លោក លី ធុជ ទេសរដ្ឋមន្រ្តី និងជាអនុប្រធានទី ១ នៃអាជ្ញាធរមីន បានថ្លែងនៅថ្ងៃទី ២ មេសា នេះ ក្នុងពិធីអបអរសាទរប្រកាសឃុំត្រពាំងរូង ថា ស្ថានទូតឥណ្ឌា បានសម្រេចជ្រើសយកខេត្តកោះកុង ជាផែនការអាទិភាពរបស់ខ្លួនក្នុងការរួមចំណែកគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការងារបោសសម្អាតស្ថិតក្នុងខេត្តកោះកុង ដោយកំពុងធ្វើការបោសសម្អាតនៅស្រុកកោះកុង។

លោកទេសរដ្ឋមន្រ្តី គូសបញ្ជាក់ទៀតថា ការបោសសម្អាតមីននេះ មិនត្រឹមតែបានជួយសង្រ្គោះអាយុជីវិតពលរដ្ឋទូទៅប៉ុណ្ណោះទេ វាថែមទាំងធ្វើឱ្យពលរដ្ឋចៀសផុតពីការគំរាមកំហែងដោយសារគ្រាប់មីន និងទទួលបាននូវជីវភាពរស់នៅកាន់តែល្អប្រសើរ ពិសេសបង្កបង្កើនផលកសិកម្មប្រកបដោយសុវត្ថិភាពផងដែរ។ អាជ្ញាធរមីនកម្ពុជា កំពុងរៀបចំស្នើបន្ថែមទៅស្ថានទូតឥណ្ឌា ដើម្បីគាំទ្រលើសកម្មភាពបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះនៅខេត្តកោះកុង ក៏ដូចជាខេត្តផ្សេងៗ នៅក្នុងប្រទេសកម្ពុជា។ ជាក់ស្តែង ខេត្តជាប់ព្រំដែននឹងប្រទេសជិតខាង។

គួរជម្រាបថា ឃុំត្រពាំងរូង ស្រុកកោះកុង ត្រូវបានប្រកាសថា អស់គ្រាប់មីន បន្ទាប់ពីស្រុកបូទុមកសាគរ ក្រោមកិច្ចប្រឹងប្រែងរបស់ក្រុមបោសសម្អាតគ្រាប់មីនកម្ពុជា និងជំនួយគំាទ្ររបស់រាជរដ្ឋាភិបាលប្រទេសឥណ្ឌា។

លោក Vanlalvawna Bawitlung បានឱ្យដឹងថា ការប្រកាសឃុំត្រពាំងរូងអស់មីន មិនត្រឹមតែសម្រាប់ខេត្តកោះកុងប៉ុណ្ណោះទេ ប៉ុន្តែសម្រាប់ប្រទេសកម្ពុជាទាំងមូល ដើម្បីឆ្ពោះទៅកាន់អនាគតមួយដែលអស់មីន និងមានសុវត្ថិភាព។ លោកជឿជាក់ថា ខេត្តកោះកុងទាំងមូល នឹងកាន់តែទាក់ទាញការវិនិយោគបន្ថែមទៀត តាមរយៈការទទួលបាន និងការប្រើប្រាស់ដីប្រកបដោយសុវត្ថិភាព ក៏ដូចជាទាក់ទាញភ្ញៀវទេសចរមកទស្សនា និងកម្សាន្ត ក្នុងតំបន់ធម្មជាតិខេត្តកោះកុង កាន់តែច្រើន។

សម្រាប់ លោក ឡៅ ប៊ុនខេង អភិបាលរងខេត្តកោះកុង សូមថ្លែងអំណរអរគុណចំពោះរាជរដ្ឋាភិបាល អាជ្ញាធរមីនកម្ពុជា និងស្ថានទូតឥណ្ឌា ដែលបានយកចិត្តទុកដាក់ខ្ពស់លើសកម្មភាពបោសសំអាតគ្រាប់មីននៅក្នុងខេត្ត ពិសេសឃុំត្រពាំងរូងតែម្តង។

លោកអភិបាលរងខេត្ត ក៏ចាត់ទុកថា ការអស់គ្រាប់មីន ជាសញ្ញាវិជ្ជមានមួយបន្ថែមទៀតលើការងារសន្តិសុខសណ្តាប់ធ្នាប់ និងសក្តានុពលរបស់ខេត្តដែលទទួលបានការចាប់អារម្មណ៍ពីភ្ញៀវទេសចរជាតិ-អន្តរជាតិ មកកម្សាន្ត អ្នកវិនិយោគមកបណ្តាក់ទុនបង្កើតរោងចក្រ សហគ្រាស ជាបន្តបន្ទាប់។ ជាពិសេសបានធ្វើឱ្យមានកំណើនសេដ្ឋកិច្ចកាន់តែរីកចម្រើនជីវភាពប្រជាពលរដ្ឋ កាត់បន្ថយការចំណាកស្រុក និងផ្តល់ដីដែលមានសុវត្ថិភាពធ្វើកសិកម្មជាដើម។

លោកអភិបាលរងខេត្ត ក៏អំពាវនាវដល់ពលរដ្ឋទាំងអស់ ពិសេសអតីតយុទ្ធជនដែលបានដឹង និងស្គាល់ទីតាំងកប់គ្រាប់មីន និងយុទ្ធភ័ណ្ឌមិនទាន់ផ្ទុះផ្សេងៗ ទៀត ដែលការស្រាវជ្រាវកន្លងមកអាចមិនទាន់គ្រប់ជ្រុងជ្រោយ ឬខ្វះប្រភពព័ត៌មាន សូមពលរដ្ឋជួយសហការផ្តល់ព័ត៌មានអំពីទីតាំងទាំងនោះដល់អាជ្ញាធរដែនដី កងកម្លាំងបោសសម្អាតមីន ដើម្បីការងារជំនាញរៀបចំផែនការស្រាវជ្រាវ ផ្ទៀងផ្ទាត់ទិន្នន័យ និងបោសសម្អាតបានទាន់ពេលវេលា៕
អត្ថបទ ៖ សិរីវឌ្ឍនៈ

The post ឃុំត្រពាំងរូង ស្រុកកោះកុង ប្រកាសជាឃុំអស់គ្រាប់មីន appeared first on Kampuchea Thmey Daily.

តាមការផ្សាយរបស់ Bernama កាលពីថ្ងៃព្រហស្បតិ៍ទី១៣ខែវិច្ឆិកាឆ្នាំ២០២៥ រដ្ឋមន្ត្រីក្រសួងការបរទេសម៉ាឡេស៊ី Mohamad Hasan បានបញ្ជាក់យ៉ាងច្បាស់ថា៖ «AOT នៅកម្ពុជានិងថៃសុទ្ធតែបានរាយការណ៍ថា មីនដែលទាហានថៃដើរជាន់នៅព្រំដែន គឺមិនមែនជាមីនដាក់ថ្មីៗទេ។ ខ្ញុំទើបតែនិយាយទូរសព័្ទជាមួយរដ្ឋមន្ត្រីការបរទេសថៃរួច ហើយសង្ឃឹមថា ភាគីទាំងពីរនឹងរក្សាភាពស្ងប់ស្ងាត់និងបន្តកិច្ចពិភាក្សាសន្តិភាព»។

យ៉ាងណា លោក Mohamad លើកឡើងថា AOT មិនស្ថិតនៅព្រំដែនទេ ប៉ុន្តែពួក​គេ​កំពុង​តាម​ដាន​យ៉ាងយកចិត្តទុកដាក់ និង​រាយការណ៍​អំពី​ការវិវត្តស្ថានការណ៍ទៅ​កាន់​ភាគី​ពាក់ព័ន្ធ។

សូមជម្រាបជាថ្មី នាយករដ្ឋមន្ត្រីថៃ អនុទីន ឆាន់វីរៈគុល បានប្រកាសជាឯកតោភាគី ផ្អាកកិច្ចព្រមព្រៀងសន្តិភាពជាមួយកម្ពុជាដែលមានប្រធានាធិបតីអាមេរិក ដូណាល់ ត្រាំ និងប្រធានអាស៊ានឆ្នាំ២០២៥ គឺនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម ជាសាក្សី។

ក្រោយផ្អាកនោះផងដែរ លោកអនុទីន បានបោះសម្តីទៅកាន់លោកត្រាំថា ប្រសិនបើទីក្រុងវ៉ាស៊ីនតោន ហ៊ានចាត់វិធានការដំឡើងពន្ធដើម្បីដាក់សម្ពាធមែននោះ ថៃ នឹងស្វែងរកទីផ្សារផ្សេងជំនួសអាមេរិក ដែលការនិយាយបែបនេះ បង្កឲ្យមានពាក្យរិះគន់និងស្តីបន្ទោសយ៉ាងខ្លាំងនៅក្នុងប្រទេសថៃ៕

អត្ថបទ៖ សុខ សុវណ្ណ

ចុចអាន៖ សមាជិកសភាថៃ បន្ទោស អនុទីន ដែលផ្អាកកិច្ចព្រមព្រៀងសន្តិភាពជាមួយ កម្ពុជា

The post AOT ទាំងនៅខាងកម្ពុជានិងថៃ សុទ្ធតែអះអាងថា មីនដែលទាហានថៃ ដើរជាន់ គឺជាមីនចាស់ appeared first on Kampuchea Thmey Daily.

គណបក្ស People Party បានចេញសេចក្តីថ្លែងការណ៍ អំពាវនាវឲ្យអន្តរជាតិដាក់សម្ពាធលើរដ្ឋាភិបាលកម្ពុជា ឲ្យបញ្ឈប់ការប្រើមីនប្រឆាំងមនុស្សនិងកុំរំលោភអនុសញ្ញាទីក្រុងអូតាវ៉ា។ គណបក្សនេះក៏ហ៊ានថ្កោលទោសកងទ័ពកម្ពុជា ថាកំពុងធ្វើរឿងដ៏អាម៉ាស់និងមិនអាចទទួលយកបានផងដែរ។

សេចក្តីថ្លែងការណ៍នេះគឺជាការចោទប្រកាន់ទាំងគ្មានមូលដ្ឋាននិងពោរពេញដោយភាពប្រតិដ្ឋក្លែងក្លាយ ព្រោះបើថៃអះអាងថា តំបន់ល្បាតរបស់ទាហានគឺជាទឹកដីខ្លួនមែន ចុះហេតុអ្វីមកចោទកម្ពុជាទៅវិញ ឬក៏ទាហានថៃ ចូលមកឈ្លានពានក្នុងដីកម្ពុជា ទើបជាន់មីនបែបនេះ?

ប្រហែលជាល្បិចរបស់ថៃ ព្រោះហេតុការណ៍ថ្មីនេះកើតឡើងមិនយូរប៉ុន្មានឡើយបន្ទាប់ពីប្រទេសថៃ បានអញ្ជើញអនុព័ន្ធយោធាបរទេសចំនួន៤៧ប្រទេសមកស្តាប់ការបកស្រាយនិងមើលព័ស្តុតាង ចោទប្រកាន់មកលើកម្ពុជា។ 

យ៉ាងណា ថៃត្រូវបាក់មុខយ៉ាងខ្លាំង ព្រោះតែក្នុងចំណោមអនុព័ន្ធយោធាបរទេសដែលត្រូវអញ្ជើញ មានតែ១៨ប្រទេសប៉ុណ្ណោះដែលចូលរួម ហើយតំណាងទាំងនោះមិនខ្វល់ស្តាប់សម្តីរបស់ថៃទៀត ទើបធ្វើឲ្យគេសង្ស័យថា នេះអាចជាល្បិចឈឺសាច់របស់ថៃ ដើម្បីបង្ហាញអន្តរជាតិថា ខ្លួនជាជនរងគ្រោះ៕

អត្ថបទ៖ សុខ សុវណ្ណ

ចុចអាន៖ ថៃ តែងអះអាងថា ទាហានល្បាតលើដីខ្លួនឯង ប៉ុន្តែពេលជាន់មីន មកបន្ទោសតែកម្ពុជា

The post ថៃ ជំរុញឲ្យអន្តរជាតិ ដាក់សម្ពាធលើកម្ពុជា ទាំងដែលអះអាងថា ទាហានខ្លួនជាន់មីនលើដីខ្លួនឯង appeared first on Kampuchea Thmey Daily.

ទាហានថៃទាំង៥មានឈ្មោះ Pichitchai Bunchoola, Phisit Senasi, Suphakit Phongthai, Seksan Lunchak និង Jakkrit Butte។ ក្នុងចំណោមទាហានខាងលើ Pichitchai ត្រូវរបួសធ្ងន់ជាងគេគឺដាច់ជើងស្តាំ ខណៈ៤នាក់ទៀតតឹងទ្រូងនិងហ៊ឹងត្រចៀក។

មិនមែនជារឿងថ្មីឡើយដែលថៃ មកចោទប្រកាន់កម្ពុជាពេលទាហានខ្លួនជាន់មីន។ ជាក់ស្តែងកាលពីថ្ងៃទី១៦ខែកក្កដា ទាហានថៃ៣នាក់ក៏ដើរជាន់មីនដែរ ដោយក្នុងនោះមានម្នាក់របួសធ្ងន់ដាច់ជើងដូចគ្នា។

ដំបូងមេភូមិភាគ២ថៃ អះអាងថា មីនដែលទាហានខ្លួនជាន់គឺជាប្រភេទ PMN-2 សល់ពីសម័យសង្គ្រាម តែប្រហែលជាភ្លេចខ្លួនក៏ក្រោយមកក្រឡាស់សម្តីវិញថា មីននោះជាមីនទើបបង្កប់ថ្មី ដែលទាហានខ្មែរចូលដីថៃ លួចបង្កប់។

ជាថ្មីម្តងទៀត ឥឡូវថៃនៅតែចោទប្រកាន់ទាំងងងើលនិងគ្មានមូលដ្ឋានមកលើកម្ពុជា ថាជាអ្នកបង្កប់មីននៅព្រំដែន ទើបទាហានខ្លួនជាន់។

យ៉ាងណា មានសំណួរចោទសួរទៅវិញថា តើទាហានខ្មែរអាចចូលដីថៃទៅដាក់មីនបានដោយរបៀបណា បើថៃមានការល្បាត២៤ម៉ោងលើ២៤ម៉ោង ហើយថាតើ ទាហានថៃល្បាតលើផ្លូវថ្មីឬផ្លូវចាស់ ទើបជាន់មីនដូច្នេះ?

ម្យ៉ាងហេតុការណ៍ថ្មីនេះកើតឡើងមិនយូរប៉ុន្មានឡើយបន្ទាប់ពីប្រទេសថៃ បានអញ្ជើញអនុព័ន្ធយោធាបរទេសចំនួន៤៧ប្រទេសមកស្តាប់ការបកស្រាយនិងមើលព័ស្តុតាង ចោទប្រកាន់មកលើកម្ពុជា ប៉ុន្តែ ថៃត្រូវបាក់មុខយ៉ាងខ្លាំង ព្រោះតែក្នុងចំណោមអនុព័ន្ធយោធាបរទេសដែលត្រូវអញ្ជើញ មានតែ១៨ប្រទេសប៉ុណ្ណោះដែលចូលរួម ហើយតំណាងទាំងនោះមិនខ្វល់ស្តាប់សម្តីរបស់ថៃទៀត ទើបធ្វើឲ្យគេសង្ស័យថា នេះអាចជាល្បិចឈឺសាច់របស់ថៃ ដើម្បីបង្ហាញអន្តរជាតិថា ខ្លួនជាជនរងគ្រោះ៕

អត្ថបទ៖ សុខ សុវណ្ណ

ចុចអាន៖ ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន 

The post ថៃ តែងអះអាងថា ទាហានល្បាតលើដីខ្លួនឯង ប៉ុន្តែពេលជាន់មីន មកបន្ទោសតែកម្ពុជា appeared first on Kampuchea Thmey Daily.

ហេតុការណ៍នេះកើតឡើងមិនយូរប៉ុន្មានឡើយបន្ទាប់ពីប្រទេសថៃ បានអញ្ជើញអនុព័ន្ធយោធាបរទេសចំនួន៤៧ប្រទេសមកស្តាប់ការបកស្រាយនិងមើលព័ស្តុតាង ចោទប្រកាន់មកលើកម្ពុជាថាជាអ្នកដាក់មីនបណ្តាលឲ្យទាហានរបស់ខ្លួន៣នាក់របួស កាលពីសប្តាហ៍មុន។

ទោះបីជាយ៉ាងណាក៏ដោយ ថៃត្រូវបាក់មុខយ៉ាងខ្លាំង ព្រោះតែក្នុងចំណោមអនុព័ន្ធយោធាបរទេសដែលត្រូវអញ្ជើញ មានតែ១៨ប្រទេសប៉ុណ្ណោះដែលចូលរួម ហើយតំណាងទាំងនោះមិនខ្វល់ស្តាប់សម្តីរបស់ថៃទៀត។

បន្ទាប់ពីកិច្ចប្រជុំបញ្ចប់មិនយូរប៉ុន្មាន មេទ័ពភូមិភាគ២ថៃ Boonsin Padklang ក៏ប្រកាសថា មានទាហានថៃចំនួន៥នាក់ទៀតហើយ ដែលដើរជាន់មីនពេលល្បាតនៅស្រុក ណាំយឿន ខេត្ត Ubon Ratchathani ក្នុងនោះមានម្នាក់របួសធ្ងន់ត្រូវដាច់ជើងម្ខាង និងបួននាក់ទៀតតឹងទ្រូងនិងហឹងត្រចៀក។

វាពិតជាគួរឲ្យសង្ស័យមែនទែន ដែលហេតុការណ៍នេះកើតឡើងចំពេលវេលាសំខាន់ ដោយប្រទេសថៃ ហាក់ដូចជាព្យាយាមរៀបចំសម្តែងនិងប្រើល្បិចដើម្បីឲ្យអន្តរជាតិមើលឃើញថា ខ្លួនជាជនរងគ្រោះ ដោយស្នាដៃរបស់កម្ពុជា ទាំងដែលអន្តរជាតិគេស្គាល់ច្បាស់ណាស់ពីក្រយៅរបស់ថៃ។

រឿងហេតុថ្មីនេះ បានបញ្ឆេះភាពតានតឹងរវាងប្រទេសទាំងពីរឲ្យឡើងដល់កម្រិតខ្ពស់ ដោយកម្ពុជា បានសម្រេចទម្លាក់កម្រិតទំនាក់ទំនងការទូតជាមួយថៃ ឲ្យមកនៅទាបបំផុត ត្រឹមកម្រិតលេខាទី២ និងដកមន្ត្រីផ្សេងទៀតទាំងអស់ ដែលបម្រើការងារនៅស្ថានទូតកម្ពុជា ក្នុងទីក្រុងបាងកក ឲ្យត្រឡប់មកប្រទេសកម្ពុជាវិញ និងតម្រូវឲ្យមន្ត្រីការទូតថៃ ចេញពីកម្ពុជាដូចគ្នា ដែលជាការឆ្លើយតបទៅនឹងទង្វើរបស់ថៃ ដែលធ្វើដូចគ្នានេះ៕

អត្ថបទ៖ សុខ សុវណ្ណ

ចុចអាន៖ ​នាយករដ្ឋមន្ត្រីចាំផ្ទះថៃ ​កោះហៅ​ឯកអគ្គរាជទូត​​ពីកម្ពុជា​​ក្នុងទង្វើដែលថៃបង្កហេតុ​​ជាន់មីនថ្មី​​

The post ជាល្បិចឬយ៉ាងណា? ក្រោយអនុព័ន្ធយោធាបរទេសមិនខ្វល់ស្តាប់ ទាហានថៃ ៥នាក់ទៀតក៏ដើរជាន់មីន  appeared first on Kampuchea Thmey Daily.

ក្រោយមករបាយការណ៍បែរជាត្រឡប់ត្រឡិន ដោយអង្គភាពដដែលនេះ បង្ហាញថា នោះជាមីនថ្មីដែលទើបបង្កប់ ហើយថែមទាំងចោទប្រកាន់ទាំងងងើលមកលើកម្ពុជា ថាជាអ្នកដាក់ទៀតផង។

ជុំវិញរឿងនេះ មេភូមិភាគ២ថៃ Boonsin Padklang បានឡាំប៉ាថា កម្ពុជា លួចបង្កប់មីនថ្មីរាប់រយគ្រាប់នៅក្នុងដីថៃ ដែលនេះគឺជាការនិយាយដោយផ្តាស់និងគ្មានមូលដ្ឋានច្បាស់លាស់ទាល់តែសោះ។

និយាយចុះនិយាយឡើង ថៃបែរជាន់កែងខ្លួនឯង ព្រោះថា បើទាហានជាន់មីននៅលើដីខ្លួនឯងមែន ហេតុអ្វីមកចោទកម្ពុជាទៅវិញ ហើយម្យ៉ាងដំបូងថា មីននោះជាមីនចាស់ដែលពិបាករាវរក ប៉ុន្តែហេតុអ្វី ត្រឹមរយៈពេលប៉ុន្មានថ្ងៃក្រោយមក ថៃរកឃើញមីនថ្មីៗជាបន្តបន្ទាប់យ៉ាងងាយស្រួលបែបនេះ?

ថៃប្រហែលជាលេងល្បិចឈឺសាច់ដើម្បីបង្ហាញភាពត្រឹមត្រូវរបស់ខ្លួនទៅឆាកអន្តរជាតិ រួចទម្លាក់កំហុសលើកម្ពុជា សូម្បីសម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាក៏អះអាងដែរថា ថៃប្រើវិធីសាស្រ្តបៀមឈាមព្រួ​សដាក់អ្នកដទៃ។ ជាមួយការអះអាងនេះ សម្ដេច ក៏រំលឹកទៅភាគីថៃដែរ កុំបំពានលើកម្ពុជាខ្លាំងពេក។

រឿងដែលកាន់តែបង្ហាញល្បិចពុតត្បុតថៃច្បាស់ គឺនៅពេលមេភូមិភាគ២ប្រកាសថា ទាហានខ្លួននឹងលែងល្បាតដោយថ្មើជើងទៀតហើយ ពោលគឺប្តូរវិធីសាស្រ្តថ្មីដោយប្រើគ្រឿងចក្រធ្ងន់ធុនវិញ ដូច្នេះបើមីនផ្ទុះក៏ផ្ទុះទៅចុះ។

នេះមានន័យថា មានតែថៃជាអ្នកដាក់មីនខ្លួនឯងទេ ទើបមេភូមិភាគ២ ប្រកាសប្តូរវិធីសាស្រ្តល្បាតពីថ្មើរជើងមកប្រើយានយន្តធុនធ្ងន់វិញ ដើម្បីចៀសវាងជាន់មីនម្តងទៀត បង្កភាពអាម៉ាស់។

ជុំវិញរឿងមីននេះទៀតសោត លោក ហេង រតនា អគ្គនាយក​មជ្ឈមណ្ឌល​សកម្មភាព​កំចាត់​មីន​កម្ពុជា (CMAC) បាន​ចោទ​ជា​សំណួរ​រួចមកហើយថា តើ​ការ​ផ្ទុះ​គ្រាប់​មីន​នោះ ក្នុង​ទឹកដី​របស់​អ្នក​ណា ? បើសិនជា​ក្នុង​ទឹកដី​សៀម គ្រាប់​មីន​ចាស់ ឬ​ថ្មី មាន​តែ​ខាង​សៀម​ខ្លួនឯង​ទេ ទើប​ដឹង​ច្បាស់។

ម្យ៉ាង លោក ហេង រតនា ថែមទាំងពន្យុះឲ្យថៃ ប្ដឹងកម្ពុជាទៅតុលាការយុត្តិធម៌អន្តរជាតិ ICJ ទៀតផង ព្រោះ ICJ ជាតុលាការរបស់ UN ស្រាប់៕

អត្ថបទ៖ សុខ សុវណ្ណ

ចុចអាន៖ ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង

The post ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ? appeared first on Kampuchea Thmey Daily.

តាំងពីហេតុការណ៍ថ្ងៃទី១៧ខែកក្កដាមក ថៃតែងចោទប្រកាន់មកលើកម្ពុជា ថាលួចបង្កប់មីនថ្មីៗនៅក្នុងដីថៃ រំលោភអនុសញ្ញាទីក្រុងអូតាវ៉ា និងថែមទាំងគំរាមប្តឹងទៅតុលាការអន្តរជាតិទៀតផង។

យ៉ាងណា កម្ពុជា បានបដិសេធយ៉ាងដាច់អហង្ការចំពោះការចោទប្រកាន់ទាំងអស់ ដោយចុងក្រោយបំ​ផុតនេះ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជាអះអាងថា ថៃប្រើវិធីសាស្រ្តបៀមឈាមព្រួ​សដាក់អ្នកដទៃ។ ជាមួយការអះអាងនេះ សម្ដេច ក៏រំលឹកទៅភាគីថៃដែរ កុំបំពានលើកម្ពុជាខ្លាំងពេក។

រឿងទាហានថៃជាន់មីននេះដែរ បើថៃអះអាងថា ទីនោះគឺជាទឹកដីរបស់ខ្លួន ច្បាស់ណាស់ គ្មានខ្មែរឯណាទៅដាក់មីនទេ មានតែថៃខ្លួនឯងហ្នឹង ហើយនេះគឺជាឆាកល្ខោនដើម្បីដាក់កំហុសមកលើកម្ពុជាតែប៉ុណ្ណោះ។

មានតែថៃជាអ្នកដាក់មីនខ្លួនឯងទេ ទើបមេភូមិភាគ២ ប្រកាសប្តូរវិធីសាស្រ្តល្បាតពីថ្មើរជើងមកប្រើយានយន្តធុនធ្ងន់វិញ ដើម្បីចៀសវាងជាន់មីនម្តងទៀត បង្កភាពអាម៉ាស់។

ដូច្នេះហើយ ទើបថៃកំពុងភ័យខ្លួន ករណីប្តឹងកម្ពុជាទៅអង្គការសហប្រជាជាតិ ក្នុងសំណុំរឿងទាហានខ្លួនជាន់មីន ដោយរដ្ឋមន្ត្រីស្តីទីក្រសួងការពារជាតិថៃ ណាត់ថាផន ណាក់ផានិត (Nattapol Nakphanit) និយាយថា៖ «ប្រសិនបើយើងមិនរៀបចំសំណុំរឿងឲ្យបានហ្មត់ចត់និងដាក់ព័ស្តុតាងច្បាស់ៗទេនោះ តុលាការអន្តរជាតិនឹងមិនទទួលយកពាក្យបណ្តឹងឡើយ ហើយសំណុំរឿងនឹងត្រូវទម្លាក់ចោល។

ម្យ៉ាងលោកកំពុងបារម្ភយ៉ាងខ្លាំងថា បើសំណុំរឿងត្រូវទម្លាក់ចោលមែន នោះកម្ពុជាអាចវាយបកវិញ ហើយថៃនឹងបាត់បង់ភាពជឿជាក់។

តុលាការអន្តរជាតិមានលក្ខខណ្ឌតឹងរ៉ឹងណាស់សម្រាប់ការទទួលយកសំណុំរឿង។ ភាគីដែលប្តឹងត្រូវតែមានព័ស្តុតាងរឹងមាំនិងមិនអាចប្រកែកបាន ដើម្បីបញ្ជាក់ពីការរំលោភបំពាន ហើយត្រូវបង្ហាញថា ខ្លួនមានដែនសមត្ថកិច្ចក្នុងការប្តឹង៕

អត្ថបទ៖ សុខ សុវណ្ណ

ចុចអាន៖ មេភូមិភាគ២ថៃកាន់តែព្រហើន ហ៊ានគំរាមបិទការចូលទស្សនាប្រាសាទតាមាន់ធំរបស់ខ្មែរ ៧ថ្ងៃ

The post ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង appeared first on Kampuchea Thmey Daily.

អ្វីដែលកាន់តែហួសចិត្តនោះគឺថា ថៃបានស្នើឲ្យអាស៊ាននិងប្រទេសដទៃទៀត រួមគ្នាថ្កោលទោសកម្ពុជា ដោយចោទថា កម្ពុជា បំពានអនុសញ្ញាទីក្រុងអូតាវ៉ា ទាំងដែលមីននោះស្ថិតនៅក្នុងដីថៃសោះ។

ក្រោយហេតុការណ៍ថ្ងៃទី១៦ខែកក្កដានៅតំបន់មុំ៣ ថៃបានយកលេសទាហានខ្លួនដើរជាន់មីន មកដាក់ការចោទប្រកាន់លើកម្ពុជាទាំងងងើល ហើយឡាំប៉ាថា កម្ពុជាបានលួចបង្កប់មីនថ្មីនៅក្នុងដីរបស់ខ្លួន។

អ្នកនាំពាក្យកងទ័ពថៃ លោក Winthai Suvari និយាយចោទកម្ពុជាទាំងគ្មានទំនួលខុសត្រូវថា បានរំលោភលើអនុសញ្ញាទីក្រុងអូតាវ៉ា ស្តីពីការហាមប្រាមមីនប្រឆាំងមនុស្ស។ ថៃសូមស្នើឲ្យមានកិច្ចសហប្រតិបត្តិការពីរដ្ឋជាសមាជិកអាស៊ាន និងប្រទេសដទៃទៀត ដើម្បីថ្កោលទោសកម្ពុជា។

ការបង្វែរស្ថានការណ៍របស់ថៃ ដូចជាជាន់កែងខ្លួនឯង ព្រោះថៃនិយាយថា ទាហានជាន់មីននៅក្នុងដីរបស់ខ្លួន ប៉ុន្តែគេឆ្ងល់ថាតើកម្ពុជាអាចចូលទៅដាក់មីនក្នុងដីថៃបានដោយរបៀបណា បើចំណុចក្តៅនៅព្រំដែន​ មានទាហានល្បាតមិនដាច់នោះ?

ម្យ៉ាងភូមិភាគ២ថៃប្រកាសថា ពួកគេរកឃើញមីនថ្មីរាប់រយគ្រាប់នៅក្នុងទឹកដីថៃ តើមីនទាំងនោះថៃដាក់ដោយខ្លួនឯងរួចធ្វើជារកឃើញដើម្បីលាបពណ៌មកកម្ពុជាឬយ៉ាងណា បើគេដឹងថា ការដាក់មីនមួយគ្រាប់ៗមិនមែនចំណាយពេលឆាប់ទេ ដូចនេះតើទាហានថៃនៅព្រំដែនមិនដែលល្បាតទេឬ?

យ៉ាងណា ជុំវិញករណីទាហានថៃដើរជាន់មីននោះ ក្រសួងការពារជាតិកម្ពុជា បានបញ្ជាក់រួចហើយថា ករណីផ្ទុះមីននៅតំបន់មុំបី គឺដោយសារទាហានថៃ ដើរខុសតម្រាយផ្លូវចាស់ និងមិនគោរពអ្វីដែលធ្លាប់ឯកភាពគ្នា ដែលនេះសបញ្ជាក់យ៉ាងច្បាស់ថា ទាហានថៃរំលោភដែនអធិបតេយ្យរបស់កម្ពុជា៕

អត្ថបទ៖ សុខ សុវណ្ណ

ចុចអាន៖ មេភូមិភាគ២ថៃ ប្រកាសលែងចាំស្តាប់បញ្ជារដ្ឋា​ភិបាលក្រុងបាងកកទៀតហើយ រឿងឆ្លើយតបជាមួយកម្ពុជា

The post ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ appeared first on Kampuchea Thmey Daily.