បើតាមរបាយការណ៍របស់សមត្ថកិច្ចមូលដ្ឋានបានបញ្ជាក់ថា ករណីគ្រោះធម្មជាតិនេះបានកើតឡើងកាលពីថ្ងៃទី ១៧ ខែមេសា ឆ្នាំ២០២៦ វេលាម៉ោង ១៥ និង ០០នាទី  ស្ថិតនៅស្រុកថ្មគោល ខេត្តបាត់ដំបង ដោយមានករណីខ្យល់កន្ត្រាក់កើតឡើងចំនួន ០១លើក បណ្តាលឲ្យរបើកដំបូលផ្ទះប្រជាពលរដ្ឋចំនួន ២១ ខ្នង, ខូចខាតរបើកស័ង្កសីចំនួន ៤០១ សន្លឹក (ខូចខាតរបើកស័ង្កសីទាំងស្រុងចំនួន ៦ខ្នង)។

របាយការណ៍បានបន្តថា នៅមុនពេលកើតហេតុគឺមានភ្លៀងធ្លាក់មួយមេយ៉ាងខ្លាំង នៅក្នុងភូមិសាស្ត្រស្រុកថ្មគោល ស្របពេលជាមួយគ្នាដែរក៏ស្រាប់តែមានខ្យល់កន្តាក់បានបោកបក់យ៉ាងខ្លាំង កួចចូលទៅលើឃុំចំនួន ៤ ដែលធ្វើឲ្យដំបូលផ្ទះរបស់ប្រជាពលរដ្ឋរបើករបាញប៉ើងពេញវាលអស់ចំនួន២១ខ្នងដែលក្នុងនោះគឺ : ឃុំបឹងព្រីង នៅភូមិស្នួលកោង ខូចខាតផ្ទះចំនួន ៣ ខ្នង និងប៉ើងស័ង្កសីសរុបចំនួន ៥៧ សន្លឹកឃុំបឹងព្រីង ខូចខាតរបើកស័ង្កសីចំនួន ២០ សន្លឹក , ឃុំជ្រោយស្ដៅ៖ នៅភូមិនិគមក្រៅ ខូចខាតផ្ទះចំនួន ៤ ខ្នង របើកស័ង្កសីសរុបចំនួន ១៣៦ សន្លឹក។

នៅភូមិជ្រោយស្ដៅ ខូចខាតផ្ទះចំនួន ៧ ខ្នង របើកស័ង្កសីសរុបចំនួន ១៥១ សន្លឹក, ឃុំតាម៉ឺន: នៅភូមិតាសី ខូចខាតផ្ទះចំនួន ១ ខ្នង របើកស័ង្កសីចំនួន ១០ សន្លឹក, នៅភូមិគោកត្រប់ ខូចខាតផ្ទះចំនួន ២ ខ្នង របើកស័ង្កសីសរុបចំនួន ២៣ សន្លឹក និង ឃុំគោកឃ្មុំ នៅភូមិកណ្ដាលជើង ខូចខាតផ្ទះចំនួន ២ ខ្នងរបើកស័ង្កសីសរុបចំនួន ២៤ សន្លឹក, នៅភូមិឆ្កែកូន ខូចខាតផ្ទះចំនួន ២ ខ្នង របើកស័ង្កសីសរុបចំនួន ១០០ សន្លឹក ដែលនេះគឺជាគ្រោះធម្មជាតិគ្មាននរណាអាចដឹងមុនបាន ប៉ុន្តែនៅក្នុងហេតុការណ៍នេះដែរពុំមានគ្រោះថ្នាក់ដល់មនុស្សឬសត្វឡើយ៕ អត្ថបទ : សោ និយមរ័ត្ន

The post ផ្ទះប្រជាពលរដ្ឋ២១ខ្នង ក្នុងឃុំចំនួន៤ស្រុកថ្មគោល ត្រូវខ្យល់កន្ត្រាក់បំផ្លាញខូចខាតស្ទើរទាំងស្រុង appeared first on Kampuchea Thmey Daily.

លោក លី វណ្ណៈ នាយករដ្ឋបាល​ខេត្តសៀមរាប​ បាន​ថ្លែង​ប្រាប់​អ្នកព័ត៌មាន​នៅ​ល្ងាច​ថ្ងៃ​ទី​១៦ ​ខែ​មីនា​ឆ្នាំ២០២៥​នេះ​ថា ​បាតុ​ភូតធម្មជាតិ​នេះ ​ពិត​ជា​បាន​ធ្វើ​​​ឱ្យ​ប៉ះពាល់​ដោយ​បាន​ធ្វើ​​ឱ្យ​ដួល​រលំ​ដើម​ឈើ ​ធ្វើ​ខូច​ខាត​សម្ភារៈ​ប្រជាពលរដ្ឋ​ជាច្រើន​ជាមួយ​គ្នា​នេះ​ ក៏​បាន​បណ្តាល​​ឱ្យ​ប្រជាពលរដ្ឋ​មួយ​ចំនួន​រង​​របួស​ផងដែរ។​ លោក​បាន​បញ្ជាក់ថា សម្រាប់​ព័ត៌​មានលំល្អិត​នៃ​ផល​ប៉ះពាល់ និង​ការខូច​ខាត​ មន្រ្តី​កំពុង​ប្រមូល​ព័ត៌មាន​ពី​តាម​បណ្តាក្រុង ស្រុក ដើម្បី​សរុប​នៃ​ផល​ប៉ះពាល់​ដោយ​សារ​ខ្យល់​កន្ត្រាក់​នេះ​។

​បាតុភូតធម្មជាតិនេះ អាច​នៅ​បន្ត ​ខណៈ​មា​នពពកខ្មៅ​ដេរដាស​ ដែល​អាច​បង្ក​ជា​ផ្គរ​រន្ទះ​ និង​ភ្លៀង​ខ្លាំង​។ ​ហេតុដូច្នេះ សូម​ប្រជាពលរដ្ឋ​មាន​ការ​ប្រុងប្រយ័ត្ន៕

ដោយ៖៖ជុន កុសល

The post បាតុ​ភូត​​ខ្យល់កន្ត្រាក់​បណ្ដាល​ឲ្យ​រលំ​ផ្ទះច្រើន​ខ្នង ​និង​របួស​មនុស្ស​​នៅ​ខេត្ត​សៀមរាប​ appeared first on Kampuchea Thmey Daily.

ករណី​នេះ បាន​កើត​ឡើង​កាល​ពី ថ្ងៃ​ទី២៣ ខែ​មីនា ឆ្នាំ​២០២៣ វេលា​ម៉ោង ៥​និង ៣០នាទី ល្ងាច ដោយ​ខ្យល់​បាន​បោក​បក់​ទៅ​លើ​ភូមិ​ចំនួន​៣ ក្នុង​ឃុំ​ព្រៃ​ខ្ពស់ ក្នុង​នោះ​ មាន​ភូមិ​ព្រៃ​ខ្ពស់ ភូមិ​ម៉ាក់ឃ្លឿ និងភូមិ​ក្បាល​អាង ដែល​បណ្ដាល​ឱ្យ​ខូចខាត​ផ្ទះ​របស់​ប្រជាពលរដ្ឋ​ចំនួន ១៤​ខ្នង​ផ្ទះ។

ទន្ទឹម​នេះ បើ​តាម​របាយការណ៍​របស់​សមត្ថកិច្ច បាន​គូស​បញ្ជាក់​ថា នៅ​ក្នុង​ចំណោម​ផ្ទះ​ទាំង ១៤​ខ្នង​នោះ គឺ​មាន ៤ខ្នង​ផ្ទះ ត្រូវ​បាន​ខ្ទេចខ្ទី​ស្ទើរ​ទាំង​ស្រុង តែ​ពុំ​មាន​បង្ក​ការ​រង​របួស​ដល់​មនុស្ស​ឡើយ។ បច្ចុប្បន្ន​នេះ អាជ្ញាធរ​មូលដ្ឋាន​ បាន​រាយការណ៍ដំណឹងនេះ ជូន​ទៅ​សាខា​កាកបាទក្រហមខេត្ត និង​អាជ្ញាធរ​ពាក់ព័ន្ធ​រួច​ហើយ​ដែរ​៕

អត្ថបទ ÷ សោ និយមរ័ត្ន

The post ខ្យល់​កន្ត្រាក់បាន​​បំផ្លាញ​ផ្ទះ​ពលរដ្ឋ​អស់​ ១៤ខ្នង នៅ​ស្រុក​បវេល appeared first on Kampuchea Thmey Daily.

លោក អុីម ចន្ធ័សោធន អភិបាលស្រុកទឹកឈូ បាននិយាយប្រាប់អោយដឹងថា នៅក្នុងពិធីចែកអំណោយមនុស្សធម៌ដល់ប្រជាពលរដ្ឋដែលរងគ្រោះដោយខ្យល់កន្ត្រាក់កាលពីវេលាម៉ោង៤ល្ងាច នៅថ្ងៃទី៣ ខែតុលាឆ្នាំ២០២២ នេះលំនៅដ្ឋានរបស់ប្រជាពលរដ្ឋចំនួន៤៧៥ខ្នងផ្ទះ សុទ្ធតែរងផលប៉ះពាល់ដោយសារខ្យល់កន្ត្រាក់។

បើយោងតាមរបាយការណ៍លោក អុីម ចន្ទ័សោធន អភិបាលស្រុកទឹកឈូ មានប្រសាសន៍ថា ពលរដ្ឋដែលបានរងការខូចខាតផ្ទះសម្បែងជិត៥០០គ្រួសារនេះមកពីឃុំចំនួន៣ ទី១, គឺឃុំត្រពាំងព្រីង ទី២,ឃុំកណ្ដោល ទី៣,ឃុំត្រពាំងសង្កែ ស្ថិតនៅក្នុងស្រុកទឹកឈូ។

លោកអភិបាលស្រុកទឹកឈូ មានប្រសាសន៍ថា ក្នុងចំណោមឃុំទាំង៣ ដែលប្រជាពលរដ្ឋបានរងគ្រោះដោយខ្យល់កន្ត្រាក់នេះ គឺឃុំត្រពាំងព្រីងមានប្រជាពលរដ្ឋចំនួន៤ភូមិសុទ្ធតែរងគ្រោះដោយសារខ្យល់កន្ត្រាក់ មានចំនួនពលរដ្ឋ៤៦៣ គ្រួសារ និងឃុំត្រពាំងសង្កែ មានចំនួន៣គ្រួសារ និងឃុំកណ្ដោលមានចំនួន៩គ្រួសារ។ លោកបន្ថែមថា លំនៅដ្ឋានដែលប្រជាពលរដ្ឋរងគ្រោះដួលរលំរាបដល់ដីមានចំនួន៧ខ្នងផ្ទះ។

ឯកឧត្តម ម៉ៅ ធនិន អភិបាលខេត្តកំពត បានមានប្រសាសន៍ឱ្យដឹងថា នៅក្នុងពិធីចែកអំណោយកាកបាទក្រហមកម្ពុជាខេត្តកំពត នាព្រឹកថ្ងៃទី៤ខែតុលា ឆ្នាំ២០២២នេះ មកដល់ពលរដ្ឋដែលរងផលប៉ះពាល់ខ្យល់កន្ត្រាក់ បានធ្វើឡើងនៅ​បរវេនវត្តតូបនៅក្នុងឃុំត្រពាំងព្រីង ថាអាជ្ញាធរខេត្តកំពតសូមចូលរួមសោកស្ដាយដែលគ្រួសារយើងជាច្រើនគ្រួសារបានបាត់បង់លំនៅដ្ឋាន និងបងប្អូនមួយចំនួនទៀតក៏បានរងការផលប៉ះពាល់លំនៅដ្ឋាន។ ប៉ុន្តែមិនមានពលរដ្ឋណាម្នាក់គ្រោះថ្នាក់ដល់អាយុជីវិតនោះឡើយ។

ឯកឧត្តម ម៉ៅ ធនិន អភិបាលខេត្តកំពតមានប្រសាសន៍ថា គ្រោះធម្មជាតិយើងមើលមិនឃើញហើយក៏គ្មានអ្នកណាម្នាក់បានដឹងទុកជាមុននោះទេ ប៉ុន្តែយើងត្រូវមានការប្រុងប្រយ័ត្នឱ្យបានខ្ពស់ទាំងអស់គ្នា។ ឯកឧត្តមអភិបាលខេត្ត បានប្រសាសន៍បន្ទាប់ពីកើតហេតុប្រមុខរាជរដ្ឋាភិបាលកម្ពុជាដែលមានសម្ដេចអគ្គមហាសេនាបតីតេជោហ៊ុន សែន និងសម្ដេចកិតិព្រឹតបណ្ឌិត ប៊ុន រ៉ានីហ៊ុនសែន ដែលមានការយកចិត្តទុកដាក់អោយអាជ្ញាធរចាត់ចែងជាពិសេសផ្ដល់សម្ភារនិងស្បៀងអាហាដល់ពលរដ្ឋដែលរងគ្រោះដោយពិតប្រាកដ។

ឯកឧត្តមអភិបាលខេត្ត ក៏សុំអោយប្រជាពលរដ្ឋទាំងអស់មានការប្រុងប្រយ័ត្ន ព្រោះខេត្តយើងជាខេត្តនៅតំបន់ឆ្នេរជាប់មាត់សមុទ្រ ដូចនេះវាងាយរងគ្រោះបំផុតដោយខ្យល់ព្យុះ។ ឯកឧត្តម ម៉ៅ ធនិន បានឧបត្តមដល់ពលរដ្ឋចំនួន៧គ្រួសារដែលរងគ្រោះធ្ងន់ធ្ងរ គ្រួសារនីមួយៗទទួលបានថវិការចំនួន២លានរៀល សង្ក័សីចំនួន១០០សន្លឹក-អង្ក៥០គីឡូ-មី១កេះទឹកត្រី១យូ និងត្រីខរ១យូ និងតង់កៅស៊ូមួយ។

ដោយឡែកគ្រួសារផលប៉ះពាល់ដោយខ្យល់កន្ត្រាក់ទទួលបានក្នុងមួយគ្រួសារថវិការ៥មុឺនរៀល-អង្ក៥០គីឡូ-មី១កេះទឹកត្រីនិងត្រីខរផងដែរ៕

អត្ថបទ៖ សឹង រ៉ាត់

The post អភិបាលខេត្តកំពត នាំយកអំណោយមនុស្សធម៌កាកបាទក្រហមជូនពលរដ្ឋរងគ្រោះដោយខ្យល់កន្ត្រាក់ ៤៧៥ខ្នងផ្ទះ appeared first on Kampuchea Thmey Daily.

ហេតុការណ៍នេះបានកើតឡើងនៅល្ងាចថ្ងៃទី២០ ខែមិថុនា ឆ្នាំ២០២២ ក្នុងភូមិសាស្ត្រ ស្រុករុក្ខគិរី ខេត្តបាត់ដំបង ដោយនៅពេលនោះមានភ្លៀងធ្លាក់ឥតឈប់ឈរ ព្រមទាំងមានខ្យល់បក់បោកយ៉ាងខ្លាំងមកជាមួយផង។

យោងតាមរបាយការណ៍របស់អាជ្ញាធរស្រុកបានបញ្ជាក់ថា ខ្យល់កន្ត្រាក់បានបក់បោកចូលទៅលើ ២ ឃុំ ក្នុងស្រុករុក្ខគិរី គឺ ឃុំស្តុកប្រវឹក និងឃុំមុខរាហ៍ បណ្តាលអោយរបើកដំបូលផ្ទះប្រជាពលរដ្ឋ និងខូចខាតសរុបចំនួន ២០ ខ្នង តែមិនបង្កអោយប៉ះពាល់ដល់ជីវិតមនុស្សឡើយដោយបច្ចុប្បន្នបានរាយការណ៍ទៅអាជ្ញាធរខេត្ត និងសាខាកាកបាទក្រហមខេត្តរួចរាល់ហើយ៕

អត្ថបទ៖ សោ និយមរ័ត្ន

The post ខ្យល់កន្ត្រាក់បំផ្លាញផ្ទះពលរដ្ឋ២០ខ្នង នៅស្រុករុក្ខគិរី កាលពីល្ងាចមិញ appeared first on Kampuchea Thmey Daily.

មន្ត្រីមូលដ្ឋានបានប្រាប់ឲ្យដឹងថា ផ្ទះប្រជាពលរដ្ឋចំនួន១៣គ្រួសារ ចំនួន២ភូមិសំបួរ ពង្រ ឃុំប៉ោយចារ ស្រុកភ្នំស្រុករងគ្រោះដោយខ្យល់កន្ត្រាក់នោះមានឈ្មោះក្នុងភូមិសំបួរមាន៖
១/ឈ្មោះ ម៉ន ណាត ភេទប្រុស អាយុ៤៨ឆ្នាំ រស់នៅភូមិសំបួរ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ខូចខាត សសរផ្ទះធ្លាក់ចេញពីកំណល់ទាំងស្រុក ចំនួន១២កំណល់ ។
២/ឈ្មោះ ស៊ុប កាញ់ ភេទស្រី អាយុ៥៦ឆ្នាំ រស់នៅភូមិសំបួរ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ
ខូចខាតរបើកសង្ក័រសីដំបូលផ្ទះចំនួន៦សន្លឹក ក្នុង១សន្លឹកប្រវែង៣ម៉ែត្រ
៣/ឈ្មោះ ស្មិញ រ័ត្ន ភេទស្រី អាយុ៤២ឆ្នាំ រស់នៅភូមិសំបួរ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន១០សន្លឹក ក្នុង១សន្លឹកប្រវែង៣ម៉ែត្រ។

ភូមិពង្រ
១/ឈ្មោះ ប៊ុន ហ៊ាន ភេទប្រុស អាយុ៧១ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន២៤សន្លឹក ក្នុង១សន្លឹកប្រវែង២.៥ម៉ែត្រ
២/ឈ្មោះ ឆោម ភឿន ភេទប្រុស អាយុ៣៤ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាត របើកសង្ក័រសីដំបូលផ្ទះចំនួន៩សន្លឹក ក្នុង១សន្លឹកប្រវែង១១ម៉ែត្រ និងឈើអស់ចំនួន៩ម៉ែត្រ
៣/ឈ្មោះ ធិម ធូ ភេទស្រី អាយុ៥៤ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន៥សន្លឹក ក្នុង១សន្លឹកប្រវែង២.៥ម៉ែត្រ
៤/ឈ្មោះ ឡោម សារុំ ភេទស្រី អាយុ៥៧ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាត និងរបើកសង្ក័រសីដំបូលផ្ទះចំនួន១២សន្លឹក ក្នុង១សន្លឹកប្រវែង២ម៉ែត្រ
៥/ឈ្មោះ ឡោម ខន ភេទប្រុស អាយុ៦៣ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន៥សន្លឹក ក្នុង១សន្លឹកប្រវែង៣ម៉ែត្រ
៦/ឈ្មោះ លួត ខា ភេទប្រុស អាយុ៣៥ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាត របើកសង្ក័រសីដំបូលផ្ទះចំនួន៣សន្លឹក ក្នុង១សន្លឹកប្រវែង៣.៥ម៉ែត្រ
៧/ឈ្មោះ ច្រាញ់ ចិន ភេទស្រី អាយុ៥៤ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន៥សន្លឹក ក្នុង១សន្លឹកប្រវែង៣ម៉ែត្រ
៨/ឈ្មោះ មុត ហុនធី ភេទប្រុស អាយុ៤៤ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន៦សន្លឹក ក្នុង១សន្លឹកប្រវែង៣.៥ម៉ែត្រ
៩/ឈ្មោះ ចាម វួយ ភេទប្រុស អាយុ៣៧ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាតរបើកសង្ក័រសីដំបូលផ្ទះចំនួន៨សន្លឹក ក្នុង១សន្លឹកប្រវែង៥.៥ម៉ែត្រ
១០/ឈ្មោះ យុត ជួប ភេទប្រុស អាយុ៣៤ឆ្នាំ រស់នៅភូមិពង្រ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យខូចខាត របើកសំយ៉ាបសង្ក័រសីដំបូលផ្ទះចំនួន៦សន្លឹក ក្នុង១សន្លឹកប្រវែង៣.៥ម៉ែត្រ។

មន្ត្រីមូលដ្ឋានបានបញ្ជាក់ឲ្យដឹងបន្តទៀតថា ក្រោយពីផ្ទះប្រជាពលរដ្ឋ១៣គ្រួសាររងគ្រោះដោយខ្យល់កន្ត្រាក់រួចមក គេឃើញមានវត្តមានមន្ត្រីមូលដ្ឋាន សមត្ថកិច្ចទាំង៣អង្គភាពចុះមកជួយអន្តរាគម៍រាបចំឲ្យមានរបៀបរាបរយឡើងវិញនិងត្រៀមជួសជុលផ្ទះដែលខូចខាតនៅពេលខាងមុខផងដែរ៕

អត្ថបទ៖ វ៉ាន់ ណាង

The post ខ្យល់កន្ត្រាក់បោកបក់ផ្ទះពលរដ្ឋ១៣គ្រួសារនៅខេត្តបន្ទាយមានជ័យ appeared first on Kampuchea Thmey Daily.

លោក​វរសេនីយ៍ឯក សួង សៅ មេបញ្ជាការ​នគរបាល​វរ​សេនា​តូច​ការពារ​ព្រំដែន​គោក​លេខ​៨១៥ បាន​ឲ្យ​ដឹងថា នេះ​គឺជា​ភ្លៀង​កក់ខែ​ដំបូងលាយឡំ​ជាមួយ​ខ្យល់​កន្ត្រាក់​បាន​បក់បោក​យ៉ាងខ្លាំង​មក​ចំ​២​ភូមិ គឺ​ភូមិ​អភិវឌ្ឍន៍​ និង​ភូមិ​សន្តិភាព ក្នុង​ឃុំ​ទួល​ពង្រ ស្រុក​ម៉ាឡៃ ខេត្តបន្ទាយមានជ័យ បង្ក​ឲ្យ​ប៉ះពាល់​ដល់​លំនៅឋាន​របស់​បងប្អូន​ប្រជាពលរដ្ឋ សរុប​ចំនួន​២៣​ខ្នង ក្នុងនោះ​ផ្ទះ​ប្រជាពលរដ្ឋ​៨​ខ្នង ខូច​ខ្ទេច​អស់ទាំង​ស្រុង​ និង​ដំណាំ​ហូប​ផ្លែ​មួយចំនួន ប៉ុន្តែ​មិន​បណ្តាល​ឲ្យ​មាន​គ្រោះថ្នាក់​ដល់​មនុស្ស​និង​សត្វពាហនៈ​នោះឡើយ ។​

លោក​បានបញ្ជាក់​ឲ្យ​ដឹង​បន្តទៀតថា ​នៅ​ថ្ងៃទី​៣​ ខែកុម្ភៈ ឆ្នាំ​២០២២ ដោយ​ទទួលបាន​ការណែនាំ​របស់លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ លោក​បាន​ចាត់​តាំង​កម្លាំង​អន្តរាគមន៍​ចំនួន​២០​នាក់ ដឹកនាំ​ដោយ​លោក​វរសេនីយ៍ទោ មាស ម៉េង​ហួង មេបញ្ជា​ការរងវរ​សេនា​តូច​ការពារ​ព្រំដែន​គោក​លេខ​៨១៥ សហការជាមួយ​កម្លាំង​នៃ​អធិការដ្ឋាន​នគរបាល​ស្រុក​ម៉ាឡៃ ចុះជួយ​រៀបចំ​និង​ប្រមូល​ស័ង្កសី ឈើ ដែល​ហើរ​ប៉ើង​តាម​ខ្យល់ ជូន​ប្រជាពលរដ្ឋ​និង​ជួលជុល​ផ្ទះ​ជូន​គាត់​វិញផងដែរ​៕​

អត្ថបទ៖ វ៉ាន់ ណា​ង​

The post ខ្យល់កន្ត្រាក់បំផ្លាញផ្ទះពលរដ្ឋ២៣ខ្នង នៅស្រុកម៉ាឡៃ​ appeared first on Kampuchea Thmey Daily.

​កាល​ពី​រសៀល​ថ្ងៃទី​០១ ខែកក្កដា ឆ្នាំ​២០២១ លោក អ៊ូច ភា អភិបាលខេត្ត និង​ជា​ប្រធាន​គណៈកម្មាធិការ​សាខា​កាកបាទ ក្រហម​កម្ពុជា ខេត្តតាកែវ រួម​ដំណើរ​ដោយ សមាជិក សមាជិកា​គណៈកម្មាធិការ​សាខា លោកនាយក​ប្រតិបត្តិ​សាខា មន្ត្រី​ប្រតិបត្តិ​សាខា និង​មន្ត្រី​អនុសាខា​កាកបាទក្រហមកម្ពុជា ស្រុក​ត្រាំកក់ ខេត្តតាកែវ បាន​អញ្ជើញ​ចុះសួរសុខទុក្ខ និង​នាំយក​អំណោយ​មនុស្សធម៌​របស់​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា មក​ជូន​បងប្អូន​ប្រជាពលរដ្ឋ​ចំនួន​១៥៣ គ្រួសារ ក្នុងនោះ​រលំ​ទាំងស្រុង​១៨​ខ្នង មធ្យម​២៣​ខ្នង និង​ស្រាល​១១២ ខ្នង ដែល​បាន​រងគ្រោះ​ដោយ ខ្យល់​កន្ត្រាក់ កាលពី​រសៀល​ថ្ងៃទី​២៨ ខែមិថុនា ​ឆ្នាំ​២០២១ ក្នុង​ឃុំ​អង្គតាសោម ស្រុក​ត្រាំកក់ ខេត្តតាកែវ​។

​ក្នុងឱកាស​នោះ លោក អ៊ូច ភា ប្រធាន​គណៈកម្មការ​សាខា​កាកបាទក្រហមកម្ពុជា​ខេត្ត ក៏ បាន​ពាំនាំ មតិ​ផ្តាំផ្ញើ​សាកសួរ​សុខទុក្ខ​ពី​សំណាក់ សម្ដេច​កិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា ដែលជា​និច្ចកាល​សម្ដេច​តែងតែ​យកចិត្តទុកដាក់ គិតគូរ​អំពី​សុខទុក្ខ​ដល់​ប្រជាពលរដ្ឋ​ដែល​ងាយ​ទទួលរង​គ្រោះ​នៅ​គ្រប់​ទីកន្លែង​មិន​ប្រកាន់​និន្នាការ ពូជសាសន៍ សាសនា អ្វី​ឡើយ ដូច​ពាក្យស្លោក ទីណា​មានការ​លំបាក ទីនោះ​មាន​កាកបាទក្រហមកម្ពុជា​។

​ជា​បន្ត​លោក​ប្រធាន ក៏បាន​ជម្រាប​ពី​ស្ថានការណ៍​វិវត្តន៍​ថ្មី នៃ​ជំងឺ​កូ​វីដ​១៩ នៅក្នុង​ព្រះ រាជាណាចក្រ​កម្ពុជា​យើង ក៏ដូចជា​លើ​ពិភពលោក ព្រមទាំង​សូម​ឲ្យ​បងប្អូន​ប្រជាពលរដ្ឋ ទាំងអស់​ត្រូវ យកចិត្តទុកដាក់​គិតគូរ​ជានិច្ច​ពី​សុខភាព អនាម័យ និង​សុវត្ថិភាព​ផ្ទាល់ខ្លួន តាមរយៈ​ការចូលរួម អនុវត្ត​វិធានការ​ការពារ និង​រក្សា​អនាម័យ​តាម​ការណែនាំ​របស់​ក្រសួងសុខាភិបាល និង​អនុវត្ត​វិធាន ៣​ការពារ និង ៣​កុំ របស់ ប្រមុខ​រាជរដ្ឋាភិបាល​កម្ពុជា សម្ដេច​តេ​ជោ ហ៊ុន សែន ឱ្យបាន​ខ្ជាប់ខ្ជួន និង​មាន​ប្រសិទ្ធភាព​ខ្ពស់​។​សូម​បញ្ជាក់ដែរថា អំណោយ​ដែល​បានផ្ដល់​ជូន​ទាំង ១៥៣​គ្រួសារ ដោយ​ក្នុង​មួយ​គ្រួសារៗ ទទួលបាន​៖ អង្ករ ២៥​គីឡូក្រាម តង់​ធំ​១ កន្ទេល​១ ក្រ​ម៉ា​១ សារុង​១ មុង​១ ភួយ​១ ផងដែរ​៕

អត្ថបទ៖ វីរៈ​

The post ពលរដ្ឋ​រងគ្រោះ​ដោយ​ខ្យល់​កន្ត្រាក់​១៥៣ គ្រួសារ ក្នុងស្រុក​ត្រាំកក់ ទទួល​អំណោយ​ពី សាខា​កាកបាទក្រហមកម្ពុជា ​ appeared first on Kampuchea Thmey Daily.