ក្នុងរយៈពេលជាង ១៤ឆ្នាំមកនេះ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ក្រោមការដឹកនាំប្រកបដោយគតិបណ្ឌិតយ៉ាងឈ្លាសវៃរបស់ សម្តេចមហាបវរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បាននិងកំពុងរំកិលសេវាសុខាភិបាលមកជិតប្រជាពលរដ្ឋដោយមិនប្រកាន់វណ្ណៈ ពូជសាសន៍ និន្នាការនយោបាយ ពណ៌សម្បុរ ថែមទាំងលើកកម្ពស់សុខុមាលភាពគ្រប់គ្នា ធានាដល់ជីវភាពរស់នៅឱ្យបានល្អប្រសើរជាលំដាប់។

សេវាព្យាបាលដែលសមាគម TYDA បានយកជូនប្រជាពលរដ្ឋមានដូចជាការពិគ្រោះ ពិនិត្យនិងព្យាបាលជំងឺទូទៅ ការពិនិត្យព្យាបាលសុខភាពមាត់ធ្មេញ ការព្យាបាលជំងឺឫសដូងបាត សន្លាក់ ភ្នែក ត្រចៀកច្រមុះបំពង់ក ជំងឺសើរស្បែក ជំងឺបេះដូង ជំងឺរោគស្រ្តី ការពិនិត្យអេកូស្ត្រីមានផ្ទៃពោះ អេកូពិនិត្យជំងឺផ្សេងៗ រួមទាំងការបញ្ជូនអ្នកជំងឺមកព្យាបាលនៅមន្ទីរពេទ្យថ្នាក់ជាតិដោយឥតគិតថ្លៃផងដែរ។

ដោយទទួលបានចំណាប់អារម្មណ៍យ៉ាងខ្លាំង មានសមាគមអង្គការនានាតែងមកសហការជាមួយ សមាគម TYDA ដូចជាក់ស្តែង អង្គការឆឺជី (Tzu Chi) ដែលតែងនាំគ្រូពេទ្យជំនាញមកចូលរួមបេសកកម្មពិនិត្យព្យាបាលជូនប្រជាជនកម្ពុជានៅតាមបណ្តាខេត្ត៕

The post ត្រឹម ២ថ្ងៃ ក្រុមគ្រូពេទ្យស្ម័គ្រចិត្ត (TYDA) និងអង្គការ ឆឺជី ចុះពិនិត្យព្យាបាលពលរដ្ឋឥតគិតថ្លៃ សរុប ៤,០៥២ករណី appeared first on Kampuchea Thmey Daily.

ក្នុងពិធីសំណេះសំណាល និងពិនិត្យព្យាបាលជំងឺពលរដ្ឋពលរដ្ឋ ស្ថិតក្នុងបរិវេណវិទ្យាល័យហ៊ុនសែនចាន់ថ្នាល ភូមិអំពិលផ្អែម ឃុំក្រាំងចេក ស្រុកសាមគ្គីមុន្នីជ័យ នៅថ្ងៃទី២៨ ខែកុម្ភៈ ឆ្នាំ២០២៦ លោកជំទាវបណ្ឌិត មានប្រសាសន៍ថា សកម្មភាពរបស់ក្រុមគ្រូពេទ្យ TYDA នេះ គឺស្របទៅនឹងកម្មវិធីនយោបាយ របស់រាជរដ្ឋាភិបាល លើការងារលើកកម្ពស់សុខុមាលភាពរបស់ប្រជាពលរដ្ឋ ដោយគ្មានការរើសអើងនិន្នាការនយោបាយ វណ្ណៈ ពណ៌សម្បុរ គឺខិតខំប្រឹងប្រែងធ្វើយ៉ាងណា ឲ្យប្រជាពលរដ្ឋគ្រប់រូប មានសុខភាពល្អ ដើម្បីចូលរួមកសាងប្រទេសជាតិ ឲ្យកាន់តែរីកចម្រើន។

លោកជំទាវបណ្ឌិត បានបន្តថា ទន្ទឹមនឹងការពង្រឹងនូវគុណភាព វិស័យសុខាភិបាលនេះ រាជរដ្ឋាភិបាលអាណត្តិថ្មីនេះ គ្រោងបង្កើតឲ្យមានមន្ទីរនៅថ្នាក់តំបន់ មានគ្រឿងបរិក្ខាពេទ្យទំនើបៗ និងល្អៗ ការវះកាត់ធំៗ ពីលើមណ្ឌលសុខភាព ឬមន្ទីរពេទ្យបង្អែកដែលមានស្រាប់ កាន់ងាយស្រួលឲ្យពលរដ្ឋទៅរកសេវាសុខាភិបាល ។ លោកជំទាវបណ្ឌិត អនុប្រធានក្រុមប្រឹក្សាភិបាលសមាគម TYDA បានបន្ថែមថា សម្រាប់សកម្មភាពពិនិត្យព្យាបាលជំងឺពលរដ្ឋនៅថ្ងៃនេះ មានគ្រូពេទ្យចំនួនជាង ៤០០នាក់ ក្នុងនោះមានជំងឺទូទៅ ជំងឺមាត់ធ្មេញ ពិនិត្យអេកូ រោគស្រ្តី ជំងឺភ្នែក ជំងឺបេះដូង ជំងឺកុមារ ជំងឺត្រចៀក ច្រមុះ បំពងក សើស្បែក សន្លាក់ ឫសដូងបាត វះកាត់តូច ថតកាំរស្មី (X-Ray) និងមានជំងឺមួយចំនួនទៀត ។

លោកជំទាវបណ្ឌិត ពេជ ចន្ទមុន្នី បានបញ្ជាក់ទៀតថា សម្រាប់ប្រជាពលរដ្ឋមកទទួលការពិនិត្យព្យាបាលនេះ បើសិនអ្នកមានអាការៈធ្ងន់ធ្ងរ ត្រូវបញ្ជូនបន្តនៅមន្ទីរពេទ្យធំៗ ក្នុងរាជធានីភ្នំពេញ ដែលការចំណាយ គឺជាបន្ទុករបស់សម្ដេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិតផ្ទាល់ ទាំងការធ្វើដំណើរ ព្យាបាល ហូបចុកការស្នាក់នៅ។

ចំណែកលោក ជាម ច័ន្ទសោភ័ណ អភិបាលខេត្តកំពង់ស្ពឺ បានឱ្យដឹងថា គិតត្រឹមដើមឆ្នាំ២០២៦នេះ សមាគមក្រុមគ្រូពេទ្យយុវជនស្ម័គ្រចិត្តសម្ដេចតេជោ បានជួយពិនិត្យព្យាបាលជំងឺជូនពលរដ្ឋនៅខេត្តកំពង់ស្ពឺ បានចំនួន ៦ដង សរុបពលរដ្ឋជាង ២ម៉ឺននាក់មកហើយ។ ជំនួសមុខឲ្យប្រជាពលរដ្ឋខេត្តកំពង់ស្ពឺ លោកបានថ្លែងអំណរគុណ ដល់សមាគមក្រុមគ្រូពេទ្យ យុវជនស្ម័គ្រចិត្តសម្ដេចតេជោ  ដែលបានចូលរួមលើកកម្ពស់សុខុមាលភាពសង្គម ជាពិសេសនៅខេត្តកំពង់ស្ពឺនេះ។

ក្នុងពេលទៅទទួលការពិនិត្យព្យាបាលជំងឺដោយឥតគិតថ្លៃពី TYDA ប្រជាពលរដ្ឋបានសម្ដែងការពេញចិត្ត ចំពោះសកម្មភាពនេះ ដែលបានជួយកាត់បន្ថយលើការចំណាយរបស់ពួកគាត់ លើការថែទាំសុខភាព ក្រោមការជួយសម្របសម្រួល និងការយកចិត្តទុកដាក់សួរនាំ ពីសំណាក់ក្រុមគ្រូពេទ្យ។

គួរបញ្ជាក់ថា សម្រាប់ពលរដ្ឋទាំងជាង ៤ពាន់គ្រួសារ មកទទួលសេវាពិនិត្យព្យាបាលជំងឺដោយឥតគិតថ្លៃនេះ មានមកពីក្រុងឧដុង្គម៉ែជ័យ ស្រុកឱរ៉ាល់ ស្រុកថ្ពង និងស្រុកសាមគ្គីមុន្នីជ័យ ។ ក្នុងនោះផងដែរមានពិនិត្យព្យាបាលជំងឺដូចជា៖ ជំងឺទូទៅ ជំងឺមាត់ធ្មេញ ត្រចៀក-ច្រមុះ-បំពង់ក ជំងឺភ្នែក រោគស្ត្រី អេកូវេជ្ជសាស្ត្រ វះកាត់តូច ជំងឺបេះដូង ជំងឺសើរស្បែក ឫសដូងបាត ជំងឺសន្លាក់ មន្ទីរពិសោធន៍វិភាគឈាម ថតកាំរស្មី (x-ray) និងជំងឺផ្នែកកុមារ សរុបចំនួន ៧ ២៥០ករណី និងបានបញ្ជូនទៅព្យាបាលបន្តនៅភ្នំពេញ ចំនួន ៥៥ករណី ៕

The post លោកជំទាវបណ្ឌិត ពេជ ចន្ទមុន្នី ដឹកនាំពេទ្យ TYDA ពិនិត្យព្យាបាលជំងឺពលរដ្ឋជាង៤ពាន់គ្រួសារ នៅខេត្តកំពង់ស្ពឺ appeared first on Kampuchea Thmey Daily.

ការ​ចុះ​ពិនិត្យ​សុខភាព​នេះ​ដឹក​នាំ​ដោយទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋាន គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ (គ.វ.អ) ​លោក​ ពេជ សោភ័ន។

អនុប្រធានប្រតិបត្តិសមាគមគ្រូពេទ្យស្ម័គ្រចិត្តយុវជនសម្តេចតេជោ លោកវេជ្ជបណ្ឌិត ស៊ឹម ស៊ូយេង បានឱ្យដឹងថា ក្រុមគ្រូពេទ្យ TYDA ដឹកនាំដោយ សម្តេចមហាបវរធិបតី ហ៊ុន ម៉ាណែត និង លោកស្រី ពេជ ចន្ទមុន្នី ហ៊ុនម៉ាណែត មាន​រយៈពេល១៣ឆ្នាំមកហើយ ដោយ​បាន​យកចិត្តទុកដាក់យ៉ាងជ្រាលជ្រៅចំពោះសុខភាពរបស់ប្រជាពលរដ្ឋទូទៅនៅទូទាំងប្រទេស ហើយ​រាល់​ចុះ​មក​ពិនិត្យ​ជំងឺ​ជូន​ដល់​ពលរដ្ឋ​គឺ​មិន​គិត​ថ្លៃ​អ្វី​ទាំង​អស់ប្រកបដោយក្តីស្រឡាញ់ និងស្នាមញញឹម ក្នុងន័យជំរុញ លើកកម្ពស់សុខភាពសហគម ជាពិសេសគឺការបង្ខិតសេវាសុខភាពមកកៀកផ្ទះប្រជាពលរដ្ឋតែម្តង។

ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានលេខាធិការដ្ឋាន «គ.វ.អ.» លោក ពេជ សោភ័ន បាន​កោតសសើរ​ចំពោះក្រុមគ្រូពេទ្យ TYDA ទាំងអស់ ដែលបានលះបង់កម្លាំងកាយចិត្តខិតខំចុះព្យាបាលជំងឺជូនប្រជាពលរដ្ឋអស់រយៈពេលជាងច្រើនឆ្នាំកន្លងមកនេះ។ លោក​បានបញ្ជាក់ផងដែរថា នៅក្នុងការអនុវត្តការងារ លេខាធិការដ្ឋាននេះដើរតួនាទីជាសេនាធិការរបស់ (គ.វ.អ.) ក្នុងគោលបំណងជួយគាំទ្រដល់ការលើកកម្ពស់ ការអប់រំតាមរយៈការពង្រឹងអភិបាលកិច្ចសាលារៀន ការពិនិត្យកែលម្អកម្មវិធីសិក្សានិងរៀបចំកម្មវិធីសិក្សា និងសកម្មភាពក្រៅម៉ោងសិក្សាឱ្យស្របតាមតម្រូវការក្នុងការពង្រឹងចំណេះដឹង វិន័យ សីលធម៍ និងឥរិយាបថសិស្ស, ការយកចិត្តទុកដាក់ លើសុខភាពសិស្សតាមរយៈកម្មវិធីអាហារូបត្ថម្ភដល់កុមារ និងការត្រួតពិនិត្យគុណភាពចំណីអាហារនៅតាមសាលារៀន និងការជំរុញ លើកទឹកចិត្ត ការចូលរួមរបស់មាតាបិតា អាណាព្យាបាល និងសហគមន៍ក្នុងការអប់រំ។

លោកគ្រូអ្នកគ្រូដែលជាគណៈគ្រប់គ្រងសាលាបឋមខាងលើ សូមគោរពថ្លែងអំណរគុណដល់ក្រុមគ្រូពេទ្យ TYDA ដែល​បាន​ចុះមកព្យាបាលជំងឺជូនសិស្សានុសិស្សដល់សាលារៀន ក្នុងការរួមចំណែកលើកកម្ពស់សុខភាពសហគមន៍ជាពិសេសកុមារ ដែលជាទំពាំងស្នងឫស្សី។

សូមជម្រាបថាសកម្មភាពពិនិត្យ និងព្យាបាលជំងឺទូទៅ និងសុខភាពមាត់ធ្មេញជូន លោកគ្រូ អ្នកគ្រូ សិស្សានុសិស្ស និងអាណាព្យាបាលនៅថ្ងៃនេះ សរុបចំនួន ៣១៩៨នាក់ ស្មើរនឹង ៦៧៩៦ករណី និងបញ្ជូលទៅព្យាបាលបន្តនៅភ្នំពេញមានចំនួន ២ករណី ក្រោមជំនួយឧបត្ថមដោយផ្ទាល់ និងទាំងស្រុងពី សម្តេចធិបតី និងលោកជំទាវបណ្ឌិត ក្នុងថ្ងៃនេះដែរក៏មានការ អប់រំ និងបណ្ដុះបណ្ដាលអំពីការថែទាំសុខភាពបឋម ចំនួន ៧៣នាក់ ដើម្បីលោកគ្រូ អ្នកគ្រូ យកទៅបង្រៀនដល់សិស្សានុសិស្សបន្ត៕

អត្ថបទដោយ ហ៊ុន សិរីវឌ្ឍន៍

The post សមាគមគ្រូពេទ្យ​ស្ម័គ្រចិត្ត TYDA ចុះ​ពិនិត្យ​សុខភាព​ជូន​ដល់​ប្រជាជន​នៅ​ស្រុក​សន្ទុក​ ខេត្ត​កំពង់ធំ appeared first on Kampuchea Thmey Daily.

នា​ឱកាស​សំណេះសំណាល​ជាមួយ​ប្រជាពលរដ្ឋ​ចូលរួម​ក្នុង​កម្មវិធី​ពិនិត្យ​ព្យាបាល​ជំងឺ កាលពី​ព្រឹក​ថ្ងៃទី ២៩ ខែ​វិច្ឆិកា ឆ្នាំ ២០២៥ លោកជំទាវ​បណ្ឌិត មាន​ប្រសាសន៍​ថា ការ​ចុះ​ពិនិត្យ​ព្យាបាល​ជំងឺ​ដោយ​ឥតគិតថ្លៃ​ជូន​ប្រជាពលរដ្ឋ​ដល់​មូលដ្ឋាន​នេះ ស្រប​ទៅ​នឹង​គោលនយោបាយ​របស់​រាជ​រដ្ឋា​ភិបាល​កម្ពុជា ក្នុង​ការ​បង្ខិត​សេវា​សុខាភិបាល រួមមាន​ការ​បង្កើត​មន្ទីរពេទ្យ​បង្អែក​តាម​ស្រុក ប៉ុស្តិ៍​សុខភាព និង​មណ្ឌល​សុខភាព ជូន​ប្រជាពលរដ្ឋ​ឲ្យ​កាន់តែ​ជិត ក្នុង​ការ​ពិនិត្យ និង​ព្យាបាល​ជំងឺ ហើយ​ក៏បាន​កាត់បន្ថយ​ការ​ចំណាយ​ទាំង​ថវិកា និង​ពេលវេលា។

លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត បាន​បន្ត​ថា មួយវិញទៀត កិច្ច​គាំពារ​សុខុមាលភាព​សង្គម​នេះ គឺជា​ការ​គិតគូរ​យ៉ាង​យកចិត្តទុកដាក់​ពី​សំណាក់​រាជរដ្ឋាភិបាល ដូចនេះ​ហើយ​ទើប សម្ដេច​តេ​ជោ ហ៊ុន សែន ប្រធាន​ព្រឹទ្ធសភា សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាក​បាទ​ក្រហម​កម្ពុជា និង សម្ដេច​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា បាន​ជំរុញ​ដល់​ពេទ្យ TYDA ចូលរួម​ក្នុង​ការងារ​លើក​កម្ពស់​សុខភាព​របស់​ប្រជាពលរដ្ឋ។

ជាមួយ​នេះ លោកជំទាវ​បណ្ឌិត ក៏បាន​អំពាវនាវ​ប្រជាពលរដ្ឋ សូម​បន្ត​ខិតខំ​ថែរក្សា​សុខភាព តាម​រយៈ​ការ​ហាត់​ប្រាណ​ប្រចាំថ្ងៃ ការ​ធ្វើ​អនាម័យ​ជាប្រចាំ ការ​បរិភោគ​កុំ​ប្រៃ​ពេក ផ្អែម​ពេក និង​កាត់​បន្ថយ​អាហារ​ដែល​សម្បូរ​ទៅ​ដោយ​ជាតិ​ខ្លាញ់។

ក្នុង​ពេល​ទៅ​ទទួល​សេវា​សុខាភិបាល​ដោយ​ឥតគិតថ្លៃ​ពី TYDA ប្រជាពលរដ្ឋ បាន​លើក​ឡើង​ថា សកម្មភាព​របស់ TYDA គឺ​ពិតជា​បាន​ជួយ​លើក​កម្ពស់​សុខភាព និង​សេដ្ឋកិច្ច​របស់​ប្រជាពលរដ្ឋ ជា​ពិសេស​នៅ​តំបន់​ជនបទ ព្រោះ​ការ​ពិនិត្យ និង​ព្យាបាល​ជំងឺ រួម​ទាំង​ផ្ដល់​ថ្នាំលេប ដោយ​មិន​យក​ប្រាក់​កម្រៃ។

លោក វ៉ា ថន អភិបាល នៃ​គណៈ​អភិបាល​ខេត្ត​ក្រចេះ មាន​ប្រសាសន៍​ថា ប្រជាពលរដ្ឋ​ដែល​ត្រូវ​ទៅ​ទទួល​សេវា​សុខាភិបាល មាន​ការ​ពិនិត្យ និង​ការ​ព្យាបាល​ជំងឺ​ពី​សំណាក់ គ្រូពេទ្យ TYDA មាន​ប្រមាណ​ជាង ៣ ពាន់​នាក់ ហើយ​សូម​ថ្លែងអំណរគុណ​ដល់ សម្ដេច​តេ​ជោ សម្ដេច​កិត្តិ​ព្រឹទ្ធ​បណ្ឌិត សម្ដេច​ធិបតី និង​លោកជំទាវ​បណ្ឌិត ដែល​បាន​គិតគូរ​ពី​សុខភាព​របស់​ប្រជាពលរដ្ឋ ហើយ​បាន​បញ្ជូន​ពេទ្យ TYDA ចុះ​ព្យាបាល​ជំងឺ​ដល់​ពលរដ្ឋ នៅ​តាម​មូលដ្ឋាន​ផ្ទាល់។

គួរ​បញ្ជាក់​ថា សម្រាប់​ប្រភេទ​ជំងឺ​ដែល​ក្រុម​គ្រូពេទ្យ​ស្ម័គ្រ​ចិត្ត​សម្ដេច​តេ​ជោ សរុប​ជាង ៣៤០ នាក់ ចុះ​ជួយ​ពិនិត្យ និង​ព្យាបាល​ជំងឺ​ពលរដ្ឋ​នោះ រួមមាន ជំងឺ​ទូទៅ ជំងឺ​មាត់​ធ្មេញ ត្រចៀក ច្រមុះ បពង់ក ជំងឺ​ភ្នែក ជំងឺ​រោគ​ស្ត្រី អេកូ​សាស្ត្រ វះកាត់​តូច ជំងឺ​បេះដូង ជំងឺ​សើស្បែក ជំងឺ​ឫសដូងបាត ជំងឺ​សន្លាក់ មន្ទីរ​ពិសោធន៍ ថត​កាំរស្មី និង​ផ្នែក​កុមារ ដែល​មាន​ការ​ពិនិត្យ​ជំងឺ​សរុប​ចំនួន​ជាង ៤ ៦០០ ករណី ខណៈ​អ្នកជំងឺ​ចំនួន ៤២ នាក់ ត្រូវ​បាន​បញ្ជូន​ទៅ​ព្យាបាល​បន្ត​នៅ​រាជធានី​ភ្នំពេញ ក្រោម​ការ​ជួយ​ផ្គត់ផ្គង់​ពី​សំណាក់ សម្ដេច​ធិបតី និង​លោកជំទាវ ទាំង​ការ​ព្យាបាល និង​ហូបចុក​ស្នាក់នៅ​ដោយ​ឥត​គិត​ថ្លៃ៕

The post លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញដឹកនាំក្រុមគ្រូពេទ្យ TYDA ចុះព្យាបាលជំងឺជូនពលរដ្ឋដោយឥតគិតថ្លៃ នៅស្រុកឆ្លូង ខេត្តក្រចេះ appeared first on Kampuchea Thmey Daily.

លោក ឃួង ស្រេង មាន​ប្រសាសន៍​ថា នេះ​ជា​លើកទីមួយ​ហើយ​ដែល​លោក​បាន​ឃើញ​ប្រជាពលរដ្ឋ​យ៉ាង​ច្រើន​កុះករ​នាំ​គ្នា​សម្រុក​មក​ផ្ដល់​ឈាម ដើម្បី​យក​ឈាម​ទាំងនេះ​ទៅ​បម្រើ​ដល់​សេចក្តី​ត្រូវការ​ជា​ប្រចាំ​ក្នុង​ការ​សង្គ្រោះ​ជីវិត​ដែល​ទទួល​គ្រោះថ្នាក់ ឬ​អ្នកជំងឺ​កំពុង​សម្រាក​ព្យាបាល និង​ដើម្បី​ត្រៀម​បម្រុង​សម្រាប់​វីរ​កងទ័ព​ជួរមុខ ឬ​ប្រជាពលរដ្ឋ​រងគ្រោះ​ដោយ​សង្គ្រាម​ឈ្លានពាន​ទឹកដី។ នេះ​ជា​មោទនភាព​បង្ហាញ​ពី​ស្មារតី​ស្នេហា​ជាតិ​ជា​ធ្លុង​មួយ ក្រោម​ការ​ដឹកនាំ​របស់​សម្ដេច​អគ្គ​មហា​សេនា​បតី​តេ​ជោ ហ៊ុន សែន អតីត​នាយករដ្ឋមន្ត្រី និង​បន្ត​មក សម្តេច​មហា​បវរ​ធិបតី ហ៊ុន ម៉ាណែត ជា​នាយករដ្ឋមន្ត្រី នា​ពេល​បច្ចុប្បន្ន។

លោក ឃួង ស្រេង បន្ត​ទៀត​ថា រាជធានី​ភ្នំពេញ បាន​ចង​សម្ព័ន្ធ​មេត្រីភាព​ជាមួយ​នឹង​កងទ័ព​ជួរមុខ​របស់​យើង ដោយ​តែងតែ​ជួយ​ឧបត្ថម្ភ​ទាំង​ថវិកា សម្ភារៈ និង​ម្ហូបអាហារ ដល់​ទាហាន​ជួរមុខ​របស់​យើង​រហូត​មក។ វីរ​កងទ័ព​ជួរមុខ​របស់​យើង ជា​សសរ​គ្រឹះ​ការពារ​ទឹកដី​ដ៏​រឹងមាំ ដោយ​ពួកគាត់​បាន​លះបង់​កម្លាំងកាយ​ចិត្ត ព្រមទាំង​អាយុជីវិត ដើម្បី​ការពារ​ទឹកដី​របស់​យើង។

លោក ឃួង ស្រេង បន្ត​បន្ថែម​ថា សម្រាប់​យើង​ជា​សមរភូមិ​ក្រោយ សូម​លើកទឹកចិត្ត​ដល់​កងទ័ព​ជួរមុខ​របស់​យើង។ កងទ័ព​ជួរមុខ​របស់​យើង មិន​នៅ​ឯកោ​នោះ​ទេ គឺ​មាន​រដ្ឋបាល​រាជធានី​ភ្នំពេញ និង​ប្រជាពលរដ្ឋ​កម្ពុជា​រាប់​លាន​នាក់ បាន​និង​កំពុង​ផ្ដល់​នូវ​ការ​លើក​ទឹកចិត្ត និង​ផ្ដល់​ជា​ស្បៀង​អាហារ មិន​ខ្វះខាត​ឡើយ និង​សូម​ជូនពរ​ឲ្យ​កងទ័ព​ជួរមុខ​របស់​យើង ជួប​តែ​ជ័យជំនះ​ឈ្នះ​ពី​សត្រូវ​ឈ្លានពាន។

សកម្មភាព​នេះ ត្រូវ​បាន​រៀបចំ​ដោយ​សមាគម​គ្រូពេទ្យ​ស្ម័គ្រចិត្ត​យុវជន​សម្ដេច​តេ​ជោ (TYDA) ដឹកនាំ​ដោយ ឯកឧត្ដម​ឧបនាយករដ្ឋមន្ត្រី ហ៊ុន ម៉ានី តំណាង​ដ៏​ខ្ពង់ខ្ពស់​លោកជំទាវ​បណ្ឌិត ពេជ ចន្ទមុន្នី ហ៊ុន ម៉ាណែត អនុប្រធាន​ក្រុមប្រឹក្សាភិបាល។

គោលបំណង​សំខាន់ នៃ​ការ​បង្កើត​ឲ្យ​មាន​ពិធី​បរិច្ចាគ​ឈាម​ដោយ​ស្ម័គ្រចិត្ត​ខាង​លើ​នេះ មាន​ចំនួន ២ គឺ ៖ ១/ បម្រើ​ដល់​សេចក្តីត្រូវការ​ជាប្រចាំ​ក្នុង​ការ​សង្គ្រោះ​ជីវិត​ដែល​ទទួល​គ្រោះថ្នាក់ ឬ​អ្នកជំងឺ​ដែល​កំពុង​សម្រាក​ព្យាបាល ហើយ​មាន​តម្រូវការ​ឈាម​ជាបន្ទាន់។ ២/ ត្រៀម​បម្រុង​សម្រាប់​វីរ​កងទ័ព​ជួរមុខ ឬ​ប្រជាពលរដ្ឋ ក្នុង​ករណី​ដែល​ទទួល​រង​របួស ឬ​គ្រោះថ្នាក់​ដោយសារ​សង្គ្រាម​ឈ្លាន​ពាន​ទឹកដី​នៅ​ទិស​ខេត្ត​ឧត្តរមានជ័យ និង​ខេត្ត​ព្រះវិហារ។

ឈរ​លើ​គោលបំណង​សំខាន់ ២ ខាង​លើ ពិធី​បរិច្ចាគ​ឈាម​មនុស្សធម៌​ពេលនេះ គឺ​ធ្វើ​ឡើង​ដើម្បី​ត្រៀម​បង្ការ​ផង និង​យោង​លើ​សេចក្តី​ត្រូវការ​ផង សម្រាប់​តម្រូវការ​ឈាម​ជាទូទៅ និង​ចំពោះ​សភាពការណ៍​វិវត្ត​ជាក់ស្ដែង ដែល​អាច​នឹង​មាន​តម្រូវការ​សង្គ្រោះ​ជីវិត​ចំពោះ​វីរ​កងទ័ព​ជួរមុខ និង​ប្រជាពលរដ្ឋ នៃ​តំបន់​ប្រឈម​នឹង​សង្គ្រាម​ឈ្លានពាន ហើយ​អាច​នឹង​បង្ក​គ្រោះថ្នាក់​ផ្សេងៗ ទាមទារ​ឲ្យ​មាន​តម្រូវការ​ឈាម​ជា​ចាំបាច់​ក្នុង​ការ​សង្គ្រោះ ឬ​អាច​នឹង​សម្រាប់​បំពេញ​តាម​សេចក្តីត្រូវការ​ឈាម​ជាបន្ទាន់​ណាមួយ​របស់​គ្រូពេទ្យ ព្រោះ“​ឈាម​ជា​ជីវិត“៕

អត្ថបទ ៖ ស្រីរ័ត្ន

The post អភិបាលរាជធានី បរិច្ចាគឈាមជូន សមាគមគ្រូពេទ្យ TYDA ដើម្បីសង្គ្រោះជីវិតមនុស្ស និងត្រៀមបម្រុងសម្រាប់វីរកងទ័ពជួរមុខ appeared first on Kampuchea Thmey Daily.

ក្នុងឱកាស​សំណេះសំណាល​ជាមួយ​ប្រជាពលរដ្ឋ លោកជំទាវ​បណ្ឌិត បានឱ្យដឹងថា សម្ដេច​តេ​ជោ ហ៊ុន សែន ប្រធានព្រឹទ្ធសភា​ , សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុន សែន ប្រធាន​កាក​បាទ​ក្រហម​កម្ពុជា និង សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី​កម្ពុជា គឺ តែងតែ​យកចិត្តទុកដាក់​គិតគូរ​អំពី​សុខទុក្ខ និង​សុខភាព​របស់​ប្រជាពលរដ្ឋ​គ្រប់ពេលវេលា តាមរយៈ​ការ​បង្ខិត​សេវា​ព្យាបាល​ជូន​ប្រជាពលរដ្ឋ​ដោយ​ឥតគិតថ្លៃ។ ជាក់ស្ដែង​ថ្ងៃនេះ លោកជំទាវ​បណ្ឌិត បាន​ដឹកនាំ​ក្រុម​គ្រូពេទ្យ​ជំនាញ ចំនួន ៤១០ នាក់ ចុះ​ពិនិត្យ និង​ព្យាបាល​ជំងឺ​ជូន​ប្រជាពលរដ្ឋ នៅ​ក្នុង​ខេត្ត​ព្រះវិហារ​នេះ ដោយ​ឥតគិតថ្លៃ​អ្វី​ទាំងអស់​រួមមាន ៖ ពិនិត្យ​ជំងឺ​ទូទៅ​ , ជំងឺ​មាត់​ធ្មេញ ​, ពិនិត្យ​អេកូ និង​រោគ​ស្ត្រី ​, ជំងឺ​បេះដូង ​, ពិនិត្យ​ជំងឺ​ភ្នែក ​, វះកាត់​តូច​ , ជំងឺ​ឫសដូងបាត ​, ជំងឺ​សន្លាក់​ , ជំងឺ​សើស្បែក ​, ជំងឺ​ត្រចៀក ច្រមុះ បំពង់ក ​, ថត​កាំរស្មី​ , ពិនិត្យ​ឈាម ​, និង​បញ្ជូន​ទៅ​ព្យាបាល​បន្ត​ក្នុង​ករណី​មាន​ជំងឺ​ធ្ងន់ធ្ងរ។

លោកជំទាវ​បណ្ឌិត បាន​បញ្ជាក់​ទៀត​ថា «បើសិនជា​លោកតា លោកយាយ អ៊ំ ពូ មីង បងប្អូន ប្រជាពលរដ្ឋ​យើង មាន​ស្ថានភាព​ជំងឺ​ឈឺ​ធ្ងន់ធ្ងរ ក្រុមគ្រូពេទ្យ នឹង​បញ្ជូន​ទៅ​ព្យាបាល​បន្ត​នៅ​មន្ទីរពេទ្យ​ខេត្ត ឬ​ទៅកាន់​រាជធានី​ភ្នំពេញ​តែម្ដង ហើយ​រាល់​ការ​ចំណាយ​ទាំងអស់ ដូច​ជា​ការ​សម្រាក​ព្យាបាល និង​អាហារ សូម​អ៊ំ​ពូ​មីង កុំ​បារម្ភ គឺ​ឧបត្ថម្ភ​ទាំងស្រុង​ដោយ សម្តេច​មហា​បវរ​ធិបតី ហ៊ុន ម៉ាណែត»។

ប្រជាពលរដ្ឋ​ដែល​បាន​មក​ទទួល​សេវា​ពិនិត្យ និង​ព្យាបាល នា​ឱកាស​នេះ បាន​បង្ហាញ​នូវ​សេចក្ដី​រំភើប សប្បាយរីករាយ និង​កក់ក្ដៅ​យ៉ាង​ខ្លាំង និង​បាន​ថ្លែងអំណរគុណ​ជា​អនេក ចំពោះ​ក្ដី​ស្រលាញ់ និង​ការ​យកចិត្តទុកដាក់​ពី​ថ្នាក់ដឹកនាំ ជាពិសេស​ការ​លះបង់​កម្លាំង​កាយ​-​ចិត្ត និង​ពេលវេលា ដ៏​មាន​តម្លៃ​របស់ លោក​ជំទាវ​បណ្ឌិត ពេជ ចន្ទ មុន្នី ហ៊ុន ម៉ាណែត ដែល​បាន​ដឹកនាំ​ក្រុម​គ្រូពេទ្យ​ជំនាញ ចុះ​មក​ពិនិត្យ និង​ព្យាបាល​សុខភាព ជូន​ពួកគាត់​ស្ទើរតែ​ដល់​ខ្នង​ផ្ទះ និង​ដោយ​មិន​គិត​ថ្លៃ​អ្វី​ទាំងអស់។

លោកជំទាវ​បណ្ឌិត បាន​មាន​ប្រសាសន៍​ថា ការ​មក​ព្យាបាល​ជំងឺ​ជូន​ប្រជាពលរដ្ឋ​នៅ​ទីនេះ គឺជា​លើក​ទី ១ តែ លោកជំទាវ បាន​អះអាង​ថា អាច​មាន​ជា​លើក​ទី ២ ឬ​លើក​ទី ៣ ជា​បន្តបន្ទាប់​ទៀត។ ហើយ​ឱកាស​ក្រោយៗ អាច​នឹង​មាន​វត្តមាន សម្ដេច​មហា​បវរ​ធិបតី ហ៊ុន ម៉ាណែត អញ្ជើញ​ចូលរួម។

ឆ្លៀត​ក្នុង​ឱកាស​នោះ​ដែរ បន្ទាប់ពី​បាន​អញ្ជើញ​ពិនិត្យមើល​សកម្មភាព​ក្រុម​គ្រូពេទ្យ​ពិនិត្យ និង ព្យាបាល​ជំងឺ​ជូន​ប្រជាពលរដ្ឋ លោកជំទាវ​បណ្ឌិត ក៏បាន​អញ្ជើញ​ចែក​កាបូបស្ពាយ​ដែល​ជា​អំណោយ​របស់ សម្ដេច​តេ​ជោ ហ៊ុន សែន និង សម្ដេច​កិត្តិ​ព្រឹទ្ធ​បណ្ឌិត ទៅ​ដល់​សិស្សានុសិស្ស នៃ សាលា​បឋម​សិក្សា​-​អនុវិទ្យាល័យ​ទ្រី​ភាព​បឹង​ទន្លេ​ម្រេច ផង​ដែរ។

សូម​បញ្ជាក់​ថា ក្រុម​គ្រូពេទ្យ និង​កម្លាំង​ស្ម័គ្រចិត្ត នៃ​សមាគម (TYDA) ដែល​ចុះ​ព្យាបាល​ប្រជាពលរដ្ឋ​ដោយ​ឥត​គិត​ថ្លៃ នា​ឱកាស​នេះ សរុប​ចំនួន ៤១០ នាក់ និង​បាន​ពិនិត្យ និង​ព្យាបាល​ជូន​ប្រជាពលរដ្ឋ​សរុប​ចំនួន ៤,៨២៦ នាក់ ស្មើនឹង ៩,៤៨០ ករណី និង​មាន​ករណី​ធ្ងន់ធ្ងរ​ចំនួន ៤២ ករណី ត្រូវ​បញ្ជូន​មក​ព្យាបាល​នៅ​រាជធានី​ភ្នំពេញ​បន្ត ក្រោម​ការ​ចំណាយ និង​ឧបត្ថម្ភ​ដ៏​ថ្លៃថ្លា​របស់ សម្ដេច​មហា​បវរ​ធិបតី ហ៊ុន ម៉ាណែត និង​លោកជំទាវ​បណ្ឌិត ផ្ទាល់៕

The post លោកជំទាវបណ្ឌិត ពេជ ចន្ទមុន្នី ដឹកនាំក្រុមគ្រូពេទ្យ TYDA ចុះពិនិត្យ និងព្យាបាលជំងឺជូនប្រជាពលរដ្ឋជិត ៥ ពាន់នាក់ នៅខេត្តព្រះវិហារ appeared first on Kampuchea Thmey Daily.

ប្រជាពលរដ្ឋ​ដែល​អញ្ជើញ​មក​ទទួល​សេវា​ពិនិត្យ និង​ព្យាបាលសុខភាពទាំងអស់ បានសម្តែងក្តីសប្បាយរីករាយ និង​ថ្លែង​អំណរ​គុណ​ជា​អនេក ចំពោះ សម្តេចធិបតី និងលោកជំទាវបណ្ឌិត ដែលបានចង្អុលបង្ហាញដល់ក្រុមគ្រូពេទ្យជំនាញ ចុះមកពិនិត្យ និងព្យាបាលពួកគាត់។

រាល់​ការ​ចំណាយទាំងអស់ក្នុងសកម្មភាពនេះ គឺ​ឧបត្ថម្ភ​ដោយ​សម្ដេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន រួមជាមួយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែតផ្ទាល់៕

The post សមាគមគ្រូ​ពេទ្យ​ស្ម័គ្រចិត្ត​យុវជន​សម្ដេចតេជោ (TYDA) ចុះពិនិត្យ និង​ព្យាបាល​ជំងឺជូនប្រជាពលរដ្ឋ​សរុប ៤.២២៣ករណី appeared first on Kampuchea Thmey Daily.

ការចុះមកព្យាបាលនាថ្ងៃនេះរួមមានជំងឺទូទៅ ជំងឺមាត់ធ្មេញ ពិនិត្យអេកូនិងរោគស្រ្តី ជំងឺបេះដូង ជំងឺភ្នែក វះកាត់តូច ជំងឺឫសដូងបាត ជំងឺសន្លាក់ ជំងឺសើស្បែក ជំងឺត្រចៀក ច្រមុះ បំពង់ក ថតកាំរស្មី ពិនិត្យឈាម ហើយបើមានអ្នកជំងឺណាមានអាការៈធ្ងន់ធ្ងរ និងបញ្ជូនទៅព្យាបាលបន្តនៅភ្នំពេញ ក្រោមការឧបត្ថមទាំងស្រុងពី សម្តេចធិបតី ហ៊ុន ម៉ាណែត និងលោកជំទាវបណ្ឌិត។

មានប្រសាសន៍សំណេះសំណាល មុនពិនិត្យ និងព្យាបាល ជូនប្រជាពលរដ្ឋ ជំទាវបណ្ឌិត ពេជ ចន្ទមុន្នី ហ៊ុនម៉ាណែត បានពាំនាំប្រសាសន៍ផ្តាំផ្ញើសួរសុខទុក្ខ ពីសំណាក់សម្តេចតេជោ ហ៊ុនសែន សម្តេចកិត្តិព្រឹទ្ធ ប៊ុន រ៉ានី ហ៊ុនសែន និង សម្តចធិបតី ហ៊ុន ម៉ាណែត ជូនចំពោះប្រជាពលរដ្ឋទាំងអស់ដែលមកទទួលសេវានាឱកាសនេះ។ លោកជំទាវបណ្ឌិត បានថ្លែងថា នេះជាលើក១ហើយ សម្រាប់ការដឹកនាំក្រុមគ្រូពេទ្យចុះមកព្យាបាល ជូនប្រជាលពលរដ្ឋនៅខេត្តឧត្តរមានជ័យ។ លោកជំទាវបន្តថានៅក្នុងអាណ្ណត្តិថ្មីនេះ សម្តេចធិបតី ហ៊ុន ម៉ាណែត បានយកចិត្តទុកដាក់ និងជំរុញវិស័យសុខាភិបាល ផ្នែក ICU ក្នុងការព្យាលជំងឺជូនប្រជាពលរដ្ឋ ទៅដល់ ភូមិ ឃុំ របស់ពួកគាត់។

ជាក់ស្តែងដូចក្នុងឱកាស នេះលោកជំទាវបានដឹកនាំក្រុមគ្រូពេទ្យជំនាញជាង៤០០នាក់ ចុះមកព្យាបាលជូន លោកយាយ លោកតា អ៊ុំពូមីងប្រកបដោយស្នាមញញឹម។
លោកជំទាវបន្តថា៖« ម្យ៉ាងតំបន់នេះធ្លាប់ជាកន្លែងសមរភូមិដ៏ក្តៅគកុក សំបូរទៅអតីតយុជន ដែលរាជរដ្ឋភិបាលតែងតែយកចិត្តទុកដាក់ចំពោះពួកគាត់ អ្វីដែលរឹតតែពិសេសនោះគឺបានចូលរួមកាត់ការចំណាយរបស់បងប្អូនមួយចំណែកទៀតផង»។

ប្រជាពលរដ្ឋដែលអញ្ជើញមកទទួលសេវាពិនិត្យ និងព្យាបាលសុខភាពនាឱកាសនេះ បានសម្តែងនូវក្តីសប្បាយរីករាយ និងគោរពថ្លែងអំណរគុណចំពោះ លោកជំទាវបណ្ឌិត និង សម្តេចទាំងបី ក្នុងការផ្តល់ឱកាសដ៏វិសេសវិសាល ចុះមកព្យាបាលជំងឺជូនពួកគាត់ ដោយមិនគិតថវិកាអ្វីទាំងអស់ ថែមទាំងយកចិត្តដាក់ក្នុងព្យាបាលថែមទៀតផង។

ក្នុង​ឱកាសនោះដែរ លោក មាន ចាន់យ៉ាដា អភិបាលខេត្តឧត្តរមានជ័យ តំណាងប្រជាពលរដ្ឋក្នុងខេត្តទាំងមូល សូមគោរពថ្លែងអំណរគុណយ៉ាងជ្រាលជ្រៅចំពោះ លោកជំទាវ និងក្រុមគ្រូពេទ្យអស់។ លោកបញ្ជាក់ថា៖«ការព្យាបាលជំងឺដោយមិនគិតថ្លៃនេះ គឺបានចូលរួមកាត់បន្ថយភាពក្រីក្ររបស់ប្រជាពលរដ្ឋនៅតំបន់នេះ បានមួយចំណែកទៀតដែរ»។

ក្នុងឱកាសនោះដែរ ក្រៅពីការពិនិត្យនិងព្យាបាលជំងឺ លោកជំទាវបណ្ឌិតក៏បានចែកកាបូបស្ពាយដល់ក្មួយៗសិស្សានុសិស្សប្រមាណជិត ២០០ នាក់ ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន រួមជាមួយសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិតផ្ទាល់៕

The post ពលរដ្ឋជាង៤០០០គ្រួសារនៅខេត្តឧត្តរ​មាន​ជ័យ ទទួលសេវាព្យាបាលជំងឺដោយឥតគិតថ្លៃ appeared first on Kampuchea Thmey Daily.