ក្រោមសហហិរញ្ញប្បទាន ដោយរាជរដ្ឋាភិបាលកម្ពុជា និងមូលនិធិអន្តរជាតិសម្រាប់ការអភិវឌ្ឍកសិកម្ម (IFAD)។ គម្រោងមានគោលដៅ លើកស្ទួយវិបុលភាពកសិករខ្នាតតូចនៅកម្ពុជា តាមរយៈការបង្កើនផលចំណេញ ដោយផ្សារភ្ជាប់ផលិតផល កសិពាណិជ្ជកម្ម និងទីផ្សារ។

ការផ្តល់ហិរញ្ញប្បទានឥតសំណងនេះ ឆ្លុះបញ្ចាំងពីការផ្តោតការយកចិត្តទុកដាក់ជាបន្តបន្ទាប់របស់ក្រសួងពាណិជ្ជកម្ម តាមរយៈគម្រោង អេមស៍ ក្នុងការជំរុញការអភិវឌ្ឍទីផ្សារប្រកបដោយបរិយាប័ន្នសម្រាប់កសិករខ្នាតតូច ដោយកាត់បន្ថយហានិភ័យវិនិយោគរបស់ពួកគាត់ និងលើកកម្ពស់ដំណោះស្រាយជាក់ស្តែង ដែលផ្តោតលើទីផ្សារ។

លោក អេង សុធីវ័ន្ត អគ្គនាយកនៃអគ្គនាយកដ្ឋានពាណិជ្ជកម្មក្នុងប្រទេស និងជានាយកគម្រោង អេមស៍ មានប្រសាសន៍ថា៖ «ហិរញ្ញប្បទានឥតសំណងថ្មីនេះ ឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់យើង ក្នុងការជំរុញការអភិវឌ្ឍទីផ្សារប្រកបដោយបរិយាបន្នសម្រាប់កសិករខ្នាតតូច។ តាមរយៈការកាត់បន្ថយហានិភ័យលើការវិនិយោគ និងលើកម្ពស់ការអនុវត្តដំណោះស្រាយជាក់ស្តែងដែលផ្តោតលើទីផ្សារ យើងកំពុងផ្តល់លទ្ធភាពដល់កសិករខ្នាតតូច ជាពិសេសស្ត្រី និងកសិករក្រីក្រ ឱ្យទទួលយកបច្ចេកវិទ្យាដែលមានភាពប្រសើរ បង្កើនផលិតភាពនៃការផលិតរបស់ពួកគាត់ និងពង្រឹងទំនាក់ទំនងរបស់ពួកគាត់ជាមួយទីផ្សារដែលអាចទុកចិត្តបាន»។

ការគាំទ្រថ្មីនេះ កើតឡើងស្របពេលនៃការប្រារព្វភាពជាដៃគូយូរអង្វែងរបស់ IFAD ជាមួយរាជរដ្ឋាភិបាលកម្ពុជា ហើយវាក៏បានបង្ហាញពីតម្លៃនៃការវិនិយោគប្រកបដោយចីរភាព លើដំណោះស្រាយដែលជួយកសិករខ្នាតតូចនៅជនបទ ឱ្យបានចូលរួមកាន់តែមានប្រសិទ្ធភាពនៅក្នុងទីផ្សារដែលកំពុងរីកចម្រើន ស្របពេលជាមួយគ្នា ក៏ជួយពង្រឹងភាពធន់ និងពង្រីកឱកាសសេដ្ឋកិច្ចសម្រាប់ពួកគាត់ផងដែរ។

លោក Frew Behabtu នាយកប្រចាំប្រទេស និងជាតំណាង IFAD នៅកម្ពុជា បានគូសបញ្ជាក់យ៉ាងដូច្នេះថា៖ «ចំពេលដែល IFAD និងកម្ពុជា ប្រារព្ធខួបលើកទី៣០ឆ្នាំ នៃភាពជាដៃគូនៅឆ្នាំនេះ ហិរញ្ញប្បទាននេះបានគូសបញ្ជាក់ពីសារៈសំខាន់នៃការបន្តវិនិយោគលើដំណោះស្រាយដែលជួយកសិករខ្នាតតូចនៅជនបទ ឱ្យសម្រេចបាននូវការធ្វើសមាហរណកម្មទីផ្សារកាន់តែស៊ីជម្រៅ ពង្រីកការងារនៅជនបទ និងពង្រឹងភាពធន់ឱ្យកាន់តែមានប្រសិទ្ធភាព ជាពិសេសការយកចិត្តទុកដាក់ចំពោះស្ត្រី និងក្រុមដែលប្រឈមនឹងហានិភ័យត្រូវបានគេទុកចោល»។

តាមរយៈមូលនិធិនវានុវត្តន៍ខ្សែច្រវាក់តម្លៃ (ហិរញ្ញប្បទានឥតសំណង) គម្រោង អេមស៍ បានកាត់បន្ថយឧបសគ្គហិរញ្ញវត្ថុដែលកសិករខ្នាតតូចជួបប្រទះក្នុងការអនុវត្តបច្ចេកវិទ្យាបង្កើនផលិតភាព និងបំពេញតាមស្តង់ដារទីផ្សារ។

តាមរយៈការប្រើប្រាស់ «អ្នកហ៊ានសាកល្បងមុនគេ» ដើម្បីបង្កើតជាគំរូអាជីវកម្មដែលជោគជ័យ វាបានជំរុញលើកទឹកចិត្តដល់កសិករដទៃឱ្យទទួលយក និងអនុវត្តតាមកាន់តែទូលំទូលាយ ដោយគ្មានការឧបត្ថម្ភធនក្នុងរយៈពេលវែង ហើយរួមចំណែកដល់កំណើនសេដ្ឋកិច្ចជនបទប្រកបដោយបរិយាបន្ន និងមានចីរភាព។

គិតត្រឹមត្រីមាសទី១ ឆ្នាំ២០២៦ គម្រោង អេមស៍ បានបញ្ចេញហិរញ្ញប្បទានឥតសំណង ច្រកទី១ សរុប ៦,២១ លានដុល្លារអាម៉េរិក ដែលគាំទ្រដល់សិករខ្នាតតូចសរុបចំនួន ៥ ២៧១ គ្រួសារ នៅទូទាំងប្រទេស ចាប់តាំងពីគម្រោងបានចាប់ផ្តើមដំណើរការមក។

ការវិនិយោគទាំងនេះ គឺបានផ្តោតលើផលិតផលដែលរងផលប៉ះពាល់ខ្លាំង ជាពិសេសការផលិតបន្លែសុវត្ថិភាព មាន់ស្រែ និងមាន់ខ្មែរ និងគ្រាប់ពូជស្រូវ។

ហិរញ្ញប្បទានឥតសំណងសម្រាប់ផលិផលបន្លែបានជួយគាំទ្រដល់កសិករក្នុងការសាងសង់ប្រព័ន្ធដាំបន្លែក្នុងផ្ទះសំណាញ់ និងជួយកសិករចិញ្ចឹមមាន់ក្នុងការអនុវត្តតាមគំរូអាជីវកម្មដោយផ្អែកលើកញ្ចប់បច្ចេកទេស ដែលជួយឱ្យពួកគាត់អាចកែលម្អផលិតភាព គ្រប់គ្រងហានិភ័យ និងអាចបំពេញតាមស្តង់ដារទីផ្សារបាន៕

The post គម្រោង អេមស៍ បញ្ចេញហិរញ្ញប្បទានឥតសំណង ១,៥ លានដុល្លារ ពង្រឹងខ្សែច្រវាក់តម្លៃ និងទីផ្សារសម្រាប់ផលិតផលបន្លែ និងសាច់ appeared first on Kampuchea Thmey Daily.

តម្លៃប្រេងលក់រាយ កើនឡើងខ្ពស់នៅថ្ងៃនេះ

deth leng — Wed, 01 Apr 2026 00:58:59 +0000

តម្លៃប្រេងឥន្ធនៈលក់រាយនៅតាមស្ថានីយបន្តកើនឡើងខ្ពស់នៅថ្ងៃចន្ទ ទី ០១ មេសា ២០២៦ ក្នុងនោះប្រេងសាំងធម្មតាលក់ចេញក្នុងតម្លៃ ៥៤៥០ រៀល ក្នុងមួយលីត្រ កើនឡើង ៤៥០ រៀល ប្រៀបធៀបការការប្រកាសរបស់ក្រសួងពាណិជ្ជកម្មលើកមុន ចំណែកឯប្រេងម៉ាស៊ូត បានកើនដល់ ៧៥០០ រៀល ក្នុងមួយលីត្រ។

ក្រសួងពាណិជ្ជកម្មបានប្រកាសថា តម្លៃខាងលើអនុវត្តចាប់ពីថ្ងៃទី០១ ខែមេសា រហូតដល់ការជូនដំណឹងថ្មី។ រាជរដ្ឋា ភិបាល បន្តដាក់ចេញវិធានការបញ្ចុះតម្លៃប្រេងឥន្ធនៈ ដើម្បីសម្រាលការលំបាករបស់ប្រជាពលរដ្ឋ ក្នុងពេលដែលតម្លៃប្រេងកើនឡើងនៅលើទីផ្សារអន្តរជាតិ។

វិធានការទាំងនោះរួមមាន៖

៤. បញ្ចុះអាករពិសេសលើប្រេងម៉ាស៊ូតពី ៤% មក ០% និងបញ្ចុះអាករលើតម្លៃបន្ថែមប្រេងសាំងនិងម៉ាស៊ូតពី ១០% មកត្រឹម ៤% ដោយរាជរដ្ឋាភិបាលជាអ្នកទទួលបន្ទុកជំនួសចំពោះអាករលើតម្លៃបន្ថែមចំនួន ៦% ដែលត្រូវបានកាត់ចេញ៕

The post តម្លៃប្រេងលក់រាយ កើនឡើងខ្ពស់នៅថ្ងៃនេះ appeared first on Kampuchea Thmey Daily.

ក្រសួងពាណិជ្ជកម្ម Archives - Kampuchea Thmey Daily

​ក្រសួងពាណិជ្ជកម្ម ជំរុញឱ្យពាណិជ្ជករ ចូលរួមពិព័ណ៍ ​គ្រឿង​សមុទ្រ​នៅ​ឥណ្ឌា

តម្លៃលក់រាយប្រេងសាំងធ្លាក់ចុះបន្តិចនៅសប្ដាហ៍នេះ

​តម្លៃ​ប្រេង​លក់រាយ​ដាំក្បាលចុះ ​ក្រោយ​បទ​ឈប់​បាញ់​អាមេរិក-អ៊ីរ៉ង់​

​តម្លៃប្រេង​​​បន្តកើនឡើង​ ដោយសារសង្គ្រាមនៅតំបន់មជ្ឈិមបូព៌ា

​តម្លៃប្រេងម៉ាស៊ូត​លក់រាយ​ហក់​ឡើង​ដល់​ ៨១០០​រៀល ​មួយលីត្រ​

តម្លៃ​ប្រេង​លក់រាយ​ កើន​ឡើង​ខ្ពស់​នៅ​ថ្ងៃ​នេះ​

ក្រសួងពាណិជ្ជកម្ម ជំរុញឱ្យពាណិជ្ជករ ចូលរួមពិព័ណ៍ គ្រឿងសមុទ្រនៅឥណ្ឌា

តម្លៃប្រេងលក់រាយដាំក្បាលចុះ ក្រោយបទឈប់បាញ់អាមេរិក-អ៊ីរ៉ង់

តម្លៃប្រេងបន្តកើនឡើង ដោយសារសង្គ្រាមនៅតំបន់មជ្ឈិមបូព៌ា

តម្លៃប្រេងម៉ាស៊ូតលក់រាយហក់ឡើងដល់ ៨១០០រៀល មួយលីត្រ

តម្លៃប្រេងលក់រាយ កើនឡើងខ្ពស់នៅថ្ងៃនេះ