ក្រុមហ៊ុនបានស្វែងរកការយល់ព្រមពី FDA សម្រាប់ថ្នាំ Zurzuvae ដើម្បីព្យាបាលជំងឺបាក់ទឹកចិត្តធំ (MDD) ឬជំងឺបាក់ទឹកចិត្តតាមគ្លីនិក ក៏ដូចជាជំងឺបាក់ទឹកចិត្តក្រោយសម្រាល ដែលប៉ះពាល់ដល់មនុស្សរាប់​លាននាក់លើពិភពលោក។ក្រោយឆ្លងទន្លេ ប៉ះពាល់យ៉ាងធ្ងន់ធ្ងរដល់សមត្ថភាព​របស់ស្ត្រីក្នុងការវិលត្រឡប់ទៅរក​មុខងារធម្មតាវិញ ខណៈពេលដែលអាចប៉ះពាល់​ដល់ទំនាក់ទំនងរបស់​ម្តាយជាមួយកូនរបស់​នាងផងដែរ។

ក្រុមហ៊ុន Sage Therapeutics និង Biogen បាននិយាយនៅក្នុងសេចក្តី​ថ្លែងការណ៍​មួយថា “Zurzuvae ត្រូវបានគេរំពឹងថា​នឹងចាប់ផ្តើម និងអាចលក់បានក្នុងត្រីមាសទី ៤ នៃឆ្នាំ ២០២៣ ក្នុងពេលឆាប់ៗនេះ បន្ទាប់ពីការកំណត់ពេលវេលាជាសារធាតុគ្រប់គ្រង​ដោយរដ្ឋបាលប្រឆាំង​គ្រឿងញៀនរបស់សហរដ្ឋអាមេរិក ដែលត្រូវបានគេរំពឹងថានឹងកើតឡើងក្នុងរយៈពេល ៩០ ថ្ងៃ” ។

សេចក្តីថ្លែងការណ៍បាននិយាយថា FDA បានចេញលិខិតឆ្លើយតបពេញលេញសម្រាប់ការដាក់ពាក្យសុំថ្នាំថ្មីសម្រាប់ Zurzuvae ក្នុងការព្យាបាលមនុស្សពេញវ័យដែលមានជំងឺបាក់ទឹកចិត្ត ។ លិខិតនោះបាននិយាយថាពាក្យសុំមិនផ្តល់ភស្តុតាងច្រើននៃប្រសិទ្ធភាពរបស់ Zurzuvae សម្រាប់ការព្យាបាលជំងឺបាក់ទឹកចិត្ត ហើយថាការសិក្សាបន្ថែមនឹងត្រូវការដើម្បីគាំទ្រការអនុម័ត។

រហូតមកដល់ពេលនេះ FDA បាននិយាយថា ការព្យាបាលសម្រាប់ជំងឺបាក់ទឹកចិត្តក្រោយឆ្លងទន្លេគឺមានតែការចាក់បញ្ចូលតាមសរសៃឈាមប៉ុណ្ណោះ។ នៅឆ្នាំ ២០២១ មនុស្សពេញវ័យប្រមាណ ២១លាននាក់នៅសហរដ្ឋអាមេរិកមានយ៉ាងហោចណាស់មួយវគ្គនៃជំងឺបាក់ទឹកចិត្តធំ ដែលត្រូវបានកំណត់ដោយអារម្មណ៍សោកសៅជាប់រហូត។ ហើយការបាក់ទឹកចិត្តបានប៉ះពាល់ដល់ស្ត្រីម្នាក់ក្នុងចំណោមស្ត្រី ៧ នាក់ដែលសម្រាលកូន៕

ប្រែសម្រួល៖ សាង ស្រីល័ក្ខ

ប្រភព៖tuoitrenew

ចុចអាន៖ស្រី្តដែលទើបតែសម្រាលកូនរួច មានឱកាសប្រឈមនឹងជំងឺបាក់ទឹកចិត្ត

The post អាមេរិក អនុម័តថ្នាំគ្រាប់ជំងឺបាក់ទឹកចិត្តដល់ស្ត្រីក្រោយសម្រាលកូន appeared first on Kampuchea Thmey Daily.

​គោលបំណង​នៃ​ការពិនិត្យ​ក្រោយ​សម្រាល​៖

១) ពិនិត្យមើល​ស្នាមរបួស​ដែលមាន​ក្រោយពី​សម្រាលថា​ តើ​វា​បានជា​សះស្បើយ​ល្អ​ហើយ ឬ​នៅ​?

២) ពិនិត្យមើល​សុដន់​របស់​ស្ត្រីថា​ តើ​មាន​បញ្ហា​អ្វី ឬ​អត់ នៅពេលដែល​គាត់​បំបៅ​ដោះ​កូន (​ឧទាហរណ៍​៖ មាន​ដុំ​ទឹកដោះ ស្ទះ​រន្ធ​ទឹកដោះ មាន​ខ្ទុះ​ដោះ​)​។​

៣) ពិនិត្យមើល​មាត់ស្បូន និង​ស្បូន​ថា ​តើ​វា​ត្រលប់មក​សភាព​ល្អ​ដូចដើម​វិញ ឬ​នៅ​?

៤) ហើយ​ជាពិសេស​នោះ ក៏​ជា​ពេលវេលា​មួយ​សម្រាប់​ពិភាក្សា​អំពី​ការពន្យារ​កំណើត​ផងដែរ ព្រោះនេះ​ជា​រយៈ​ពេលដែល​ប្តី​ប្រពន្ធ​អាច​រស់នៅ​ជាមួយគ្នា​វិញ ហើយ​តែង​យល់​ច្រ​លំ​ថា នេះ​ជា​រយៈ​ពេលដែល​គ្មាន​ការបង្ក​កំណើត​ថ្មី ដែល​តែងតែ​ធ្វើឲ្យ​គាត់​មាន​ផ្ទៃពោះ​ជាថ្មី ដោយ​គ្មាន​ការគ្រោង​ទុកជាមុន​។​

៥) ពិនិត្យមើល​អំពី​សុខភាព​របស់​ស្ត្រី​ផ្ទាល់ ថា​តើ​គាត់​បាន​សម្រាក​គ្រប់គ្រាន់ ឬទេ និង​បាន​ញ៉ាំ​ចំណីអាហារ ដែល​ល្អ​គ្រប់គ្រាន់​សម្រាប់​ខ្លួន​គាត់ និង​កូន​គាត់​ហើយ ឬ​នៅ (​ដោយ​បំបៅ​ដោះ​)​។​

​ដូច្នេះហើយ​ស្ត្រី​គ្រប់រូប​ក្រោយពី​សម្រាល​រយៈពេល​៦​សប្តាហ៍ គួរតែ​មក​ពិគ្រោះ​ពិនិត្យ​ជាមួយ​វេជ្ជបណ្ឌិត​ជំនាញ​មន្ទីរពេទ្យ​កាល់ម៉ែត​ឲ្យ​បាន​គ្រប់ៗ​គ្នា ដើម្បី​ធានាបាន​នូវ​សុខុមាលភាព​មាតា​ក្រោយ​សម្រាល​។ “​មាតា​និង​បុត្រ​សុខភាព​ល្អ នាំឲ្យ​គ្រួសារ​មាន​សុភមង្គល​”៕

អត្ថបទ៖ រស្មី​

The post គោលបំណងទាំង៥ ក្នុងការពិនិត្យក្រោយសម្រាលកូន appeared first on Kampuchea Thmey Daily.