សហព័ន្ធគុនខ្មែរ ទទួលស្គាល់ថាចៅក្រម-អាជ្ញាកណ្ដាល ត្រូវតែពង្រឹងសមត្ថភាពជាបន្តបន្ទាប់តទៅទៀត

Sina Noun — Mon, 15 Dec 2025 07:09:01 +0000

ប្រធានសហព័ន្ធប្រដាល់គុនខ្មែរថា ទទួលស្គាល់ចៅក្រុម-អាជ្ញាកណ្ដាល នាពេលបច្ចុប្បន្ននេះត្រូវតែបន្តពង្រឹងសមត្ថភាពបន្ថែមទៀតដើម្បីដឹកនាំការប្រកួតឲ្យកាន់តែល្អ និងកាត់បន្ថយការខ្វះចន្លោះនានាតទៅមុខទៀត។

លោក ខូវ ឆាយ

លោក ខូវ ឆាយ បានឲ្យដឹងថា តាមរយៈបញ្ហាក្នុងការប្រកួតកន្លងមកនេះគឺលោកទទួលស្គាល់ថាចៅក្រម-អាជ្ញាកណ្ដាលបច្ចុប្បន្ននេះត្រូវតែពង្រឹងសមត្ថភាពលើការបំពេញកិច្ចការងារបន្ថែមទៀត។ ដោយសារឥលូវនេះគុនខ្មែរបានបោះជំហានទៅលើឆាកអន្តរជាតិកាន់តែទូលំទូលាយ ដូច្នេះប្រសិនភាពការងារត្រូវតែអនុវត្តន៍ឲ្យកាន់តែប្រសើរ។ មួយវិញទៀតមន្ត្រីមួយចំនួនជាអតីតគ្រូបង្វឹក និងកីឡាករចាស់ៗហេតុនេះត្រូវតែជំរុញលើការពង្រឹងសមត្ថភាពពិសេសការដឹកនាំការប្រកួតតែម្ដង។

រូបភាពតំណាង (ផេកសហព័ន្ធ)

ប្រធានសហព័ន្ធខាងលើបន្តទៀតថា សហព័ន្ធក៏មិនចង់ឃើញការប្រកួតមួយដូចដែរ អេ អាំម៉ារីនភូថង ប្រកួតកន្លងទៅនេះទេ។ កីឡាករមួយថយពេក និងការប្រកួតដែលមិនសូវវាយបែបនេះជាដើមអាជ្ញាកណ្ដាលត្រូវតែណែនាំ ឬព្រមានដើម្បីធ្វើឲ្យការប្រកួតនោះធ្វើឲ្យអស់ពីសមត្ថភាព និងជក់ចិត្តសម្រាប់អ្នកគាំទ្រដូចគ្នា។

រូបភាពផេកសហព័ន្ធ

បញ្ជាក់ដែរថា កីឡាប្រដាល់គុនខ្មែរជារឿយៗឧហ្សាហ៍ជួបបញ្ហាលើការកាត់សេចក្ដីនៃការប្រកួតបន្ថែមពីនេះសហព័ន្ធក៏តែងតែបើកកិច្ចប្រជុំដោះស្រាយបញ្ហា ឬពិនិត្យលើការដាក់ពិន្ទុជាថ្មីផងដែរ។ ការលើកឡើងរបស់លោក ខូវ ឆាយ នេះបន្ទាប់ពីសហព័ន្ធប្រដាល់គុនខ្មែរបានដោះស្រាយបញ្ហារិះគន់ចំពោះការប្រកួតរបស់ អេ អាំម៉ារីនភូថង ជាមួយកីឡាករ Mo Abdurahman កន្លងទៅនេះ៕

អត្ថបទដោយ៖ នួន ស៊ីណា

The post សហព័ន្ធគុនខ្មែរ ទទួលស្គាល់ថាចៅក្រម-អាជ្ញាកណ្ដាល ត្រូវតែពង្រឹងសមត្ថភាពជាបន្តបន្ទាប់តទៅទៀត appeared first on Kampuchea Thmey Daily.

លោក ខូវ ឆាយ ឆ្ងល់គ្រូមួយចំនួននិយាយពីគុនខ្មែរ ប៉ុន្តែលើកពីច្បាប់ប្រទេសជិតខាងទៅវិញ

Sina Noun — Fri, 08 Aug 2025 08:09:56 +0000

លោក ខូវ ឆាយ ប្រធានសហព័ន្ធប្រដាល់ខ្មែរ ថាឆ្ងល់ជាមួយគ្រូមួយចំនួននិយាយពីរឿងគុនខ្មែរ ប៉ុន្តែបែរជាលើកតែពីច្បាប់របស់ប្រទេសជិខាងមកប្រៀបធៀប ឬការដាក់ពិន្ទុទៅវិញ។

លោក ខូវ ឆាយ រូបភាពផេកសហព័ន្ធ

ប្រធានសហព័ន្ធប្រដាល់គុនខ្មែរខាងលើលើកឡើងថា ការតាក់តែង និងរក្សាចងក្រងច្បាប់ នៃការប្រកួតមកដល់ពេលនេះគឺល្អគ្រប់ជ្រុងជ្រោយដោយមានការពិនិត្យពិភាក្សា លើកអំណះអំណានគិតពីផលវិជ្ជមាន ផលអវិជ្ជមាន ផលប៉ះពាល់ និងយកមកអនុវត្តន៍សាកល្បងទៅទៀត។

លោក ខូវ ឆាយ រូបភាពផេកសហព័ន្ធ

ដូច្នេះហើយក្នុងនាមអ្នកជំនាន់ក្រោយត្រូវរួមគ្នាថែរក្សា និងចូលរួមពង្រីកផ្សព្វផ្សាយទាំងកម្រិតជាតិ អន្តរជាតិ ឲ្យបានដឹងពីគុនខ្មែរ បទបញ្ជានៃគុនខ្មែរកាន់តែច្បាស់។ លោកមិនគាំទ្រចំពោះគ្រូមួយចំនួនដែលតែងតែចេញមកប្រឆាំងមិនសមហេតុផលកន្លងទៅនោះឡើយ ព្រោះរាល់ការប្រកួតគុនខ្មែរវាជាច្បាប់ទម្លាប់តាមបែបខ្មែរ។ សូមកុំយករបៀបរបបគុនខ្មែរទៅប្រៀបធៀបជាមួយរបៀបរបបក្បាច់គុនប្រទេសជិតខាងវាមិនត្រឹមត្រូវសមហេតុផលនោះឡើយ។

លោក ខូវ ឆាយ រូបភាពផេកសហព័ន្ធ

ការលើកឡើងរបស់ប្រធានសហព័ន្ធប្រដាល់គុនខ្មែរ លោក ខូវ ឆាយ នេះធ្វើឡើងអំឡុងពេលបិទវគ្គបណ្ដុះបណ្ដាលគ្រូបង្វឹកប្រដាល់គុនខ្មែរស្ដីពី «បទបញ្ជាបច្ចេកទេសគ្រប់គ្រងការប្រកួត» កាលពីថ្ងៃទី២៥ ខែកក្កដា ឆ្នាំ២០២៥ នៅឯពហុកីឡដ្ឋានជាតិ៕

រូបភាពផេកសហព័ន្ធ

អត្ថបទដោយ៖ នួន ស៊ីណា

The post លោក ខូវ ឆាយ ឆ្ងល់គ្រូមួយចំនួននិយាយពីគុនខ្មែរ ប៉ុន្តែលើកពីច្បាប់ប្រទេសជិតខាងទៅវិញ appeared first on Kampuchea Thmey Daily.

ខូវ ឆាយ Archives - Kampuchea Thmey Daily

លោក​ ខូវ​ ឆាយ​ ឆ្ងល់​គ្រូ​មួយ​ចំនួន​និយាយ​ពី​គុន​ខ្មែរ​ ប៉ុន្តែ​លើក​​ពី​ច្បាប់ប្រទេស​ជិតខាង​ទៅវិញ​

លោក ខូវ ឆាយ ឆ្ងល់គ្រូមួយចំនួននិយាយពីគុនខ្មែរ ប៉ុន្តែលើកពីច្បាប់ប្រទេសជិតខាងទៅវិញ