អ្នកនាំពាក្យរូបនេះ បានប្រាប់កម្ពុជាថ្មីថា ដោយសារតែការផ្លាស់ប្តូរនៃរដូវកាល និងការរងមិនផ្ទាល់ពីឥទ្ធិពលព្យុះ ខ្សល់កន្រ្តាក់បានកើតឡើងចំនួន ៣លើក ដោយលើកទី១ ចាប់ពីថ្ងៃទី២៦ ខែកុម្ភៈ ដល់៥ ខែមីនា ឆ្នាំ២០២៦ បង្កឱ្យប៉ះពាល់ខេត្តចំនួន៧ រួមមាន ខេត្តព្រះវិហារ បន្ទាយមានជ័យ កំពង់ធំ កំពត ក្រចេះ បាត់ដំបង ឧត្តរមានជ័យ និងសៀមរាប សរុបចំនួន ១៤២ ខ្នងផ្ទះ។ លើកកទី២ ចាប់ពីថ្ងៃទី២៧ ខែមីនា ឆ្នាំ២០២៦ បង្កឱ្យប៉ះពាល់ខេត្តចំនួន៣ រួមមាន ព្រះវិហារ, សៀមរាប និងបន្ទាយមាន សរុបចំនួន ២៧ខ្នងផ្ទះ។ ក្នុងនោះខូចខាតទាំងស្រុង (១ខ្នងផ្ទះ)  ខូចខាតមធ្យម (៤ខ្នងផ្ទះ) ​និងខូចខាតស្រាល( ២១ ខ្នងផ្ទះ)។ ។

ចំណែកលើកទី៣ គឺចាប់ពីថ្ងៃទី១៤ ដល់ថ្ងៃទី១៩ ខែមេសា ឆ្នាំ២០២៦ ខូចខាតសរុប ១ ៦៣៣ ខ្នងផ្ទះ ក្នុងនោះ រួមមាន ខេត្តព្រះវិហារ (៣៦៧ខ្នងផ្ទះ/សាលារៀន/វត្ត) ខេត្តបន្ទាយមានជ័យ (៧២១ ខ្នងផ្ទះ) ខេត្តសៀមរាប (៩ខ្នងផ្ទះ) ខេត្តបាត់ដំបង (៧ខ្នងផ្ទះ) ខេត្តកំពង់ឆ្នាំង (៤៦ខ្នងផ្ទះ) ខេត្តកំពង់ធំ (៦ ខ្នងផ្ទះ) ខេត្តឧត្តរមានជ័យ (៣៨៩ខ្នងផ្ទះ) ត្បូងឃ្មុំ(២៤ខ្នងផ្ទះ) និងប៉ៃលិន (៤០ខ្នងផ្ទះ)។ ក្នុងចំណោមការខូចខាត ១ ៦៣៣ ខ្នងផ្ទះ ក្នុងនោះប៉ះពាល់ធ្ងន់ធ្ងរ (១៥ខ្នងផ្ទះ) ប៉ះពាល់មធ្យម (៣៥៦ខ្នងផ្ទះ) ប៉ះពាល់ស្រាល (១,២៦២ខ្នងផ្ទះ/សាលារៀន/វត្ត)។

បើតាមលោក សុទ្ធ គឹមកុលមុនី ខ្យល់កន្រ្តាក់ទាំង៣ លើកនេះសរុបខូចខាត ១ ៨០២ ខ្នងផ្ទះ ក្នុងនោះ ប៉ះពាល់ធ្ងន់ធ្ងរ (១៦ ខ្នងផ្ទះ), ប៉ះពាល់មធ្យម (៣៦០ខ្នងផ្ទះ) និងប៉ះពាល់ស្រាល (១២៨៣ ខ្នងផ្ទះ)។

ជាមួយគ្នានេះដែរ គណៈកម្មាធិការគ្រប់គ្រងគ្រោះមហន្តរាយខេត្ត រួមជាមួយ អាជ្ញាធរខេត្ត និងក្រុមការងារចុះជួយមូលដ្ឋានខេត្ត បានសហការគ្នាចុះពិនិត្យ និងអន្តរាគមន៍ ឆ្លើយតបបន្ទាន់ សង្គ្រោះជនរងគ្រោះដោយសារខ្យល់ទាំងអស់ ជាពិសេសបាននាំយកនូវស័ង្កីទៅជួសជុលលំនៅឋានដែលប៉ះពាល់ផងដែរ៕

ដោយ៖ គេន ម៉ាលិះ

The post រយៈពេលជិត ៤ខែ ឆ្នាំនេះខ្យល់កន្ត្រាក់កើតឡើងចំនួន ៣លើក ប៉ះពាល់សរុប ១ ៨០២ខ្នងផ្ទះ appeared first on Kampuchea Thmey Daily.

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅរសៀលថ្ងៃទី០៣ កញ្ញា នេះ​ថា ខ្យល់កន្ត្រាក់​ក្នុង​រយៈ​ពេល ៨ ខែ ឆ្នាំនេះ បានកើត​ឡើង​ចំនួន ២៤៧ លើក នៅ​ទូទាំង​ប្រទេស បណ្ដាលឱ្យរលំផ្ទះចំនួន៤៣៣ខ្នង របើក​ដំបូល​៦៤០៥ ខ្នង តូបផ្សារ២៦តូប សាលារៀន៤១ ខ្នង អគាររដ្ឋបាល ១៨ កន្លែង ស្លាប់មនុស្ស៩ នាក់ និងរបួស ៣១ នាក់។

លោក​បាន​បន្ត​ថា ក្នុងចំណោមអ្នកស្លាប់ទាំង៩នាក់ក្នុងនោះនៅខេត្តកំពង់ស្ពឺ១នាក់ ព្រៃវែង១នាក់ កំពង់ចាម៤នាក់បាត់ដំបង១នាក់សៀមរាប១នាក់និងខេត្តកំពត១នាក់។

លោក​បាន​បន្ត​ទៀត​ថា ក្នុង​នោះ​ក្នុង​ខែ​សីហា​ខ្យល់​កន្ត្រាក់​បានកើត​ឡើង​ចំនួន ២៨លើក នៅរាជធានីខេត្តចំនួន១៩ ធ្វើ​ឱ្យ​ផ្ទះ​រលំ​និង​ខូច​ខាត​ធ្ងន់ធ្ងរ ៨ខ្នង ផ្ទះ​របើក​ដំបូល និង​ខូចខាត​មធ្យម ១៩០ខ្នង របើកដំបូលសាលា រៀន ១អគារ អគារ​ស្នាក់​នៅ​របស់​កងទ័ព ២ខ្នង ដួលរលំអង់តែនវិទ្យុទាក់ទង ១ដើម ដួលរលំ បង្គោលភ្លើងសូឡា ១៤​បង្គោល​លិច​ទូក​ត្នោត​លង់​ទឹក​ស្លាប់ ៤នាក់ (ក្មេង៣) រលំដើមឈើសង្កត់រថយន្ត ២គ្រឿង និងម៉ូតូ ២គ្រឿងនិងលិចទូកកន្ទុយវែងដឹកទំនិញ ១គ្រឿង ក្នុងស្រុកមណ្ឌលសីមា ខេត្តកោះកុង។

លោក​បាន​បន្ថែម​ទៀត​ថា តួលេខ​នេះ​បើ​ធៀប​ទៅ​នឹង​៨​ខែ​ឆ្នាំ​២០២៤​កន្លង​ទៅ​ឃើញ​ថា មាន​ការ​កើន​ឡើងខណៈ៨ ខែ ឆ្នាំមុនខ្យល់កន្ត្រាក់ បានកើតឡើងចំនួន ២៤១ លើក នៅទូទាំងប្រទេស បណ្ដាលឱ្យរលំផ្ទះចំនួន ៤៨២ ខ្នង របើកដំបូល ៣៨០០ ខ្នង តូបផ្សារ ៣៨ តូប សាលារៀន ៤៧ ខ្នង អគាររដ្ឋបាល ១៩ កន្លែង ស្លាប់មនុស្ស ៤ នាក់ និងរបួស ៣២ នាក់៕

អត្ថបទ ៖ សំអឿន

The post ៨ខែឆ្នាំនេះ ខ្យល់​កន្ត្រាក់​កើត​ឡើង​ជិត​២៥០​លើក​ បណ្ដាលឱ្យមានស្លាប់របួស​ជាង៤០នាក់ appeared first on Kampuchea Thmey Daily.

សមត្ថកិច្ច​បានឱ្យដឹងថា ភ្លៀង​លាយខ្យល់កន្ត្រាក់ បានវាយប្រហារលើមូលដ្ឋានក្រុងស្រុកចំនួន១០ កាលពីរសៀលល្ងាចថ្ងៃទី១៦ ខែមីនា ឆ្នាំ២០២៥ បាន​បំផ្លាញ​ផ្ទះ​សម្បែងប្រជាពលរដ្ឋចំនួន ១៧៨គ្រួសារ, ដួល​រលំ​បាក់​ដើម​ឈើ ចំនួន ៧១ដើម បានបណ្តាលឱ្យមានមនុស្សរងរបួស៧នាក់ (ស្រី៣នាក់) និង​មាន​អ្នក​ស្លាប់​ម្នាក់​ដោយ​សារ​រន្ទះបាញ់ ព្រមទាំងផលប៉ះពាល់ផ្សេងទៀត ដូចជា រលំ​បង្គោល​ភ្លើង​លំអ​ផ្លូវ រលំ​បាក់​មែក​ឈើ​លើដងផ្លូវផងដែរ។

សមត្ថកិច្ច​បាន​បន្ត​ថា បន្ទាប់​ពី​មាន​គ្រោះធម្មជាតិ​នេះ កង​កម្លាំង​នៃ​ស្នងការ​ដ្ឋាន​នគរបាលខេត្តសៀមរាប បាន​ចេញ​ប្រតិបត្តិការ​ជួយសង្គ្រោះភ្លាមៗ ជា​ពិសេស​ការ​កាត់​ដើម​ឈើ​ដែល​ដួលរលំមកលើផ្លូវ ដើម្បី​យកចេញឱ្យបានលឿន ដើម្បី​អាច​ឱ្យ​បងប្អូនធ្វើចរាចរណ៍បានធម្មតាវិញ និង​ជួយ​រុះរើ​ផ្ទះពលរដ្ឋ​ដែល​រងគ្រោះ​ដោយ​ខ្យល់​កន្រ្តាក់ ជា​បន្ត​បន្ទាប់​រហូត​ដល់ថ្ងៃទី១៧ ខែមីនានេះ។

សូមជម្រាបថា ករណី​បាតុភូត​ធម្មជាតិកាលពីម្សិលមិញនេះ គឺ​គេ​សង្កេត​ឃើញ​ថា ​ពេល​ពលរដ្ឋមានទុក្ខលំបាក អាជ្ញាធរមូលដ្ឋាននិងកម្លាំងសមត្ថកិច្ចនៃខេត្តសៀមរាប បានចុះទៅ​ដល់គោលដៅភ្លាមៗ ដើម្បីជួយប្រជាពលរដ្ឋឱ្យបានទាន់ពេលវេលា៕

ដោយ ៖ ជុន កុសល

The post ក្រោយ​ភ្លៀងលាយឡំ​ខ្យល់​កន្ត្រាក់​បំផ្លាញ​ផ្ទះ​ពលរដ្ឋ​ សមត្ថកិច្ច​ចេញ​ប្រតិបត្តិការ​ជួយ​សង្គ្រោះ​ភ្លាម​ៗ appeared first on Kampuchea Thmey Daily.

តាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតហេតុ គឺមានភ្លៀងមួយមេយ៉ាងធំ ដែលមានលាយឡំជាមួយ​ខ្យល់កន្ត្រាក់ បណ្តាលឲ្យដើមអំពិលមួយដើមបាក់រលំទៅលើបង្គោលបំភ្លឺផ្លូវចំនួន០១ដើម រួចក៏សង្កត់លើរថយន្តពីរគ្រឿងបណ្តាលអោយខូចខាត គឺរថយន្ដម៉ាក Camary Hybrid ១គ្រឿង និងរថយន្តម៉ាក សាំយ៉ុង១គ្រឿង តែ មិនប៉ះពាល់ទៅលើពលរដ្ឋអ្នកធ្វើដំណើរនោះឡើយ។

ក្រោយកើតហេតុ សមត្ថកិច្ចមូលដ្ឋាននៃខណ្ឌដូនពេញ បានទាក់ទងទៅមន្ទីរសាធារណការរាជធានីភ្នំពេញ ដើម្បីឲ្យចុះ​មកធ្វើការកាត់យកដើមឈើនេះចេញ និងប្រគល់រថយន្តខាងលើអោយទៅម្ចាស់យកទៅធ្វើការជួសជុលដោយខ្លួនឯង៕

អត្ថបទ៖ រដ្ឋា

The post ភ្លៀងមួយមេធំយប់មិញបណ្ដាលឲ្យរលំដើមឈើមួយដើមសង្កត់រថយន្ដពីរគ្រឿង appeared first on Kampuchea Thmey Daily.

ជុំវិញហេតុការណ៍ខ្យល់បក់បោកនៃគ្រោះធម្មជាតិនេះ លោក អ៊ឹម ច័ន្ទសោធន អភិបាលស្រុកទឹកឈូ បានឱ្យដឹងថា លោកបានចាត់ក្រុមការងារស្រុកចុះទៅពិនិត្យ និងស្រង់យកឈ្មោះតួរលេខគ្រួសារពលរដ្ឋដែលមានការខូចខាតដើម្បីត្រៀមអន្តរាគមន៍។ ជាលទ្ធផលរកឃើញថា ដោយសារមានករណីខ្យល់កន្រ្តាក់ខ្លាំងធ្វើឱ្យប៉ះពាល់ទៅ​លើលំនៅដ្ឋានផ្ទះប្រជាពលរដ្ឋចំនួន៣ឃុំ ក្នុងនោះរួមមាន ឃុំកណ្តោល ប៉ះពាល់លំនៅដ្ឋាន ១៩៦ខ្នងផ្ទះ ឃុំត្រពាំងព្រីង ប៉ះពាល់ ៥គ្រួសារ និង ឃុំកូនសត្វ ប៉ះពាល់២២ ខ្នងផ្ទះ។

បើតាមអភិបាលស្រុក៖« ក្នុងករណីរគ្រោះធម្មជាតិខាងលើ បណ្តាលឱ្យផ្ទះពលរដ្ឋខ្លះរងការ​ខូតខាត​ក្នុងកម្រិតពីតិចតួចទៅមធ្យម និងខ្នងផ្ទះខ្លះដួលរំទាំងស្រុង»។

ក្នុងហេតុការណ៍នេះដែរ បណ្តាលឱ្យមនុស្សរងគ្រោះចំនួន ២នាក់ ក្នុងចំណោមនោះម្នាក់បញ្ជូនទៅសម្រាកនៅមណ្ឌលសុខភាពចក្រីទីង និងម្នាក់ទៀតបញ្ជូនទៅមន្ទីរពេទ្យបង្អែកខេត្តកំពត៕
អត្ថបទ៖ សឹង រ៉ាត់

The post ខ្នងផ្ទះជាង២០០រងការខូតខាត និងមនុស្ស២នាក់រងរបួស បណ្តាលមកពីខ្យល់កន្រ្តាក់នៅខេត្តកំពត appeared first on Kampuchea Thmey Daily.

សូម​បញ្ជាក់​ថា ​ក្រសួង​ធនធាន​ទឹក​និង​ឧតុនិយម​នៅ​ថ្ងៃ​ទី​១២​ ខែមិថុនា​ ឆ្នាំ​២០២៤​ បាន​បញ្ជាក់​ឱ្យដឹង​ថា សម្ពាធ​ទាប​គ្របដណ្តប់​មកលើ​ឈូង​សមុទ្រ​ថៃ​ព្រះរាជាណាចក្រ​កម្ពុជា​ភាគ​កណ្តាល​នៃ​អាង​ទន្លេមេគង្គ​និង​សមុទ្រ​ចិន​ខាងត្បូង​។

ស្ថានភាព​បែបនេះ​នឹង​ធ្វើ​ឱ្យ​ ចាប់ពី​ថ្ងៃ​ទី​១២​ដល់​ថ្ងៃ​ទី​១៤ ​ខែមិថុនា​ ឆ្នាំ​២០២៤តំបន់​វាលទំនាប​៖ ​សីតុណ្ហភាព​អប្បបរមា​២៣°C​និង​សីតុណ្ហភាព​អតិបរមា​៣៣°C​។​ខ្យល់​បក់​មកពី​ទិសនិរតី​និង​អាគ្នេយ៍​មាន​ល្បឿន​មធ្យម​២,៥​ម៉ែត្រ​វិនាទី​។ ​ខេត្តបន្ទាយមានជ័យ​បាត់ដំបង​សៀមរាប​ពោធិ៍សាត់​កំពង់ឆ្នាំង​កំពង់ធំ​កំពង់ចាម​ត្បូងឃ្មុំ​ព្រៃវែង​ស្វាយរៀង​តាកែវ​កណ្តាល​និង​ភ្នំពេញ​អាច​មាន​ភ្លៀង​ធ្លាក់​ជាមួយ​ផ្គរ​រន្ទះ​និង​ខ្យល់​កន្ត្រាក់​គ្រប​ដណ្តប់​លើ​ផ្ទៃដី​១៥%​៕

ដោយ​ ៖ ​សុខា

The post ដើមក្ងោក​មួយ​ដើមធំ បាក់​សង្កត់​លើ​រថយន្ត​មួយ​គ្រឿង​ ខណៈ​មេឃ​ធ្លាក់​ភ្លៀង​មួយ​មេ​ធំ ​លាយឡំ​ខ្យល់​កន្ត្រាក់ appeared first on Kampuchea Thmey Daily.

សមត្ថកិច្ចមូលដ្ឋាន ប្រាប់ឱ្យដឹងនៅ ថ្ងៃទី៩ ខែមិថុនា នេះថា នៅពេលមេឃខ្មៅងងឹត បន្តិចក្រោយមកស្រាប់តែខ្យល់កន្ត្រាក់បោកជាខ្លាំង ជាហេតុធ្វើឱ្យលំនៅឋានរបស់ប្រជាពលរដ្ឋទាំងតូចធំរងការខូចខាត។

គ្រោះធម្មជាតិនេះបានកើតឡើងកាលពីវេលាម៉ោង ៥ និង ២៥នាទីរសៀល ថ្ងៃទី៧ មិថុនា ឆ្នាំ២០២៤ នៅចំណុចភូមិស្លាភ្នំ និងភូម្កោរ ឃុំទន្លូង មានភ្លៀង ខ្យល់ រន្ទះបណ្តាលអោយខូចខាតចំនួន ១០៤ គ្រួសារ របើកដំបូលផ្ទះចំនួន ៣១ គ្រួសារ បាក់ដើមកៅស៊ូចំនួនជាង ៥០០០ ដើម បាក់ដើមស្វាយចន្ទីរចំនួន ២៤០ ដើម និងជន្លង់ម្រេចមួយចំនួនទៀត។

បន្ទាប់មកលោកឧត្តមសេនីយ៍ត្រី ចិន នី ស្នងការនគរបាលខេត្ត បានឱ្យកម្លាំងប៉ុស្តិ៍រដ្ឋបាលមូលដ្ឋានចុះស្រាវជ្រាវមើលពីផលប៉ះពាល់គ្រោះធម្មជាតិនេះ។ សំណាងល្អមិនមានពលរដ្ឋណាម្នាក់រងគ្រោះថ្នាក់ដល់ជីវិតទេ។ ចំណែកនៅភូមិម្រាន់ និងភូមិជ្រៃឡើង ក្នុងឃុំជាំគ្រវៀន ជាប់ព្រំដែនប្រទេសវៀតណាម ភ្លៀង និងខ្យល់កន្ត្រាក់នេះបានបំផ្លាញដើមកៅស៊ូកំពុងតែហុចផលរាល់ថ្ងៃ ចំនួន ១០ ៣៦៩ ដើម៕​

អត្ថបទ៖ សាន វិឡែម

The post ខ្យល់កន្ត្រាក់បានវាយដំបូលផ្ទះពលរដ្ឋជាង ១០០ ខ្នង និងបំផ្លាញកៅស៊ូមួយចំនួនធំ appeared first on Kampuchea Thmey Daily.

លោក​វរសេនីយ៍ឯក ឡុង សំណាង អធិការ​នគរបាល​ស្រុក​បន្ទាយស្រី បានឱ្យដឹងថា ករណី មាន​ភ្លៀង និង​ខ្យល់​កន្ដ្រាក់នេះ បាន​ប៉ះពាល់​ផ្ទះ​ប្រជាពលរដ្ឋ​ចំនួន ៧៥​ខ្នង​ក្នុងស្រុក​បន្ទាយស្រី​។ ​ករណី​គ្រោះថ្នាក់​ទី​១.​ឃុំ​ត្បែង ខ្យល់​កន្ដ្រាក់​ពុំ​មាន​ប្រជា​ពល​រដ្ឋ​រងគ្រោះ​ទេ រលំ​ផ្ទះ​ទាំងស្រុង (​គ្មាន​),​របើក​សំយាប​ផ្ទះ​(​ស័ង្កសី​) ចំនួន ០៦​ខ្នង​។​ ២.​ឃុំ​រុន​តា​ឯក ខ្យល់​កន្ដ្រាក់ ភូមិ​តានី (​ធម្មជាតិ​ថ្មី​)​ពុំ​មាន​ប្រជាពលរដ្ឋ​រងគ្រោះ,​ រលំ​ផ្ទះ​ទាំងស្រុង ចំនួន ០៥​ខ្នង​,​របើក​ដំបូល​ផ្ទះ​(​ស័ង្កសី​) ចំនួន ៦៤​ខ្នង​,៣.​ឃុំ​ឃុន​រាម (​គ្មាន​)៤.​ឃុំ​ខ្នារ​សណ្ដាយ (​គ្មាន​)៥.​ឃុំ​ព្រះ​ដាក់ (​គ្មាន​) ៦.​ឃុំ​រំចេក (​គ្មាន​)។

លោក​វរសេនីយ៍ឯក​ឡុង សំណាង បញ្ជាក់​ថា បន្ទាប់ពី​ទទួល​បាន​ករណី​នេះ​ភ្លាម​ក្រុមការងារ​ថ្នាក់ដឹកនាំ និង​កម្លាំង​នគរបាល​ស្រុក​បន្ទាយស្រី បាន​សហការ​គ្នា​ចុះទៅ​ដល់ទី​តាំង​កើតហេតុ​ដើម្បី​ជួយសង្គ្រោះ​ដល់​ពលរដ្ឋ​ផងដែរ​៕

ដោយ ៖ ជុន កុសល

The post ភ្លៀង​លាយឡំ​នឹង​ខ្យល់​កន្ត្រាក់ ​ប៉ះពាល់​ផ្ទះ​ពលរដ្ឋ​ចំនួន​៧៥​ខ្នង​នៅ​ស្រុក​បន្ទាយស្រី appeared first on Kampuchea Thmey Daily.