ក្លឹបបាល់ទះវិសាខា Archives - Kampuchea Thmey Daily

លឹម ចិត្រា បានបញ្ជាក់ថារបួសកជើងមិនអីនោះទេចាប់ផ្ដើមចូលហ្វឹកហាត់វិញបណ្ដើរៗហើយ

Sina Noun — Thu, 05 Feb 2026 03:51:27 +0000

កីឡាករវ័យរបស់ក្លឹបបាល់ទះវិសាខា លឹម ចិត្រា បានបញ្ជាក់ពីរបួសកជើងរបស់ខ្លួនថាមិនអីនោះទេ ពោលចាប់ផ្ដើមចូលហ្វឹកហាត់វិញបណ្ដើរៗហើយ និងត្រៀមខ្លួនចូលជួយក្រុមក្នុងការប្រកួតពានរង្វាន់សម្ដចេ ក្រឡាហោម ស ខេង លើកទី៤ ឆ្នាំ២០២៦ នេះ។

កីឡាករ លឹម ចិត្រា

លឹម ចិត្រា បានលើកឡើងថា របួសកជើងអំឡុងការប្រកួតមិត្តភាពជាមួយក្រុមស្នងការខេត្តស្វាយរៀងកន្លងទៅនេះគឺមិនអីនោះទេ ពោលឥលូវនេះចាប់ផ្ដើមចូលហ្វឹកហាត់វិញបណ្ដើរៗហើយ។ រូបគេអាចចូលលេងវិញបានហើយ ប៉ុន្តែមិនទាន់ជារបួស ១០០% ដូចមុននៅឡើយទេ។

ស្មាត់វ័យក្មេងរបស់វិសាខារូបនេះបន្ថែមទៀតថា ក្រោយសម្រាករយៈពេលប៉ុន្មានថ្ងៃមកនេះបានធ្វើឲ្យរបួសកជើងរបស់ខ្លួនប្រសើរឡើងវិញជាបណ្ដើរផងដែរ។ រូបគេសង្ឃឹមថានឹងអាចជួយក្រុមរបស់ខ្លួនបានទាន់ពេលក្នុងការប្រកួតពានរង្វាន់សម្ដេចក្រឡាហោម ឆាប់ៗនេះ។

ទិដ្ឋភាពប្រកួតមិត្តភាព

បញ្ជាក់ដែរថា កីឡាករ លឹម ចិត្រា ជាស្មាត់វ័យក្មេងរបស់ក្លឹបបាល់ទះវិសាខា។ រូបគេមានរបួសកជើងកាលពីថ្ងៃទី៣០ ខែមករា ឆ្នាំ២០២៦ ក្នុងជំនួបមិត្តភាពកម្ដៅសាច់ដុំជាមួយក្រុមបាល់ទះស្នងការខេត្តស្វាយរៀង។ វិសាខា ក៏ដូចជាក្រុមធំៗនឹងត្រូវចូលរួមប្រកួតប្រជែងពានរង្វាន់សម្ដេចក្រឡាហោម លើកទី៤ ចាប់ពីថ្ងៃទី៧ ខែកុម្ភៈ ឆ្នាំ២០២៦ តទៅ៕

កីឡាករ លឹម ចិត្រា

អត្ថបទដោយ៖ នួន ស៊ីណា

The post លឹម ចិត្រា បានបញ្ជាក់ថារបួសកជើងមិនអីនោះទេចាប់ផ្ដើមចូលហ្វឹកហាត់វិញបណ្ដើរៗហើយ appeared first on Kampuchea Thmey Daily.

កីឡាករកំពុងឡើងកូដរបស់វិសាខា ស ពិសី វះកាត់ ACL ដោយជោគជ័យ និងត្រូវសម្រាកប្រហែល ៩ខែ

Sina Noun — Fri, 23 Jan 2026 04:06:55 +0000

សមាជិករបស់ក្លឹបបាល់ទះវិសាខា កីឡាករ ស ពិសី ថារបួសដាច់ ACL របស់ខ្លួនគឺបានវះកាត់រួចរាល់ហើយ និងកំពុងសម្រាកព្យាបាលបន្តទៀតអាចនឹងប្រើរយៈពេលប្រហែល ៩ខែទើបជាសះស្បើយ ឬអាចចូលលេងបានជាធម្មតាវិញ។

រូបភាពផ្ដល់ជូន

កីឡាករ ស ពិសី បានឲ្យដឹងថា របួសរបស់ខ្លួនគឺបានវះកាត់រួចរាល់ហើយនៅពេលនេះ និងកំពុងសម្រាកព្យាបាលតាមអ្វីដែលពេទ្យប្រាប់។ របួសនេះអាចនឹងប្រើពេលប្រហែល ៩ខែទើបអាចវិលត្រឡប់មកកាន់វិស័យកីឡាមួយនេះវិញ។

ស្មាត់របស់វិសាខារូបនេះបានថ្លែងអំណរគុណថ្នាក់ដឹកនាំក្លឹប គ្រូបង្វឹក ដែលបានយកចិត្តទុកដាក់ក្នុងការព្យាបាលរបួសរបស់ខ្លួននៅពេលនេះ។ ពិសី អរគុណចំពោះសិស្សច្បងទាំងអស់មិនថាក្នុងក្លឹបផ្ទាល់ ឬបងប្អូនរួមអាជីពតែមួយ និងអ្នកស្រឡាញ់គាំទ្រដែលបានបារម្ភសួរសុខទុក្ខ និងជូនពរឲ្យខ្លួនឆាប់ជាពីរបួសមួយនេះ។ រូបគេថាពិតជារំភើបនៅពេលឃើញមនុស្សជុំវិញខ្លួនស្រឡាញ់យកចិត្តទុកដាក់បែបនេះ។

រូបភាពផ្ដល់ជូន

បញ្ជាក់ដែរថា កីឡាករ ស ពិសី បានរងរបួសដាច់សរសៃ ACL នៅជើងខ្លាំងស្ដាំបន្ទាប់ពីរូបគេលោតវាយបាល់ ៣ម៉ែត្រស្ដាំ និងធ្លាក់ចុះមកវិញក្នុងជំនួបដណ្ដើមយកលេខ៣ ជាមួយក្លឹបបាល់ទះបញ្ជាការដ្ឋានអង្គរក្ស នៃការប្រកួតសប្បុរសធម៌ជួយជនវីរកងទ័ព វីរនគរបាល ជនភៀសសឹកកាលពីថ្ងៃទី១៧ ខែមករា ឆ្នាំ២០២៦ កន្លងទៅថ្មីៗនេះ៕

អត្ថបទដោយ៖ នួន ស៊ីណា

The post កីឡាករកំពុងឡើងកូដរបស់វិសាខា ស ពិសី វះកាត់ ACL ដោយជោគជ័យ និងត្រូវសម្រាកប្រហែល ៩ខែ appeared first on Kampuchea Thmey Daily.

ស ពិសី ត្រូវពិនិត្យសុខភាពថ្ងៃនេះដើម្បីវះកាត់តសរសៃ ACL ឡើងវិញក្រោយរបួសក្នុងការប្រកួតសប្បុរសធម៌

Sina Noun — Mon, 19 Jan 2026 05:23:20 +0000

កីឡាករបាល់ទះរបស់វិសាខា ស ពិសី ត្រូវពិនិត្យសុខភាពនៅថ្ងៃនេះហើយដើម្បីត្រៀមវះកាត់តសរសៃ ACL បន្ទាប់ពីរូបគេរងរបួសក្នុងការប្រកួតវគ្គផ្ដាច់ព្រ័ត្រដណ្ដើមយកលេខ៣ នៃព្រឹត្តិការណ៍ប្រកួតសប្បុរសធម៌ប្រមូលថវិកាជួយជនភៀសសឹកកាលពីថ្ងៃទី១៧ ខែមករា ឆ្នាំ ២០២៦។

កីឡាករ ស ពិសី

នេះបើតាមការឲ្យដឹងពីលោក នៅ សាម៉េត ដែលជាគ្រូបង្វឹករបស់ក្រុមបាល់ទះវិសាខា ថាកីឡាករ ស ពិសី នឹងត្រូវទៅពិនិត្យសុខភាពអំឡុងថ្ងៃនេះហើយដើម្បីត្រៀមការវះកាត់តសរសៃ ACL ឡើងវិញ។ ជាគោលការរបស់ក្លឹបផ្ទាល់ការមើលថែ និងពិត្យព្យាបាលគឺនៅលើក្លឹប ប៉ុន្តែជំហានបន្ទាប់មានការឧបត្ថម្ភយ៉ាងណារង់ចាំមើលសិន។

គ្រូបង្វឹករូបនេះបន្តទៀតថា ចំពោះការវះកាត់តសរសៃឡើងវិញនេះគឺនឹងធ្វើនៅក្នុងប្រទេសកម្ពុជានោះទេមិនបានចេញទៅក្រៅនោះឡើយ។ ជាមួយគ្នានោះដែរក្លឹបបាល់ទះបញ្ជាការដ្ឋានអង្គរក្សក៏បានផុសរូបភាពជូនពរកីឡាករ ស ពិសី ឲ្យឆាប់ជាសះស្បើយឡើងវិញក្នុងពេលឆាប់ៗនេះផងដែរនៅលើហ្វេសបុកផេករបស់ក្លឹប។

ស ពិសី ពេលរងរបួស

អត្ថបទដោយ៖ នួន ស៊ីណា

The post ស ពិសី ត្រូវពិនិត្យសុខភាពថ្ងៃនេះដើម្បីវះកាត់តសរសៃ ACL ឡើងវិញក្រោយរបួសក្នុងការប្រកួតសប្បុរសធម៌ appeared first on Kampuchea Thmey Daily.

ការគាំទ្រវិស័យបាល់ទះច្រើននាពេលបច្ចុប្បន្ននេះអាចមកពីកត្តាប្រព័ន្ធផ្សព្វផ្សាយ Social Media

Sina Noun — Fri, 24 Oct 2025 04:59:43 +0000

លោក គុណ ប៊ុនសាន ថាជំនាន់លោកនៅលេងមិនសូវមានការគាំទ្រផុលផុស ឬមានអ្នកហ្វឹកហាត់ច្រើនដូចបច្ចុប្បន្នទេ អាចមកពីមិនសូវមានប្រព័ន្ធផ្សព្វផ្សាយ (Social Media) ដូចសព្វថ្ងៃនេះ។

លោក គុណ ប៊ុនសាន

អតីតកីឡាករបាល់ទះក្រុមវិសាខា លោក គុណ ប៊ុនសាន បានឲ្យដឹងថា លោកចូលហ្វឹកហាត់ដំបូងនៅក្លឹប ស.ស.យ.ក ខេត្តព្រៃវែង អំឡុងឆ្នាំ២០១៤-២០១៥ ដែលក្រោយមកផ្លាស់ប្ដូរជាវិសាខាដល់សព្វថ្ងៃនេះ។ ជំនាន់លោកហ្វឹកហាត់ ឬលេងកាលនោះគឺមិនទាន់មានការផ្សព្វផ្សាយច្រើន មិនមានប្រព័ន្ធ Social Media មិនទាន់មានការ Live ច្រើននោះទេទើបមិនសូវមានការគាំទ្រដូចឥលូវ។

លោក គុណ ប៊ុនសាន កាលនៅហាត់

បាល់ទះនាពេលបច្ចុប្បន្ននេះសន្ទុះនៃការគាំទ្រគឺខ្លាំងស្របពេលប្រព័ន្ធបណ្ដាញសង្គម Social Media នេះបានជួយច្រើនផងដែរ។ ជាមួយគ្នានេះដែរកីឡាករមានសមត្ថភាពលេងបានល្អផង និងក្រុមប្រកួតប្រជែងក៏ច្រើនទៀតទើបមានភាពទាក់ទាញអ្នកគាំទ្រមកចាប់អារម្មណ៍រួមទាំងហ្វឹកហាត់បែបសុខភាពក៏ច្រើនខុសពីជំនាន់មុនដាច់។

លីប្រូរហ័ស្សនាម ទឹកត្រី រូបនេះបន្តទៀតថា ជំនាន់លោកលេងប្រសិនបើមានអ្នកគាំទ្រច្រើនចូលទស្សនាពេញៗដូចពេលនេះលោកប្រហែលលេងរត់ដាច់ជើងចោល ឬលេងដល់ដង្ហើមចុងក្រោយតែម្ដង។

លោក គុណ ប៊ុនសាន កាលនៅហាត់

បញ្ជាក់ដែរថា លោក គុណ ប៊ុនសាន ជាអតីតកីឡាករចាស់វស្សារបស់ក្លឹបបាល់ទះវិសាខាតាំងពីជំនាន់នៅខេត្តព្រៃវែងមកម្ល៉េះ។ កីឡាករតំណែងលីប្រូរូបនេះចូលហ្វឹកហាត់បាល់ទះជាផ្លូវការអំឡុងឆ្នាំ២០១៤៕

លោក គុណ ប៊ុនសាន កាលនៅហាត់

អត្ថបទដោយ៖ នួន ស៊ីណា

The post ការគាំទ្រវិស័យបាល់ទះច្រើននាពេលបច្ចុប្បន្ននេះអាចមកពីកត្តាប្រព័ន្ធផ្សព្វផ្សាយ Social Media appeared first on Kampuchea Thmey Daily.

អតីតលីប្រូរបស់ក្រុមបាល់ទះវិសាខា ផ្ដាំអ្នកលេងបាល់ជំនាន់ក្រោយចេះអ្វីចេះឲ្យប្រាកដ

Sina Noun — Tue, 21 Oct 2025 03:46:00 +0000

អតីតលីប្រូសេរីចាស់របស់ក្រុមបាល់ទះវិសាខា លោក គុណ ប៊ុនសាន ផ្ដាំទៅអ្នកលេងបាល់ជំនាន់ក្រោយ «បើលេងបាល់លេងឲ្យមានជំនាញ ចេះអ្វីចេះឲ្យច្បាស់ ព្រោះកីឡាបាល់ទះនេះនឹងផ្ដល់ប្រយោជន៍ឲ្យខ្លួនវិញនៅពេលក្រោយ» ។

លោក គុណ ប៊ុនសាន កំពុងបង្ហាត់សិស្ស

លោក គុណ ប៊ុនសាន បានឲ្យដឹងថា ក្រោយចូលនិវត្តន៍ពីបាល់ទះអំឡុងឆ្នាំ២០២១ រួចមកបច្ចុប្បន្ននេះលោកក៏ជាគ្រូបង្ហាត់បាល់ទះបែបសុខភាពផងដែរ។ លោកជាគ្រូជំនួយនៅក្លឹបបាល់ទះស្នងការផង និងឆ្លៀតពេលទំនេរបង្ហាត់សិស្សសាលាឯកជនហ្វឹកហាត់បែបសុខភាពផង។

លោក គុណ ប៊ុនសាន កំពុងបង្ហាត់សិស្ស

អតីតលីប្រូរបស់ក្រុមបាល់ទះវិសាខាខាងលើនេះបន្ថែមទៀតថា តាមរយៈបទពិសោធនៅជាមួយវិសាខាតាំងពីជំនាន់ឈ្មោះ ស.ស.យ.ក ខេត្តព្រៃវែង និងការហ្វឹកហាត់ ការចេញទៅប្រកួតទាំងក្នុងស្រុក ក្រៅស្រុក លោកសូមផ្ដាំផ្ញើដល់យុវជន ឬអ្នកលេងបាល់ជំនាន់ក្រោយនេះត្រូវតាំងចិត្ត និងខំប្រឹងលេងឲ្យចេះពិតប្រាកដ។ កុំដូចពាក្យថាលេងតែបាល់អត់ប្រយោជន៍គឺត្រូវប្រឹងលេងឲ្យច្បាស់ និងចេះឆ្នៃយកភាពល្បី ឬសមត្ថភាពដែលខ្លួនមានទៅអភិវឌ្ឍន៍ជំហ៊ានបន្ទាប់អាចនឹងក្លាយជាគ្រូរកចំណូលបានផងដែរពីអាជីពនេះ។ សរុបជារួមអាជីពបាល់ទះនេះអាចនឹងជួយដល់អ្នកដែលមានជំនាញច្បាស់លាស់ចេះបង្ហាត់សិស្សរកចំណូលបានមួយផ្នែកសម្រាប់ផ្គតផ្គង់ជីវភាពខ្លួនឯង។

លោក គុណ ប៊ុនសាន កំពុងបង្ហាត់សិស្ស

បញ្ជាក់ដែរថា លោក គុណ ប៊ុនសាន ជាអតីតលីប្រូរបស់ក្រុមបាល់ទះវិសាខាពីមុនមក។ រូបលោកចូលហ្វឹកហាត់តាំងពីជំនាន់វិសាខានៅជា ស.ស.យ.ក ខេត្តព្រៃវែង មកម្ល៉េះ។ អតីតកីឡាករលីប្រូរូបនេះរួមរស់ជាមួយវិសាខាបានប្រហែល ៧-៨ឆ្នាំផងដែរទើបសម្រេចចូលនិវត្តន៍ពីបាល់ទះអំឡុងឆ្នាំ២០២១។ បច្ចុប្បន្ននេះលោកកំពុងជួយបង្ហាត់ក្រុមបាល់ទះស្នងការ ផ្នែកនារី និងឆ្លៀតថ្ងៃទំនេរបង្ហាត់សិស្សៗឯកជនផងដែរ។ សិស្សលោកកំពុងបង្ហាត់រាល់ថ្ងៃនេះមានសរុបប្រហែល ៥០-៦០នាក់៕

លោក គុណ ប៊ុនសាន កំពុងបង្ហាត់សិស្ស

អត្ថបទដោយ៖ នួន ស៊ីណា

The post អតីតលីប្រូរបស់ក្រុមបាល់ទះវិសាខា ផ្ដាំអ្នកលេងបាល់ជំនាន់ក្រោយចេះអ្វីចេះឲ្យប្រាកដ appeared first on Kampuchea Thmey Daily.

ឈ្នះវិសាខាម្សិលមិញ យ៉ុន ខេមរៈ មើលឃើញពីភាពរីកចម្រើនរបស់ក្រុម

Sina Noun — Sat, 18 Oct 2025 04:25:34 +0000

កីឡាករឆ្នើមរបស់ក្រុមបាល់ទះស្នងការដ្ឋាននគរបាលរាជធានីភ្នំពេញ យ៉ុន ខេមរៈ ថាជ័យជម្នះលើក្រុមធំវិសាខាម្សិលមិញនេះមើលឃើញថាក្រុមរបស់ខ្លួនទាំងមូលមានភាពរីកចម្រើនក្រោយការខំប្រឹងប្រែងហ្វឹកហាត់ជាប្រចាំ។

ក្រុមបាល់ទះស្នងការ

យ៉ុន ខេមរៈ បានឲ្យដឹងថា រូបគេសប្បាយចិត្តជាខ្លាំងដែលប្រកួតឈ្នះក្នុងជំនួបមិត្តភាពមួយនេះ និងរឹតតែរីករាយទៀតនោះគឺមើលឃើញពីភាពរីកចម្រើនរបស់ក្រុមទាំងមូល។ ម្នាក់ៗលេងចុះសម្រុង និងសហការគ្នាបានល្អ។

ដៃប៉ះសេរបស់ស្នងការរូបនេះបន្ថែមទៀតថា ការមើលឃើញពីភាពរីកចម្រើនទាំងនេះគឺដូចជាការចេញសេវាបានលឿនល្អ ការធ្វើរនាំងបានល្អ ចាប់សេវាអាចទទួលយកបាន ប៉ុន្តែការការពារនៅខ្វះខាតបន្តិចត្រូវកែតម្រូវបន្ថែម។

ទិដ្ឋភាពម្សិលមិញ

កីឡាករជម្រើសជាតិកម្ពុជារូបនេះបន្ថែមទៀតថា ការរីកចម្រើនទាំងនេះគឺដោយសារតែការខំប្រឹងប្រែងហ្វឹកហាត់ជាប់លាប់ជានិច្ច និងការគោរពវិន័យបានល្អទើបក្រុមទទួលបានភាពរីកចម្រើនបែបនេះ។

ទិដ្ឋភាពម្សិលមិញ

បញ្ជាក់ដែរថា កាលពីរសៀលថ្ងៃទី១៧ ខែកញ្ញា ឆ្នាំ២០២៥ ម្សិលមិញនេះក្រុមបាល់ទះស្នងការដ្ឋាននគរបាលរាជធានីភ្នំពេញបានយកឈ្នះលើក្រុមធំ វិសាខា ដោយលទ្ធផល ៤-១ សិត នៅទីលានហ្វឹកហាត់របស់ខ្លួនឯខណ្ឌច្បារអំពៅក្នុងជំនួបមិត្ភភាពផ្លាស់ប្ដូរបទពិសោធគ្នា៕

កីឡាករ យ៉ុន ខេមរៈ

អត្ថបទដោយ៖ នួន ស៊ីណា

The post ឈ្នះវិសាខាម្សិលមិញ យ៉ុន ខេមរៈ មើលឃើញពីភាពរីកចម្រើនរបស់ក្រុម appeared first on Kampuchea Thmey Daily.

ជំនួបមិត្តភាពរវាងក្រុមបាល់ទះស្នងការ ប៉ះ វិសាខា ថ្ងៃនេះមានចែកអាវជូនអ្នកគាំទ្រ

Sina Noun — Fri, 17 Oct 2025 03:47:36 +0000

នៅរសៀលថ្ងៃទី១៧ ខែកញ្ញា ឆ្នាំ២០២៥ នេះនឹងមានការប្រកួតមិត្តភាពដកស្រង់បទពិសោធរវាងម្ចាស់ផ្ទះស្នងការដ្ឋាននគរបាលរាជធានីភ្នំពេញ ស្វាគមន៍ភ្ញៀវ វិសាខា វេលាម៉ោង ២កន្លះតទៅនៅទីតាំងក្លឹបរបស់ខ្លួនផ្ទាល់ក្នុងខណ្ឌច្បារអំពៅ រាជធានីភ្នំពេញ។

នេះបើតាមសេចក្ដីប្រកាសរបស់ក្លឹបស្នងការដ្ឋាននគរបាលរាជធានីភ្នំពេញគឺបានបញ្ជាក់ថា នៅការប្រកួតមិត្តភាពរវាងក្លឹបទាំងពីរឯរសៀលនេះនឹងមានចែកអាវរបស់ក្លឹបផ្ទាល់រហូតដល់ ១០ឈុតជូនអ្នកគាំទ្រដែលទៅទស្សនាផ្ទាល់ទៀតផង។

ដូច្នេះសម្រាប់អ្នកគាំទ្រទៅផ្ទាល់បានទស្សនាកម្សាន្តសប្បាយហើយនោះក៏មានឱកាសទទួលបានអាវរបស់ក្លឹបជាអនុស្សាវរីយ៍បន្ថែមទៀត។ សូមចូលរួមទស្សនា និងលើកទឹកចិត្តក្រុមបាល់ទះទាំងពីរក្នុងជំនួបមិត្តភាពដកស្រង់បទពិសោធនេះទាំងអស់គ្នា៕

ក្រុមបាល់ទះស្នងការដ្ឋាននគរបាលរាជធានីភ្នំពេញ

អត្ថបទដោយ៖ នួន ស៊ីណា

The post ជំនួបមិត្តភាពរវាងក្រុមបាល់ទះស្នងការ ប៉ះ វិសាខា ថ្ងៃនេះមានចែកអាវជូនអ្នកគាំទ្រ appeared first on Kampuchea Thmey Daily.

សួន ចាន់ណរ៉ូ បង្ហាញសមត្ថភាពដ៏ល្អជួយ វិសាខា ឈ្នះក្រុមរបស់វៀតណាម

Sina Noun — Wed, 27 Aug 2025 01:59:02 +0000

កីឡាករបាល់ទះឆ្នើមទើបវិលចូលក្លឹបអាជីពវិញ សួន ចាន់ណារ៉ូ បង្ហាញទម្រង់លេងនៅតែល្អ និងដឹកនាំកីឡាករក្មេងៗក្នុងក្រុមលេងឈានរហូតយកឈ្នះ ៣-១ លើក្រុមបាល់ទះវៀតណាម The Cong-Tan Cang ថ្ងៃបើកឆាកម្សិលមិញនេះ។

រូបភាពលើផេកសហព័ន្ធបាល់ទះ

សួន ចាន់ណារ៉ូ បានលើកឡើងក្រោយប្រកួតចប់ថា ដោយសារតែការត្រៀមខ្លួនលឿនៗពេកធ្វើឲ្យរូបគេមានការលំបាកមួយចំនួនចំពោះការប្រកួតផ្លូវការពានរង្វាន់ប៉ូលិសនៅឯវៀតណាមនេះ។

រូបភាពលើផេកសហព័ន្ធបាល់ទះ

ដៃប៉ះសេឆ្នើមរូបនេះបន្តទៀតថា ការចូលហ្វឹកហាត់ជាមួយវិសាខាទើបតែបាន ២សប្ដាហ៍នោះទេបន្ទាប់មកចូលរួមប្រកួតពានអន្តរជាតិបែបនេះគឺលឿនពេកសម្រាប់ការសម្របខ្លួន។ បញ្ហាលំបាកនោះគឺកម្លាំងតែម្ដងដោយសារឈប់ហ្វឹកហាត់ប្រហែល ១ឆ្នាំមកហើយដូច្នេះការស្ដាកម្លាំងឡើងវិញគឺមិនដូចចិត្តនោះទេ ស្របពេលវ័យក៏ច្រើនទៅទៀត។ ចំណែកបច្ចេកទេសលេង ឬការយល់ចិត្តគ្នាមិនសូវជាបញ្ហានោះឡើយដោយសារធ្លាប់លេងជាមួយគ្នារាប់ឆ្នាំមកហើយមិនសូវជាមានការខុសប្លែកទេ។

រូបភាពលើផេកសហព័ន្ធបាល់ទះ

បញ្ជាក់ដែរថា កីឡាករ សួន ចាន់ណារ៉ូ បានវិលត្រឡប់មកហ្វឹកហាត់ជាមួយក្រុមបាល់ទះវិសាខាបានប្រហែល ២សប្ដាហ៍មកហើយ និងកំពុងនៅជាមួយក្រុមចូលរួមការប្រកួតបាល់ទះពានរង្វាន់ International Police Cup ឯប្រទេសវៀតណាម។ ការប្រកួតបើកឆាកដំបូងម្សិលមិញនេះ វិសាខា យកឈ្នះក្រុម The Cong-Tan Cang ស្របពេលថ្ងៃរសៀលនេះនឹងត្រូវប្រកួតលើកទី២ ដោយប៉ះក្រុមមកពីប្រទេសឡាវ Lao Ministry Of Public Security៕

អត្ថបទដោយ៖ នួន ស៊ីណា

The post សួន ចាន់ណរ៉ូ បង្ហាញសមត្ថភាពដ៏ល្អជួយ វិសាខា ឈ្នះក្រុមរបស់វៀតណាម appeared first on Kampuchea Thmey Daily.

ក្លឹបបាល់ទះវិសាខា Archives - Kampuchea Thmey Daily

លឹម​ ចិត្រា​ បាន​បញ្ជាក់​ថា​របួស​ក​ជើង​មិន​អី​នោះ​ទេ​ចាប់​ផ្ដើម​ចូល​ហ្វឹកហាត់​វិញ​បណ្ដើរៗ​ហើយ​

កីឡាករ​កំពុង​ឡើង​កូដ​របស់​វិសាខា​ ស​ ពិសី​ វះកាត់​ ACL​ ដោយ​ជោគជ័យ​ និង​ត្រូវ​សម្រាក​ប្រហែល​ ៩ខែ​

ការ​គាំទ្រ​វិស័យ​បាល់ទះច្រើននា​ពេល​​បច្ចុប្បន្ន​នេះ​​អាច​មក​ពី​កត្តាប្រព័ន្ធផ្សព្វផ្សាយ​ Social Media

អតីត​លីប្រូ​របស់​ក្រុម​បាល់ទះ​វិសាខា​ ផ្ដាំ​អ្នក​លេង​បាល់ជំនាន់​ក្រោយ​ចេះ​អ្វី​ចេះ​ឲ្យ​ប្រាកដ​

ឈ្នះ​វិសាខា​ម្សិលមិញ​ យ៉ុន​ ខេមរៈ​ មើល​ឃើញ​ពី​ភាព​រីកចម្រើន​របស់​ក្រុម​

ជំនួប​មិត្តភាព​រវាង​ក្រុមបាល់ទះ​ស្នងការ ប៉ះ​ វិសាខា​ ថ្ងៃ​នេះ​មាន​ចែក​អាវ​ជូន​អ្នក​គាំទ្រ​

សួន ចាន់ណរ៉ូ បង្ហាញសមត្ថភាពដ៏ល្អជួយ វិសាខា ឈ្នះក្រុមរបស់វៀតណាម

លឹម ចិត្រា បានបញ្ជាក់ថារបួសកជើងមិនអីនោះទេចាប់ផ្ដើមចូលហ្វឹកហាត់វិញបណ្ដើរៗហើយ

កីឡាករកំពុងឡើងកូដរបស់វិសាខា ស ពិសី វះកាត់ ACL ដោយជោគជ័យ និងត្រូវសម្រាកប្រហែល ៩ខែ

ការគាំទ្រវិស័យបាល់ទះច្រើននាពេលបច្ចុប្បន្ននេះអាចមកពីកត្តាប្រព័ន្ធផ្សព្វផ្សាយ Social Media

អតីតលីប្រូរបស់ក្រុមបាល់ទះវិសាខា ផ្ដាំអ្នកលេងបាល់ជំនាន់ក្រោយចេះអ្វីចេះឲ្យប្រាកដ

ឈ្នះវិសាខាម្សិលមិញ យ៉ុន ខេមរៈ មើលឃើញពីភាពរីកចម្រើនរបស់ក្រុម

ជំនួបមិត្តភាពរវាងក្រុមបាល់ទះស្នងការ ប៉ះ វិសាខា ថ្ងៃនេះមានចែកអាវជូនអ្នកគាំទ្រ