១០ គ្រាប់ពូជដែលមានសុខភាពល្អ

១ គ្រាប់ Flaxseed​​ ​គឺជាប្រភពដ៏ល្អនៃប្រូតេអ៊ីន និងជាតិសរសៃអាហារ។ វាសម្បូរទៅដោយមីក្រូសារជាតិសំខាន់ៗដូចជាម៉ង់ហ្គាណែស ជាតិ Thiamine និងម៉ាញ៉េស្យូម។

២ គ្រាប់ hemp វាគឺជាប្រភពសំខាន់នៃសារធាតុចិញ្ចឹម។ សំបូរទៅដោយប្រូតេអ៊ីន ខ្លាញ់ដែលមានសុខភាពល្អ ម៉ង់ហ្គាណែស វីតាមីន E និងម៉ាញ៉េស្យូម។

៣ គ្រាប់ល្ពៅ វា​មិន​ត្រឹម​តែ​ជា​ខ្លាញ់ និង​ប្រូតេអ៊ីន​ដែល​មាន​សុខភាព​ល្អ​នោះ​ទេ។ ប៉ុន្តែវាក៏សម្បូរទៅដោយម៉ង់ហ្គាណែស ម៉ាញេស្យូម និងផូស្វ័រផងដែរ។

៤ គ្រាប់​ Poppy Seed ប្រភពនៃជាតិសរសៃ និងសារធាតុរ៉ែ សំបូរទៅដោយម៉ង់ហ្គាណែស និងកាល់ស្យូម។

៥ គ្រាប់ផ្កាឈូករ័ត្ន ការបន្ថែមគ្រាប់ផ្កាឈូករ័ត្នទៅក្នុងរបបអាហាររបស់អ្នក។ វាជាវិធីសាមញ្ញមួយ ដើម្បីបង្កើនបរិមាណវីតាមីន E ជាតិ Thiamine និងម៉ង់ហ្គាណែសក្នុងរាងកាយ។

៦ គ្រាប់ Chia គឺដូចជាស្តេចនៃជាតិសរសៃអាហារ។ បើប្រៀបធៀបទៅនឹងប្រភេទគ្រាប់ពូជផ្សេងទៀត។ គ្រាប់ពូជ Chia សម្បូរទៅដោយជាតិសរសៃអាហារ។ វាក៏ជាប្រភពដ៏ល្អនៃម៉ង់ហ្គាណែស ផូស្វ័រ និងកាល់ស្យូមផងដែរ។ វាក៏សម្បូរទៅដោយប្រូតេអ៊ីន និងខ្លាញ់ដែលមានសុខភាពល្អបេះដូងផងដែរ។

៧ គ្រាប់ល្ង សម្បូរទៅដោយវីតាមីន និងសារធាតុរ៉ែសំខាន់ៗដូចជា ទង់ដែង ម៉ង់ហ្គាណែស កាល់ស្យូម និងម៉ាញេស្យូម។

៨ គ្រាប់ស្រល់ ដែលប្រើក្នុងចម្អិនអាហារកូរ៉េ ទោះ​បី​ជា​ឈ្មោះ​របស់​វា​ក៏​ត្រូវ​បាន​គេ​ហៅ​ថា​សណ្ដែក។ ប៉ុន្តែគ្រាប់ស្រល់ត្រូវបានចាត់ថ្នាក់ជាគ្រាប់ពូជតាមគោលការណ៍រុក្ខសាស្ត្រ។ គ្រាប់ស្រល់សម្បូរទៅដោយវីតាមីន K ទង់ដែង និងម៉ាញ៉េស្យូម។

៩​ គ្រាប់ Quinoa ពួកវាច្រើនតែត្រូវបានចាត់ថ្នាក់ជាគ្រាប់ និងធញ្ញជាតិដែលមានសុខភាពល្អបំផុត។ វិធីសាស្រ្តនៃការរៀបចំនិងការប្រើប្រាស់គឺស្រដៀងគ្នាទៅនឹងធញ្ញជាតិ។ ប៉ុន្តែតាមពិត Quinoa គឺជាប្រភេទគ្រាប់ដែលអាចបរិភោគបាន។

១០ គ្រាប់ផ្លែទទឹម គ្រាប់ផ្លែទទឹមសម្បូរទៅដោយជាតិសរសៃ វីតាមីន K និងវីតាមីន C។ ទោះបីជាវាមានកាឡូរីទាបក៏ដោយ ប៉ុន្តែវាពោរពេញទៅដោយសារធាតុចិញ្ចឹមដែលចាំបាច់សម្រាប់រាងកាយ៕

អត្ថបទ៖ សាង ស្រីល័ក្ខ

ចុចអាន៖គ្រាប់ធញ្ញជាតិ៣ប្រភេទ ជាសារធាតុបង្កជំងឺគ្រោះថ្នាក់ច្រើនដល់សុខភាព

The post គ្រាប់ ១០ ប្រភេទ ល្អបំផុតសម្រាប់សុខភាព និងអាចបរិភោគបានរាល់ថ្ងៃ appeared first on Kampuchea Thmey Daily.

ទន្ទឹមនោះដែរ សណ្តែកត្រូវបានគេចាត់ទុកថាជាអាហារដែលសម្បូរទៅដោយសារធាតុចិញ្ចឹមដូចជា វីតាមីន សារធាតុរ៉ែ និងជាតិសរសៃអាហារ ជាពិសេសប្រូតេអ៊ីន។ វា​ជា​សារធាតុ​ផ្សំ​ដ៏​ល្អ​ក្នុង​អាហារ​បង្កើត​សាច់ដុំ។ ប៉ុន្តែមានប្រភេទគ្រាប់មួយចំនួនដែលអាចបង្កគ្រោះថ្នាក់ដល់រាងកាយ។ បើ​ទទួល​ទាន​ក្នុង​បរិមាណ​ច្រើន ថ្ងៃនេះ កម្ពុជាថ្មីសូម​នាំអ្នកអាន​ទៅទស្សនា​គ្រាប់ ៣ ប្រភេទ ដែល​អ្នក​ត្រូវ​ចៀសវាង។ ប្រសិនបើអ្នកមិនចង់ឲ្យរាងកាយរបស់អ្នកប្រឈមនឹងជំងឺធ្ងន់ធ្ងរ។

១ គ្រាប់សណ្ដែកដីលាយគ្រឿងផ្សំច្រើនមុខ

ជារឿយៗវាត្រូវបានភ្លក់ជាមួយនឹងគ្រឿងទេស អំបិល ស្ករ និងសារធាតុបន្ថែមផ្សេងទៀត ដើម្បីរសជាតិកាន់តែប្រសើរ និងបង្កើនភាពឆ្ងាញ់ហូបជក់មាត់។ ប៉ុន្តែគ្រឿងទេសទាំងនេះនឹងបិទបាំងក្លិនធម្មជាតិរបស់សណ្តែ រួម​ទាំង​បរិមាណ​សូដ្យូម ឬ​ស្ករ​ខ្ពស់​គួរសម។ អាហារ​ដែល​មាន​ជាតិ​សូដ្យូម​បង្ក​ឲ្យមាន​ជំងឺ​លើស​ឈាម និង​ជំងឺ​បេះដូង។ អាហារដែលមានជាតិស្ករខ្ពស់អាចបណ្តាលឲ្យធាត់ និងជំងឺទឹកនោមផ្អែម។ ដូច្នេះប្រសិនបើអាចធ្វើទៅបាន អ្នក​គួរ​ចៀសវាង​ការ​ញ៉ាំ​គ្រាប់​ធញ្ញជាតិប្រភេទនេះ។

២ គ្រាប់ដែលត្រូវបានដុតរហូតដល់ឆេះ

គ្រាប់ដែលមានស្នាមឆេះ វាបណ្តាលមកពីការចៀន ឬដុតនំយូរពេក​ នេះបណ្តាលឲ្យផ្ទៃសណ្តែកប្រែពណ៌ត្នោតឬខ្មៅ។ ដំណើរការនៃការចៀនឬដុតនំសណ្តែកបែបនេះ អាចបណ្តាលឲ្យមានសារធាតុបង្កមហារីកដូចជា Benzopyrene និង Heterocyclic Amines និង Acrylamide ប្រសិនបើប្រើប្រាស់ក្នុងរយៈពេលយូរ អាចបង្កើនហានិភ័យនៃជំងឺមហារីក។ ដូច្នេះ​ហើយ អ្នក​គួរតែ​ចៀសវាង​ការ​ញ៉ាំ​គ្រាប់​ដែល​ដុត​ ដើម្បីកាត់បន្ថយហានិភ័យនៃជំងឺមហារីក។

៣ គ្រាប់ដែលចុះផ្សិត

វាបណ្តាលមកពីការផ្ទុកសណ្តែកមិនត្រឹមត្រូវ ឬរក្សាទុកវាយូរពេក នេះបណ្តាលឲ្យមានចំណុចផ្សិតលេចឡើងនៅលើផ្ទៃសណ្តែក រួមទាំងក្លិន។ សណ្តែកផ្សិតទាំងនេះច្រើនតែផលិតជាតិពុល aflatoxin ដែលជាសារធាតុបង្កមហារីកខ្លាំង។ បើ​ញ៉ាំ​ជា​បន្តបន្ទាប់ វា​អាច​បង្ក​ផល​ប៉ះពាល់​ដល់​រាងកាយ​ក្នុង​រយៈពេល​យូរ។ ដូច្នេះប្រសិនបើផ្សិតត្រូវបានរកឃើញនៅលើសណ្តែក ត្រូវបោះចោលភ្លាមៗ​ ហើយសណ្តែកគួរត្រូវបានរក្សាទុកក្នុងកន្លែងស្ងួត និងត្រជាក់ ដើម្បីការពារផ្សិតកុំឲ្យដុះលើសណ្តែក៕

អត្ថបទ៖ សាង ស្រីល័ក្ខ

ចុចអាន៖វេជ្ជបណ្ឌិតអាមេរិក ណែនាំភេសជ្ជៈ៣ប្រភេទ ជួយថ្លើមនិងប្រព័ន្ធរំលាយអាហារ

The post គ្រាប់ធញ្ញជាតិ៣ប្រភេទ ជាសារធាតុបង្កជំងឺគ្រោះថ្នាក់ច្រើនដល់សុខភាព appeared first on Kampuchea Thmey Daily.

ចាប់ពីថ្ងៃទី១ ខែមេសា ដល់ថ្ងៃទី២៩ ខែកញ្ញា ប្រទេសមីយ៉ាន់ម៉ាបាននាំចេញសណ្តែក និងធញ្ញជាតិជាង ៧៣៣,៣១៤ តោន តាមរយៈផ្លូវសមុទ្រ ខណៈនាំចេញជាង ១៣០,០៥២ តោនតាមព្រំដែនគោក ។

ក្នុងចំណោមនោះ សណ្តែកខ្មៅ បានឈរនៅលំដាប់កំពូលក្នុងបញ្ជីនាំចេញដែលមានតម្លៃច្រើនជាងគេ ដោយរកចំណូលបានជាង ៣៣៧ លានដុល្លារអាមេរិក បន្ទាប់មកគឺ សណ្តែកបៃតងមានតម្លៃជាង ១៦១ លានដុល្លារ និងសណ្តែកបារាំងជាង ៩៤ លានដុល្លារ ។

ក្រសួងពាណិជ្ជកម្មបានឲ្យដឹងជាចុងក្រោយថា សណ្តែក និងគ្រាប់ធញ្ញជាតិ គឺជាដំណាំដាំដុះច្រើនជាងគេទី ២ របស់ប្រទេសមីយ៉ាន់ម៉ា បន្ទាប់ពីស្រូវ ហើយមានចំណែកជាង ៣០ ភាគរយនៃផលិតកម្មកសិកម្មសរុបរបស់ប្រទេស ខណៈមានទីផ្សារសំខាន់នាំចេញទៅ​ចិន ឥណ្ឌា និង​បណ្តា​ប្រទេស​អឺរ៉ុបជាដើម​ ៕

ប្រែសម្រួល៖ នាង រតនៈ

ប្រភព៖​ Xinhua

ចុចអាន៖ ម៉ាឡេស៊ី អាចនឹងដោះដូរពាណិជ្ជកម្មជាប្រាក់រីងហ្គីត ជំនួសដុល្លារអាមេរិក

The post មីយ៉ាន់ម៉ា កើបលុយពីការនាំចេញសណ្ដែក និងគ្រាប់ធញ្ញជាតិបាន ៧១៥ លានដុល្លារ ក្នុងពេល ៦ ខែ appeared first on Kampuchea Thmey Daily.

ថ្ងៃនេះយើងខ្ញុំបានប្រមូលផ្តុំនូវគ្រាប់ចំនួន៥ ប្រភេទដែល​ជួយ​ឲ្យ​សាច់ដុំរបស់អ្នកស្រស់ស្អាត និងរឹងមាំ។

១​ សណ្តែកដី

សណ្តែកដីគឺជាប្រភពប្រូតេអ៊ីនដ៏អស្ចារ្យដែលមានរហូតដល់ ២៩.៨ ក្រាមក្នុង ១០០ ក្រាមនៃ​គ្រាប់។​ ពួកវា​ក៏សម្បូរទៅ​ដោយ​វីតាមីន និងសារធាតុរ៉ែដូចជា វីតាមីន E ផូស្វ័រ ជាតិសរសៃ និងខ្លាញ់ល្អផងដែរ។ ជាពិសេស​សណ្ដែកដី​ជួយ​ការពារជំងឺបេះដូង ក្រួស​ក្នុងថង់​ទឹកប្រមាត់។ និង​ជំងឺ​ទឹកនោមផ្អែម​ផងដែរ។

២​ គ្រាប់ស្វាយចន្ទី

គ្រាប់នេះមានប្រជាប្រិយភាពណាស់។ ព្រោះវាមានរសជាតិឆ្ងាញ់ អាចប្រើជាអាហារ​សម្រន់ពេល​ថ្ងៃបាន។ វាមានប្រូតេអ៊ីនរហូតដល់ ២១ ក្រាមក្នុង ១០០ ក្រាមនៃ​ទំងន់ ហើយថែមទាំងធ្វើឲ្យអ្នកឆ្អែត​បានយូរ។ វា​ក៏​ជួយ​រក្សា​តុល្យភាព​ក្នុង​ពោះវៀន ចិញ្ចឹម​ស្បែក ចិញ្ចឹម​ភ្នែក​ជាមួយនឹង​វីតាមីន E រួមទាំង​ស័ង្កសី។

៣ Walnut

វា​ជា​ប្រភេទ​មួយ​ទៀត​ដែល​ផ្ទុក​នូវ​ខ្លាញ់​ល្អ ប្រភេទ​អូមេហ្គា ៣ ដែល​ជួយ​ដល់​មុខងារ​ខួរក្បាល។ ជាមួយគ្នានេះ វាក៏ជួយកាត់បន្ថយកម្រិតជាតិស្ករក្នុងឈាមផងដែរ។ វាធ្វើឲ្យ​មានតុល្យភាពនៃ​បំពង់រំលាយអាហារ និង​ជំរុញ​ការបញ្ចេញចោល។ក្នុង ១០០ ក្រាមនៃ Walnut មានប្រូតេអ៊ីន ១៦ ក្រាមដែលត្រូវបានគេ​ចាត់ទុកថាជាអាហារ​សម្រន់​ដែល​មានប្រូតេអ៊ីនខ្ពស់។

៤ អាល់ម៉ុន

ការ​ទទួលទាន​ផ្លែ​អាល់​ម៉ុនជា​ប្រចាំ​អាច​ជួយ​កាត់​បន្ថយ​ខ្លាញ់​ក្បាលពោះ​បាន​កាន់តែ​ល្អ ។ សមរម្យសម្រាប់បុរសៗវ័យក្មេង ដែលកំពុងស្វែងរកអាហារសម្រន់ដែលមានប្រយោជន៍ និងមិន​ឡើង​ទម្ងន់ ក្រៅពីអាល់ម៉ុនផ្តល់​ប្រូតេអ៊ីន ១៦ ក្រាមក្នុង ១០០ ក្រាម វាមានរសជាតិឆ្ងាញ់ ហើយ​ជា​ប្រភព​ដ៏​ល្អ​នៃ​ជាតិ​សរសៃ​ដែល​ជួយ​សម្រួល​ដល់​ការ​បន្ទោរ​បង់ថែមទៀត។

៥ គ្រាប់រីករាយ

វាគឺជាអាហារសម្រន់ដ៏មានប្រយោជន៍មួយទៀត ដែលផ្តល់ទាំងប្រូតេអ៊ីន ១៥ក្រាមក្នុង ១០០ ក្រាមនៃ​ទម្ងន់​មានវីតាមីននិងសារធាតុរ៉ែជាច្រើន។ វាជួយបំប៉នរាងកាយដូចជា lutein, zeaxanthin ជួយបំប៉នភ្នែក កាត់បន្ថយហានិភ័យនៃជំងឺភ្នែកឡើងបាយ មានជាតិសរសៃ​ខ្ពស់ជួយធ្វើឲ្យ​មានតុល្យភាព​ផ្លូវ​អាហារូបត្ថម្ភ និងពោះពេញក្នុងរយៈពេលយូរ ដូច្នេះវាអាចជួយ​សម្រក​ទម្ងន់​បាន​យ៉ាង​ល្អ។

បើទោះបីជាសណ្តែក​ទាំងនេះមានប្រូតេអ៊ីនខ្ពស់ក៏ដោយ និងអត្ថប្រយោជន៍ជាច្រើន ប៉ុន្តែមិនគួរញ៉ាំច្រើន​ពេកទេ។ ដោយសារតែថាមពលខ្ពស់ខ្លាំង។ ដូច្នេះ វាសក្ដិសម​ជាអាហារសម្រន់​ពេលថ្ងៃ ឬជា​ចំណែកតូចមួយ មានតែនៅក្នុងអាហារប៉ុណ្ណោះ។ គ្រាប់គឺ​ជាជម្រើសដ៏ល្អមួយផ្សេងទៀត ពេល​អ្នក​មាន​រាង​កាយ​មាំមួន កសាង​សាច់ដុំ ឬ​ស្រក​ទម្ងន់ដែលងាយស្រួលរកទិញ និងមានរសជាតិឆ្ងាញ់៕

ប្រែសម្រួល៖ សាង ស្រីល័ក្ខ

ចុចអាន៖ មានជំងឺខ្លាញ់រុំថ្លើម កុំចេះតែបរិភោគអាហារផ្ដេសផ្ដាស ប្រយ័ត្នធ្ងន់លើសដើម

The post សណ្ដែក ៥ ប្រភេទ ជាប្រភពប្រូតេអ៊ីនខ្ពស់ និងជំនួយកសាងសាច់ដុំសម្រាប់បុរស appeared first on Kampuchea Thmey Daily.

លោក Jiao Shanwei និពន្ធនាយកនៃគេហទំព័រព័ត៌មានឧស្សាហកម្ម cngrain.com បានប្រាប់ Global Times ថា គោលដៅទិន្នផលគ្រាប់ធញ្ញជាតិដែលត្រូវបានប្រកាសនេះ គឺផ្អែកលើបទពិសោធន៍កាលពីឆ្នាំមុន ដែលអាចបំពេញតម្រូវការក្នុងស្រុក ។

គោលដៅទិន្នផលគ្រាប់ធញ្ញជាតិ រួមជាមួយនឹងគោលដៅអភិវឌ្ឍន៍សេដ្ឋកិច្ចផ្សេងទៀត ត្រូវបានបង្ហាញដោយលោកនាយករដ្ឋមន្ត្រី Li Keqiang នៅក្នុងរបាយការណ៍ការងាររបស់រដ្ឋាភិបាលចិន ក្នុងអំឡុងពេលសម័យប្រជុំដំបូងនៃសភាប្រជាជនជាតិលើកទី ១៤ កាលពីថ្ងៃអាទិត្យ ។

កាលពីឆ្នាំ ២០២២ ទិន្នផលគ្រាប់ធញ្ញជាតិសរុបរបស់ចិន បានឈានដល់ ៦៨៥ លានតោន ដោយកើនឡើងចំនួន ៣.៧ លានតោន ច្រើនជាងឆ្នាំ ២០២១ ទោះបីជាមានរោគរាតត្បាតកូវីដ ១៩ ក៏ដោយ ។

ដោយឡែក ក្នុងរយៈពេល ៥ ឆ្នាំចុងក្រោយនេះ ចិនបានរក្សាស្ថិរភាព និងបង្កើនផ្ទៃដីដាំដុះ ដោយបានបន្ថែមផ្ទៃដីដាំដុះស្តង់ដារខ្ពស់ចំនួន ៣០.៤ លានហិកតា ខណៈអត្រា​នៃ​យន្តការ​ក្នុង​ការ​ភ្ជួរ​រាស់ ដាំ និង​ប្រមូល​ផល​បាន​កើន​ឡើង​ពី ៦៧ ភាគរយ​ដល់ ៧៣ ភាគរយ ៕   

ប្រែសម្រួលដោយ ៖ នាង រតនៈ

​ប្រភព ៖ Global Time

ចុចអាន ៖ ចិន បង្កើនកញ្ចប់ថវិកាយោធា ចំពេលមានភាពតានតឹងជាមួយ សហរដ្ឋអាមេរិក

The post ចិន គ្រោងផលិតគ្រាប់ធញ្ញជាតិឲ្យបាន​ ៦៥០ តោន​សម្រាប់ឆ្នាំ ២០២៣ នេះ appeared first on Kampuchea Thmey Daily.

លោក ​Dmitry Skornyakov គឺជានាយកប្រតិបត្តិនៃក្រុមហ៊ុនផលិតធំមួយបាននិយាយ​ថា ក្រុមហ៊ុន​មិន​អាច​ប្រមូល​ផល​បាន​ប្រហែល ៧០ ភាគរយ​ នៃ​ផ្ទៃដី​កសិកម្ម ១២៧ ០០០ ហិកតាបានទេ។ ខណៈ​កម្លាំង​រុស្ស៊ី​បាន​ដណ្ដើម​យក​តំបន់​មួយ​ចំនួន និង​បាន​ដាំ​គ្រាប់​មីន​របស់​ពួកគេ។ ចំណែកគ្រាប់​ធញ្ញជាតិ និង​គ្រឿង​ម៉ាស៊ីន​ត្រូវ​បាន​គេ​លួច ការ​ខាត​បង់​សរុប​ប្រហែល ១០០ លាន​ដុល្លារ។

លោកបាននិយាយបន្ថែមទៀតថា “យើងមិនមាន​លុយ​សម្រាប់គ្រាប់​ពូជ​ដំណាំ​នៅឆ្នាំក្រោយទេ។ ខ្ញុំ​ក៏មិនអាច​ទិញគ្រាប់ពូជ សារធាតុគីមី និង​ជី​ដែរ។ ទិន្នផល​របស់​យើងនឹងធ្លាក់ចុះ​យ៉ាងខ្លាំង”។

គួរបញ្ចាក់ថា ការនាំ​ចេញ​កសិផល​ពី​អ៊ុយក្រែន​បានបន្តឡើងវិញនៅដើមខែសីហា បន្ទាប់​ពី​កិច្ច​ព្រមព្រៀង​អនុញ្ញាត​ឲ្យ​នាវា​ចាកចេញ​ពី​កំពង់ផែ​នៅ​ក្នុង​សមុទ្រ​ខ្មៅ។ ដោយឡែក​ អង្គការ​សហ​ប្រជា​ជាតិ​ឯណោះ​ក៏​បាន​និយាយ​ថា គិត​ត្រឹម​ថ្ងៃទី ២៧ ខែសីហា គ្រាប់​ធញ្ញជាតិ និង​អាហារ​ជាង ១ លាន​តោន​ត្រូវ​បាន​នាំ​ចេញ៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ចំណុចសំខាន់ៗ ដែលអ្នកគួរដឹងអំពីសមយុទ្ធ Vostok 2022 

The post អ៊ុយក្រែន ព្រមានពីការធ្លាក់ចុះទិន្នផលគ្រាប់ធញ្ញជាតិ កាន់តែច្រើននៅឆ្នាំក្រោយ appeared first on Kampuchea Thmey Daily.

លោក Ustenko បាននិយាយថា “ប្រសិនបើឥឡូវនេះកំពង់ផែបើក នោះយើងអាចដឹកជញ្ជូនគ្រាប់ធញ្ញជាតិ ៦០ លានតោនក្នុងរយៈពេល ៨ ទៅ ៩ ខែ ហើយការប្រមូលផលមានតម្លៃជាង ១០ ពាន់លានដុល្លារ” ។

លោក Ustenko បន្ថែមថា ប៉ុន្តែប្រសិនបើកំពង់ផែសមុទ្រនៅតែត្រូវបានបិទ ដូច្នេះវានឹងចំណាយពេលដល់ទៅ ២ ឆ្នាំឯណោះដើម្បីនាំចេញគ្រាប់ធញ្ញជាតិនេះ ។

គួរបញ្ជាក់ថា ពិធីចុះហត្ថលេខាលើកិច្ចព្រមព្រៀងនេះធ្វើឡើងនៅវិមាន Dolmabahce ក្នុងទីក្រុងអ៊ីស្តង់ប៊ុល នៃប្រទេសតួកគី ដោយមានវត្តមានរបស់លោកប្រធានាធិបតីតួកគី Recep Tayyip Erdogan និងលោក Antonio Guterres អគ្គលេខាធិការអង្គការសហប្រជាជាតិ (UN)​ ។ កិច្ចព្រមព្រៀងនេះមានសុពលភាពរយៈពេល ១២០ ថ្ងៃ ហើយអាចត្រូវបានបន្ត ដោយស្វ័យប្រវត្តិ ទោះគ្មានការចរចាបន្ថែមក៏ដោយ ។

យោងតាមមន្ត្រី UN បានឲ្យដឹងថា ក្រោមកិច្ចព្រមព្រៀងនេះ ក្រុមចម្រុះមួយដែលមានបុគ្គលិកតួកគី អ៊ុយក្រែន និង UN នឹងត្រួតពិនិត្យការដាក់គ្រាប់ធញ្ញជាតិទៅក្នុងនាវានៅកំពង់ផែអ៊ុយក្រែន មុនពេលចេញដំណើរតាមផ្លូវដែលបានគ្រោងទុក តាមរយៈសមុទ្រខ្មៅ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ រុស្ស៊ី ប្រាប់ចំនួនកម្ទេចប្រព័ន្ធរ៉ុកកែត HIMARS របស់ អាមេរិក ផ្ដល់ឲ្យ អ៊ុយក្រែន

The post អ៊ុយក្រែន ប្រាប់រយៈពេលនាំចេញគ្រាប់ធញ្ញជាតិទាំងអស់ ពេលកំពុងផែបើក appeared first on Kampuchea Thmey Daily.

លោក Evgeny Balitski ប្រធានរដ្ឋបាល គាំទ្ររុស្ស៊ី បាននិយាយនៅលើ Telegram ថា “បន្ទាប់ពីការពន្យារពេលច្រើនខែ កប៉ាល់ពាណិជ្ជករទីមួយ បានចាកចេញពីកំពង់ផែពាណិជ្ជកម្ម Berdyansk ហើយ”។

មន្ត្រីអ៊ុយក្រែនបានចោទប្រកាន់រុស្ស៊ី ថាបានលួចគ្រាប់ធញ្ញជាតិ “រាប់សែនតោន” នៅក្នុងតំបន់អ៊ុយក្រែន ដែលស្ថិតក្រោមការកាន់កាប់របស់រុស្ស៊ី ហើយលក់គ្រាប់ធញ្ញជាតិទាំងនោះ ប៉ុន្តែរុស្ស៊ីបានបដិសេធការអះអាងនេះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ អាមេរិក ថា ពូទីន នៅតែចង់ដណ្តើមយកទឹកដី អ៊ុយក្រែន ភាគច្រើន

The post កប៉ាល់ផ្ទុកគ្រាប់ធញ្ញជាតិ ៧០០០ តោន ចាកចេញពីកំពង់ផែ អ៊ុយក្រែន ហើយ appeared first on Kampuchea Thmey Daily.