ទូរថភ្លើងទាំងនេះ នឹងដឹកមកដល់នៅយប់ថ្ងៃទី ០១ ខែធ្នូ ឆ្នាំ ២០២៤ ដែលជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុន ដើម្បីធ្វើទំនើបកម្ម និងកែលម្អបន្ថែមគុណភាពសេវាកម្ម។

ការនាំចូលបន្ថែមនៃទូរថភ្លើងដឹកទំនិញថ្មីនេះនឹងជួយជំរុញបន្ថែមនូវសមត្ថភាពសេវាកម្មរបស់ក្រុមហ៊ុន រ៉ូយ៉ាល់រេលវេ ក្នុងការបំពេញតម្រូវការសេវាកម្មផ្នែកដឹកជញ្ជូនដែលកំពុងកើនឡើង ក៏ដូចជាសម្រួលដល់ការដឹកជញ្ជូនទំនិញ និងមានប្រសិទ្ធភាពសម្រាប់អាជីវកម្មទូទាំងប្រទេស។

មុននឹងដាក់ឱ្យដំណើរការសេវកម្ម ទូរថភ្លើងដឹកទំនិញទាំងនេះនឹងត្រូវឆ្លងកាត់ការត្រួតពិនិត្យ យ៉ាងជាក់លាក់ទៅលើប្រព័ន្ធហ្រ្វាំង និងប្រព័ន្ធសុវត្ថិភាពផ្សេងៗដើម្បីធានូជូននូវសុវត្ថិភាព និងប្រសិទ្ធភាពសេវាកម្មជូនដល់អតិថិជន។

លោក John Guiry នាយកប្រតិបត្តិក្រុមហ៊ុន រ៉ូយ៉ាល់ រេលវេ បានមានប្រសាសន៍ថា៖ «នេះគឺជាឱកាសដ៏ពិសេសមួយដែលក្រុមហ៊ុនរ៉ូយ៉ាល់ រេលវេ នឹងពង្រីកសេវាកម្មដឹកជញ្ជូនរបស់យើង ដើម្បីផ្តល់នូវប្រសិទ្ធភាពនៃសេវាកម្មកាន់តែខ្ពស់ និងល្អប្រសើរជូនដល់អតិថិជន។ ការនាំចូលបន្ថែមទូរថភ្លើងដឹកទំនិញទាំង ៦០គ្រឿងនេះបានឆ្លុះបញ្ចាំងពីការយកចិត្តទុកដាក់របស់យើងក្នុងការផ្តល់នូវសេវាកម្មដឹកជញ្ជូនទំនិញដែលមានគុណភាពខ្ពស់ និងពង្រឹងតួនាទីក្នុងការអភិវឌ្ឍន៍សេដ្ឋកិច្ចរបស់កម្ពុជា។ ទូរថភ្លើងដឹកទំនិញទាំងនេះមិនត្រឹមតែបង្កើនសមត្ថភាពប៉ុណ្ណោះទេ ថែមទាំងបង្កើនប្រសិទ្ធភាពនៃប្រតិបត្តិការដឹកជញ្ជូនរបស់យើងផងដែរ»។

សូមបញ្ជាក់ថាការមកដល់នៃទូរថភ្លើងដឹកទំនិញទាំង ៦០ គ្រឿងនេះជាការចាប់ផ្តើមប៉ុណ្ណោះនៃការអភិវឌ្ឍបន្ថែមតាមចក្ខុវ័ស័យរបស់ក្រុមហ៊ុន រ៉ូយ៉ាល់ រេលវេ។ ទូរថភ្លើងដឹកទំនិញ ៦០ គ្រឿងគឺជាផ្នែកទីមួយនៃការបញ្ជាទិញសរុប ២២១គ្រឿង។

ការមកដល់នៃផ្នែកទីពីរដែលមានចំនួន ៣៥ គ្រឿងរំពឹងថានឹងមកដល់ក្នុងសប្តាហ៍ទី២-៣ ខែធ្នូ ឆ្នាំ ២០២៤ បន្ទាប់មកការដឹកជញ្ជូន ៤៥ គ្រឿងទៀតដែលគ្រោងនឹងដាក់ក្នុងខែមករា ឆ្នាំ ២០២៥ និងបន្តមកដល់ជាបន្តបន្ទាប់ទៀតនៅប៉ុន្មាន​ខែបន្ទាប់។

ការបញ្ជាទិញនេះក៏ជាផ្នែកមួយនៃផែនការវិនិយោគរបស់ អ្នកឧកញ៉ា គិត ម៉េង ដែលបង្ហាញពីការប្តេជ្ញាចិត្តយ៉ាងសំខាន់ក្នុងការអភិវឌ្ឍន៍ហេដ្ឋារចនាសម្ព័ន្ធផ្លូវដែករបស់កម្ពុជា។ ជាមួយនឹងការពង្រីកយុទ្ធសាស្ត្រនេះ ក្រុមហ៊ុនរ៉ូយ៉ាល់រេលវា មានគោលបំណងពង្រឹងសមត្ថភាព និងប្រសិទ្ធភាពបន្ថែមទៀត ដោយពង្រឹងជំហររបស់ខ្លួនជាដែលផ្នែកមួយដ៏សំខាន់ក្នុងវិស័យដឹកជញ្ជូនរបស់ប្រទេសកម្ពុជា៕

The post ក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន appeared first on Kampuchea Thmey Daily.

The post គោរពជូនពរ និងអបអរសាទរ លោកជំទាវអ្នកឧកញ៉ា ម៉ៅ ចំណាន ក្នុងឱកាសដែល លោកជំទាវអ្នកឧកញ៉ា ត្រូវបានជាប់ឆ្នោតជ្រើសតាំង ជាប្រធានសមាគមសិល្បករខ្មែរអាណត្តិទី៦ appeared first on Kampuchea Thmey Daily.

ក្បាល​​​រថភ្លើង​​​ដឹក​អ្នកដំណើរ​ល្បឿនលឿន ម៉ាក KiHa 183 Series DMU​​​​ចំនួន ១១ គ្រឿង​នេះ​ ​នឹង​ត្រូវ​ដឹកជញ្ជូន​ពី​តំបន់​ហុកកៃដូ មក​កាន់​ប្រទេស​កម្ពុជា ដោយ​បាន​ចាកចេញ​ពី​កំពង់ផែ Hakodate នៅ​ថ្ងៃទី១៥ ខែមេសា ឆ្នាំ២០២៤។

ក្បាលរថភ្លើង​​​​ល្បឿន​លឿន​របស់​ជប៉ុន​ម៉ាក KiHa 183 Series DMU អាច​រត់​បាន​ល្បឿន​ដល់ ១១០គីឡូម៉ែត្រ​ក្នុង​មួយ​ម៉ោង។

បច្ចុប្បន្ន​កម្ពុជា​មានផ្លូវ​ដែក​ចំនួន​ពីរ​ខ្សែ​រ​ ​គឺ​ភ្នំពេញ​-​ប៉ោយ​ប៉ែត​ ​និង​ភ្នំពេញ​-​ខេត្ត​ព្រះ​សី​ហ​នុ​។​ ​បណ្តាញ​ផ្លូវដែក​នេះ​ស្ថិតនៅ​ក្រោម​ការ​គ្រប់គ្រង​របស់​ក្រុមហ៊ុន​Royal​ ​Railway​ ​ដែល​ជា​ក្រុមហ៊ុន​បុត្រ​ស​ម្ព័ន្ធ​របស់​ក្រុមហ៊ុន​ ​Royal​ ​Group​។រដ្ឋាភិបាល​​គ្រោង​នឹង​កែ​លម្អ​ផ្លូវដែក​ដែល​មានស្រាប់​ទៅជា​ផ្លូវ​រថភ្លើង​ល្បឿន​លឿន​។

តាមព័ត៌មានកន្លងមក ក្រសួងសាធារណការ និងដឹកជញ្ជូនបានសិក្សា គម្រោងលើកកម្រិតផ្លូវរថភ្លើងភាគខាងជើងភ្នំពេញ-ប៉ោយប៉ែត ឱ្យទៅជាផ្លូវរថភ្លើងល្បឿនលឿនដំបូងគេនៅកម្ពុជា។

បើតាមក្រសួងសាធារណការ គម្រោងផ្លូវរថភ្លើងល្បឿនលឿន មានប្រវែង ៣៨២គីឡូម៉ែត្រ ដែលត្រូវការទុនវិនិយោគជាង ៤ពាន់លានដុល្លារអាមេរិក ដោយក្នុងនោះមានរួមបញ្ចូលទាំងក្បាល និងទូរថភ្លើងសម្រាប់ដំណើរការ ដែលប្រើរយៈពេល​សាងសង់ចំនួន ៤ឆ្នាំ។

ផ្លូវនេះ មានខ្នាតទទឹងប្រវែង ១.៤៣៥មីលីម៉ែត្រ ហើយល្បឿនសម្រាប់ធ្វើចរាចរណ៍គឺ ១៦០គីឡូម៉ែត្រក្នុងមួយម៉ោង និងមានស្ថានីយសរុបចំនួន៣៣ សម្រាប់ដំណើរការ។ ក្នុងនោះមានស្ថានីយចំនួន១៩ ក្នុងផែនការរយៈពេលខ្លី និងគ្រោងបន្ថែមចំនួន ១៤ទៀត ក្នុងផែនការរយៈពេលវែង៕

The post ក្បាលរថភ្លើង១១គ្រឿង ដែលទិញពីជប៉ុន បានដឹកមកដល់កំពុងផែព្រះសីហនុហើយ នៅថ្ងៃទី២៧ ខែមេសា នេះ appeared first on Kampuchea Thmey Daily.

គម្រោង​​​បង្កើត​តំបន់សេដ្ឋកិច្ច​ពិសេស​ថ្មី​នៅ​ខេត្ត​កណ្តាល​ ដើម្បីបំពេញនូវតម្រូវការទីតាំងឧស្សាហកម្មដ៏មានគុណភាពខ្ពស់នៅ​ជុំវិញ​រាជធានីភ្នំពេញ។

បើ​យោងតាម​សេចក្តីប្រកាសព័ត៌មាន​​របស់ក្រុមហ៊ុន Royal Group កាលពី​​ថ្ងៃ​ទី៣០ ខែមីនា ឆ្នាំ២០២៤ បច្ចុប្បន្ន​ក្រុមហ៊ុនកំពុងដំណើរការស្នើសុំបង្កើតតំបន់​សេដ្ឋកិច្ចពិសេស រ៉ូយ៉ាល់ គ្រុប កណ្តាល ឬ Royal Group Kandal Special Economic Zone (RGKSEZ) ដែល​លាតសន្ធឹងលើផ្ទៃដីទំហំប្រមាណ ១២០ ហិកតា។ ដំណើរការ​គម្រោង​បាន​ចាប់ផ្តើមដោយ​ចាក់​ដីបំពេញ ហើយការសាងសង់ហេដ្ឋារចនាសម្ព័ន្ធគោលអាចនឹង​ត្រូវបញ្ចប់ ដើម្បីទទួលស្វាគមន៍ភ្ញៀវវិនិយោគថ្មីក្នុង​ឆ្នាំ​២០២៤ នេះ​។

ការ​អភិវឌ្ឍ​តំបន់​សេដ្ឋកិច្ចពិសេស​ថ្មី​នេះ ក៏​​នឹង​​តភ្ជាប់ទៅ​តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ដោយស្ពានថ្មីមួយឆ្លងស្ទឹងព្រែកត្នោតដែល​បានសាងសង់រួចតាំងពីឆ្នាំ២០២២។ ប្រភព​បាន​បញ្ជាក់បន្ថែម។

ដោយសារតម្រូវការទីតាំងវិនិយោគមានការកើនឡើង ដីទំហំប្រមាណ ១០០ ហិកតា ត្រូវបាន​កក់ទុក​​មុនរួចទៅហើយ ដោយក្រុមហ៊ុនមួយដែលកំពុង​ដំណើរការ​ក្នុងតំបន់​សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ។ ប្រភពក្រុមហ៊ុន​បាន​បញ្ជាក់ថា នៅពេលដំណើរការផលិតពេញលេញ នឹងបង្កើតឱកាសការងារប្រមាណ ២ ម៉ឺននាក់ថែមទៀតដល់ប្រជាជនខ្មែរ​៕

The post ក្រុមហ៊ុន​អ្នក​ឧកញ៉ា គិត ម៉េង ប្រកាស​​បង្កើតតំបន់​សេដ្ឋកិច្ច​ពិសេសថ្មីមួយទៀតនៅ​ខេត្ត​កណ្តាល​ appeared first on Kampuchea Thmey Daily.

យោងតាមអនុក្រឹត្យរបស់រាជរដ្ឋាភិបាលបានឱ្យដឹងថា បន្ទាប់ពី​ធ្វើ​អនុ​ប្ប​យោគ​ផ្ទៃដី​ទំហំ ​៨ ៦៣១​ហិកតា ស្ថិតនៅក្នុង​ឧទ្យាន​ជាតិ​បូ​ទុម​សាគរ ភូមិសាស្ត្រ​ឃុំ​តា​នួន ស្រុក​បូ​ទុម​សាគរ ខេត្តកោះកុង ទៅជា​ទ្រព្យសម្បត្តិ​ឯកជន​របស់​រដ្ឋ​រួចមក និង​យោងតាម​ស្មារតី​លិខិត​លេខ​១០៥៤​សណ​.​ប​ស្ថ ចុះ​ថ្ងៃទី​០៥ ខែសីហា ឆ្នាំ​២០២១ ​របស់​ក្រសួងបរិស្ថាន​នោះ រាជរដ្ឋាភិបាល​កម្ពុជា​ បានសម្រេច​ប្រគល់​ផ្ទៃដី​ទំហំ​ ៨៦៣១​ហិកតា​នេះ​ជូន​ក្រុមហ៊ុន Royal Group Co.,Ltd. មាន​អ្នកឧកញ៉ា គិត ម៉េង ជា​អគ្គនាយក ដើម្បី​រៀបចំ​បង្កើតនិង​អភិវឌ្ឍន៍​តំបន់​សេដ្ឋកិច្ច​ពិសេស។

​គួរ​រំលឹក​ជូន​ដែរ​ថា កាលពី​ឆ្នាំ​២០២០​កន្លងទៅ រាជរដ្ឋាភិបាល​កម្ពុជា​ក៏​ធ្លាប់បាន​សម្រេច​ធ្វើ​អនុ​ប​យោ​គជា​ទ្រព្យសម្បត្តិ​ឯកជន​របស់​រដ្ឋ​នូវ​ផ្ទៃដី​ទំហំ​១៦៨,៨០​ហិកតា ដែលជា​តំបន់​ប្រើប្រាស់​ដោយ​ចីរភាព (​ទ្រព្យសម្បត្តិ​សាធារណៈ​របស់​រដ្ឋ​) ក្នុង​ឧទ្យាន​ជាតិ​បូ​ទុម​សាគរ ស្ថិតនៅ​ភូមិ​ថ្ម​ស និង​ភូមិ​ចម្លង​គោ ឃុំ​ថ្ម​ស ស្រុក​បូ​ទុម​សាគរ ខេត្តកោះកុង និង​ជួល​ទៅ​ឲ្យ​ក្រុមហ៊ុន Royal Group Co.,Ltd. របស់​ឧកញ៉ា គិត ម៉េង សម្រាប់​បម្រើការ​ក្នុង​គម្រោង​អភិវឌ្ឍន៍​រោងចក្រ​អគ្គិសនី​ដុត​ធ្យូងថ្ម មាន​កម្លាំង​អានុភាព​៧០០​មេ​ហ្គា​វ៉ា​ត់ ដោយ​អនុក្រឹត្យ​លេខ​១២២​អនក្រ​.​បក ចុះ​ថ្ងៃទី​០៦ ខែសីហា ឆ្នាំ​២០២០ ៕

អត្ថបទ៖ សំអឿន

The post ​ដី​ទំហំជាង ៨៦០០ ហិកតា​នៅ​បូទុមសាគរ អភិវឌ្ឍ​​ជា​តំបន់សេដ្ឋកិច្ចពិសេស appeared first on Kampuchea Thmey Daily.