នៅថ្ងៃសុក្រទី៥ខែមករា ក្រុមរដ្ឋឥស្លាម (IS) និយាយថា ខ្លួនគឺជាអ្នកវាយប្រហារបំផ្ទុះគ្រាប់បែកនៅក្នុងប្រទេសអ៊ីរ៉ង់ ទៅលើហ្វូងមនុស្ស ដែលកំពុងប្រារព្ធខួបនៃការធ្វើឃាត មេទ័ព Qasem Soleimani។

ក្រុម IS បានអះអាងតាមរយៈឆានែល Telegram របស់ខ្លួន ហើយក្រោយមក ក្រុមនេះ បានបញ្ចេញរូបភាពមួយសន្លឹកនៅលើបណ្តាញព័ត៌មាន Amaq បង្ហាញបុរសពាក់ស្រោមមុខពីរនាក់ ដែលខ្លួនបញ្ជាក់ថា ជាអ្នកប្រព្រឹត្ត។

តាមរបាយការណ៍ ជនបំផ្ទុះគ្រាប់បែកអត្តឃាតទីមួយ បានបំផ្ទុះគ្រាប់បែកដែលភ្ជាប់ជាមួយខ្សែក្រវាត់របស់គាត់ ក្នុងចំណោមហ្វូងមនុស្ស ហើយជនបំផ្ទុះគ្រាប់បែកទីពីរ បានវាយប្រហារតាមពីក្រោយ ចន្លោះពេលប្រហែល២០នាទីពីគ្នា។

ក្រុម IS បានប្រាប់ទៀតថា អ្នកវាយប្រហារមានឈ្មោះ Omar al-Muwahid និង Sayfullah al-Mujahid។

ការអះអាងទទួលខុសត្រូវនេះកើតឡើង ក្រោយពេលមេដឹកនាំកំពូលអ៊ីរ៉ង់ Ayatollah Ali Khamenei បានប្តេជ្ញាសងសឹកសត្រូវនិងឧក្រិដ្ឋជន ដែលនៅពីក្រោយការវាយប្រហារដ៏សាហាវបំផុតក្នុងប្រវត្តិសាស្ត្ររបស់សាធារណរដ្ឋឥស្លាម។

លោក Khamenei ប្រកាសថា សត្រូវនិងឧក្រិដ្ឋជនប្រឆាំងប្រជាជាតិអ៊ីរ៉ង់ បានបង្កើតគ្រោះមហន្តរាយជាថ្មីម្តងទៀត ហើយសម្លាប់មនុស្សជាទីស្រឡាញ់មួយចំនួនធំនៅ Kerman។ គ្រោះមហន្តរាយនេះនឹងមានការឆ្លើយតបយ៉ាងធ្ងន់ធ្ងរជាទីបំផុត។

សូមបញ្ជាក់ជាថ្មី លោក Soleimani ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើករបស់សហរដ្ឋអាមេរិកនៅឆ្នាំ២០២០ ហើយចាប់តាំងពីពេលនោះមក ស្ថានការណ៍តំបន់មជ្ឈិមបូព៌ា បានឡើងកម្តៅឈានដល់កម្រិតធ្ងន់ធ្ងរបំផុត៕

ប្រែសម្រួល៖ Vann Vann

ប្រភព៖ BBC 

ចុចអាន៖ អ៊ីរ៉ង់ ប្រកាសសងសឹក ក្រោយការបំផ្ទុះគ្រាប់បែក សម្លាប់មនុស្សជិត ១០០នាក់

The post មានក្រុមចេញមុខទទួលខុសត្រូវ ចំពោះអំពើភេរវកម្មនៅអ៊ីរ៉ង់  appeared first on Kampuchea Thmey Daily.

ការបំផ្ទុះគ្រាប់បែកនៅខែសីហាឆ្នាំ២០២១ បានសម្លាប់ជនស៊ីវិលប្រមាណ១៧០នាក់ និងទាហានអាមេរិក១៣នាក់ ខណៈមនុស្សម្នាព្យាយាមភៀសខ្លួនចេញពីប្រទេសអាហ្វហ្គានីស្ថានដែលគ្រប់គ្រងដោយក្រុមតាលីបង់។

គួរបញ្ជាក់ថា ការបំផ្ទុះនោះបានកើតឡើងត្រឹមតែប៉ុន្មានម៉ោងប៉ុណ្ណោះ បន្ទាប់ពីរដ្ឋាភិបាលលោកខាងលិច ព្រមានពលរដ្ឋរបស់ពួកគេឲ្យនៅឆ្ងាយពីអាកាសយានដ្ឋានអន្តរជាតិទីក្រុងកាប៊ុល ដោយសារតែការគំរាមកំហែងនៃការវាយប្រហារដោយក្រុម IS-K ដែលជាសាខាអាហ្វហ្គានីស្ថានរបស់ក្រុមរដ្ឋឥស្លាម។

ក្រុមមន្ត្រីអាមេរិកបានប្រាប់ CBS ថា មេដឹកនាំក្រុមរដ្ឋឥស្លាម បានស្លាប់កាលពីប៉ុន្មានសប្តាហ៍មុនមកម្ល៉េះ ប៉ុន្តែគេត្រូវការពេលវេលាដើម្បីបញ្ជាក់ពីការស្លាប់របស់គាត់។

ទោះបីជាយ៉ាងណាក៏ដោយ ឈ្មោះរបស់គាត់មិនទាន់ត្រូវបានបញ្ជាក់ទេ។

យោងតាមរបាយការណ៍មួយនៅក្នុងកាសែត New York Times, សហរដ្ឋអាមេរិក បានដឹងពីមរណភាពរបស់មេដឹកនាំរូបនេះកាលពីដើមខែមេសា។

យ៉ាងណា គេមិនច្បាស់ទេថាតើគាត់គឺជាគោលដៅរបស់ក្រុមតាលីបង់ ឬថាតើគាត់ត្រូវបានសម្លាប់ក្នុងអំឡុងការប្រយុទ្ធរវាងក្រុម IS និងក្រុមតាលីបង់មែនឬក៏អត់៕

ប្រែសម្រួល៖ Vann Vann

ប្រភព៖ BBC

ចុចអាន៖ តាលីបង់ ចូលវាយឆ្មក់កន្លែងលាក់ខ្លួនរបស់ក្រុម IS សម្លាប់ និងចាប់ខ្លួនច្រើននាក់

The post ក្រុមតាលីបង់ សម្លាប់មេខ្លោង បំផ្ទុះគ្រាប់បែកនៅអាកាសយានដ្ឋានក្រុង កាប៊ុល appeared first on Kampuchea Thmey Daily.

អ្នកនាំពាក្យក្រុមតាលីបង់លោក Bilal Karimi បានប្រាប់សារព័ត៌មាន Associated Press ថា ការវាយឆ្មក់កាលពីថ្ងៃសុក្របានកើតឡើងនៅក្នុងទីក្រុង Charikar ខេត្ត Parwan ។

លោក Karimi បាននិយាយថា “ការវាយឆ្មក់នេះបានធ្វើឡើង បន្ទាប់ពីការចាប់ខ្លួនដោយក្រុមតាលីបង់នៃសមាជិក IS ចំនួន ២ នាក់ដែលជាប់ពាក់ព័ន្ធនឹងការបំផ្ទុះគ្រាប់បែកនៅតាមដងផ្លូវ ដែលបានកំណត់គោលដៅយានយន្តរបស់ក្រុមតាលីបង់នៅក្នុងទីក្រុង ដោយបណ្តាលឲ្យអ្នកប្រយុទ្ធ ៤ នាក់រងរបួស” ។

លោកបានបន្ថែមថា “អ្នកទាំងពីរត្រូវបានសាកសួរ ហើយព័ត៌មានដែលពួកគេបានផ្តល់ឲ្យ បានជួយក្រុមតាលីបង់កំណត់អត្តសញ្ញាណកន្លែងលាក់ខ្លួនរបស់ក្រុម IS” ។

ចាប់តាំងពីក្រុមតាលីបង់ដណ្តើមបានប្រទេសអាហ្វហ្គានីស្ថាន ក្រុមនេះបានធ្វើការបង្រ្កាបនៅខេត្ត Nangarhar និងខេត្ត Eastern ដែលក្រុម IS មានមូលដ្ឋាន និងលាក់ខ្លួន ដើម្បីឆ្លើយតបទៅនឹងការវាយប្រហារដែលបានកើតឡើងនៅទូទាំងប្រទេសអាហ្វហ្គានីស្ថាន ដែលត្រូវបានបង្កើតឡើងដោយក្រុមសកម្មប្រយុទ្ធមួយនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តាលីបង់ ព្រមានលោក បៃដិន ថា នឹងជួបផលវិបាក បើយន្តហោះគ្មានមនុស្សបើកអាមេរិក ចូលដែនអាកាស អាហ្វហ្គានីស្ថាន

The post តាលីបង់ ចូលវាយឆ្មក់កន្លែងលាក់ខ្លួនរបស់ក្រុម IS សម្លាប់ និងចាប់ខ្លួនច្រើននាក់ appeared first on Kampuchea Thmey Daily.

របាយការណ៍ផ្សេងទៀតបាននិយាយថា ក្រុមសកម្មប្រយុទ្ធបានបង្វែរទីលានបាល់ទាត់ក្នុងភូមិមួយទៅជា “កន្លែងប្រហារជីវិត” ដែលពួកគេបានកាត់ក្បាល និងគរសាកសព ខណៈដែលមនុស្សជាច្រើនត្រូវបានគេកាត់ក្បាលនៅក្នុងភូមិមួយផ្សេងទៀតផងដែរ ។

គិតត្រឹមពេលនេះមនុស្សរហូតដល់ ២,០០០ នាក់ត្រូវបានសម្លាប់ និងប្រហែល ៤៣០,០០០ នាក់បានបាត់បង់ផ្ទះសម្បែងក្នុងជម្លោះនៅខេត្តមួយដែលមានជនជាតិមូស្លីមភាគច្រើននៃប្រទេសម៉ូហ្សំប៊ិក ។

ស្របពេលជាមួយគ្នានេះរដ្ឋាភិបាលប្រទេសម៉ូហ្សំប៊ិកបានអំពាវនាវរកជំនួយអន្តរជាតិដើម្បីទប់ស្កាត់ការបះបោរនេះផងដែរដោយនិយាយថា កងទ័ពរបស់ខ្លួនត្រូវការការបណ្តុះបណ្តាលជំនាញបន្ថែម ។

ចំណែកក្រុមសិទ្ធិមនុស្សនិយាយថា កងកម្លាំងសន្តិសុខម៉ូហ្សំប៊ិកក៏បានរំលោភសិទ្ធិមនុស្សផងដែររួមមានការចាប់ខ្លួនតាមអំពើចិត្ត ការធ្វើទារុណកម្ម និងការសម្លាប់ក្នុងអំឡុងពេលប្រតិបត្តិការដើម្បីទប់ស្កាត់ការបះបោរនេះ ។

គួររម្លឹកផងដែរថា កាលពីខែមេសាមនុស្សជាង ៥០ នាក់ត្រូវបានគេកាត់ក្បាល ឬបាញ់សម្លាប់នៅក្នុងការវាយប្រហារនៅក្នុងភូមិមួយនៃខេត្ត Cabo Delgado ហើយកាលពីដើមខែនេះមនុស្ស ៩ នាក់ក៏ត្រូវបានកាត់ក្បាលនៅក្នុងខេត្តនេះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

The post មិនញញើតដៃ! ក្រុម IS កាត់ក្បាលមនុស្សជាង ៥០ នាក់នៅប្រទេសម៉ូហ្សំប៊ិក appeared first on Kampuchea Thmey Daily.

តួលេខនេះបានគូសបញ្ជាក់ពីសារៈសំខាន់នៃបេសកកម្មទម្លាក់គ្រាប់បែកដ៏ញឹកញាប់និងកាន់តែខ្លាំងឡើងៗដោយយានគ្មានមនុស្សបើកនៅក្នុងជម្លោះបច្ចេកវិទ្យាទំនើប។

កំណត់ហេតុហោះហើរដែលត្រូវបានចេញផ្សាយដោយក្រសួងការពារជាតិបានបង្ហាញថា យន្តហោះគ្មានមនុស្សបើកប្រភេទ RAF MQ-9 Reaper ដែលគ្រប់គ្រងដោយក្រុមនាវិកនៅក្នុងនាវាចក្រភពអង់គ្លេសបានធ្វើការហោះហើរចំនួន៤,១០៧លើកនៅក្នុងប្រទេសអ៊ីរ៉ាក់និងស៊ីរីចាប់តាំងពីឆ្នាំ២០១៤មក។

ដោយមានការគាំទ្រខ្លះពីសហរដ្ឋអាមេរិក យន្តហោះគ្មានមនុស្សបើកបានទម្លាក់គ្រាប់បែកនិងបាញ់មីស៊ីលសម្លាប់ឬបង្ករបួសដល់សកម្មប្រយុទ្ធជាសត្រូវប្រមាណ១,៤០៩នាក់។

នោះរាប់បញ្ចូលទាំងការសម្លាប់មេក្រុម IS ឈ្មោះ Mohammed Emwazi ឬមានរហស្សនាម “Beatle” អាយុ២៧ឆ្នាំនិង Sally Jones ឬ White Widow អាយុ៤៨ឆ្នាំផងដែរ។

យន្តហោះគ្មានមនុស្សបើកអាចធ្វើដំណើរបានក្នុងល្បឿន៤៦១គីឡូម៉ែត្រក្នុងមួយម៉ោង ហោះហើរក្នុងរយៈកម្ពស់ជាង៩គីឡូម៉ែត្រនិងផ្ទុកគ្រាប់បែកឬមីស៊ីល Hellfire ទម្ងន់២២៦គីឡូក្រាម៕

ប្រែសម្រួលដោយ៖ Vann Vann

ប្រភព៖ The Sun

The post យន្តហោះគ្មានមនុស្សបើករបស់អង់គ្លេសវាយប្រហារសម្លាប់ភេរវករក្រុម ISIS ជាង១,៤០០នាក់ appeared first on Kampuchea Thmey Daily.