នៅ​ខេត្ត Dong Thap ​កន្លែងជួញដូរខ្នុរដែលធ្លាប់តែមមាញឹក បានកាត់បន្ថយប្រតិបត្តិការ ឬបិទទាំងស្រុង។ កសិកររាយការណ៍ថា សូម្បីតែផ្លែខ្នុរ​គុណភាពល្អបំផុត ឥឡូវនេះលក់បាន​ត្រឹមតែ ៣ ០០០ ដុង(០,១១ ដុល្លារ)/គីឡូក្រាមប៉ុណ្ណោះ ដោយទាបជាងឆ្ងាយធៀបនឹង​តម្លៃផលិតកម្ម​ក្នុងរង្វង់ ៨ ០០០ ដុង។​

កសិករម្នាក់នៅឃុំ ប៊ិញភូ នៃខេត្ត Dong Thap បាននិយាយថា៖ «​​លក់ទៅក៏​ខាត ប៉ុន្តែ​បើទុកនៅលើដើម វាខ្ជះខ្ជាយ»។

ស្ថានភាពទីផ្សារបែបនេះ ក៏មាន​នៅខេត្តក្បែរខាង Vinh Long ឯណោះផងដែរ ដោយ​កសិករបាន​និយាយថា គ្មានឈ្មួញដើរទិញ​ ដែលធ្វើឱ្យ​ពួកគេទុកខ្នុរទុំឱ្យរលួយចោល។ ​

មែនទែនទៅ ការធ្លាក់ចុះថ្លៃឆ្នាំនេះ ធ្ងន់ធ្ងរធៀបនឹង​តម្លៃឆ្នាំមុន ដែលកសិករអាចលក់បាន​ចន្លោះពី ១៥ ០០០ – ២០ ០០០ ដុង/គីឡូក្រាម។ ពាណិជ្ជករបាន​និយាយថា ការធ្លាក់ចុះថ្លៃបែបនេះ គឺដោយសារតែការរំខានផ្នែកនាំចេញ ​រួមទាំងការពន្យារពេលដឹកជញ្ជូននៅច្រកព្រំដែន ដែលតម្រូវឱ្យមាន​ការដឹកជញ្ជូនមកចាក់លើទីផ្សារក្នុងស្រុកវិញ។ ​

ការផ្គត់ផ្គង់លើសកម្រិត រួមផ្សំជាមួយនឹងកម្សោយ​តម្រូវការក្នុងស្រុក​ បានធ្វើឱ្យតម្លៃធ្លាក់ចុះគំហុក។ លើសពីនោះ ការកើនឡើង​ថ្លៃដឹកជញ្ជូន និងការពន្យារពេលផ្នែកភស្តុភារ ធ្វើឱ្យអ្នកទិញកាន់តែខកចិត្ត៕

The post តម្លៃខ្នុរវៀតណាម​ធ្លាក់ចុះខ្លាំង ​បង្ខំឱ្យ​កសិករខ្លះទុកឱ្យទុំស្អុយចោល​ appeared first on Kampuchea Thmey Daily.

តាមរយៈនោះ GACC បានកំណត់តម្រូវការស្ដង់ដារអនាម័យ​សម្រាប់ផ្លែខ្នុរស្រស់​ពី​វៀតណាម។ ការសម្រេចចិត្តនេះ ត្រូវបានធ្វើឡើងដោយផ្អែកលើបទប្បញ្ញត្តិច្បាប់បច្ចុប្បន្នរបស់​ចិន និងពិធីសារស្តីពីការនាំចេញផ្លែខ្នុរស្រស់ដែលបានចុះហត្ថលេខារវាង GACC និងក្រសួងកសិកម្ម និងបរិស្ថានវៀតណាម។

ដើម្បីធានាបាននូវការឆ្លងកាត់គយដោយរលូន ចម្ការផ្លែខ្នុរ និងកន្លែងវេចខ្ចប់ទាំងអស់​សម្រាប់ការនាំចេញត្រូវតែចុះបញ្ជី និងអនុម័តដោយអាជ្ញាធរមានសមត្ថកិច្ចនៃប្រទេសទាំង២។

នៅដំណាក់កាលផលិត ចម្ការផ្លែខ្នុរសម្រាប់នាំចេញ ​តម្រូវឱ្យបង្កើតប្រព័ន្ធគ្រប់គ្រងគុណភាព និងតាមដានដ៏ទូលំទូលាយមួយក្រោមការត្រួតពិនិត្យរបស់អាជ្ញាធរវៀតណាម។ ចម្ការ​ទាំង​នោះ ត្រូវតែអនុវត្តការអនុវត្តកសិកម្មល្អ (GAP) រក្សាអនាម័យចម្ការ ប្រមូលផ្លែឈើដែលជ្រុះ និងរលួយជាប្រចាំ និងអនុវត្តវិធានការគ្រប់គ្រងសត្វល្អិតរួមបញ្ចូលគ្នា (IPM)៕

The post ចិនបើកផ្លូវនាំចូលផ្លែខ្នុរស្រស់ពីវៀតណាម ចាប់ពីខែមិថុនា ឆ្នាំក្រោយ appeared first on Kampuchea Thmey Daily.

ពិធីសារ ដែលចុះហត្ថលេខាដោយលោក Tran Duc Thang រដ្ឋមន្ត្រីក្រសួងកសិកម្ម និងបរិស្ថានវៀតណាម និងលោក Zhao Zenglian អនុប្រធានរដ្ឋបាលគយចិន (GACC) នេះ គឺជា​ជំហានសំខាន់មួយ សម្រាប់ការជួញដូរ​ផលិតផលកសិកម្មទ្វេភាគី ​ខណៈកន្លងមក នៅឆ្នាំនេះ វៀតណាម និងចិន បានចុះហត្ថលេខាលើពិធីសារចំនួន ៤ រួចហើយ​ ដែលរាប់បញ្ចូលទាំងម្ទេស ផ្លែម្នាស់ កន្ទក់ ​និងសំបុក​ត្រចៀកកាំ​។

GACC បានសង្កត់ធ្ងន់លើការប្តេជ្ញាចិត្តរបស់​ចិនក្នុងការបើកទីផ្សារសម្រាប់ផលិតផលកសិកម្មវៀតណាមដែលមានគុណភាពខ្ពស់ ខណៈ​វៀតណាមបានបញ្ជាក់ជាថ្មីនូវការផ្តោត​លើការបង្កើនកិច្ចសហប្រតិបត្តិការក្នុងវិស័យកសិកម្ម និងបរិស្ថាន។

ផ្លែខ្នុរស្រស់វៀតណាម ឥឡូវនេះ​ត្រូវមានស្តង់ដារក្រោមពិធីសារ ដោយកាត់បន្ថយហានិភ័យពាណិជ្ជកម្ម បំពេញតាមស្តង់ដារគុណភាពយ៉ាងតឹងរ៉ឹង និងគាំទ្រដល់ការពង្រីកការដាំដុះផ្លែខ្នុរក្រោមការអនុវត្តកសិកម្មល្អ (GAP)។ ​វារំពឹងថានឹងជំរុញផលិតកម្មតម្លៃបន្ថែម និងប្រាក់ចំណូលរបស់កសិករ។

យោងតាមក្រសួងកសិកម្មវៀតណាម ការនាំចេញផ្លែឈើ និងបន្លែរបស់វៀតណាម បានឈានដល់ជិត ៧,១ ​ប៊ីលានដុល្លារក្នុងរយៈពេល ១០ ខែដំបូងនៃឆ្នាំ ២០២៥ កើនឡើង ១៥,១% ​ធៀបនឹងរយៈពេលដូចគ្នាឆ្នាំមុន ដោយ​ទីផ្សារចិន​រួមចំណែក ៦២,៩% ​សម្រាប់ការនាំចេញសរុប៕

The post ចិនបើកការនាំចូលខ្នុរពីវៀតណាមជាផ្លូវការ appeared first on Kampuchea Thmey Daily.