ពិធីចែកអំណោយនេះមាន៣ទីតាំងផ្សេងគ្នាក្នុងនោះ៖ ស្រុករមាសហែក មាន២ទីតាំង (ទីតាំងទី១-ឃុំសម្បត្តិមានជ័យ សម្រាប់ប្រជាពលរដ្ឋរងគ្រោះ ៤៤គ្រួសារ, ទីតាំង២-ឃុំត្រពាំងស្តៅ សម្រាប់ប្រជាពលរដ្ឋ ១៤០គ្រួសារ) និងទីតាំងទី៣ ក្រុងស្វាយរៀង សម្រាប់ប្រជាពលរដ្ឋ ៨០ គ្រួសារ ។ ពិធីសំណេះសំណាលនិងចែកអំណាយមនុស្សធម៌នេះ ធ្វើឡើងក្រោមវត្តមានលោកស្រី មុំ ចន្ធី នាយិការងនាយកដ្ឋានសុខភាព និងលោកស្រី ដួង វណ្ណា ប្រធានកិត្តិយសសាខាកាកបាទក្រហមកម្ពុជា ខេត្តស្វាយរៀង រួមជាមួយ សមាជិក សមាជិកា គណៈកិត្តិយសសាខា គណៈកម្មាធិការសាខា មន្ត្រីថ្នាក់កណ្តាល មន្ត្រីប្រតិបត្តិសាខា-អនុសាខាក្រុងស្រុក អ្នកស្ម័គ្រចិត្ត និងយុវជនកាកបាទក្រហមកម្ពុជាជាច្រើនរូប។

បើតាមរបាយការ៍ពីអាជ្ញាធរ បានបញ្ជាក់ថា កាលថ្ងៃទី ២៨ ខែឧសភា ឆ្នាំ២០២៦ ខេត្តស្វាយរៀង មានភ្លៀង១មេធំលាយឡំ និងខ្យល់កន្ត្រាក់បណ្តាលឱ្យរងផលប៉ះពាល់ទៅលើលំនៅដ្ឋានប្រជាពលរដ្ឋសរុប ៤០៧ គ្រួសារ ស្មើនឹង ៤០៧ ខ្នងផ្ទះ ក្នុងក្រុង/ស្រុក ចំនួន ៥ រួមមាន ក្រុងស្វាយរៀង ១៥១ គ្រួសារ, ស្រុករមាសហែក ១៩៨គ្រួសារ, ស្រុករំដួល ៤គ្រួសារ ស្រុកកំពង់រោទិ៍ ៤៩ គ្រួសារ, ស្រុកស្វាយទាប ៥ គ្រួសា រ។ បន្ទាប់ពីនាំយកការផ្តាំផ្ញើសួរសុខទុក្ខពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដោយក្តីនឹករលឹក អាណិតស្រឡាញ់ និងសម្តែងការសោកស្តាយចំពោះឧបទ្ទវហេតុគ្រោះធម្មជាតិខ្យល់កន្ត្រាក់ដែលបង្កផលប៉ះពាល់ផ្ទះរបស់បងប្អូនប្រជាពលរដ្ឋអស់ជាច្រើនខ្នងរួចមក ។ លោកស្រី នាយិការង មានប្រសាសន៍ថា អំណោយដែលចែកជូនបងប្អូននាឱកាសនេះ បានមកពីសប្បុរសជនគ្រប់មជ្ឈដ្ឋាន ក្នុងឱកាសទិវា ៨ ឧសភា ដើម្បីជួយសម្រាលការលំបាករបស់បងប្អូនប្រជាពលរដ្ឋរងគ្រោះដោយខ្យល់កន្ត្រាក់ក្នុងគ្រានេះ ។ ជាមួយគ្នានេះលោកស្រី បានគូសបញ្ជាក់ថា ៖ បន្ទាប់ពីក្រុមការងារចុះពិនិត្យស្ថានភាពពីផលប៉ះពាល់ដោយផ្ទាល់ទៅដល់ខ្នងផ្ទះបានសង្កេតឃើញថា លំនៅដ្ឋានរបស់បងប្អូនប្រជាពលរដ្ឋមិនរឹងមាំស្របទៅនិងការប្រែប្រួលអាកាសធាតុនាពេលបច្ចុប្បន្ន និងអនាគតនោះទេ ដូចនេះសំណូមពរដល់បងប្អូនប្រជាពលរដ្ឋទាំងអស់ដែលមានលទ្ធភាពរៀបចំផ្ទះឡើងវិញត្រូវសាងសង់សំណង់ឱ្យបានរឹងមាំល្អ និងមានភាពធន់នឹងអាកាសធាតុទាំងខ្យល់និងក្តៅ ។ ជាមួយគ្នានេះសូមបងប្អូនមានការប្រុងប្រយ័ត្នខ្ពស់នារដូវភ្លៀងនេះ ចំពោះគ្រោះមហន្តរាយដោយធម្មជាតិ ដែលអាចកើតមានឡើងជាយថាហេតុ ដូចជា ខ្យល់កន្ត្រាក់ និងផ្គររន្ទះ ជាដើម ។

ទន្ទឹមនឹងនេះលោកស្រីក៏បានពាំនាំនូវសារអំពាវនាវរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើឱ្យប្រជាពលរដ្ឋទាំងអស់យកចិត្តទុកដាក់ថែទាំសុខភាពឱ្យបានល្អដើម្បីជៀសផុតពីជំងឺដង្កាត់នានា ដោយរស់នៅត្រូវមានអនាម័យ ស្អាតជានិច្ច គេងក្នុងមុងជាប់ជាប្រចាំដើម្បីបង្ការផ្សេងៗ ។

សូមបញ្ជាក់ថា គ្រួសាររងគ្រោះនីមួយៗទទួលបានអំណោយមនុស្សធម៌ពីកាកបាទក្រហមកម្ពុជា រួមមាន៖ អង្ករ ៣០គីឡូក្រាម, មី ១កេស , ត្រីខ ១យួរ, ប្រេងឆា ២ដប, ទឹកសុីអុីវ ១យួរ, ទឹកត្រី ១យួរ, ទឹកបរិសុទ្ធ ២កេស, ឃីត១កញ្ចប់ (សារុង មុង ភួយ ក្រមា) ។ បន្ថែមលើនេះគ្រួសាររងផលប៉ពាល់មធ្យមទទួលបានថវិកា ២០ម៉ឺនរៀល និងគ្រួសាររងផលប៉ះពាល់ធ្ងន់ធ្ងរទទួលបានថវិកា ៥០ ម៉ឺនរៀល ។ ដោយឡែក៥គ្រួសារដែលរលំផ្ទះទាំងស្រុងទទួលបានថវិកាចំនួន ៥លានរៀល ក្នុងមួយគ្រួសារផងដែរ៕
ដោយ: ភក្ដី

The post កាកបាទក្រហមកម្ពុជា ផ្តល់អំណោយដល់ពលរដ្ឋរងគ្រោះដោយខ្យល់កន្ត្រាក់ចំនួន ២៦៤គ្រួសារ នៅខេត្តស្វាយរៀង appeared first on Kampuchea Thmey Daily.

តាមការបញ្ជាក់ពីពលរដ្ឋបានឲ្យដឹងថា គេតែងឃើញបុរសរងគ្រោះមកអង្គុយលេងក្រោមដើមត្រសេកនេះណាស់។ ហើយខណៈមុនមានការភ្ញាក់ផ្អើល ជនរងគ្រោះកំពុងអង្គុយស្ងោរពងក្រួចសម្រាប់យកបរិភោគ ខណៈនោះក៏ស្រាប់តែមានខ្យល់យ៉ាងខ្លាំងលាយលំមេឃបង្អុរភ្លៀង ធ្វើឲ្យមែកត្រសេកយ៉ាងធំបាក់សង្កត់ពីលើបណ្តាលឲ្យ ស្លាប់​ភ្លាមៗតែម្ដង។ ពេលនោះ ពលរដ្ឋក៏បានរាយការណ៍ជូនសមត្ថកិច្ចចុះមកកាន់ទីតាំងខាងលើដើម្បីអន្តរាគមន៍ផងដែរ។

ក្រោយកើតហេតុ សមត្ថកិច្ចមូលដ្ឋានសហការជាមួយមន្រ្តីជំនាញផ្នែកចក្ខុកោសល្យវិច័យ នៃស្នងការដ្ឋាននគរបាលរាជធានីភ្នំពេញ ធ្វើកំណត់ហេតុប្រគល់ជូនសាច់ញ្ញាតិយកធ្វើបុណ្យតាមប្រពៃណី។

គួរបញ្ជាក់ផងដែរថា កាលពីវេលាម៉ោង ០៥ល្ងាចថ្ងៃទី២៤ ខែឧសភា ឆ្នាំ២០២៦ មានខ្យល់កន្រ្តាក់លាយលំជាមួយភ្លៀងយ៉ាងប្រហែលជាង ១ម៉ោង បណ្តាលឲ្យក្នុងមូលដ្ឋានខណ្ឌចំនួន ០៤ ដូចជា ខណ្ឌចំការមន បឹងកេងកង ដូនពេញ ទួលគោក ធ្វើអោយតាមដងផ្លូវមួយចំនួនមានការកកស្ទះដោយសារមានដើមឈើបាក់រលំមកលើផ្លូវ និងខ្លះទៀតសង្កត់លើរថយន្ត រួមអ្នកដំណើររងការខូចខាតសម្ភារៈ៕

អត្ថបទ៖ រដ្ឋា

The post ខ្យល់កន្ត្រាក់! ជនជាតិវៀតណាមម្នាក់ត្រូវមែកឈើបាក់សង្កត់ស្លាប់ភ្លាមៗ appeared first on Kampuchea Thmey Daily.

លោក ជា ច័ន្ទកញ្ញា អភិបាលស្រុកស្រែអំបិល បានឱ្យដឹងនៅថ្ងៃទី១៥ ខែឧសភា ឆ្នាំ២០២៦ថា គ្រួសារពលរដ្ឋរងគ្រោះដោយខ្យល់កន្ត្រាក់ចំនួន ៨៤គ្រួសារ ស្មើនឹង៨៤ខ្នងផ្ទះ នៅឃុំជីខក្រោម និងឃុំស្រែអំបិល ដែលបណ្តាលឱ្យខូចខាតរបើកស័ង្កសីសរុបចំនួន ៥៤៦សន្លឹក ។

លោកអភិបាលស្រុកស្រែអំបិល ក៏បានសូមចូលរួមរំលែកនូវការសោកស្តាយ ជាមួយពលរដ្ឋដែលបានទទួលរងគ្រោះខូចខាតនូវទ្រព្យសម្បត្តិ និងផ្ទះសម្បែងដោយសារខ្យល់កន្ត្រាក់រដូវវស្សានេះ។ ទន្ទឹមរដូវវស្សាចូលមកដល់ អាជ្ញាធរស្រុកស្រែអំបិល ស្នើដល់ប្រជាពលរដ្ឋបង្កើនការប្រុងប្រយ័ត្នអំពីថែរក្សាសុខភាពរស់នៅស្អាត ហូបស្អាត និងផឹកស្អាត។
ម៉្យាងទៀតគ្រោះធម្មជាតិដែលកើតមានជាយថាហេតុងាយកើតមាន ប្រសិនបើមានជួបគ្រោះថ្នាក់ធម្មជាតិណាមួយ លោកអភិបាលស្រុក ស្នើដល់ពលរដ្ឋសូមប្រញាប់ទាក់ទងមកកាន់អាជ្ញាធរភូមិឃុំអោយបានទាន់ពេលវេលា ដើម្បីមានវិធានការអន្តរាគមន៍ដោះស្រាយបានទាន់ពេលវេលា។ ពិសេសតាមដានព័ត៌មានព្យាករណ៍អាកាសធាតុឱ្យទៀងទាត់ កុំចេញទូកនេសាទទាំងប្រថុយប្រថាននៅឯសមុទ្រ ចំណែកផលដំណាំដែលខូចខាត សុំកុំបាក់ទឹកចិត្ត បន្តខិតខំបង្កបង្កើនផលនេសាទ និងដាំដំណាំរួមផ្សំសម្រាប់ទ្រទ្រង់ជីវភាពប្រចាំថ្ងៃ និងបង្កើនសេដ្ឋកិច្ចគ្រួសារ តាមរយៈផ្តល់ចំណេះដឹងបច្ចេកទេស និងគ្រាប់ពូជបន្ថែម៕

អត្តបទ៖ សិរិវឌ្ឍនៈ

The post អាជ្ញាធរស្រុកស្រែអំបិល ចុះពិនិត្យ និងដោះស្រាយ​ផលប៉ះពាល់ជូនពលរដ្ឋ៨៤គ្រួសារ ដែលរងគ្រោះដោយខ្យល់កន្ត្រាក់ appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី២៩មេសានេះថា ខ្យល់កន្ត្រាក់ក្នុងខែមេសាបានកើតឡើងជាពីរដំណាក់កាលមានចំនួន១០លើក នៅខេត្តចំនួន១៤រួមមាន លើកទី១កើតឡើងចាប់ពីទី១៤-១៩ ខែមេសា ប៉ះពាល់៩ ខេត្ត រួមមាន ព្រះវិហារ មាន៣៦៧ខ្នង/សាលារៀន/វត្ត) ខេត្តបន្ទាយមានជ័យមាន៧២១ ខ្នង ខេត្ត សៀមរាប ៩ខ្នង ខេត្ត បាត់ដំបង ៧ខ្នងផ្ទះ ខេត្តកំពង់ឆ្នាំង ៤៦ខ្នង ,ខេត្ត កំពង់ធំ ៦ ខ្នង ខេត្ត ឧត្តរមានជ័យ ៣៨៩ខ្នង ,ខេត្ត ត្បូងឃ្មុំ២៤ខ្នង និងប៉ៃលិន ៤០ខ្នង សរុបទាំអស់ ១,៦៣៣ ខ្នង។ ក្នុងនោះប៉ះពាល់ធ្ងន់ធ្ងរ ១៥ខ្នង, ប៉ះពាល់មធ្យម ៣៥៦ខ្នង និងប៉ះពាល់ស្រាល១,២៦២ខ្នង/សាលារៀន/វត្ត ។

លោកបានបន្តថា លើកទី២កើតឡើងចាប់ពីថ្ងៃទី២៥-២៨ ខែមេសា បង្កឲ្យមានការប៉ះពាល់ចំនួន៥ ខេត្តរួមមាន ត្បូងឃ្មុំ២៧ខ្នង/សាលារៀន/វត្ត) ខេត្តកំពង់ឆ្នាំង ១៣ ខ្នង ខេត្តកំពង់ធំ៣ខ្នង,ខេត្តក្រចេះ ២១ខ្នង និងកំពត១១ខ្នងសរុបទាំអស់៧៥ខ្នងផ្ទះ។ ក្នុងនោះប៉ះពាល់ធ្ងន់ធ្ងរ ១២ខ្នង ប៉ះពាល់មធ្យម ២៥ខ្នង និងប៉ះពាល់ស្រាល៣៨ខ្នង។

លោកបានបន្តទៀតថា ក្នុងការអន្តរាមគមន៍ អាជ្ញារធរបានចុះចែកអំណោយផ្តល់ជំនួយស្បៀងសង្រ្គោះ ជូនដល់គ្រួសាររងគ្រោះដោយខ្យល់កន្ត្រាក់ផងដែរ។

គួរបញ្ជាក់ថា នៅក្នុងត្រីមាសទី១ ឆ្នាំ២០២៦នេះ ខ្យល់កន្ត្រាក់បានកើតមានចំនួន ៣៧លើក នៅមូលដ្ឋានខេត្តចំនួន ១៥ រួមមានខេត្តព្រះវិហារ បាត់ដំបង បន្ទាយមានជ័យ សៀមរាប ឧត្តរមានជ័យ កំពង់ស្ពឺ ព្រៃវែង ស្ទឹងត្រែង ក្រចេះ កំពង់ចាម កំពង់ធំ កំពង់ឆ្នាំង ពោធិ៍សាត់ កោះកុង និងកំពត បានបណ្តាលឱ្យផ្ទះរលំ និងខូចខាតធ្ងន់ធ្ងរ ចំនួន៥៣ខ្នង របើកដំបូល និងខូចខាតមធ្យមចំនួន ៤២៧ខ្នង របើកដំបូលសាលារៀន ៣អគារ ដួលរលំរោងការ ១កន្លែង រោងចាំចំការ ១កន្លែង របើកដំបូលជង្រុក ៥កន្លែង និងដួលរលំខូចខាតដើមតាង៉ែន និងទុរេន ២១២ដើម៕

អត្ថបទ៖ សំអឿន

The post ខេត្តចំនួន១៤ រងគ្រោះដោយខ្យល់កន្ត្រាក់ប៉ះពាល់ផ្ទះសម្បែងជាង១៧០០ខ្នងក្នុងខែមេសា appeared first on Kampuchea Thmey Daily.

ក្រោយមានហេតុការណ៍នេះ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានបញ្ជាដល់ក្រុមការងារឲ្យចុះកាត់សំអាតដើមឈើទាលដែលបាក់រលំ និងណែនាំឲ្យតភ្ជាប់បណ្ដាញភ្លើងឡើងវិញដើម្បីសម្រួលការប្រើប្រាស់ដល់ពលរដ្ឋ។

លោកអភិបាលខេត្តបានបញ្ជាទៅគ្រប់ក្រុងស្រុក និងទាំង៧១ឃុំសង្កាត់ ត្រូវនាំគ្នាចុះពិនិត្យតាមមូលដ្ឋានរបស់ខ្លួនភ្លាមៗ ថាតើមានប្រជាពលរដ្ឋរងគ្រោះរលំផ្ទះឬទេ៕

អត្ថបទ៖ វ៉ាន់ សេដ្ឋា

The post អភិបាលខេត្តកំពង់ឆ្នាំង ណែនាំឲ្យអាជ្ញាធរក្រុងស្រុក ចុះពិនិត្យតាមមូលដ្ឋានក្រោយមានភ្លៀងលាយឡំជាមួយខ្យល់កន្ត្រាក់ appeared first on Kampuchea Thmey Daily.

លោកស្រី បាន ស្រីមុំ មានប្រសាសន៍នាំមកនូវការផ្ដាំផ្ញើសួរសុខទុក្ខពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែល សម្តេច តែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។ ក្នុងនោះ លោកស្រី ក៏បានសម្តែងនូវការសោកស្ដាយចំពោះការខូចខាតបាត់បង់ផ្ទះសម្បែង ទ្រព្យសម្បត្តិ ដោយគ្រោះមហន្តរាយ និងលើកទឹកចិត្តដល់ប្រជាពលរដ្ឋរងគ្រោះ សូមកុំអស់សង្ឃឹម ត្រូវខិតខំប្រឹងប្រែងប្រកបមុខរបររកស៊ី ដើម្បីអភិវឌ្ឍន៍សេដ្ឋកិច្ចគ្រួសារទៅថ្ងៃខាងមុខបន្តទៀត។

លោកស្រី លើកឡើងថា គ្រោះថ្នាក់ធម្មជាតិ គឺតែងតែកើតមានឡើងជាយថាហេតុ ជាក់ស្តែងកាលពីរសៀលថ្ងៃទី ២០ ខែមេសា ឆ្នាំ ២០២៦ មានភ្លៀងធ្លាក់ លាយឡំនឹងខ្យល់កន្ត្រាក់ បណ្តាលឱ្យលំនៅឋានរបស់ប្រជាពលរដ្ឋរលំទាំងស្រុង ចំនួន ១២ ខ្នង (ស្មើនឹង ១២ គ្រួសារ) , របើកដំបូលផ្ទះ ចំនួន ៧៥ ខ្នង (ស្មើនឹង ៧៥ គ្រួសារ) ​នៅឃុំស្ទឹងត្រង់ ស្រុកសាលាក្រៅ ប៉ុន្តែមិនប៉ះពាល់ដល់អាយុជីវិតមនុស្ស និងសត្វ នោះទេ ដូច្នេះសូមមានការប្រុងប្រយ័ត្នខ្ពស់។ បន្ថែមនោះ បើមានបញ្ហាអ្វីកើតឡើងក្នុងមូលដ្ឋានរបស់ប្រជាពលរដ្ឋរស់នៅ សូមប្រញាប់រាយការណ៍ទៅកាន់អាជ្ញាធរមូលដ្ឋានដែលនៅជិតបំផុតឱ្យបានលឿន ដើម្បីក្រុមការងារចុះជួយអន្តរាគមន៍ និងផ្តល់អំណោយសង្គ្រោះបន្ទាន់ បានទាន់ពេលវេលាក្នុងការចូលរួមសម្រាលការខ្វះខាតនានាជាបណ្តោះអាសន្ន។

ជាមួយនេះ លោកស្រី បាន ស្រីមុំ ក៏បានក្រើនរំលឹកដល់ប្រជាពលរដ្ឋទាំងអស់ ត្រូវបង្កើនការប្រុងប្រយ័ត្នខ្ពស់ ដើម្បីធានាបាននូវសុវត្ថិភាពផ្ទាល់ខ្លួន និងសេចក្តីសុខក្រុមគ្រួសារទាំងមូល ដែលងាយបង្កការគ្រោះថ្នាក់កើតឡើង និងសូមលើកទឹកចិត្តពលរដ្ឋ កុំឱ្យមានការអស់សង្ឃឹម ត្រូវខិតខំប្រឹងប្រែងប្រកបមុខរបររកស៊ី ដើម្បីអភិវឌ្ឍន៍សេដ្ឋកិច្ចគ្រួសារទៅថ្ងៃខាងមុខបន្តទៀត ហើយបើទោះបីជាអំណោយទាំងនេះ មិនអាចដោះស្រាយក្នុងជីវភាពរបស់ពួកគាត់បានយូរអង្វែងក្តី តែក៏អាចដោះស្រាយបានមួយរយៈផងដែរ ជាពិសេសត្រូវយកចិត្តទុកដាក់ថែទាំសុខភាព និងមានការប្រុងប្រយ័ត្នខ្ពស់ចំពោះគ្រោះធម្មជាតិនានា។

គួរជម្រាបថា អំណោយសង្គ្រោះបន្ទាន់ដែលផ្តល់ជូនប្រជាពលរដ្ឋរងគ្រោះដោយសារខ្យល់កន្ត្រាក់ រួមមាន ៖ អង្ករ ៥០ គីឡូក្រាម , តង់កៅស៊ូ ២ (4x6m និង2x3m) , ឃីត ១ កញ្ចប់ (ទឹកត្រី និងទឹកស៊ីអ៊ីវ , ត្រី ខ , កន្ទេល មុង ភួយ , ឆ្នាំងបាយ ឆ្នាំងខ្ទះ ចានបាយ វែកបាយ វែកសម្ល ,ទឹកសុទ្ធ) និងថវិកាចំនួន ៥០ ម៉ឺនរៀល៕
អត្ថបទ ៖ សេង សុវណ្ណារិទ្ធ

The post ពលរដ្ឋរងគ្រោះដោយខ្យល់កន្ត្រាក់ជិត ៩០ គ្រួសារ ក្នុងឃុំស្ទឹងត្រង់ ទទួលអំណោយសង្គ្រោះបន្ទាន់សាខាកាកបាទក្រហមកម្ពុជាខេត្តប៉ៃលិន appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី២១មេសានេះថា នៅក្នុងត្រីមាសទី១ឆ្នាំនេះ ព្យុះក្នុងតំបន់ចំនួន៣ បានកើតមានមុនរដូវកាល លឿនជាងឆ្នាំ២០២៥ និងមានឥទ្ធិពលលើរបបខ្យល់មូសុងឦសាន ដែលប្រទេសកម្ពុជាទទួលរងជាខ្យល់កន្ត្រាក់ នៅតាមតំបន់មាត់សមុទ្រ តំបន់ភាគពាយ័ព្យ និងតំបន់ខ្ពង់រាបភាគខាងជើង និងកើតមានចំនួន ៣៧លើក នៅមូលដ្ឋានខេត្តចំនួន ១៥ រួមមានខេត្តព្រះវិហារ បាត់ដំបង បន្ទាយមានជ័យ សៀមរាប ឧត្តរមានជ័យ កំពង់ស្ពឺ ព្រៃវែង ស្ទឹងត្រែង ក្រចេះ កំពង់ចាម កំពង់ធំ កំពង់ឆ្នាំង ពោធិ៍សាត់ កោះកុង និងកំពត បានបណ្តាលឱ្យផ្ទះរលំ និងខូចខាតធ្ងន់ធ្ងរ ចំនួន៥៣ខ្នង របើកដំបូល និងខូចខាតមធ្យមចំនួន ៤២៧ខ្នង របើកដំបូលសាលារៀន ៣អគារ ដួលរលំរោងការ ១កន្លែង រោងចាំចំការ ១កន្លែង របើកដំបូលជង្រុក ៥កន្លែង និងដួលរលំខូចខាតដើមតាង៉ែន និងទុរេន ២១២ដើម។

លោកបានបន្តថា តួលេខនេះបើធៀបទៅនឹងត្រីមាសទី១ ឆ្នាំ២០២៥កន្លងទៅឃើញថា មានចំនួនប្រហាក់ប្រហែលគ្នាដោយ៣ខែឆ្នាំមុនខ្យល់កន្ត្រាក់បានកើតឡើងចំនួន៣៨លើក បណ្តាលឱ្យរលំផ្ទះ និងខូចខាតធ្ងន់ធ្ងរចំនួន៥៣ខ្នងរបើកដំបូល និងខូចខាតមធ្យមចំនួន៤៥៧ខ្នង និងរបើកដំបូលសាលារៀន ៣អគារ។

យោងតាមគណៈកម្មាធិការជាតិគ្រប់គ្រងគ្រោះមហន្តរាយបានឱ្យដឹងថា នៅក្នុងត្រីមាសទី១ឆ្នាំនេះ អាកាសធាតុត្រជាក់បានកើតមានពេញមួយខែមករា ដោយសាររបបខ្យល់មូសុងឦសានបន្តមានឥទ្ធិពលខ្លាំងចាប់ពីខែធ្នូ មកលើអាងទន្លេមេគង្គ និងប្រទេសកម្ពុជាជាពិសេសនៅតំបន់ភាគពាយ័ព្យ តំបន់ខ្ពង់រាបភាគខាងជើង និងតំបន់ភាគឦសាន ដែលកម្រិតសីតុណ្ហភាព អប្បបរមាមានចន្លោះពី១៣ ទៅ ១៨អង្សាសេ នៅពេលយប់ និងពេលព្រឹក។ សីតុណ្ហភាពអតិបរមាមានកម្រិតត្រឹម៣៨អង្សា និងមានអំណោយផលល្អសម្រាប់ជីវភាពរបស់ប្រជាជន។

ការធ្លាក់ភ្លៀងកក់ខែកើតមាននៅក្នុងសប្តាហ៍ទី៤ នៃខែកុម្ភៈ គឺលឿនជាងការព្យាករ មូលហេតុបណ្តាលមកពីឥទ្ធិពលនៃប្រព័ន្ធសម្ពាធទាបទូទាំងតំបន់អាស៊ីអាគ្នេយ៍ បានគ្របដណ្តប់លើផ្ទៃដីប្រមាណ ៣០ភាគរយ ក្នុងប្រទេសកម្ពុជាដែលក្នុងនោះមានតំបន់មាត់សមុទ្រ ទំនាបកណ្តាល និងតំបន់ខ្ពង់រាបហើយក៏បាននាំមកជាមួយនូវខ្យល់កន្ត្រាក់និងផ្គរ រន្ទះ មួយចំនួនផងដែរ។

បន្ទាប់ពីរដូវវស្សាបានបញ្ចប់នៅពាក់កណ្តាលខែវិច្ឆិកា មកគឺមានបញ្ហាប្រឈមខ្លះទៅនឹងការខ្វះខាតទឹកសម្រាប់ផ្គត់ផ្គង់ស្រូវប្រាំងដែលធ្វើលើសពីការកំណត់នៃផែនការ។ អាងស្តុកទឹក និងប្រព័ន្ធធារាសាស្ត្រធំតូចមួយចំនួន បានបើកបញ្ចេញទឹកតាមតម្រូវការនិងសំណូមពររបស់កសិករក្នុងលក្ខណៈសន្សំសំចៃសម្រាប់ការប្រើប្រា ស់ក្នុងជីវភាពប្រចាំថ្ងៃផងនិងស្រោចស្រពដំណាំស្រូវប្រាំងផង៕

អត្ថបទ៖ សំអឿន

The post ត្រីមាសទី១ឆ្នាំនេះ ខ្យល់កន្ត្រាក់កើតឡើង​៣៧​លើក​ បំផ្លាញផ្ទះជិត៥០០ខ្នងនៅមូលដ្ឋានខេត្តចំនួន១៥ appeared first on Kampuchea Thmey Daily.

ជាមួយនឹងផ្ដល់ឱ្យស័ង្កសី លោក អ៊ុំ រាត្រី ក៏បានដឹកនាំកងកម្លាំង ដើម្បីជួយរុះរើ និងរៀបចំជួសជុសផ្ទះជូនពលរដ្ឋឡើងវិញផងដែរ។ តាមរបាយការណ៍ ក្នុងគ្រោះធម្មជាតិខ្យល់កន្ត្រាក់ កាលពីល្ងាចថ្ងៃទី១៥ ខែមេសា ឆ្នាំ២០២៦ គឺមានផ្ទះពលរដ្ឋប្រមាណជាង៤០០ខ្នង ត្រូវរងផលប៉ះពាល់។

លោក អ៊ុំ រាត្រី បានសម្ដែងការសោកស្ដាយចំពោះឧបទ្ទវហេតុគ្រោះធម្មជាតិ ដែលបណ្ដាលឱ្យផ្ទះសំបែងរបស់ពលរដ្ឋរងគ្រោះ។ លោកអភិបាលខេត្ត ក៏បានអំពាវនាវឱ្យប្រជាពលរដ្ឋត្រូវមានការប្រុងប្រយ័ត្ន ក្នុងករណីមានមេឃរកកល់ចង់ភ្លៀង មានផ្គរ រន្ទះ ឬខ្យល់កន្ត្រាក់ ត្រូវទៅរកកន្លែងមានសុវត្ថិភាព ដើម្បីការពារគ្រោះថ្នាក់ជាយថាហេតុណាមួយ។ 

បើតាមការបញ្ជាក់ពីវរសេនីយ៍ទោ ឈឿន គឹមឈុន អធិការនគរបាលស្រុកថ្មពួក ដោយយោងតាមរបាយការណ៍បឋម កាលពីវេលាម៉ោង១៧និង៣០នាទីល្ងាច ថ្ងៃទី១៥ ខែមេសា ឆ្នាំ២០២៦ មានករណីខ្យល់កន្ត្រាក់ បណ្ដាលឱ្យប៉ះពាល់ផ្ទះប្រជាពលរដ្ឋក្នុងឃុំគោករមៀតសរុបចំនួន៩ភូមិ រួមមានភូមិគោកព្រេចចំនួន១៧៣ខ្នង ភូមិតាឡីចំនួន៧២ខ្នង ភូមិស្ពានចំនួន៤៤ខ្នង ភូមិគោករមៀតចំនួន១១២ខ្នង ភូមិសិរីការចំនួន១៥ខ្នង ភូមិប្រាំមីនាចំនួន៥ខ្នង ភូមិថ្មីចំនួន៣ខ្នង ភូមិស្ដៅ ចំនួន១៣ខ្នង និងភូមិវល្លិ៍ប្រេង៤ខ្នង សរុបទាំង៩ភូមិ មានចំនួន៤៤១ខ្នងផ្ទះ៕

The post អាជ្ញាធរខេត្តបន្ទាយមានជ័យផ្ដល់ស័ង្កសីដល់ពលរដ្ឋរងគ្រោះដោយខ្យល់កន្ត្រាក់ នៅស្រុកថ្មពួក appeared first on Kampuchea Thmey Daily.