ឥឡូវនេះ ប្រៀបខ្លួនដូចជា Internet Service Provider ថ្មីមួយ ក្រុមហ៊ុន Smart កំពុងផ្តល់ជូនអតិថិជននូវបទពិសោធន៍សេវាអុិនធឺណិតកាន់តែប្រសើរ សម្រាប់ប្រើប្រាស់តាមគេហដ្ឋានជាមួយ Wi-Fi អូសខ្សែឈ្មោះ Smart Fiber+ និង Wi-Fi ដំឡើងឥតខ្សែឈ្មោះ Smart @Home ដែលជាដំណោះស្រាយ Wi-Fi ល្បឿនលឿនគួរឱ្យទុកចិត្ត និងតម្លៃសមរម្យ ដល់អតិថិជនរបស់ខ្លួន! មិនថាលោកអ្នកប្រើអុិនធឺណិតសម្រាប់មើលវីដេអូកម្រិត 4K ធ្វើការការងារ លេងហ្គេម ឬធ្វើអាជីវកម្មតាមអនឡាញនោះទេ Wi-Fi នៅផ្ទះពី Smart ធានាបាននូវការតភ្ជាប់សេវាអុិនធឺណិតកាន់តែមានស្ថេរភាព និងល្បឿនកាន់តែលឿនជាងមុន។

Smart ផ្តល់ជូនជម្រើសសេវាអុិនធឺណិតចំនួន 2 គឺ Smart Fiber+ និង Smart @Home

Smart Fiber+ – ប្រើ​បច្ចេកវិជ្ជា​ ខ្សែកាបអុបទិកថ្មី ​ផ្តល់​ល្បឿនអុិនធឺណិតលឿន​ ដែលសក្តិសម​សម្រាប់​គ្រួសារ​ដែលមានសមាជិកគ្រួសារច្រើន និង​អ្នក​ប្រើ​អុិនធឺណិត​ច្រើនជាប្រចាំ។ មានកញ្ចប់សេវាកម្មដូចជា៖

• គម្រោង Start – 60Mbps តម្លៃ $18/ខែ
• គម្រោង Explorer – 80Mbps តម្លៃ $20/ខែ
• គម្រោង Professional – 100Mbps តម្លៃ $30/ខែ
• គម្រោង​ Expert – 120Mbps តម្លៃ $35/ខែ

Smart @Home – ចំណាយពេលត្រឹមតែ 5 នាទី ក្នុងការដំឡើង លោកអ្នកអាចប្រើ Wi-Fi បានភ្លាមៗ។ មានកញ្ចប់សេវាកម្មដូចជា៖

• គម្រោង Basic+ – 12 Mbps តម្លៃ $12/ខែ
• គម្រោង Standard+ – 15 Mbps តម្លៃ $15/ខែ
• គម្រោង Premium+ – 20Mbps តម្លៃ $18/ខែ

បញ្ជាក់: ល្បឿនដែលអ្នកទទួលបានស្មើគ្នាទាំងក្រៅ និងក្នុងស្រុក។

ហេតុអ្វីលោកអ្នកគួរជ្រើសរើសប្រើ Wi-Fi នៅផ្ទះពី Smart?

ប្រើ​ Smart Fiber+ និង Smart @Home លោកអ្នកអស់បារម្ភរឿងអស់អុិនធឺណិតទៀតហើយ ហើយថែមទាំងទទួលបានបទពិសោធន៍ប្រើប្រាស់អុិនធឺណិតនៅផ្ទះកាន់តែប្រសើរ៖

អាចភ្ជាប់ជាមួយឧបករណ៍ច្រើន ដែលប្រើបានគ្រប់សមាជិកគ្រួសារ។

ល្បឿនកាន់តែលឿន ការតភ្ជាប់សេវាកាន់តែមានស្ថេរភាព និងមើលវីដេអូបានកម្រិត 4K ដែលល្អប្រើសម្រាប់ការកម្សាន្ត ធ្វើការងារ និងការប្រកបអាជីវកម្មតាមអនឡាញ។

គ្មានបញ្ហាគ្មានសេវាអុិនធឺណិត៖ ល្អប្រើសម្រាប់អគារខ្ពស់ៗ បុរី និងតំបន់មានមនុស្សរស់នៅច្រើន។

ជាវកញ្ចប់សេវាអុិនធឺណិតណាមួយខាងលើ អតិថិជននឹងទទួលបានអត្ថប្រយោជន៍ជាច្រើន ដូចជា៖

? បង់មុន 6 ខែ ថែមជូន 1 ខែ

? បង់មុន 12 ខែ ថែមជូន 3 ខែ

? ប្រើបានស៊ីមចំនួន 5 ដោយឥតគិតថ្លៃ ជាមួយនឹងការហៅចេញដោយគ្មានដែនកំណត់

? ទទួលបានទន្ន័យអុិនធឺណិត 2GB/ខែ ដោយឥតគិតថ្លៃពី Smart

? ក្លាយជាអតិថិជន SmartVIP ក្នុងកម្មវិធី SmartNas

? ឱ្យខ្ចីរ៉ោតទ័រប្រើប្រាស់ដោយឥតគិតថ្លៃ

ឈប់ប្រើសេវាអុិនធឺណិតដែលដើរដាច់ៗទៀតទៅ ហើយប្ដូរមកប្រើ Wi-Fi នៅផ្ទះពី Smart ឥឡូវនេះ លោកអ្នកនឹងអស់កង្វល់បញ្ហាអុិនធឺណិតដើរយឺតទៀតហើយ!

តស់ កក់ការដំឡើងឥឡូវនេះ​ អត្ថប្រយោជន៍ជាច្រើនកំពុងរង់ចាំអ្នក!​

 សូមទំនាក់ទំនងទៅកាន់សហការីផ្នែកលក់ Smart Shop ដែលនៅជិតលោកអ្នក ឬចូលទៅកាន់កម្មវិធី SmartNas ឬ តេមកលេខ 010 200 888 ។ សម្រាប់ព័ត៌មានលម្អិតពីល្បឿន និងផ្សេងៗ ៖https://bit.ly/HomeInternetbySmart

The post មកដល់ហើយ! ក្រុមហ៊ុន Smart ផ្តល់សេវា Wi-Fi អូសខ្សែដល់គេហដ្ឋាន ជាមួយអុិនធឺណិតកាន់តែមានស្ថេរភាព និងល្បឿនកាន់តែលឿនជាងមុន appeared first on Kampuchea Thmey Daily.

ប្រព្រឹត្តទៅរយៈពេលបីថ្ងៃចាប់ពីថ្ងៃទី ២៤-២៦ ខែមីនា នៅមណ្ឌលសន្និបាត និងពិព័រណ៌កោះពេជ្រ រាជធានីភ្នំពេញ ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី ២ នេះរៀបចំឡើងក្រោមប្រធានបទ «SMEs Go STI»។ ព្រឹត្តិការណ៍នេះមានគោលបំណងរួមបញ្ចូលវិទ្យាសាស្ត្រ បច្ចេកវិទ្យា និងការច្នៃប្រឌិតទៅក្នុងប្រតិបត្តិការសហគ្រាសធុនតូច និងមធ្យម (SME) ដើម្បីបង្កើនប្រសិទ្ធភាព ការប្រកួតប្រជែងទីផ្សារ និងសមាហរណកម្មសកល ដែលត្រៀមនឹងជះឥទ្ធិពលយ៉ាងខ្លាំងដល់ការអភិវឌ្ឍន៍ SME និងកំណើនបច្ចេកវិទ្យារបស់កម្ពុជា។

ក្នុងនាមជាដៃគូរឧបត្ថម្ភធំសម្រាប់កម្មវិធីទាំងបីថ្ងៃនោះ ក្រុមហ៊ុន Smart នឹងមានស្តង់របស់ខ្លួនដើម្បីរៀបចំការធ្វើបទបង្ហាញពីផលិតផលមួយចំនួន រួមមាន: ផលិតផលសម្រាប់អតិថិជនម្ចាស់អាជីវកម្ម សហគ្រាសធុនតូច និងមធ្យម និងផលិតផលសម្រាប់អតិថិជនទូទៅ ក្នុងនោះក៏មានដំណោះស្រាយនិងផលិតផលសុវត្ថិភាពឌីជីថលថ្មីៗ ដែលក្រុមហ៊ុន Smart មានសម្រាប់ផ្គត់ផ្គង់ និងផ្តល់សេវាកម្មផងដែរ។ អ្នកចូលរួមទស្សនានឹងមានឱកាសស្វែងយល់ពីឧបករណ៍ សេវាកម្ម និងដំណោះស្រាយទំនើបចុងក្រោយបំផុតរបស់ ក្រុមហ៊ុន Smart ដែលត្រូវបានរចនាឡើងយ៉ាងពិសេសដើម្បីបំពេញតម្រូវការរបស់អតិថិជន។

ក្រុមហ៊ុន Smart លើកទឹកចិត្ត សាធាណជន ជាពិសេសយុវជន និងម្ចាស់សហគ្រាសធុនតូចនិងមធ្យម ឱ្យចូលរួមក្នុងទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី ២ នេះអោយបានច្រើនកុះករដើម្បីស្វែងយល់ពីវឌ្ឍនភាពបច្ចេកវិទ្យា ការច្នៃប្រឌិតលើគ្រប់វិស័យឧស្សាហកម្ម ដើម្បីសម្របតាមតម្រូវការទីផ្សារ ក៏ដូចជាការលូតលាស់នៃបច្ចេកវិទ្យា ក្នុងគោលបំណងជំរុញឲ្យមានការរីកចម្រើនបន្ថែមទៀតលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីចូលរួមចំណែកដល់វឌ្ឍនភាព និងវិបុលភាពនៃការអភិវឌ្ឍរបស់កម្ពុជា៕

The post ក្រុមហ៊ុន Smart Axiata ប្រកាសពីវត្តមានរបស់ខ្លួនជាដៃគូឧបត្ថម្ភធំទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ appeared first on Kampuchea Thmey Daily.

ក្នុងពិធីជួបជុំជាមួយភ្នាក់ងារលក់រាយជាង ៥០០ នាក់ ក្រុមហ៊ុន Smart Axiata បានសម្តែងនូវសេចក្តីថ្លែងអំណរគុណចំពោះការខិតខំប្រឹងប្រែងរបស់ភ្នាក់ងារលក់រាយ ក៏ដូចជាដៃគូពាណិជ្ជកម្មរបស់ក្រុមហ៊ុន ក្នុងការពាំនាំនូវផលិតផល និងសេវាកម្មនានារបស់Smart ទៅកាន់ទីផ្សារសម្រាប់អតិថិជនផងដែរ។

លោក Ziad Shatara នាយកប្រតិបត្តិនៃក្រុមហ៊ុន Smart Axiata បានចែករំលែកពីចំណាប់អារម្មណ៍រំភើបរីករាយ នៅក្នុងកម្មវិធីថា “ជាការពិតណាស់ ទូរគមនាគមន៍ គឺជាវិស័យដែលមានការផ្លាស់ប្តូរលឿន។ ហេតុដូច្នេះហើយ នៅក្រុមហ៊ុន Smart Axiata យើងតែងតែស្វែងរកឱកាសថ្មីក្នុងការផ្តល់ជូននូវការកែលម្អ ការច្នៃប្រឌិត និងគុណតម្លៃបន្ថែម សម្រាប់ការរស់នៅយ៉ាងទាន់សម័យរបស់អតិថិជន និងដៃគូអាជីវកម្មជាទីស្រឡាញ់របស់យើង”។ លោកបានបន្ថែមទៀតថា “យើងពិតជារីករាយយ៉ាងក្រៃលែងដែលមានដៃគូគាំទ្រដូចអ្នកទាំងអស់គ្នា ដើម្បីជួយឲ្យផលិតផល និងសេវាកម្មរបស់ Smart Axiata កាន់តែមានភាពទូលំទូលាយនៅលើទីផ្សារ។ យើងពិតជារីករាយក្នុងការផ្សារភ្ជាប់ទំនាក់ទំនង និងស្វែងយល់បន្ថែមពីអំពីតម្រូវការទីផ្សារ ដែលយើងអាចផ្តល់ការគាំទ្របន្ថែមទៀតបាន”។

ក្នុងពិធីជួបជុំ មួយនេះក៏មានការសម្តែងបន្តផ្ទាល់ពីសិល្បករខ្មែរល្បីល្បាញ រួមមានកញ្ញាស៊ិន សុជាតា លោក វុទ្ធី ក្រុម MC Sey x King Chi និងអ្នកនាង ឱក សុគន្ធកញ្ញា ដើម្បីញ៉ាំងបរិយាកាសកម្មវិធីឲ្យកាន់តែមានភាពរីករាយផងដែរ។

គួរបញ្ជាក់ថា ក្រុមហ៊ុនស្មាត មានសេវា 4G LTE និងភ្នាក់ងារលក់រាយប្រចាំឆ្នាំ នៅទូទាំង ២៥ ខេត្តក្រុងទូទាំងប្រទេស ដែលមានភាពងាយស្រួលដល់អតិថិជនក្នុងការប្រើប្រាស់សេវាកម្មទូរស័ព្ទទូទាំងប្រទេស។ សម្រាប់ព័ត៌មានបន្ថែម និងដំណឹងថ្មីៗពី Smart Axiata សូមចូលទៅកាន់គេហទំព័រ https://www.smart.com.kh/km/ ឬផេកហ្វេសបុកជាផ្លូវការ https://www.facebook.com/SmartAxiata ។

សូមបញ្ជាក់ថា ក្រុមហ៊ុន Smart Axiata Co., Ltd. ជាប្រតិបត្ដិករទូរគមនាគមន៍ចល័តឈានមុខគេក្នុងព្រះរាជាណាចក្រកម្ពុជា។ បច្ចុប្បន្នក្រុមហ៊ុនបាននិងកំពុងបម្រើអតិថិជនចំនួន ៧លាន ៥សែននាក់ ស្ថិតក្រោមស្លាកសញ្ញា “Smart”។ Smart Axiata គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនមេ មានឈ្មោះថា “Axiata Group Berhad” ដែលជាក្រុមហ៊ុនផ្ដល់សេវាទូរគមនាគមន៍ធំជាងគេបង្អស់មួយក្នុងទ្វីបអាស៊ី។

ក្រុមហ៊ុន Smart គឺជាប្រតិបត្តិករទូរគមនាគមន៍ចល័តដែលមានភាពឈានមុខគេបង្អស់ផ្នែកសេវាបច្ចេកវិទ្យាទំនើបទាន់សម័យក្នុងព្រះរាជាណាចក្រកម្ពុជា។ ក្រុមហ៊ុន Smart គឺជាប្រតិបត្ដិករដំបូងបង្អស់ដែលបានដាក់ឱ្យដំណើរការសេវាបច្ចេកវិទ្យាជំនាន់ទី៤ “4G LTE” ក្នុងឆ្នាំ២០១៤ បច្ចេកវិទ្យា 4G+ ក្នុងឆ្នាំ២០១៦ បច្ចេកវិទ្យា 4G+ ជាមួយ HD Voice (VoLTE) និង LTE Advance Pro ក្នុងឆ្នាំ២០១៧។ នៅពាក់កណ្តាលឆ្នាំ២០១៩ Smart បានរៀបចំកម្មវិធីបង្ហាញសាកល្បងបច្ចេកវិទ្យាជំនាន់ទី៥ “5G” ដំបូងគេបង្អស់នៅកម្ពុជាដោយបង្ហាញពីភាពជាអ្នកដឹកនាំផ្នែកសេវាទិន្នន័យចល័ត។

ក្រុមហ៊ុន Smart ក៏មានផ្ដល់នូវបច្ចេកវិទ្យាទូរស័ព្ទចល័តដ៏សម្បូរបែបរួមមាន៖ សេវាបច្ចេកវិទ្យា 2G, 2.5G, 3G និង 3.75G ក៏ដូចជាសេវាកម្មទូរស័ព្ទក្រៅប្រទេស (Roaming) ដែលអាចប្រើបានច្រើនជាង ១៩០ប្រទេស។ Smart បាននិងកំពុងផ្តល់សេវាគ្របដណ្តប់ក្នុងតំបន់ប្រជាសាស្ត្រច្រើនជាង ៩៩% ភាគរយ នៅទូរទាំងព្រះរាជាណាចក្រកម្ពុជា ។

ក្រុមហ៊ុនក៏កំពុងបម្លែងខ្លួនយ៉ាងសកម្មទៅជាប្រតិបត្តិករបែបឌីជីថល តាមរយៈការផ្ដល់នូវសេវាកម្ម និងកម្មវិធីកម្សាន្តលក្ខណៈស៊ីវិល័យប្រកបដោយភាពច្នៃប្រឌិតជាច្រើន។ នេះរួមបញ្ចូលភាពជាដៃគូជាមួយភាគីអន្តរជាតិនានាដូចជា៖ ក្រុមហ៊ុន Universal Music ក្រុមហ៊ុន Apple និង ក្រុមហ៊ុន Facebook ក៏ដូចជាសេវាកម្មឌីជីថលនានា រួមមាន៖ សេវាធានារ៉ាប់រងជីវិតឆ្លាតវៃ សេវា SmartPayសេវា Pleng by Smart សេវា Pi Pay និងសេវា SmartNas។

ក្រុមហ៊ុន Smart មានចក្ខុវិស័យក្លាយជាក្រុមហ៊ុនលេខ១ និងជាក្រុមហ៊ុនបច្ចេកវិទ្យាទូរគមនាគមន៍ដែលទទួលបានកី្ដស្រលាញ់ពេញចិត្តបំផុតនៅព្រះរាជាណាចក្រកម្ពុជានៅត្រឹមឆ្នាំ២០២២ តាមរយៈកម្មវិធីទំនួលខុសត្រូវខ្ពស់លើកិច្ចការងារសង្គម និងកម្មវិធីនិរន្តរភាពនានាសម្រាប់កំណើនសេដ្ឋកិច្ច និងសង្គមជាតិ។

ក្រុមហ៊ុន Smart មានបុគ្គលិកនិយោជិតសរុបប្រមាណជាង ១.០០០ (មួយពាន់) នាក់ ក្នុងនោះរួមបញ្ចូលទាំងនិយោជិតក្នុងស្រុក និងនិយោជិតបរទេសដែលកំពុងខិតខំប្រឹងប្រែងឆ្ពោះទៅសម្រេចបេសកកម្មរួមគ្នាក្នុងការផ្សារភ្ជាប់ និងធ្វើឱ្យជីវិតកាន់តែប្រសើរឡើង៕

The post ក្រុមហ៊ុន Smart Axiata រៀបចំពិធីជួបជុំជាមួយភ្នាក់ងារលក់រាយឆ្នើមប្រចាំឆ្នាំ២០២២ appeared first on Kampuchea Thmey Daily.

​គម្រោង​តម្លៃ​សេវា​ថ្មី​ដែលមាន​ឈ្មោះថា Smart ល្អ​! (Smart Laor) ផ្តល់ជូន​កញ្ចប់​ទិន្នន័យ​អ៊ិន​ធឺ​ណិ​ត នាទី​ក្នុងការ​តេ (​នាទី​) និង​ការផ្ញើ​សារ (SMS) ដែល​ត្រូវ​បានកំណត់​យ៉ាងច្បាស់​លាស់ ដើម្បី​អតិថិជន​អាច​ដឹង​យ៉ាងច្បាស់​អំពី​អ្វីដែល​ពួកគេ​ទទួលបាន​នៅពេល​ប្រើប្រាស់​គម្រោង​ណាមួយ​នៃ​គម្រោង Smart ល្អ​! និង​ដើម្បី​ងាយស្រួល​តាមដាន​ការប្រើប្រាស់​របស់​ពួកគេ​។​

​រាល់​គម្រោង Smart ល្អ​! ទាំងអស់ ផ្តល់ជូន​អតិថិជន​នូវ​ទិន្នន័យ​អ៊ីនធឺណិត​ទំហំ 5GB និង​ទិន្នន័យ​អ៊ីនធឺណិត​បន្ថែម​ទំហំ 5GB ទៀត​សម្រាប់​ការប្រើប្រាស់​ជាក់លាក់​ណាមួយ​៖ គម្រោង Smart ល្អ​! ស្តង់ដារ ដែល​ផ្តល់ជូន​ទិន្នន័យ​អ៊ីនធឺណិត​ទំហំ 5GB គឺ​សម្រាប់​អតិថិជន​ដែល​ចូលចិត្ត​លេង​បណ្តាញ​សង្គម​និង​ភ្លែត​ហ្វ​ម​ផ្ញើ​សារ (Facebook, WhatsApp, WeChat និង LINE), គម្រោង Smart ល្អ​! ហ្គេម ដែល​ផ្តល់ជូន​ទិន្នន័យ​អ៊ីនធឺណិត​ទំហំ 5GB គឺ​សម្រាប់​អតិថិជន​ដែល​ចូលចិត្ត​លេង​ហ្គេម​អន​ឡាញ (MLBB, Free Fire និង PUBG), និង​គម្រោង Smart ល្អ​! កម្សាន្ត ដែល​ផ្តល់ជូន​ទិន្នន័យ​អ៊ីនធឺណិត​ទំហំ 5GB គឺ​សម្រាប់​អតិថិជន​ដែល​ចូលចិត្ត​ការកម្សាន្ត (YouTube, Tiktok និង​ស្តាប់​ចម្រៀង​នៅលើ Pleng)​។​

​អតិថិជន​អាច​ផ្លាស់ប្តូរ​គម្រោង​របស់​ពួកគេ​បាន​គ្រប់ពេលវេលា ហើយ​ពួកគេ​នឹង​នៅតែ​ទទួលបាន​អត្ថប្រយោជន៍​ពី​គម្រោង​ចាស់​ដដែល​រហូត​អស់​សុពលភាព​។ នៅពេល​អតិថិជន​ប្រើប្រាស់​ទិន្នន័យ​គម្រោង​របស់ខ្លួន គម្រោង​នេះ​នឹងមិន​កាត់ទឹក​ប្រាក់​ចេញពី​សមតុល្យ​ចម្បង​របស់​ពួកគេ​ដោយ​ស្វ័យប្រវត្តិ​នោះទេ​។ ជំនួស​មកវិញ អតិថិជន​នឹង​ត្រូវបាន​ផ្តល់ជូន​នូវ​ជម្រើស​ថា​តើ​ចង់​បន្ត​សុពលភាព​ជាមួយនឹង​គ​ម្រោ​ង​របស់​ពួកគេ ឬ​ទិញ​កញ្ចប់​ទិន្នន័យ​បន្ថែម​។​

​គម្រោង Smart ល្អ​! ត្រូវបាន​បង្កើតឡើង​ដោយ​យោងទៅលើ​ឥរិយាបថ និង​តម្រូវការ​ប្រើប្រាស់​របស់​អតិថិជន​។ អតិថិជន​បង្ហាញ​អារម្មណ៍​ថា ពួកគេ​ត្រូវការ​តម្លាភាព​។ ពួកគេ​ចង់ដឹង​អំពី​អ្វីដែល​ពួកគេ​កំពុង​ទទួលបាន និង​ចង់​មានការ​គ្រប់គ្រង​លើ​ការ​អត្ថប្រយោជន៍ និង​ការចំណាយ​របស់​ពួកគេ​។ គម្រោង Smart ល្អ​! នឹង​ឆ្លើយតប​ទៅនឹង​កត្តា​ទាំងនេះ​។​

​លោក Feiruz Ikhwan នាយក​ប្រតិបត្តិ​ស្តីទី​របស់​ក្រុមហ៊ុន Smart Axiata មានប្រសាសន៍ថា​៖ «​នេះ​គឺជា​ការប្រគល់​ការគ្រប់គ្រង​ត្រលប់​ទៅឱ្យ​អតិថិជន​វិញ​។ គោលបំណង​របស់​យើង​គឺ​ធានាឱ្យមាន​តម្លា​ភាពជា​អតិបរមា និង​ផ្តល់​ភាព​ស្ងប់ចិត្ត​ដល់​អ្នកប្រើប្រាស់​របស់​យើង​។ ពួកគេ​អាច​ជ្រើសរើស គ្រប់គ្រង និង​ចាត់ចែង​អ្វីៗ​ដោយ​ខ្លួនឯង​នៅក្នុង​កម្មវិធី ស្មា​ត​ណាស់ (SmartNas) របស់​យើង​។ គម្រោង​ទាំងនេះ​ពិតជា​ធ្វើឱ្យ​អិ​ថិ​ជន​ដែល​ប្រើប្រាស់​អ៊ីនធឺណិត​ច្រើន​របស់​យើង​ពេញចិត្ត​»​។​

​អតិថិជន​អាច​ជ្រើសរើស​គម្រោង​ណាមួយ​ដោយ​គ្រាន់តែ​ចំណាយ 1.5 ដុល្លារ​ក្នុង​មួយ​សប្តាហ៍​ប៉ុណ្ណោះ ហើយ​រីករាយ​ជាមួយ​ការកម្សាន្ត​តាម​ទូរស័ព្ទ​ដែល​ពួកគេ​ចូលចិត្ត​ជាមួយនឹង​ទិន្នន័យ​គម្រោង​បន្ថែម​របស់​ពួកគេ​។ សម្រាប់​គម្រោង Smart ល្អ​! នេះ ក៏មាន​គម្រោង​តម្លៃ​សមរម្យ​មួយទៀត​ផងដែរ​នោះ​គឺ​គម្រោង Smart ល្អ​! One ដែល​ចំណាយ​ត្រឹមតែ 1 ដុល្លារ​ប៉ុណ្ណោះ​ក្នុង​មួយ​សប្តាហ៍​។ គម្រោង Smart ល្អ​! One គឺ​សម្រាប់​អ្នកប្រើប្រាស់​ទិន្នន័យ​អ៊ីនធឺណិត​ធម្មតា ដោយ​ផ្តល់ឱ្យ​ពួកគេ​នូវ​ទិន្នន័យ​អ៊ីនធឺណិត 5GB​។ រាល់​គម្រោង​នីមួយៗ​មានភ្ជាប់​មកជា​មួយ​នូវ​ការហៅ​ទូរស័ព្ទ​ចេញ​ក្នុង​ប្រព័ន្ធ​ចំនួន 500​នាទី និង​ការផ្ញើ​សារ​ចេញ​ក្នុង​ប្រព័ន្ធ 500 សារ​។​

​គម្រោង​ថ្មី​ទាំងនេះ​ត្រូវបាន​បង្កើតឡើង​សម្រាប់​អ្នកប្រើប្រាស់​អ៊ីនធឺណិត​ច្រើន​នៅ​កម្ពុជា ហើយ​ការដាក់​ដំណើរការ​គម្រោង​ទាំងនេះ នឹង​ផ្តល់ជូន​បន្ថែម​ជាមួយនឹង​រង្វាន់​ជា​ទូរស័ព្ទ​ម៉ូ​ឌែ​ល​ថ្មី​ចុងក្រោយ​បំផុត​ពី​ក្រុមហ៊ុន Samsung​។​

​លោក Hyung Geun Lee នាយក​គ្រប់គ្រង​សាខា​ប្រចាំ​ប្រទេស​កម្ពុជា​នៃ​ក្រុមហ៊ុន Thai Samsung Electronics បាន​មានប្រសាសន៍ថា​៖ «​ប្រជាជន 65​ភាគរយ​មាន​អាយុ​ក្រោម 35 ឆ្នាំ ហើយ​ពួកគេ​មាន​ភាពស្វាហាប់ ចូលចិត្ត​លេង​អ៊ីនធឺណិត និង​ជា​អ្នក​អន​ឡាញ​សកម្ម ដោយ​ចូល​ប្រើប្រាស់​បណ្តាញ​សង្គម និង​ស្វែងរក​ការកម្សាន្ត​តាម​អ៊ីនធឺណិត​ជាប្រចាំ​។ ដូច្នេះហើយ ខ្ញុំ​ជឿជាក់ថា គម្រោង​តម្លៃ​សេវា​ទូរស័ព្ទ​ថ្មី​នេះ​នឹង​ផ្តល់​អត្ថប្រយោជន៍​ដល់​អតិថិជន​។ វា​ក៏ត្រូវ​គ្នា​ជាមួយនឹង​តម្លៃ​ស្នូល​របស់​ក្រុមហ៊ុន Samsung ក្នុងការ​ធ្វើឱ្យ​របៀបរ​ស់​នៅ និង​បទពិសោធ​របស់​អ្នកប្រើប្រាស់​មាន​ភាពសម្បូ​រ​បែប​ផងដែរ ដូច្នេះហើយ​បានជា​ភាពជា​ដៃគូ​របស់​ក្រុមហ៊ុន​ដែល​ល្បីឈ្មោះ​ទាំងពីរ​របស់​យើង​ត្រូវបាន​បង្កើតឡើង​។ តាមរយៈ​កិច្ចសហការ​របស់​យើង អតិថិជន​ប្រើប្រាស់​គម្រោង Smart ល្អ​! នឹង​អាចមាន​សំណាង​ឈ្នះ​ទូរស័ព្ទ​ស្មា​ត​ហ្វូ​ន Samsung ចំនួន 30 គ្រឿង​ជា​រៀងរាល់ខែ​សម្រាប់​រយៈពេល 12 ខែ [​ទូរស័ព្ទ​ស្មា​ត​ហ្វូ​ន​សរុប 360 គ្រឿង​] ក្នុង​ការចាប់​រង្វាន់​ប្រចាំខែ​»​។​

​រង្វាន់​ប្រចាំខែ​គឺ​ទូរស័ព្ទ​ទំនើប​ចុងក្រោយ​របស់​ក្រុមហ៊ុន Samsung គឺ​ទូរស័ព្ទ Galaxy Z Fold4 (2 គ្រឿង​) Samsung Galaxy Z Flip4 (3 គ្រឿង​) និង Samsung Galaxy A53 (25 គ្រឿង​)​។ ការចាប់​រង្វាន់​នឹង​ប្រព្រឹត្តទៅ​នៅ​ថ្ងៃទី 30 នៃ​ខែ​នីមួយៗ​។​

សម្រាប់​ព័ត៌មាន​បន្ថែម​អំពី​គម្រោង Smart ល្អ​! របស់​ក្រុមហ៊ុន Smart Axiata សូម​ចូលទៅ​កាន់​គេហទំព័រ www.smart.com.kh​។​

​គួររំលឹកថា ក្រុមហ៊ុន Smart Axiata Co., Ltd. ជា​ប្រតិ​ប​ត្ដិករ​ទូរគមនាគមន៍​ចល័ត​ឈាន​មុនគេ​ក្នុង​ព្រះរាជាណាចក្រ​កម្ពុជា​។ បច្ចុប្បន្ន​ក្រុមហ៊ុន​បាននិងកំពុង​បម្រើ​អតិថិជន​ចំនួន ៧.៥ លាន​នាក់ ស្ថិតក្រោម​ស្លាក​សញ្ញា “Smart”​។ Smart Axiata គឺជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុនមេ មាន​ឈ្មោះថា “Axiata Group Berhad” ដែលជា​ក្រុមហ៊ុន​ផ្ដល់​សេវា​ទូរគមនាគមន៍​ធំជាងគេ​បង្អស់​មួយ​ក្នុង​ទ្វីបអាស៊ី​។​

​ក្រុមហ៊ុន Smart គឺជា​ប្រតិបត្តិ​ករ​ទូរគមនាគមន៍​ចល័ត​ដែលមាន​ភាព​ឈានមុខ​គេ​បង្អស់​ផ្នែក​សេវា​បច្ចេកវិទ្យា​ទំនើប​ទាន់សម័យ​ក្នុង​ព្រះរាជាណាចក្រ​កម្ពុជា​។ ក្រុមហ៊ុន Smart គឺជា​ប្រតិ​ប​ត្ដិករ​ដំបូងបង្អស់​ដែល​បាន​ដាក់ឱ្យ​ដំណើរការ​សេវា​បច្ចេកវិទ្យា​ជំនា​ន់ទី​៤ “4G LTE” ក្នុង​ឆ្នាំ​២០១៤ បច្ចេកវិទ្យា 4G+ ក្នុង​ឆ្នាំ​២០១៦ បច្ចេកវិទ្យា 4G+ ជាមួយ HD Voice (VoLTE) និង 4G LTE Advance Pro ក្នុង​ឆ្នាំ​២០១៧៕

The post ក្រុមហ៊ុន Smart Axiata ផ្តល់ជូន​គម្រោង​តម្លៃ​សេវា​ទូរសព្ទ​ថ្មី​ដែលមាន​ភាពបត់បែន​ងាយស្រួល និង​ឆ្លើយតប​តាម​តម្រូវការ​អតិថិជន​ appeared first on Kampuchea Thmey Daily.

រាល់​អតិថិជន​របស់​ក្រុមហ៊ុន Smart Axiata ដែលជា​សមាជិក SmartVIP នឹង​ទទួល​បាន​អត្ថប្រយោជន៍​ពី​ការ​ញ៉ាំ​ភី​ហ្សា​ដោយ​មិន​អស់​លុយ​ពី Pizza Hut ម្នា​ក់មួយ ដោយ​ពួកគេ​គ្រាន់តែ​បង្ហាញ SmartVIP ទៅកាន់​ក្រុមការងារ​របស់ Pizza Hut ប៉ុណ្ណោះ​។

ជា​រៀងរាល់ថ្ងៃ Pizza Hut នឹង​ត្រៀម​ទុក​ភី​ហ្សា Sausage Crust ទំហំ M ចំនួន 30 ក្នុង​មួយ​សាខា​ក្នុង​មួយថ្ងៃ សម្រាប់​ចែក​ជូន​អតិថិជន​របស់​ក្រុមហ៊ុន Smart Axiata ចាប់ពី​ម៉ោង 1 រសៀល ដល់ 5 រសៀល ហើយ​អតិថិជន SmartVIP ម្នាក់​អាចមាន​សិទ្ធិ​ទទួលបាន​ភី​ហ្សា​តែមួយ​ប៉ុណ្ណោះ​ក្នុង​រយៈពេល​ប្រ​ម៉ូ​សិន​នេះ​។

ដើម្បី​ទទួលបាន SmartVIP អតិថិជន​របស់​ក្រុមហ៊ុន Smart Axiata គ្រាន់តែ​បញ្ចូល​លុយ​ទូរស័ព្ទ Smart ត្រឹមតែ 5 ដុល្លារ​តែប៉ុណ្ណោះ ដើម្បី​ទទួលបាន​ផលចំណេញ​ពី​ប្រូ​ម៉ូ​សិន​ពិសេស​នេះ ហើយ​ការផ្តល់ជូន​ពិសេស​នេះ​មាន​ចាប់ពី​ថ្ងៃនេះ​តទៅ​រហូតដល់​ថ្ងៃទី 31 ខែតុលា ឆ្នាំ​2022 ឬ​រហូតដល់​ភី​ហ្សា​អស់ពី​ស្តុក​។

សម្រាប់​ទីតាំង​ដែល​នឹងត្រូវ​ទទួលបាន​ភី​ហ្សា​មិន​គិតថ្លៃ​នេះ អតិថិជន​របស់​ក្រុមហ៊ុន Smart Axiata ដែល​កំពុងមាន SmartVIP អាចធ្វើ​ដំណើរ​ទៅកាន់​ទីតាំង​ណាមួយ​របស់ Pizza Hut ក្នុងចំណោម​ទីតាំង​ទាំង 5 ដូចខាងក្រោម​៖

o Pizza Hut បឹង​កេងកង (Flagship store): https://g.page/Pizza-Hut-BKK?share

o Pizza Hut ទួល​ទំពូង : https://g.page/Pizza-Hut-TTP-RM?share

o Pizza Hut កម្ពុជា​ក្រោម : https://goo.gl/maps/6ULJibhWBW3bbN8f8

o Pizza Hut កាល់​មែត្រ : https://g.page/Pizza-Hut-CM?share

o Pizza Hut គិរី​រម្យ : https://goo.gl/maps/nmetQoJs8bhMNGGJ8

សម្រាប់​ព័ត៌មាន​បន្ថែម អតិថិជន​អាចធ្វើ​ការសាកសួរ​ផ្ទាល់​នៅ​ទីតាំង​ណាមួយ​របស់ Pizza Hut ឬ​ទំនាក់ទំនង​មកកាន់​ផ្នែក​បំរើ​អតិថិជន​របស់​ក្រុមហ៊ុន Smart Axiata តាមរយៈ​លេខ 010 200 888៕

The post អតិថិជន​របស់​ក្រុមហ៊ុន Smart Axiata អាច​ទទួលបាន​ភី​ហ្សា​ញ៉ាំ​ដោយ​ឥតគិតថ្លៃ​ពី Pizza Hut appeared first on Kampuchea Thmey Daily.

​គំនិត​ផ្តួចផ្តើម​នេះ គឺជា​ផ្នែក​មួយ​នៃ​គម្រោង អ (Project R) ដែលមាន​គោលបំណង​កាត់បន្ថយ​ការប្រើប្រាស់​ប្លា​ស្ទិ​ក​ដែល​ប្រើប្រាស់​បានតែ​ម្តង​នៅក្នុង​និង​ជុំវិញ​ខេត្តសៀមរាប តាមរយៈ​ការអប់រំ ការធ្វើសកម្មភាព និង​ការ​បំផុសគំនិត​។ ក្រុមការងារ​របស់​ក្រុមហ៊ុន Smart Axiata ដែលមាន​សមាជិក​ចំនួន ២៥​នាក់​បានធ្វើ​ដំណើរ​ទៅកាន់​ខេត្តសៀមរាប ដើម្បី​ធ្វើការ​បណ្តុះបណ្តាល​ស្តីពី​សារៈសំខាន់​នៃ​ការបដិសេធ​ប្រើប្រាស់ ការកាត់បន្ថយ ការប្រើប្រាស់​ឡើងវិញ និង​ការកែច្នៃ​សំរាម​ប្លា​ស្ទិ​ក​។

​ជា​ផ្នែក​នៃ​ការធ្វើដំណើរ​នេះ សមាជិក​ក្រុមការងារ​របស់​ក្រុមហ៊ុន Smart Axiata បានធ្វើ​ទស្សនកិច្ច​សិក្សា​មួយ​ទៅកាន់​ភូមិ​ព្រះ​ដាក់​ដែលជា​ភូមិ​គំរូ​នៅក្នុង​ស្រុក​បន្ទាយស្រី​។ អាជ្ញាធរ​ថ្នាក់មូលដ្ឋាន​បាន​ពន្យល់​បង្ហាញ​អំពី​គំរូ​អភិវឌ្ឍន៍ ការគ្រប់គ្រង​បរិស្ថាន និង​ការចូលរួម​របស់​សហ​គម​ន៍​នៅ​ស្រុក​បន្ទាយស្រី ។

​ក្រុមការងារ​របស់​ក្រុមហ៊ុន Smart Axiata ក៏បាន​ធ្វើដំណើរ​ទៅកាន់​ការិយាល័យ​របស់​អង្គការ CRST ផងដែរ ដើម្បី​ស្វែងយល់​បន្ថែម​អំពី​គម្រោង​អប់រំ​ប្លា​ស្ទិ​ក ដែលជា​ផ្នែក​មួយ​នៃ​គំនិត​ផ្តួចផ្តើម​របស់​គម្រោង អ​។ នៅ​ថ្ងៃ​បន្ទាប់ ត្រូវ​នឹង​ថ្ងៃទី​១៦ ខែកក្កដា ឆ្នាំ​២០២២ ក្រុមការងារ​ដែលមាន​សមាជិក​ចំនួន ២៥​នាក់​មកពី​ក្រុមហ៊ុន Smart Axiata បាន​ទៅ​ទស្សនកិច្ច​នៅ​វិទ្យាល័យ​កៀន​សង្កែ និង​បាន​ចូលរួម​ជាមួយ​អ្នកតំណាង​របស់​អង្គការ CRST ក្នុងការ​បង្រៀន​សិស្ស​អំពី​របៀប​កាត់បន្ថយ និង​គ្រប់គ្រង​ការប្រើប្រាស់ និង​កាកសំណល់​ប្លា​ស្ទិ​ក​របស់​ពួកគេ​។

​ក្នុង​ដំណើរ​ទស្សនកិច្ច​អប់រំ​អំពី​បរិស្ថាន​រយៈពេល​ពីរ​ថ្ងៃនេះ ក្រុមហ៊ុន Smart Axiata បាន​បរិច្ចាគ​មួក ថង់យួរ ដប​ទឹក និង​សម្ភារ​សិក្សា​ដល់​សិស្សានុសិស្ស ដើម្បី​ជួយ​ដល់​ការសិក្សា និង​កិច្ចខិតខំ​ប្រឹងប្រែង​រប​ស់​ពួកគេ​ក្នុងការ​រស់នៅ​ប្រកបដោយ​និរន្តរភាព​។ លើសពីនេះ ក្រុមការងារ​របស់​ក្រុមហ៊ុន Smart Axiata ក៏បាន​ដាំ និង​ផ្តល់ជូន​ដើមឈើ​សរុប​ចំនួន ១០០​ដើម​នៅ​វិទ្យាល័យ​កៀន​សង្កែ​ផងដែរ​។

​កញ្ញា មី ម៉ាប់ អ្នកគ្រប់គ្រង​ទូទៅ​របស់​គម្រោង អ របស់​អង្គការ CRST បាន​មានប្រសាសន៍ថា «​យើង​មាន​កិត្តិយស​ណាស់ដែ​លអាច​ប​ង្រៀ​ន​យុវជន​កម្ពុជា​អំពី​សារៈសំខាន់​នៃ​ការកាត់បន្ថយ​បរិមាណ​ប្លា​ស្ទិ​ក​ប្រើប្រាស់​បានតែ​ម្តង​នៅក្នុង​ប្រទេស​កម្ពុជា​។ យើង​ក៏​សូម​កោតសរសើរ​យ៉ាងខ្លាំង​ផងដែរ​ដល់​ក្រុមហ៊ុន Smart Axiata ដែល​បានធ្វើ​ការងារ​ជាមួយ​ក្រុមការងារ​យើង និង​ជួយ​យើង​ក្នុង​ការផ្តល់​ឧបករណ៍ និង​សម្ភារ​ចាំបាច់ ដើម្បី​ជួយ​ជំរុញ​គំនិត​ផ្តួចផ្តើម​នេះ​ឱ្យទៅ​មុខ​»​។

​លោក Feiruz Ikhwan នាយក​ប្រតិបត្តិ​ស្តីទី​របស់​ក្រុមហ៊ុន Smart Axiata មានប្រសាសន៍ថា​៖ «​យើង​មាន​មោទនភាព​ដែល​បាន​សហការគ្នាជាមួយ​អង្គ​ការ CRST ព្រោះថា ការលើកកម្ពស់ និង​ការរក្សា​និរន្តរភាព​បរិស្ថាន​បៃតង​តែងតែ​ជា​អាទិភាព​ចម្បង​សម្រាប់​យើង​នៅ​ក្រុមហ៊ុន Smart Axiata ហើយ​យើង​ក៏មាន​ចំណាប់អារម្មណ៍​ខ្ពស់​ក្នុង​ការសិក្សា​អំពី​គំរូ​អភិវឌ្ឍន៍​ភូមិ​ពី​អាជ្ញាធរ​ថ្នាក់មូលដ្ឋាន​ស្រុក​បន្ទាយស្រី​ផងដែរ ដើម្បី​ស្វែងយល់​ពីអ្វី​ដែល​ភាគី​ពាក់ព័ន្ធ​កំពុង​ធ្វើ​នៅ​ថ្នាក់មូលដ្ឋាន​»​។

​លោក ឃឹម ហ្វី​ណង់ អភិបាលស្រុក​បន្ទាយស្រី​បាន​មានប្រសាសន៍ថា​៖ «​យើង​សូម​អរគុណ និង​មាន​កិត្តិយស​ណាស់​ដែល​ក្រុមហ៊ុន Smart Axiata បានរៀបចំ​ដំណើរ​ទស្សនកិច្ច​សិក្សា​មកកាន់​ស្រុក​របស់​យើង និង​ចូលរួមចំណែក​ជា​វិជ្ជមាន​ដល់​ការគ្រប់គ្រង​បរិស្ថាន និង​ការអភិវឌ្ឍ​ប្រកបដោយ​ចីរភាព​។ យើង​ក៏​សង្ឃឹម​ផងដែរ​ថា ក្រុមហ៊ុន Smart Axiata នឹង​យក​ដំណើរ​ទស្សនកិច្ច​សិក្សា​នេះ​ធ្វើជា​បទពិសោធ​សិក្សា​មួយ​ដែល​យើង​អាច​សម្លឹង​ឆ្ពោះទៅមុខ​ទៅរក​បរិស្ថាន​កាន់តែ​ស្អាត និង​អនាគត​កាន់តែ​ភ្លឺ​ថ្លា​សម្រាប់​ប្រទេស​កម្ពុ​ជាមួយ​ជំហាន​ម្តងៗ​»​។

​ដោយបាន​ផ្តល់​ការអប់រំ​សិស្ស​ជាង ១៥ ០០០​នាក់​នៅ​ឆ្នាំ​២០២១ និង​២០២២ មកពី​សាលារៀន​ចំនួន​៣១ នៅ​ទីជនបទ​ក្នុង​ខេត្តសៀមរាប​ជាមួយនឹង​គ្រូ​ចំនួន ៦៤​នាក់ អង្គការ CRST រំពឹងថា​នឹង​អប់រំ​សិស្ស​ចំនួន ១២ ០០០​នាក់​បន្ថែមទៀត​នៅ​ឆ្នាំ​២០២៣​។ ជា​ផ្នែក​មួយ​នៃ​យុទ្ធនាការ​នេះ ភាគី​ពាក់ព័ន្ធ​នានា​ក៏មាន​បំណង​បំពាក់​ធុងសំរាម​ចំនួន ១០០​ធុង​ផងដែរ​នៅ​សាលារៀន​និង​សាកលវិទ្យាល័យ​ចំនួន​ជាង​៥០ និង​ផ្តល់ឱ្យ​សិស្ស​ចំនួន ៤០ ០០០​នាក់​នូវ​ដប​ទឹក​ផឹក​ដែល​អាច​ប្រើ​ឡើងវិញ​បាន និង​ថង់យួរ​ធ្វើ​ពី​កប្បាស​ដែល​អាច​ប្រើប្រាស់​ឡើងវិញ​បាន​ចំនួន ១៥ ០០០​ថង់​។

​គិត​ត្រឹម​ពេលនេះ ក្រោម​ការជួយជ្រោមជ្រែង​ពី​ក្រុមហ៊ុន Smart Axiata អង្គការ CRST បាន​ផលិត​ថង់យួរ​បាន​ចំនួន ១០ ០០០​ថង់ ហើយ​បាននិងកំពុង​ធ្វើការ​ផលិត​ដប​ទឹក​ចំនួន ១០ ០០០ ព្រមទាំង​ដំឡើង​ម៉ាស៊ីន​ចម្រោះ​ទឹកស្អាត​ចំនួន​២ ក្នុង​កិច្ចខិតខំ​ប្រឹងប្រែង​រួមគ្នា​ដើម្បី​កាត់បន្ថយ​ការប្រើប្រាស់​ប្លា​ស្ទិ​ក​ដែល​ប្រើប្រាស់​បានតែ​ម្តង​។​

​កាលពីដើម​ឆ្នាំនេះ ក្រុមហ៊ុន Smart Axiata គឺជា​អ្នក​ឧបត្ថម្ភ​ធំ​មួយ​ដល់​ទិវា​មួយ​ម៉ោង​សម្រាប់​ភពផែនដី (Earth Hour) នៅ​កម្ពុជា​ដោយ​ធ្វើ​ការងារ​រួមគ្នា​ជាមួយ​ក្រសួង​និង​ស្ថាប័ន​នានា​របស់​រាជរដ្ឋាភិបាល​កម្ពុជា សហគមន៍​មូលដ្ឋាន យុវជន ស្ថាប័ន​សាធារណៈ​និង​ឯកជន អង្គការ​មិនមែន​រដ្ឋាភិបាល ប្រព័ន្ធ​ផ្សព្វផ្សាយ និង​ពលរដ្ឋ​កម្ពុជា​នៅ​ទូទាំងប្រទេស​កម្ពុជា ដើម្បី​បង្ហាញ​សកម្មភាព​របស់​ពួកគេ​ឆ្ពោះទៅរក អនាគត​ដែល​កាន់​តែមាន​និរន្តរភាព និង​ភាពប្រសើរ​សម្រាប់​ទាំងអស់គ្នា​។ លើសពីនេះ ក្រុមហ៊ុន Smart Axiata ក៏​កំពុង​ធ្វើ​សកម្មភាព​យ៉ាងសកម្ម​ក្នុងការ​ដោះស្រាយ​បញ្ហា​អាកាសធាតុ​បន្ទាន់ តាមរយៈ​ការពិនិត្យ​តាមដាន និង​ការគ្រប់គ្រង​បរិមាណ​កាបូនឌីអុកស៊ីត​របស់​ក្រុមហ៊ុន​ដែលជា​ផ្នែក​មួយ​នៃ​កិច្ចខិតខំ​ប្រឹងប្រែង​រប​ស់​ក្រុមហ៊ុន​ក្នុងការ​លើកកម្ពស់​និរន្តរភាព​ផងដែរ​។

​សម្រាប់​ព័ត៌មាន​បន្ថែម​អំពី​កិច្ចប្រឹងប្រែង​ទាក់ទង​នឹង​បរិស្ថាន​របស់​ក្រុមហ៊ុន Smart Axiata សូម​តាមដាន​ទំព័រ​ហ្វេ​ស​ប៊ុ​ក Smart for Cambodia តាមរយៈ​គេហទំព័រ www.facebook.com/smartforcambodia​។

​សូមបញ្ជាក់ថា ក្រុមហ៊ុន Smart Axiata Co., Ltd. ជា​ប្រតិ​ប​ត្ដិករ​ទូរគមនាគមន៍​ចល័ត​ឈាន​មុនគេ​ក្នុង​ព្រះរាជាណាចក្រ​កម្ពុជា​។ បច្ចុប្បន្ន​ក្រុមហ៊ុន​បាននិងកំពុង​បម្រើ​អតិថិជន​ចំនួន ៧.៥ លាន​នាក់ ស្ថិតក្រោម​ស្លាក​សញ្ញា “Smart”​។ Smart Axiata គឺជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុនមេ មាន​ឈ្មោះថា “Axiata Group Berhad” ដែលជា​ក្រុមហ៊ុន​ផ្ដល់​សេវា​ទូរគមនាគមន៍​ធំជាងគេ​បង្អស់​មួយ​ក្នុង​ទ្វីបអាស៊ី​៕​

The post ក្រុមហ៊ុន Smart Axiata សហការ​ជាមួយ​អង្គការ​ជឿជាក់​លើ​សិស្ស​ជនបទ ផ្តល់​ការបណ្តុះបណ្តាល​អំពី​សារៈសំខាន់​នៃ​ការកាត់បន្ថយ​ថង់​ប្លា​ស្ទិ​ក appeared first on Kampuchea Thmey Daily.

​កម្មវិធី​ពានរង្វាន់​នេះ​បានចាប់ផ្ដើម​ឡើងជា​មួយ​ការដើរ​លើ​កម្រាលព្រំ​ក្រហម​ដ៏​ពិសេស​ដែលមាន​ការចូលរួម​ពី​សំណាក់​សិល្បករ សិល្បការិនី និង​ភ្ញៀវកិត្តិយស​ជាច្រើន ដែលមាន​ការបង្ហាញ​នូវ​សម្លៀកបំពាក់​ដ៏​ស្រស់ស្អាត ជាមួយនឹង​ការ​រចនា​ម៉ូត​ប្លែកៗ ដែល​បញ្ចូល​នូវ​ភាព​ច្នៃប្រឌិត​របស់​វប្បធម៌​ដ៏​សម្បូរបែប​របស់​កម្ពុជា និង​ជា​សក្ខីភាព​ពិតប្រាកដ ចំពោះ​ឧស្សាហកម្ម​ម៉ូដ​សម្លៀកបំពាក់​ដែល​កំពុង​រីកដុះដាល​យ៉ាងខ្លាំង​នៅ​កម្ពុជា​។

ជ័យលាភី​ឈ្នះ​ពានរង្វាន់​ទាំងអស់​ត្រូវបាន​ប្រកាស​នៅ Garden City Hotel កាលពី​ថ្ងៃ​សៅរ៍ ទី​១៩ ខែមីនា ហើយ​ត្រូវបាន​ផ្សាយ​បន្ត​ផ្ទាល់​នៅលើ​ទំព័រ​ហ្វេ​ស​ប៊ុ​ក Pleng និង Smart Axiata បាន​ទាក់ទាញ​អ្នកទស្សនា​ជាង ២៨​ម៉ឺន​នាក់​។ កម្មវិធី​នេះ​មានការ​សម្ដែង​ដ៏​រំភើប​រីករាយ​ពី​តារា​ដែល​កំពុង​រះ​នៅ​កម្ពុជា ដូចជា លោក ខេ​ម កញ្ញា ទេព បូ​ព្រឹក្ស លោក G-Devith ក្រុម CG Movement ក្រុម KlapYaHandz កញ្ញា Rabee កញ្ញា Sophia Kao លោក ស៊ូ​លី ផេង លោក លាន បញ្ច​នី​ត កញ្ញា គ​ន្ធា លោក Glommy Vincent កញ្ញា តី លោក DJ Alex និង​កញ្ញា​Christ រួម​ជាមួយនឹង​សិល្បករ សិល្បការិនី​ជើងចាស់​ជាច្រើន​ទៀត រួមទាំង លោក ណ​យ វ៉ានណេត អ្នកនាង ម៉េង កែវពេជ្ជតា លោក ឯក ស៊ី​ដេ អ្នកនាង យក់ ថិ​ត​រដ្ឋា និង​តារា​កំប្លែង លោក យាយ​យ៉យ និង​អ្នក កា​តុ​ផងដែរ​។

ពានរង្វាន់​ដ៏​ពិ​សេសមួយ​ក៏ត្រូវ​បានប្រកាស​ផងដែរ​ក្នុង​កម្មវិធី​ពានរង្វាន់ Pleng Music Awards 2022 គឺ​ពានរង្វាន់​អ្នកបង្កើត​មាតិកា​ប្រចាំឆ្នាំ 2022​។ ដើម្បី​ឆ្លុះបញ្ចាំង​ពី​គុណ​តម្លៃ​សប្បុរសធម៌​ដ៏​រឹងមាំ​របស់​ក្រុមហ៊ុន Smart ថវិកា​ទាំងអស់​ដែល​បានមកពី​ការបោះឆ្នោត​ពី​សាធារណៈជន​នឹងត្រូវ​បរិច្ចាគ​កាន់ មន្ទីរពេទ្យ​កុមារ​អង្គរ និង​មូលនិធិ​គន្ធបុប្ផា​កម្ពុជា​។ ក្នុង​រយៈពេល​ប្រាំបួន​ថ្ងៃ សំឡេងឆ្នោត​ទទួលបាន​ជិត ៣២,០០០​សម្លេង ដែល​គិត​ជា​ទឹកប្រាក់​សរុប​ស្នើរ​នឹង​ចំនួន ៦៣,៦៦៤ ពាន់​ដុល្លារ​។​

​ពានរង្វាន់​សិល្បការិនី​ប្រចាំឆ្នាំ​ត្រូវបាន​ប្រគល់ជូន​កញ្ញា តន់ ចន្ទ​សី​ម៉ា ដែល​ល្បីល្បាញ​ខាង​ក្បាច់​រាំ​របស់ខ្លួន​ក្នុង​បទ Lambo Toy បទ Lan Saren និង​បទ WIFI​។ បទ​ចម្រៀង​ទោល ‘Are You Ok?’ ដែល​ទទួលស្គាល់​ជា​អន្តរជាតិ​របស់​តារាចម្រៀង​មួយរូប​នេះ ក៏​ត្រូវបាន​ពានរង្វាន់​ជាពិសេស​សម្រាប់​ទទួលបាន​ការចូល​មើល​ក្នុង YouTube រហូតដល់​១០០ លាន​ដង ក្នុង​រយៈពេល​ពីរ​សប្តាហ៍​។ លោក ស៊ូ​លី ផេង ក្លាយជា​ម្ចាស់​ពាន សិល្បករ​ប្រចាំឆ្នាំ ខណៈ​ពានរង្វាន់​សិល្បករ ឬ​សិល្បការិនី​ថ្មី​ប្រចាំឆ្នាំ ត្រូវបាន​ទៅលើ​កញ្ញា អ៊ុក សុ​វណ្ណា​រី​។

បទ​ចម្រៀង “​វីរនារី​” របស់​ក​ញ្ញ ទេព បូ​ព្រឹក្ស ដែល​ទទួលបាន​ការគាំទ្រ​យ៉ាងខ្លាំង រហូត​ទទួលបាន​ពានរង្វាន់​សរុប​ចំនួន ០៣ រួមមាន​៖ ពានរង្វាន់​បទ​ចម្រៀង​ប្រចាំឆ្នាំ ពានរង្វាន់​វីដេអូ​ចម្រៀង​ប្រចាំឆ្នាំ និង ពានរង្វាន់​វីដេអូ​ដែលមាន​បច្ចេកទេស​ថត​លេចធ្លោ​ប្រចាំឆ្នាំ​។ ក្នុង​សុន្ទរកថា​ទទួលយក​ពានរង្វាន់ កញ្ញា​បាន​ថ្លែងអំណរគុណ​ដល់​ក្រុមគ្រួសារ មិត្ត​ភ័ក្តិ និង​អ្នកគាំទ្រ​ដែល​បាន​បន្ត​នៅ​ជាមួយ​នាង​នៅក្នុង “​គ្រា​ដ៏​លំបាក​បំផុត​” រហូតដល់​សព្វថ្ងៃ​។

​កញ្ញា តន់ ចន្ទ​សី​ម៉ា លោក​ខេ​ម និង​បទ​ចម្រៀង “​ខកខាន​” របស់ លោក ស៊ូ​លី ផេង ទទួលបាន​ពានរង្វាន់​ពិសេស​រៀងៗ​ខ្លួន​ដូចជា ពានរង្វាន់​សិល្បការិនី​ដែលមាន​កា​ស្ដាប់​ច្រើនជាងគេ​លើ Pleng ពានរង្វាន់​សិល្បករ​ដែលមាន​ការស្ដា​ប់​ច្រើនជាងគេ​លើ Pleng និង ពានរង្វាន់​បទ​ចម្រៀង​ដែល​មានការ​ស្ដាប់​ច្រើនជាងគេ​លើ Pleng​។ ក្រុម​តន្ត្រី​ដ៏​ពេញនិយម​ក្នុងស្រុក គឺ​ក្រុម​តូច Smallworld Smallband ទទួលបាន​ពានរង្វាន់​ក្រុម​ចម្រៀង​ប្រចាំឆ្នាំ​។ សម្រាប់​បទ​ចម្រៀង​ដ៏​ល្បីឈ្មោះ “​ទេព ធីតា​” ច្រៀង​រួមគ្នា​ដោយ​លោក Ran និង លោក HENG ទទួលបាន​ពានរង្វាន់​បទ​ចម្រៀង​រួមគ្នា​ប្រចាំឆ្នាំ​។​

​នាយក​ប្រតិបត្តិ​ស្តីទី​នៃ​ក្រុមហ៊ុន Smart Axiata លោក Feiruz Ikhwan មានប្រសាសន៍ថា “​សូម​អបអរសាទរ​ដល់​ជ័យលាភី​ពានរង្វាន់ Pleng Music Awards 2022 ទាំងអស់គ្នា​។ តាំងពី​ឆ្នាំ​២០១៥ មក ក្រុមហ៊ុន Smart បានធ្វើការ​ជាមួយនិង​ដៃគូរ​ដ៏​ទៀត​នៅក្នុង​ឧស្សាហ​កម្មនេះ ដើម្បី​ត្រួស​ត្រាយផ្លូវ​សម្រាប់​ឧស្សាហកម្ម​តន្ត្រី​ដ៏​លេចធ្លោ​របស់​កម្ពុជា​។ ពានរង្វាន់ Pleng Music Awards គឺជា​ព្រឹត្តិការណ៍​ដ៏​អស្ចារ្យ​មួយ​ផ្សេងទៀត នៅក្នុង​បេសកកម្ម​របស់​យើង​ក្នុង​ការគាំទ្រ​សិល្បករ​ខ្មែរ​ឲ្យ​ទទួលបាន​ការទទួលស្គាល់​ចំពោះ​ស្នាដៃ និង​ភាពស្មោះត្រង់​ចំពោះ​ការងារ​សិល្បៈ​ដ៏​អស្ចារ្យ​របស់​ពួកគេ​”​។ លោក បាន​បន្ថែមទៀតថា “​សូម​អរគុណ​ដល់​ក្រុមហ៊ុន Pepsi Cambodia សម្រាប់​តួនាទី​របស់​ពួកគេ​ក្នុង​ការខិតខំ​ប្រឹងប្រែង​ធ្វើឱ្យ​ព្រឹត្តិការណ៍​ដ៏​អស្ចារ្យ​នេះ​ទទួលបាន​ជោគជ័យ​។ យើង​ទន្ទឹងរង់ចាំ​ការបង្កើត​កិច្ចសហប្រតិបត្តិការ និង​ភាពជា​ដៃគូ​បន្ថែមទៀត ដើម្បី​រក្សា​សន្ទុះ​ដ៏​គួរឱ្យ​រំភើប​នេះ​សម្រាប់​ឧស្សាហកម្ម​ច្នៃប្រឌិត​របស់​កម្ពុជា​”​។​

​ពានរង្វាន់​ទាំង​៧ ដែល​ត្រូវបាន​ប្រគល់ជូន​ជ័យលាភី​នៅ​កម្មវិធី​ពានរង្វាន់ Pleng Music Awards គឺ​ពានរង្វាន់​សិល្បការិនី​ប្រចាំឆ្នាំ ពានរង្វាន់​សិល្បករ​ប្រចាំឆ្នាំ ពានរង្វាន់​សិល្បករ ឬ​សិល្បការិនី​ថ្មី​ប្រចាំឆ្នាំ ពានរង្វាន់​បទ​ចម្រៀង​ប្រចាំឆ្នាំ ពានរង្វាន់​វីដេអូ​ចម្រៀង​ប្រចាំឆ្នាំ ពានរង្វាន់​ក្រុម​ចម្រៀង​ប្រចាំឆ្នាំ និង ពានរង្វាន់​បទ​ចម្រៀង​រួមគ្នា​ប្រចាំឆ្នាំ​។​

​ជ័យលាភី​ពានរង្វាន់​ទាំង​ប្រាំពីរ​ត្រូវបាន​កំណត់ដោយ​អ្នកគាំទ្រ​តាមរយៈ​ការបោះឆ្នោត​ជា​សាធារណៈ (​ស្មើរ​នឹង ៤០ ភាគរយ​នៃ​ពិន្ទុសរុប​) ដោយ​ការដាក់​ពិន្ទុ​ពី​អ្នកជំនាញ​ក្នុង​វិស័យ​តន្ត្រី (​ស្មើរ​នឹង​៤០ ភាគរយ​នៃ​ពិន្ទុសរុប​) និង​ចំនួន​សរុប​នៃ​ការ​ស្តាប់​របស់​សិល្បករ សិល្បការ​នី និង បទ​ចម្រៀង​នៅលើ Pleng (​ស្មើរ​នឹង ២០ ភាគរយ​នៃ​ពិន្ទុសរុប​)​។ ការបោះឆ្នោត​បានចាប់ផ្តើម នៅ​ថ្ងៃទី​១៦ ខែកុម្ភៈ និង​បិទ​នៅ​ថ្ងៃទី​៩ ខែមីនា​។​

​ជ័យលាភី​ពានរង្វាន់ Pleng Music Awards 2022 រួមមាន​៖ ពានរង្វាន់​សិល្បការិនី​ប្រចាំឆ្នាំ តន់ ចន្ទ​សី​ម៉ា​, ពានរង្វាន់​សិល្បករ​ប្រចាំឆ្នាំ ស៊ូ​លី ផេង​, ពានរង្វាន់​សិល្បករ ឬ​សិល្បការិនី​ថ្មី​ប្រចាំឆ្នាំ អ៊ុក សុ​វណ្ណា​រី​, ពានរង្វាន់​ក្រុម​ចម្រៀង​ប្រចាំឆ្នាំ បទ វីរនារី ដោយ ទេព បូ​ព្រឹក្ស​, ពានរង្វាន់​វីដេអូ​ចម្រៀង​ប្រចាំឆ្នាំ បទ វីរនារី ដោយ ទេព បូ​ព្រឹក្ស​, ពានរង្វាន់​ក្រុម​ចម្រៀង​ប្រចាំឆ្នាំ​ក្រុម​តូច (SmallWorld SmallBand), ពានរង្វាន់​បទ​ចម្រៀង​រួមគ្នា​ប្រចាំឆ្នាំ បទ ទេពធីតា ដោយ RAN ft. HENG, ពានរង្វាន់​សិល្បការិនី​ស្ដាប់​ច្រើនជាងគេ​លើ Pleng តន់ ចន្ទ​សី​ម៉ា​, ពានរង្វាន់​សិល្បការ​ស្ដាប់​ច្រើនជាងគេ​លើ Pleng ខេ​ម​, ពានរង្វាន់​បទ​ម្រៀ​ង​ស្ដាប់​ច្រើនជាងគេ​លើ Pleng ខកខាន (Missed) ដោយ ស៊ូ​លី ផេង​, ពានរង្វាន់ “​វីដេអូ​ដែលមាន​បច្ចេកទេស​ថត​លេចធ្លោ​ប្រចាំឆ្នាំ​” បទ វីរនារី ដោយ ទេព បូ​ព្រឹក្ស​, ពានរង្វាន់ វីដេអូ​បទ​ចម្រៀង​ដំបូង​គេ​ដែលមាន​ការមើល 100​លាន​ដង​ក្នុង YouTube ក្នុង 2 សប្តាហ៍ Are You Ok ? ដោយ តន់ ចន្ទ​សី​ម៉ា​, ពានរង្វាន់ “​អ្នកបង្កើត​មាតិកា​ប្រចាំឆ្នាំ​” ខេមរា​, ពានរង្វាន់​សមិទ្ធិផល​ដ៏​អស្ចារ្យ​ក្នុង​ជីវិត ព្រាប សុវត្ថិ​។​

Pleng គឺជា​កម្មវិធី​ស្ដាប់​តន្ត្រី​លើ​អន​ឡាញ ដែល​គេ​ទាញយក​ច្រើនជាង​បំផុត​នៅ​កម្ពុជា​។ កម្មវិធី​នេះ​ផ្តល់ឱ្យ​អ្នក​ស្តាប់​នូវ​បទ​ចម្រៀង​ជាង​១ លាន​បទ​ពី​សិល្បករ​ក្នុងស្រុក និង​អន្តរជាតិ​ជាង​១​ម៉ឺន​នាក់​។ កម្មវិធី​នេះ​ភ្ជាប់​សិល្បករ​ខ្មែរ​ជាមួយនឹង​ចំនួន​អ្នកគាំទ្រ​ដែល​កំពុង​កើនឡើង​ឥតឈប់ឈរ ដែល​អនុញ្ញាតឱ្យ​មានកា​រ​កោតសរសើរ​យ៉ាង​ជ្រាលជ្រៅ​នៃ​តន្ត្រី​នៅ​កម្ពុជា និង​ទេពកោសល្យ​។​

​សម្រាប់​ព័ត៌មាន​បន្ថែម​អំពី Pleng by Smart សូម​ចូលទៅ​កាន់​គេហទំព័រ https://www.smart.com.kh/pleng-music-awards/ និង​តាមដាន​លើ​ទំព័រ​ហ្វេ​ស​ប៊ុ​ក Pleng តាមរយៈ www.facebook.com/PlengBySmart៕

The post ​ពានរង្វាន់ Pleng Music Awards លើកដំបូង​បង្អស់ អបអរ​វិស័យ​តន្ត្រី​កម្ពុជា និង​លើកតម្កើង​សិល្បករ​ឆ្នើមៗ​ប្រចាំ​កម្ពុជា appeared first on Kampuchea Thmey Daily.

​ក្រុម Adero ដែលជា​ប្រព័ន្ធ​ផ្សាយពាណិជ្ជកម្ម​ដ៏​ឆ្លាត​វៃ ត្រូវបាន​ជ្រើសរើស​ជា​ជយលាភី និង​បានឈ្នះ​ទឹកប្រាក់​ចំនួន​ ៦០០០ ដុល្លារ រួមទាំង​ដំណើរ​ទស្សនកិច្ច​បច្ចេក​វិទ្យា​ក្នុង​តំបន់​ ដែល​ទទួលបាន​ប្រាក់ឧបត្ថម្ភ​ទាំងស្រុង​។ ក្រុម KELA ដែលជា​វេទិកា​មួយ​ដែល​អនុញ្ញាត​ឱ្យ​អ្នកប្រើប្រាស់​ងាយស្រួល​ស្វែងរក​កន្លែង​លេង​កីឡា​បាន​ជាប់​លេខ​រៀង​ទី ២ និង​ឈ្នះ​ទឹកប្រាក់​ចំនួន ៤ ០០០ ដុល្លារ និង​ដំណើរ​ទស្សនកិច្ច​បច្ចេក​វិទ្យា​ក្នុង​តំបន់​ផងដែរ​។ លេខ​រៀង​ទី ៣​ បាន​ទៅកាន់ ក្រុម FlexFloc ដែល​បានឈ្នះ​ដំណើរ​ទស្សនកិច្ច​បច្ចេក​វិទ្យា ​ក្នុង​តំបន់​សម្រាប់​ដំណោះស្រាយ​ច្នៃប្រឌិត​ក្នុងការ​ប្រើប្រាស់​ប្រព័ន្ធ Internet of Things ដែល​អាច​ផ្ញើ​បច្ចុប្បន្នភាព​នៃ​ព័ត៌មាន​តាម​ទូរស័ព្ទ​ទៅកាន់​កសិករ​ចិញ្ចឹម​ត្រី​។​

​ក្រុម​ជយលាភី​ឆ្នាំនេះ​ ទទួលបាន​រង្វាន់​សាច់ប្រាក់​សរុប​ចំនួន ១​ ម៉ឺន​ដុល្លារ និង​ដំណើរ​ទស្សនកិច្ច​បច្ចេក​វិទ្យា​ដែល​ទទួលបាន​ប្រាក់ឧបត្ថម្ភ​ទាំងស្រុង ដើម្បី​ទៅធ្វើ​ទស្សនកិច្ច​នៅ​ស្នាក់ការ​កណ្តាល​របស់​អា​ជីវ​កម្ម​បច្ចេកវិទ្យា​ល្បីល្បាញ​ផ្សេងៗ​ក្នុង​តំបន់​។​

​សមាជិក​ក្រុម​ជយលាភី ពេជ្រ ពង្ស​បញ្ញា​វឌ្ឍន៍ បាន​ឲ្យ​ដឹងថា “​កម្មវិធី​នេះ​ គឺ​ពោរពេញ​ទៅដោយ​ភាព​ប្រកួតប្រជែង ហើយ​ការប្រកួត​កាន់តែ​មាន​ភាព​ខ្លាំងក្លា ដែលជា​មូលហេតុ​ធ្វើឱ្យ​ការទទួលបាន​ជ័យជំនះ​ក្នុង​កម្មវិធី​អ្នក​ច្នៃប្រឌិត​វ័យក្មេង SmartStart ឆ្នាំនេះ គឺ​កាន់តែ​ធ្វើឲ្យ​ជក់ចិត្ត​មែនទែន​”​។ លោក​បន្ថែមទៀតថា “​យើង​ទន្ទឹងរង់ចាំ​ដំណើរ​ទស្សនកិច្ច​បច្ចេក​វិទ្យា និង​បន្ត​ធ្វើការ​លើ​គំនិត​អាជីវកម្ម​អាជីវកម្ម​របស់​យើង​។ ការគាំទ្រ​ដែល​យើង​ទទួលបាន​ពី​អ្នក​ណែនាំ និង​អ្នករៀបចំ​កម្មវិធី​រប​ស់​យើង​នឹង​ជួយ​យើង​ឱ្យ​កាន់តែ​ឆ្ពោះទៅមុខ​ ដើម្បី​ទទួលបាន​ជោគជ័យ​បន្ថែមទៀត​”​។​

​កម្មវិធី​អ្នក​ច្នៃប្រឌិត​វ័យក្មេង SmartStart ដែល​ផ្តួចផ្ដើមឡើង​ដោយ​ក្រុមហ៊ុន Smart Axiata ក្រោម​កិច្ចសហប្រតិបត្តិការ​ជាមួយ Impact Hub Phnom Penh គឺជា​កម្មវិធី​អភិវឌ្ឍន៍​អ្នកមាន​ទេពកោសល្យ​ផ្នែក​ឌីជីថល​ឈានមុខ​គេ​នៅ​ប្រទេស​កម្ពុជា ដែល​កំណត់​អត្តសញ្ញាណ និង​បណ្ដុះបណ្ដាល​អ្នកដឹកនាំ​ភាពជា​សហគ្រិន​ផ្នែក​ឌីជីថល​នាពេល​អនាគត​របស់​ព្រះរាជាណាចក្រ​កម្ពុជា​។​

​លោកស្រី Mila Jivkova Kusheva នាយក​ផ្នែក​ទីផ្សារ​របស់​ក្រុមហ៊ុន Smart Axiata បាន​មានប្រសាសន៍ថា “​ក្រុម​ទាំងអស់​ដែល​បាន​ចូលរួម​ក្នុងឆ្នាំនេះ​ បានស្នើ​ដាក់​បង្ហាញ​គំនិត​អាជីវកម្ម​អស្ចារ្យ​ជាច្រើន និង​ធ្វើ​បទ​បង្ហាញ​ល្អៗ​មែនទែន ដែល​ធ្វើឱ្យ​ការជ្រើសរើស​ជយលាភី​មានការ​ពិបាក​”​។ លោកស្រី​បាន​បន្ថែមទៀតថា “​យើង​មាន​មោទនភាព​ដែល​បានឃើញ​កម្រិត​នៃ​ការរីកចម្រើន​របស់​ក​ម្ម​វិធី SmartStart ដែល​ផ្ដើម​តាំងពី​វគ្គ​ដំបូង​មក​ម្ល៉េះ។ នេះ​ឆ្លុះបញ្ចាំង​ច្បាស់​ណាស់​ថា អ្នកចូលរួម​ទាំងអស់​នឹង​អាច​បន្ត​ចូលរួមចំណែក​យ៉ាងសំខាន់​ចំពោះ​អនាគត​ឌីជីថល និង​សេដ្ឋកិច្ច​របស់​កម្ពុជា ដូចជា​ក្រុម​ជយលាភី Adero ក្នុងឆ្នាំនេះ ដែល​បានធ្វើ​ឲ្យ​យើងទាំងអស់គ្នា​ចាប់អារម្មណ៍​យ៉ាងខ្លាំង​ជាមួយនឹង​គំនិត​ច្នៃប្រឌិត និង​ការខិតខំ​ប្រឹងប្រែង​រប​ស់​ពួកគេ​”​។​

​លោកស្រី​ក៏បាន​បញ្ជាក់ថា “​ក្រុមហ៊ុន Smart មាន​សេចក្ដីសោមនស្ស​រីករាយ ​ដែល​បាន​សហការ​បង្កើត​កម្ម​វិធី​នេះ​ជាមួយ Impact Hub Phnom Penh ហើយ​យើង​ទន្ទឹងរង់ចាំ​ពង្រីក​បន្ថែមទៀត ឱកាស​បែបនេះ​ដល់​យុវជន​នៅ​ទូទាំងប្រទេស​។ យើង​ក៏​សូម​ថ្លែងអំណរគុណ​យ៉ាង​ជ្រាលជ្រៅ​ចំពោះ​ការយល់ព្រម​យ៉ាង​មុតមាំ​ពី​ក្រសួង​ប្រៃសណីយ៍ និង​ទូរគមនាគមន៍ និង​ក្រសួង​អប់រំ យុវជន និង​កីឡា ដែល​បាន​ជួយ​គាំទ្រ នឹង​ពង្រឹង​កម្មវិធី​នេះ ឱ្យ​ទទួលបាន​ជោគជ័យ​”​។​

​គំនិត​អាជីវកម្ម​ចំនួន​២​ផ្សេងទៀត​ដែល​បាន​ឈានទៅដល់​វគ្គ​ផ្តាច់ព្រ័ត្រ​ក្នុង​កម្មវិធី​អ្នក​ច្នៃប្រឌិត​វ័យក្មេង SmartStart ក្នុងឆ្នាំនេះ​គឺ​៖

​ទី​១, iCompost គឺជា​ម៉ាស៊ីន​កែច្នៃ​កាកសំណល់​ដ៏​ឆ្លាត​វៃ ដែល​បំ​ប្លែង​កាកសំណល់​ផ្ទះបាយ អាហារ​ប្រចាំថ្ងៃ ទៅជា​ជីកំប៉ុស​ដែល​សំបូរ​សារធាតុចិញ្ចឹម ដើម្បី​ចិញ្ចឹម​រុក្ខជាតិ​ក្នុងផ្ទះ​និង​ក្រៅ​ផ្ទះ​។​

​ទី​២, Your Space គឺជា​វេទិកា​មួយ​ដែល​ផ្តល់​ទីតាំង​ចត​រថយន្ត​រវាង​មនុស្ស​ម្នាក់​ទៅ​មនុស្ស​ម្នាក់ទៀត​ទៅក្នុង​ក​ម្ម​វិធី​លើ​ទូរស័ព្ទដៃ ដែល​អ្នកប្រើប្រាស់​អាច​ចុះឈ្មោះ​កន្លែង​ទំនេរ​របស់​ពួកគេ ហើយ​ប្រែក្លាយ​កន្លែង​នោះ​ទៅជា​ចំណតរថយន្ត​ ដោយ​ជួយ​កាត់បន្ថយ​ការចត​យានយន្ត​ដោយ​មិនមាន​សណ្ដាប់ធ្នាប់​នៅតាម​ដងផ្លូវ​។​

​បន្ទាប់ពី​បាន​ឆ្លងកាត់​វគ្គ​ជម្រុះ​ជាច្រើន​ជុំ ដែល​រួមមាន​វគ្គ “Digithon” ដែលជា​ដំណាក់កាល​សិក្សា​ដ៏​ល្អិតល្អន់ និង​ពាក់ព័ន្ធ​ជាមួយ​ជំនាញ​ស្វែងរក​ដំណោះស្រាយ​ក្នុង​បញ្ហា​ប្រឈម​ក្នុង​ជីវិត​ពិត ដែល​អាចធ្វើ​ទៅបាន​តាម​រយៈ​ការប្រើប្រាស់​បច្ចេកវិទ្យា (Internet of Things) និង​ការដាក់​បង្ហាញ​នូវ​គំនិត​របស់​ពួកគេ​សម្រាប់​វគ្គ «Technopreneurship Challenge» ដែល​ក្រុម​ចុងក្រោយបង្អស់​ចំនួន ៥ ត្រូវបាន​ដាក់​ឲ្យ​ចូលរួម​ក្នុង​កម្មសិក្សា​ដែលមាន​ប្រាក់ឧបត្ថម្ភ ជាមួយ​ក្រុមហ៊ុន​អាជីវកម្ម​បច្ចេកវិទ្យា​ល្បីៗ​នៅក្នុង​ប្រទេស ដែល​រួមមាន Arrowdot សមាគម​សហព័ន្ធ​ហិរញ្ញវត្ថុ និង​បច្ចេកវិទ្យា​កម្ពុជា (CAFT) ក្រុមហ៊ុន Vodworks ក្រុមហ៊ុន V-Tenh ក្រុមហ៊ុន Codingate ក្រុមហ៊ុន BigEight ក្រុមហ៊ុន BookMeBus និង​ក្រុមហ៊ុន Bloo​។​

​ក្រុម​ចុងក្រោយ​ទាំង ៥ ត្រូវធ្វើ​បទ​បង្ហាញ​អំពី​គំនិត​អាជីវកម្ម​របស់​ពួកគេ​ក្នុង​វគ្គ​ផ្ដាច់ព្រ័ត្រ ដែល​ធ្វើឡើង​នៅ បណ្ឌិត្យសភា​បច្ចេកវិទ្យា​ឌីជីថល​កម្ពុជា (CADT) កាលពី​ថ្ងៃ​សុក្រ ទី​១៤ ខែមករា ឆ្នាំ​២០២២​។​

​ក្រុម​ជយលាភី​ ត្រូវបាន​ជ្រើសរើស​ដោយ​គណៈ​កម្ម​ការវិនិច្ឆ័យ​ចំនួន ៥ រូប ដែល​រួមមាន លោកស្រី Mila Jivkova Kusheva នាយក​ផ្នែក​ទីផ្សារ​របស់​ក្រុមហ៊ុន Smart Axiata លោក កឹម បូ​រា វិនិយោគិន និង​សហគ្រិន Mekong Strategic Partners លោក Stephane Munster សហ​ស្ថាបនិក និង​ជានា​យក​ប្រតិបត្តិ​ក្រុមហ៊ុន SKG Energy 4.0 Technologies លោកស្រី Ratana Phurik Callebaut សហ​ស្ថាបនិក និង​ជា​អ្នកវិភាគ​ហិរញ្ញវត្ថុ (CFA Lead) និង កញ្ញា Zoe Ng នាយក​គ្រប់គ្រង​Raintree​។ ពិធី​ប្រគល់​ពានរង្វាន់​នេះ​ធ្វើឡើង​ក្រោម​អធិបតីភាព ឯកឧត្ដម សាន វ​ឌ្ឍ​នា អនុរដ្ឋលេខាធិការ​ក្រសួង​អប់រំ យុវជន និង​កីឡា ឯកឧត្តម ខូវ មករា រដ្ឋលេខាធិការ​ក្រសួង​ប្រៃសណីយ៍ និង​ទូរគមនាគមន៍​។​

​កម្មវិធី​អ្នក​ច្នៃប្រឌិត​វ័យក្មេង SmartStart គឺជា​ផ្នែក​មួយ​នៃ​ការប្តេជ្ញាចិត្ត​របស់​ក្រុមហ៊ុន Smart ចំពោះ​មូលនិធិ​កសាង​សមត្ថភាព ស្រាវជ្រាវ និង​អភិវឌ្ឍន៍ (CBRD) ដែល​ផ្តួចផ្តើម​ដោយ ក្រសួង​ប្រៃសណីយ៍ និង​ទូរគមនាគមន៍ និង​ក្រសួង​អប់រំ យុវជន និង​កីឡា​។​

​ត្រូវបាន​បង្កើតឡើង​ក្នុង​ឆ្នាំ​២០១៧ កម្មវិធី​អ្នក​ច្នៃប្រឌិត​វ័យក្មេង SmartStart អនុញ្ញាតឱ្យ​និស្សិត​សាកលវិទ្យាល័យ​នៅ​កម្ពុជា​ចាប់ផ្តើម​នូវ​អាជីវកម្ម​ឌីជីថល ដោយ​ផ្តល់នូវ​បទពិសោធន៍​សិក្សា​ពិសេសៗ​តាមរយៈ​ការណែនាំ និង​ការគាំទ្រ​ផ្នែក​ហិរញ្ញវត្ថុ​។ កម្មវិធី SmartStart បាន​ពង្រីក​នូវ​វិសាលភាព ដើម្បី​ផ្តល់​ការអប់រំ​ផ្នែក​ភាពជា​សហគ្រិន​ដល់​យុវជន​កម្ពុជា​ឲ្យ​កាន់តែច្រើន និង​ផ្តល់​ផល​ជះ​ជា​វិជ្ជមាន​ដល់​សិស្សានុសិស្ស​ប្រហែល​មួយ​ពាន់​នាក់​៕

​

The post កម្មវិធី SmartStart រដូវកាលទី ៤ ផ្តល់រង្វាន់ ១ ម៉ឺនដុល្លារ និងដំណើរទស្សនកិច្ចបច្ចេកវិទ្យាដល់ជយលាភី ក្នុងការប្រកួតអាជីវកម្មបច្ចេកវិទ្យា appeared first on Kampuchea Thmey Daily.