Pogba បច្ចុប្បន្នបានក្លាយជាកីឡាករផ្ទេរ ដោយគ្មានតម្លៃខ្លួន បន្ទាប់ពីរូបគេគ្មានក្លិបលេងអស់រយៈពេលកន្លះរដូវកាល ក្រោយត្រូវបានក្លិប Juventus ផ្តាច់កិច្ចសន្យាចោលកាលពីថ្ងៃទី ១ ខែ ធ្នូ ឆ្នាំ ២០២៤ ដោយសារជាប់ពាក់ព័ន្ធនឹងការប្រើប្រាស់សារធាតុហាមឃាត់។

យ៉ាងណា នៅរដូវកាលកាលថ្មីនេះ Pogba ទំនងជានឹងទទួលបានឱកាសបង្ហាញខ្លួននៅលើទីលានឡើងវិញឆាប់ៗ បន្ទាប់ពីសារព័ត៌មាន ESPN បានចុះផ្សាយថា អតីតខ្សែបម្រើក្រុម Manchester United និង Juventus នឹងចុះកិច្ចសន្យាជាមួយក្លិប Monaco នៅរដូវក្តៅនេះ។ ប្រភពដដែលបានបន្ថែមថា Pogba បានយល់ព្រមលក្ខខណ្ឌផ្ទាល់មាត់ជាមួយ Monaco ក្នុងកិច្ចសន្យារយៈពេល ២ រដូវកាល។

គួរឱ្យដឹងថា Pogba ដើមឡើយត្រូវបានគេដាក់ពិន័យមិនឱ្យពាក់ព័ន្ធនឹងបាល់ទាត់រយៈពេល ៤ ឆ្នាំ ដោយសារពិនិត្យឃើញវិជ្ជមានប្រើប្រាស់សារធាតុហាមឃាត់ ប៉ុន្តែចុងក្រោយ ត្រូវបានគេបានបន្ថយមកត្រឹមតែរយៈពេល ១៨ ខែ វិញ។ ដូច្នេះនៅរដូវកាលថ្មីនេះ ខ្សែបម្រើសញ្ជាតិ បារាំង វ័យ ៣២ ឆ្នាំនឹងអាចចូលប្រកបអាជីពជាកីឡាករបាល់ទាត់បានធម្មតាវិញ៕

ប្រែសម្រួល៖ សេម កុសល
ប្រភព៖ ESPN

The post ទីបំផុត Pogba រកបានក្លិបថ្មី ក្រោយព្រមព្រៀងលក្ខខណ្ឌផ្ទាល់មាត់ជាមួយក្លិបគីឡូ UCL មួយ appeared first on Kampuchea Thmey Daily.

យោងតាមការចុះផ្សាយដោយអ្នកកាសែត អ៉ីតាលី លោក Fabrizio Romano បានឱ្យដឹងថា ក្លិប AS Monaco និង Barcelona កំពុងបំពេញកិច្ចព្រមព្រៀងអំពីការផ្ទេរ Ansu Fati។

ប្រភពដដែលបានបន្ថែមថា កិច្ចព្រមព្រៀងរវាងក្លិប និងកីឡាករ គឺបានធ្វើរួចរាល់ហើយ ដោយភាគីទាំងពីរបានព្រមព្រៀងគ្នា ក្នុងកិច្ចសន្យាខ្ចីជើងអមជាមួយជម្រើសទិញផ្តាច់។ យ៉ាងណា នៅពេលនេះ គឺនៅសល់តែការចរចារវាង Barcelona និង As Monaco ប៉ុណ្ណោះ។

គួរឱ្យដឹងថា ពីមុន Fati គឺជាកីឡាករដ៏ឆ្នើមម្នាក់រប​ស់ក្រុមអ្នកមានបុណ្យ ប៉ុន្តែចាប់តាំងពីរូបគេមានបញ្ហារបួសដាច់សរសៃជង្គង់ ACL នៅរដូវកាល ២០២០-២០២១ ក៏បានធ្វើឱ្យចាប់ផ្តើមធ្លាក់សមត្ថភាពខ្លាំង ហើយនាមួយរយៈចុងក្រោយនេះ រូបគេពុំសូវមាននាទីលេងដូចមុនឡើយ៕

ប្រែសម្រួល៖ សេម កុសល
ប្រភព៖ Fabrizio Romano

The post Fati ជិតរកបានទ្រនំថ្មីហើយ ដោយផ្លាស់ទៅក្លិបនៅទឹកដី បារាំង appeared first on Kampuchea Thmey Daily.