យោងតាមការចុះផ្សាយរបស់បណ្ដាញព័ត៌មាន​ Al Jazeera ក្រុមហ៊ុនអាកាសចរណ៍ទាំងនោះរួមមាន​៖​

១. Air France (បារាំង)

២. Air India (ឥណ្ឌា)

៣. British Airways (ចក្រភពអង់គ្លេស)

៤. Iberia Express (អេស្ប៉ាញ)

៥. Indigo (ឥណ្ឌា)​

៦. Japan Airlines (ជប៉ុន)

៧. LOT Airlines (ប៉ូឡូញ)

៨. Lufthansa Air (លីទុយអានី)

៩. Turkish Airlines (តួកគី)

១០. Virgin Atlantic (អង់គ្លេស)

១១. Qatar Airways (កាតា)

១៣. Air Algerie (អាល់ហ្សេរីយ៉ា)

១៤. Scandavian Airlines (ដាណឺម៉ាក ណ័រវែស ស៊ុតអែត)

១៥. Wizz Air (ហុងគ្រី)

១៦. Pegasus Airlines (តួកគី)

១៧. ITA Airways (អ៊ីតាលី) ៕

The post បណ្ដាក្រុមហ៊ុនអាកាសចរណ៍ជុំវិញពិភព​លោក​បិទជើងហោះហើរទៅមជ្ឈិមបូព៌ា appeared first on Kampuchea Thmey Daily.

យោងតាមការចេញផ្សាយរបស់ ភ្នាក់ងារព័ត៌មាន​ Aviation ASS យន្តហោះដែលបុកគ្នាទាំងពីរនេះមានយន្តហោះ Boeing 787 ធ្វើដំណើរទៅទីក្រុងហូជីមិញ បានបុកកន្ទុយរបស់យន្តហោះ Airbus A321 ដែលកំពុងធ្វើដំណើរឆ្ពោះទៅទីក្រុង Dien Bien ធ្វើឱ្យខូចខាតយន្តហោះទាំងពីរ និងពន្យារពេលជើងហោះហើរសម្រាប់អ្នកដំណើរជាង ៣៨០ នាក់។

អាជ្ញាធរអាកាសចរណ៍ស៊ីវិលវៀតណាម (CAAV) កំពុងស៊ើបអង្កេតឧបទ្ទវហេតុនេះ ដែលបានចាត់ថ្នាក់ហេតុការណ៍នេះថាជាការរំលោភបំពានសុវត្ថិភាពកម្រិត B ដែលជាកំហុសនីតិវិធីធ្ងន់ធ្ងរ។ របាយការណ៍បឋមបង្ហាញថា យន្តហោះ Airbus A321 ប្រហែលជាមិនមានទីតាំងត្រឹមត្រូវទេ នៅចំណុចផ្លូវរត់របស់ខ្លួន។

យន្តហោះទាំងពីរមិនត្រូវបានអនុញ្ញាតឱ្យហោះហើរបន្ទាប់ពីឧបទ្ទវហេតុនោះទេ ហើយយន្តហោះថ្មីត្រូវបានបញ្ជូនដើម្បីដឹកអ្នកដំណើរដែលពន្យារពេល។ ក្រុមហ៊ុនអាកាសចរណ៍វៀតណាម និងមន្ត្រីអាកាសចរណ៍នៅតែពិនិត្យមើលថាតើមានអ្វីខុស តាមរយៈការស៊ើបអង្កេតដាច់ដោយឡែករបស់ពួកគេ៕

អត្ថបទ៖ ប៊ុន​ សុភាព

The post ក្រុមហ៊ុន​អាកាសចរណ៍​វៀតណាម​ផ្អាក​អ្នក​បើក​យន្តហោះ៤នាក់​ បន្ទាប់​ពីយន្តហោះ​ប៉៉ះ​គ្នាមុនហោះឡើង​​ appeared first on Kampuchea Thmey Daily.

លោក ចែម វីឌ្យ៉ា អ្នកនាំពាក្យព្រឹទ្ធសភា បានថ្លែងថា នៅក្នុងសន្និសីទសារព័ត៌​មាន​នៅ​រសៀល​ថ្ងៃទី ០៩ ខែឧសភា ឆ្នាំ ២០២៥ថា ទន្ទឹមនឹងមានជើងហោះហើររបស់ក្រុមហ៊ុនអាកាសចរណ៍ AirAsia Cambodia រវាង​ភ្នំ​ពេញ-ហ្សាកាតា​ក្រុមហ៊ុនជាតិរបស់ឥណ្ឌូនេស៊ី ដែលមានឈ្មោះថា Garuda កំពុងតែសិក្សា​អំពី​ការ​ហោះ​ហើរទៅសៀមរាប ហើយនៅ​ពេលខ្លីខាងមុខនឹងចាប់ផ្ដើម​ហោះ​​ហើរពីឥណ្ឌូ​នេស៊ី​ ទៅ​​​ខេត្ត​សៀមរាប ដើម្បីជំរុញ​ការផ្លាស់ប្ដូរទេសចរណ៍។

ការបញ្ជាក់ខាងលើបានធ្វើឡើងក្នុងជំនួបរវាងសម្ដេច ហ៊ុន សែន ប្រធានព្រឹទ្ធសភាកម្ពុជាជាមួយលោក ប្រាបូវ៉ូ ស៊ូប៊ីយ៉ាន់តូ ប្រធានាធិបតីឥណ្ឌូណេស៊ី នៅវិមានប្រធានាធិបតី នៅទីក្រុង Jakarta នៅក្នុងអំឡុងពេលទស្សនកិច្ចការងាររបស់សម្តេចនៅប្រទេសឥណ្ឌូនេស៊ី នៅថ្ងៃទី០៥ ឧសភា ២០២៥។

ថ្នាក់ដឹកនាំទាំងពីរយល់ឃើញដូចគ្នាថា សេដ្ឋកិច្ចប្រទេសទាំងពីរគឺជួយគ្នាទៅវិញទៅមកគឺថា ឥណ្ឌូនេស៊ីមានសន្តិសុខផ្នែកថាមពល ជាប្រទេសសម្បូរថាមពល ខណៈកម្ពុជាមានសន្តិសុខ​ផ្នែក​ស្បៀង ដូច្នេះគឺប្រទេសទាំងពីរអាចបំ​ពេញ​ឱ្យគ្នាទៅវិញទៅមក។

យោងតាមក្រសួងទេសចរណ៍ កម្ពុជាបានស្វាគមន៍ភ្ញៀវទេចរអន្តរជាតិជាង​ ១,៨៣ លាននាក់ក្នុងត្រីមាសទី១ កើនឡើង១៦,១%ធៀបនឹងរយៈពេលដូចគ្នាកាលពីឆ្នាំមុន បង្ហាញអំ​ពីភាពល្អប្រសើរនៃលំហូរទេសចរណ៍ទាំងក្នុងតំបន់ និងសកលលោក ក្នុងនោះមានភ្ញៀវទេស​ចរឥណ្ឌូនេស៊ីជាង ៤ ម៉ឺននាក់ កើន៧%៕

អត្ថបទ៖ ឡេង ដេត

The post ក្រុមហ៊ុនអាកាសចរណ៍ឥណ្ឌូនេស៊ី សិក្សាបើក​ជើងហោះហើរមកខេត្តសៀមរាប appeared first on Kampuchea Thmey Daily.

លោក សយ សុខាន់ រដ្ឋលេខាធិការនៃលេខាធិការដ្ឋានអាកាសចរស៊ីវិលបានឱ្យដឹងថា បច្ចុប្បន្ន ក្រុមហ៊ុនអាកាសចរណ៍ ដែលកំពុងប្រតិបត្តិការចេញ-ចូល អាកាសយានដ្ឋានអន្តរជាតិភ្នំ​ពេញ​មានចំនួនសរុប ៣១ ក្រុមហ៊ុនក្នុងនោះក្រុមហ៊ុនក្នុងស្រុកចំនួន ៥ នឹងផ្ទេរប្រតិបត្តិការអា​ជីវកម្មមកអាកាសយានដ្ឋានអន្តរជាតិតេជោទាំងអស់ បន្ទាប់ពីគម្រោងសាងសង់​អាកាសយាន​ដ្ឋាន​ថ្មីនេះចប់សព្វគ្រាប់។

លោកបានឱ្យដឹងទៀតថា វឌ្ឍនភាពនៃការសាងសង់អាកាសយានដ្ឋានអន្តរជាតិតេជោ​ស្ទើតែរួចរាល់ទាំងស្រុង ប៉ុន្តែអ្វីដែលយើងនៅ​បន្ត​ពិនិត្យពាក់ព័ន្ធនឹងដំណើរការ​លើលក្ខខណ្ឌ​បច្ចេក​ទេសនៃការផ្ដល់វិញ្ញាបនបត្រ និងលក្ខខណ្ឌ ​នៃការបើកប្រតិបត្តិការ។

លោក សយ សុខាន់ បញ្ជាក់ថា លក្ខខណ្ឌទាំងពីរខាងលើគឺលោកបណ្ឌិត ម៉ៅ ហាវណ្ណាល់ រដ្ឋម​ន្ត្រី​​ទទួលបន្ទុក រដ្ឋលេខាធិការដ្ឋានអាកាសចរស៊ីវិល ផ្ដល់ភារកិច្ចនេះ មកគណៈកម្មការ​ដើម្បីវាយ​តម្លៃលើលក្ខខណ្ឌបច្ចេកទេសឱ្យបានច្បាស់លាស់ ហើយនឹងឆ្លើយតបនៅពីរសប្ដាហ៍ក្រោយថា ប្រ​តិ​​​បត្តិការជាក់លាក់ពេលណា។

លោកបានថ្លែងបញ្ជាក់ថា៖ «ឥឡូវនេះ យើងនៅតែឈរលើគោលការណ៍ថ្ងៃ ១០ ខែកក្កដា ដែលយើងបានគ្រោងទុក ក៏ប៉ុន្តែយើងប្រជុំមួយព្រឹកនេះ គឺយើងស្ដាប់របាយការណ៍ យើងឃើញ​ថា ថ្ងៃ ១០ មិនទាន់ច្បាស់លាស់ទេ អញ្ចឹងរដ្ឋម​ន្ត្រី​​បញ្ជាក់ថា លោក នឹងចុះមកពិនិត្យ ២ សប្ដាហ៍​ក្រោយ អញ្ចឹងលោកឱ្យគណៈកម្មការដឹកនាំវាយតម្លៃលើលក្ខខណ្ឌបច្ចេកទេសឱ្យបានច្បាស់លាស់ ដើម្បីជាមូលដ្ឋានសម្រេចចុងក្រោយពីកាលបរិច្ឆេទជាក់លាក់»។

នៅព្រឹកថ្ងៃទី ០២ ខែឧសភា ឆ្នាំ ២០២៥ លោកបណ្ឌិត ម៉ៅ ហាវណ្ណាល់ រដ្ឋម​ន្ត្រី​​ទទួលបន្ទុក រដ្ឋលេខាធិការដ្ឋានអាកាសចរស៊ីវិលបានដឹកនាំក្រុមការងារបច្ចេកទេស ដើម្បីពិនិត្យវឌ្ឍនភាព​គម្រោង​​សាងសង់​អាកាសយានដ្ឋានអន្តរជាតិតេជោ។

អាកាស​យាន​ដ្ឋាន​អន្តរជាតិតេជោ ត្រូវបានជាប់ឈ្មោះជាសំណង់ស្ថាបត្យកម្មដ៏អស្ចារ្យបំផុតមួយក្នុងចំណោម ១១-ស្ថាបត្យកម្មដ៏អស្ចារ្យបំផុតនៅ លើពិភពលោក ដោយដាក់ទីតាំងព្រលានយន្តហោះតេជោ​នៅ​ជួរ​មុខនៃការរចនាប្រកប ដោយភាពច្នៃប្រឌិត និងនិរន្តរភាព។

អាកាសយានដ្ឋានអន្តរជាតិតេជោ នឹងមកជំនួយអាកាសយានដ្ឋាន​អន្តរជាតិភ្នំពេញបច្ចុប្បន្ន ដែលមានសមត្ថភាពបម្រើសេវាកម្មដឹកភ្ញៀវទេសចរណ៍បានរហូតដល់ទៅ ៦ដងលើសព្រលាន​បច្ចុប្បន្ន។

អាកាសយានដ្ឋានអន្តរជាតិតេជោមាន៣ដំណាក់កាល គឺដំណាក់កាលទី១ សាងសង់​រួចរាល់​នៅ​ឆ្នាំ ២០២៥ អាចទទួលអ្នកដំណើរបានប្រមាណ ១៣ លាននាក់ក្នុងមួយឆ្នាំ ដំណាក់​កាល​ទី២ នឹងបញ្ចប់នៅឆ្នាំ ២០៣០ ដែលអាចទទួលបានអ្នកដំណើរប្រមាណជា ៣០ លាន​នាក់​ក្នុងមួយឆ្នាំ និងដំណាក់កាលចុងក្រោយ នឹងបញ្ចប់នៅឆ្នាំ ២០៥០ អាចនឹងទទួល​បានអ្នក​ដំណើរ​រហូត​ដល់ ៥០ លាននាក់ក្នុងមួយឆ្នាំ៕

The post ក្រុមហ៊ុន​អាកាសចរណ៍ ៣១ ត្រៀមផ្ទេរទៅអា​កាស​យានដ្ឋានអន្តរជាតិតេជោ appeared first on Kampuchea Thmey Daily.

សម្រាប់ជើងហោះហើររបស់ក្រុមហ៊ុនអាកាសចរណ៍Thai Air Asia បានបើកជើងហោះហើរឡើងវិញមកកាន់អាកាសយានដ្ឋានសៀមរាបអង្គរ ដោយហោះហើរ៣ជើងក្នុងមួយសប្ដាហ៍(ទាំងទៅទាំងមក) ភូកេត~សៀមរាបអង្គរ។ដោយឡែក ចំពោះជើងហោះហើររបស់ក្រុមហ៊ុនអាកាសចរណ៍ Thai Airways វិញ ក៏បានចាប់ផ្ដើមដំណើរការឡើងវិញរបស់ខ្លួនដែរ ដោយហោះចេញពីព្រលានយន្ដហោះអន្ដរជាតិសុវណ្ណភូមិ មកកាន់អាកាសយានដ្ឋានអន្ដរជាតិសៀមរាបអង្គរ និងហោះហើរចេញពីអាកាសយានដ្ឋានសៀមរាបអង្គរ ទៅទីក្រុងបាងកក ជាប្រចាំថ្ងៃ ដោយក្នុងមួយថ្ងៃ០២ ជើងទាំងចេញ និងចូលផងដែរ៕

អត្ថបទ៖ ជុន កុសល

The post ជើងហោះហើរថ្មីចំនួន២ មកពីប្រទេសថៃ បាន​ហោះ​ហើរមកកាន់អាកាសយានដ្ឋានសៀមរាបអង្គរ appeared first on Kampuchea Thmey Daily.

ពិធីសម្ពោធជើងហោះហើរត្រង់ រវាងទីក្រុងហាណូយ និងរាជធានីភ្នំពេញ បានប្រារព្ធធ្វើឡើងកាលពីថ្ងៃទី ១៣ ខែកក្កដា ឆ្នាំ ២០២៤ ខណៈក្រុមហ៊ុនអាកាសចរណ៍ បាន​ចុះហត្ថលេខា​លើកិច្ចព្រមព្រៀងសហប្រតិបត្តិការជាមួយដៃគូសំខាន់ៗ ក្នុងប្រទេសកម្ពុជា ដើម្បី​ជំរុញ​​ការ​អភិវឌ្ឍវិស័យអាកាសចរណ៍ និងទេសចរណ៍រវាងប្រទេសទាំងពីរ។

ជើងហោះហើរថ្មីនេះនឹងចាប់ផ្តើមបើកដំណើរការនៅថ្ងៃទី២៧ ខែតុលា ឆ្នាំ២០២៤ ដែល​មានជើងហោះហើរចំនួន ៤ជើង ក្នុងមួយសប្ដាហ៍ ដោយប្រើប្រាស់យន្តហោះ Airbus A321។

លោក ខៀវ ធី ប្រធាន​សមាគមន៍​មគ្គុទ្ទេសក៍​ទេសចរ​អង្គរ​ប្រាប់កម្ពុជាថ្មីនៅថ្ងៃទី ២៤ ខែតុលា ឆ្នាំ ២០២៤ នេះថា បច្ចុប្បន្ន ភ្ញៀវទេសចរមកលេងកម្ពុជាសឹងតែ ៨០ ភាគរយ ហោះមកពីប្រទេស​វៀតណាម ដោយសារតែវៀតណាមបានពង្រីកប្រព័ន្ធហោះហើរទៅច្រើនទ្វីប ជាមួយនឹង​តម្លៃធូរថ្លៃ ដឹកចូលប្រទេសរបស់ខ្លួន ហើយតភ្ជាប់មកស្រុកយើង ៣ ទៅ ៤ ថ្ងៃ បន្ថែមទៀត។

លោក ខៀវ ធី បន្ថែមថា៖ «សន្ទុះភ្ញៀវទេសចរនៅវៀតណាមកើនឡើងច្រើន ហើយគេអាច​មានឱកាសតភ្ជាប់ជើងមកលេងស្រុកយើង ១ សប្ដាហ៍ ៣ ថ្ងៃ ដែលនេះជាឱកាសល្អ​សម្រាប់​វិស័យ​ទេសចរណ៍ និងសេដ្ឋកិច្ច»។

យោងតាមក្រសួងទេសចរណ៍ កម្ពុជាទទួលបានជើងហោះហើរអន្តរជាតិចូលសរុបជាង ១ ម៉ឺន ៨ ពាន់ជើង (១៨ ៤១៧) នៅក្នុងរយៈពេល ៩ ខែ ឆ្នាំ ២០២៤ ក្នុងនោះ អាកាសយានដ្ឋាន​អន្តរ​ជាតិភ្នំពេញចំនួន ១៣ ៥១១ ជើង អាកាសយានដ្ឋានអន្តរជាតិសៀមរាបអង្គរចំនួន ៤ ៥២៨ ជើងនិង​អាកាសយានដ្ឋានអន្តរជាតិព្រះសីហនុចំនួន ៣៧៨ ជើង។

ចាប់ពីខែមករា ដល់ខែកញ្ញា ឆ្នាំ ២០២៤ កម្ពុជាទទួលបានភ្ញៀវអន្តរ​ជាតិសរុប​ចំនួន​ជាង​ ៤,៨០ លាននាក់ កើនឡើង ២២,២ ភាគរយ បើធៀបនឹង​រយៈ​ពេល​ដូចគ្នាក្នុងឆ្នាំ ២០២៣ ដែល​មានចំនួន ៣,៩២ លាននាក់។ នេះបើតាមក្រសួងទេសចរណ៍៕

អត្ថបទ៖ ឡេង ដេត

The post ក្រុមហ៊ុនអាកាសចរណ៍ Vietnam Airlines ចាប់ផ្តើមហោះហើរត្រង់ ពីរាជធានីភ្នំពេញ-ហាណូយ ឡើងវិញនៅចុងសប្ដាហ៍នេះ appeared first on Kampuchea Thmey Daily.

ជើងហោះហើរដែលទទួលរងការគំរាមកំហែងទាំងនោះរួមមាន ជើងហោះហើរ Akasa Air ដែលកំពុងហោះហើរពីរដ្ឋធានី New Delhi របស់ប្រទេសឥណ្ឌាទៅកាន់ទីក្រុង Bengaluru ភាគខាងត្បូង។ ក្រុមហ៊ុនអាកាសចរណ៍ Akasa Air បាននិយាយថា ក្រុមឆ្លើយតបបន្ទាន់កំពុងតាមដានស្ថានភាព និងបានអនុវត្តតាម នីតិវិធីសង្គ្រោះបន្ទាន់ទាំងអស់ សម្រាប់ការចុះចតប្រកបដោយសុវត្ថិភាពនៅទីក្រុងដេលី។

ចំណែកជើងហោះហើរមួយទៀត ដែលជា ក្រុមហ៊ុនអាកាសចរណ៍ក្នុងស្រុក IndiGo ដែលហោះហើរពីទីក្រុងម៉ុមបៃទៅកាន់​ទីក្រុង New Delhi ត្រូវបានបង្វែរទៅ Ahmedabad។ លោក Zulfiquar Hasan អគ្គនាយកនៃការិយាល័យ​សន្តិសុខអាកាសចរណ៍ស៊ីវិល (BCAS) បានប្រាប់កាសែត Times of India ថា ប៉ូលិសកំពុងធ្វើការដើម្បី​កំណត់អត្តសញ្ញាណ​ជនសង្ស័យ​​ ដែលផ្ញើសារ​គំរាម​កំហែង​ទាំង​នេះ និង​ចាត់ចំណាត់​ការ​យ៉ាង​តឹងរ៉ឹង​តាមច្បាប់។

គួររម្លឹកថា កាលពីថ្ងៃអង្គារ សារព័ត៌មាន ​​NDTV បានឱ្យដឹងថា ជើងហោះហើរ Air India Express ពី Ayodhya ទៅកាន់ Bengaluru ក៏ទទួលបានសារគម្រាមកំហែងគ្រាប់បែកបោកបញ្ឆោតផងដែរ។ រួមទាំងជើងហោះហើរមួយរបស់ Air India ពី New Delhi ទៅកាន់ Chicago ត្រូវបានបង្ខំឱ្យចុះចតជាបន្ទាន់នៅអាកាសយានដ្ឋាន Iqaluit ក្នុងប្រទេសកាណាដា បន្ទាប់ពីមានការគំរាមកំហែងសុវត្ថិភាពត្រូវបានបង្ហោះតាមអ៊ីនធឺណិត។ របាយការណ៍ក៏បាននិយាយផងដែរថា ជើងហោះហើរ SpiceJet SG116 ពី Darbhanga ទៅកាន់ Mumbai និង Akasa Air ជើងហោះហើរ QP1373 ពី Bagdogra ទៅ Bengaluru ក៏ទទួលបានការគម្រាមបំផ្ទុះផងដែរកាលពីថ្ងៃអង្គារ។

ការបោកបញ្ឆោតស្រដៀងគ្នានេះត្រូវបានទទួលដោយក្រយមហ៊ុន IndiGo សម្រាប់ជើងហោះហើរពីរពីទីក្រុងម៉ុមបៃកាលពីថ្ងៃចន្ទ ទៅកាន់ Jeddah ក្នុងប្រទេសអារ៉ាប៊ីសាអូឌីត និងមួយទៀតទៅកាន់ Muscat ក្នុងប្រទេស Oman នេះបើយោងតាមប្រព័ន្ធផ្សព្វផ្សាយនៅក្នុងប្រទេសឥណ្ឌា។ រួមទាំងជើងហោះហើរ ម៉ុមបៃទៅកាន់ New York Air India ក៏រងផលប៉ះពាល់ផងដែរ ខណៈដែលវាបានបង្វែរទិសដៅទៅកាន់ទីក្រុង Delhi វិញកាលពីថ្ងៃចន្ទ។

គួរបញ្ជាក់ថានេះមិនមែនជាលើកទីមួយទេ ដែលមានការគំរាមកំហែងគ្រាប់បែកបែបនេះ នៅប្រទេសកូរ៉េខាងត្បូងក៏ធ្លាប់ទទួលរងនូវសារគំរាមគំហែងស្រដៀងគ្នានេះនៅក្នុងអាកាសយានដ្ឋានផងដែរ៕

អត្ថបទ៖ ប៊ុន សុភាព

The post ត្រឹម​៣ថ្ងៃជើងហោះហើរឥណ្ឌាចំនួន​១២​ទទួលសារគំរាមកំហែង​បំផ្ទុះ​គ្រាប់បែក appeared first on Kampuchea Thmey Daily.

កិច្ចសន្យា​មានរយៈពេល ៥ ឆ្នាំ​នេះ ដែលក្រុមហ៊ុន AFI KLM E&M នឹងផ្តល់សេវាកម្មថែទាំ និងការធ្វើប្រតិបត្តិការនានាដល់ក្រុមហ៊ុនអាកាសចរណ៍ Cambodia Airways សម្រាប់យន្តហោះ Airbus A៣១៩ និង A៣២០ ​។

​​នៅក្រោមកិច្ចព្រមព្រៀងនេះ AFI ​​KLM E&M នឹងផ្តល់នូវសេវាកម្មដ៏ទូលំទូលាយ រួមមានការថែទាំនានា ការជួសជុល ផ្នែកភស្តុភារកម្ម និងកន្លែងដែលចាំបាច់មួយចំនួនទៀត។

«កិច្ចសហការនេះធ្វើឡើងក្នុងគោលបំណងធានាឱ្យក្រុមហ៊ុនអាកាសចរណ៍ខេមបូឌា អ៊ែរវ៉េ ទទួលបានការគាំទ្រប្រតិបត្តិការប្រកបដោយប្រសិទ្ធិភាព ដែលមានសារៈសំខាន់សម្រាប់ការរក្សាបាននូវដំណើរការខ្ពស់ និងភាពជឿជាក់នៃយន្តហោះរបស់ខ្លួន។ តាមរយៈការរួមបញ្ចូលសេវាកម្មទាំងនេះ ក្រុមហ៊ុនអាកាសចរណ៍នឹងទទួលបានការបង្កើនប្រសិទ្ធភាពប្រតិបត្តិការរបស់ខ្លួន កាត់បន្ថយពេលវេលារងចាំ និងរក្សាស្តង់ដារសុវត្ថិភាព និងការអនុវត្តដ៏ខ្ពស់បំផុត»។

​លោក Edison Duan ក្រុមប្រឹក្សាភិបាល និងជានាយកប្រតិបត្តិនៃក្រុមហ៊ុនអាកាសចរណ៍ Cambodia Airways បានមានប្រសាសន៍ថា៖«យើងមានសេចក្តីរំភើបរីករាយក្នុង​ភាពជាដៃគូថ្មីនេះជាមួយក្រុមហ៊ុន Air France Industries KLM Engineering & Maintenance​ ។ កិច្ចព្រមព្រៀងរយៈពេល ៥ ឆ្នាំ​នឹងបង្កើនភាពជឿជាក់ និងប្រសិទ្ធភាពប្រតិបត្តិការយ៉ាងសំខាន់នៃយន្តហោះ A319 និង A320 របស់យើង»។

តាមរយៈការប្រើប្រាស់ជំនាញរបស់ AFI KLM E&M ក្នុងការគាំទ្រនូវសេវានេះ យើងមានទំនុកចិត្តថាយើងនឹងបន្តផ្តល់ជូនអ្នកដំណើររបស់យើងនូ​សុវត្ថិភាព និងសេវាកម្មដ៏ល្អបំផុត ខណៈពេលដែល​ការប្តេជ្ញាចិត្តរបស់យើងចំពោះការរីកចម្រើន និងឧត្តមភាពនៅក្នុងឧស្សាហកម្មអាកាសចរណ៍»។

​ក្រុមហ៊ុនអាកាសចរណ៍ Cambodia Airways ដែលបានចាប់ផ្តើមប្រតិបត្តិការក្នុងខែកក្កដា ឆ្នាំ ២០១៨ បានក្លាយជាក្រុមហ៊ុនអាកាសចរណ៍ដ៏លេចធ្លោមួយនៅក្នុងឧស្សាហកម្មអាកាសចរណ៍នៅអាស៊ីអាគ្នេយ៍។ កិច្ចសន្យាថ្មីជាមួយ AFI KLM E&M បង្ហាញពីកិច្ចខិតខំប្រឹងប្រែងដែលកំពុងបន្តរបស់ ខេមបូឌា អ៊ែរវ៉េ ក្នុងការលើកកម្ពស់ការផ្តល់សេវា និងសមត្ថភាពប្រតិបត្តិការរបស់ខ្លួន៕

The post ក្រុមហ៊ុនបារាំង AFI KLM E&M សម្រេចបានកិច្ចព្រមព្រៀងជាមួយខេមបូឌា អ៊ែរវ៉េ​ លើការផ្តល់សេវាថែទាំលើសេវាថែទាំយន្តហោះ appeared first on Kampuchea Thmey Daily.