ប្រធានផ្នែក​កសិឧស្សាហកម្មរបស់ក្រសួង លោក Putu Juli Ardika ​បាន​ថ្លែង​ថា​៖ «​យើងកំពុងលើកទឹកចិត្តដល់ការនាំចេញ ការផ្សព្វផ្សាយ និងម៉ាកយីហោ (នៃភេសជ្ជៈមានជាតិអាល់កុលក្នុងស្រុក)»។

ផ្អែកលើទិន្នន័យរបស់ក្រសួង បរិមាណផលិតកម្មនៃឧស្សាហកម្មគ្រឿងស្រវឹង​ក្នុងស្រុក ដែល​រួមបញ្ចូល​​ទាំង​ស្រាបៀរ ស្រាទំពាំងបាយជូរ និងស្រា​​វីស្គី​ បាន​ឈានដល់ ៣២៤,១ លាន​លីត្រ​ ក្នុងឆ្នាំ​ ២០២៣ ដោយ​កើន​ឡើង​ពី​ ៣២០,៨ លាន​លីត្រ​នៅឆ្នាំ​ ២០២២។​ ​

លោក​ Ardika បានកត់សម្គាល់ថា តម្លៃនាំចេញសរុបនៃភេសជ្ជៈមានជាតិអាល់កុល បាន​ឈានដល់ ១៤,១ លាន​ដុល្លារ​ ក្នុងឆ្នាំ​​ ២០២៣ ដោយ​កើន​ឡើង​ប្រហែល​ ៤៦ ភាគរយ​ ពី​ ៩,៦ លាន​ដុល្លារ​ ក្នុងឆ្នាំ​ ២០២២។​ លោក​បាន​គូស​បញ្ជាក់ថា​ ​ប្រទេស​ដែ​លនាំចូល​​ផលិតផល​​គ្រឿង​ស្រវឹង​​របស់​ឥណ្ឌូណេស៊ី​ រួម​មាន ម៉ាឡេស៊ី ថៃ សិង្ហបុរី រុស្ស៊ី ចិន អូស្ត្រាលី ទីម័រឡេស្តេ ហូឡង់ កេនយ៉ា និង​ជប៉ុន។

ការបញ្ចប់ការរឹតបន្តឹង​ជំងឺកូវីដ១៩ ​បានជំរុញឱ្យមានតម្រូវការ​គ្រឿង​ស្រវឹងឥណ្ឌូណេស៊ី​នៅ​បរទេស​ ដែល​នេះ​បង្ហាញ​ថា​ គុណភាព​ស្រា​របស់​ឥណ្ឌូណេស៊ី​ល្អ​ ដែល​ធ្វើ​ឱ្យ​ទីផ្សារ​សកល​ចូលចិត្ត​៕

The post ក្រសួងឧស្សាហកម្មឥណ្ឌូណេស៊ី​ ជំរុញ​ការ​នាំចេញ​គ្រៀង​ស្រវឹង​ appeared first on Kampuchea Thmey Daily.

ទន្ទឹមនឹងកត្តា ៥យ៉ាងខាងលើ ការកើនឡើងនៃប្រជាជនដែលមានជំណូលមធ្យម និងជាប្រទេសនាំមុខនៅក្នុងតំបន់អាស៊ាន ដែលមានប្រជាជនប្រមាណ៦០% ជាយុវជនវ័យក្មេង ក៏ជាកាលានុវត្តភាពមួយក្នុងការពង្រីកវិសាលភាពវិស័យស្រាបៀរផងដែរ។ រួមទាំងការហូរចូលនៃម៉ាកស្រាបៀរអន្តរជាតិល្បីៗ ក៏កំពុងរីកដុះដាលខ្លាំងតាមរយៈការឈានជើងចូលនៅក្នុងទីផ្សារក្នុងស្រុករបស់ក្រុមហ៊ុនថ្មីៗមួយចំនួន ទាំងក្រុមហ៊ុនផលិត និងការនាំចូល ជាមួយនឹងទុនវិនិយោគធំ និងបច្ចេកវិទ្យាថ្មីៗ ធ្វើឱ្យប្រទេសកម្ពុជាមានការទទួលទានគ្រឿងស្រវឹងច្រើន។ លោករដ្ឋមន្ត្រី បានលើកឡើងបែបនេះ ក្នុងសិក្ខាសាលាផ្សព្វផ្សាយស្តីពី «វិធានការគ្រប់គ្រងការផ្សព្វផ្សាយពាណិជ្ជកម្មផលិតផលគ្រឿងស្រវឹង និងអនុវត្តគោលការណ៍ ឆន្ទៈល្អ» នាព្រឹកថ្ងៃទី១០ ខែតុលា ឆ្នាំ២០២៤។

សិក្ខាសាលានេះ មានគោលបំណងរៀបចំសណ្តាប់ធ្នាប់ នៃការផ្សព្វផ្សាយពាណិជ្ជកម្ម និងផ្សាយលក់ផលិតផលគ្រឿងស្រវឹងតាមគ្រប់មធ្យោបាយ តាមប្រព័ន្ធផ្សព្វផ្សាយ និងបណ្តាញទំនាក់ទំនងសង្គម ដើម្បីលើកកម្ពស់ការអនុវត្តទីផ្សារប្រកបដោយការទទួលខុសត្រូវ និងចូលរួមចំណែកជាមួយរាជរដ្ឋាភិបាល ក្នុងការកាត់បន្ថយផលប៉ះពាល់ទៅលើផ្នែកសេដ្ឋកិច្ច សង្គម វប្បធម៌ ប្រពៃណីទំនៀមទំលាប់ដ៏ល្អផូរផង់របស់ជាតិ ធានាបាននូវសណ្តាប់ធ្នាប់សង្គម សុខមាលភាពសាធារណៈ និងសុខដមរម្យនីយកម្មនៅក្នុងសង្គមទាំងមូល។

ក្នុងឱកាសនោះដែរ លោក នេត្រ ភក្ត្រា បានលើកឡើងថា បើទោះបីវិស័យស្រាបៀរ បាននឹងកំពុងរួមចំណែកយ៉ាងសំខាន់ដល់សេដ្ឋកិច្ចរបស់កម្ពុជាតាមរយៈការបង្កើតការងារ ចំណូលពន្ធ និងកំណើនផលិតផលក្នុងស្រុកសរុប ព្រមទាំងបានរួមចំណែកដោយប្រយោលដល់ជីវភាពរស់នៅរបស់ប្រជាពលរដ្ឋជាច្រើនទៀតនៅក្នុងវិស័យពាក់ព័ន្ធ ដូចជា វិស័យទេសចរណ៍ វិស័យកីឡាជាដើម។ ប៉ុន្តែឧស្សាហកម្មស្រាបៀរ បានជះឥទ្ធិពលអវិជ្ជមានមួយចំនួនដល់សេដ្ឋកិច្ច សុវត្ថិភាព សណ្តាប់ធ្នាប់សង្គម សុខមាលភាពសាធារណៈ វប្បធម៌ ប្រពៃណី និងការប្រកួតប្រជែងមិនស្មោះត្រង់តាមរយៈការផ្សាយពាណិជ្ជកម្មផលិតផលគ្រឿងស្រវឹងយ៉ាងគគ្រឹកគគ្រេង តាមគ្រប់មធ្យោបាយប្រព័ន្ធផ្សព្វផ្សាយនានា និងបណ្តាញទំនាក់ទំនងសង្គម។

លោកថា ដោយសារក្រុមហ៊ុនឧស្សាហកម្មគ្រឿងស្រវឹងមានចំនួនច្រើន និងបានធ្វើការប្រកួតប្រជែងទីផ្សាយពាណិជ្ជកម្មផ្តល់រង្វាន់យ៉ាងច្រើន ដើម្បីធ្វើការទាក់ទាញអតិថិជនរៀងៗខ្លួន ដែលជំរុញឱ្យមហាជន ជាពិសេសស្រទាប់យុវវ័យដែលជាទំពាំងស្នងឫស្សី ឈ្លក់រង្វែងទទួលទានគ្រឿងស្រវឹង ផ្សងសំណាងតាមយករង្វាន់ បាត់បង់ឱកាសសិក្សា ប៉ះពាល់ដល់សុខភាពសាធាណៈ និងបើកបរក្នុងស្ថានភាពស្រវឹងបង្កឱ្យកើតមានគ្រោះថ្នាក់ចររាចរណ៍ជាញឹកញ៉ាប់ ដែលបណ្តាលមកពីការធ្វើទីផ្សារឧស្សាហកម្មគ្រឿងស្រវឹងខ្វះការទទួលខុសត្រូវ៕

ដោយ៖ គេន ម៉ាលិះ

The post រដ្ឋមន្ត្រីក្រសួងព័ត៌មាន បង្ហាញពីកត្តា ៥យ៉ាងដែលជំរុញឱ្យមានការផឹកស្រាច្រើននៅកម្ពុជា appeared first on Kampuchea Thmey Daily.

ការតម្រូវដល់អាជីវករបែបនេះ ស្របពេលរដ្ឋបាលស្រុកបាណន់បានចុះណែនាំក្រុមអាជីវករមិនឱ្យលក់ដូរគ្រឿងស្រវឹងគ្រប់​ប្រភេទ និងគ្រប់ការលក់ដូរផ្សេងៗ ដោយគ្មានសណ្តាប់ធ្នាប់ នៅតាមចិញ្ចើមផ្លូវនៅបរិវេណមុខព្រះអង្គធំ និងក្នុងវត្តភ្នំសំពៅ ស្ថិតនៅភូមិ ភ្នំសំពៅកើត ឃុំភ្នំសំពៅ ស្រុកបាណន់ ខេត្តបាត់ដំបង ត្រូវអនុវត្ដចាប់ពីថ្ងៃទី២៥ ខែកក្ដដា ឆ្នាំ​២០២៤តទៅ។

ប្រជាពលរដ្ឋនៅតំបន់នោះ គាំទ្រវិធានការខាងលើ ព្រោះរមណីយដ្ឋានទេសចរណ៍ភ្នំសំពៅ មានលក្ខណៈជាទីសក្ការៈរបស់មនុស្សទូទៅ តាមបែបទំនៀមទម្លាប់សាសនា។

រមណីយដ្ឋានភ្នំសំពៅ គឺជារមណីយដ្ឋានទេសចរណ៍បែបវប្បធម៌ ហើយក៏ជាប្រវត្តិសាស្ត្រដំបូងគេក្នុងខេត្តបាត់ដំបង ដែលបានឆ្លាក់រូបបដិមាដ៏ធំនៅលើជញ្ជាំងថ្មភ្នំ សម្រាប់មនុស្សគ្រប់ស្រទាប់គោរពប្រតិបត្តិ។

លោក ហម អរុណ អនុប្រធានមន្ទីរទេសចរណ៍ខេត្ត បានឲ្យដឹងនៅថ្ងៃនេះដែរថា កន្លងមកលោកបានហាមប្រាមជាញឹកញ៉ាប់ និងសំណូមពរដល់អាជីវករតាំងលក់គ្រឿងស្រវឹងនៅបរិវេណវត្ត និងតាមដងផ្លូវប្របជើងភ្នំដែលមានពុទ្ធរូបបដិមាដ៏ធំផងនោះ តែពួកគាត់ហាក់មិនស្តាប់តាម។

លោកថា រមណីយដ្ឋានទេសចរណ៍ភ្នំសំពៅ គឺជាគោលដៅកម្សាន្តមួយតាមបែបទេសចរណ៍វប្បធម៌ និងជាទីសក្ការៈ៕

អត្ថបទ៖ សៅ សារិទ្ធ

The post អាជ្ញាធរបញ្ឈប់ឱ្យអាជីវករ លក់គ្រឿងស្រវឹង នៅទីតាំងសំខាន់ៗ នៅរមណីយដ្ឋានភ្នំសំពៅ appeared first on Kampuchea Thmey Daily.

អភិបាលខេត្តកែបបានលើកឡើងថា ការដាក់ផ្សព្វផ្សាយស្រាបៀរគ្រឿងស្រវឹងនៅតាមដងផ្លូវ ទីតាំងលក់ភេសជ្ជៈ និងទីតាំងសាធារណៈនានា ធ្វើឱ្យមានភាពអវិជ្ជមាននៅក្នុងសង្គម ជាការអូសទាញដល់យុវជនឱ្យសេពគ្រឿងស្រវឹង ដែលឈានដល់ការបង្កអំពើហិង្សាផ្សេងៗ និងគ្រោះថ្នាក់ចរាចរណ៍ដែលបង្កឡើងដោយសារសេពគ្រឿងស្រវឹងជាដើម។

ជាមួយគ្នានេះលោកក៏ស្នើឱ្យប្រជាពលរដ្ឋមានការចូលរួមចំណែកការដើម្បីលើកកម្ពស់សីលធម៌ដល់សង្គមប្រកបដោយសុខដុមនីយកម្ម ក្នុងគ្រួសារខ្មែរ និងចូលរួមរក្សាសណ្តាប់ធ្នាប់សោភ័ណភាព នៅតាមផ្លូវ ទីប្រជុំជននានាឬនៅតាមដងផ្លូវសាធារណៈ នៅក្នុងភូមិសាស្ត្រខេត្តកែបទាំងអស់គ្នា។ ជាមួយនឹងការជូនដំណឹងនេះ លោក សោម ពិសិដ្ឋ ក៏បានណែនាំឱ្យអាជ្ញាធរក្រុង ស្រុកត្រូវធ្វើរបាយការណ៍មករដ្ឋបាលខេត្តជារៀងរាល់ខែ៕

អត្ថបទ៖ សឹង រ៉ាត់

The post អភិបាលខេត្តកែប ណែនាំឲ្យអាជ្ញាធរចុះរុះរើប៉ាណូ និងផ្លាកដែលផ្សព្វផ្សាយគ្រឿងស្រវឹងគ្រប់ប្រភេទ appeared first on Kampuchea Thmey Daily.

តាមរយៈសេចក្ដីជូនដំណឹង ការដាក់តាំងផ្សាយពាណិជ្ជកម្មស្រាបៀរគ្រប់ប្រភេទពុំមានច្បាប់អនុញ្ញាត ពុំមានសណ្តាប់ធ្នាប់ និងរបៀបរៀបរយត្រឹមត្រូវ បានធ្វើឱ្យប៉ះពាល់យ៉ាងធ្ងន់ធ្ងរដល់សណ្តាប់ធ្នាប់ សោភ័ណភាពសាធារណៈ និងអាចបង្កឱ្យមានគ្រោះថ្នាក់ចរាចរណ៍តាមដងផ្លូវ។ ក្នុងន័យនេះ រដ្ឋបាលខេត្តស្នើដល់ម្ចាស់ក្រុមហ៊ុនស្រាបៀរ និងម្ចាស់អាជីវកម្ម សេវាកម្មផ្សព្វផ្សាយពាណិជ្ជកម្មទាំងអស់ដែលបានតំឡើងអាហ្វីស ប៉ាណូ និងផ្ទាំងផ្សាយពាណិជ្ជកម្ម ស្រាបៀរគ្រប់ប្រភេទដែលអត់ច្បាប់ ត្រូវធ្វើការរុះរើយកចេញឱ្យអស់ពីលើកំណាត់ផ្លូវជាតិលេខ១ ក្នុងភូមិសាស្ត្រខេត្តកណ្តាល ត្រង់ចំណុចចាប់ពីព្រំប្រទល់រាជធានីភ្នំពេញ-ខេត្តកណ្តាល រហូតដល់ព្រំប្រទល់ខេត្តកណ្តាល-ខេត្តព្រៃវែង យ៉ាងយូរបំផុតត្រឹមថ្ងៃទី២៥ ខែកក្កដា ឆ្នាំ២០២៤ ខាងមុខនេះ។

រដ្ឋបាលខេត្តក៏បានព្រមានដែរថា ក្នុងករណីយឺតយ៉ាវ ឬមិនបានអនុវត្តតាមការជូនដំណឹងនេះ ក្រុមការងារចម្រុះរដ្ឋបាលខេត្តនឹងធ្វើការចុះរុះរើអាហ្វីស ប៉ាណូ និងផ្ទាំងផ្សព្វផ្សាយពាណិជ្ជកម្មស្រាបៀរគ្រប់ប្រភេទក្នុងភូមិសាស្ត្រខាងលើ និងចាត់វិធានការច្បាប់។

គួររំឭកថា នាយករដ្ឋមន្រ្តី សម្តេចធិបតី ហ៊ុន ម៉ាណែត កាលពីខែកុម្ភៈ ឆ្នាំ២០២៤ បានបញ្ជាឱ្យអាជ្ញាធរ​ពាក់ព័ន្ធនានាពិនិត្យមើលឡើងវិញអំពីការផ្សព្វ​ផ្សាយ​ពាណិជ្ជកម្មគ្រឿងស្រវឹង ជាពិសេសការផ្សព្វផ្សាយនៅលើផ្ទាំងប៉ាណូតាមទី​សាធារណៈ ដោយត្រូវកម្រិតឱ្យបានសមរម្យ ដើម្បីរួមចំណែកក្នុងការកាត់បន្ថយគ្រោះថ្នាក់ចរាចរណ៍ដែលបង្កឡើងដោយ​សារ​ការបើកបរក្រោមឥទ្ធិពលគ្រឿងស្រវឹង៕

អត្ថបទ៖ សុខុម

The post រដ្ឋបាលខេត្តកណ្ដាលណែនាំឲ្យម្ចាស់អាជីវកម្មផ្សព្វផ្សាយស្រាបៀរនៅបណ្ដោយផ្លូវជាតិលេខ១ត្រូវរុះរើចេញឲ្យអស់ត្រឹមថ្ងៃទី២៥​កក្កដា appeared first on Kampuchea Thmey Daily.

តាមបញ្ជាក់របស់លោក ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ ការឈានទៅបញ្ចប់ការផ្សព្វផ្សាយគ្រឿងស្រវឹងតាមទីសាធារណៈ មិនមែនត្រឹមតែចង់បានការសរសើរគាំទ្រពីសាធារណជន និងមជ្ឈដ្ឋានសង្គមស៊ីវិលប៉ុណ្ណោះទេ ប៉ុន្តែគោលដៅធំបំផុត គឺដើម្បីកាត់បន្ថយទំនោរទទួលទានគ្រឿងស្រវឹងជ្រុលហួសហេតុរបស់ប្រជាជន​ ដែលកំពុងតែប្រឈមទាំងគ្រោះថ្នាក់សុខភាព និងគ្រោះថ្នាក់សង្គម ពិសេសគ្រោះថ្នាក់ចរាចរណ៍ដែលកំពុងស្ថិតក្នុងដំណាក់កាលដ៏គួរឱ្យព្រួយបារម្ភ ខណៈការផ្សព្វផ្សាយដ៏ព្រោតព្រាតគ្រប់ច្រកល្ហកនេះទៀតសោត ក៏នាំឱ្យមានផលប៉ះពាល់ដល់កុមារផងដែរ។

លោកឧបនាយករដ្ឋមន្ត្រី បានប្រកាសទទួលស្គាល់ថា សម្រាប់រដ្ឋ ទាំងនៅថ្នាក់ជាតិ និងថ្នាក់ក្រោមជាតិ ការអនុញ្ញាតឱ្យផ្សព្វផ្សាយផលិតផលគ្រឿងស្រវឹងតាមទីសាធារណៈ ដូចជា ផ្ទាំងប៉ាណូតាមដងផ្លូវ និងកាត់ពីលើដងផ្លូវ ជាដើម ពិតជាបានចំណូលមួយផ្នែកប្រាកដមែន ប៉ុន្តែចំណូលនោះ មិនអាចទូទាត់នឹងផលវិបាកនានា ដែលកើតចេញពីការផ្សព្វផ្សាយយ៉ាងច្រើនហួសហេតុដូចបច្ចុប្បន្ននេះបានឡើយ។ តែយ៉ាងណាក៏ដោយ ប្រមុខក្រសួងមហាផ្ទៃកម្ពុជា បានផ្ដល់គោលការណ៍ច្បាស់ៗថា សម្រាប់ទីតាំងឯកជនដែលមានការលក់ដូរគ្រឿងស្រវឹង រួមទាំងអាហារដ្ឋាន និងភោជនីយដ្ឋាន ជាដើម មិនមែនជាគោលដៅត្រូវហាមឃាត់ការផ្សព្វផ្សាយនោះទេ។

ក្នុងកិច្ចប្រជុំពេញអង្គគណៈរដ្ឋមន្ត្រី កន្លងទៅ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានណែនាំឱ្យពិនិត្យឡើងវិញអំពីការផ្សព្វផ្សាយពាណិជ្ជកម្មគ្រឿងស្រវឹង ពិសេសការផ្សព្វផ្សាយនៅលើផ្ទាំងប៉ាណូតាមទីសាធារណៈ ដោយត្រូវកម្រិតឱ្យបានសមរម្យ ដើម្បីរួមចំណែកក្នុងការកាត់បន្ថយគ្រោះថ្នាក់ចរាចរណ៍ ដែលបង្កឡើងដោយសារការបើកបរក្រោមឥទ្ធិពលគ្រឿងស្រវឹង។

សម្ដេចធិបតី ក៏បានណែនាំឱ្យក្រសួងព័ត៌មានសហការជាមួយក្រសួងសុខាភិបាល និងក្រសួងពាណិជ្ជកម្ម ដឹកនាំបង្កើតក្រមប្រតិបត្តិមួយជាក់លាក់ ដើម្បីអនុវត្តចំពោះការផ្សព្វផ្សាយពាណិជ្ជកម្មគ្រឿងស្រវឹងផងដែរ៕

The post រដ្ឋមន្ត្រីមហាផ្ទៃ ប្រាប់ឱ្យអាជ្ញាធរពិនិត្យឡើងវិញជាមួយក្រុមហ៊ុន ដើម្បីបញ្ចប់ការផ្សាយគ្រឿងស្រវឹងតាមទីសាធារណៈ   appeared first on Kampuchea Thmey Daily.

កិច្ចប្រជុំ​ដែល​ប្រព្រឹត្តទៅ​ក្រោម​អធិបតីភាព​លោក នេត្រ ភក្ត្រា រដ្ឋមន្ត្រីក្រសួង​ព័ត៌មាន​និង​ជា​ប្រធាន​ក្រុមការងារ​គ្រប់គ្រង​ការផ្សាយពាណិជ្ជកម្ម​ផលិតផល​គ្រឿង​ស្រវឹង​, លោកជំទាវ ចម និម្មល រដ្ឋមន្ត្រីក្រសួង​ពាណិជ្ជកម្ម​និង​ជា​អនុប្រធាន​ក្រុមការងារ និង​ឯកឧត្តម ឈាង រ៉ា រដ្ឋមន្ត្រី​ក្រសួងសុខាភិបាល និង​ជា​អនុប្រធាន​ក្រុមការងារ​។

កិច្ចប្រជុំ​នាឱកាស​នេះ​ក៏មាន​ការអញ្ជើញ​ចូលរួម​ពី​តំណាង ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍​, ទីស្តីការគណៈរដ្ឋមន្ត្រី​, ក្រសួងមហាផ្ទៃ​, ក្រសួង​វប្បធម៌ និង​វិចិត្រសិល្បៈ​, ក្រសួង​ប្រៃសណីយ៍ និង​ទូរគមនាគមន៍​ដែលជា សមាជិក ក​.​គ​.​ផ​.​ស​.​។

​ក្រុមការងារ​គ្រប់គ្រង​ការផ្សាយពាណិជ្ជកម្ម​ផលិតផល​គ្រឿង​ស្រវឹង ( ក​.​គ​.​ផ​.​ស​. ) ត្រូវបាន​ប្រមុខ​រាជរដ្ឋាភិបាល​កម្ពុជា សម្តេច​ធិបតី​នាយករដ្ឋមន្ត្រី ហ៊ុន ម៉ា​ណែ​ត បង្កើតឡើង​នៅ​ថ្ងៃទី​១២ ខែមេសា ឆ្នាំ​២០២៤ ហើយ​ក្រុមការងារ​នេះ មាន​ភារកិច្ច ដឹកនាំ​ជា​យុទ្ធសាស្ត្រ​លើ​ការគ្រប់គ្រង​ការផ្សព្វផ្សាយ​ពាណិជ្ជកម្ម​ផលិតផល​គ្រឿង​ស្រវឹង​, តម្រង់ទិស​ក្នុងការ​រៀបចំ​យន្តការ​អនុវត្ត និង​បទដ្ឋាន​បច្ចេកទេស​លើ​ការគ្រប់គ្រង​ការផ្សព្វផ្សាយ​ពាណិជ្ជកម្ម​ផលិតផល​គ្រឿង​ស្រវឹង​, កំណត់​វិធានការ​បច្ចេកទេស​សម្រាប់​ការផ្សព្វផ្សាយ​ពាណិជ្ជកម្ម​ផលិតផល​គ្រឿង​ស្រវឹង ធានាបាន​កិច្ចការពារ​អ្នកប្រើប្រាស់​និង​ជំរុញ​ការប្រកួតប្រជែង​ដោយ​សុចរិត រៀបចំ​សណ្តាប់ធ្នាប់​នៃ​ការផ្សព្វផ្សាយ​ពាណិជ្ជកម្ម​ផលិតផល​គ្រឿង​ស្រវឹង តាម​គ្រប់​មធ្យោបាយ​ប្រព័ន្ធ ផ្សព្វផ្សាយ និង​ការ​ដាក់តាំង​បង្ហាញ​ជា​សាធារណៈ​នៅ​គ្រប់​ទីកន្លែង ដើម្បី​លើកកម្ពស់​សោភណភាព និង​សុវត្ថិភាព៕

The post ​ក្រុម​ការងារ​គ្រប់គ្រងការផ្សាយ​ពាណិជ្ជកម្ម​ផលិតផលគ្រឿងស្រវឹង​ បើក​កិច្ច​ប្រជុំលើកទីមួយ​ ដើម្បី​ជំរុញ និង​លើកកម្ពស់​សុខុមាលភាព​សណ្តាប់ធ្នាប់​សាធារណៈ appeared first on Kampuchea Thmey Daily.

តាមការសង្កេត មួយរយៈចុងក្រោយនេះ ឃើញថា មានករណីឃាតកម្មសាហាវៗជាច្រើនករណី ដែលកើតចេញពីជម្លោះបន្តិចបន្តួច មានទាំងបញ្ហាអ្នកជិតខាង ម្ចាស់បំណុល និងកូនបំណល់ គូស្នេហ៍ឈ្លោះប្រកែក ឬ ប្រចណ្ឌគ្នា មានទំនាស់រវាងបងប្អូនគ្នាជាដើម។ ទាំងអស់នេះ សុទ្ធតែកើតចេញពីកំហឹង កើតជាការគុំកួន ក្លាយជាឃាតកម្មបាញ់ កាប់សម្លាប់គួរឱ្យរន្ធត់។

ពាក់ព័ន្ធនឹងករណីទាំងអស់នេះ លោកបណ្ឌិត ឈត ប៊ុនថង បានឱ្យកម្ពុជាថ្មី ដឹងនៅថ្ងៃទី២៦ ខែមិថុនា ឆ្នាំ២០២៤ថា សម្រាប់លោកបណ្ឌិតផ្ទាល់យល់ថា ភាពឆេវឆាវខ្លាំងរហូតដល់ថ្នាក់សម្លាប់មនុស្ស គឺកើតចេញពីកត្តាផ្សេងៗគ្នា។ កត្តាទី១ គឺទម្លាប់អាក្រក់ដែលមាននៅក្នុងខ្លួនបុគ្គនោះ ពោល គឺ ទម្លាប់ឆេវឆាវយូរៗនឹងធ្វើឱ្យមនុស្សកាន់តែឆេវឆាវ ផ្ទុះកំហឹង រហូតដល់ប្រើអំពើហិង្សា ឬ ប្រើអាវុធបាញ់សម្លាប់មនុស្សជាដើម។ ក្រៅពីទម្លាប់អាក្រក់ លោកបណ្ឌិត យល់ថា មកពីការធ្លាក់ចុះសីលធម៌នៅក្នុងសង្គម គឺមនុស្សមិនសូវគោរព ស្រឡាញ់ និងយោគយល់អធ្យាស្រ័យគ្នា ក៏ជាកត្តាធំឱ្យមនុស្សឆេវឆាវដែរ ជាពិសេស គឺការរងឥទ្ធិពលពីសង្គមខាងក្រៅ គ្រួសារ ក៏ជាកត្តារួមចំណែកដែល។ បន្ថែមពីនេះ លោកថា គ្រឿងញៀន គ្រឿងស្រវឹង និងការអនុវត្តច្បាប់មិនទាន់បានល្អ ដែលធ្វើឱ្យអ្នកប្រព្រឹត្តទោសមិនទទួលបានការដាក់ទោសធ្ងន់ធ្ងរ ក៏ធ្វើឱ្យមនុស្សកាន់តែហ៊ានទៀត។

ភាពឆេវឆាវនេះ មិនមែនជារឿងងាយស្រួលឡើយ លោកបណ្ឌិត ឈត ប៊ុនថង បានឱ្យយោបល់ថា ដើម្បីកាត់បន្ថយបញ្ហានេះបានខ្លះ បុគ្គលម្នាក់ៗត្រូវបណ្តុះនូវទម្លាប់ល្អ ការយោគយល់ និងសេចក្តីស្រឡាញ់ ព្រោះមនុស្សដែលមានសេចក្តីស្រឡាញ់ មិនអាចធ្វើរឿងមិនល្អបានទេ។ បន្ទាប់មក គឺបណ្តុះការអប់រំសីលធម៌ តាមស្ថាប័ន សាលារៀន ក្នុងគ្រួសារ ក្នុងសហគមន៍ មានបញ្ហាអ្វីកុំទម្លាប់បន្ទោសគ្នា តែត្រូវចេះរកដំណោះស្រាយដោយពិភាក្សាគ្នាដើម្បីស្វែងរកផ្លូវចេញដ៏ល្អ។ មួយទៀត គួរពិនិត្យលើប្រព័ន្ធអប់រំ ដោយពង្រឹងប្រព័ន្ធអប់រំឱ្យបានច្រើនបន្ថែមទៀត ដើម្បីជួយតម្រង់ទិសឱ្យមនុស្សមកធ្វើរឿងដែលត្រឹមត្រូវ ប្រកបដោយសីលធម៌។

ចុងក្រោយ គឺការអនុវត្តច្បាប់ លោកបណ្ឌិត បញ្ជាក់ថា នៅពេលដែលគុណធម៌ ការអប់រំមិនមានប្រសិទ្ធភាព​ មានន័យថា ត្រូវមានការអនុវត្តច្បាប់ឱ្យបានត្រឹមត្រូវ ដែលត្រូវមានច្បាប់ដែលល្អ នីតិវិធីច្បាស់លាស់ និងមានតម្លាភាព។ ចំពោះមន្ត្រីអនុវត្តច្បាប់ ក៏ត្រូវអនុវត្តឱ្យបានត្រឹមត្រូវ ដែលប្រកាន់យកយុត្តិធម៌ជាគោលជំហរធំមួយ។ ទាំងអស់នេះហើយ ជាចំណែកមួយ ដែលកាត់បន្ថយនូវភាពឆេវឆាវ កាចសាហាវ និងទប់កំហឹថរបស់ពួកគេ៕

អត្ថបទ៖ អុន ស្រីមាន

The post បណ្ឌិត ឈត ប៊ុនថង យល់ថាមនុស្សឆេវឆាវខ្លាំងមកពីទម្លាប់ គ្រឿងស្រវឹង គ្រឿងញៀន និងការអនុវត្តច្បាប់ appeared first on Kampuchea Thmey Daily.