ក្រុម​ការងារ​របស់​ក្រុម​នារី សៀមរាប អេហ្វស៊ី បាន​ប្រាប់​សារព័ត៌មាន​កម្ពុជា​ថ្មី​ថា ក្រុម​កំពុង​ត្រូវ​បាន​ពង្រឹង​ទាំង​កីឡាការិនី​ក្នុង​ស្រុក និង​​កីឡាការិនី​បរទេស។ រហូត​ដល់​ពេល​នេះ​មាន​កីឡាការិនី ៤ នាក់​គឺ កីឡាការិនី​អាល្លឺម៉ង់ ២ នាក់ នីហ្សេរីយ៉ា ១ នាក់ និង​កាមេរ៉ូន ១​នាក់។

សម្រាប់​កីឡាការិនី​នីហ្សេរីយ៉ា គឺ​ជាអតីត​កីឡាការិនី​របស់​ក្រុម​នារី វិសាខា ដែល​បានបង្ហាញ​ខ្លួន​ក្នុង​លីគ​នារី​កម្ពុជា​រដូវ​កាល​មុន និង​ស្ថិត​នៅ​លេខ ២ ក្នុង​នាម​ជា​កីឡាការិនី​រក​បាន​គ្រាប់​បាល់​ច្រើន​ជាង​គេ។

ជា​មួយ​គ្នា​នេះ ក្រុម​បាន​នាំ​ចូល​កីឡាការិនី​ក្នុង​ស្រុក ៣ នាក់​គឺ មក​ពី​ក្រុម​នារី ណាហ្គាវើលដ៍ ភ្នំពេញក្រោន និង​​ក្រុម​មីស្ទើរលេង។

ទោះ​បី​ជា​យ៉ាង​ណា ក្រុម​មិន​ទាន់​ប្រកាស​ជា​ផ្លូវ​ការ​អំពី​សមាសភាព​កីឡាការិនី​ថ្មី​ទាំង​អស់៕

អត្ថបទ៖ វិរបុត្រ

The post ក្រុម​នារី សៀមរាប​អេហ្វស៊ី  នាំ​ចូល​កីឡាការិនី​បរទេស ៤ នាក់ ក្នុង​នោះ​អាល្លឺម៉ង់ ២ នាក់ appeared first on Kampuchea Thmey Daily.