លោករដ្ឋមន្ត្រីបានលើកឡើងថា៖ «យើងស្វាគមន៍ចំពោះវឌ្ឍនភាពនៃផែនការវិនិយោគរបស់ក្រុមហ៊ុន ក្នុងការរៀបចំខ្សែច្រវ៉ាក់ផលិតកម្មនៅកម្ពុជា។ ក្រសួងក៏ត្រៀមលក្ខណៈគាំទ្រប្រតិបត្តិការរបស់ក្រុមហ៊ុន រួមទាំងការរៀបចំប្លង់បច្ចេក​ទេសរោងចក្រ លិខិតអនុញ្ញាត និងការការពារកម្មសិទ្ធិឧស្សាហកម្ម។»

លោករដ្ឋមន្ត្រីក៏បានលើកទឹកចិត្តឱ្យក្រុមហ៊ុនអនុវត្តគម្រោងនេះជាដំណាក់កាល ដើម្បីបង្ហាញប្រសិទ្ធភាព និងសក្តានុពលនៃបច្ចេកវិទ្យារបស់ខ្លួន មុននឹងពង្រីកវិសាលភាពទូលំទូលាយនៅទូទាំងប្រទេស។

សម្រាប់គម្រោងជំហានទី១ ក្រុមហ៊ុនគាំទ្រដល់ការអប់រំតាមប្រព័ន្ធអេឡិចត្រូនិក (E-education) ជាមួយឧបករណ៍តម្លៃធូរថ្លៃ និងថ្នាលអប់រំនិងបណ្តុះបណ្តាលដ៏មានប្រសិទ្ធភាព។

លោករដ្ឋមន្ត្រីបានបន្ថែមថា៖ «ក្រុមហ៊ុនអាចចាប់ផ្តើមជាមួយគម្រោងសាកល្បង ក្នុងការណែនាំផលិតផល និងដំណោះស្រាយរបស់ខ្លួន។ បន្ទាប់ពីនោះ យើងអាចកៀរគរភាគីពាក់ព័ន្ធកាន់តែទូលំទូលាយ និងពិចារណាជំហានបន្ទាប់។»

លោក Liu Wei បានបង្ហាញការប្តេជ្ញាចិត្តរយៈពេលវែងរបស់ក្រុមហ៊ុន Haier Haitech នៅកម្ពុជា ដោយបញ្ជាក់ថា យុទ្ធសាស្ត្ររបស់ក្រុមហ៊ុន រួមបញ្ចូលទាំងការផ្ទេរបច្ចេកវិទ្យា និងការកសាងសមត្ថភាពធនធានមនុស្សក្នុងស្រុកផង។

លោកបានលើកឡើងថា៖ «យើងមិនគ្រាន់តែចង់លក់ផលិតផលទេ ប៉ុន្តែយើងចង់នាំយកបច្ចេកវិទ្យា បង្កើតខ្សែច្រវាក់ផលិតកម្ម បង្កើតការងារ បណ្តុះបណ្តាលធនធានមនុស្សក្នុងស្រុក និងសហការជាមួយកម្ពុជា សម្រាប់អនាគតរយៈពេលវែង។»

អ្នក​ឧកញ៉ា សំ សុខនឿន ​មានប្រសាសន៍កាលពីពេលថ្មីៗនេះថា ​នៅកម្ពុជាមិនទាន់មានផលិតផល ​Device ​នៅឡើយទេ ​ខណៈក្រុមហ៊ុន KH HAITECH ​ដែលមានបច្ចេកវិទ្យាអន្តរជាតិបាននាំបច្ចេកវិទ្យានេះចូល ​ដើម្បីគាំទ្រលើម៉ាកផលិតផលខ្មែរ (យីហោខ្មែរ) ដែលហៅថា K HAITECH ដែលជាយីហោ​របស់​កូន​ខ្មែរ ស្ថិតក្រោមក្រុមហ៊ុនខ្មែរ ដែលមានការគាំទ្របច្ចេកវិទ្យា​ពីក្រុមហ៊ុនហាយអឺគ្រុប។​

បើតាមលោកបណ្ឌិត សំ សុខនឿន ​ឧបករណ៍អេឡិចត្រូនិករបស់​ក្រុមហ៊ុន KH HAITECH គ្រោងដំឡើង​គ្រឿង​បង្គុំ​​ចំនួន ១ ម៉ឺនគ្រឿង ​ដែល​នឹង​ផ្គត់ផ្គង់​ដល់​ទីផ្សារ​ក្នុងស្រុក ​និង​ឈាន​ទៅ​រក​ការ​នាំចេញ​ដែល​មាន​តម្លៃ​សមរម្យ៕

ក្រុមហ៊ុន Haier Haitech ជាក្រុមហ៊ុនបុត្រសម្ព័ន្ធរបស់ Haier Group មានបណ្តាញរោងចក្រចំនួន ១៦៣ ទីតាំង និងផ្តល់ដំណោះស្រាយចម្រុះ រួមបញ្ចូលទាំងឧបករណ៍រឹង (hardware) និងសូហ្វវែរ គ្របដណ្តប់វិស័យសំខាន់ៗ ដូច​ជា​ការអប់រំតាមប្រព័ន្ធឌីជីថល សុខាភិបាលឆ្លាតវៃ ទីក្រុងឆ្លាតវៃ និងខ្សែច្រវាក់ផលិតកម្មឆ្លាតវៃ ដោយមានប្រតិបត្តិការនៅជាង ៦០ ប្រទេសជុំវិញពិភពលោក៕

The post ក្រុមហ៊ុនបច្ចេកវិទ្យាពីរចាប់ដៃគ្នា វិនិយោគលើការដំឡើងឧបករណ៍អេឡិចត្រូនិក (Tablet) ផ្គត់ផ្គង់ទីផ្សារកម្ពុជា appeared first on Kampuchea Thmey Daily.

​អ្នក​ឧកញ៉ា សំ សុខនឿន ​មានប្រសាសន៍ថា ​នៅកម្ពុជាមិនទាន់មានផលិតផល ​Device ​នៅឡើយទេ ​ខណៈក្រុមហ៊ុន KH HAITECH ​ដែលមានបច្ចេកវិទ្យាអន្តរជាតិបាននាំបច្ចេកវិទ្យានេះចូល ​ដើម្បីគាំទ្រលើម៉ាកផលិតផលខ្មែរ (យីហោខ្មែរ) ដែលហៅថា K HAITECH ដែលជាយីហោ​របស់​កូន​ខ្មែរ ស្ថិតក្រោមក្រុមហ៊ុនខ្មែរ ដែលមានការគាំទ្របច្ចេកវិទ្យា​ពីក្រុមហ៊ុនហាយអឺគ្រុប។​

​លោកបណ្ឌិត សំ សុខនឿន ​បន្ថែមថា៖ «យើងនឹងកសាងយីហោរបស់ខ្មែរ ​ដែលយើងហៅថា K HAITECH ដែលជាផលិតផលខ្មែរ ​ដំឡើងគ្រឿងបង្គុំនៅកកម្ពុជា ​ដែលនឹងចាប់ផ្ដើមនៅឆ្នាំក្រោយ ​ដោយសារយើងត្រូវការពេលវេលាស្នើសុំ​បើករោងចក្រ​ ប្រហែលមួយឆ្នាំ ​នៅឆ្នាំក្រោយនេះ ​យើងនឹង​ប្រើប្រាស់ផលិតផលរោងចក្រយើង ​មានដូចជា ​Tablet Device ឬ Laptop ទាក់ទង Device សម្រាប់​ក្មេង​ហ្នឹងគឺ កុមារ ឬសិស្សថ្នាក់អនុវិទ្យាល័យ វិទ្យាល័យ គឺគាត់អាចរៀន​តាមបច្ចេកវិទ្យា​ទំនើប​បាន»។ ​

​លោកបណ្ឌិត សំ សុខនឿន ​បញ្ជាក់ថា ឧបករណ៍អេឡិចត្រូនិករបស់​ក្រុមហ៊ុន KH HAITECH គ្រោងដំឡើង​គ្រឿង​បង្គុំ​​ចំនួន ១ ម៉ឺនគ្រឿង ​ដែល​នឹង​ផ្គត់ផ្គង់​ដល់​ទីផ្សារ​ក្នុងស្រុក ​និង​ឈាន​ទៅ​រក​ការ​នាំចេញ​ដែល​មាន​តម្លៃ​សមរម្យ៕

The post ​អ្នក​ឧកញ៉ា ​សំ ​សុខនឿន ​ចាក់ដើមទុន ​១០ ​លានដុល្លារ ​បង្កើត​រោងចក្រដំឡើង ​Tablet​​ ជំនួយដល់ការសិក្សា appeared first on Kampuchea Thmey Daily.