ការបញ្ជូនខ្លួននេះ កាលពីព្រឹកថ្ងៃទី ១៣ ខែឧសភា ឆ្នាំ ២០២៦ នេះ ក្រោយបញ្ចប់នីតិវិធីសួរនាំ។ ជនសង្ស័យរួមមាន ៖ ១.ឈ្មោះ FEI YIYUAN ភេទប្រុស អាយុ ៤២ ឆ្នាំ ជនជាតិចិន មុខរបរមិនពិតប្រាកដ។ ២.ឈ្មោះ XUE XITAO ភេទប្រុស អាយុ ៣៤ ឆ្នាំ ជនជាតិចិន មុខរបរមិនពិតប្រាកដ។ ៣.ឈ្មោះ QIAN XIQIANG ភេទប្រុស អាយុ ៣៤ ឆ្នាំ​ ជនជាតិចិន មុខរបរមិនពិតប្រាកដ។ ជនសង្ស័យទាំង ០៣ ស្នាក់នៅបន្ទប់ជួល អគារ​ BAI LY 2 ផ្លូវសបិត​ សង្កាត់ទន្លេបាសាក់ ខណ្ឌចំការមន​ រាជធានីភ្នំពេញ។

លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បញ្ជាក់ថា កាលពីវេលាម៉ោង ៧ និង ៣០ នាទីព្រឹក​ ថ្ងៃទី ៤ ខែឧសភា ឆ្នាំ ២០២៦ ជនសង្ស័យ បានលួចរថយន្តម៉ាក ALPHARD ពណ៍ខ្មៅ​ ពាក់ស្លាកលេខ​ APO. K66​។ លុះនៅវេលាម៉ោង ៨ និង ៣០ នាទីព្រឹក ថ្ងៃទី ៦ ខែឧសភា ឆ្នាំ ២០២៦​ ជនសង្ស័យ បានយករថយន្ត LEXUS LM350 ពណ៍ខ្មៅ​ ពាក់ស្លាកលេខ​ H.Z.8998 និង​ រថយន្ត​ GAC NG8 ពណ៍ស គ្មានលេខ​។

លោកបន្តថា លុះមកដល់ថ្ងៃទី ១០ ខែឧសភា ឆ្នាំ ២០២៦ ការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវរហូតឈានដល់ការឃាត់ខ្លួនជនសង្ស័យចំនួន ៣ នាក់ នៅចំណុចផ្លូវសហពន្ធ័រុស្សី សង្កាត់ទឹកល្អក់ទី ១​ ខណ្ឌទួលគោក​ រាជធានីភ្នំពេញ នាំមកកាន់ស្នងការដ្ឋាននគរបាលរាជធានីភ្នំពេញ តែម្តង។

បន្ទាប់ពីសួរនាំរួចរាល់ ជនសង្ស័យ សារភាពថា ករណីទី១.ពួកខ្លួនបានធ្វើសកម្មភាពលួចរថយន្តម៉ាក ALPHARD ពណ៍ខ្មៅ​ ពាក់ស្លាកលេខ​ APO.K66 នៅចំណុចអគារខុនដូរ​ ONE PRAK សង្កាត់ស្រះចក​ ខណ្ឌដូនពេញ​ រាជធានីភ្នំពេញ​។ ករណីទី២.កាលពីវេលាម៉ោង​ ១១ និង ៤៤ នាទីយប់ ថ្ងៃទី ៥ ខែឧសភា ឆ្នាំ ២០២៦​ លួចរថយន្តម៉ាក LEXUS LM350 ពណ៍ខ្មៅ​ ពាក់ស្លាកលេខ​ H.Z.8998 នៅចំណុច អគារខុនដូរ​ ONE PRAK សង្កាត់ស្រះចក​ ខណ្ឌដូនពេញ​ រាជធានីភ្នំពេញ។ ករណីទី៣.កាលពីវេលាម៉ោង​ ១២ យប់រំលងអធ្រាត្រ ឈានចូលថ្ងៃទី ៥ ខែឧសភា ឆ្នាំ ២០២៦​ លួចរថយន្តម៉ាក GAC NG8 ពណ៌ស ពាក់ស្លាកលេខ​ 2CI-3521 នៅចំណុចបុរី ប៉េង ហួត​ គម្រោងអេកូសាន់រ៉ាយ​ ភូមិស្វាយតាអុក​ សង្កាត់វាលស្បូវ​ ខណ្ឌច្បារអំពៅ​ រាជធានីភំពេញ។ ករណីទី៤.កាលពីវេលាម៉ោង ៨ ថ្ងៃទី ៧ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2M-2149 នៅចំណុចមុខឃ្លាំង ក្នុងបរិវេណបុរីមង្គលថ្មី ភូមិ ១ ឃុំព្រែកខ្សាយ(ខ) ស្រុកពាមរក៏ ខេត្តព្រៃវែង។ ករណីទី៥.កាលពីវេលាម៉ោង​ ៨ និង ៣០ នាទី ថ្ងៃទី ៦ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2W-4016 នៅចំណុចមុខផ្ទះលេខ ៤៩៧ ផ្លូវលំ ភូមិកោះតេជោ ២ សង្កាត់គគីរធំ ស្រុកកៀនស្វាយ ខេត្តកណ្តាល។ ករណីទី៦.កាលពីវេលាម៉ោង​ ១០ យប់ ថ្ងៃទី ៦ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2CH-6300 នៅចំណុចភូមិលេខ ៦ សង្កាត់កំពង់លាវ ក្រុងព្រៃវែង ខេត្តព្រៃវែង។ ដោយឡែកវត្ថុតាងដកហូតរួមមាន ៖ រថយន្តចំនួន ១ គ្រឿង ម៉ាកព្រុស ពណ៍ទឹកមាស​ សា្លកលេខ ភ្នំពេញ 2BC-8308 (ជាមធ្យោបាយធ្វើសកម្មភាព)។ សម្ភារៈមួយចំនួនសម្រាប់ធ្វើសកម្មភាពលួច រួមនឹងស្លាកលេខចំនួន ១០ សន្លឹក។

បច្ចុប្បន្ន ជនសង្ស័យ ត្រូវបានសមត្ថកិច្ចកសាងសំណុំរឿងចាត់ការតាមនីតិវិធីច្បាប់៕
អត្ថបទ ៖ រដ្ឋា

The post បញ្ជូនជនជាតិចិន ៣ នាក់ លួចរថយន្ត និង ស្លាកលេខ ចំនួន ៦ ករណី ទៅកាន់តុលាការ appeared first on Kampuchea Thmey Daily.

ក្នុងឱកាសនោះ លោកប្រធានមន្ទីរបានថ្លែងនូវការកោតសរសើរ និងវាយតម្លៃខ្ពស់ចំពោះមន្ត្រីរាជការទាំងអស់ ដែលបានខិតខំបំពេញភារកិច្ចតាមជំនាញរៀងៗខ្លួន រហូតសម្រេចបានលទ្ធផលល្អប្រសើរស្របតាមផែនការដែលបានដាក់ចេញ។

ទន្ទឹមនឹងការលើកទឹកចិត្ត លោកប្រធានមន្ទីរបានផ្ដាំផ្ញើ និងដាក់ចេញនូវទិសដៅសំខាន់ៗចំនួន  ដើម្បីពង្រឹងប្រសិទ្ធភាពការងារដូចខាងក្រោម៖

១-ការប្រយុទ្ធប្រឆាំងព័ត៌មានក្លែងក្លាយ៖ មន្ត្រីទាំងអស់ត្រូវបង្កើនការយកចិត្តទុកដាក់តាមដានរាល់ព័ត៌មានក្លែងក្លាយ (Fake News) ឬព័ត៌មានដែលគ្មានប្រភពច្បាស់លាស់ នៅទូទាំងខេត្តព្រៃវែងក្នុងករណីមានព័ត៌មានមិនពិត  ព័ត៌មាន បំភ្លៃ បំភ្លើសខុសពីការពិត មន្ត្រីទាំងអស់ត្រូវសហការណ៍ជាមូយអាជ្ញាធរគ្រប់លំដាប់ថ្នាក់ និងមន្ទីរអង្គភាពពាក់ពន្ធ័ ធ្វើការបកស្រាយដោយប្រើប្រាស់ព័ត៌មានពិតដើម្បីផ្សព្វផ្សាយបន្សាប និងឆ្លើយតបឱ្យបានទាន់ពេលវេលា ដើម្បីកុំឱ្យមានការយល់ច្រឡំពីមហាជនក្នុងសង្គម។

២-សាមគ្គីភាពផ្ទៃក្នុងក្នុងការិយាល័យនិមួយគឺជាកត្តាសំខាន់បំផុតមិនអាចខ្វះបាន មន្ត្រីគ្រប់រូបត្រូវមានកិច្ចសហការគ្នាជិតស្និទ្ធ ដើម្បីធានាឱ្យដំណើរការការងារនៅក្នុងអង្គភាពមានភាពរលូន និងមានសម្រេចបាននូវប្រសិទ្ធភាពខ្ពស់តាមផែនការក្រសួងព័ត៌មានបានដក់ចុះនិងថ្នាក់ខេត្ត

៣-ការិយាល័យជំញនិមួយៗបន្តចុះផលិតបទយការណ៍ពាក់ពន្ធ៏វិស័យទេសចរណ៍ កសិកម្ម វិស័យវាយនវន្ត ការអនុវត្តគោលនយោបាយភូមិ ឃុំមានសុវត្ថភាព

៤-ផ្សព្វផ្សាយការអភិវឌ្ឃន៍ហេដ្ឋារចនាសម្ពន្ធ័នានានៅតាមក្រុង ស្រុក ឃុំសង្កាត់ ស្តីពីការរីចម្រើននៅតាមមូលដ្ឋាន នៅតាមទូរទស្សន៍ជាតិ ឯកជន តាមផេករបស់មន្ទីរ social  Media និងតាមវេបសាយ អោយបានទូលំទូលាយ៕

The post មន្ទីរព័ត៌មានខេត្តព្រៃវែង បើកកិច្ចប្រជុំបូកសរុបការងារប្រចាំខែមីនា និងពង្រឹងការប្រយុទ្ធប្រឆាំងព័ត៌មានក្លែងក្លាយ appeared first on Kampuchea Thmey Daily.

អាជីវករ​ និងប្រជាពលរដ្ឋ​ក្នុងស្រុកស៉ីធរកណ្តាល​ ខេត្តព្រៃវែង​ បានរួមគ្នា​ធ្វើផ្លូវបេតុងឡើងចុះកំពង់ចម្លងផ្សារព្រែកសណ្តែក​ ស្រុកស៉ីធរកណ្តាល​​ ឆ្លងមកឃុំល្វេ​ ស្រុកកោះសូទិន​ ខេត្តកំពង់ចាម​ ពួកគាត់​បានបង្ហាញអារម្មណ៍សប្បាយរីករាយ​ដោយ ពេលបានឃើញមានការសហការគ្នា​ សាមគ្គី​គ្នា​ រួមសប្បុរសជន​ពង្រីក​ និងកសាងផ្លូវបេតុងឡើងចុះនេះ​ ដើម្បីផ្តល់ភាពងាយស្រួលធ្វើដំណើរ ទាំងអ្នកភូមិត្រើយសងខាងទន្លេតូចនេះ។ ទន្ទឹមនឹងនេះដែរ​ អាជីវករលក់ដូរ​ និងពលរដ្ឋ​ ស្នើសុំ​ឲ្យមន្ត្រីជំនាញពាក់ព័ន្ធ​ រួមនឹងអាជ្ញាធរ​មូលដ្ឋាន​ ជួយដោះស្រាយបញ្ហាការទុកដាក់និងប្រមូលសម្រាមនៅមាត់ទន្លេផ្សារព្រែកសណ្តែកនេះផង។

បញ្ហាកង្វក់សម្រាមផ្សារព្រែកសណ្តែក​ ក្នុងស្រុកស៉ីធរកណ្តាល​ ខេត្តព្រៃវែង​ នៅតែគ្មានដំណោះស្រាយ​ បើទោះបី​អាជ្ញាធរឃុំ​ បានធ្វើកិច្ចសន្យាជាមួយអ្នកគ្រប់គ្រងភាស៉ី​ផ្សារច្រើនលើកក៍ដោយ។

គូសបញ្ជាក់​ថា​ បញ្ហាសម្រាម​ នៅចំណុចដងទន្លេ​តូចដែលស្ថិតនៅចំណុចព្រំប្រទល់ស្រុកស៉ីធរកណ្តាល​ ខេត្តព្រៃវែង​ ឆ្លងមកឃុំល្វេ​ ស្រុកកោះសូទិន​ ខេត្តកំពង់ចាម​ បានចោទជាបញ្ហាតាំងពីយូរណាស់មកហើយ។ ប្រជាពលរដ្ឋ​ សិស្សសាលា​ និងអាជីវករផ្សារ​ព្រែកសណ្តែក​ បានរិះគន់ចំពោះអាជ្ញាធរមូលដ្ឋាន​ ដោយគ្មានប្រសិទ្ធភាព​ ក្នុងការដឹកនាំ​ និងដោះស្រាយបញ្ហាមួយនេះបាន​ ព្រោះរាល់ថ្ងៃសម្រាមត្រូវបានកាយ ឬបោះចោលចូលទឹកទន្លេ​ ដែលធ្វើឲ្យប៉ះពាល់សោភណ្ឌដងទន្លេ និងជះក្លិនស្អុយពេញបរិស្ថានជុំវិញផងដែរ៕ អត្ថបទ​និងរូបភាព​៖​ឡេក​ ចាន់ពេជ្រ

The post អាជីវករ​និងពលរដ្ឋ​ក្នុងស្រុកស៉ីធរកណ្តាល​ សប្បាយ​រីក​រាយ​ឃើញអាជ្ញាធរស្ថាបនាផ្លូវបេតុងឡើចុះកំពង់ល្អស្អាត appeared first on Kampuchea Thmey Daily.

ពិធីនេះ មានការចូលរួមពីលោកចន ណារិទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអគ្គលេខាធិការក្រុមប្រឹក្សាជាតិគាំពារសង្គម, និងលោក សួន សុម៉ាលីនអភិបាលខេត្តព្រៃវែង និងថ្នាក់ដឹកនាំក្រសួង ស្ថាប័នពាក់ព័ន្ធ, តំណាងដៃគូអភិវឌ្ឍន៍, មន្ត្រីរដ្ឋបាលខេត្ត/ក្រុង/ស្រុក, និងមន្ត្រីអនុវត្តកម្មវិធីនៅឃុំ/សង្កាត់ សរុបប្រមាណ ៤២០រូប។

សម្ភារៈឌីជីថលសម្រាប់ចុះបញ្ជីគាំពារសង្គម មានចំនួន ១១៦ឈុត រួមមាន កុំព្យូទ័រយួរដៃកម្រិតខ្ពស់, ម៉ាស៊ីនព្រីនពណ៌, កាមេរ៉ាថតឯកសារ, និងឧបករណ៍ស្កេនស្នាមម្រាមដៃ ត្រូវបានប្រគល់ជូនឃុំ/សង្កាត់សរុប ១១៦ ក្នុងខេត្តព្រៃវែង ដែលនឹងត្រូវយកទៅប្រើប្រាស់សម្រាប់ប្រតិបត្តិការចុះបញ្ជី និងគ្រប់គ្រងទិន្នន័យគាំពារសង្គម តាមថ្នាលឌីជីថលគាំពារសង្គមកម្ពុជា ដើម្បីបង្កើនប្រសិទ្ធភាព, សុក្រឹតភាព, និងភាពសុខដុម នៃការផ្តល់សេវាគាំពារសង្គមជូនពលរដ្ឋគោលដៅ។

ក្រោមការចង្អុលបង្ហាញ និងតម្រង់ទិសដ៏ខ្ពង់ខ្ពស់របស់ ឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាជាតិគាំពារសង្គម, កិច្ចការពង្រីកវិសាលភាពឆ្ពោះទៅអនុវត្តថ្នាលឌីជីថលគាំពារសង្គមកម្ពុជាទូទាំងប្រទេស នឹងត្រូវពង្រីកការអនុវត្តទៅដល់ខេត្តគោលដៅចំនួន១៥ ត្រឹមដំណាច់ខែមិថុនា ឆ្នាំ២០២៦ និងឈានទៅសម្រេចវិសាលភាពទូទាំងប្រទេស នៅដំណាច់ឆ្នាំ២០២៦ នេះ។

សូមបញ្ជាក់ជូនផងដែរថា ខេត្តព្រៃវែង ជាខេត្តទី៤ បន្ទាប់ពីខេត្តកំពង់ចាម ខេត្តសៀមរាប និងខេត្តកំពង់ធំ ដែលចាប់ផ្តើមអនុវត្តថ្នាលឌីជីថលគាំពារសង្គមកម្ពុជា ស្របតាមផែនការពង្រីកវិសាលភាព ដែលបានគ្រោងទុក៕

The post ខេត្តព្រៃវែង ទទួលបានសម្ភារឌីជីថល សម្រាប់ចុះបញ្ជីគាំពារសង្គម តាមថ្នាលឌីជីថលគាំពារសង្គមកម្ពុជា appeared first on Kampuchea Thmey Daily.

មានប្រសាសន៍បើកសារាចរ លោក ហ៊ី ធួក អភិបាលរងខេត្ត តំណាងលោក សួន សុម៉ាលីន អភិបាលខេត្តព្រៃវែង លើកឡើងថា៖ ជាមួយនឹងចក្ខុវិស័យ និងយុទ្ធសាស្ត្រយ៉ាងច្បាស់លាស់ នៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ក្រោមការដឹកនាំប្រកបដោយឆន្ទៈភាពជាម្ចាស់ និងទិសដៅច្បាស់លាស់ជាដំណាក់ៗ នៅតាមកម្មវិធីគោល នយោបាយរបស់រាជរដ្ឋាភិបាល ជាពិសេសការអនុវត្តអាទិភាព គោលនយោបាយសំខាន់ៗ និងវិធានការកែទម្រង់ ជាក់ស្តែងនានា ដែលត្រូវបានដាក់ឱ្យអនុវត្តជាបន្តបន្ទាប់ ចាប់ពីដើមនីតិកាលទី៧នៃរដ្ឋសភា ឱ្យសម្រេចបាន នូវលទ្ធផលផ្លែផ្កាជាអតិបរិមា ដែលមានលក្ខណៈប្រទាក់ក្រឡាគ្នា ដើម្បីឆ្លើយតបទៅនឹងតម្រូវការ និងទិសដៅនៃ ការអភិវឌ្ឍកម្ពុជាក្នុងដំណាក់កាលថ្មីខាងមុខ។ 

លោក អភិបាលរងខេត្ត បន្តថា ជាមួយនឹងការប្រគល់សិទ្ធិ និងការទទួលខុសត្រូវ ក្នុងការបំពេញមុខងាររបស់ខ្លួនក្នុងនាមជា អាណាប័កដើមខ្សែ លោក លោកស្រីដែលជាអាណាប័កដើមខ្សែ និងមន្ត្រីជំនាញពាក់ព័ន្ធទាំងអស់ ត្រូវបង្កើនការ យកចិត្តទុកដាក់ក្នុងការអនុវត្តថវិកា និងសកម្មភាពការងាររបស់ខ្លួនជាប្រចាំ និងអនុវត្តប្រកបដោយភាពទន់ភ្លន់ នៅតាមសភាពការណ៍ហិរញ្ញវត្ថុ និងសេដ្ឋកិច្ច ត្រូវបង្កើនសមត្ថភាព ភាពជាម្ចាស់ ឆន្ទៈ គណនេយ្យភាព ភាព ឆ្លើយតប និងប្រសិទ្ធភាពការងារមួយកម្រិតថែមទៀត។

ជាក់ស្តែង លទ្ធផលនៃការត្រួតពិនិត្យ និងវាយតម្លៃការ អនុវត្តថវិកាប្រចាំឆ្នាំកន្លងទៅបានបង្ហាញអំពីតម្រូវការបង្កើនសមត្ថភាពបន្ថែមដល់មន្ត្រីជំនាញដែលអនុវត្តការ ងារថវិកា ដោយត្រូវចាប់ផ្តើមគិតគូរចាប់ពីដំណាក់កាលរៀបចំថវិកាឱ្យកាន់តែមានភាពច្បាស់លាស់ និងគុណ ភាព។ ទោះបីការរៀបចំថវិកា ត្រូវបានកែលម្អជាបន្តបន្ទាប់ ក៏ប៉ុន្តែនៅតែទាមទារឱ្យពង្រឹងបន្ថែម ក្នុងគោលដៅ សម្រួលការអនុវត្ត និងផ្តល់មូលដ្ឋានក្នុងការត្រួតពិនិត្យ និងវាយតម្លៃ។ 

ទន្ទឹមនឹងនេះ លោក អភិបាលរង បានណែនាំ ដល់លោកអភិបាលក្រុង ស្រុក និងលោក លោកស្រីមេឃុំ ចៅសង្កាត់ទាំងអស់ គួរយកចិត្តទុកដាក់ពង្រឹង បង្កើនសមត្ថភាព លើការគ្រប់គ្រង និងការទទួលខុសត្រូវលើផ្នែកហិរញ្ញវត្ថុ និងការគ្រប់គ្រងទ្រព្យសម្បត្តិរដ្ឋបន្ថែមទៀត ដោយត្រូវ ពិនិត្យតាមដានជម្រុញលើកទឹកចិត្តមន្ត្រីជំនាញរបស់ខ្លួនអនុវត្តឱ្យបានត្រឹមត្រូវ និងទាន់ពេលវេលា ស្របតាម នីតិវិធីហិរញ្ញវត្ថុ។ 

នៅក្នុងនោះដែរ ក៏មានបទអន្តរាគមន៍តំណាងក្រសួងសេដ្ឋកិច្ចនិងហិរញ្ញវត្ថុ លោកប្រធានមន្ទីរសេដ្ឋកិច្ចនិងហិរញ្ញវត្ថុ និងលោកប្រធានរតនាគារខេត្តព្រៃវែង ដល់រដ្ឋបាលក្រុង ស្រុក ឃុំ សង្កាត់ ដើម្បីយល់ដឹងកាន់តែច្បាស់ បន្ថែមទៀតអំពីនីតិវិធីនៃសារាចរណែនាំលេខ ០២២ សហវ.ស.រ.ណ.អហក ចុះថ្ងៃទី២៦ ខែធ្នូ ឆ្នាំ២០២៥ ស្តីពីការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ របស់រដ្ឋបាលថ្នាក់ក្រោមជាតិ ធ្វើយ៉ាងណាដើម្បីធានាដល់ការអនុវត្តរបស់រដ្ឋបាលក្រុង ស្រុក ឃុំ សង្កាត់ ប្រកបដោយប្រសិទ្ធភាពខ្ពស់ស្របតាមចក្ខុវិស័យរបស់រាជរដ្ឋាភិបាលកម្ពុជាដែលបានដាក់ចេញមកនេះ៕

ដោយ ៖ សៅគ្រី

The post មន្ទីរសេដ្ឋកិច្ច ខេត្តព្រៃវែងប្រជុំផ្សព្វផ្សាយការអនុវត្តច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៦ appeared first on Kampuchea Thmey Daily.

ពិធីនេះមានការចូលរួមពីប្រធានក្រុមប្រឹក្សាខេត្តព្រៃវែង, អភិបាលនៃគណៈអភិបាលខេត្តព្រៃវែង, សមាជិកអចិន្តៃ្រយ៍នៃគណៈកម្មាធិការកណ្តាល និង មន្រ្តីរាជការ សមាជិក សមាជិកា ស.ស.យ.ក. ខេត្តប្រមាណ ៥០០ នាក់ នៅបរិវេណខាងមុខ នៃទីតាំងអគារស្នាក់ការថ្មី ស.ស.យ.ក. ស្ថិតក្នុងទីរួមខេត្តព្រៃវែង។

ជាកិច្ចចាប់ផ្តើម ប្រធានស.ស.យ.ក. ខេត្តព្រៃវែង ខៀវ ភារិទ្ធ បានធ្វើរបាយការណ៍ស្ដីពីសកម្មភាព និងបង្ហាញពីសមិទ្ធផលការងារ ដែល ស.ស.យ.ក. ខេត្តព្រៃវែងតែងតែចូលរួមចំណែកក្នុងការអភិវឌ្ឍសមត្ថភាពយុវជន ការចូលរួមជាមួយសកម្មភាពសង្គមនានា រួមទាំងចូលរួមលើកកម្ពស់សុខដុមនីយកម្មសង្គម ដោយចូលរួមយ៉ាងក្លៀវក្លាក្នុងការប្រយុទ្ធប្រឆាំងការរីករាលដាលនៃជំងឺកូវីដ-១៩ និងចូលរួមរៃអង្គាសជាថវិកា និងសម្ភារៈនានា ដើម្បីជួយដល់វីរកងទ័ពជួរមុខអំឡុងពេលដែលប្រទេសជាតិប្រឈមនឹងការឈ្លានពាន និងរបាយការណ៍សង្ខេបពីការសាងសង់អគារស្នាក់ការថ្មីផងដែរ។

ឧបនាយករដ្ឋមន្ត្រី ស សុខា បានបង្ហាញការស្វាគមន៍យ៉ាងកក់ក្តៅចំពោះវត្តមានគណៈអធិបតី រួមទាំងសមាជិក សមាជិកាដែលបានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការអគារស្នាក់ការថ្មី ស.ស.យ.ក. ខេត្តព្រៃវែង។

ឧបនាយករដ្ឋមន្ត្រី ស សុខា បានបន្ថែមថា ស.ស.យ.ក. ខេត្តព្រៃវែង សូមប្តេជ្ញាចិត្តបន្តធ្វើសកម្មភាពឲ្យកាន់តែខ្លាំងក្លាបន្ថែមទៀត ដើម្បីឆ្លើយតបនឹងបេសសកកម្ម និងទស្សនវិស័យវែងឆ្ងាយរបស់ស.ស.យ.ក. និងបន្តចូលរួមជាមួយរាជរដ្ឋាភិបាលក្រោមការដឹកនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត ក្នុងការបណ្តុះបណ្តាលយុវជនឲ្យក្លាយជាសសរទ្រូង និងជាឆ្អឹងខ្នងនៃប្រទេសជាតិ៕

The post ឧប. ហ៊ុន ម៉ានី ប្រធានស.ស.យ.ក អញ្ជើញសម្ពោធដាក់ឱ្យប្រើប្រាស់ជាផ្លូវការអគារស្នាក់ការថ្មី ស.ស.យ.ក. ខេត្តព្រៃវែង appeared first on Kampuchea Thmey Daily.

​ក្នុងដំណើរបេសកកម្មការងារនេះក៏មានវត្តមានចូលរួមពីតំណាងក្រសួងសាធារណៈការនិងដឹកជញ្ជូន, ក្រសួងបរិស្ថាន, ក្រសួងផែនការ, ក្រសួងរៀបចំដែនដី នគរូបនីយកម្ម និងសំណង់, អគ្គនាយ​កដ្ឋាន​គយនិងរដ្ឋាករកម្ពុជា និងតំណាងរដ្ឋបាលខេត្តព្រៃវែងផងដែរ។

​គម្រោងផែស្ងួតនេះជាគម្រោងទី១ដែលបាននិងកំពុងរៀបចំបង្កើតឡើងនៅតំបន់នោះ ក្នុងទំហំទុន​វិនិយោគ​ប្រមាណជាង ២០លានដុល្លារអាមេរិក លើផ្ទៃដីទំហំប្រមាណជាង១០ហិកតា ដែល​សកម្មភាពនេះនឹងចូលរួមចំណែកយ៉ាងសំខាន់គំាទ្រដល់សកម្មភាពដឹកជញ្ជូនទំនិញឆ្លងកាត់ព្រំដែននាពេលខាងមុខនៅច្រកទ្វារព្រំដែនអន្តរជាតិម៉ឺនជ័យ កម្ពុជា-វៀតណាម និងបង្កើតនូវការងារជា​ច្រើន​កន្លែងសម្រាប់ប្រជាពលរដ្ឋនៅតំបន់នោះ។

​ក្នុងទិដ្ឋភាពរួមរបស់គម្រោងផែស្ងួតនេះនឹងមានការសាងសង់នូវហេដ្ឋារចនាសម្ព័ន្ធចាំបាច់និងគំាទ្រនានាដែលរួមមាន អគារការិយាល័យ អគារពាណិជ្ជកម្ម កន្លែងផ្លាស់ប្តូរទំនិញ ទីតាំងតម្កល់កុងតឺន័រ និងឃ្លាំងស្តុកទំនិញជាដើម។

​ក្រៅពីបានដឹកនាំក្រុមការងារចុះពិនិត្យទីតាំងគម្រោងវិនិយោគខាងលើ លោកអគ្គលេខាធិការ ក៏​បានឆ្លៀតចុះពិនិត្យមើលច្រកទ្វារព្រំដែនអន្តរជាតិអន្តរជាតិម៉ឺនជ័យ កម្ពុជា-វៀតណាមដើម្បី​ស្វែង​យល់ពីទិដ្ឋភាពរួមនៃការវិវត្តរីកចម្រើននៅតំបន់នោះ និងបានជម្រាបជូនពីការត្រៀម​លក្ខណៈរបស់​គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាក្នុងការចូលរួមធ្វើការជាមួយគ្រប់ភាគីពាក់ព័ន្ធ ពិសេសរដ្ឋបាលខេត្តព្រៃវែងក្នុងការផ្សព្វផ្សាយ​សក្តានុពលវិនិយោគរបស់​តំបន់នេះជូន​ដល់​វិនិយោគិនជាតិនិងអន្តរជាតិ៕

The post ក្រុមហ៊ុន S.S.R កំពុងសាងសង់ផែស្ងួត ​មានទំហំទុនវិនិយោគ ២០ លានដុល្លារ ​នៅខេត្តព្រៃវែង​ appeared first on Kampuchea Thmey Daily.

តាមរយៈសេចក្ដីប្រកាសព័ត៌មានរបស់ក្រុមការព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តព្រៃវែង កាលពីល្ងាចថ្ងៃទី៦ ខែតុលា ឆ្នាំ២០២៥ បានឲ្យដឹងថា ក្នុងប្រតិបត្តការបង្ក្រាប កម្លាំងជំនាញបានស្រាវជ្រាវកំណត់ទីតាំងសង្ស័យចំនួន០៥ ដោយឃាត់ខ្លួនបានជនសង្ស័យបានចំនួន ៦៤នាក់ (ស្រី ២៤នាក់) រួមទាំងវត្ថុតាងមួយចំនួនធំ។

តាមសេចក្ដីប្រកាសព័ត៌មាន ក្នុងចំណោមក្រុមផ្តល់ប្រាក់កម្ចីទាំង ០៥ក្រុមនោះ គឺសុទ្ធតែខុសច្បាប់នៃព្រះរាជាណាចក្រកម្ពុជាទាំងស្រុង ដោយក្នុងនោះមាន ០៤ក្រុម គឺពុំមានអាជ្ញាប័ណ្ណត្រឹមត្រូវតាមច្បាប់ឡើយ ដោយឡែក ០១ក្រុមទៀត មានអាជ្ញាប័ណ្ណ ប៉ុន្តែគឺជាអាជ្ញាប័ណ្ណអាជីវកម្មទទួលបញ្ចាំតែប៉ុណ្ណោះ មិនមែនជាអាជ្ញាប័ណ្ណផ្តល់ប្រាក់កម្ចីនោះទេ។ យ៉ាងណាក៏ដោយទីតាំងផ្តល់ប្រាក់កម្ចីទាំងអស់នោះ គឺបានផ្តល់កម្ចី ដោយមានអត្រាការប្រាក់ខ្ពស់ហួសកម្រិត ក្នុងរូបភាពក្លែងបន្លំការប្រាក់ពី ១០ ទៅ១៥ភាគរយ ក្នុងមួយខែ ប៉ុន្តែបើស្រាវជ្រាវលម្អិតគឺអត្រាការប្រាក់ខ្ពស់រហូតដល់ ៨០ ទៅ ៨៥ ភាគរយ ។

ឆ្លងតាមរយៈការស្រាវជ្រាវ កម្លាំងជំនាញនៃស្នងការដ្ឋាននគរបាលខេត្តព្រៃវែង បានឃាត់ខ្លួនជនសង្ស័យជាអ្នកទទួលខុសត្រូវជាន់ខ្ពស់នៅក្នុងក្រុមផ្តល់ប្រាក់កម្ចីទាំង ០៥ក្រុមនេះ ដើម្បីកសាងសំណុំរឿងបញ្ជូនទៅសាលាដំបូងខេត្ត ផ្តន្ទាទោសតាមផ្លូវច្បាប់ ដោយឡែកបុគ្គលិកជាភ្នាក់ងារផ្តល់ប្រាក់កម្ចីធម្មតា ត្រូវបានអប់រំ ធ្វើកិច្ចសន្យា និងដាក់ក្នុងការស៊ើបអង្កេតបន្ត ដើម្បីស្រាវជ្រាវរកបណ្តាញទីតាំងផ្តល់ប្រាក់កម្ចីខុសច្បាប់បន្ថែមទៀត។

ស្នងការដ្ឋាននគរបាលខេត្តព្រៃវែង ក៏បានដាក់បទបញ្ជាយ៉ាងម៉ឺងម៉ាត់ដល់មន្ត្រីនគរបាលទាំង ១១៦ ឃុំ/សង្កាត់ ឱ្យពិនិត្យក្រុមដែលផ្តល់ប្រាក់កម្ចីខុសច្បាប់ ដោយមានអត្រាការប្រាក់ខ្ពស់បែបនេះ បើនៅតែបន្តផ្តល់ប្រាក់កម្ចីដល់ប្រជាពលរដ្ឋ ឬមានការគំរាមកំហែងដល់ប្រជាពលរដ្ឋ ត្រូវចាត់ទុកពួកគាត់ជាជនប្រព្រឹត្តបទល្មើស ហើយត្រូវបង្ក្រាបឱ្យបានទាន់ពេលវេលា និងត្រូវការពារប្រជាពលរដ្ឋឱ្យខាងតែបាន៕

អត្ថបទ៖ សុខុម

The post នគរបាលខេត្តព្រៃវែង ស្រាវជ្រាវបង្ក្រាបក្រុមផ្ដល់ប្រាក់កម្ចីខុសច្បាប់មានការប្រាក់ខ្ពស់ចំនួន​៥​ក្រុម និងឃាត់ខ្លួនមនុស្ស៦៤នាក់ appeared first on Kampuchea Thmey Daily.