ក្រឡាប់រថយន្ត Archives - Kampuchea Thmey Daily

ឧបទ្ទវហេតុក្រឡាប់ឡាននៅភាគខាងជើងនីហ្សេរីយ៉ា សម្លាប់មនុស្ស ៣០នាក់ និងរបួសច្រើននាក់

Minea Neu — Mon, 09 Feb 2026 10:35:33 +0000

អាជ្ញាធរនីហ្សេរីយ៉ាបានឱ្យដឹងកាលពីថ្ងៃអាទិត្យថា រថយន្តដឹកទំនិញដឹកអ្នកដំណើរមួយគ្រឿងក្រឡាប់ នៅភាគខាងជើងប្រទេសនៃប្រទេស សម្លាប់មនុស្សយ៉ាងហោចណាស់ ៣០ នាក់ និងមានអ្នករងរបួសផ្សេងទៀត ដោយសារតែបើកបរខ្វះការប្រុងប្រយ័ត្ន។

ឡានដឹកទំនិញ នៅប្រទេសនីហ្សេរីយ៉ា។ Reuters

យោងតាមភ្នាក់ងារ AP, ចុះផ្សាយថ្ងៃទី៨ ខែកុម្ភៈ ឱ្យដឹងថា រថយន្តបានបើកបរតាមបណ្តោយផ្លូវល្បឿនលឿនក្នុងទីប្រជុំជន Kwanar Barde ក្នុងតំបន់ Gezawa ក្រុង Kano នាំឱ្យបាត់បង់ការគ្រប់គ្រង។ នេះបើយោងតាមសេចក្តីថ្លែងការណ៍មួយពីការិយាល័យអភិបាលក្រុង Kano ។

គួរឱ្យដឹងថាប្រទេសនីហ្សេរីយ៉ា មានគ្រោះថ្នាក់ចរាចរណ៍កើតឡើងជាញឹកញាប់នៅក្នុងប្រទេស ច្រើនជាងគេនៅទ្វីបអាហ្រ្វិក ដោយសារតែស្ថានភាពផ្លូវមិនល្អ និងការអនុវត្តន៍ច្បាប់ចរាចរណ៍មានភាពយឺតយ៉ាវ។

យ៉ាងណា រថយន្តដឹកទំនិញដែលជាប់ពាក់ព័ន្ធក្នុងឧប្បត្តិហេតុចុងក្រោយនេះ បានដឹកអ្នកដំណើរ និងទំនិញមួយចំនួនឆ្ពោះទៅកាន់ទីប្រជុំជន Gujungu ក្នុងទីក្រុង Kano ពេលដែលធ្លាក់កាលពីព្រឹកថ្ងៃអាទិត្យ។

ចំណែកមនុស្សដែលរងរបួស ភាគច្រើនពួកគេមានរបួសធ្ងន់ធ្ងរ និងទទួលសេវាសុខភាពនៅក្នុងមន្ទីរពេទ្យផ្សេងៗគ្នា។ នេះបើយោងតាមសេចក្តីថ្លែងការណ៍ ដែលចេញដោយ លោក Sunusi Bature Dawakin Tofa អ្នកនាំពាក្យរបស់ពេទ្យក្នុងតំបន់ Kano Gov Abba Kabir Yusuf ។

ក្នុងសេចក្តីថ្លែងការណ៍បានបន្ថែមថា៖ « ឧបទ្ទវហេតុនេះថាជាការសោកស្តាយដ៏ធំមួយ ជាពិសេសជាការបាត់បង់ដែលមិនធ្លាប់កើតមាន មិនត្រឹមតែចំពោះគ្រួសារជនរងគ្រោះប៉ុណ្ណោះទេ ប៉ុន្តែចំពោះប្រជាជននៃរដ្ឋកាណូ (Kano) ទាំងមូល»។

មិនតែប៉ុណ្ណោះ គ្រោះថ្នាក់កាលពីថ្ងៃអាទិត្យ អភិបាលក្រុងបានអំពាវនាវដល់អាជ្ញាធរ មានប៉ូលិស និងប្រជាជន គួរប្រកាន់ខ្ជាប់នូវបទប្បញ្ញត្តិចរាចរណ៍ បើមិនដូច្នេះ គឺប្រឈមការដាក់ទណ្ឌកម្មយ៉ាងធ្ងន់ធ្ងរ ចំពោះជនណាល្មើសច្បាប់។

គួររំឭកថា កាលពីខែធ្នូ ម្ចាស់ជើងឯកទម្ងន់ធ្ងន់ជនជាតិអង់គ្លេស លោក Anthony Joshua បានរងរបួស និងសហការីផ្ទាល់ខ្លួនចំនួនពីរនាក់បានបាត់បង់ជីវិត ពេលអ្នកបើកបររបស់ពួកគេ បើកបុកឡានដឹកទំនិញដែលកំពុងឈប់នៅលើផ្លូវ Lagos-Ibadan Expressway ៕

ប្រែសម្រួល៖ ណឺ មិនា

The post ឧបទ្ទវហេតុក្រឡាប់ឡាននៅភាគខាងជើងនីហ្សេរីយ៉ា សម្លាប់មនុស្ស ៣០នាក់ និងរបួសច្រើននាក់ appeared first on Kampuchea Thmey Daily.

ឧបទ្ទវហេតុក្រឡាប់ឡានក្រុងនៅប្រេស៊ីល សម្លាប់មនុស្ស១៦នាក់រួមមានកុមារ៤នាក់

Minea Neu — Wed, 04 Feb 2026 06:46:18 +0000

អាជ្ញាធរប្រេស៊ីលបានឱ្យដឹងថា រថយន្តក្រុងមួយបានក្រឡាប់ត្រង់ចំណុចផ្លូវកោង បន្ទាប់ពីត្រឡប់ពីចូលរួមក្នុងពិធីបុណ្យសាសនាមួយ នៅភាគខាងជើងប្រទេសប្រេស៊ីល។ ហេតុការណ៍នេះ បានសម្លាប់មនុស្សយ៉ាងហោចណាស់ ១៦នាក់ រួមទាំងកុមារ ៤នាក់ ផងដែរ និងជាង៤០នាក់រងរបួស។

ក្រឡាប់ឡាននៅប្រេស៊ីល។ AFP

យោងតាមភ្នាក់ងារបារាំង AFP, អាជ្ញាធរឱ្យដឹងទៀតថា ឡានក្រុងដឹកមនុស្ស ៦០នាក់ ពេលដែលវាបានក្រឡាប់នៅតំបន់ជនបទ នៃរដ្ឋ Alagoas កាលពីថ្ងៃអង្គារ។

គួរឱ្យដឹងថា មន្រ្តីស្រុកក្នុងតំបន់ Alagoas បាននិយាយនៅក្នុងសេចក្តីថ្លែងការណ៍មួយថា មានស្ត្រី ៧នាក់ បុរស ៥នាក់ និងកុមារ ៤នាក់ ក្នុងចំណោមអ្នកដែលស្លាប់។

យ៉ាងណា ឧបទ្ទវហេតុនេះ កំពុងស្ថិតក្រោមការស៊ើបអង្កេត ហើយត្រូវបានពិពណ៌នាថា «មានភាពស្មុគស្មាញខ្លាំង»។

លោក Andre Madeiro ប្រធាននាយកដ្ឋានអាកាសចរណ៍នៃរដ្ឋ Alagoas ដែលបានចូលរួមក្នុងប្រតិបត្តិការជួយសង្គ្រោះ និយាយថា៖ «ឡានក្រុងបានចុះពីលើផ្លូវនៅលើផ្លូវកោង បន្ទាប់មកក៏ក្រឡាប់ ហើយមនុស្សមួយចំនួនត្រូវបានធ្លាក់ចេញពីឡាន»។

លោកបានប្រាប់សន្និសីទសារព័ត៌មានថា៖ « អ្នកខ្លះបានជាប់នៅក្រោមរថយន្ត។ វាគឺជាគ្រោះថ្នាក់ដ៏អាក្រក់មួយ ដែលពុំគួរឱ្យកើតឡើងទេ»។

គួរបញ្ជាក់ថា មនុស្សជាង ១០ ០០០នាក់ បានស្លាប់នៅក្នុងគ្រោះថ្នាក់ចរាចរណ៍ នៅក្នុងប្រទេសប្រេស៊ីលឆ្នាំ ២០២៤ នេះបើយោងតាមក្រសួងដឹកជញ្ជូន។

រីឯខែធ្នូ ឆ្នាំ ២០២៤ ដដែល មនុស្សយ៉ាងហោចណាស់ ៣២នាក់ បានស្លាប់ ពេលដែលរថយន្តក្រុងដឹកអ្នកដំណើរ និងរថយន្តដឹកទំនិញបានបុកគ្នានៅលើផ្លូវល្បឿនលឿន( Highway) ក្នុងរដ្ឋ Minas Gerais ភាគខាងត្បូងនៃប្រទេសប្រេស៊ីល៕

ប្រែសម្រួល៖ ណឺ មិនា

The post ឧបទ្ទវហេតុក្រឡាប់ឡានក្រុងនៅប្រេស៊ីល សម្លាប់មនុស្ស១៦នាក់រួមមានកុមារ៤នាក់ appeared first on Kampuchea Thmey Daily.

ក្រឡាប់ឡានក្នុងទីក្រុង Lisbon ប្រទេសព័រទុយហ្គាល់សម្លាប់មនុស្ស១៥នាក់

Bun sopheap — Thu, 04 Sep 2025 02:33:21 +0000

យោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី០៤ខែកញ្ញា ឧបទ្ទវហេតុដ៏សោកនាដកម្មមួយបានកើតឡើងក្នុងទីក្រុង Lisbon ប្រទេសព័រទុយហ្គាល់ ដោយរថយន្តតាមដងផ្លូវ(ស្រដៀងរត់ភ្លើងរត់លើផ្លូវដែក) ដ៏ល្បីល្បាញ Elevador da Glória បានក្រឡាប់ និងធ្លាក់ចូលទៅក្នុងអគារមួយ សម្លាប់មនុស្ស ១៥ នាក់ និងរបួស ១៨ នាក់ មានទាំងកុមារ និងជនបរទេស។

(រូបភាព៖ Reuters)

បើតាមសាក្សីបាននិយាយថា រថយន្តបង្កបានបើកហួសល្បឿនកំណត់ចុះពីលើភ្នំចោត ក្រោយមកបានក្រឡាប់ទៅលើបុរសម្នាក់នៅចិញ្ចើមផ្លូវ ។ ក្រោយហេតុការណ៍ដ៏រន្ធត់នេះក្រុមសង្គ្រោះបន្ទាន់បានជួយសង្គ្រោះជនរងគ្រោះទាំងអស់ក្នុងរយៈពេលពីរម៉ោង។

អាជ្ញាធរបានហៅវាថាជាឧបទ្ទវហេតុដ៏អាក្រក់បំផុតរបស់ទីក្រុង Lisbon ក្នុងប្រវត្តិសាស្ត្រថ្មីៗនេះ ដែលជំរុញឱ្យទីក្រុងផ្អាកសេវាកម្មរថយន្តតាមដងផ្លូវទាំងអស់សម្រាប់ការត្រួតពិនិត្យសុវត្ថិភាព។ ប្រធានាធិបតី ព័រទុយហ្គាល់លោក Marcelo Rebelo de Sousa និងអភិបាលក្រុងលោក Carlos Moedas បានចូលរួមរំលែកទុក្ខយ៉ាងជ្រាលជ្រៅ ដោយប្រទេសព័រទុយហ្គាល់បានប្រកាសថ្ងៃកាន់ទុក្ខជាតិផងដែរ។

(រូបភាព៖ Reuters)

គួរបញ្ជាក់ថារថយន្តតាមដងផ្លូវគឺជាប្រភេទការដឹកជញ្ជូនសាធារណៈដែលរត់លើផ្លូវដែកដែលបានសាងសង់នៅតាមផ្លូវ។ វាត្រូវបានបំពាក់ដោយអគ្គិសនី និងផ្លាស់ទីតាមបណ្តោយផ្លូវថេរ រត់ក្នុងផ្លូវចន្លោះរថយន្ត និងយានជំនិះផ្សេងទៀត។

សេវាកម្មរថយន្តតាមដងផ្លូវនេះបានដំណើរការតាំងពីឆ្នាំ១៨៨៥ មកម្លេះហើយបានទាក់ទាញទេសចរណ៍ និងការដឹកជញ្ជូនក្នុងស្រុក។ ក្រុមហ៊ុន Carris ដែលជាប្រតិបត្តិករបាននិយាយថា រថយន្តនេះទើបតែបានឆ្លងកាត់ការថែទាំ ហើយបានសន្យាថានឹងសហការពេញលេញក្នុងការស៊ើបអង្កេត៕

(រូបភាព៖ Reuters)

ប្រភេទរថយន្តដែលរត់តាមដងផ្លូវ

The post ក្រឡាប់ឡានក្នុងទីក្រុង Lisbon ប្រទេសព័រទុយហ្គាល់សម្លាប់មនុស្ស១៥នាក់ appeared first on Kampuchea Thmey Daily.

រថយន្តអាល់ហ្វាត បោះពួយលឿនជ្រុលបណ្តាលឲ្យក្រឡាប់ផ្ងារជើង សំណាងល្អមិនប៉ះពាល់ដល់ជីវិតមនុស្ស

អុន ស្រីមាន — Sat, 03 May 2025 04:26:51 +0000

កាលពីវេលាម៉ោង ៨ និង៣០នាទី ព្រឹកថ្ងៃទី ០៣ ខែ ឧសភា ឆ្នាំ២០២៥ មានករណីគ្រោះថ្នាក់ចរាចរណ៍មួយកើតឡើង នៅពេលមេឃកំពុងភ្លៀងធ្លាក់ បានបណ្តាលឲ្យរថយន្ត ម៉ាក អាល់ហ្វាត មួយគ្រឿង ដែលមានមនុស្សជិះពីរនាក់ បានរអិលធ្លាក់ក្រឡាប់ទៅស្នាមភ្លោះ បះជើងឡើងលើ តែមិនបណ្តាលឲ្យមនុស្សគ្រោះថ្នាក់ អ្វីនោះឡើយ ។ ករណីគ្រោះថ្នាក់ចរាចរណ៍នេះ កើតឡើងនៅលើកំណាត់ផ្លូវជាតិលេខ៦ ស្ថិតក្នុងភូមិ ត្រពាំងច្រាំង ឃុំ ក្រឡាញ់ ស្រុកក្រឡាញ់ ខេត្តសៀមរាប ។

តាមការបញ្ជាក់របស់អ្នករួមដំណើរក្នុងរថយន្ត បានឲ្យដឹង ក្នុងហេតុការណ៍នេះ រថយន្តរបស់ខ្លួន បានបើកមកពីទិសខាងកើតទៅលិច ហើយបានគេចពីរថយន្តផ្សេងមកពីទិសខាងលិចដែលបានវ៉ាជែងគ្នា ក្នុងល្បឿនលឿនពេលមេឃកំពុងភ្លៀង បានធ្វើឲ្យរថយន្តរបស់ខ្លួនរអិលធ្លាក់ពីលើផ្លូវ បណ្តាលឲ្យប្រឡាប់ តែដោយសំណាងល្អមានព្រៃនៅស្នាមភ្លោះជួយទប់ ទើបមិនបណ្តាលឲ្យគ្រោះថ្នាក់ដល់ខ្លួន ត្រឹមតែមានការភិតភៃយប៉ណ្ណោះ តែរថយន្តត្រូវខូចខាតទាំងស្រុង។

ក្នុងនោះ ក៏មានវត្តមានរបស់សមត្ថកិច្ចនគរបាលជំនាញ បានទៅដល់កន្លែងកើតហេតុផងដែរ ព្រមទាំង បានធ្វើអន្តរាគមន៍ជួយរករថយន្ត និងស្ទូចរថយន្តចេញផងដែរ ៕

ដោយ៖ គឿនវេត

The post រថយន្តអាល់ហ្វាត បោះពួយលឿនជ្រុលបណ្តាលឲ្យក្រឡាប់ផ្ងារជើង សំណាងល្អមិនប៉ះពាល់ដល់ជីវិតមនុស្ស appeared first on Kampuchea Thmey Daily.

រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់

Sok Sovann — Wed, 26 Feb 2025 02:19:57 +0000

នៅប្រទេសថៃកើតមានគ្រោះថ្នាក់ចរាចរណ៍ដ៏រន្ធត់ ដោយរថយន្តដឹកសិស្សមួយគ្រឿង បានក្រឡាប់ពេលចុះភ្នំ បណ្តាលឲ្យមនុស្សរហូតដល់ទៅ១៧នាក់ស្លាប់និងជាង៤០នាក់ទៀតរងរបួស។

(រូបថត៖ Nation)

ហេតុការណ៍នេះកើតឡើងនាវេលាម៉ោង ៤ទាបភ្លឺថ្ងៃពុធទី២៦ខែកុម្ភៈឆ្នាំ២០២៥ លើភ្នំ Khao San Tone ក្នុងស្រុក Na Di នៃខេត្ត Prachin Buri។

តាមការចុះផ្សាយរបស់ Nation, រថយន្តនេះគឺជារថយន្តដឹកសិស្សចុះកម្មសិក្សា ដែលធ្វើដំណើរវិលមកពីស្រុក Phon Charoen នៃខេត្ត Bueng Kan ឆ្ពោះទៅកាន់ខេត្ត Rayong វិញ ប៉ុន្តែវាបានជួបគ្រោះថ្នាក់លើផ្លូវហាយវ៉េលេខ៣០៤។

(រូបថត៖ Nation)

ភ្លាមៗ គេមិនទាន់បញ្ជាក់ថាតើសិស្សទាំងនេះមកពីសាលារៀនណានោះទេ ហើយប៉ូលិសក៏មិនទាន់ប្រាប់មូលហេតុដែលបណ្តាលឲ្យរថយន្តជួបគ្រោះថ្នាក់ដែរ។

ទោះបីជាយ៉ាងណាក៏ដោយ សមត្ថកិច្ចថៃបានបើកការស៊ើបអង្កេតហើយ ដើម្បីរកមូលហេតុពិតនៃគ្រោះថ្នាក់នេះ ដោយជាបឋមគេដាក់ការសង្ស័យចំនួន២ចំណុចថា ទី១អ្នកបើកបរងងុយដេក និងទី២ រថយន្តដាច់ហ្វ្រាំង៕

(រូបថត៖ Nation)

អត្ថបទ៖ សុខ សុវណ្ណ

ចុចអាន៖ ក្រឡាប់រថយន្ត នៅស្រុកត្រាំកក់ បណ្តាលឱ្យមនុស្ស ៤នាក់ស្លាប់ និងរបួសធ្ងន់ម្នាក់

The post រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់ appeared first on Kampuchea Thmey Daily.

ក្រឡាប់រថយន្ត នៅស្រុកត្រាំកក់ បណ្តាលឱ្យមនុស្ស ៤នាក់ស្លាប់ និងរបួសធ្ងន់ម្នាក់

Ken Malis — Sun, 01 Sep 2024 01:11:33 +0000

នាថ្ងៃ៣១ ខែសីហា ឆ្នាំ ២០២៤ វេលាម៉ោង១៩៖៥០នាទី មានករណីបើកបររថយន្តក្រឡាប់ដោយឯងៗ នៅចំណុចលើផ្លូវជាតិលេខ១៣២ ចន្លោះគីឡូម៉ែត្រលេខ ៣-៤ ស្ថិតក្នុងភូមិមហាសេនា ឃុំតាភេម ស្រុកត្រាំកក់ ខេត្តតាកែវ។

តាមការបញ្ជាក់ពីមន្ត្រីប៉ូលីសនៃអធិការដ្ឋាននគរបាលស្រុកត្រាំកក់ នៅវេលាម៉ោងកើតហេតុខាងលើ មានរថយន្តមួយគ្រឿងម៉ាក TOYOTA PRIUS ពណ៌ខៀវ ពាក់ស្លាកលេខ ភ្នំពេញ 2BF-0867 បើកបរដោយឈ្មោះ នុត នាក់ចាន់ណា ភេទប្រុស អាយុ ៣២ឆ្នាំ រស់នៅភូមិប្រវង់ ឃុំតាភេម ស្រុកត្រាំកក់ ខេត្តតាកែវ មុខរបរកសិករ ស្លាប់នៅកន្លែងកើតហេតុ។ ក្នុងមានអ្នករួមដំណើរជាមួយចំនួន ៤នាក់ ទី១.ឈ្មោះ ស៊ន សៀងលី ភេទស្រី អាយុ ៨ឆ្នាំ មុខរបរសិស្ស ស្លាប់នៅកន្លែងកើតហេតុ ទី.២ ឈ្មោះ គង់ ថៃ ភេទប្រុស អាយុ ១៩ឆ្នាំ មុខរបរកសិករ ស្លាប់នៅកន្លែងកើតហេតុ ទី.៣ ឈ្មោះ ស៊ន លីមីង ភេទប្រុស អាយុ ៤ឆ្នាំ (រងរបួសធ្ងន់)។ អ្នកទាំង៣ ខាងលើ រស់នៅភូមិប្រវង់ ឃុំតាភេម ស្រុកត្រាំកក់ ខេត្តតាកែវ។

ចំណែក ទី.៤ ឈ្មោះ ប្រាក់ វីរៈ ភេទប្រុស អាយុ ៣៤ឆ្នាំ មុខរបរកសិករ (ស្លាប់នៅមន្ទីរពេទ្យ) រស់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ សមត្ថកិច្ចបន្តថា រថយន្តបើកបរមកពីទិសខាងលិចទៅកើត លុះមកដល់ចំណុចខាងលើបានរ៉េចង្កូតធ្លាក់ផ្លូវទៅបុកជាមួយក្បាល លូ ក្រឡាប់ចូលទឹកប្រឡាយពីខាងជើងផ្លូវ។

ហេតុការណ៍ដ៏សង្វេគនេះ តាមការសន្និដ្ឋានពីសមត្ថកិច្ចជំនាញ គឺបណ្តាលមកពីការបើកបរក្នុងល្បឿនលឿនខ្វះការប្រុងប្រយ័ត្ន។ បច្ចុប្បន្ន សពបានប្រគល់ជូនសាច់ញាតិយកទៅធ្វើបុណ្យតាមប្រពៃណី រីឯជនរងគ្រោះបានបញ្ជូនទៅសង្គ្រោះនៅមន្ទីរពេទ្យបង្អែកក្រុងដូនកែវ៕

អត្ថបទ៖ វីរៈ

The post ក្រឡាប់រថយន្ត នៅស្រុកត្រាំកក់ បណ្តាលឱ្យមនុស្ស ៤នាក់ស្លាប់ និងរបួសធ្ងន់ម្នាក់ appeared first on Kampuchea Thmey Daily.

នារីម្នាក់បើករថយន្តរេចង្កូតជ្រុលទៅបុកពីក្រោយរថយន្តមួយគ្រឿងទៀតពីបណ្ដាលឲ្យក្រឡាប់ផ្ងារជើង

Ngoeul Narath — Tue, 06 Aug 2024 05:58:00 +0000

នារីម្នាក់បើករថយន្តមួយគ្រឿងម៉ាក TOYOTARAIZE ក្នុងល្បឿនគេចឧបសគ្គខាងមុខក៏ជ្រុលទៅបុករថយន្តមួយគ្រឿងទៀតម៉ាក TOYOTARAIZE ពីខាងក្រោយ បណ្ដាលឲ្យរថយន្តខ្លួនឯងម៉ាក TOYOTARAIZE ក្រឡាប់ផ្ងារជើង។ ហេតុការណ៍នេះកើតឡើងនៅវេលាម៉ោង៦:៣០នាទីយប់ ថ្ងៃទី៥ខែសីហា ឆ្នាំ២០២៤ ស្ថិតនៅលើផ្លូវជាតិលេខ៦ A សង្កាត់ជ្រោយចង្វារ ខណ្ឌជ្រោយចង្វារ។

តាមប្រភពពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញរថយន្តម៉ាកRangroverពណ៌ខ្មៅមួយគ្រឿងពាក់ផ្លាកលេខភ្នំពេញ 2AG-0928 ធ្វើដំណើរតាមបណ្ដោយផ្លូវជាតិលេខ ៦A ក្នុងទិសដៅពីជើងមកត្បូង ពេលធ្វើដំណើរមកដល់ចំណុចកើតហេតុបានឈប់រថយន្តរួចយកខោអាវទៅដាក់កន្លែងបោកគក់ ភ្លាមៗនោះស្រាប់តែគេឃើញមានរថយន្តមួយគ្រឿងទៀតម៉ាក TOYOTARAIZE ពណ៌សពាក់ផ្លាកលេខ ភ្នំពេញ 2BY-4178 បើកបរដោយនារីម្នាក់ធ្វើដំណើរស្របទិសគ្នាពីជើងមកត្បូងក្នុងល្បឿនលឿន ខណៈពេលមកដល់ចំណុចកើតក៏រេចង្កូតទៅបុកពីក្រោយរថយន្ត Rang roverពេញទំហឹងបណ្ដាលឲ្យខូចខាតរថយន្ត Rangrover បន្តិចបន្តួចផ្នែកខាងក្រោយ ចំណែករថយន្តបង្កម៉ាក TOYOTARAIZE ក៏ក្រឡាប់ផ្ងារជើង និងនារីជាអ្នកបើកបររងរបួស ត្រូវបានបញ្ជូនទៅមន្ទីពេទ្យភ្លាមៗ។

ក្រោយពេលកើតហេតុសមត្ថកិច្ចមូលដ្ឋានទាក់ទទៅកាន់ជំនាញចរាចរណ៍ចុះមកដល់ធ្វើការវាស់វែងយករថយន្តទាំងពីរគ្រឿងទៅរក្សាទុករងចាំដោះស្រាយនៅពេលក្រោយ៕

អត្ថបទ៖ម៉េង

The post នារីម្នាក់បើករថយន្តរេចង្កូតជ្រុលទៅបុកពីក្រោយរថយន្តមួយគ្រឿងទៀតពីបណ្ដាលឲ្យក្រឡាប់ផ្ងារជើង appeared first on Kampuchea Thmey Daily.

រថយន្តដឹកត្រីចុះពីស្ពានអាកាសដាច់កង់ក្រឡាប់ចាក់ត្រីចោលពេញផ្លូវ

Kang Tola — Mon, 01 Jul 2024 16:23:00 +0000

ភ្នំពេញ ៖ រថយន្តធុនធំមួយគ្រឿងដឹកត្រីចុះពីលើស្ពានអាកាសកប់ស្រូវ (វិថីឈ្នះ ឈ្នះ)សុខៗស្រាប់តែបែកកង់ម្ខាងក្រឡាប់ចាក់ត្រីចោលពេញផ្លូវ។

ហេតុការណ៍នេះ បានកើតឡើងកាលពីវេលាម៉ោង៦និង៥០នាទីព្រលប់ ថ្ងៃទី១ ខែកក្កដា ឆ្នាំ២០២៤ នៅលើស្ពានអាកាសកប់ស្រូវសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានបានឱ្យដឹងថា មុនពេលកើតហេតុគេបានឱ្យរថយន្តធុនធំ ពណ៌ស ពាក់ស្លាក់លេខភ្នំពេញ3B-2812 ដឹកត្រីពេញ ធ្វើដំណើរតាមបណ្តោយផ្លូវក្រវាត់ក្រុងទី៣ ក្នុងទិសដៅពីត្បូងទៅជើងឡើងលើស្ពានអាកាសកប់ស្រូវកែងផ្លូវជាតិលេខ៤ បំណងឆ្ពោះទៅវិថីឈ្នះឈ្នះ ខណៈចុះជិតផុតទៅហើយស្រាប់តែដាច់កង់ខាងក្រោយផ្នែកខាងស្តាំធ្វើឱ្យរថយន្តក្រឡាប់គងលើបង្កាន់ដៃស្ពានចាក់ត្រីចោលចុះមកក្រោមរាយប៉ាយពេញផ្លូវ តែសំណាងមិនមានមនុស្សរងរបួសនោះទេ។

ក្រោយកើតហេតុសមត្ថកិច្ចបានចុះមកដល់ចំណុចកើតហេតុរាយការណ៍ទៅជំនាញមកធ្វើការវាស់វែងស្ទូចរថយន្តខាងលើទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយពេលក្រោយ៕

ដោយ ៖ សុខា

The post រថយន្តដឹកត្រីចុះពីស្ពានអាកាសដាច់កង់ក្រឡាប់ចាក់ត្រីចោលពេញផ្លូវ appeared first on Kampuchea Thmey Daily.

ក្រឡាប់រថយន្ត Archives - Kampuchea Thmey Daily

ឧបទ្ទវ​ហេតុក្រឡាប់ឡាន​នៅ​ភាគ​ខាង​ជើង​​នី​ហ្សេរីយ៉ា​ សម្លាប់​មនុស្ស​ ៣០នាក់ និង​​របួស​ច្រើននាក់

ឧបទ្ទវ​ហេតុក្រឡាប់​ឡានក្រុង​នៅ​ប្រេស៊ីល សម្លាប់​មនុស្ស​១៦នាក់រួម​មាន​កុមារ៤នាក់​

ក្រឡាប់ឡានក្នុងទីក្រុង Lisbon ប្រទេសព័រទុយហ្គាល់សម្លាប់មនុស្ស១៥នាក់

រថយន្តអាល់ហ្វាត បោះពួយលឿនជ្រុលបណ្តាលឲ្យក្រឡាប់ផ្ងារជើង សំណាងល្អមិនប៉ះពាល់ដល់ជីវិតមនុស្ស

រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់

ក្រឡាប់រថយន្ត នៅស្រុកត្រាំកក់ បណ្តាលឱ្យមនុស្ស ៤នាក់ស្លាប់ និងរបួសធ្ងន់ម្នាក់

នារីម្នាក់បើករថយន្តរេចង្កូតជ្រុលទៅបុកពីក្រោយរថយន្តមួយគ្រឿងទៀតពីបណ្ដាលឲ្យក្រឡាប់ផ្ងារជើង

រថយន្ត​ដឹក​ត្រី​ចុះ​ពី​ស្ពាន​អាកាស​ដាច់​កង់​ក្រឡាប់ចាក់​ត្រី​ចោល​ពេញ​ផ្លូវ​

ឧបទ្ទវហេតុក្រឡាប់ឡាននៅភាគខាងជើងនីហ្សេរីយ៉ា សម្លាប់មនុស្ស ៣០នាក់ និងរបួសច្រើននាក់

ឧបទ្ទវហេតុក្រឡាប់ឡានក្រុងនៅប្រេស៊ីល សម្លាប់មនុស្ស១៦នាក់រួមមានកុមារ៤នាក់

រថយន្តដឹកត្រីចុះពីស្ពានអាកាសដាច់កង់ក្រឡាប់ចាក់ត្រីចោលពេញផ្លូវ