ឧកញ៉ាលោក ខេមរ: សិរីមន្ត បានបង្ហោះខ្លឹមសារអមជាមួយវីដេអូ នៃបទចម្រៀងរៀបរាប់ដ៏មានអត្ថន័យថា “ខ្ញុំបាទគឺពិតជាមានសំណាងណាស់ដែលធ្លាប់បានថើប «ប្រាសាទតាក្របី» ដោយផ្ទាល់ដោយក្តីគោរពបំផុត”។

ស្របនឹងអារម្មណ៍ដែលយល់ថាសំណាង តែតារាចម្រៀងរូបនេះ ក៏បង្ហាញការសោកស្តាយជាពន់ពេក មិនខុសពីទំហំបេះដូងប្រជាជនខ្មែរនោះឡើយ។ ខណៈការបំផ្លាញដោយសារតែស្នាដៃរបស់ទាហានថៃឈ្លានពានទឹកដី។

ជាមួយគ្នានឹងការលើកឡើងរបស់តារាចម្រៀងលោក ខេមរ: សិរីមន្ត នេះដែរ ក៏មានការលើកឡើងថា ប្រទេសមានច្បាប់ត្រូវតែប្រមូលនូវភស្តុតាងមានវីដេអូដាក់ទៅតុលាការអន្តរជាតិ ICC & ICJ ដើម្បីឱ្យពួកចោរសៀមបានប្រព្រឹត្តិ (បើ​ASEAN,UN) ពិសេសមហាអំណាចអាមេរិក និងមហាអំណាចយក្យចិន ត្រូវជួយធ្វើអន្តរាគមន៍ឱ្យមានប្រសិទ្ធិភាពកុំយកផលប្រយោជន៍រួមមកពាក់ព័ន្ធពេលនេះ៕ ដោយ ៖ ចាន់រ៉ា

The post ខេមរ: សិរីមន្ត យល់ថា ខ្លួនមានសំណាង ដែលធ្លាប់ថើប «ប្រាសាទតាក្របី» ដោយផ្ទាល់ មុនសៀមបំផ្លាញ appeared first on Kampuchea Thmey Daily.

ចំពោះការសម្រេចចិត្តដ៏ត្រឹមត្រូវបស់តារាចម្រៀងល្បី ឈ្មោះលោកឧកញ៉ា ខេមរ: សិរីមន្ត នេះកំពុងទទួលបានការគាំទ្រខ្លាំងពីមហាជនខ្មែរស្របពេលដែលចោរសៀមវង្វេងប្រវត្តិសាស្ត្រ កំពុងឈ្លានពានមានមហិច្ចតាចង់បានទឹកដីប្រទេសកម្ពុជាដោយងងើលឥតខ្មាស។

កំពូលតារាចម្រៀងរូបនេះបានបញ្ជាក់ថា “ខ្ញុំបាទខេមរៈ សិរីមន្ត សូមជម្រាបជូនបងប្អូនជនរួមជាតិ ដោយស្មារតីជាតិនិយម ខ្ញុំបាទសម្រេចលុបចោលបទចម្រៀងអូនរាំអែន និងSAD MAN ចេញពីគ្រប់ Platforms ផ្លូវការ ខ្ញុំបាទទាំងអស់ចាប់ពីពេលនេះតទៅ”។

តាមរយ:ការប្រកាសលុបចោលចម្រៀងទាំង២បទខាងលើគឺបទ”អូនរាំអែន”និង”SAD MANនាពេលនេះគឺបានបង្ហាញពី ឆន្ទ:ក្នុងស្មារតីខ្មែររួមគ្នាតែមួយប្រឆាំងការឈ្លានពានពីសំណាក់ក្រុមចោរសៀមមកលើប្រទេសកម្ពុជា៕ ចាន់រ៉ា

The post ខេមរ: សិរីមន្ត សម្រេចលុបចោលបទ “អូនរាំអែន” និង “SAD MAN” ចេញពីគ្រប់ Platforms ផ្លូវការ appeared first on Kampuchea Thmey Daily.

ជាមួយឃ្លាអន្ទងព្រលឹងបុព្វបុរសខ្មែរ និងទសបារមីដែលខ្មែរតែងមានជំនឿលើ បានធ្វើឱ្យសាធារណជនជាច្រើនពោលថា “ស្តាប់ហើយព្រឹ” ព្រោះសំឡេងតារាចម្រៀងរូបនេះធ្ងន់ល្អ ហើយផ្សំនឹងឃ្លោងឃ្លាពេញដោយថាមពលដាស់ដួងព្រលឹងដូនតាខ្មែរ ធ្វើឱ្យការបង្ហើបឃ្លានេះកាន់តែអស្ចារ្យ។

កាលពីព្រឹកថ្ងៃទី១៦ ខែកក្កដា កំពូលតារាចម្រៀងជួរមុខកម្ពុជារូបនេះ ក្រុមការងារ និងក្រុមគ្រួសារ បានរៀបចំធ្វើពិធីក្រុងពាលីសុំពរជ័យនៅទីតាំងប្រាសាទអង្គរវត្ត។ បើតាមការបញ្ជាក់ឱ្យដឹង សម្រាប់ការធ្វើពិធីក្រុងពាលីនេះ​ គឺបង្ហាញពីស្មារតីសាមគ្គីរួមគ្នាជាធ្លុងតែមួយ ដើម្បីលើកទឹកចិត្តដល់វីរកងទ័ពរបស់កម្ពុជា ដែលកំពុងឈរជើងការពារបូរណភាពទឹកដីដ៏អង់អាចក្លាហាន នៅតាមបន្ទាត់ព្រំដែនកម្ពុជា-ថៃ។

មិនតែប៉ុណ្ណោះ គឺដើម្បីបួងសួងដល់បុព្វបុរសគ្រប់ជំនាន់ និងវត្ថុស័ក្ដិសិទ្ធិទាំងអស់ ជួយដល់កងទ័ពកម្ពុជាឈ្នះអស់មារសត្រូវ ព្រមនិងសុំសុខសួស្តីដល់ការថត MV ថ្មី បទ «មនសិកាជាតិខ្មែរ» ផងដែរ។ ខណៈ MV ចម្រៀងកំពុងផលិតនៅទីតាំងទឹកដីវប្បធម៌ និងប្រវត្តិសាស្ត្រកម្ពុជា ហើយត្រៀមចេញឆាប់ៗ។

គួរជម្រាបថា ក្រោយការប៉ះទង្គិចគ្នារវាងទាហានកម្ពុជា និងទាហានថៃ កាលព្រឹកថ្ងៃទី ២៨ខែឧសភា ឆ្នាំ២០២៥ ស្ថិតនៅចំណុចភូមិតេជោមរកត ឃុំមរកតស្រុកជាំក្សាន្តខេត្តព្រះវិហារ មិនមែនតែប្រជាពលរដ្ឋកម្ពុជានោះទេ បណ្តាអ្នកក្នុងចង្កោមសិល្បៈ បានបង្ហាញការយកចិត្តទុកដាក់យ៉ាងខ្លាំង ដូចជាការផ្តល់កម្លាំងចិត្តតាមរយៈសកម្មភាពផ្សេងៗ ដែលរួមមានការឧបត្ថម្ភជំនួយ និងការផលិតចម្រៀងដើម្បីជំរុញស្មារតីគាំទ្រជាដើម។

ជាមួយនឹងស្មារតីរួមគ្នានេះ កំពូលតារាចម្រៀង ខេមរៈ សិរីមន្ត្ត ក៏ត្រៀមចម្រៀងថ្មីដែរ ដែលអានត្រឹមចំណងជើង មានន័យដូចកំពុងបង្ហាញភក្តីចំពោះជាតិមាតុភូមិ។ សកម្មភាពនេះដែរ ក៏ត្រូវបានមហាជន ពិសេសអ្នកគាំទ្រតារាចម្រៀងប្រុសរូបនេះ បង្ហាញការពេញចិត្តនិងស្ញប់ស្ញែងផងដែរ៕

The post គ្រាន់តែបង្ហើបឃ្លាអន្ទងក្នុងបទ «មនសិការជាតិខ្មែរ» អ្នកគាំទ្រ ខេមរៈ សិរីមន្ត ពោលសរសើរគ្រប់គ្នា appeared first on Kampuchea Thmey Daily.

ជាក់ស្តែងតារាចម្រៀងចាស់វស្សាលោក ខេមរ: សិរីមន្ត បានបង្ហាញវីដេអូរយ:ពេលជាង ១នាទី នៃសកម្មភាពបង្រៀនកូនស្រីរាំបទចង្វាក់រាំវង់ប្រពៃណីជាតិខ្មែរយ៉ាងរស់រវើកទទួលបានការចាប់អារម្មណ៍ និងកោតសរសើរពីសំណាក់មហាជនអ្នកគាំទ្រពិសេសអ្នកប្រើប្រាស់បណ្តាញសង្គមហ្វេសប៊ុកផងដែរ។

ទន្ទឹមគ្នានោះកំពូលតារាចម្រៀងងារជាឧកញ៉ា ខេមរ: សិរីមន្ត ក៏បានឆ្លៀតទម្លាយពាក្យផ្តាំដ៏មានអត្ថន័យចំពោះកូនស្រីខ្លួនថា “ថ្ងៃនេះនាំកូន «មន្តស្ត្រី» រៀនរាំបទរាំវង់ប្រពៃណីជាតិខ្មែរ ហើយខ្ញុំបានប្រាប់កូនថា ទោះសម័យសិល្បៈទំនើបប៉ុណ្ណាតែយើងត្រូវថែរក្សាប្រពៃណីបុរាណដូនតារបស់យើងជានិច្ចដែរណាកូន”។

តាមរយ:ខ្លឹមសារនេះ សង្កេតឃើញមានទស្សនិកជនមួយចំនួនបានបង្ហាញការគាំទ្រ និងសរសើរថា លោកគឺជាបុគ្គលគំរូសម្រាប់សង្គមព្រោះក្នុងនាមជាឪពុកដ៏ល្អ ខេមរ: សិរីមន្ត បានណែនាំកូនស្រីពីរួមការរក្សានូវសិល្ប:វប្បធម៌របស់ខ្មែរ។

ក្នុងនោះក៏មានការលើកឡើងថា នេះជាសកម្មភាពភាពដែលរីករាយនិងបង្កើតអនុស្សាវរីយ៍ដ៏កក់ក្ដៅ និងមានន័យនៅក្នុងគ្រួសារ។ ខណ:មានខ្លះទៀតសរសើរដែរថា ល្អណាស់ប្អូនប្រុសបង្ហាត់កូនស្រី ឱ្យចេះរាំបទប្រពៃណីខ្មែរយើង រាំវង់ របស់ខ្មែរយើងរាំមិនចេះសាបសូន្យសុភាពរាបសាររមទម្យតជំនាន់៕ ចាន់រ៉ា

The post ខេមរ: សិរីមន្ត ទទួលបានការសរសើរ តាមរយៈសកម្មភាពបំផុសកូនឱ្យស្រលាញ់ និងរាំចង្វាក់ប្រពៃណីខ្មែរ appeared first on Kampuchea Thmey Daily.

ក្នុងនោះ កំពូលតារាចម្រៀង ២ដួងរបស់ ផលិតកម្មខ្នាតធំមួយនេះ គឺឧកញ៉ា ខេមរៈ សិរីមន្ត និងកញ្ញា តន់ ចន្ទសីម៉ា ក៏បានចាប់ដៃគ្នាច្រៀងចម្រៀងចង្វាក់ប្រពៃណីជាតិខ្មែរ និងទទួលបានការកោតសរសើរផងដែរ។

តាមរយៈចម្រៀងពីរោះរណ្តំ បទ “ទៅឬមិនទៅ” និងបទ “អូនលេងបងបាត់” ជាមួយកាយវិការច្រៀងរាំទន់ភ្លន់ក្នុងឈុតប្រពៃណីខ្មែរ ដែលជាការច្រៀងរួមគ្នា ក្នុងទម្រង់ចង្វាក់ប្រជាប្រិយ-រាំវង់ បានធ្វើឱ្យមហាជនពិសេសអ្នកគាំទ្រវិស័យចម្រៀងនៅកម្ពុជា ផ្ទុះការសរសើរគ្រប់ៗគ្នា មិនថាការរៀបចំ ឬកាយវិការច្រៀងនិងរាំនោះឡើយ។

ខណៈមតិខ្លះ ក៏បានបង្ហាញការកោតស្ញប់ស្ញែងនូវការផលិតចម្រៀងរបស់ផលិត Galaxy ឆ្នាំនេះ ដែលវ៉ាដាច់គេ ក្នុងការផលិតចម្រៀងសម្រាប់អបអរឆ្នាំថ្មីប្រពៃណីជាតិដល់ទៅរាប់សិបបទ។

គួរឱ្យដឹងដែរថា ដើម្បីជាការអបអរឱកាសចូលឆ្នាំថ្មីប្រពៃណីជាតិ តារាចម្រៀងប្រចាំផលិតកម្មទាំងពីរដួង បានបង្ហាញវត្តមាន ជាមួយវីដេអូចម្រៀងជាច្រើនបទ និងមានបទចម្រៀងទោលដែលទទួលបានការចាប់អារម្មណ៍ផងដែរ។

ក្នុងនោះ បទចម្រៀងរបស់កំពូលតារាចម្រៀង ខេមរៈ សិរីមន្ត មានដូចជាបទ “សៅអើយនាងសៅ” និងបទ “Khmer Vibe” ដែលជាទំនុកភ្លេងផ្សំដោយឧបករណ៍ភ្លេងបុរាណនិងសម័យ និងជាការចម្រៀងរួមគ្នាលើកដំបូងរវាង Tempo Tris ពិតជាទទួលបានក៏ចាប់អារម្មណ៍ខ្លាំង និងត្រូវបានអ្នកផលិតមាតិកាយកទៅ reaction ផងដែរ។

សូមបញ្ជាក់ថា នេះមិនមែនលើកទីមួយឡើយ សម្រាប់ការច្រៀងរួមគ្នា រវាងឧកញ៉ា ខេមរៈ សិរីមន្ត និងកញ្ញា តន់ ចន្ទសីម៉ា ខណៈចម្រៀងដែលតារាទាំងពីរដួងចេញរួមគ្នាកន្លងមក សុទ្ធសឹងជាបទទទួលការគាំទ្រពីអ្នកស្តាប់៕

The post ឧកញ៉ា សិរីមន្ត និង តន់ ចន្ទសីម៉ា ចាប់គូច្រៀងចង្វាក់ប្រពៃណី ២បទរួមគ្នា ធ្វើឱ្យអ្នកស្តាប់បង្ហើបក្តីពេញចិត្តខ្លាំង appeared first on Kampuchea Thmey Daily.

រៀមច្បងសិល្ប:រូបនេះក៏បានបង្ហាញការហួសចិត្តផងដែរ ទៅលើក្រុមអ្នកគាំទ្រតារាចម្រៀងជំនាន់ថ្មីដែលតែងរិះគន់និងតាមជេប្រមាថមើលងាយដោយចោទប្រកាន់ និងប្រៀបធៀបរៀមច្បងស្ទើរទាំងអស់គ្នាថា មិនចេះធ្វើអី្វក្រៅពី Copy ចម្រៀងពីប្រទេសគេ។

តារាចម្រៀងជើងចាស់ ខេមរ: សិរីមន្ត ថា “ក្នុងរយៈពេល៧ឬ៨ឆ្នាំចុងក្រោយនេះ បងនិងរួមតារាចម្រៀងរាមច្បងលោកគ្រូអ្នកគ្រូផ្នែកចម្រៀងស្ទើរតែទាំងអស់ ត្រូវបានក្រុមអ្នកគាំទ្ររបស់ប្អូនៗតារាចម្រៀងជំនាន់ថ្មី តាមជេប្រមាថមើលងាយរហូត ដោយចោទប្រកាន់និងប្រៀបធៀបថា ពួកបងនិងរៀមច្បងស្ទើរទាំងអស់គ្នា មិនចេះធ្វើអីក្រៅពីcopyចម្រៀងពីប្រទេសគេទាំងក្នុងស្ថានភាពប្រទេសយើង ស្ថិតក្នុងការលំបាកនាពេលអតីតកាល”។

លោកបន្តថា “ក្រុមអ្នកគាំទ្ររបស់ប្អូនៗមានមោទនភាពព្រោះពួកប្អូនៗ ដោយពួកគាត់គិតថាប្អូនៗជាអ្នកនិពន្ធថ្មី ហើយបងក៏ធ្លាប់មានមោទនភាពប្អូនៗដែរ បងក៏បានផលិតចម្រៀងនិពន្ធថ្មីរយៈពេល ៧ឆ្នាំជាប់គ្នាមកនេះបានខ្ទង់រយបទហើយ តែអ្វីៗបងមិននឹកស្មានថាប្អូនៗ Cheat បំភ័ន្តសូម្បីតែហ្វេនរបស់ខ្លួនឯងថា ខ្លួនជាអ្នកនិពន្ធថ្មីតែឥឡូវនេះ គឺបែកធ្លាយអស់ហើយគឺប្អូនៗ Copy ពីប្រទេសគេរហូតដែរសោះ។

តារាចម្រៀងឧកញ៉ា ខេមរ: សិរីមន្ត បានបន្ថែមថា បងសោកស្ដាយចំពោះការមោទនភាពរបស់បង ចំពោះប្អូនៗកន្លងមកហើយ បានទទួលរងការប្រមាថពីហ្វេនរបស់ប្អូនៗរហូត មកដែរ តែមិននឹកស្មានថាប្អូនៗធ្វើចឹងសោះឈប់បានឈប់ទៅប្អូនៗសម្លាញ់ យើងធ្វើបានប៉ុណ្ណាយើងប្រាប់គេត្រង់ៗទៅល្អជាងសម្រាប់យើងទាំងអស់គ្នា។

គួរបញ្ជាក់ថា គិតមកទល់ពេលនេះកំពូលតារាចម្រៀងលោកឧកញ៉ា ខេមរ: សិរីមន្ត បានចូលប្រឡូកក្នុងវិស័យសិល្ប:ផ្នែកចម្រៀងមានរយ:ពេលជាង២០ឆ្នាំហើយ ខណ:លោកក៏បានក្តោមបានទីផ្សាគាំទ្រយ៉ាងច្រើនពីសំណាក់មហាជននិងមិត្តៗយុវវ័យ ដែលជាឱកាសកើបលុយក្លាយជាឧកញ៉ាដូចពេលបច្ចុប្បន្ន៕ អត្ថបទ៖ ចាន់រ៉ា

The post ខេមរ: សិរីមន្ត សោកស្ដាយទង្វើអ្នកចម្រៀងជំនាន់ថ្មីមួយចំនួនលេងសៀកបំភ័ន្តភ្នែកអ្នកគាំទ្រ appeared first on Kampuchea Thmey Daily.

ជាការពិតបន្ទាប់ពីដាក់ខ្លួនប្រឡូកចូលក្នុងវិស័យសិល្ប:ផ្នែកចម្រៀយូរឆ្នាំកន្លងមកនេះ កំពូលតារាចម្រៀង ឧកញ៉ា ខេមរ: សិរីមន្ត ក្តោបបានទីផ្សារអ្នកគាំទ្រយ៉ាងច្រើនក្រាស់ក្រែល ពីសំណាក់មហាជននិងមិត្តៗយុវវ័យ ដែលជាឱកាសកើបលុយបានពីអាជីពមួយនេះរាប់លានដុល្លារ។ ម្យ៉ាងទៀត ដោយចូលរួមកិច្ចការងារជួយសង្គម តារាចម្រៀងរូបនេះ ក៏មានរាសីក្លាយជាឧកញ៉ាដូចពេលបច្ចុប្បន្ន។

តារាចម្រៀងលំដាប់ប្រទេស ខេមរ: សិរីមន្ត បានឲ្យដឹងថា ពីតូចដល់ធំស៊ូមករហូតមកទល់ពេលនេះ ក៏នៅតែកំពុងតែប្រឹងស៊ូប្រើសមត្ថភាពរកកម្រៃតាមលទ្ធភាព បើលើសហួសពីសម្ថភាពពេក ក៏មិនហ៊ានទទួលដែរ នេះជាចរិតរបស់លោក។ លោកបញ្ជាក់ទៀថា ហើយលោកក៏មិនធ្លាប់មើលងាយលើអ្នកណាឡើយ។

លោក ខេមរ: សិរីមន្ត កន្លងមក ក៏វធ្លាប់បានលើកឡើងបីចំណុចធំៗ ឱ្យអ្នកគាំទ្របានដឹងពីទស្សនៈរបស់លោក ដែលតែងផ្តោតលើផងដែរ ដោយទី១ គឺអតីតភាពរបស់យើង យើងធ្វើវាបានល្អហើយឬនៅ? ទី២ បច្ចុប្បន្នភាពយើង កំពុងតែធ្វើបានល្អហើយឬនៅ? និងទី៣ អនាគតរបស់យើង យើងបានត្រៀមអ្វីល្អៗសម្រាប់ធ្វើនៅពេលៗវេលានោះមកដល់ហើយនៅ?

តាមរយ:ទស្សនៈនៃខ្លឹមសារនេះ ត្រូវបានគេចាត់ទុកថា ជាជោគជ័យដ៏ធំធេងរបស់តារាចម្រៀងចាស់វស្សារូបនេះ នៅលើវិថីសិល្ប:ដែលតារាប្រុស-ស្រីក្មេងៗជំនាន់ក្រោយពិបាកនឹងតាមទាន់លោក ឬអាចឈោងចាប់ឱកាសនេះបាន។ ក្រៅតែពីជោគជ័យលើសិល្ប: កន្លងមកតារាចម្រៀងសិរីមន្ត ក៏លេចមុខមាត់លើវិនិយោគលើវិស័យអចលនទ្រព្យទទួលបានផ្លៃផ្កាទទឹមគ្នាផងដែរ៕ អត្ថបទ៖ ចាន់រ៉ា

The post ឧកញ៉ា ខេមរ: សិរីមន្ត ថា ពីតូចដល់ធំ លោកមិនចេះមើលងាយគេឡើយ ហើយធ្វើអ្វីគឺតស៊ូដោយសមត្ថភាព appeared first on Kampuchea Thmey Daily.

ចំពោះ​ វត្តមាន​របស់​តារា​ចម្រៀង​​ ខេមរៈ​ សិរីមន្ត នៅលើ​ទឹកដីអាមេរិកនា​ពេលនេះ បានធ្វើឲ្យ​អ្នកគាំទ្រ​លោក​មួយចំនួន​សម្តែង​ការទទួល​រាក់ទាក់​យ៉ាងកក់ក្តី។ប៉ុន្តែអ្វី​ដែលធ្វើឲ្យ​មហាជន​ចាប់​អារម្មណ៍​ជាង​នេះក្នុងការ​ចេញទៅ​ច្រៀង​​នៅ​​អាមេរិក​​គឺ​​លោក ខេមរៈ​ សិរីមន្ត មិន​បាន​ទៅតែ​ម្នាក់ឯង និង​ក្រុមរាំនោះ​ទេ ដោយលោកថែម​ទាំងយក​អង្គរក្ស​ការពារ​បេះដូង​ប្រចាំ​ជីវិត គឺ​ភរិយាលោក​ទៅជា​មួយ​​ផងដែរ។

តាមរយៈ​រូបភាពពី​ទឹកដី​អាមេរិក​លោក ខេមរៈ​ សិរីមន្ត និង​ភរិយាបាន​បណ្ដើរ​គ្នា​​យ៉ាង​ផ្អែមល្ហែម​ក្នុង​ដំណើរកម្សាន្ត​លក្ខណៈ​គ្រួសារ​មុនថ្ងៃ​ឡើង​ឆាក​ចម្រៀង។

ជាមួយ​គ្នា​នេះ អំឡុងពេល​ឡើងយន្តចេញ​​ទៅអាមេរិក​លោក ខេមរៈ បាន​បង្ហោះ​ខ្លឹម​សារ​ថា​ «២០ឆ្នាំ​ហើយដែលយើងបានស្គាល់គ្នា​តាំងតែ​ពីបងមាន​តែខោអាវមួយចង្កេះ​តែប៉ុណ្ណោះ អរគុណអូន​ដែលមិនរើសអើង​បង ចង់ប្រាប់ថា ស្រលាញ់ខ្លាំងណាស់»។

សូមបញ្ជាក់​ថា តារាចម្រៀង​លោក ខេមរៈ​ សិរីមន្ត បានធ្វើ​ដំណើរ​ចាកចេញ​ពីមាតុភូមិ​កំណើត​ប្រទេស​កម្ពុជា​ដើម្បីទៅច្រៀង និងសម្តែង​នៅ​លើ​ឆាក​តន្ត្រី​នា​​ទឹកដី​ប្រទេស​មហា​​អំណាច​សម្បូរដុល្លារ​សហរដ្ឋអាមេរិក​កាលថ្ងៃទី២៥ ខែកញ្ញា ឆ្នាំ២០២៤ កន្លង​ទៅ​ដើម្បី​សម្តែង​ជូន​ពលរដ្ឋ​ដែល​រស់​នៅ​ទី​នោះ​ទស្សនា​នាថ្ងៃទី២៨ ខែកញ្ញា នៅក្នុង​កម្មវិធីតន្ត្រីវប្បធម៌ Cambodia day នៅទីតាំង​ញូញៀនស្វ៊ែ ទីក្រុង​សាន់ហ្វ្រាន់ស៊ីស្កូ សហរដ្ឋអាមេរិក។

ក្នុង​​ដំណើរចេញ​ទៅ​ច្រៀង និង​សម្តែង​នៅអាមេរិក​នេះ​ដែរ​លោក​បាននាំយកនូវសម្លៀកបំពាក់ខ្មែរ​​រំលេច​រូប​អង្គរវត្ត ,ស៊ីក្លូ ក្បាលនាគ នៅក្លោងទ្វាប្រាសាទអង្គរវត្ត និង​រទះគោជា​ដើម​ ដើម្បីបង្ហាញ និងផ្សព្វផ្សាយពីវប្បធម៌​ដ៏ល្អ​ផូរផង់​របស់​ខ្មែរ។ ជាមួយគ្នានេះ ក៏មានមតិវែកញែកសួរនាំដែរថា តើ​ការចេញទៅច្រៀងរបស់លោក ខេមរៈ សិរីមន្ត លើក​នេះ​រក្សាបានគាំទ្រដូចមុន ឬយ៉ាងណា?

អត្ថបទ៖ ចាន់រ៉ា

The post ឧកញ៉ា ខេមរៈ សិរីមន្ត ចេញទៅច្រៀងនៅអាមេរិក យកប្រពន្ធធ្វើជាអក្សរការពារបេះដូង appeared first on Kampuchea Thmey Daily.