ជាមួយគ្នានោះ ចន្លោះពី​ខែមករា និងខែកញ្ញា CP បាន​កើបចំណូលប្រមាណ ៧៦,៦ ប៊ីលាន​ដុល្លារ (២,៤ ប៊ីលាន​ដុល្លារ)​ ដែលនេះធ្លាក់ចុះប្រមាណ ១៧% គិតជាអត្រាប្រចាំឆ្នាំ។

CP មិនបាន​និយាយយ៉ាងណាពីទិន្នន័យសម្រាប់ទីផ្សារកម្ពុជាទេ ប៉ុន្តែនិយាយថា វៀតណាមគឺជាទីផ្សារតែមួយគត់នៅទូទាំងពិភពលោក ដែលក្រុមហ៊ុនបាន​កត់ត្រាពីការធ្លាក់ចុះនៃប្រាក់ចំណូល​។

គួរគូសបញ្ជាក់ថា ក្រុមហ៊ុន CP នៅវៀតណា​ម បាន​ធ្លាក់ចូលទៅក្នុងភាពចម្រូងចម្រាស់ ក្រោយ​មាន​ការចោទប្រកាន់ថា ក្រុមហ៊ុនដាក់សាច់់ជ្រូក និងមាន់ងាប់ ចូលទៅក្នុងផលិតផលចំណីអាហាររបស់ខ្លួន។ ករណីនេះបានផ្ទុះឡើងនៅលើបណ្ដាញសង្គម រហូតមាន​ការស៊ើបអង្កេតពីអាជ្ញាធរមូលដ្ឋាន។

ក្រុមអ្នកស៊ើបអង្កេតវៀតណាម បានបញ្ជាក់ថា ក្រុមហ៊ុនមិនបានប្រព្រឹត្ត​បទល្មើសព្រហ្មទណ្ឌក្រោមមាត្រាពាក់ព័ន្ធនៃក្រមនីតិវិធីព្រហ្មទណ្ឌ ដែលគ្រប់គ្រងការរំលោភលើសុវត្ថិភាពចំណីអាហារនោះទេ។ ក្រោយ​ពីនោះ CP Vietnam បានបញ្ជាក់ជាថ្មីនូវការប្តេជ្ញាចិត្តរបស់​ក្រុមហ៊ុន​ចំពោះតម្លាភាព ការអនុលោមតាមច្បាប់ និងសុវត្ថិភាពចំណីអាហារនៅទូទាំងប្រតិបត្តិការរបស់ខ្លួន៕

The post ប្រាក់់ចំណូលក្រុមហ៊ុនថៃ CP ធ្លាក់ចុះគំហុកនៅ​វៀតណាម​ appeared first on Kampuchea Thmey Daily.