ការចុះពិនិត្យនេះ បានប្រព្រឹត្តទៅនាព្រឹកថ្ងៃទី០១ ខែមិថុនា ឆ្នាំ២០២៦ ក្រោមការដឹកនាំរបស់លោក នួន ដាញ៉ិល រដ្ឋលេខាធិការ និងជាតំណាងដ៏ខ្ពង់ខ្ពស់របស់លោក ឆាយ ប្ញទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ។

យោងតាមមន្ត្រីជំនាញ គម្រោងថែទាំខួបផ្លូវក្រាលគ្រួសសទាំង ២ខ្សែនេះ មានប្រវែងសរុប ៩,៤០០ម៉ែត្រ ទទឹង ៤ម៉ែត្រ និងកម្រាស់ ០.២ម៉ែត្រ ស្ថិតនៅក្នុងភូមិសាស្ត្រឃុំសឹង្ហ ស្រុកសំរោង និងឃុំលាយបូរ ស្រុកត្រាំកក់ ខេត្តតាកែវ។
ក្នុងឱកាសចុះពិនិត្យការដ្ឋាន គណៈប្រតិភូបានពិនិត្យលើគុណភាពសំណង់ វឌ្ឍនភាពនៃការអនុវត្តគម្រោង និងការអនុវត្តតាមស្តង់ដារបច្ចេកទេស ដើម្បីធានាថា ផ្លូវដែលកំពុងថែទាំនេះ អាចប្រើប្រាស់បានយូរអង្វែង និងមានប្រសិទ្ធភាពខ្ពស់សម្រាប់ប្រជាពលរដ្ឋក្នុងមូលដ្ឋាន។

គម្រោងថែទាំផ្លូវនេះ ត្រូវបានចាត់ទុកថា ជាផ្នែកមួយនៃកិច្ចខិតខំប្រឹងប្រែងរបស់រាជរដ្ឋាភិបាល និងក្រសួងអភិវឌ្ឍន៍ជនបទ ក្នុងការលើកកម្ពស់ហេដ្ឋារចនាសម្ព័ន្ធជនបទ ធ្វើឱ្យការធ្វើដំណើររបស់ប្រជាពលរដ្ឋកាន់តែងាយស្រួល កាត់បន្ថយការលំបាកក្នុងការដឹកជញ្ជូនកសិផល និងជួយជំរុញសកម្មភាពសេដ្ឋកិច្ចនៅតាមសហគមន៍ឱ្យកាន់តែរីកចម្រើន។

លោក លីវ សំណាង ប្រធាន​មន្ទីរ​អភិវឌ្ឍន៍ជនខេត្តតាកែវបានបញ្ជាក់ថា ការត្រួតពិនិត្យជាប្រចាំលើគម្រោងហេដ្ឋារចនាសម្ព័ន្ធ គឺជាកត្តាសំខាន់ក្នុងការធានាគុណភាពសំណង់ និងប្រសិទ្ធភាពនៃការប្រើប្រាស់ថវិកា ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ និងគោលនយោបាយអភិវឌ្ឍជនបទប្រកបដោយចីរភាព៕

​អត្ថបទ៖ វីរៈ

The post ក្រសួងអភិវឌ្ឍន៍ជនបទ ចុះពិនិត្យគម្រោងថែទាំផ្លូវជិត ១០គីឡូម៉ែត្រ នៅស្រុកសំរោង និងត្រាំកក់ appeared first on Kampuchea Thmey Daily.

លោក ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ កាលពីថ្ងៃ​ទី ២០ ខែ​ឧសភា ឆ្នាំ ២០២៦ បាន​ដឹកនាំ​មន្ដ្រីបច្ចេកទេសក្រសួងអភិវឌ្ឍន៍ជនបទចុះទៅពិនិត្យវឌ្ឍនភាពការងារស្ថាបនាផ្លូវចំនួន ៦ខ្សែ ដែលកំពុង​ដំណើរការ​ស្ថាបនា​ជា​ផ្លូវ​កៅស៊ូ និង​បេតុង​នៅក្នុងខេត្តពោធិ៍សាត់។

ខ្សែទី១៖ ផ្លូវភូមិបាគូ-ផ្ទះស្រែ សាងសង់ក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ៧,៦១គ.ម ទទឹង ៧ ម៉ែត្រ តភ្ជាប់ពីភូមិផ្ទះស្រែ ឃុំស្វាយលួង ទៅដល់ភូមិបាគូ ឃុំស្រែស្ដុក ស្រុកកណ្ដៀង។ ផ្លូវនេះចាប់ផ្ដើម​សាងសង់កាលពីខែឧសភា ឆ្នាំ២០២៥ មកដល់បច្ចុប្បន្នសម្រេចលទ្ធផលបាន ៨៧%។

ខ្សែទី២៖ ផ្លូវវត្តព្រះធាតុ-ភូមិថ្មី ជាផ្លូវ​ក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ៥,៣៧គ.ម. ទទឹង ៧ ម៉ែត្រ តភ្ជាប់ពីភូមិបាគូ ទៅដល់ភូមិធ្លាអំពិល ឃុំស្រែស្តុក ស្រុកកណ្ដៀង ដែល​បាន​ចាប់ផ្ដើម​ដំណើរការ​សាងសង់កាលពីខែសីហា ឆ្នាំ២០២៥ មកដល់បច្ចុប្បន្នសម្រេចលទ្ធផលបាន ៤៧,៩៣%។

ខ្សែទី៣៖ ផ្លូវស្ថានីយ៏-ធ្លក-បឹងចក ក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ១១ គ.ម. ទទឹង ៧ ម៉ែត្រ តភ្ជាប់ពីភូមិស្ថានីយ៍ ឃុំកណ្តៀង ទៅដល់ភូមិបឹងចក ឃុំស្យា ស្រុកកណ្ដៀង ដែល​បានចាប់ផ្ដើមសាងសង់កាលពីខែសីហា ឆ្នាំ២០២៥ មកដល់បច្ចុប្បន្នសម្រេចលទ្ធផលបាន ៥៣,៤៨%។

ខ្សែទី៤៖ ឈ្មោះផ្លូវ បន្ទាយត្រោក-កំពង់សំបួរ ជា​ផ្លូវ​ក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ៤,២៧ គ.ម. ទទឹង ៨ ម៉ែត្រ តភ្ជាប់ពីភូមិបន្ទាយត្រោក ឃុំស្រែស្តុក ទៅដល់ភូមិបឹងឈូក ឃុំកណ្តៀង ស្រុកកណ្ដៀង ដែល​បាន​ចាប់ផ្ដើមសាងសង់កាលពីខែសីហា ឆ្នាំ២០២៥ មកដល់បច្ចុប្បន្នសម្រេចលទ្ធផលបាន ៤៤,៤%។

ផ្លូវទាំង ៤ ខ្សែនេះ ស្ថិតក្នុងក្របខ័ណ្ឌគម្រោងគាំទ្រនិរន្តរភាពហេដ្ឋារចនាសម្ព័ន្ធជនបទ ដើម្បីទីផ្សារកសិករ និងពាណិជ្ជូបនីយ​កម្មកសិកម្ម (SAAMBAT) ដោយប្រើប្រាស់ហិរញ្ញប្បទានសហប្រតិបត្តិការរវាងរាជរដ្ឋាភិបាលកម្ពុជា មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) ធនាគារវិនិយោគអឺរ៉ុប (EIB) និងមូល​និធិវិនិយោគអាស៊ី នៃសហភាពអឺរ៉ុប (EU-AIF)។

ខ្សែទី៥៖ ឈ្មោះផ្លូវ ភ្នៅ-ផ្ទះព្រីង ជាផ្លូវក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ១២,២៦ គ.ម ទទឹងតួផ្លូវ ៦ ម៉ែត្រ តភ្ជាប់ពីភូមិក្រពើរោទិ៍ ឃុំស្នាមព្រះ ស្រុកបាកាន ទៅកាន់ភូមិដំរីស ឃុំ កោះជុំ ស្រុកកណ្តៀង ដែល​បាន​ចាប់ផ្ដើម​បើកការដ្ឋាន​សាងសង់កាលពី​ខែឧសភា ឆ្នាំ២០២៥ មកដល់បច្ចុប្បន្នសម្រេចលទ្ធផលបាន ៤៦,២% គ្រោង​នឹងបញ្ចប់នៅខែវិច្ឆិកា ឆ្នាំ២០២៦។

ខ្សែទី៦៖ ឈ្មោះផ្លូវ អូរស្ដៅ-វត្តវាល ជា​ផ្លូវក្រាលកៅស៊ូពីរជាន់ (DBST) និងក្រាលបេតុងមានប្រវែងសរុប ៤,៩៩គ.ម. ទទឹងតួផ្លូវ ៦ ម៉ែត្រ តភ្ជាប់ពីភូមិអូរស្តៅ ឃុំស្វាយអាត់ ស្រុកពោធិ៍សាត់ ទៅកាន់ភូមិផ្សារលើ ឃុំលលកស ស្រុកពោធិ៍សាត់ ដែល​បានចាប់ផ្ដើមសាងសង់នៅឧសភា ឆ្នាំ២០២៥ សម្រេចវឌ្ឍនភាព ៣៥,៦៣%។

ខ្សែផ្លូវទី ៥ និងទី ៦ នេះ ស្ថិតក្នុងក្របខ័ណ្ឌគម្រោងគ្រប់គ្រងគ្រោះមហន្តរាយនៅកម្ពុជា និងអាស៊ីអាគ្នេយ៍ជំហាន ២ នៃក្រសួងអភិវឌ្ឍន៍ជនបទ ដោយទទួលបានឥណទានសហប្រតិបត្តិការពីធនាគារពិភពលោក (WB)។

ក្នុងឱកាសពិនិត្យការដ្ឋានសាងសង់ផ្លូវទាំង ៦ ខ្សែខាងលើ រដ្ឋមន្ដ្រីក្រសួង​អភិវឌ្ឍន៍ជនបទ​ បានណែនាំដល់ទីប្រឹក្សាបច្ចេកទេស និងក្រុមហ៊ុនទទួលការសាងសង់ប្រចាំការនៅការដ្ឋានផ្ទាល់ឱ្យពន្លឿនការងារសាងសង់ឱ្យលឿនស្របតាមកិច្ចសន្យាការងារ និងត្រូវអនុវត្តឱ្យបានត្រឹមត្រូវតាមបទដ្ឋានបច្ចេកទេសដើម្បីឱ្យផ្លូវមានគុណភាពល្អ អាចបម្រើផលប្រយោជន៍ជូនប្រជាពលរដ្ឋក្នុងមូលដ្ឋានបានយូរអង្វែង៕

The post ផ្លូវ ៦ ខ្សែ នៅក្នុងខេត្តពោធិ៍សាត់​ ប្រែក្លាយ​ពីផ្លូវ​ដីទៅជាផ្លូវកៅស៊ូ​និង​បេតុង ផ្លាស់ប្តូរមុខមាត់ជនបទ​កាន់តែ​អភិវឌ្ឍ appeared first on Kampuchea Thmey Daily.

ក្នុងឱកាសនោះ លោករដ្ឋមន្រ្តីបានថ្លែងថា៖ អតីតយុទ្ធជន និងនិវត្តជន គឺជាកម្លាំងដ៏មានគុណបំណាច់ចំពោះជាតិមាតុភូមិ ដែលបានលះបង់កម្លាំងកាយចិត្តក្នុងបុព្វហេតុការពារ និងកសាងប្រទេសជាតិ ដូច្នេះអាជ្ញាធរត្រូវបន្តយកចិត្តទុកដាក់សុខទុក្ខ និងជីវភាពរស់នៅរបស់ពួកគាត់ឱ្យបានជាប់ជាប្រចាំ។ លោក ក៏បានណែនាំឱ្យថ្នាក់ដឹកនាំចុះជួយខេត្តមកពីក្រសួងអភិវឌ្ឍន៍ជនបទ អាជ្ញាធរមូលដ្ឋានទាំងអស់ ចុះសួរសុខទុក្ខអតីតយុទ្ធជន និងនិវត្តជនជាប្រចាំ ឬរៀបចំពិធីសំណេះសំណាលផ្សេងៗ ដើម្បីពង្រឹងទំនាក់ទំនង សាមគ្គីភាព និងកុំឱ្យមានគម្លាតរវាងអ្នកជំនាន់មុន និងអ្នកជំនាន់ក្រោយ។ ថ្នាក់ដឹកនាំបានសម្ដែងការគោរព និងដឹងគុណយ៉ាងជ្រាលជ្រៅចំពោះការលះបង់កម្លាំងកាយចិត្តរបស់អតីតយុទ្ធជន ដែលបានចូលរួមការពារបូរណភាពទឹកដី និងរក្សាសន្តិភាពជូនប្រទេសជាតិ នាពេលកន្លងមក។

លោកឧត្តមសេនីយ៍ត្រី អ៊ុ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាអនប្រធានអតីតយុទ្ធជនខេត្ត បានថ្លែងអំណរគុណចំពោះឯកឧត្តម លោកជំទាវ និងគ្រប់មន្ទីរអង្គភាពពាក់ព័ន្ធទាំងអស់ ដែលបានជួយ និងបន្តចូលរួមថែរក្សា និងលើកកម្ពស់សុខុមាលភាពអតីតយុទ្ធជន និងគ្រួសារអតីតយុទ្ធជន ដើម្បីឱ្យពួកគាត់ទទួលបានការគោរព និងការយកចិត្តទុកដាក់សមស្របពីសង្គម។

ជាមួយគ្នានេះ ក្រុមការងារក៏បាននាំយកអំណោយ និងសម្ភារៈប្រើប្រាស់មួយចំនួន ប្រគល់ជូនដល់គ្រួសារអតីតយុទ្ធជន ដើម្បីជួយសម្រួលជីវភាពរស់នៅប្រចាំថ្ងៃ និងបង្ហាញពីការយកចិត្តទុកដាក់របស់រាជរដ្ឋាភិបាលចំពោះអតីតយុទ្ធជន និងគ្រួសាររបស់ពួកគាត់។ ការចុះសួរសុខទុក្ខ និងផ្តល់ការគាំទ្រដល់អតីតយុទ្ធជន គឺជាសកម្មភាពមនុស្សធម៌ដ៏មានសារៈសំខាន់ ក្នុងការលើកទឹកចិត្ត និងបន្តថែរក្សាសុខុមាលភាពរបស់អ្នកដែលបានបំពេញបេសកកម្មបម្រើជាតិមាតុភូមិ៕

ដោយ ៖ វ៉ាន់ សេដ្ឋា

The post រដ្ឋមន្ត្រីក្រសួងអភិវឌ្ឍន៍ជនបទ ចុះសួរសុខទុក្ខអតីតយុទ្ធជន និងគ្រួសារអតីតយុទ្ធជន១០០គ្រួសារ នៅខេត្តកំពង់ឆ្នាំង appeared first on Kampuchea Thmey Daily.

លោកបណ្ឌិត នួន ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ បានមានប្រសាសន៍ថា៖ ការសាងសង់ផ្លូវនៅពេលនេះ ធ្វើឡើងតាមសំណូមពររបស់អាជ្ញាធរមូលដ្ឋាន ពិសេសប្រជាពលរដ្ឋដែលជួបការលំបាកក្នុងការធ្វើដំណើរនាពេលកន្លងមក មិនថារដូវប្រាំង ឬរដូវវស្សា ផ្លូវនេះមានជង្ហុក ដក់ទឹក ហុយ រអិល ដែលពិបាកក្នុងការធ្វើដំណើរ សម្រាប់សិស្សានុសិស្សទៅសាលារៀន ការដឹកកសិផលរបស់ប្រជាកសិករ ក៏ដូចការធ្វើដំណើររបស់ជាប្រជាពលរដ្ឋទូទៅនៅក្នុងតំបន់នេះផងដែរ។

លោកបណ្ឌិត នួន ដាញ៉ិល រដ្ឋលេខាធិការក្រសួងអភិវឌ្ឍន៍ជនបទ

លោករដ្ឋលេខាធិការ បន្តថា៖ ការសាងសង់ផ្លូវនេះ គឺពិតជាឆ្លើយតបទៅនឹងតម្រូវការជាក់ស្ដែងរបស់ប្រជាពលរដ្ឋនៅក្នុងមូលដ្ឋាន ពិសេសផ្លូវនេះ គឺជាប្រភេទផ្លូវដែលមានភាពធន់ក្នុងការបម្រែបម្រួលអាកាសធាតុ ដែលធានាឱ្យការប្រើប្រាស់បានយូរអង្វែង។

លោករដ្ឋលេខាធិការ បន្ថែមថា៖ រាជរដ្ឋាភិបាលនីតិកាលទី ៧ នៃរដ្ឋសភា ក្រោមការដឹកនាំដ៏ឈ្លាសវៃ ប៉ិនប្រសប់ ស្វាហាប់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ក្នុងនោះក៏បានកំណត់យកផ្លូវជាវិស័យអាទិភាពមួយក្នុងចំណោមវិស័យអាទិភាពទាំង៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។

ក្នុងឱកាសនោះដែរ លោករដ្ឋលេខាធិការ បានស្មើដល់ កងវិស្វកម្មលេខ ១៨៤ ស្ពាន-ថ្នល់ ដែលទទួលការសាងសង់ផ្លូវបេតុងនេះ ត្រូវអនុវត្តទៅតាមបទដ្ឋានបច្ចេកទេស ដោយធានាថាផ្លូវនេះប្រកបដោយគុណភាព និងប្រើប្រាស់បានយូរអង្វែង។ ជាមួយគ្នានេះដែរលោកក៏ បានសំណូមពរដល់បងប្អូនប្រជាពលរដ្ឋដែលនៅជាប់សងខាងផ្លូវ សូមមានការយល់យោគ និងអធ្យាស្រ័យ នៅពេលដែលផ្លូវនេះកំពុងសាងសង់ អាចធ្វើឱ្យរំខានដល់ការធ្វើដំណើរ និងការរស់នៅប្រចាំថ្ងៃ ពិសេសនៅពេលផ្លូវសាងសង់រួចរាល់ សូមបងប្អូនប្រជាពលរដ្ឋចូលរួមថែរក្សាផ្លូវនេះទាំងអស់គ្នា កុំដឹកលើសទម្ងន់ កុំចាក់ដីខ្ពស់ជាងផ្លូវ កុំចាក់ដីលុបប្រឡាយរំដោះទឹក ដែលនាំឱ្យផ្លូវដក់ទឹកឆាប់ខូច និងត្រូវគោរពច្បាប់ចរាចរណ៍ទាំងអស់គ្នាផងដែរ៕

The post ពលរដ្ឋនៅឃុំវិហារសួគ៌ និងឃុំស៊ីធរ ទទួលបានផ្លូវក្រាលបេតុងចំនួន ១ខ្សែ ប្រវែងសរុប១ ៨០០ម៉ែត្រ ពីក្រសួងអភិវឌ្ឍន៍ជនបទ appeared first on Kampuchea Thmey Daily.

ខ្សែទី១៖ ឈ្មោះផ្លូវ ព្រៃមូល-ក្រាំងស្គារ ជាផ្លូវកម្រាលកៅស៊ូពីរជាន់ (DBST) ប្រវែង ២៥,២៧ គ.ម. ទទឹង ៧ម៉ែត្រ តភ្ជាប់ពីភូមិប្រដឹក្ស ឃុំព្រៃមូល ស្រុករលាប្អៀរ ទៅដល់ភូមិភ្នំតាសាំ ឃុំក្រាំងស្គារ ស្រុកទឹកផុស។

ខ្សែទី២៖ ឈ្មោះផ្លូវ ស្រែពីស-សារាយអណ្តែត ជាផ្លូវកម្រាលកៅស៊ូពីរជាន់ (DBST) ប្រវែង ៤,០៧ គ.ម. ទទឹង ៧ម៉ែត្រ តភ្ជាប់ពីភូមិព្រៃពីស ទៅដល់ភូមិសារ៉ាយអណ្ដែត ឃុំច្រេស ស្រុកកំពង់ត្រឡាច ដោយមានអ្នកទទួលផលសរុបចំនួន ២ ៩១៨គ្រួសារ ស្មើនឹង ១១ ៤៥៩នាក់។

ខ្សែទី៣៖ ឈ្មោះផ្លូវ ច្រករមៀត – កំពង់ក្តារ ជាផ្លូវកម្រាលកៅស៊ូពីរជាន់ (DBST) ប្រវែង ៧,៣៥ គ.ម. ទទឹង ៧ ម៉ែត្រ តភ្ជាប់ពីភូមិច្រករមៀត ឃុំអូរឫស្សី ទៅដល់ភូមិកំពង់ក្តារ ឃុំកំពង់ត្រឡាច ស្រុកកំពង់ត្រឡាច។

ខ្សែទី៤៖ ឈ្មោះផ្លូវ ដើមពពេល-ថ្មស ជាផ្លូវកម្រាលកៅស៊ូពីរជាន់ (DBST) មានប្រវែង ១១,៥២ គ.ម. ទទឹង ៧ម៉ែត្រ តភ្ជាប់ពីភូមិដើមពពេល ឃុំថ្មឥដ្ឋ ស្រុកកំពង់ត្រឡាច ទៅដល់ភូមិថ្មស ឃុំខ្នាឆ្មារ ស្រុកសាមគ្គីមានជ័យ។

ខ្សែទី៥៖ ឈ្មោះផ្លូវ រ៉ាមានក-ឆ្លករៀន ជាផ្លូវកម្រាលកៅស៊ូពីរជាន់ (DBST) មានប្រវែង ១០,២០ គ.ម. ទទឹង ៧ ម៉ែត្រ តភ្ជាប់ពីភូមិមានកលិច ឃុំត្បែងខ្ពស់ ដល់ភូមិធ្លកវៀន ឃុំធ្លកវៀន ស្រុកសាមគ្គីមានជ័យ។

ខ្សែទី៦៖ ឈ្មោះផ្លូវ ថ្លុកឬស្សី-វត្តទស្សពិត ជាផ្លូវកម្រាលកៅស៊ូពីរជាន់ (DBST) មានប្រវែង ១១,៤៥ គ.ម. ទទឹង ៧ ម៉ែត្រ តភ្ជាប់ពីភូមិថ្លុកឬស្សី ឃុំសេដ្ឋី ដល់ភូមិធ្លកវៀន ឃុំធ្លកវៀន ស្រុកសាមគ្គីមានជ័យ។

ខ្សែទី៧៖ ឈ្មោះផ្លូវ ត្បែងខ្ពស់-ខ្នាច ជាផ្លូវកម្រាលកៅស៊ូពីរជាន់ (DBST) មានប្រវែង ៩,៦៧ គ.ម ទទឹង ៧​ ម៉ែត្រ តភ្ជាប់ពីភូមិត្បែងខ្ពស់ ឃុំត្បែងខ្ពស់ ទៅដល់ភូមិខ្នាច ឃុំសេដ្ឋី ស្រុកសាមគ្គីមានជ័យ។

ខ្សែទី៨៖ ឈ្មោះផ្លូវ ទ័ពបោះ-ត្រដក់ពង ជាផ្លូវកម្រាលកៅស៊ូពីរជាន់ (DBST) មានប្រវែង ៥,២២ គ.ម. ទទឹង ៧ម៉ែត្រ តភ្ជាប់ពីភូមិទ័ពបោះ ឃុំធ្លកវៀន ទៅដល់ភូមិត្រដក់ពង ឃុំខ្នាឆ្មារ ស្រុកសាមគ្គីមានជ័យ​។

ខ្សែផ្លូវទាំង ៨ ខ្សែអនុវត្តការសាងសង់ដោយក្រសួងអភិវឌ្ឍន៍ជនបទ ក្នុងឆ្នាំ២០២៤ ក្នុងក្របខ័ណ្ឌគម្រោង​កែលម្អរផ្លូវជនបទជំហានទី៣ (RRIP-III) ដោយប្រើប្រាស់ថវិកាសហប្រតិបត្តិការរបស់រាជរដ្ឋាភិបាលកម្ពុជា និងហិរញ្ញប្បទានឥណទានពី EDCF ។

ក្នុងឱកាសពិនិត្យគុណភាពផ្លូវទាំងនោះលោក​ឆាយ ឫទ្ធិសែន រដ្ឋមន្រ្ដីក្រសួងអភិវឌ្ឍន៍ជនបទ​បានណែនាំដល់អ្នកទទួលការសាងសង់ធ្វើការជួសជុល កែតម្រូវឡើងវិញចំពោះចំណុចដែលរងការខូចខាត ឱ្យបានត្រឹមត្រូវតាមបទដ្ឋានបច្ចេកទេសផ្លូវជនបទ ដើម្បីឱ្យផ្លូវមានគុណភាពជាប់ល្អ ធានាដល់ការប្រើប្រាស់បានយូរអង្វែង៕

The post ផ្លូវជនបទចំនួន ៨ ខ្សែ នៅក្នុងខេត្តកំពង់ឆ្នាំង បាន​​​ស្ថាបនា​ប្រែក្លាយ​ពី​​ផ្លូវដីទៅ​ជា​ផ្លូវក្រាលកៅស៊ូ appeared first on Kampuchea Thmey Daily.

ដោយមើលឃើញពីការលំបាកក្នុងការធ្វើដំណើរមិនថារដូវប្រាំង ឬរដូវវស្សា និងដោយមានការស្នើសុំរបស់អាជ្ញាធរស្រុកស្អាង ពិសេសប្រជាពលរដ្ឋរស់នៅក្នុងឃុំក្រាំងយ៉ូវ ស្រុកស្អាង ខេត្តកណ្ដាល នៅថ្ងៃទី០២ ខែមីនា ឆ្នាំ២០២៦ លោកបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ តំណាងដ៏ខ្ពង់ខ្ពស់ លោក ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ អញ្ជើញជាអធិបតីភាពបើកការដ្ឋានស្ថាបនាផ្លូវចំនួន២កំណាត់ប្រវែង១,៧០០ម៉ែត្រ កំណាត់ទី១ ផ្លូវក្រាលកៅស៊ូ ពីរជាន់ DBST ប្រវែង ៩០០ម៉ែត្រ ទទឹង ៨ម៉ែត្រ និងកំណាត់ទី២ ផ្លូវក្រាលបេតុង ប្រវែង ៨០០ម៉ែត្រ ទទឹង ៨ម៉ែត្រ កម្រាស់ ០,២ម៉ែត្រ ស្ថិតនៅឃុំក្រាំងយ៉ូវ ស្រុកស្អាង ខេត្តកណ្តាល។

លោកបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ បាទមានប្រសាសន៍ថា៖ ការសាងសង់ផ្លូវនៅពេលនេះ ធ្វើឡើងតាមសំណូមពររបស់អាជ្ញាធរមូលដ្ឋាន ពិសេសប្រជាពលរដ្ឋដែលជួបការលំបាកក្នុងការធ្វើដំណើរនាពេលកន្លងមក មិនថារដូវប្រាំង ឬរដូវវស្សា ផ្លូវនេះមានជង្ហុក ដក់ទឹក ហុយ រអិល ដែលពិបាកក្នុងការធ្វើដំណើរ សម្រាប់សិស្សានុសិស្សទៅសាលារៀន ការដឹកកសិផលរបស់ប្រជាកសិករ ក៏ដូចការធ្វើដំណើររបស់ជាប្រជាពលរដ្ឋទូទៅនៅក្នុងតំបន់នេះផងដែរ។

លោកបានបន្តថា៖ ការសាងសង់ផ្លូវនេះ គឺពិតជាឆ្លើយតបទៅនឹងតម្រូវការជាក់ស្ដែងរបស់ប្រជាពលរដ្ឋនៅក្នុងមូលដ្ឋាន ពិសេសផ្លូវនេះ គឺជាប្រភេទផ្លូវដែលមានភាពធន់ក្នុងការបម្រែបម្រួលអាកាសធាតុ ដែលធានាឱ្យការប្រើប្រាស់បានយូរអង្វែង។  រាជរដ្ឋាភិបាលនីតិកាលទី ៧ នៃរដ្ឋសភា ក្រោមការដឹកនាំដ៏ឈ្លាសវៃ ប៉ិនប្រសប់ ស្វាហាប់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ក្នុងនោះក៏បានកំណត់យកផ្លូវជាវិស័យអាទិភាពមួយក្នុងចំណោមវិស័យអាទិភាពទាំង៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។

ក្នុងឱកាសនោះដែរ លោកបានស្មើដល់ កងវិស្វកម្មលេខ១៧៩ ស្ពាន-ថ្នល់ ដែលទទួលការសាងសង់ផ្លូវបេតុងនេះ ត្រូវអនុវត្តទៅតាមបទដ្ឋានបច្ចេកទេស ដោយធានាថាផ្លូវនេះប្រកបដោយគុណភាព និងប្រើប្រាស់បានយូរអង្វែង។

ជាមួយគ្នានេះដែរលោក សៅ ជីវ័ន្ត រដ្ឋលេខាធិការ បានសំណូមពរដល់ប្រជាពលរដ្ឋដែលនៅជាប់សងខាងផ្លូវ សូមមានការយល់យោគ និងអធ្យាស្រ័យ នៅពេលដែលផ្លូវនេះកំពុងសាងសង់ អាចធ្វើឱ្យរំខានដល់ការធ្វើដំណើរ និងការរស់នៅប្រចាំថ្ងៃ ពិសេសនៅពេលផ្លូវសាងសង់រួចរាល់ សូមប្រជាពលរដ្ឋចូលរួមថែរក្សាផ្លូវនេះទាំងអស់គ្នា កុំដឹកលើសទម្ងន់ កុំចាក់ដីខ្ពស់ជាងផ្លូវ កុំចាក់ដីលុបប្រឡាយរំដោះទឹក ដែលនាំឱ្យផ្លូវដក់ទឹកឆាប់ខូច និងត្រូវគោរពច្បាប់ចរាចរណ៍ទាំងអស់គ្នាផងដែរ។

លោក ជឺ គីមហៃ អភិបាលស្រុកស្អាង បានឱ្យដឹងថា៖ ផ្លូវនេះតភ្ជាប់ពីផ្លូវជាតិលេខ២១ ដល់ព្រំប្រជល់ខេត្តតាកែវ ឆ្លងកាត់ឃុំចំនួន៣ គឺឃុំស្អាងភ្នំ ឃុំព្រែកគយ និងឃុំក្រាំងយ៉ូវ មានប្រវ៉ែងសរុបប្រមាណជា១៨,៥គីឡូម៉ែត្រ ហើយត្រូវបានសាងសង់បានមួយផ្នែកធំរួចហើយ។ នៅថ្ងៃនេះបើកការដ្ឋានសាសង់បន្ថែមចំនួន២កំណាត់បន្ថែមទៀតប្រវែង១,៧០០ម៉ែត្រ កំណាត់ទី១ ផ្លូវក្រាលកៅស៊ូ ពីរជាន់ DBST ប្រវែង ៩០០ម៉ែត្រ ទទឹង ៨ម៉ែត្រ និងកំណាត់ទី២ ផ្លូវក្រាលបេតុង ប្រវែង ៨០០ម៉ែត្រ ទទឹង ៨ម៉ែត្រ កម្រាស់ ០,២ម៉ែត្រ មានចិញ្ចើមផ្លូវក្រាលដីល្បាយថ្មសងខាង ម្ខាងៗ ១ម៉ែត្រ កម្រាស់ ០,២ម៉ែត្រ ស្ថាបនាលូរំដោះទឹករាងអក្សរអ៊ុយ(U) ប្រវែង ៦៨០ម៉ែត្រ លូមូលចំនួន ៥កន្លែង និងអណ្តូងលូចំនួន ៤កន្លែង ស្ថិតនៅឃុំក្រាំងយ៉ូវ ស្រុកស្អាង ខេត្តកណ្តាល៕

The post ពលរដ្ឋនៅឃុំក្រាំងយ៉ូវ ស្រុកស្អាងទទួលបានផ្លូវបេតុងថ្មី និងផ្លូវកៅស៊ូពីរជាន់ ពីក្រសួងអភិវឌ្ឍន៍ជនបទ appeared first on Kampuchea Thmey Daily.

លោកបណ្ឌិត សៅ ជីវ័ន្ត រដ្ឋលេខាធិការក្រសួងអភិវឌ្ឍន៍ជនបទ បាទមានប្រសាសន៍ថា៖ ការសាងសង់ផ្លូវបេតុងនេះ ធ្វើឡើងតាមសំណូមពររបស់អាជ្ញាធរមូលដ្ឋាន ពិសេសប្រជាពលរដ្ឋដែលជួបការលំបាកក្នុងការធ្វើដំណើរនាពេលកន្លងមក ពិសេសនៅរដូវវស្សា ផ្លូវនេះមានជង្ហុក ដក់ទឹក ហុយ រអិល ដែលពិបាកក្នុងការធ្វើដំណើរ សម្រាប់សិស្សានុសិស្សទៅសាលារៀន ក៏ដូចជាប្រជាពលរដ្ឋទូទៅនៅក្នុងតំបន់នេះផងដែរ។

លោករដ្ឋលេខាធិការ បន្តថា៖ ការសាងសង់ផ្លូវបេតុងនេះ គឺពិតជាឆ្លើយតបទៅនឹងតម្រូវការជាក់ស្ដែងរបស់ប្រជាពលរដ្ឋនៅក្នុងមូលដ្ឋាន ពិសេសផ្លូវបេតុងនេះ គឺជាប្រភេទផ្លូវដែលមានភាពធន់ក្នុងការបម្រែបម្រួលអាកាសធាតុ ដែលធានាឱ្យការប្រើប្រាស់បានយូរអង្វែង។

លោនបានបន្ថែមថា៖ រាជរដ្ឋាភិបាលនីតិកាលទី ៧ នៃរដ្ឋសភា ក្រោមការដឹកនាំដ៏ឈ្លាសវៃ ប៉ិនប្រសប់ ស្វាហាប់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ក្នុងនោះក៏បានកំណត់យកផ្លូវជាវិស័យអាទិភាពមួយក្នុងចំណោមវិស័យអាទិភាពទាំង៥ គឺមនុស្ស ផ្លូវ ទឹក ភ្លើង និងបច្ចេកវិទ្យា។

ក្នុងឱកាសនោះដែរ លោកបានស្មើដល់ កងវិស្វកម្មលេខ១៨០ ស្ពាន-ថ្នល់ ដែលទទួលការសាងសង់ផ្លូវបេតុងនេះ ត្រូវអនុវត្តទៅតាមបទដ្ឋានបច្ចេកទេស ដោយធានាថាផ្លូវនេះប្រកបដោយគុណភាព និងប្រើប្រាស់បានយូរអង្វែង។ ជាមួយគ្នានេះដែរលោករដ្ឋលេខាធិការ បានសំណូមពរដល់ប្រជាពលរដ្ឋដែលនៅជាប់សងខាងផ្លូវ សូមមានការយល់យោគ និងអធ្យាស្រ័យ នៅពេលដែលផ្លូវនេះកំពុងសាងសង់ អាចធ្វើឲ្យរំខានដល់ការធ្វើដំណើរ និងការរស់នៅប្រចាំថ្ងៃ ពិសេសនៅពេលផ្លូវសាងសង់រួចរាល់ សូមប្រជាពលរដ្ឋចូលរួមថែរក្សាផ្លូវនេះទាំងអស់គ្នា កុំដឹកលើសទម្ងន់ និងត្រូវគោរពច្បាប់ចរាចរណ៍ទាំងអស់គ្នាផងដែរ។ ដោយ ៖ អុឹងម៉េង

The post ប្រជាពលរដ្ឋភូមិទែន ភូមិដើមឬស ឃុំដើមឬស ស្រុកកណ្តាលស្ទឹង ទទួលបានផ្លូវបេតុងថ្មីប្រវែង១៥០០ម៉ែត្រពីក្រសួងអភិវឌ្ឍន៍ជនបទ appeared first on Kampuchea Thmey Daily.

លោក ជី ស៊ីថា រដ្ឋលេខាធិការ​ក្រសួង​អភិវឌ្ឍន៍ជនបទ បានឱ្យដឹង​នៅ​ថ្ងៃទី​ ១០ ខែកុម្ភៈ ឆ្នាំ​ ២០២៦ នេះ​ថា រាជរដ្ឋាភិបាល​កម្ពុជា បានដាក់​ចេញ​នូវ​គោលនយោបាយ​ជាតិ ស្តីពី​ការអភិវឌ្ឍ​ជនបទ​ឆ្នាំ ២០២៥-២០៣៥ ក្នុង​គោលដៅ​ប្រែក្លាយ​តំបន់​ជនបទឱ្យទៅជា​សង្គម​ដែលមាន​វិបុលភាព សមធម៌ និង​មាន​ភាព​ធន់​នឹង​ការផ្លាស់ប្តូរ​នានា​។

ក្នុង​ពិធី​ផ្សព្វផ្សាយ​ពី​គោលនយោបាយ​ជាតិ​ស្តីពី​ការអភិវឌ្ឍ​ជនបទ​ឆ្នាំ ​២០២៥-២០៣៥ ដែលមាន​រយៈពេល​ ១០ ​ឆ្នាំ លោក​រដ្ឋលេខាធិការ​ក្រសួង​អភិវឌ្ឍន៍ជនបទ បាន​បន្តថា គោលនយោបាយ​នេះ ត្រូវបាន​រៀបចំឡើង​ដោយ​ផ្អែកលើ​តម្រូវការ​ជាក់ស្តែង នៃ​តំបន់​ភូមិសាស្ត្រ​ផ្សេងៗ ​គ្នា រួមមាន ​៖ តំបន់​ទំនាប​កណ្តាល តំបន់​ជុំវិញ​បឹង​ទន្លេសាប តំបន់ឆ្នេរ​សមុទ្រ និង​តំបន់​ខ្ពង់រាប និង​ភ្នំ ដោយ​ការ​បែងចែក​នេះ ដើម្បី​ធានាបាន​នូវ​ការអភិវឌ្ឍ​ប្រកបដោយ តុល្យភាព បរិ​យាប​ន្ន និង​ភាព​ធន់ ទៅតាម​សក្ដានុពល​ នៃ​តំបន់​នីមួយៗ​។

រដ្ឋលេខាធិការ​ក្រសួង​អភិវឌ្ឍន៍ជនបទ បានបង្ហាញ​ទៀតថា អាទិភាព​ពិសេស​មួយ​ នៃ​យុទ្ធសាស្ត្រ​នេះ គឺ​ការអភិវឌ្ឍ​តំបន់​ជនបទ​តាម​បណ្តោយ​បន្ទាត់​ព្រំដែន ដើម្បី​ប្រែក្លាយ​តំបន់​ទាំងនោះ​ឱ្យទៅជា “​ព្រំដែន​សន្តិភាព មិត្តភាព សហប្រតិបត្តិការ និង​ការអភិវឌ្ឍ​” ដែលជា​គ្រឹះ​ដ៏​សំខាន់​សម្រាប់​ស្ថិរភាព​ជាតិ។ ក្នុងនោះ រាជរដ្ឋាភិបាល​បានកំណត់​ចក្ខុវិស័យ​យ៉ាង​ច្បាស់លាស់​ក្នុងការ “​កសាង​សង្គម​ជនបទ​កម្ពុជា​ឱ្យមាន​វិបុលភាព​” ដោយ​ផ្ដោតលើ​លទ្ធផល​សំខាន់ៗ សម្រាប់​ប្រជាពលរដ្ឋ​មាន​ជីវភាព​សមរម្យ និង​មាន​សេចក្តីថ្លៃថ្នូរ មាន​សុខភាព​មាំមួន និង​រស់នៅក្នុង​បរិស្ថាន​ល្អ​ប្រកបដោយ​ចីរភាព។

ដោយឡែក​ លោក គិត សុ​ផា អភិបាលរង​ខេត្តកោះកុង លើកឡើងថា គោល​គោលនយោបាយ​ជាតិ ស្តីពី​ការអភិវឌ្ឍ​ជនបទ ឆ្នាំ ​២០២៥-២០៣៥ មាន​ជា​តួអង្គ​ចលករ​មួយ​យ៉ាងសំខាន់ក្នុងការ​អនុវត្ត​ដោយ​សហការ​ជាមួយ​ក្រសួង​ពាក់ព័ន្ធ​នានា រដ្ឋបាល​ថ្នាក់ក្រោម​ជាតិ សប្បុរសជន អង្គការ​ក្រៅ​រដ្ឋបាល និង​ស្ថាប័ន​ពាក់ព័ន្ធ។

លោក​អភិបាលរង​ខេត្ត គូសបញ្ជាក់ថា ប៉ុន្មាន​ឆ្នាំ​ចុងក្រោយ​នេះ ខេត្តកោះកុង ​បានទទួល​គម្រោង​អភិវឌ្ឍន៍​ជាច្រើន មិនថាតែ​ផ្លូវ​បេតុង ផ្លូវ​កៅស៊ូ ឬ​ផ្លូវ​ក្រួស​ក្រហម​នោះទេ​។ ជាក់ស្តែង ការកសាង​បណ្តាញ​ប្រភព​ផ្គត់ផ្គង់​ទឹកស្អាត​ប្រកបដោយ​ភាព​ធន់ និង​បរិ​យាប​ន្ន​ នៅក្នុង​មូលដ្ឋាន៕

អត្ថបទ ៖ សិរីវឌ្ឍនៈ

The post ក្រសួងអភិវឌ្ឍន៍ជនបទ បង្ហាញពីគោលនយោបាយជាតិលើវិស័យអភិវឌ្ឍន៍ជនបទ ដល់មន្ត្រីរាជការខេត្តកោះកុង appeared first on Kampuchea Thmey Daily.