តាមការបញ្ជាក់បឋមពីលោកវរសេនីយ៍ឯក ព្រំ ចាន់ថុល នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តកំពង់ធំ ប្រាប់ កម្ពុជាថ្មី នៅរសៀលថ្ងៃទី១មិថុនា នេះថា ករណីនេះកើតឡើងរវាងរថយន្ដម៉ាក Ford​ ជាមួយរថយន្ដដឹកទំនិញធន់ធំវ៉េអង ក្នុងទិសដៅបញ្ច្រាសទិសគ្នា។

លោកវរសេនីយ៍ឯក ព្រំ ចាន់ថុល បញ្ជាក់បន្ថែមថា ការដែលបង្កជាគ្រោះថ្នាក់នេះកើតឡើង គឺដោយសាររថយន្ដធន់ធំវ៉េអងបើកគេចពីម៉ូតូមួយគ្រឿងដែលជិះចេញហាងមួយកន្លែង ទើបធ្វើឲ្យរថយន្ដជ្រុលទៅបុករថយន្ដម៉ាក Ford​ របស់លោក ជុំ សុភមករា ដែលកំពុងធ្វើដំណើរនៅផ្លូវផ្នែកម្ខាងទៀតបណ្ដាលរថយន្ដ Ford រងការខូចខាតធ្ងន់ធ្ងរ និងបណ្ដាលឲ្យអ្នកបើករថយន្ដ Ford ស្លាប់នៅកន្លែងកើតហេតុតែម្ដង។

នាយការិយាល័យនគរបាលចរាចរណ៍ខេត្តកំពង់ធំ បន្ថែមថា ក្នុងហេតុការណ៍នេះ គឺមានតែជនរងគ្រោះដែលជាអ្នកបើករថយន្ដម៉ាក Ford តែម្នាក់ប៉ុណ្ណោះ ខណៈអ្នកបើករថយន្ដធន់ធំវ៉េអង បានចុះរត់គេចខ្លួនបាត់មុនពេលសមត្ថកិច្ចទៅដល់។ ចំពោះវត្ថុតាងរថយន្ដទាំងពីរគ្រឿង ត្រូវបានកម្លាំងជំនាញធ្វើការវាស់វែងយកទៅរក្សាទុកនៅអធិការដ្ឋាននគរបាលស្រុកកំពង់ស្វាយ ដើម្បីរង់ចាំដោះស្រាយបន្ត៕

អត្ថបទ៖ សុខុម

The post អ្នកនាំពាក្យអាជ្ញាធរជាតិអប្សរា បាត់បង់ជីវិតដោយសារគ្រោះថ្នាក់ចរាចរណ៍នៅខេត្តកំពង់ធំ appeared first on Kampuchea Thmey Daily.

បើតាមកញ្ញា សុខ ច័ន្ទរស្មី លេខាធិការថ្នាក់ជាតិនៃបណ្ដាញ ALiSEA បានបញ្ជាក់ថា កម្មវិធីនេះ មានគោលបំណងលើកកម្ពស់ការយល់ដឹងអំពីកសិអេកូឡូស៊ី និងអត្ថប្រយោជន៍របស់វាសម្រាប់អ្នកប្រើប្រាស់ អ្នកផលិត និង បរិស្ថាន តាមរយៈការបង្ហាញពីការអនុវត្តកសិអេកូឡូស៊ី គំនិតផ្ដួចផ្ដើមប្រកបដោយភាពច្នៃប្រឌិតនៅក្នុង សហគមន៍ និងពង្រឹងការយល់ដឹងរួមលើកសិអេកូឡូស៊ី។ ផ្សារភ្ជាប់អ្នកសារព័ត៌មានទៅកាន់ប្រភពព័ត៌មានដែលអាចទុកចិត្តបានទាក់ទងនឹងការច្នៃប្រឌិតផ្នែក កសិកម្ម និងសុវត្ថិភាពចំណីអាហារ។ សម្រួលដល់ការចែករំលែកបទពិសោធន៍ និងផ្សារភ្ជាប់អ្នកសារព័ត៌មានជាមួយអ្នកជំនាញ អាជ្ញាធរមូល ដ្ឋាន កសិករ យុវជន និងនិស្សិត និងជាការពង្រឹងសមត្ថភាពអ្នកសារព័ត៌មានក្នុងស្រុកឱ្យយល់កាន់តែស៊ីជម្រៅ អំពីកសិអេកូឡូស៊ី។

លោក សុខ សុធា អ្នកជំនាញកសិអេកូឡូស៊ី បានបង្ហាញថា កសិអេកូឡូស៊ី គឺជាវិធីសាស្ត្រមួយដែលរួមបញ្ចូលគោលការណ៍អេកូឡូស៊ី ជាមួយសង្គម និងសេដ្ឋកិច្ច ហើយវាត្រូវបានអនុវត្តនូវទូទាំងពិភពលោក។ ការអនុវត្តកសិអេកូឡូស៊ី មានគោលបំណងដើម្បីគ្រប់គ្រងប្រព័ន្ធកសិកម្ម និងប្រព័ន្ធស្បៀងអាហារប្រកបដោយនិរន្តរភាព បង្កើនប្រតិភាពក្នុងការអនុវត្តកសិកម្មរួមគ្នារវាងមនុស្ស សត្វ រុក្ខជាតិ និងបរិស្ថានជុំវិញ ព្រមទាំងលើកកម្ពស់ប្រព័ន្ធស្បៀង និងសមធម៌សង្គម ដោយបុគ្គលម្នាក់ៗអាចមានសិទ្ធិជ្រើសរើសអ្វីដែលពួកគេចង់បរិភោគ និងជ្រើសរើសរបៀបដែលស្បៀងអាហារទាំងអស់នោះត្រូវបានផលិតឡើង។

លោក សុខ សុធា បានឱ្យដឹងថា គោលការណ៍សំខាន់ៗរបស់កសិអេកូឡូស៊ី គឺជាការលើកកម្ពស់ផលិតកម្មដំណាំចម្រុះ និងការចិញ្ចឹមសត្វ ដើម្បីធ្វើឱ្យប្រព័ន្ធអេកូឡូស៊ីមានភាពល្អប្រសើរ ជួយថែរក្សា និងការអភិរក្សដីដោយប្រើប្រាស់បច្ចេកទេសស្របតាមគោលការណ៍ធម្មជាតិ ដូចជាការគ្រប់គល់ ឬរងដំណាំ ការប្រើប្រាស់ជីកំប៉ុសគោក ជីកំប៉ុសទឹក ជីធម្មជាតិផ្សេងៗទៀត និងកាត់បន្ថយនូវភាពរំខានដល់ដី។ កាត់បន្ថយការប្រើប្រាស់សារធាតុគីមី ជំនួសវិញដោយប្រើថ្នាំពុលផលិតផលពីរុក្ខជាតិ ឬវិធានការចម្រុះការពារដំណាំតាមរយៈវិធីសាស្ត្រកម្ចាត់សត្វល្អិត និងជំងឺ។ ការអនុវត្តនេះដែរ ក៏ជាការបង្កើនការយល់ដឹង ជំនាញ និងការអនុវត្តដែលបង្កើតឡើងដោយផ្អែកលើបទពិសោធន៍របស់កសិករលើផ្នែកកសិកម្មបរិស្ថាន និងស្បៀងអាហារក្នុងតំបន់ និងស្វែងយល់បន្ថែមនៅអ្វីដែលថ្មី។

អ្នកជំនាញដដែលក៏បានបញ្ជាក់ថា កសិអេកូឡូស៊ីផ្ដល់អត្ថប្រយោជន៍យ៉ាងច្រើនដល់កសិករ តាមរយៈការជួយរក្សាប្រព័ន្ធអេកូឡូស៊ី អភិរក្សទឹក និងកាត់បន្ថយការបំពុល និងសឹករីករិលនៃដី។ ជួយជំរុញជីវភាពប្រជាកសិករកាន់តែល្អប្រសើរឡើង តាមរយៈការលើកកម្ពស់ការអនុវត្តកសិកម្មប្រកបដោយនិរន្តរភាព កសិអេកូឡូស៊ីក៏អាចបង្កើនប្រាក់ចំណូលកសិករ និងលើកកម្ពស់សុខុមាលភាពរបស់កសិករ។ ក្រៅពីនោះ កសិអេកូឡូស៊ីក៏ជាជួយបង្កើនលទ្ធភាពទទួលបានស្បៀងអាហារប្រកបដោយគុណភាព ជាពិសេសសម្រាប់សហគមន៍មូលដ្ឋាន ហើយតាមការអនុវត្តកសិអេកូឡូស៊ី និងជួយឱ្យប្រព័ន្ធកសិកម្មអាចសម្របទៅនឹងការប្រែប្រួលអាកាសធាតុ។

សូមបញ្ជាក់ថា ទស្សនកិច្ចសិក្សាឈ្វេងយល់ការអនុវត្តកសិអេកូឡូស៊ីនៅខេត្តសៀមរាប និងខេត្តកំពង់ធំនេះ គឺដើម្បីឆ្លើយតបតម្រូវការនៃការផ្លាស់ប្តូរចំណេះដឹង និងចែករំលែកបទពិសោធន៍នៃតំបន់ផ្សេងៗគ្នា បង្កើតកន្លែង ឬជាវេទិកាប្រមូលផ្តុំមួយ ដែលភាគីពាក់ព័ន្ធទាំងអស់ អាចចូលរួម និងរៀនពីគ្នាទៅវិញទៅមកលើការផ្លាស់ប្តូរនេះ និងបង្កើនការលើកកម្ពស់ការយល់ដឹងលើផ្នែកកសិអេកូឡូស៊ីឱ្យកាន់តែទូលំទូលាយ ទាំងថ្នាក់ជាតិ និងតំបន់ តាមរយៈការគាំទ្រប្រព័ន្ធផ្សព្វផ្សាយបែបចម្រុះ៕

អត្ថបទ៖ គឿនវេត

The post អ្នកសារព័ត៌មានជាង២០ស្ថាប័ន បានធ្វើទស្សនកិច្ចសិក្សាឈ្វេងយល់ ពីការអនុវត្តកសិអេកូឡូស៊ី នៅខេត្តសៀមរាប និងកំពង់ធំ appeared first on Kampuchea Thmey Daily.

លោកនួន ផារ័ត្នបានលើកឡើងបែបនេះក្នុងពិធីដាំដើមឈើក្រោមគំនិតផ្តួចផ្តើម «សហគមន៍បៃតង» នៅក្រុងស្ទឹងសែនខេត្តកំពង់ធំ ដើម្បីលើកកម្ពស់ការថែរក្សាបរិស្ថាន និងការអភិវឌ្ឍប្រកបដោយចីរភាព។

លោកអភិបាលខេត្តកំពង់ធំ បានបន្តថា ជាក់ស្តែងសកម្មភាពដាំដើមឈើនេះបានបង្ហាញយ៉ាងច្បាស់ពីរបៀបដែលរាជរដ្ឋាភិបាល សហគមន៍ និងវិស័យឯកជន អាចធ្វើការរួមគ្នា ដើម្បីការពារធនធានធម្មជាតិ និងគាំទ្រសុខុមាលភាពរយៈពេលវែងសម្រាប់អ្នកជំនាន់ក្រោយហើយសកម្មភាពថ្ងៃនេះក៏បានបង្ហាញឱ្យឃើញពីគំរូភាពនៃវិស័យឯកជន ដែលមិនត្រឹមតែធ្វើធុរកិច្ច ប៉ុន្តែថែមទាំងមានការយកចិត្តទុកដាក់ក្នុងការជួយជ្រោមជ្រែងសង្គម និងបរិស្ថាន ស្របតាមគោលនយោបាយអភិវឌ្ឍន៍របស់រាជរដ្ឋាភិបាល។

លោក Michiel Oerlemans អគ្គនាយកគ្រប់គ្រងក្រុមហ៊ុន ខេមប្រ៊ូវ បានគូសបញ្ជាក់ថា ការអនុវត្តអាជីវកម្មដោយការទទួលខុសត្រូវចំពោះសង្គម គឺជាផ្នែកមួយនៃអត្តសញ្ញាណ និងរបៀបនៃការធ្វើប្រតិបត្តិការរបស់យើងព្រោះថា «កម្ពុជា គឺជាផ្ទះរបស់យើង ហើយរាល់តំណក់ភេសជ្ជៈដែលយើងផលិត គឺកើតចេញពីគោលបំណងជាក់លាក់របស់យើងចាប់តាំងពីការបង្កើតជាលើកដំបូងគឺ «ការអភិវឌ្ឍឱ្យកាន់តែប្រសើរទាំងថ្ងៃនេះ និងថ្ងៃស្អែក ។ តួនាទីរបស់យើងនៅកម្ពុជា មិនបានកំណត់ត្រឹមតែ ការផលិតភេសជ្ជៈដ៏មានគុណភាពសម្រាប់អតិថិជនប៉ុណ្ណោះទេ ប៉ុន្តែយើងក៏ចង់ឃើញសហគមន៍របស់យើងមានការអភិវឌ្ឍរីកចម្រើនប្រកបដោយនិរន្តរភាព ដូចដែលថា គ្មានសហគមន៍ គ្មានអាជីវកម្ម ពួកយើងត្រូវរីកចម្រើនជាមួយគ្នា។

លោកបានបន្ថែមថាក្រៅពីផ្តល់អត្ថប្រយោជន៍ផ្នែកអាកាសធាតុ ដូចជាការស្រូបយកឧស្ម័នកាបូន និងការជួយបង្កើនភាពធន់ចំពោះបម្រែ បម្រួលអាកាសធាតុ គំនិតផ្តួចផ្តើមនេះ ក៏នឹងបង្កើតជាកេរដំណែលដ៏មានអត្ថន័យសម្រាប់មនុស្សជំនាន់ក្រោយដោយលោកបន្តថា «ដើមឈើមួយដើម គឺជាក្តីសង្ឃឹមមួយ។ ការដាំនៅថ្ងៃនេះ គឺយើងកំពុងដាំក្តីសង្ឃឹមសម្រាប់កូនចៅជំនាន់ក្រោយ។ ពួកគាត់នឹងមានម្លប់ជ្រកនិងមានខ្យល់ដកដង្ហើមដ៏បរិសុទ្ធ»។

គួរបញ្ជាក់ថា«សហគមន៍បៃតង» គឺជាគំនិតផ្តួចផ្តើមមួយនៃក្របខណ្ឌចីរភាពសកលថ្មីរបស់ កាសស៊្បែរ «ការអភិវឌ្ឍដើម្បីអនាគតកាន់តែប្រសើរ » ដែលប្តេជ្ញាអនុវត្តអាជីវកម្មដោយការទទួលខុសត្រូវដោយ មានសសរស្តម្ភចំនួន ៤ រួមមាន ការកាត់បន្ថយការបំភាយកាបូន ការការពារធម្មជាតិ ការផ្តល់ជម្រើសអតិថិជនប្រកបដោយការទទួលខុសត្រូវ និងការអភិវឌ្ឍធនធានមនុស្ស។ ការដាំដើមឈើ គឺជាសកម្មភាបជាក់ស្តែង និងអាចមើលឃើញបានច្បាស់ ក្នុងការបម្លែងការប្តេជ្ញានេះទៅជាសកម្មភាពជាក់ស្តែងនៅកម្រិតមូលដ្ឋាន៕

អត្ថបទ៖ សំអឿន

The post ការការពារបរិស្ថានមិនមែនជាភារកិច្ចផ្តាច់មុខរបស់បុគ្គលណាម្នាក់ឡើយ តែទាមទារឱ្យមានការចូលរួមពីគ្រប់ភាគី appeared first on Kampuchea Thmey Daily.

ក្នុងឱកាសនោះ លោក ហ៊ែល តូនី បានលើកឡើងថា គ្មានការរុះរើ ឬកាត់ឆ្វៀលថ្មីៗដើម្បីជូនប្រជាពលរដ្ឋឡើយ។ តែត្រូវគោរព និងអនុវត្តតាមការចង្អុលបង្ហាញ ណែនាំដ៏ខ្ពង់ខ្ពស់របស់សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រីកម្ពុជា ត្រូវតែការពារដាច់ខាតឱ្យខាងតែបានដើម្បីទុកជាជម្រកត្រីពង ជីវចម្រុះ និងជាធនធានធម្មជាតិកេរដំណែលសម្រាប់កូនចៅជំនាន់ក្រោយ។

លោក ហ៊ែល តូនី បានកោតសរសើរខ្ពស់ដល់អាជ្ញាធរស្រុកស្ទោង ជាពិសេសលោក សាយ គឹមឡម ក្នុងនាមប្រធានគណៈបញ្ជាការឯកភាពរដ្ឋបាលស្រុកស្ទោង និងសហការីព្រមទាំងកងកម្លាំងនៅក្នុង ទីបញ្ជាការស្រាលទាំង៥ទីតាំង ដែលបានលះបង់សព្វបែបយ៉ាងក្នុងការការពារនូវធនធានធម្មជាតិពីការរុករានទន្ទ្រានពីជនឱកាសនិយមបានល្អប្រសើរកន្លងមក។

ជាមួយគ្នានេះ លោកក៏បានអំពាវនាវដោយទទូចដល់ប្រជាពលរដ្ឋនៅក្នុងមូលដ្ឋានស្រុកស្ទោង សូមបន្តវប្បធម៌និងចូលរួមថែរក្សាការពារតំបន់ជីវៈចម្រុះ ទីតាំងអភិរក្សនិងព្រៃរនាមព្រៃលិចទឹក ដែលជាជម្រកត្រីពង និងគម្របធម្មជាតិឱ្យបានគង់វង្សស្ថិតស្ថេរតទៅ ព្រោះជាតំបន់រណប នៃរ៉ាមសារស្ទឹងសែន រ៉ាមសារទន្លេឆ្មា និងបឹងទន្លេសាបផងដែរ៕

អត្ថបទ៖ ឈាង មករា

The post កំពង់ធំ ពង្រឹងវិធានការការពារព្រៃលិចទឹក និងធនធានធម្មជាតិ appeared first on Kampuchea Thmey Daily.

តាមការបញ្ជាក់របស់អ្នកនាំពាក្យ នៃស្នងការដ្ឋាននគរបាលខេត្តកំពង់ធំ នៅថ្ងៃទី២៤ ខែកុម្ភៈ ឆ្នាំ២០២៦នេះ បានឲ្យដឹងថា កម្លាំងជំនាញសណ្តាប់ធ្នាប់ស្រុកសន្ទុក ពិតជាបានដាក់គោលដៅត្រួតពិនិត្យផ្សព្វផ្សាយ អប់រំ ពិតប្រាកដមែន នៅចំណុចភូមិរាំងខាងជើង ឃុំតាំងក្រសាំង ស្រុកសន្ទុក ខេត្តកំពង់ធំ តែពុំបានផាកពិន័យដល់អ្នកបើកបរមធ្យោបាយទាំងអស់នោះទេ គ្រាន់តែបានធ្វើការអប់រំណែនាំតែប៉ុណ្ណោះ។

សូមជម្រាបថា កាលពីថ្ងៃទី២៣ ខែកុម្ភៈ ឆ្នាំ២០២៦ មានអ្នកលេងបណ្ដាញសង្គមជាច្រើនបានបញ្ចេញមតិរិះគន់លើមន្ត្រីនគរបាលចរាចរណ៍មួយក្រុមដែលបានដាក់គោលដៅត្រួតពិនិត្យអនុវត្តច្បាប់ចរាចរណ៍នៅលើផ្លូវលំមួយនៅក្នុងស្រុកសន្ទុក​ ខេត្តកំពង់ធំ។

គួររម្លឹកថា កាលពីពេលថ្មីៗ ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា បានប្រកាសថា ការអនុវត្តច្បាប់ស្តីពីចរាចរណ៍ផ្លូវគោក ត្រូវបានដាក់ឱ្យអនុវត្តឡើងវិញ ដើម្បីកាត់បន្ថយគ្រោះថ្នាក់ ក្រោយពីត្រូវបានផ្អាកសកម្មភាពមួយរយៈ។ សកម្មភាពនេះ នឹងចាប់ផ្តើមអនុវត្តតាមរយៈការផាកពិន័យក្រោយការអប់រំជាង០៧ខែកន្លងមក នៅតែពុំទាន់ទទួលបានលទ្ធផលផ្កែផ្កាវិជ្ជមាន៕

The post អ្នកនាំពាក្យនគរបាលខេត្តកំពង់ធំ៖ គ្មានគោល​ការណ៍ពីថ្នាក់ដឹកនាំឲ្យចុះរឹតបន្តឹងច្បាប់ចរាចរណ៍លើផ្លូវលំនោះទេ appeared first on Kampuchea Thmey Daily.

នាឱកាសអញ្ជើញចុះពិនិត្យជាក់ស្តែងវឌ្ឍនភាពការងារនៃគម្រោងអភិវឌ្ឍន៍សំណង់ស្ទាក់ទឹកកំពង់គោនៅថ្ងៃទី ៧ ខែកុម្ភៈ លោក ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានឱ្យដឹងថា គម្រោងនេះបានចាប់ផ្តើមការដ្ឋានក្នុងឆ្នាំ២០២៤ គិតមកត្រឹមថ្ងៃទី៧ ខែកុម្ភៈ ឆ្នាំ២០២៦នេះ វឌ្ឍនភាពការងារសម្រេចបានប្រមាណ ៨០% ហើយគ្រោងនឹងបញ្ចប់ក្នុងឆ្នាំ២០២៦។

គម្រោងអភិវឌ្ឍន៍សំណង់ស្ទាក់ទឹកកំពង់គោ មានវិសាលភាពគ្របដណ្ដប់លើក្រុង-ស្រុកចំនួន៥ នៃខេត្តកំពង់ធំ ដែលរួមមាន ក្រុងស្ទឹងសែន ស្រុកកំពង់ស្វាយ ស្រុកសន្ទុក ស្រុកប្រាសាទបល្ល័ង្គ និងស្រុកសណ្តាន់។សូមបញ្ជាក់ថា គម្រោងអភិវឌ្ឍន៍សំណង់ស្ទាក់ទឹកកំពង់គោ ស្ថិតនៅលើដងស្ទឹងសែនផ្នែកខាងក្រោម ក្នុងខេត្តកំពង់ធំគឺជាសំណង់ស្ទាក់ទឹកថ្មីមួយទៀត បន្ទាប់ពីសំណង់អាងទឹកដងកាំបិត និងសំណង់អាងទឹករក្សា ដែលស្ថិតនៅខ្សែទឹកផ្នែកខាងលើនៃដងស្ទឹងសែន ក្នុងខេត្តព្រះវិហារ។

គម្រោងនេះមានសក្តានុពលស្ដុកទឹក ដើម្បីបម្រើឱ្យវិស័យកសិកម្ម ឧស្សាហកម្ម និងការប្រើប្រាស់ក្នុងជីវភាពរស់នៅប្រចាំថ្ងៃ ព្រមទាំងជួយបញ្ចៀសការជន់លិចតំបន់ទីប្រជុំជននានាដែលស្ថិតតាមបណ្ដោយដងស្ទឹងសែនផ្នែកខាងក្រោមនារដូវវស្សា៕

The post គម្រោងអភិវឌ្ឍន៍សំណង់ស្ទាក់ទឹកកំពង់គោ ខេត្តកំពង់ធំ សម្រេចបានប្រមាណ ៨០% appeared first on Kampuchea Thmey Daily.

នេះជាការលើកឡើងរបស់លោកឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករង និងជាអនុប្រធានអចិន្ដ្រៃយ៍នៃគណៈកម្មការគ្រប់គ្រងការពារ ទប់ស្កាត់ និងបង្ក្រាបបទល្មើសធនធានធម្មជាតិខេត្តកំពង់ធំ ក្នុងពេលដែលលោកបានចុះជួបកងកម្លំាងចម្រុះ ដែលកំពុងប្រចាំការនៅទីបញ្ជាការស្រាលបង្ក្រាបបទល្មើសនេសាទ នៅឃុំពាមបាង ស្រុកស្ទោង ខេត្តកំពង់ធំ នាព្រឹកថ្ងៃទី២ ខែកុម្ភៈ ឆ្នាំ២០២៦។

ជាមួយនឹងការកោតសរសើរចំពោះការបំពេញភារកិច្ចកន្លងមក ឧត្ដមសេនីយ៍ទោ សោម ស៊ុន បានណែនាំដល់កងកម្លាំងចម្រុះទាំងអស់ ត្រូវបន្តរួមគ្នាគោរពបទបញ្ជារបស់សម្តេចនាយករដ្ឋមន្ត្រី ហ៊ុន ម៉ាណែត ក្នុងការការពារ ទប់ស្កាត់ និងបង្ក្រាបបទល្មើសនេសាទខុសច្បាប់ ប្រកបដោយស្មារតីទទួលខុសត្រូវខ្ពស់ មានប្រសិទ្ធភាព និងទទួលបានជោគជ័យ។ ក្នុងរដូវប្រាំងនេះ លោក ណែនាំឱ្យមានការរៀបចំផែនការបែកចែកកម្លាំង ដើម្បីការពារឱ្យបានតំបន់អភិរក្សពូត្រី ក្នុងបឹងទន្លេឆ្មារ ដើម្បីរក្សាពូជត្រីទុកសម្រាប់ពងកូនក្នុងរដូវវស្សាខាងមុខទៀត ក៏ដូចជានៅតំបន់នៅបាឡត ក្នុងលំហទន្លេសាប ក្នុងឃុំពាមបាង ស្រុកស្ទោង ខេត្តកំពង់ធំ។

លោកឧត្ដមសេនីយ៍ទោ សោម ស៊ុន បានលើកឡើងពីការអបអរសាទរ និងគាំទ្ររបស់ប្រជាពលរដ្ឋនៅទូទាំងប្រទេសចំពោះសកម្មភាពបង្ក្រាបបទល្មើសនេសាទខុសច្បាប់ពីសំណាក់កងកម្លំាងចម្រុះ ដែលបានធ្វើឱ្យផលត្រីនៅក្នុងឆ្នាំនេះសម្បូរឡើងវិញ។  

បើតាមរបាយការណ៍របស់មន្ត្រីជំនាញ បច្ចុប្បន្ន បទល្មើសនេសាទមានការថយចុះគួរឱ្យកត់សម្គាល់ ដោយពលរដ្ឋភាគច្រើន បានយល់ដឹង និងគោរពអនុវត្តតាមច្បាប់ស្តីពីជលផលថ្មី តែក៏នៅមានប្រជាពលរដ្ឋមួយចំនួនតូចនៅតែប្រព្រឹត្តិបទល្មើសនេសាទខុសច្បាប់ ពិសេសប្រជាពលរដ្ឋដែលមកពីតំបន់ និងខេត្តផ្សេងមួយចំនួន បានមកនេសាទត្រី និងលៀស ដោយប្រើប្រាស់ឧបករណ៍នេសាទខុសច្បាប់៕

The post កម្លាំងចម្រុះខេត្តកំពង់ធំបន្តពង្រឹងការបង្ក្រាបបទល្មើសនេសាទ តាមបឹងទន្លេសាប   appeared first on Kampuchea Thmey Daily.

ក្នុងឱកាសនោះ លោកអភិបាលលើកឡើងថា ការសាងសង់ហេដ្ឋារចនាសម្ព័ន្ធផ្លូវថ្នល់នេះ ជាសរសៃឈាមនៃសេដ្ឋកិច្ច ដែលបានបង្កភាពងាយស្រួលដល់ប្រជាពលរដ្ឋ ក្នុងការធ្វើដំណើរ និងការធ្វើអាជីវកម្មដឹកជញ្ជូនទៅតាមបណ្តាទីប្រជុំជនសំខាន់ៗ និងទៅតាមទីជនបទនានា ដែលធ្វើឲ្យប្រជាពលរដ្ឋទាំងកាត់បន្ថយចំណាយទាំងពេលវេលា និងថវិការ។ ជាពិសេសបង្ខិតគំលាតរវាងទីប្រជុំជន ទៅកាន់ទីជនបទ ទាំងជីវភាព និងការរស់នៅប្រចាំថ្ងៃ ដែលនេះជាការអភិវឌ្ឍមួយដ៏សំខាន់ ក្នុងយុទ្ធសាស្ត្របច្ចកោណរបស់រាជរដ្ឋាភិបាលផងដែរ។

ជាមួយគ្នានេះ លោកក៏បានធ្វើបច្ចុប្បន្នភាពសភាពការណ៍សង្គមសេដ្ឋកិច្ចរបស់ប្រទេសជាតិ ជាពិសេសអំពីសង្គ្រាមឈ្លានពានរបស់ប្រទេសជិតខាងមកលើកម្ពុជា និងកិច្ចខិតខំប្រឹងប្រែងរបស់សម្ដេចមហាបវរធិបតី នៅក្នុងការព្យាយាមស្តារឡើងវិញនូវសន្តិភាពមួយជាក់លាក់តាមបន្ទាត់ព្រំដែន ដោយរក្សាបាននូវបូរណភាពទឹកដីរបស់ព្រះរាជាណាចក្រកម្ពុជា។ លោកបន្តទៀតថា សមរភូមិអាវុធត្រូវបានផ្អាក ប៉ុន្តែសង្គ្រាមមិនទាន់បានបញ្ចប់នោះទេ ដំណើរទៅមុខក៏នៅបន្តវែងឆ្ងាយទៀតដែរ ដូចនេះ ជាការចាំបាច់ណាស់ដែលប្រជាជនកម្ពុជាយើងត្រូវរួបរួមគ្នាជាមួយរាជរដ្ឋាភិបាលកម្ពុជា ក្នុងស្មារតីសាមគ្គីជាតិតែមួយ ប្រយុទ្ធប្រឆាំងនូវសង្គ្រាមឈ្លានពាននេះ រហូតដល់យើងអាចសម្រេចបាននូវសន្តិភាពទាំងស្រុងឡើងវិញ។

លោកអភិបាលខេត្ត អំពាវនាវដល់ប្រជាពលរដ្ឋដែលទទួលបានពីផលប្រយោជន៍នៃផ្លូវមួយខ្សែនេះ សូមចូលរួមថែរក្សា ការពារ និងគោរពតាមគោលការណ៍នានានៃច្បាប់ចរាចរណ៍របស់ព្រះរាជាណាចក្រកម្ពុជា ដើម្បីសុវត្ថិភាព និងកំណើនសេដ្ឋកិច្ចគ្រួសារ៕

អត្ថបទ៖ ឈាង មករា

The post អភិបាលខេត្តកំពង់ធំ៖ ការសាងសង់ហេដ្ឋារចនាសម្ព័ន្ធផ្លូវថ្នល់ ជាសរសៃឈាមនៃសេដ្ឋកិច្ច បង្កភាពងាយស្រួលដល់ប្រជាពលរដ្ឋ appeared first on Kampuchea Thmey Daily.