Neutrophilia leukocytosis៖ គឺការកើនឡើងគ្រាប់ឈាមសដើម្បីប្រឆាំងទៅនឹងការរលាក និង ការខូចខាតជាលិកាក្នុងរាងកាយ។

Lymphocytosis៖ ការកើនឡើងឈាមសដើម្បីការពារ ប្រព័ន្ធទឹករងៃក្នុងរាងកាយ។

Monocytosis៖ ការកើនឡើងឈាមសដើម្បីជួយពង្រឹងទៅប្រព័ន្ធការពារ កុំឲ្យឆ្លងពពួកបាក់តេរី និងមេរោគ។

Eosinophilia៖ ការកើនឡើងឈាមសប្រឆាំងទៅនឹងការរលាក ការឆ្លងមេរោគ និងភាពមិនប្រក្រតីនៃការប្រព័ន្ធ​ការពារ។

Basophilia៖ ការកើនឡើងគ្រាប់ឈាមស ដើម្បីប្រឆាំងទៅនឹងការឆ្លងពពួកប៉ារ៉ាសិត និងប្រឆាំងការអាលែកហ្ស៊ី។

ការកើនឡើងគ្រាប់ឈាមសក្នុងរាងកាយ មិនមែនគ្មានមូលហេតុនោះទេ ព្រោះវាអាចបញ្ជាក់បានថា ក្នុងរាងកាយរបស់យើងកំពុងតែមានបញ្ហាអ្វីមួយកើតឡើង តួយ៉ាងដូចជាការឆ្លងមេរោគ ការឆ្លងបាក់តេរី ការរងរបួស ការ​អា​លែកហ្ស៊ី ឬមានជំងឹផ្សេងមកបៀតបៀនសុខភាពរបស់យើង។

លោកវេជ្ជបណ្ឌិត អ៊ាវ សុខា ឯកទេសជំងឺមហារីក និង​ឈាម មានប្រសាសន៍ថាពេល​ចំនួនគ្រាប់ឈាមសឡើងត្រឹម២០ពាន់ គឺ​ដោយសារតែមានមេរោគ ឬបាក់តេរី ចូលឈ្លានពានខ្លួនយើង ហើយខួរឆ្អឹងក៏ផលិតគ្រាប់ឈាមសច្រើន ដើម្បីទប់ទល់ជាមួយនឹងពពួកបាក់តេរី និងមេរោគទាំងនោះ។ ផ្ទុយទៅវិញ បើឈាម​ស​ឡើង​ច្រើន​លើសពី១០០ពាន់ គឺ​ជា​សញ្ញា​កើតជំងឺមហារីកឈាមហើយ។

កត្ដាសំខាន់ៗដែលបណ្ដាលឲ្យកើនបរិមាណគ្រាប់ឈាមស

• ឆ្លងមេរោគ
• ប្រតិកម្មថ្នាំ
• បញ្ហាសុខភាពខួរឆ្អឹង
• ប្រព័ន្ធការពារមិនប្រក្រតី
• មានបញ្ហាអាលែកហ្ស៊ី
• ការរលាក
• ការជក់បារី
• កើតស្ដ្រេសរ៉ាំរៃ
• បញ្ហាក្រពេញទីរ៉ូអ៊ីត
• ការបួស
• ការវះកាត់
• គេងមិនគ្រប់គ្រាន់

អត្ថបទផ្ដល់ដោយ៖Hello Krupet

The post កត្តាអ្វីខ្លះអាចបណ្ដាលឲ្យគ្រាប់ឈាម ស កើនឡើង? appeared first on Kampuchea Thmey Daily.