នៅក្នុងឱកាសនេះ លោក NAGASE ភារៈធារីស្តីទីស្ថានទូតជប៉ុនប្រចាំកម្ពុជាបានបង្ហាញក្តីរីករាយថា នេះគឺជាការសម្តែងដ៏អស្ចារ្យមួយ លោកពិតជាសប្បាយចិត្តបំផុត ប្រសិនបើការសម្តែងដោយវង់តន្ត្រី World Ship Orchestra ជាមួយសមាគមវង់តន្ត្រីយុវជនអង្គរនាថ្ងៃនេះបានដក់ជាប់នៅក្នុងដួងចិត្តអ្នកចូលរួម ហើយបានជំរុញឱ្យអ្នកទស្សនា ចាប់អារម្មណ៍លើតន្ត្រី សិល្បៈ និងវប្បធម៌ ព្រមទាំងមានចំណាប់អារម្មណ៍លើប្រទេសជប៉ុន។ លោក បញ្ជាក់ថា ទំនាក់ទំនងរវាងជប៉ុន និងកម្ពុជាត្រូវបានតម្លើងទៅជា “ភាពជាដៃគូយុទ្ធសាស្ត្រគ្រប់ជ្រុងជ្រោយ” ក្នុងឱកាសខួបលើកទី ៧០ នៃការបង្កើតទំនាក់ទំនងការទូតកាលពីឆ្នាំមុន។ នៅពេលដែលនិយាយថាគ្រប់ជ្រុងជ្រោយ ការផ្លាស់ប្តូរតាមរយៈតន្ត្រី សិល្បៈ និងវប្បធម៌ក៏ជា វិស័យដ៏សំខាន់មួយផងដែរ ហើយរដ្ឋាភិបាលជប៉ុនបាននិងកំពុងគាំទ្រយ៉ាងសកម្មនូវការ ផ្លាស់ប្តូរទាំងនេះ។

ចំណែក តំណាងរបស់ Japan Foundation បានលើកឡើងថា លោកមានកិត្តិយសណាស់ ដែលអាចគាំទ្រដល់សកម្មភាពផ្លាស់ប្តូរវប្បធម៌ដ៏មានតម្លៃបែបនេះ ហើយលោកឆ្លៀតឱកាសនេះសម្តែងពីការគោរព និងដឹងគុណយ៉ាងស្មោះស្ម័គ្រចំពោះសមាជិកនៃវង់តន្ត្រី Worldship Orchestra និងសមាគមវង់តន្ត្រីយុវជនអង្គរ ជាដៃគូសហការក្នុងប្រទេសកម្ពុជា។ លោកជឿជាក់ថា ការសម្តែងថ្ងៃនេះ នឹងក្លាយជាឱកាសដ៏មានតម្លៃ ជាពិសេសសម្រាប់កុមារកម្ពុជា ដើម្បីផ្សារ ភ្ជាប់ជាមួយនឹងក្តីសង្ឃឹមសម្រាប់អនាគត។

រីឯ លោក រ៉ម ដារ៉ាវង្ស ជាអ្នកបញ្ជាវង់ភ្លេង នៃសមាគមវង់តន្ត្រីយុវជនអង្គរ បានបញ្ជាក់ថា សមាគមវង់តន្ត្រីយុវជនអង្គរត្រូវបានបង្កើតឡើងឆ្នាំ២០០៦ នៅរាជធានីភ្នំពេញ ដោយមានការផ្តួចផ្តើមគំនិត ដោយតន្ត្រីករជនជាតិជប៉ុនម្នាក់ ឈ្មោះ លោក Shinichi Minami ក្នុងគោលបំណងចង់ឱ្យវិស័យតូរ្យតន្ត្រីក្លាស៊ីកនៅកម្ពុជាមានការ រីកចម្រើនដូចនៅក្នុងតំបន់នឹងក៏ដូចនៅលើពិភពលោក។ លោកបន្តថា ដោយមានការជួយជ្រោមជ្រែងពីសំណាក់ Worldship Orchestra ពីឆ្នាំ២០១៥ មកដល់ ពេលនេះ ជារៀងរាលឆ្នាំ សមាគមវង់តន្រ្តីយុវជនអង្គរមានការសម្តែងរួមគ្នា២ដង ឬ៣ដង ។ ជានិច្ចកាល Worldship Orchestra បានផ្តល់ដល់វង់តន្ត្រីយុវជនអង្គរ នូវបច្ចេកទេស និងបទពិសោធក្នុងការប្រគំតន្ត្រីក្លាស៊ីក ព្រមទាំងឧបករណ៍តន្ត្រីជាច្រើនដល់វង់តន្ត្រីយុវជនអង្គរ។

សូមជម្រាបថា វង់តន្ត្រី Worldship Orchestra ត្រូវបានបង្កើតឡើងដោយសិល្បករវ័យក្មេង និងពោរពេញដោយសមត្ថភាព។ ជាមួយគ្នានេះពួកគេក៏ធ្លាប់បានសម្តែងការប្រគំតន្ត្រីនៅកម្ពុជាកាលពីឆ្នាំ២០២៣ ក្នុងឱកាសខួបលើកទី ៧០ នៃការបង្កើតទំនាក់ទំនងការទូតរវាងកម្ពុជា និងជប៉ុន៕

(អត្ថបទពាណិជ្ជកម្ម)

The post វង់តន្ត្រី Worldship Orchestra និងសមាគមវង់តន្ត្រីយុវជនអង្គរ បានប្រគំតន្រ្តីមិត្តភាពជាមួយគ្នា ដើម្បីកុមារកម្ពុជា appeared first on Kampuchea Thmey Daily.

ក្រុមតន្ត្រី Ji-Pop ត្រូវបានទទួលស្គាល់ដោយ Universal Music Japan ក្នុងឆ្នាំ ២០១៦ និងឧស្សាហ៍ដើរសម្ដែងជុំវិញប្រទេសជប៉ុនផងដែរ ។

គួរឲ្យដឹងដែលថា ពាក្យ “Ji” នៅក្នុងក្រុមបានមកពីពាក្យ “បុរសចំណាស់” ព្រោះសមាជិកក្រុម Ji-Pop មានអាយុចាប់ពី ៦៥ ឆ្នាំដល់ ៨៧ ឆ្នាំឯណោះ ។

លោក Noriyasu ដែលជាមេក្រុម មានអាយុ ៧៤ ឆ្នាំហើយ ខណៈសមាជិកដែលចាស់ជាងគេមានឈ្មោះថា Hidetaka Yamada មានអាយុ ៨៧ ឆ្នាំ ប៉ុន្តែគាត់នៅមានកម្លាំងមាំមួនអាចរត់ម៉ារ៉ាតុងមិនចាញ់ក្មេងៗទេ ។

ជាការពិតណាស់ ប្រទេសជប៉ុនមានប្រជាជនចំណាស់ជាងគេបំផុតលើពិភពលោក ព្រោះក្នុងចំណោមមនុស្ស ១០ នាក់ មានអ្នកអាយុលើស ៨០ ឆ្នាំច្រើនជាងម្នាក់ទៅទៀត ៕

ប្រែសម្រួល៖ វារី

ប្រភព៖ nationalthailand

ចុចអាន៖ មនុស្សម្នាក់ក្នុងចំណោមប្រជាជនជប៉ុន ១០ នាក់ កើនអាយុជាង ៨០ ឆ្នាំ

The post មកស្គាល់ក្រុមតន្ត្រីជប៉ុន Ji-Pop ដែលមានសមាជិកជាលោកតាចាស់ៗ ៥ នាក់ appeared first on Kampuchea Thmey Daily.

លោក ម៉ិញ សុធីវណ្ណ ប្រធានប្រតិបត្តិ​សមាគម​បាន​បញ្ជាក់ថា សមាគម​មាន​​គោលបំណង​សំខាន់​ នៅ​ក្នុង​ការ​អភិរក្សក៏​ដូច​ជា​អភិវឌ្ឍន៍​សិល្បៈ​វប្បធម៌​ខ្មែរ ប្រមូល​ធនធាន​មនុស្ស​ ដោយ​ឈរ​លើ​ស្មារតី​រួបរួម​គ្នា បើក​ចិត្ត​ឱ្យ​ទូលាយ សាមគ្គី​គ្នា ជួយ​គ្នា​ ឈរ​លើ​គោលការណ៍​ ៣ ​យ៉ាងគឺ «ជួយគិត ជួយ​ធ្វើ និង​រួមគ្នា​ទទួល​ខុស​ត្រូវ​»។

សមាគម​អ្នក​ភ្លេង​ទើប​តែ​បង្កើត​តាម​ប្រកាស​លេខ ២៥៣១ ប្រ.ក ចុះ​ថ្ងៃ​ទី ២៧ ខែ​មេសា ឆ្នាំ២០២៣ របស់​ក្រសួងមហាផ្ទៃ​។ បើ​តាម​លោក ម៉ិញ សុធីវណ្ណ «សមាគម​ប្រកាន់​យក​ពាក្យ​ស្លោក ឧបសគ្គ​ គឺ​ជា​សាលារៀន ការ​លំបាក​ គឺ​ជា​ឱកាស» មុន​ដែល​លោកបន្ថែម​ថា សមាគម​ចង់​ចែក​រំលែក​ចំណេះ​ដឹង​ក៏​ដូច​ជា​ផ្ទេរ​បទ​ពិសោធន៍ ដែល​ពួកគេ​ធ្លាប់​បាន​ឆ្លង​កាត់​អស់​រយៈ​ពេល​ ៥​ ជំនាន់ ដើម្បី​រួមគ្នា​បណ្ដុះបណ្ដាល​ដល់​យុវជន​ជំនាន់​ក្រោយ​ដែល​មាន​ទេពកោសល្យ​ខាង​តូរ្យតន្រ្តី។

លោក ម៉ិញ សុធីវណ្ណ បាន​បញ្ជាក់ថា ធនធាន​មនុស្ស​ផ្នែក​តន្ត្រី​ករ សិល្ប​ករ គ្រប់​ទម្រង់​ ទាំង​ភ្លេង របាំ ល្ខោន និង​ចម្រៀង គឺ​សុទ្ធ​សឹង​តែ​បាន​រួម​ចំណែក​ដល់​ការ​លើក​ស្ទួយ​វប្បធម៌ អភិវឌ្ឍន៍​សង្គម សេដ្ឋកិច្ច​ជាតិ និង​សម្រាប់​ជា​មរតក​សម្រាប់​មនុស្ស​ជំនាន់​ក្រោយ​ផង​ដែរ៕

The post សមាគម​​អ្នក​ភ្លេង៖ «ប្រកាន់​យក​ពាក្យ​ស្លោក ឧបសគ្គ​គឺ​ជា​សាលារៀន ការ​លំបាក​គឺ​ជា​ឱកាស» appeared first on Kampuchea Thmey Daily.

នេះបើតាមការអះអាងឲ្យដឹងរបស់លោកសុខ សុក្រឹត្យា ទីប្រឹក្សាផ្ទាល់សម្តេចតេជោហ៊ុន សែន នាយករដ្ឋមន្ត្រីនៃកម្ពុជា និងជារដ្ឋលេខាធិការក្រសួងទេសចរណ៍ក្នុងពេលដែលលោកបានទៅសិក្សាស្វែងយល់អំពីការអភិវឌ្ឍន៍វិស័យទេសចរណ៍នៅខេត្តភូកេតប្រទេសថៃ កាលពីសប្តាហ៍មុន។ នៅទីនោះ លោក បានជួបជា​មួយក្រុមតន្ត្រីដ៏ល្បីល្បាញរបស់ប្រទេសអ៊ីតាលី Andrea Bocelli។ លោកសុខ សុក្រឹត្យា បានបង្ហា​ញអំពីសក្តានុពលដែលមិនរីងស្ងួតនៃវិស័យទេសចរណ៍វប្បធម៌ និងធម្មជាតិរបស់ប្រទេសកម្ពុជាដល់ក្រុមតន្ត្រី Adrea Bocelli ។

ឆ្លៀតពេលនោះ លោក ក៏បានស្នើ និងអញ្ជើញក្រុមតន្ត្រីដ៏ល្បីល្បាញ Adrea Bocelli មកសម្តែងនៅខេត្តសៀមរាបនៅខែមេសាខាងមុខ ហើយក៏ទទួលបានការយល់ព្រមពីអ្នកដឹកនាំក្រុមតន្ត្រីដ៏ល្បីនេះផងដែរ។ ការប្រគុំតន្ត្រីរបស់ក្រុមតន្ត្រី Adrea Borcelli នៅខេត្តសៀមរាបនាពេលខាងមុខ​ គឺជាព្រឹត្តិការណ៏ខ្នាតអន្តរជាតិដ៏ធំដែលមិនធ្លាប់មាននាពេលកន្លងមកសម្រាប់ប្រទេសកម្ពុជា ដោយលោកសុខ សុក្រឹត្យា បញ្ជាក់ថា នេះ គឺជាជោគជ័យមួយក្នុងប្រវត្តិសាស្ត្រកម្ពុជា។ សម្រាប់លោក សុខ សុក្រឹត្យា ព្រឹត្តិការណ៍នោះ នឹងជាផលិតផលទេសចរណ៍ថ្មីមួយទៀត ដើម្បីជួយជម្រុញ និងលើកកម្ពស់វិស័យទេសចរណ%ទ្បើងវិញនៅក្នុង និងក្រោយវិបត្តិកូវីដ១៩។

លោករដ្ឋលេខាធិការក្រសួងទេសចរណ៍រូបនេះ បានរំពឹងថា ផ្តើមចេញពីព្រឹត្តិការណ៍ប្រគុំតន្ត្រីដ៏ធំសម្បើម និងល្បីល្បាញនោះ កម្ពុជានឹងទទួលបានមកវិញនូវភ្ញៀវទេសចរអន្តរជាតិប្រកបដោយគុណភាព រួមទាំងអ្នកវិនិយោគទុនប្រកបដោយសក្តានុពលនៅជុំវិញពិភពលោកមកស្គាល់ និងស្វែងយល់ការពិតជាក់ស្តែងបន្ថែមទៀតអំពីសក្តានុពលវិនិយោគនៅប្រទេសកម្ពុជា។ ព្រឹត្តិការណ៏នេះ ក៏នឹងជួយផ្សព្វផ្សាយអំពីកម្ពុជាជាគោលដៅសុវត្ថិភាព សុខសន្តិភាពដ៏ពិតប្រាកដមួយសម្រាប់ភ្ញៀវទេសចរ និងវិនិយោគិន និងជាផ្នែកមួយក្នុងការរៀបចំកំណែទម្រង់ស៊ីជម្រៅក្នុងវិស័យទេសចរណ៍នាពេលអនាគតផងដែរ។

សូមបញ្ជាក់ថា ក្រុមតន្ត្រី Andrea Bocelli គឺជាក្រុមតន្ត្រីដ៏ល្បីល្បាញខ្នាតអន្តរជាតិរបស់ប្រទេសអ៊ីតាលី។ ក្រុមតន្រ្តីនេះ គឺជារបស់តារាចម្រៀង Andrea Bocelli ដែលជាជនពិការកើតថ្ងៃទី២២ ខែកញ្ញា ឆ្នាំ១៩៥៨ក្នុងត្រកូលកសិករនៃប្រទេសអ៊ីតាលី។ បទចម្រៀងរបស់ Anrea Bocelli ដែលល្បីល្បាញបំផុតក្នុងឆ្នាំ១៩៩៩ គឺបទ “The Prayer” ដែលច្រៀងរួមគ្នាជាមួយ Celine Dion ហើយទទួលបានពានរង្វាន់ Golden Globe សម្រាប់ចម្រៀងដើមល្អបំផុត។ គាត់ គឺជាតារាចម្រៀងដែលពិការភ្នែកតាំងពីអាយុ ១២ឆ្នាំ ដោយឧបទ្ទវហេតុ។ យ៉ាងណាក៏ដោយ គាត់បានសាងភាពល្បីល្បាញជាបន្តបន្ទាប់រហូតមានឈ្មោះបោះសំឡេង ហើយល្បីទូទាំងពិភពលោកតែម្តង៕

អត្ថបទ ៖ វណ្ណ សុគន្ធា

The post ក្រុមតន្រ្តីលំដាប់ពិភពលោក Andrea Bocelli នឹងមកសម្តែងនៅខេត្តសៀមរាបរបស់កម្ពុជានាខែមេសា appeared first on Kampuchea Thmey Daily.