អភិបាលរដ្ឋ Borno លោក Babagana Umara Zulum និងជាស្នងការព័ត៌មាន រដ្ឋ Usman Tar បាននិយាយកាល​ពីថ្ងៃចន្ទថា អ្នកប្រយុទ្ធមកពីក្រុម Boko Haram និង សាខា ISIL (ISIS) នៅក្នុងខេត្តអាហ្វ្រិកខាងលិច (ISWAP) ត្រូវ​បានសង្ស័យថាបានធ្វើការវាយប្រហារនេះ។

លោក Tar បាននិយាយថា ក្រុមនេះបានប្រមូលផ្តុំកសិកររាប់សិបនាក់នៅ Dumba នៅលើច្រាំងនៃបឹង Chad ហើយបានបាញ់សម្លាប់ពួកគេកាលពីល្ងាចថ្ងៃអាទិត្យ។

ស្នងការបាននិយាយថា៖«កសិករបានវង្វេងចេញពីដែនកំណត់សុវត្ថិភាពដែលកំណត់ដោយកងកម្លាំងប្រដាប់អាវុធសម្រាប់ការធ្វើកសិកម្ម និងការនេសាទនៅក្នុងតំបន់ដែលជាជម្រកពីអ្នកប្រយុទ្ធមកពីក្រុម ISWAP និង Boko Haram ដែលមានគ្រាប់មីន និងងាយទទួលរងការវាយប្រហារពេលយប់»។ លោកក៏បានអំពាវនាវឱ្យមានការស៊ើបអង្កេតលើការវាយប្រហារដោយកងកម្លាំងប្រដាប់អាវុធនេះផងដែរ។

បឹង Chad ដែលជាប់ប្រទេសនីហ្សេរីយ៉ា នីហ្សេរីយ៉ា កាមេរូន និងឆាដ បម្រើជាកន្លែងលាក់ខ្លួនសម្រាប់ក្រុមបូកូហារ៉ាម និង ISWAP ដែលប្រើវាជាមូលដ្ឋានដើម្បីបើកការវាយប្រហារ។

គួរបញ្ជាក់ថាក្រុម Boko Haram បាន​ចាប់​ផ្ដើមប្រើអាវុធ​ក្នុង​ឆ្នាំ ២០០៩ ដើម្បី​ប្រយុទ្ធ​ប្រឆាំង​នឹង​ការ​អប់រំ​លោក​ខាង​លិច និង​ដាក់​កំណែ​ទម្រង់​ច្បាប់​អ៊ីស្លាម​របស់​ពួកគេ។ យោងតាមអង្គការសហប្រជាជាតិ ជនស៊ីវិលប្រមាណ ៣៥,០០០នាក់ត្រូវបានសម្លាប់ និងជាងពីរលាននាក់ត្រូវបានផ្លាស់ទីលំនៅនៅក្នុងតំបន់ភាគឦសាន៕

អត្ថបទ៖ ប៊ុន សុភាព

The post ក្រុមប្រដាប់អាវុធសម្លាប់កសិករយ៉ាងហោចណាស់ ៤០នាក់នៅក្នុងរដ្ឋ Borno ប្រទេសនីហ្សេរីយ៉ា appeared first on Kampuchea Thmey Daily.

ក្រុមសកម្មប្រយុទ្ធខេត្តអាហ្រ្វិកខាងលិចរដ្ឋឥស្លាម (ISWAP) បាននិយាយនៅក្នុងខ្សែអាត់សំឡេងមួយដែលទទួលបានដោយ Reuters កាលពីថ្ងៃអាទិត្យថា លោក Abubakar Shekau បានស្លាប់ហើយ។

មេដឹកនាំក្រុមសកម្មប្រយុទ្ធឥស្លាមនីហ្សេរីយ៉ា Boko Haram រូបនេះ ត្រូវបានសម្លាប់នៅថ្ងៃទី ១៨ ខែឧសភា។

គាត់បានបំផ្ទុះគ្រាប់បែក បន្ទាប់ពីត្រូវបានដេញតាមដោយក្រុមអ្នកប្រយុទ្ធ ISWAP នៅក្នុងសមរភូមិ។

របាយការណ៍ចារកម្មរបស់នីហ្សេរីយ៉ា ដែលចែករំលែកដោយមន្រ្តីរដ្ឋាភិបាលនិងអ្នកស្រាវជ្រាវក្រុម Boko Haram ក៏បាននិយាយផងដែរថា លោក Shekau បានស្លាប់ហើយ។

ក្រុម Boko Haram ទទួលបានការចាប់អារម្មណ៍ទូទាំងពិភពលោក បន្ទាប់ពីការចាប់ពង្រត់ក្មេងស្រីសិស្សសាលាជាង២៧០នាក់ ពីទីក្រុង Chibok ដែលបង្កឲ្យមានយុទ្ធនាការជាសកលសម្រាប់ការដោះលែងពួកគេ ដែលត្រូវបានគេហៅថា #BringBackOurGirls។

ក្មេងស្រី Chibok ប្រហែល ១០០ នាក់នៅតែបាត់ខ្លួន ហើយខ្លះទៀតត្រូវគេគិតថាបានស្លាប់។

លោក Shekau បានដឹកនាំក្រុម Boko Haram បំបែកចេញពីនិកាយឥស្លាមក្នុងឆ្នាំ ២០០៩ ទៅជាក្រុមបះបោរពេញលេញ ដោយបានបើកយុទ្ធនាការសម្លាប់ ចាប់ពង្រត់និងការលួចប្លន់តាមផ្លូវនៅភាគឦសានប្រទេសនីហ្សេរីយ៉ា។

ក្រុមនេះបានសម្លាប់មនុស្សជាង ៣០,០០០ នាក់ ហើយបង្ខំមនុស្សប្រមាណ ២ លាននាក់ ឲ្យ ភៀសខ្លួនចេញពីផ្ទះសម្បែងនិងបានបង្កើតនូវវិបត្តិមនុស្សធម៌ដ៏អាក្រក់បំផុតមួយរបស់ពិភពលោក៕

ប្រែសម្រួល៖ Vann Vann

ប្រភព៖ Mirror

ចុចអាន៖ រកឃើញក្រុមនៅពីក្រោយការចាប់ជម្រិតក្មេងសិស្សសាលានីហ្សេរីយ៉ាជាង៣០០នាក់

The post សម្លាប់មនុស្សមិនញញើតដៃ ទីបំផុត មេក្រុម Boko Haram ត្រូវស្លាប់ដោយស្នាដៃខ្លួនឯង appeared first on Kampuchea Thmey Daily.

ចំនួនសិស្សដែលបាត់ខ្លួននៅតែមិនទាន់ច្បាស់។ អ្នកនាំពាក្យយោធាលោកឧត្តមសេនីយ៍ John Enenche បានប្រាប់ប៉ុស្តិ៍ Channels កាលពីថ្ងៃអង្គារថា សិស្សចំនួន៣៣៣នាក់បានបាត់ខ្លួនបន្ទាប់ពីខ្មាន់កាំភ្លើងប្រដាប់ដោយអាវុធបានវាយឆ្មក់ចូលអនុវិទ្យាល័យវិទ្យាសាស្ត្ររដ្ឋាភិបាលនៅក្នុងទីក្រុង Kankara។

បុរសនៅក្នុងសារជាសំឡេងកាលពីថ្ងៃអង្គារបាននិយាយថា “ខ្ញុំគឺ Abubakar Shekau ហើយបងប្អូនរបស់យើងនៅពីក្រោយការចាប់ពង្រត់ក្នុងរដ្ឋ Katsina។

ទោះបីជាយ៉ាងណាក៏ដោយ បុរសរូបនេះមិនបានផ្តល់ភ័ស្តុតាងណាមួយសម្រាប់ការអះអាងនោះទេ។ ក៏មិនមានវីដេអូណាមួយត្រូវបានបង្ហាញពីក្មេងប្រុសដែលបាត់ខ្លួនទាំងនោះដែរ។

ក្រុម Boko Haram និងបក្សពួករបស់ខ្លួន Islamic State in West Africa Province (ISWAP) បានធ្វើយុទ្ធនាការប្រដាប់អាវុធយ៉ាងសាហាវរយៈពេលជាច្រើនឆ្នាំនៅភាគឦសាននៃប្រទេសនិងនៅប្រទេសជិតខាងដូចជាកាមេរូន ឆាដនិងនីហ្សេរីយ៉ា។

ក្នុងឆ្នាំ២០១៤ ក្រុម Boko Haram បានចាប់ពង្រត់ក្មេងស្រីសិស្សសាលារាប់រយនាក់នៅក្នុងទីក្រុង Chibok៕

ប្រែសម្រួលដោយ៖ Vann Vann

ប្រភព៖ Al Jazeera

The post រកឃើញក្រុមនៅពីក្រោយការចាប់ជម្រិតក្មេងសិស្សសាលានីហ្សេរីយ៉ាជាង៣០០នាក់ appeared first on Kampuchea Thmey Daily.