យោងតាមមន្ទីរពេទ្យ Suga ត្រូវបានបំផុសគំនិតផ្តល់ឲ្យ បន្ទាប់ពីការពិភាក្សាជាមួយសាស្រ្តាចារ្យ Chun Geun-ah នៃនាយកដ្ឋានចិត្តសាស្ត្រ ជាកន្លែងដែលពួកគេបាននិយាយអំពីតម្រូវការបន្ទាន់សម្រាប់ហេដ្ឋារចនាសម្ព័ន្ធសុខភាពផ្លូវចិត្តដែលសមស្របសម្រាប់កុមារដែលមានជំងឺអូទីស្សឹម។

ទោះយ៉ាងណាក៏ដោយ មិនមែនគ្រប់គ្នាមើលឃើញការបរិច្ចាគនេះក្នុងពន្លឺវិជ្ជមានសុទ្ធសាធនោះទេ។ អ្នករិះគន់បានអះអាងថា វាអាចជាការប៉ុនប៉ងដើម្បីស្តារមុខមាត់របស់គាត់ឡើងវិញ បន្ទាប់ពីឧប្បត្តិហេតុបើកបរក្នុងស្ថានភាពស្រវឹង អំឡុងពេលបំពេញមុខងារយោធាក្នុងឆ្នាំ ២០២៣។ នៅពេលនោះ Suga ត្រូវបានគេរកឃើញថា កំពុងបើកម៉ូតូអេឡិចត្រិច ខណៈពេលស្រវឹងជោគជាំក្នុងកម្រោតនៃជាតិអាល់កុលក្នុងឈាម ០.២២៧% លើសពីដែនកំណត់ច្បាប់។

ទោះបីជា លោកបានសុំទោសជាសាធារណៈ ដោយអះអាងថាគាត់បានផឹកស្រាបៀរមួយប៉ុណ្ណោះ ប៉ុន្តែផ្អែកតាមការស៊ើបអង្កេតរបស់ប៉ូលិស ក្រោយមកបានបង្ហាញឲ្យឃើញថា នេះគឺជាការមិនពិត ដែលធ្វើឲ្យមានការចោទប្រកាន់ពីការលាក់បាំង។ អ្នក​គាំទ្រ​មួយ​ចំនួន​ថែម​ទាំង​បាន​អំពាវនាវ​ឲ្យដក​គាត់​ចេញ​ពី​ក្រុម BTS នៅ​ពេល​នោះថែមទៀតផង។

ប្រតិកម្មតាមអ៊ីនធឺណិតបានរិះគន់ថា ការបរិច្ចាគនេះថាជា យុទ្ធសាស្ត្រប្រោសកេរ្តិ៍ឈ្មោះ ដោយព្រមានថា វាអាចផ្ញើសារខុសទៅកាន់អ្នកគាំទ្រវ័យក្មេងថា ទ្រព្យសម្បត្តិអាចលុបបំបាត់អំពើខុសឆ្គង។ មតិយោបល់ផ្សេងៗបាននិយាយថា មាន អ្នកមិនអាចទិញការអភ័យទោស ការបរិច្ចាគមិនលុបកំណត់ត្រាព្រហ្មទណ្ឌទេ។

នៅផ្នែកម្ខាងវិញ អ្នកលេងអ៊ីនធឺណិត និងអ្នកគាំទ្រជាច្រើនបានការពារ Suga ដោយសរសើរពីឥទ្ធិពលនៃកាយវិការរបស់គាត់ថា ៥លានវ៉ុនមិនមែនជាចំនួនតិចតួចទេ។ ពួកយើងគួរតែនៅតែទទួលស្គាល់ទង្វើល្អ និងធ្វើឲ្យមានភាពខុសគ្នាពិតប្រាកដសម្រាប់អ្នកដែលត្រូវការ។

ថ្មីៗនេះ Suga បានបញ្ចប់សេវាកម្មជំនួសយោធារបស់គាត់នៅថ្ងៃទី ២១ ខែមិថុនា បន្ទាប់ពីប្រើថ្ងៃឈប់សំរាកដែលនៅសល់របស់គាត់ដែលចាប់ផ្តើមពីថ្ងៃទី ១៨ ។ ជាមួយនឹងសមាជិកទាំងប្រាំពីរនាក់ឥឡូវនេះបានចាកចេញពីជួរយោធា ហើយការរំពឹងទុកកំពុងបង្កើតសម្រាប់ការត្រលប់មកវិញរបស់ក្រុម BTS ពេញលេញនៅចុងឆ្នាំនេះ៕

អត្ថបទ៖ សាង ស្រីល័ក្ខ

ចុចអាន៖ទោះត្រូវអ្នកគាំទ្រវាយប្រហារលើឆាកនៅវៀតណាម G-Dragon មិនខ្វល់បែរច្រៀងយ៉ាងរំភើយ

The post ផ្ទុះការវែកញែក ក្រោយ Suga បរិច្ចាគប្រាក់ជួយដល់កុមារ រងជំងឺអូទីស្សឹម  appeared first on Kampuchea Thmey Daily.

នៅក្នុងអត្ថបទមួយរបស់អ្នកកាសែតលោក Jeff Benjamin ដែលជាអ្នកសរសេរអត្ថបទពេញពិភពលោកសម្រាប់ Billboard, Rolling Stone, The New York Times, និង Variety ទស្សនាវដ្តី Forbes បានសរសើរពីឥទ្ធិពលដែលមិនប្រែប្រួលរបស់ V ក្នុងអំឡុងពេលចូលបម្រើការងាររយៈពេល ១៨ ខែរបស់គាត់។

យោងតាមរបាយការណ៍ បើទោះបីជានៅឆ្ងាយពីភ្នែកសាធារណៈក៏ដោយ ក៏តារាចម្រៀងប្រុសវ័យ២៩ឆ្នាំរូបនេះ នៅតែបន្តគ្របដណ្តប់លើតារាងតន្ត្រីពិភពលោក បញ្ចេញមាតិកាថ្មី សហការជាមួយសិល្បករផ្សេងទៀត និងរួមចំណែកក្នុងបុព្វហេតុសង្គម។

ជាងនេះទៅទៀត ទស្សនាវដ្ដី Forbes បានសង្កត់ធ្ងន់ថា «តារាចម្រៀង V មិនដែលសាបសូន្យឡើយ សូម្បីតែនៅក្នុងជួរយោធា គាត់នៅតែមានឥទ្ធិពល និងច្នៃប្រឌិតដូចសព្វដង» ។

ក្នុងចំណោមសមិទ្ធិផលទាំង ២០ ដែលបានគូសបញ្ជាក់មានដូចជា៖

អាល់ប៊ុមទោល «Layover» ជាប់ចំណាត់ថ្នាក់ជាសិល្បករទោលដែលមានចំណាត់ថ្នាក់ខ្ពស់បំផុត នៅលើតារាង Oricon របស់ប្រទេសជប៉ុន ត្រឹមតែប៉ុន្មានថ្ងៃបន្ទាប់ពីគាត់បានចុះឈ្មោះនៅចុងឆ្នាំ ២០២៣ ។

ការសហការជាមួយ UMI “Wherever U R” (ចេញផ្សាយថ្ងៃទី ៣០ ខែធ្នូ) ដែលត្រូវបានដាក់នៅលើ Billboard’s R&B/Hip-Hop Digital Song Sales និង Hot R&B Songs ។

គាត់បានឈ្នះពានរង្វាន់ចំនួនពីរនៅក្នុងកម្មវិធី Seoul Music Awards: Main Award និង Fan Choice of the Year ។

បង្ហាញ​ខ្លួន​ក្នុង​វីដេអូ​ចម្រៀង​ល្បី​របស់តារាចម្រៀង IU “Love Wins All” ដែល​ទទួល​បាន​ការ​សាទរ​ជា​សកល និង​បង្ហាញ​ពី​ភាព​ប៉ិនប្រសប់​ក្នុង​ការ​សម្ដែង។

បានឈ្នះពានរង្វាន់ Male Idol Variety Star Awards នៅកម្មវិធី Korea Brand Awards ឆ្នាំ ២០២៤ សម្រាប់កម្មវិធីដូចជា “In the Soop” និង “Jinny’s Kitchen” ។

បានចេញផ្សាយបទចម្រៀង “FRI(END)S” តែមួយនៅក្នុងខែមីនា ឆ្នាំ ២០២៤ ដែលបានជាប់ចំណាត់ថ្នាក់នៅលើតារាង Billboard Hot 100 និងឈានដល់លេខ ១៣ នៅលើតារាងផ្លូវការរបស់ចក្រភពអង់គ្លេស។

បានឈ្នះ Favorite Debut Album នៅ iHeartRadio Music Awards សម្រាប់បទ Layover ។

បានបោះពុម្ភសៀវភៅរូបថតដែលរៀបចំដោយខ្លួនឯងដែលមានចំណងជើងថា “TYPE 1” ដែលគាត់បានដឹកនាំ និងផលិតយ៉ាងពេញលេញ។

ទទួលបាន TMA Hat Trick-ឈ្នះនៅ Fact Music Awards បីឆ្នាំជាប់ៗគ្នា៖ 2023, 2024, និង 2025។
បានឈ្នះ “និន្នាការនៃឆ្នាំ – សិល្បករទោល” នៅកម្មវិធី Korea Grand Music Awards ហើយត្រូវបានចុះបញ្ជីនៅក្នុង MAMA’s Fan’s Choice Male Top 10 ។

សមិទ្ធិផលបន្ថែមរួមមានការសហការជាមួយ Park Hyo-shin និង Bing Crosby ។ បទចម្រៀងរបស់គាត់ជាមួយ Park “Winter Ahead” បានចូលក្នុង Billboard Hot 100 ខណៈពេលដែលការសហការថ្ងៃបុណ្យរបស់គាត់ “White Christmas” ជាមួយ Crosby បានឈរនៅលើតារាង Holiday Digital Song Sales Chart ។

ជាចុងក្រោយ លោកបានធ្វើឲ្យទស្សនិកហាក់ភ្ញាក់ផ្អើលជាខ្លាំង សម្រាប់បុគ្គលសប្បុរសជនក្នុងប្រទេស ដោយបានបរិច្ចាគ ២០០ លានវ៉ុន (ប្រហែល១៤៥,៧០០ ដុល្លារ) ដើម្បីជួយដល់កិច្ចខិតខំប្រឹងប្រែងសង្គ្រោះភ្លើងឆេះព្រៃនៅក្នុងប្រទេសកូរ៉េ ដែលនោះបង្ហាញឲ្យឃើញពីឥទ្ធិពលវិជ្ជមានរបស់គាត់ ទាំងក្នុងនាមអ្នកសិល្បៈ និងប្រជាពលរដ្ឋធម្មតាម្នាក់។ សូម្បី​តែ​ពេល​បម្រើ​ប្រទេស​ ក៏តារាប្រុសនៅតែបន្ត​ជំរុញ​ចិត្ត​អ្នក​គាំទ្រ​ទូទាំង​ពិភពលោក​ជាមួយ​នឹង​សិល្បៈ ភាព​សប្បុរស និង​ការ​លះបង់​មិន​ចេះ​ងាក​ក្រោយ៕

អត្ថបទ៖ សាង ស្រីល័ក្ខ

ចុចអាន៖រឿងអាស្រូវគ្រឿងញៀន Yoo Ah-in រសាត់បន្តិចម្តងៗ ព្រោះភាពយន្ត ២ ទទួលជោគជ័យយ៉ាងត្រចះត្រចង់

The post ទស្សនាវដ្ដី Forbes រំលេចសមិទ្ធិផលរបស់ V ក្រុម BTS ចំនួន ២០ ពេលបំពេញកាព្វកិច្ចយោធា appeared first on Kampuchea Thmey Daily.

ទីក្រុង Chuncheon ក៏មានគោលបំណងទាញយកឥទ្ធិពលលើតារាប្រុស V ព្រមទាំងអភិវឌ្ឍទីផ្សារប្រពៃណីនៅ Onui-dong, Chuncheon, ខេត្ត Gangwon ទៅជាកន្លែងសម្គាល់មួយដើម្បីទាកទាញអ្នកទេសចរណ៍។

យ៉ាងណា បន្ទាប់ពី V បានចុះឈ្មោះក្នុងខែធ្នូ ឆ្នាំ ២០២៣ ហើយកំពុងបម្រើការនៅក្នុងកងទាហានទី២ នៅ Chuncheon បានធ្វើបច្ចុប្បន្នភាព ជាមួយអ្នកគាំទ្រអំពីកន្លែងលាក់ខ្លួនរបស់គាត់នៅលើ Instagram កាលពីថ្ងៃទី ២៣ ខែកុម្ភៈ។

អ្នកគាំទ្របានប៉ាន់ស្មានភ្លាមៗអំពីទីតាំងនៃរូបថតរបស់ Taehyung ហើយបញ្ជាក់ថា គាត់បានអង្គុយនៅលើកៅអីមួយក្នុងផ្សារ Chuncheon Pungmul ដែលមានទីតាំងនៅក្រោមស្ពានរថភ្លើងនៃខ្សែ Gyeongchun Line ។ នៅពីលើកៅអី អត្ថបទដកស្រង់ចេញពី Camellia Blossoms ដែលជាប្រលោមលោករបស់អ្នកនិពន្ធជនជាតិដើម Chuncheon Kim Yu-jeong ក៏បានឆ្លាក់លើនោះដែរ។

បន្ទាប់​ពី​កំណត់​ទីតាំង​បាន អ្នក​គាំទ្រ​បាន​បង្ហាញ​បំណង​ចង់​ទៅ​លេង​ទីផ្សារ​ក្នុង​សហគមន៍​អនឡាញ។ អ្នក​គាំទ្រ​ម្នាក់​បាន​បញ្ចេញ​មតិ​ថា ខ្ញុំ​នឹង​កត់​ចំណាំ​វា ហើយ​ទៅ​លេង​ផ្សារ​នៅ​ពេល​ខ្ញុំ​ទៅ Chuncheon។

ភ្លាមៗនោះដែរ ដោយយោងតាមសារព័ត៌មាន Chosun Daily ទីក្រុង Chuncheon បានប្រកាសផែនការអភិវឌ្ឍទីផ្សារទៅជាកន្លែងទាក់ទាញក្នុងស្រុកដ៏សំខាន់មួយ បន្ទាប់ពីមានការចាប់អារម្មណ៍កាន់តែខ្លាំងឡើងពីដំណើរទស្សនកិច្ចរបស់ V ។

ដោយត្រូវបានជ្រើសរើសសម្រាប់គម្រោងអភិវឌ្ឍន៍ទីផ្សារពិសេសដោយក្រសួង SMEs និង Startups ទីក្រុងគ្រោងនឹងវិនិយោគ ១ ពាន់លានវ៉ុន (ប្រហែល ៦៨៥,០០ដុល្លារ) នៅឆ្នាំក្រោយដើម្បីបង្កើនការទាក់ទាញរបស់ទីផ្សារជាគោលដៅទេសចរណ៍។

ផ្សារ Chuncheon Pungmul គឺជាទីផ្សារប្រពៃណីរយៈពេល៥ ថ្ងៃដែលលាតសន្ធឹងប្រហែល ៥០០ ម៉ែត្រនៅក្រោមផ្លូវរថភ្លើង Gyeongchun Line ។ វាមានទីតាំងស្ថិតនៅយ៉ាងងាយស្រួលដោយគ្រាន់តែដើររយៈពេលប្រាំនាទីពីស្ថានីយ៍ Namchuncheon ចំណតឡានក្រុង Chuncheon intercity bus និងចំណតរថយន្តក្រុងរហ័ស ដែលធ្វើឲ្យ០វាអាចចូលទៅដល់បានយ៉ាងងាយស្រួលសម្រាប់ទាំងអ្នកស្រុក និងអ្នកទេសចរដែលធ្វើដំណើរដោយរថភ្លើង ឬឡានក្រុង។

ខុសពីផ្សារប្រពៃណីភាគច្រើន Chuncheon ហ៊ុំព័ទ្ធដោយអគារខ្ពស់ៗ បង្កើតបរិយាកាសប្លែក និងទាក់ទាញ។ នៅថ្ងៃទីផ្សារ វាពោរពេញទៅដោយតូបលក់ទំនិញជាច្រើនមុខ ដែលលក់ផលិតផលស្រស់ៗ គ្រឿងសមុទ្រ អាហារសម្រន់ និងទំនិញផ្សេងៗជាច្រើនទៀត៕

អត្ថបទ៖ សាង ស្រីល័ក្ខ

ចុចអាន៖ទើបរងការរិះគន់​ពេល​ថត​កម្មវិធីមួយ Zhao Lusi បង្ហោះរូបបន្ថែម រងមតិថាកែ​សម្ផស្ស

The post ផ្សារមួយនៅកូរ៉េ គ្រោងទាញឥទ្ធិពលពី V ក្រោយតារាប្រុសទៅទស្សនាមិនបានប៉ុន្មាន appeared first on Kampuchea Thmey Daily.

ឪពុកម្តាយរបស់ Kim រស់នៅក្នុង Namwon ហើយគាត់ត្រូវបានគេរាយការណ៍ថាបានមកលេងផ្ទះល្វែងរបស់កូននៅពេលនោះ។ ប៉ុន្តែយ៉ាងណា ប៉ូលិសសង្ស័យថា Kim បានសម្លាប់ខ្លួន ហើយកំពុងស៊ើបអង្កេតព័ត៌មានលម្អិតនៃឧប្បត្តិហេតុនេះ ដោយសាកសួរអ្នកជិតស្និទ្ធនឹងគាត់។

មិត្តភ័ក្តិ និង​អ្នក​ស្គាល់​គ្នា​បាន​ប្រតិកម្ម​ដោយ​ការ​តក់ស្លុត ដោយ​បាន​បញ្ចេញ​មតិថាពួកគេមិន​អាច​ជឿ​​បានហើយក៏មិនមែនជារឿងនេះ​មិន​សម​ហេតុផលឡើយ។ ចំណែកអ្នក​ផ្សេង​ទៀត​បាន​ចូល​គោរព​វិញ្ញាណក្ខន្ធ​ដោយ​សរសេរ​ថា សូម​សម្រាក​ដោយ​សេចក្ដី​សុខ។

Kim Rieul ទទួលបានការទទួលស្គាល់នៅឆ្នាំ ២០១៦ នៅពេលដែលគាត់បានបើកដំណើរការម៉ាក Rieul របស់គាត់ដែលធ្វើទំនើបកម្ម hanbok ដោយប្រើក្រណាត់បុរាណ។ គាត់បានសហការជាមួយម៉ាកល្បីៗទូទាំងពិភពលោកដូចជា New Balance, McLaren និង Samsung Galaxy S21 ក៏ដូចជាជាមួយស្ថាប័នរដ្ឋាភិបាលដូចជា រដ្ឋបាលបេតិកភណ្ឌវប្បធម៌ជាដើម។

គាត់ទទួលបានភាពល្បីល្បាញជាអន្តរជាតិក្នុងខែកញ្ញា ឆ្នាំ ២០២០ នៅពេលដែល BTS ពាក់ម៉ូដ Hanbok របស់គាត់ក្នុងអំឡុងពេលការសម្តែងរបស់ក្រុមតន្រ្តី IDOL នៅទីធ្លា Geunjeongjeon របស់ Gyeongbok Palace នៅលើកម្មវិធី The Tonight Show Starring Jimmy Fallon របស់ NBC ។ វីដេអូ​សម្តែង​នេះ​ទទួល​បាន​ការ​ចូល​មើល​រាប់​សិប​លាន​ដង​នៅ​លើ YouTube ដែល​ទាក់ទាញ​ការ​ចាប់​អារម្មណ៍​ទូទាំង​ពិភពលោក​ចំពោះ​ការងារ​របស់ Kim។

ដោយមានការទទួលស្គាល់ចំពោះការច្នៃប្រឌិត និងឥទ្ធិពលរបស់គាត់ លោក Kim ត្រូវបានគេដាក់ឈ្មោះថា Forbes 30 Under 30 Asia ក្នុងឆ្នាំ ២០២៣។ ក្នុងខែវិច្ឆិកា ឆ្នាំដដែល គាត់ក៏បាននិយាយនៅក្នុងវេទិកាមួយដោយនិយាយថា «ខ្ញុំចង់ឲ្យមនុស្សនិយាយដោយទំនុកចិត្តថា Rieul នៅពេលត្រូវបានសួរអំពីម៉ាកល្បីៗរបស់ប្រទេសកូរ៉េ។ ទស្សនៈរបស់ខ្ញុំគឺបង្ហាញគំនិតរបស់ខ្ញុំតាមវិធីផ្ទាល់ខ្លួនរបស់ខ្ញុំ។ ខ្ញុំ​សង្ឃឹម​ថា Rieul ក្លាយ​ជា​ម៉ាក​យីហោ​សម្រាប់​អ្នក​ដែល​បង្ហាញ​ខ្លួន​ឯង ហើយ​ត្រូវ​បាន​គេ​ទទួល​ស្គាល់​ថា​ជា​ម៉ាក​យីហោ​កូរ៉េ​ប្រណីត»៕

អត្ថបទ៖ សាង ស្រីល័ក្ខ

ចុចអាន៖វិលមកទឹកដីកំណើតវិញ តួឯករឿង «CEO រូបសង្ហា ប៉ះកញ្ញារួសរាយ» ប្រើឈើច្រត់​ទប់ខ្លួនដែលរបួស

The post អ្នករចនាម៉ូដឲ្យក្រុម BTS ទទួលមរណភាពនៅអាយុ ៣២ ឆ្នាំ appeared first on Kampuchea Thmey Daily.

ការពិភាក្សា បានចាប់ផ្តើមនៅក្នុងវេទិកាពិភាក្សាអនឡាញដ៏ពេញនិយមមួយ Instiz ជាកន្លែងដែលអ្នកគាំទ្រម្នាក់បានចែករំលែកគំនិតរបស់ពួកគេថា J-Hope ស្លៀកសំលៀកបំពាក់ដែលពិបាក និងមើលទៅប្លែករបស់ Louis Vuitton ល្អជាងអ្នកដទៃ ។ អ្នកលេងអ៊ីនធឺណិតរូបនេះបានចែករំលែករូបថតជាច្រើនសន្លឹករបស់ LV ដែលស្លៀកដោយ តារាប្រុសជាជាភស្តុតាងថែមទៀតផង។

អ្វីដែលគួរឲ្យចាប់អារម្មណ៍នោះ សូម្បីតែអ្នកលេងអ៊ីនធឺណេតកូរ៉េ ដែលជាធម្មតាមិនចូលចិត្តស្ទីលរបស់ LV ក៏ចូលទៅសរសើរពីអារម្មណ៍ម៉ូដរបស់ J-Hope ដែរ។ ពួកគេបានសរសើរពីភាពប្លែកនិងខុសៗគ្នាថា សមាជិកក្រុម BTS​ ​មានស្ទាយស្លៀកពាក់​ល្អ​ជាង​អ្នក​ដទៃ។ ប៉ុន្តែ វាពិតជាសក្តិសមនឹងគាត់ណាស់។

មិនតែប៉ុណ្ណោះ J-Hope មានរាងរៅសមនឹងយីហោបរទេសមួយនេះដែលនោះធ្វើឲ្យ LV ហាក់ពេញចិត្តនិងស្រលាញ់លោកយ៉ាងខ្លាំង។ ក្នុងពេលជាមួយគ្នានោះ អ្នកខ្លះបានលើកឡើងថាពួកគេមិនចូលចិត្តយីហោ LV ប៉ុន្តែ J-Hope ធ្វើឲ្យការរចនារបស់ពួកគេមើលទៅមិនគួរឲ្យជឿ ។ នេះជាមូលហេតុដែល LV ស្រឡាញ់ J-Hope គាត់ធ្វើឲ្យសម្លៀកបំពាក់របស់ពួកគេមើលទៅអស្ចារ្យ៕

អត្ថបទ៖ សាង ស្រីល័ក្ខ

ចុចអាន៖ផលិតករភាពយន្ត ថា វិបត្តិច្បាប់អាជ្ញាសឹកបានបំផ្លាញកេរ្តិ៍ឈ្មោះប្រទេសកូរ៉េខាងត្បូង

The post អ្នកគាំទ្រជាច្រើនទម្លាយការពិតខ្លះៗ ដែលយីហោ LV ស្រឡាញ់ J-Hope ខ្លាំងបំផុត appeared first on Kampuchea Thmey Daily.

កាលពីថ្ងៃទី ១៥ ខែមករា តុលាការស្រុក Incheon បានកាត់ទោសស្រ្តីម្នាក់ឈ្មោះ Park ឲ្យជាប់ពន្ធនាគាររយៈពេល ២ឆ្នាំ ជាមួយនឹងការព្យួរទោសរយៈពេល ៣ ឆ្នាំ និងបង្គាប់ឲ្យគាត់បង់ប្រាក់ពិន័យចំនួន ២០០លានវ៉ុន (ប្រហែល ១៣៧,០០០ដុល្លារអាមេរិក)។

ប្រធានចៅក្រម Kim Saet Byeol បានសង្កត់ធ្ងន់លើភាពធ្ងន់ធ្ងរនៃឧក្រិដ្ឋកម្មបរិហារកេរ្តិ៍ដោយបញ្ជាក់ថា​ ​ការ​បរិហារកេរ្តិ៍​បង្ក​ឲ្យមាន​គ្រោះថ្នាក់​មិន​អាច​ប៉ះប៉ូវ​បាន​ដល់​ជន​រង​គ្រោះ ហើយ​ត្រូវ​តែ​ដោះស្រាយ​យ៉ាងសុក្រិតបំផុត។

តុលាការបានកត់សម្គាល់ទៀតថា Park បានបង្ហោះវីដេអូបង្ខូចកេរ្តិ៍ឈ្មោះ និងបង្កហេតុម្តងហើយម្តងទៀត ដែលផ្តោតលើតារាល្បីៗ ដោយទទួលបានប្រាក់ចំណេញយ៉ាងច្រើននៅក្នុងដំណើរការនេះ។ ប៉ុន្តែកត្តាកាត់បន្ថយរួមមានការទទួលស្គាល់កំហុសជាយថាហេតុរបស់ Park កិច្ចខិតខំប្រឹងប្រែងរបស់គាត់ក្នុងការឆ្លុះបញ្ចាំងពីសកម្មភាព និងការសងប្រាក់វិញដល់ជនរងគ្រោះ។ រហូតមកដល់ពេលនេះនាងបានដាក់ប្រាក់សំណងចំនួន ៦០លានវ៉ុន រួមទាំង ២០ លានវ៉ុនទៅ Jang Wonyoung ។

ទោះជាយ៉ាងណាក៏ដោយ ​ចាប់ពីខែតុលា ឆ្នាំ ២០២១ ដល់ខែមិថុនា ឆ្នាំ ២០២៣ Park បានផលិត និងផ្សព្វផ្សាយវីដេអូបង្ខូចកេរ្តិ៍ឈ្មោះចំនួន ២៣ អំពីតារាល្បីៗដូចជា Jang Wonyoung, Jungkook ក្រុម BTS និង V, Kang Daniel និងផ្សេងៗទៀត។ វីដេអូ​ទាំងនេះ​រួម​បញ្ចូល​ទាំង​អូឌីយ៉ូ​ដែល​បាន​រៀបចំ​ ខ្សែ​វីដេអូ​ដែល​បាន​បំបែក​ និង​ការ​អះអាង​មិន​ពិតជាច្រើន មានការនិយាយបង្ខូចកេរ្តិ៍ឈ្មោះ និងការប្រមាថ ដោយបង្កើតប្រាក់ចំណេញចំនួន ២៥០ លានវ៉ុន (ប្រហែល ១៧១,០០០ ដុល្លារអាមេរិក) តាមរយៈប្រាក់ចំណូលពីការផ្សាយពាណិជ្ជកម្ម និងសមាជិកភាពដែលបានបង់ប្រាក់។

មិនតែប៉ុណ្ណោះ​​ ជនសង្ស័យបាននិងប្រឈមមុខជាមួយបណ្តឹងរដ្ឋប្បវេណី និងព្រហ្មទណ្ឌជាច្រើនដូចជា៖

– Jang Wonyoung បានប្តឹងទាមទារសំណងការខូចខាតចំនួន ១ ពាន់លានវ៉ុន ដោយតុលាការបានបង្គាប់ឲ្យគាត់បង់ប្រាក់ពេញក្នុងខែមករា។ Park បានប្តឹងឧទ្ធរណ៍តាំងពីពេលនោះមក។

-បណ្តឹងដាច់ដោយឡែកពីសមាជិក BTS V និង Jungkook កំពុងបន្ត។

-Kang Daniel បានឈ្នះការការប្ដឹងផ្ដល់ចំនួន ៣០ លានវ៉ុននៅក្នុងការកាត់ក្តីលើកដំបូងដែល Park បានប្តឹងឧទ្ធរណ៍។

-SM Entertainment ក៏​បាន​ដាក់​ការ​ចោទ​ប្រកាន់​ផង​ដែរ​​ទាក់​ទង​នឹង​បទ​បរិហារកេរ្តិ៍​ Suho សមាជិក​ក្រុម EXO និង aespa។

យ៉ាងណា នៅក្នុង​អំឡុង​ពេល​សវនាការ​ក្នុង​ខែ​តុលា ស្រ្តីជាជនសង្ស័យរូបនេះបាន​អង្វរ​សុំ​ឲ្យ​មាន​ការ​បន្ធូរបន្ថយ​ ដោយ​បញ្ជាក់​ថា​ នាងបានជាប់នៅក្នុងពិភពផ្ទាល់ខ្លួននៅលើអ៊ីនធឺណិត ហើយបានបរាជ័យក្នុងការវិនិច្ឆ័យត្រូវពីខុស។ ឥលូវនេះ នាងពិតជាមនាការសោកស្ដាយ​យ៉ាង​ខ្លាំង​ចំពោះ​ទង្វើ​របស់​ខ្លួន ហើយ​សន្យា​ថា​នឹង​រស់​ដោយ​ការ​ទទួល​ខុស​ត្រូវ​ចាប់​ពី​ពេល​នេះ​ត​ទៅ៕

អត្ថបទ៖ សាង ស្រីល័ក្ខ

ចុចអាន៖ជិត៨ឆ្នាំ​ Lee Min Ho ​ទើបប្រកាសប្រគំ​តន្ត្រី​​ ចង់ជួប​អ្នក​គាំទ្រ​នៅទូទាំង​អាស៊ី​​

The post ម្ចាស់យូធូបកូរ៉េម្នាក់ជាប់ទោស២ឆ្នាំ ពីបទបរិហារកេរ្តិ៍ក្រុម IVE និង BTS ព្រមទាំងតារាល្បីផ្សេងទៀត appeared first on Kampuchea Thmey Daily.

តាមរយៈការសម្ភាសន៍នោះ Min Hee Jin បានអះអាងថា​​ V ម្តងម្កាល ផ្ញើរសារមកកាន់នាងពេលកំពុងបំពេញកាព្វកិច្ចយោធា។ នាងពេលនោះនាងថែមទាំងនិយាយលេងថា តើ V ពិតជានៅក្នុងជួរយោធាមែនទេ? ពីព្រោះជាញឹកញាប់ សមាជិក​ BTS តែងតែទូរស័ព្ទឬឆាតមកលើកចិត្តក្នុងកំឡុងពេលដែលអតីតនាយកប្រតិបត្តិ ADOR កំពុងឆ្លងកាត់ពេលវេលាដ៏លំបាក ឬគាត់ក៏បានផ្ញើរសារនៅក្នុងថ្ងៃខួបកំណើតនាងនៅព្រឹកព្រលឹមថែមទៀតផង។

ទោះជាយ៉ាងណាក៏ដោយ ការលើកឡើងរបស់នាងបានធ្វើឲ្យមានការរិះគន់ ដោយសារតែថ្ងៃកំណើតរបស់ Min Hee Jin គឺថ្ងៃទី ១៦ ខែធ្នូ ហើយ V បានចូលកងទ័ពនៅថ្ងៃទី ១១ ខែធ្នូ ត្រឹម៥ ថ្ងៃ បន្ទាប់ពីការចុះឈ្មោះយោធា ក្នុងនាមជាសិក្ខាកាមក្នុងវគ្គបណ្តុះបណ្តាលជាមូលដ្ឋាន។ នេះនាំឲ្យមានការចោទប្រកាន់ថា V ប្រហែលជាទទួលបានសិទ្ធិពិសេស ដូចជាត្រូវបានអនុញ្ញាតឲ្យប្រើទូរស័ព្ទនៅខាងក្រៅម៉ោងដែលបានកំណត់។

ភាពចម្រូងចម្រាសនេះ​បានជំរុញឲ្យមានការស៊ើបអង្កេតជាផ្លូវការ ដែលដាក់ជាមួយប្រព័ន្ធញត្តិជាតិ ដែលយោធាបានឆ្លើយតបកាលពីថ្ងៃទី ២១ខែវិច្ឆិកា។ បុគ្គល​ដែល​ពាក់ព័ន្ធ​ម្នាក់​បាន​ដាក់​ពាក្យ​បណ្តឹង​ទៅ​ក្រសួង​ការពារ​ជាតិ​ដោយ​លើក​ហេតុផល​ថា នេះ​ជា​ការ​បំពាន​បទប្បញ្ញត្តិ​យោធា​យ៉ាង​ធ្ងន់ធ្ងរ។ គេ​សង្ស័យ​ថា ​មន្ត្រី​យោធាបានឲ្យ V ប្រើ​ទូរសព្ទ​ព្រោះ​គាត់​ជា​តារា K-pop ដ៏​ល្បី​ម្នាក់។

ក្រោយ​មក​​ ក្រសួង​ការពារ​ជាតិ​បាន​ច្រាន​ចោល​ការ​លើក​ឡើង​នៃ​សិទ្ធិ​ពិសេស។ យោងតាមការឆ្លើយតបរបស់ដើមបណ្តឹងកាលពីថ្ងៃទី ២០ ខែវិច្ឆិកា នាយកដ្ឋានពាក្យបណ្តឹងរបស់កងពលតូច ៨០២ នៃកងពលតូចកងរាជអាវុធហត្ថបានបំភ្លឺថា «នៅឯមជ្ឈមណ្ឌលហ្វឹកហ្វឺនកងទ័ពដែល Kim Tae Hyung (V) ឈរជើងក្នុងនាមជាសិក្ខាកាម ត្រូវបានអនុញ្ញាតឲ្យប្រើទូរស័ព្ទរបស់ពួកគេរយៈពេលមួយម៉ោង​ ចុងសប្តាហ៍ និងថ្ងៃឈប់សម្រាកសាធារណៈ។ Kim Tae Hyung បានប្រើទូរស័ព្ទរបស់គាត់ក្នុងអំឡុងពេលរសៀលដែលបានកំណត់ មិនមែននៅពេលព្រឹកឡើយ ស្របតាមការណែនាំរបស់មជ្ឈមណ្ឌលបណ្តុះបណ្តាល»។

ក្រសួងក៏បានសង្កត់ធ្ងន់ថា មិនមានភស្តុតាងណាមួយដែលថា Kim Tae Hyung ត្រូវបានផ្តល់ការអនុញ្ញាតពិសេស ឬថាការលើកលែងណាមួយត្រូវធ្វើឡើងសម្រាប់គាត់នោះទេ។ លើសពីនេះទៀត ព័ត៌មានលម្អិតជាក់លាក់អំពីពេលវេលា វិធីសាស្ត្រ និងខ្លឹមសារនៃការសន្ទនាមិនអាចត្រូវបានបង្ហាញនៅក្រោមមាត្រា៣ នៃច្បាប់ការពារព័ត៌មានផ្ទាល់ខ្លួន និងមាត្រា៣ នៃច្បាប់ស្តីពីឯកជនភាពទំនាក់ទំនង។

មិនត្រឹមប៉ុណ្ណឹង ការបំភ្លឺរបស់ក្រសួងបានចោទជាសំណួរអំពីភាពត្រឹមត្រូវនៃសេចក្តីថ្លែងការណ៍របស់ Min Hee Jin ជាពិសេសការអះអាងដែលថា V បានទាក់ទងនាងនៅពេលព្រឹក។​ បច្ចុប្បន្ននេះ លោកកំពុងបម្រើការនៅក្នុងអង្គភាពបេសកកម្មពិសេសនៃបញ្ជាការដ្ឋានកងរាជអាវុធហត្ថលេខ២ នៃកងយោធពលខេមរភូមិន្ទ ជាកន្លែងដែលគាត់បន្តកាតព្វកិច្ចយោធាជាកាតព្វកិច្ចរបស់ជាតិ៕

អត្ថបទ៖ សាង ស្រីល័ក្ខ

ចុចអាន៖ជម្លោះកាន់តែអូសបន្លាយ នៅទីបំផុត Min Hee Jin លាលែងពី ADOR និង HYBE

The post ក្រសួងការពារជាតិ​កូរ៉េ ច្រាន​ចោល​ការ​លើក​ឡើង​​​​របស់អតីតនាយក Ador នាំឲ្យច្រឡំថា V បានសិទ្ធិ​យោធាពិសេស appeared first on Kampuchea Thmey Daily.

ម៉្យាងវិញទៀត អ្វីដែលគួរឲ្យភ្ញាក់ផ្អើលនោះគឺថា HYBE ក៏បានលុបចោលផែនការត្រលប់មកវិញរបស់ BTS ក្នុងឆ្នាំ ២០២៥ ផងដែរ។ ជាពិសេស ទន្ទឹមនឹងការប្រកាសប្រាក់ចំណូល លោក Lee Kyung Joon ប្រធានផ្នែកហិរញ្ញវត្ថុរបស់ HYBE បានបង្ហាញពីផែនការរបស់ BTS សម្រាប់ការត្រលប់មកវិញរបស់ក្រុម BTS ។

ទោះជាយ៉ាងណាក៏ដោយ ផែនការរយៈពេលវែង និងសន្យាពីមុខសមាជិកដែលបានចុះឈ្មោះជាលើកដំបូងក្នុងឆ្នាំ ២០២៥ ត្រូវបានលុបចោល។ ផ្ទុយទៅវិញ ការត្រលប់មកវិញនាពេលខាងមុខរបស់ BTS ជាក្រុមពេញលេញនឹងធ្វើឡើងនៅឆ្នាំ ២០២៦។

ក្នុងអំឡុងពេលនៃការហៅរកប្រាក់ចំណូលនៅត្រីមាសទីបី HYBE បានពិភាក្សាអំពីសកម្មភាពនាពេលអនាគតរបស់ BTS និងផែនការរបស់ក្រុមហ៊ុន ប៉ុន្តែបានបដិសេធមិនពិភាក្សាលម្អិត។ មិនត្រឹមតែប៉ុណ្ណោះ ប្រធានផ្នែកហិរញ្ញវត្ថុរបស់ HYBE លោក Lee Kyung Joon ក៏បានបញ្ជាក់ផងដែរថា ប្រាក់ចំណូលនាពេលអនាគតរបស់ HYBE នឹងមិនអាស្រ័យលើ BTS ច្រើនពេកនោះទេ។

បច្ចុប្បន្នយើងកំពុងពិភាក្សាជាមួយសមាជិករបស់យើងអំពីសកម្មភាពក្នុងឆ្នាំ ២០២៦។ ទោះបីជាការវិលត្រឡប់មកវិញនៃក្រុមទាំងមូលនឹងបង្កើតប្រាក់ចំណូលយ៉ាងសំខាន់ក៏ដោយ យើងសង្ឃឹមថាវានឹងមិនតំណាងឲ្យសមាមាត្រដ៏ធំនៃប្រាក់ចំណូលរបស់យើងដូចកាលពីមុនដូចអ្នកសិល្បៈផ្សេងទៀតនិង គម្រោង​ថ្មី​របស់​យើង​ក៏​កំពុង​រួម​ចំណែក​ក្នុង​ការ​រីក​ចម្រើន​ផង​ដែរ»។

នៅក្នុងត្រីមាសទី 3 នៃឆ្នាំ 2024 ក្រុមហ៊ុន HYBE បានរាយការណ៍ពីប្រាក់ចំណេញប្រតិបត្តិការចំនួន ៥៤.២ ពាន់លានវ៉ុន ធ្លាក់ចុះ២៥.៤% ពីមួយឆ្នាំទៅមួយឆ្នាំ ខណៈដែលប្រាក់ចំណេញសុទ្ធបានធ្លាក់ចុះ ៩៨.៦% មកត្រឹមតែ ១.៤ ពាន់លានវ៉ុន ដោយមូលហេតុចម្បងគឺការខាតបង់ពីការវិនិយោគ និងអត្រាប្តូរប្រាក់ផ្សេងទៀត។ .

ទោះបីជាប្រាក់ចំណូលរបស់ BTS ត្រូវបានគេរំពឹងថានឹងថយចុះនៅពេលពួកគេត្រឡប់មកវិញក៏ដោយ ការត្រឡប់មកវិញដ៏ទូលំទូលាយរបស់ BTS នឹងនៅតែផ្តល់អត្ថប្រយោជន៍យ៉ាងច្រើនដល់ HYBE ។ នៅពេលដែលក្រុមហ៊ុនប្រឈមមុខនឹងបញ្ហាទាំងខាងក្នុង និងខាងក្រៅ ការត្រលប់មកវិញរបស់ BTS ជាក្រុមត្រូវបានរំពឹងទុកច្រើនជាងពេលណាទាំងអស់៕

អត្ថបទ៖ សាង ស្រីល័ក្ខ

ចុចអាន៖G-Dragon ​រង​ការ​រិះគន់​ថា​ ទៅព្រលានយន្តហោះ តែង​ខ្លួន​ដូច​អ្នក​មីង

The post BTS នឹងមិនត្រឡប់មកវិញ នៅឆ្នាំ២០២៥ ដូចការគ្រោងទុកទេ appeared first on Kampuchea Thmey Daily.