យោងតាមអ្នកខាងក្នុងឧស្សាហកម្មកម្សាន្តដែលបានដកស្រង់នៅក្នុងរបាយការណ៍នោះ Seungri នៅតែចាប់អារម្មណ៍យ៉ាងខ្លាំងលើអាជីវកម្មកម្សាន្ត ខណៈ​ដែល​លោក​មិន​ទាន់​មាន​គម្រោង​ជាក់​លាក់​នៅឡើយ ប៉ុន្តែ​លោក​ត្រូវ​បាន​គេ​និយាយ​ថា​កំពុង​ពិចារណា​លើ​ការ​បណ្តាក់​ទុន​ផ្សេងៗ។

មិនតែបុណ្ណោះ យោងតាមប្រភពមួយទៀតបាននិយាយថា ទោះបីជា Seungri បានកាត់ផ្តាច់ទំនាក់ទំនងជាមួយអតីតសមាជិកក្រុម Big Bang របស់គាត់ទាំងស្រុងក៏ដោយ ប៉ុន្តែគាត់នៅតែរក្សាទំនាក់ទំនងល្អជាមួយអ្នកស្គាល់គ្នាផ្សេងទៀត និងពិភាក្សាបញ្ហាអាជីវកម្មជាមួយពួកគេ។

ជាពិសេស កាលពីមុន Seungri ត្រូវបានគេប្រទះឃើញនៅក្លឹបមួយក្នុងទីក្រុង Hangzhou ប្រទេសចិន ដែលទាក់ទាញចំណាប់អារម្មណ៍។ ទោះ​ជា​យ៉ាង​ណា លោក​បាន​ប្រឈម​មុខ​នឹង​ប្រតិកម្ម​ខ្លាំង​ពី​អ្នក​លេង​អ៊ីនធឺណិត​ចិនយាងភ្លូកទឹកភ្លូកដី។

Seungri គឺជាតួអង្គនៅក្នុងរឿងអាស្រូវ «Burning Sun Scandal» ឆ្នាំ ២០១៨ ដែលបណ្តាលឲ្យមានភាពចម្រូងចម្រាសជាសាធារណៈ។ ក្រោយមក គាត់ត្រូវបានកាត់ទោសលើបទចោទប្រកាន់ជាច្រើន រួមទាំងការរៀបចំពេស្យាចារសម្រាប់អ្នកវិនិយោគ ការបំពានច្បាប់ប្តូរប្រាក់បរទេស ការកេងបន្លំ និងការលេងល្បែងស៊ីសងនៅក្រៅប្រទេសដែលមានទឹកប្រាក់លើសពី ២ ពាន់លានវ៉ុន (១.៤ លានដុល្លារអាមេរិក)។ គាត់​ត្រូវ​បាន​កាត់​ទោស​ឲ្យ​ជាប់​ពន្ធនាគារ​រយៈពេល ១ ឆ្នាំ ៦ ខែ។

ចាប់តាំងពីការចេញផ្សាយផ្ទាល់់់ខ្លួន ក្នុងខែកុម្ភៈ ឆ្នាំ ២០២៣ សកម្មភាពនៅក្រៅប្រទេសរបស់ Seungri ត្រូវបានបង្ហាញជាច្រើនដង ដែលនីមួយៗបង្កឲ្យមានភាពចម្រូងចម្រាសជាច្រើន។ ជំនួសឲ្យការបង្ហាញវិប្បដិសារី ឬការគិតពិចារណាខ្លួនឯង តារាចម្រៀងកូរ៉េវ័យ៣៤ឆ្នាំ ត្រូវបានគេមើលឃើញថា កំពុងជប់លៀងជាមួយតារាល្បីៗក្នុងប្រទេសផ្សេងៗ ហើយភ្លាមៗបានទាក់ទាញការរិះគន់មិនធម្មតាឡើយ។

លើសពីនេះ លោកបានប្រឈមមុខនឹងការរិះគន់ចំពោះការច្រៀងបទចម្រៀងរបស់ក្រុម Big Bang និងបានលើកឡើងពីអតីតសមាជិកក្រុមរបស់គាត់ ដែលហាក់ដូចជាមានឥទ្ធិពលលើកិត្តិនាមរបស់ពួកគេ បើទោះបីជាបានផ្តាច់ទំនាក់ទំនងជាមួយពួកគេក៏ដោយ។ កាលពីថ្មីៗ​នេះ​ថែមទៀត លោក​ត្រូវ​បាន​គេ​មើល​ឃើញ​ថា​កំពុង​ធ្វើ​ការងារសង្គម​ជាមួយ​ស្ត្រី​ក្នុង​ប្រទេស​កូរ៉េ​ខាង​ត្បូងម្នាក ​ដែលនោះបាន​ជំរុញ​ឲ្យ​មាន​ការ​ពិនិត្យ​មើល​ជា​សាធារណៈ​បន្ថែម​ទៀតពីមហាជន៕

អត្ថបទ៖ សាង ស្រីល័ក្ខ

ចុចអាន៖តារាកូរ៉េ Kim Go-eun បរិច្ចាគ​ថវិកា ​ជួយ​គ្រោះរញ្ជួយ​ដី​ នៅ មីយ៉ាន់ម៉ា

The post Seungri គ្រោងបណ្តាក់ទុនអាជីវកម្មថ្មីលើទឹកដី ចិន appeared first on Kampuchea Thmey Daily.

យ៉ាងណាមិញ TOP ដែលមានឈ្មោះពិតថា Choi Seunghyun បានទម្លាយពីរឿងរ៉ាវជាច្រើន ប្រាប់ទៅដល់សារព័ត៌មានយ៉ាងជាក់លាក់។ ចំពោះមូលហេតុដែលលោកសម្រេចចិត្តដើរចេញពីក្រុម Big Bang នោះគឺ ដើម្បីការពារកេរ្តិ៍ឈ្មោះសមាជិកទាំង៣នាក់ មិនចង់ឲ្យ Big Bang ត្រូវខូចឈ្មោះដោយសាររឿងក្ដីរបស់ខ្លួន ពាក់ព័ន្ធនឹងគ្រឿងញៀនកាលពី៨ឆ្នាំមុន។

មុននឹងចាកចេញ TOP បានចេញចម្រៀងរួមគ្នាជាមួយ​ Big Bang ជាមួយនឹងបទ Still life កាលពីឆ្នាំ2022 ដោយសារតែលោកគិតថា វាជាការងារចុងក្រោយសម្រាប់គាត់និង សមាជិក ដើម្បីឲ្យអ្នកគាំទ្រទុកស្ដាប់កម្សាន្ត និងជាការលាចុងក្រោយផងដែរ។

លើសពីនោះ​ តារាប្រុសរូបនេះ ក៏បាននិយាយផងដែរថា លោកក៏បានមើលការសម្ដែងរបស់ Big Bang នៅក្នុងកម្មវិធី MAMA 2024 ដែលបានប្រព្រឹត្តិទៅកន្លងទៅនេះដែរ។ “ខ្ញុំបានមើលការសំដែងរបស់ BIGBANG ក្នុងកម្មវិធី ‘2024 MAMA Awards កាលពីចុងឆ្នាំមុន។ ខ្ញុំបានចំណាយពេលអាយុ ២០ ឆ្នាំរបស់ខ្ញុំជាមួយ BIGBANG។ វាគឺជាពេលវេលាដ៏ល្អមួយ ប៉ុន្តែកំហុសរបស់ខ្ញុំបានធ្វើឱ្យមានការប៉ះពាល់ដល់ក្រុម។

ខ្ញុំសុំទោសដែលកំហុសរបស់ខ្ញុំបណ្តាលឱ្យមានការប៉ះពាល់ដល់​ក្រុម និងសមាជិក​ដែលបានទទួលរង​ការ​រិះ​គន់​ដោយ​សារ​វា។ ខ្ញុំ​បាន​ប្រកាស​ពី​បំណង​ចាក​ចេញ​ពី​ក្រុម​ព្រោះ​ខ្ញុំ​មិន​ចង់​បង្ក​ឱ្យមានការ​ប៉ះពាល់បន្ថែម​ទៀត​ទៅលើពួកគេ។ សម្រាប់ ‘Still Life’ (២០២២) ខ្ញុំបានទទួលយកគម្រោងនេះ ព្រោះខ្ញុំគិតថាវាជាការបង្ហាញខ្លួនចុងក្រោយរបស់ខ្ញុំជាមួយ BIGBANG សម្រាប់អ្នកគាំទ្រ និងសមាជិក។”

ចំណែកឯ ការត្រឡប់មកវិញរបស់ TOP នៅក្នុងនាមជាតារាសម្ដែងក្នុងរឿង Squid Game 2 ជាតួអង្គ Thanos វិញ លោកបាននិយាយថា វាជាការបង្ហាញខ្លួនដ៏គួរឲ្យភ័យខ្លាចមួយរបស់លោក គឺមានការលះបង់ខ្លាំងណាស់ សម្រាប់ការសម្ដែងតួអង្គមួយនេះ។

លោកបាននិយាយថា “ការស្នើរឲ្យលេងជាតួអង្គ Thanos គឺជាសំណើដ៏គួរឱ្យភ័យខ្លាចមួយ។ តួអង្គនេះបានឆ្លុះបញ្ចាំងពីអតីតកាលរបស់ខ្ញុំដោយឆ្លុះបញ្ចាំងពីទិដ្ឋភាពដែលខ្ញុំចង់លាក់បាំង។ ការភ័យខ្លាចក្នុងការគាស់កកាយ នៅក្នុងតួអង្គមួយនេះ បានធ្វើឱ្យខ្ញុំស្ទាក់ស្ទើរ។ ប៉ុន្តែវាសនាហាក់ដូចជាកំពុងទាញខ្ញុំទៅទិសដៅនេះ”។

ចំពោះគម្រោងនៅថ្ងៃអនាគតដែលជាគោលដៅចម្បងរបស់លោក គឺបង្កើតជីវិតដែលមានស្ថេរភាព និងមិនសូវទទួលបានការចាប់អារម្មណ៍។ “[…] ខ្ញុំ​ចង់​ឈាន​ដល់​ចំណុច​មួយ​ដែល​ខ្ញុំ​អាច​ក្រោក​ឡើង​ ដោយ​មិន​ត្រូវ​បាន​គេ​បំផ្ទុះ​ដោយ​ព័ត៌មាន​អវិជ្ជមាន និង​មាន​អារម្មណ៍​សុខសាន្ត​ថែម​ទៀត។”

ទន្ទឹមនឹងនេះផងដែរ អ្នកគាំទ្របានបង្ហាញការស្រឡាញ់ គាំទ្រទៅកាន់តារាប្រុសរូបនេះ បើទោះបីជាលោកមិនបានត្រឡប់មកក្នុងក្រុម Big Bang វិញក៏ដោយ ប៉ុន្ដែក្រោយពីបានស្ដាប់បទសម្ភាសន៍មួយនេះហើយ ធ្វើឲ្យអ្នកគាំទ្របានយល់ចិត្ត TOP កាន់តែច្បាស់ ហើយក៏ឈប់យល់ច្រឡំទៀតដែរ៕

The post TOP បកស្រាយគ្រប់ចម្ងល់ ខ្ទេចខ្ទីគ្មានសល់ ប្រាប់សារព័ត៌មាន appeared first on Kampuchea Thmey Daily.

បន្ទាប់បាត់មុខពីសិល្បៈរាប់ឆ្នាំ ជាមួយនឹងការឆ្លងកាត់រឿងរ៉ាវអាស្រូវរាប់មិនអស់ សមាជិកដែលនៅសល់ក្នុងក្រុម Big Bang គឺមាន៣នាក់ Taeyang, Daesung និង G-Dragon ដែលជាមេក្រុម។ ចំពោះការត្រឡប់មកវិញម្ដងនេះ លើឆាកធំ Big Bang បានច្រៀងចម្រៀងល្បីៗរបស់ខ្លួនកាលពីជំនាន់មុន ដូចជា Bang Bang Bang និង Fantastic Baby និងចម្រៀងចាស់ៗជាច្រើនបទទៀត។

ការសម្ដែងដ៏អស្ចារ្យរបស់សមាជិកទាំង៣នៃក្រុម Big Bang បានធ្វើឲ្យកក្រើកឆាកតន្ត្រី មិនតែប៉ុណ្ណោះ ក៏បានធ្វើឲ្យអ្នកគាំទ្ររំលឹកទៅដល់ការសម្ដែងលើឆាកតន្ត្រីរបស់ក្រុមនេះ កាលពីប៉ុន្មានឆ្នាំមុន ដែលមានសមាជិកទាំងអស់៥នាក់។ យ៉ាងណាមិញ គេក៏បាននឹកឃើញនូវតារា Kpop ជំនាន់មុនផងដែរ ដែលបច្ចុប្បន្នក្រុមជាច្រើនបានបាត់មុខពីសិល្បៈអស់ទៅហើយ។

យ៉ាងណាមិញ អ្វីដែលហ្វេននឹកជាងគេនោះគឺ TOP ដែលជាអតីតសមាជិកក្រុម Big Bang ដែលលោកបានចាកចេញពីក្រុម ដើម្បីហក់ចូលវិស័យសម្ដែងវិញ។ លើសពីនោះ អ្នកគាំទ្ររំភើបជាខ្លាំង នៅពេលបានឮសម្លេង TOP នៅក្នុងចម្រៀង ដោយសមាជិកក្រុម មិនបានដកសម្លេងរូបលោកចេញពីចម្រៀងនោះឡើយ។

ចំណែកឯ ការត្រឡប់មកវិញលើកនេះ របស់ Big Bang គឺជាជោគជ័យមួយដ៏ធំ ដោយសារតែអ្នកគាំទ្រនៅតែបង្ហាញការស្រឡាញ់គាំទ្រ និង នឹករលឹកទៅកាន់ពួកគេ ចាត់ទុកជា King Of Kpop ដ៏ដែល៕

The post Big Bang ឡើងអង្រួនលើឆាក ​MAMA សារជាថ្មីធ្វើឲ្យហ្វេននឹកដល់ Kpop ជំនាន់មុន appeared first on Kampuchea Thmey Daily.

ក្នុងអំឡុងពេលនៃការប្រកួតប្រជែងច្រៀងដែលមានប្រធានបទជុំវិញ ‘បទចម្រៀងស្នេហាលាក់កំបាំង’ រវាងកូរ៉េ និងជប៉ុន ពិធីករបានសាកសួរ Daesung អំពី Crush(មនុស្សលួចស្រលាញ់) លើកដំបូងរបស់គាត់។ រំលឹកឡើងវិញ តារាប្រុសរូបនេះបានបង្ហើបថា “កាលនៅសាលាបឋមសិក្សា ខ្ញុំបានស្រលាញ់ក្មេងស្រីម្នាក់ តាំងពីថ្នាក់ទីមួយដល់ថ្នាក់ទីបួន”។

ក្នុងនោះផងដែរ​ Daesung បានរៀបរាប់ថា “ខ្ញុំពិតជាចង់សារភាពពីអារម្មណ៍របស់ខ្ញុំទៅកាន់នាង” ។ ទោះយ៉ាងណាក៏ដោយ កាលៈទេសៈបានផ្លាស់ប្តូរនៅពេលដែលគាត់ប្រឈមមុខនឹងការផ្ទេរសាលា។ Daesung បានសារភាពថា “ខ្ញុំបានគិតអំពីការចាកចេញ បន្ទាប់ពីបង្ហាញអារម្មណ៍របស់ខ្ញុំ ទោះបីជាខ្ញុំដឹងថាវានឹងមិនដំណើរការក៏ដោយ”។

ក្រោយម​កទៀត ទើបរូបលោកដាច់ចិត្តសារភាព​ពី​ភាព​ក្លាហាន​របស់ខ្លួន ចំពោះ​ Crush របស់​គាត់​​មុន​ពេល​ផ្ទេរ​សាលាផ្សេង​ដោយ​និយាយ​ថា “ខ្ញុំ​ចូលចិត្ត​អ្នក”។

យ៉ាងណាក៏ដោយ ភាពខ្មាសអៀនដ៏លើសលប់ បានរារាំងគាត់មិនឲ្យឮការឆ្លើយតបរបស់នាង ហើយគាត់គ្រាន់តែផ្លាស់ទៅសាលាថ្មីរបស់គាត់។ មកដល់ពេលនេះមិនដឹងថារូបក្មេងស្រីនោះនៅចងចាំលោកទៀតឬអត់ទេ? ឬនាងក៏ស្រលាញ់តបមកវិញដែរ។ ប៉ុន្តែយ៉ាងណាក៏ដោយ នេះគ្រាន់តែស្នេហាវ័យក្មេង ដែលគួរចងចាំកាលពីកុមារភាពតែប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖Suzy សារភាពថា នាង​សប្បាយ​ចិត្ត​ពេល​ក្លាយ​ជា​តារា​សម្ដែង ជាង​តារា​ចម្រៀង

The post Daesung ទម្លាយអារម្មណ៍ពិត ធ្លាប់ខូច​ចិត្ត​ដោយសារតែស្នេហា កាលនៅរៀនបឋម appeared first on Kampuchea Thmey Daily.

តាម​ប្រភព​ជិត​ស្និទ្ធ​បាន​បញ្ចាក់ថា រូបលោកបានបញ្ចប់​ការ​ធានា​ការ​វិនិយោគរួច​រាល់អស់ហើយ​។ ចំណែកឯការបើកក្លឹបនឹង​ជាលើក​ទី​ពីរ​ជាមួយ​នឹង​ឧស្សាហកម្ម​នេះ ហើយពីមុនគាត់បានបើកក្លឹបមួយដែលមានឈ្មោះថា Burning Sun ធ្លាប់ជាប់ពាក់ព័ន្ធក្នុងសកម្មភាពខុសច្បាប់ ដូចជាពេស្យាចារ និងការប្រើប្រាស់គ្រឿងញៀន។

ជាក់ស្ដែងកាលពីកន្លង​មក ​អតីតសមាជិកក្រុម BIGBANG រូបនេះក៏ធ្លាប់​ត្រូវ​បាន​គេ​រាយការណ៍​ថា បាន​រៀប​ចំ​ខ្លួន​ដើម្បី​វិល​ត្រឡប់​មក​កាន់​មុខ​ជំនួញ​វិញ។ គាត់ត្រូវបានគេប្រទះឃើញដើរលេងជាមួយបុគ្គលល្បីៗក្នុងសង្គមជាមួយភាគីពាក់ព័ន្ធក្នុងទីក្រុងហុងកុង ដែលនាំឲ្យអ្នកលេងអ៊ីនធឺណិតនៅទីនោះស្មានថា គាត់នឹងបើកក្លឹបរាត្រីនៅទីនោះឆាប់ៗនេះ។

អ្នក​លេង​អ៊ីនធឺណិត​ម្នាក់​បាន​បញ្ចេញ​មតិ​ថា “គាត់​កំពុង​ទំនាក់ទំនង​ជាមួយ​ថៅកែ​អ្នក​លក់​គ្រឿង​ស្រវឹង និង​ក្លឹប​រាត្រី។ វា​ហាក់​ដូច​ជា​ទាក់​ទង​នឹង​អាជីវកម្ម ក្នុងនោះគេឃើញមាន​ស្ត្រី​ជា​ច្រើន​ដែល​វះកាត់​កែ​សម្ផស្ស និង​អ្នក​ជីក​មាស​ព្យាយាម​និយាយ​ជាមួយ​គាត់”។

ស្របពេលដែលមហាជនមានការភ្ញាក់ផ្អើលថា ដំណឹងនៃការបើកក្លឹបរបស់លោកនៅកម្ពុជា នឹងធ្វើឲ្យអ្នកគាំទ្រចាប់អារម្មណ៍មុនគេ ប៉ុន្តែក៏មិនមែនជារឿងថ្មីសម្រាប់ទីផ្សារនោះទេ។ កន្លង​មក​លោក​បាន​ទៅ​ចូលរួម​កម្មវិធី​ជួបជុំ​អ្នកគាំទ្រ​នៅ​ប្រទេស​កម្ពុជា ហើយថែមទាំងសន្យា​ថា ​នឹង​នាំ G-DRAGON មកជាមួយថែមទៀត​ផង ។

ឆ្លើយ​តប​នឹង​បញ្ហា​នេះ អ្នក​លេង​អ៊ីនធឺណិត​កូរ៉េ​មាន​ការ​ខឹង​សម្បារយ៉ាងខ្លាំង​ ហើយបញ្ចេញមតិដោយហ៊ានភ្នាល់ថា Seungri នឹងមានពិធីជប់លៀងគ្រឿងញៀននៅទីនោះផងដែរ។ ជាមួយគ្នានេះដែរអ្នកផ្សេងទៀតក៏មានការមិនពេញចិត្តនៅពេលឮដំណឹងថា តារាចម្រៀងសំបូររឿងអាស្រូវផ្លូវភេទរូបនេះថ្លើមធំ ហើយនៅមានគម្រោងបើកក្លឹបម្ដងទៀត ទាំងខ្លួនធ្លាប់ប្រព្រិត្តឹខុសលើមនុស្សស្រីជាច្រើន កាលនៅក្លឹប Burning Sun។

ទោះយ៉ាងណាក៏ដោយ ដំណឹងនៃការត្រៀមបើកក្លឹបកម្សាន្តក្នុងប្រទេសកម្ពុជា​ គ្រាន់តែជាការចុះផ្សាយពីសំណាក់សារព័ត៌មានល្បីៗប្រចាំប្រទេសកូរ៉េខាងត្បូងតែប៉ុណ្ណោះ។​ រឿងរ៉ាវជាក់ស្ដែងយ៉ាងណា​ ទស្សនិកមានតែរង់ចាំតាមដានបន្តថា​តើអតីតសមាជិកក្រុម BIGBANG រូបនេះ​​ នឹងបើកក្លឹបពិតមែន ឬគ្រាន់តែជាពាក្យចចាមអារ៉ាម។

សូមរលឹកដែរថា រឿងអាស្រូវ The Burning Sun គឺជារឿងដ៏ធំមួយដែលបានអង្រួនឧស្សាហកម្ម K-Pop ។ Whistle-blowers បានរាយការណ៍ពីសកម្មភាពខុសច្បាប់ រួមមានការសេពគ្រឿងញៀន ការថតវីដេអូខុសច្បាប់ និងការរំលោភផ្លូវភេទ ព្រមទាំងការជជែកជាក្រុមដ៏ល្បីដែលមាន Seungri និងមិត្តភក្តិតារាផ្សេងទៀត។ ការជជែកជាក្រុមបានចែករំលែកការថតដោយខុសច្បាប់នូវខ្លឹមសារអាសអាភាស និងជាមធ្យោបាយមួយសម្រាប់ Seungri ក្នុងការគ្រប់គ្រង និងសម្រួលដល់ពេស្យាចារ។ នៅឆ្នាំ ២០២០​ អតីតសមាជិកក្រុម BIGBANG រូបនេះ បានសារភាពកំហុសក្នុងការសម្របសម្រួលពេស្យាចារ ការថតភាពយន្តខុសច្បាប់ ការលេងល្បែងស៊ីសងជាទម្លាប់ និងអ្វីៗជាច្រើនទៀត។ គាត់​ត្រូវ​បាន​កាត់​ទោសឲ្យជាប់​គុក​មួយ​ឆ្នាំ​កន្លះតែប៉ុណ្ណោះ។ ក្រោយចេញពីពន្ធធនាគារ ទស្សនិកជនកូរ៉េបានបង្ហាញពីការមិនពេញចិត្តដែលជាប់ទោសស្រាលពេក ហើយពួកគេក៏មិនស្វាគមន៍ការវិលមកកាន់អាជីពកម្សាន្តមួយនេះទៀតដែរ៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រលែងចាត់ទុក Seungri ជា Idol ក្រោយ BBC ទម្លាយឃ្លិបហឹង្សាលើស្ត្រី កាលប៉ុន្មានឆ្នាំមុន

The post សារព័ត៌មានកូរ៉េផ្សាយព្រោងព្រាតថា Seungri ត្រៀមបេីកក្លឹបនៅ កម្ពុជា ខណៈ BBC ទើបទម្លាយឃ្លិបរឿងអាស្រូវ appeared first on Kampuchea Thmey Daily.

កាលពីពេលថ្មីៗនេះ រឿងអាស្រូវ Burning Sun ត្រូវបានផ្ទុះឡើងម្តងទៀត នៅពេលដែល BBC បានចេញផ្សាយភាពយន្តឯកសារមួយ។ អ្នកកាសែតស្រីកូរ៉េពីរនាក់បានលាតត្រដាងជាសាធារណៈនូវរឿងអាស្រូវផ្លូវភេទដ៏គួរឲ្យភ្ញាក់ផ្អើលកាលពីឆ្នាំមុន។ ឈុតឆាកដែលពាក់ព័ន្ធនឹងអតីតសមាជិកក្រុម BIGBANG បានក្លាយជាចំណុចសំខាន់នៃការរិះគន់។ នៅក្នុងវីដេអូដែលមានរយៈពេលជាង ១ម៉ោង ប្រព័ន្ធផ្សព្វផ្សាយអន្តរជាតិបានហៅពេលដែល Seungri បង្ហាញខ្លួននៅក្នុងពិធីជប់លៀងថាជាឈុតឆាកដ៏គួរឲ្យភ័យខ្លាចពីភាពយន្តឯកសារ។

តាមរយៈឃ្លិបមួយនោះបានបង្ហាញ Seungri ស្ទើរតែប៉ះពាល់រាងកាយស្ត្រីម្នាក់នៅឯពិធីជប់លៀងមួយត្រូវបានចេញផ្សាយដោយសារពត័មាន BBC។ ក្រោយមកលោកបាន​ស្រែក​ដាក់នាង និងចាប់​ដៃ​នាង​ម្តង​ហើយ​ម្តង​ទៀត ហើយ​អំពើ​ហិង្សា​បាន​បង្ក​ឲ្យ​មាន​កំហឹង​ជា​សាធារណៈ។ Seungri ថែមទាំងបានប្រើសម្ដីថាជាសមាជិក BIGBANG ដើម្បីបង្ហាញអាកប្បកិរិយាថោកទាប និងជេរអ្នកដទៃ។

ថ្វីបើនេះគ្រាន់តែជារូបភាពកាលពីអតីតកាលមែនពិត ក៏មហាជននៅតែខឹងសម្បារចំពោះរូបភាពអាក្រក់របស់បុគ្គលដែលធ្លាប់ជាសមាជិកល្បី។ រលកនៃការរិះគន់ បានផ្ទុះឡើងភ្លាមៗនៅលើវេទិកាសហគមន៍។ ចំណែកឯទំព័រហ្វេកប៊ុក Seungri ដ៏ធំដែលអសកម្មអស់រយៈពេលជាយូរ ស្រាប់តែត្រលប់មកវិញ។ ដូច្នោះហើយ Fanpage បានប្រកាសជាផ្លូវការថា ចាប់ផ្ដើមសម្អាតទំព័រ។ ការបង្ហោះនេះបានរីករាលដាលក្នុងចំណោមអ្នកគាំទ្រ Kpop ។ វាច្បាស់ណាស់ក្នុងការឃើញការខកចិត្ត និងការអាក់អន់ចិត្តរបស់អ្នកគាំទ្ររបស់ Seungri ចំពោះរូបភាពនៃភាពថោកទាបខាងសីលធម៌ដែលបង្កើតឡើងដោយ idol របស់ពួកគេ។

ប្រកាសដើមរបស់ Fanpage របស់ Seungriបានសរសេររ៉ាយរ៉ាប់ថា “ចាប់ពីឆ្នាំ ២០២៣ រហូតមកដល់ពេលនេះ ពួកយើងមិនទាន់បានបង្ហោះអ្វីថ្មីទៀតទេ ព្រោះគ្មានអ្វីត្រូវបង្ហោះ និងគ្មានអ្វីត្រូវចាត់ទុកអ្នកជា Idol ទៀតទេ។ ពេល​នោះ យើង​នៅ​តែ​រក្សា​ស្មារតី​គោលបំណង​ដើម្បី​មើល​ថា​តើ​អ្នក​ត្រូវ​បាន​គេ​ដាក់​ពាក្យ​ឬ​អត់ ប៉ុន្តែ​ពេល​ប្រកាស​សាលក្រម ពួកយើង​ក៏​ដក​ផ្ទាំង​ផ្សាយ​ចេញ​ដែរ។ សង្ឃឹម​ថា​អ្នក​មិន​បំពាន​ច្បាប់ ឬ​ធ្វើ​អ្វី​ដែល​គ្មាន​សីលធម៌​ទៀត​ទេ។! អរគុណ BBC ដែលបានអនុញ្ញាតិឲ្យរូបភាពនេះលេចចេញជាសាធារណៈ សូមអរគុណ V.I.P ladies ដែលបានរំលឹកទំព័រ ដើម្បីឲ្យពួកយើងចងចាំទំព័រដែលយើងមិនទាន់បានបិទ និងសុំទោសដែលអាយដលគ្រប់គ្នាធញលាប់ស្រលាញ់ធ្វើអំពើមិនគម្បីល់មនុសស្រី”។

យ៉ាងណាមិញ មកដល់បច្ចុប្បន្ននេះ ក្រុម BIGBANG មានសមាជិកតែ ៣ នាក់ប៉ុណ្ណោះ ហើយបានឈប់ទាក់ទងជាមួយ YG ទាំងស្រុង ទាំង G-Dragon, Daesung និង Taeyang ម្នាក់ៗសុទ្ធតែមានទិសដៅផ្ទាល់ខ្លួន និងក្រុមហ៊ុនថ្មីៗដើម្បីអភិវឌ្ឍអាជីពរបស់ពួកគេទៅថ្ងៃខាងមុខប៉ុណ្ណោះ។ សម្រាប់អ្នកគាំទ្រ BIGBANG ដរាបណាសមាជិកនៅតែសកម្ម ពួកគេនឹងបន្តរួមដំណើរ និងគាំទ្រជានិច្ច៕

អត្ថបទ៖ សាង ស្រីល័ក្ខ

ចុចអាន៖YoonA បញ្ចេញឈុតពណ៌ឈូក លើកកម្រាលព្រំក្រហម Cannes​ លើកទី៧៧

The post អ្នកគាំទ្រលែងចាត់ទុក Seungri ជា Idol ក្រោយ BBC ទម្លាយឃ្លិបហឹង្សាលើស្ត្រី កាលប៉ុន្មានឆ្នាំមុន appeared first on Kampuchea Thmey Daily.

ទោះយ៉ាងណាក៏ដោយ ការបង្ហាញខ្លួនលើក​នេះ​សមាជិក BIGBANG បាន​ទាក់​ទាញ​ប្រតិកម្ម​អវិជ្ជមាន​ពី​អ្នក​ទស្សនាជាច្រើន។ ជាពិសេសនៅក្នុង Narak Quiz Show, Daesung បានឆ្លើយសំណួរដ៏រសើប រាយបញ្ជីសិល្បករដែលរួមចំណែកតិចបំផុតដល់ភាពជោគជ័យរបស់ផលិតកម្ម YG Entertainment។

ក្នុងនោះផងដែរ Daesung បានជ្រើសរើសសិល្បករដូចជា៖ Teddy, JinuSean, BLACKPINK និង 2NE1 ។ Daesung បានជ្រើសរើសក្រុម 2NE1 ជាសិល្បករដែលរួមចំណែកតិចបំផុតដល់ YG ដែលធ្វើឲ្យមនុស្សជាច្រើនធ្វើការតវ៉ា។

Daesung ក៏បានបង្កភាពចម្រូងចម្រាសផងដែរ នៅពេលដែលត្រូវបានស្នើសុំឲ្យជ្រើសរើសសមាជិក ដែលអាចនឹងត្រូវដកចេញពីក្រុម 2NE1។ តារា​ប្រុស​រូប​នេះ​បាន​និយាយ​ថា “វា​ពិបាក​ពេក​សម្រាប់​ខ្ញុំ​ក្នុង​ការ​ជ្រើស​រើស​សមាជិក​ម្នាក់​ដែល​ត្រូវ​គេ​ដក​ចេញ​ពី​ក្រុម” ។ ប៉ុន្តែ​នៅ​ទី​បំផុត​គាត់​បាន​ជ្រើស​រើស Minzy។

យ៉ាងណាមិញ ចម្លើយរបស់ Daesung បានធ្វើឲ្យអ្នកលេងអ៊ីនធឺណិតកូរ៉េ រិះគន់គាត់ថាជាមនុស្សឈ្លើយ។ អាជីព​របស់​ក្រុម 2NE1 ត្រូវ​បាន​គេ​ទម្លាក់ បើ​ទោះ​ជា​ក្រុម​ទាំង​ពីរ​មាន​ទំនាក់​ទំនង​ជិត​ស្និទ្ធ​ក៏​ដោយ។ កាលពីពេលថ្មីៗនេះ ក្រុម 2NE1 បានជួបជុំគ្នាឡើងវិញកាលពីដើមឆ្នាំជាមួយសមាជិកទាំង ៤ ធ្វើឲ្យអ្នកគាំទ្រមានក្ដីរំភើបនិងស្រក់ទឹកភ្នែក។ ប៉ុន្តែជំនួសមកវិញ ការ​ដែល​សមាជិក BIGBANG លើក​ឡើង​ភ្លាម​ៗបែបនេះ បាន​ធ្វើ​ឲ្យអ្នក​គាំទ្រ​កាន់​តែ​ខក​ចិត្តចំពោះរូបលោកយ៉ាងខ្លាំង។

លើសពីនេះថែមទៀត អ្នក​លេង​អ៊ីនធឺណិត​កូរ៉េ​បានបញ្ចេញមតិថា ទាំង​កម្មវិធី​និង​ភ្ញៀវចូលរួម​គឺ​ជាមនុស្សឈ្លើយ​ និងគ្មានមានសុជីវធម៌នោះទេ។ ពួកគេមិនគួរនិយាយបែបនេះដោយមិននិយាយអំពី BIGBANG ខ្លួនឯងទេ។ ជាពិសេស​Daesung មិនគួរទាញរុម 2NE1 ចូលឡើយហើយថែមទាំងហ៊ានពោលប្រយោគមិនសមគួរថា​ Minzy សមនឹងត្រូវបានបណ្តេញចេញពីក្រុមថែមទៀត។ ការសម្ភាសន៍លើកនេះ បានបង្ហាញពីការខកចិត្តយ៉ាងធំធេងបំផុត មិនគួរឲ្យកើតឡើងលើក្រុមក្នុងផលិតកម្មនេះទេ៕

អត្ថបទ៖ សាង ស្រីល័ក្ខ

ចុចអាន៖ក្រោយ​មិន​បន្ត​កុងត្រា​ទោលជាមួយ YG សមាជិក BLACKPINK ម្នាក់ៗ សុទ្ធតែទទួលនូវឱកាសមាស

The post Daesung សមាជិក BIGBANG រងការរិះគន់ ក្រោយថា 2NE1 ជាក្រុមរួមចំណែកតិចបំផុត​ដល់ YG appeared first on Kampuchea Thmey Daily.

លើសពីនេះ តារាចម្រៀងកូរ៉េខាងត្បូងបានចូលរួមថតរូបជាមួយភ្ញៀវជាច្រើន ដោយក្នុងដៃមានកាន់ដំបងពន្លឺ BigBang និងរីករាយក្នុងបរិយាកាសជប់លៀងក្នុងបទចម្រៀង BigBang យ៉ាងឱឡារិក មិនត្រឹមតែប៉ុណ្ណោះ រូបលោកថែមទាំងទទួលការសាទរពីមនុស្សជាច្រើន រហូតធ្វើឲ្យប្រជាជនកូរ៉េមានហួសចិត្តនិងប្រតិកម្មយ៉ាងខ្លាំង។

បន្ទាប់ពីឃើញរូបថតនិងវីដេអូនេះ អ្នកលេងអ៊ីនធឺណិតកូរ៉េបានបញ្ចេញមតិយ៉ាងព្រោងព្រាតក្នុងន័យមិនពេញចិត្តវត្តមាន Seungri នៅក្រៅប្រទេសនោះទេ។ ក្នុងនោះទស្សនិកជនជាច្រើនជាច្រើនបានបញ្ចេញមតិខុសៗគ្នាថា ​”គាត់មិនទាន់បានរៀននូវមេរៀនថ្មីទេមើលទៅ ទើបហ៊ានចេញក្រៅប្រទេស ហើយបង្ហាញរូបភាពសប្បាយឥតក្រែងចិត្តជនរងគ្រោះទាល់តែសោះ”, សឹងមិនជឿថា គាត់ចូលរួមកម្មវិធីនេះនៅប្រទេសកម្ពុជាទាល់តែសោះ” “សូមកុំភ្លេចរឿងក្តី Burning Sun’, “G-Dragon ត្រូវប្តឹងដែល Mention ឈ្មោះគាត់, “ខ្ញុំពិតជារន្ធត់ចិត្តណាស់ គាត់នៅតែមានអ្នកគាំទ្រនៅក្នុងវីដេអូ”។

ទោះយ៉ាងណាក៏ដោយ មិនមែនមានតែទស្សនិកជននៅប្រទេសកូរ៉េនោះទេ ដែលប្រតិកម្មជាមួយ Seungri សូម្បីតែនៅប្រទេសកម្ពុជាឯណេសវិញ​​ ក៏មានមនុស្សមួយចំនួនហាក់មិនពេញចិត្ត និងមានការភ្ញាក់ផ្អើលយ៉ាងខ្លាំង ក្រោយសមាជិក​ BigBang នៅតែសប្បាយរីករាយគ្មានទុកព្រួយ ឬមានអារម្មណ៍ថាខុសឆ្គងសូម្បីតែបន្តិចណាឡើយ។

សូមរម្លឹកដែរថា កាលពីខែមករា ឆ្នាំ ២០២០​ Seungri ​ត្រូវបានតុលាការចោទប្រកាន់ចំនួន៩ករណី រួមទាំងអំពើពេស្យាចារ, ការចែកចាយរូបភាពអាសអាភាស, ការកេងបន្លំ និងការលេងល្បែងខុសច្បាប់ជាអន្តរជាតិ ហើយត្រូវបានសម្រេចជាប់ពន្ធនាគារ ៣ឆ្នាំ។ បន្ទាប់មកលោកបានដាក់ពាក្យបណ្តឹងឧទ្ធរណ៍ ហើយតុលាការយោធាជាន់ខ្ពស់ក៏សម្រាលទោសមកនៅត្រឹម រយៈពេល ១ ឆ្នាំ ៦ ខែ។ ប៉ុន្តែប្រជាជនកូរ៉េខាងត្បូងជាច្រើនបានចេញមុខប្រតិកម្មភ្លាមៗ ដោយ​មើលឃើញថា ការដាក់​ទណ្ឌកម្មដែលលោកទទួល​បាន​គឺ​ស្រាលពេក មិនសមនឹងកំហុសដែលខ្លួនប្រព្រឹត្តឡើយ៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រក្រុម BigBang ស្រងាកចិត្តខ្លាំង ក្រោយលេចមុខ Seungri មកកម្ពុជាស្ងាត់ៗ

The post មហាជនកូរ៉េហួសចិត្តខ្លាំង ក្រោយ Seungri បង្អួតរូបភាពជប់លៀងហៅឈ្មោះ G-Dragon ឲ្យមកកម្ពុជា appeared first on Kampuchea Thmey Daily.