ការប្រកួតពានរង្វាន់ពានសម្តេចតេជោថ្នាក់ជាតិ បានរៀបចំឡើងចំនួន ១៨ លើកហើយ ខណៈនៅរដូវកាល ២០២៥-២០២៦ គឺជាលើកទី ១៩។ បើក្រឡេកមើលអំពីសមាសភាពកីឡាករ ធ្លាប់មានប្រវត្តិឈ្នះពានស្បែកជើងមាសវិញ គឺមានតែលោក ឃួន ឡាបូរ៉ាវី ​ម្នាក់គត់ ដែលធ្លាប់បាន​ឈ្នះជាមួយ ២ ក្លិបផ្សេងគ្នា ពោលគឺជាមួយ ព្រះខ័នរាជស្វាយរៀង និង បឹងកេត។

លោក ឃួន ឡាបូរ៉ាវី ឈ្នះដំបូងនៅឆ្នាំ ២០១១ អំឡុងពេលលេងឱ្យក្រុម ព្រះខ័នរាជស្វាយរៀង ដោយពេលនោះរកបាន ២២ គ្រាប់។ នៅ​ឆ្នាំ ២០១២ ជាមួយក្រុម ព្រះខ័នរាជស្វាយរៀង ដដែល លោកបានឈ្នះ ១ លើក​ទៀត បន្ទាប់ពីរកបាន ២២ គ្រាប់។ លុះចូលរួមជាមួយ បឹងកេត លោកបានសាងកំណត់ត្រាឈ្នះស្បែកជើងមាស ២ លើកទៀត គឺនៅឆ្នាំ ២០១៤ រកបាន ១២ គ្រាប់ និង​ ចុងក្រោយនៅឆ្នាំ ២០១៧ រកបានចំនួន ១៦ គ្រាប់។

ក្រឡេកមកមើលកីឡាករផ្សេងៗទៀត ដែលធ្លាប់ឈ្នះស្បែកជើងមាសក្នុងពានសម្តេចតេជោដែរ គឺមិនមាន​កីឡាករ​ណាម្នាក់ធ្លាប់ឈ្នះជាមួយ ២ ក្លិប ដូចលោកឃួន ឡាបូរ៉ាវី ឡើយ។

គួរឱ្យដឹងផងដែរ ថា លោកឃួន ឡាបូរ៉ាវី ជាកីឡាករ ដែលឈ្នះស្បែកជើងមាសក្នុងពានសម្តេចតេជោនេះច្រើនជាងគេបង្អស់ ពោលគឺចំនួន ៤ លើក៕

អត្ថបទ៖ សេម កុសល

The post ឃួន ឡាបូរ៉ាវី ជាកីឡាករម្នាក់គត់ ឈ្នះស្បែកជើងមាស នៅ​ ២ ក្លិបផ្សេងគ្នា ក្នុងពានសម្តេចតេជោ appeared first on Kampuchea Thmey Daily.

ការប្រកួតពានរង្វាន់ពានសម្តេចតេជោថ្នាក់ជាតិ បានរៀបចំឡើងចំនួន ១៨ លើកហើយ ខណៈនៅរដូវកាល ២០២៥-២០២៦ គឺជាលើកទី ១៩។ បើក្រឡេកមើលអំពីសមាសភាពកីឡាករ ធ្លាប់មានប្រវត្តិឈ្នះពានស្បែកជើងមាសច្រើនជាងគេបំផុត គឺលោកឃួន ឡាបូរ៉ាវី ​បាន​ឈ្នះចំនួន ៤ លើក។

លោក ឃួន ឡាបូរ៉ាវី ឈ្នះដំបូងនៅឆ្នាំ ២០១១ អំឡុងពេលលេងឱ្យក្រុម ព្រះខ័នរាជស្វាយរៀង ដោយពេលនោះរកបាន ២២ គ្រាប់។ នៅ​ឆ្នាំ ២០១២ ជាពេលនោះកំពុងលេងឱ្យ ព្រះខ័នរាជស្វាយរៀង ដដែល លោកបានឈ្នះ ១ លើក​ទៀត បន្ទាប់ពីរកបាន ២២ គ្រាប់។ លុះចូលរួមជាមួយ បឹងកេត លោកបានសាងកំណត់ត្រាឈ្នះស្បែកជើងមាស ២ លើកទៀត គឺនៅឆ្នាំ ២០១៤ រកបាន ១២ គ្រាប់ និង​ ចុងក្រោយនៅឆ្នាំ ២០១៧ លោករកបានគ្រាប់បាល់សរុបចំនួន ១៦ គ្រាប់។

ដោយឡែកកីឡាករផ្សេងៗទៀត ដែលឈរនៅលំដាប់លេខ ២ រួមមាន គួច សុគុម្ភៈ, ប្រាក់ មុន្នីឧត្តម និង សៀង ចន្ធា គឺធ្វើបាន ២ លើកដូចៗគ្នា។ ចំណែកកីឡាករផ្សេងៗទៀត ដែលធ្លាប់មានប្រវត្តិឈ្នះស្បែកជើងមាស ក្នុងពានសម្តេចតេជោ នេះដែរ គឺធ្វើបាន ១ លើកៗប៉ុណ្ណោះ។

គួររម្លឹក ថា អ្នកឈ្នះពានស្បែកជើងមាសក្នុងពានសម្តេចតេជោកាលពីរដូវកាលមុន ២០២៤-២០២៥ បានទៅលើកីឡាករ សៀង ចន្ធា របស់ បឹងកេត បន្ទាប់ពីរកបានគ្រាប់បាល់ចំនួន ៦ គ្រាប់៕

អត្ថបទ៖ សេម កុសល

The post លោក ឃួន ឡាបូរ៉ាវី ឈ្នះស្បែកជើងមាសច្រើនជាងគេក្នុងពានសម្តេចតេជោ appeared first on Kampuchea Thmey Daily.

លោក ឃួន ឡាបូរ៉ាវី គ្រូ​បង្វឹក​ក្រុម​បាល់ទាត់​ជម្រើស​ជាតិ​នារី​កម្ពុជា បាន​ប្រាប់សារព័ត៌មាន«កម្ពុជាថ្មី»ថា ៖«ការប្រកួតអន្តរជាតិ​២​នៅ​ឆ្នាំក្រោយ ពិតជាសំខាន់​សម្រាប់​ការ​អភិវឌ្ឍក្រុម ប៉ុន្តែអ្វីដែលយើងយកចិត្តទុកដាក់មុននឹងយើងអាចទៅប្រជែងជាមួយគេបានគឺការអភិវឌ្ឍលីគនារីឲ្យប្រសើរ។ ពី​ព្រោះ​ក្រុមជម្រើសជាតិនារី​យើងមិនអាចធ្វើអ្វីបានច្រើនទេ សំខាន់នៅក្នុងក្រុមគាត់ផ្ទាល់។ ពេល​​កីឡាការិនីទទួលបានបទពិសេធ​ច្រើន​ក្នុងការលេងកម្រិតខ្ពស់ ដូច្នេះ​ពេល​ពួក​គាត់​ប៉ះ​ក្រុមជម្រើស​ខ្លាំង​លើ​ឆាក​អន្តរចាតិ​ ពួកគាត់មានអារម្មណ៍ធម្មតា មិនមានសម្ពាធ​អ្វី​ទេ»។

មុនការប្រកួតពានរង្វាន់ AFF Women’s Cup ឆ្នាំ២០២៤ចាប់ផ្ដើម សហព័ន្ធកីឡាបាល់ទាត់កម្ពុជា បានរៀបចំការប្រកួត​លីគ​នារី។ ការ​ប្រកួត​លីគ​នារី​នេះ​ហើយ​បាន​ជួយ​ឲ្យ​កីឡាការិនី​បាល់ទាត់​តាម​បណ្តា​ក្លិប​នានា​បង្ហាញ​សមត្ថភាព បង្កើន​បទ​ពិសោធ និង​បច្ចេកទេស។​ ប្រការ​នេះ​បាន​ជួយ​ឲ្យ​សហព័ន្ធកីឡា​បាល់ទាត់​កម្ពុជា​មាន​លទ្ធភាព​ជ្រើស​រើស​កីឡាការិនីដើម្បី​ត្រៀម​ខ្លួន​បាន​ល្អ។

ជា​លទ្ធផល ក្រុម​នារី​​កម្ពុជា​​ធ្វើ​បាន​ល្អ​ក្នុង​ពាន​រង្វាន់ AFF Women’s Cup ឆ្នាំ​២០២៤​ដោយ​ទទួល​បាន​ចំណាត់​ថ្នាក់​លេខ​១ និង​ទទួលបានកៅអីឡើង​ទៅ​ពាន​រង្វាន់​កម្រិត​ទី១ ASEAN Championship ឆ្នាំ២០២៥។

លោក ឃួន ឡាបូរ៉ាវី បានបន្ថែមថា ៖«នេះជាអ្វីដែលខ្ញុំតែងតែមើលឃើញ។ មុនពេលខ្ញុំចូលមកដឹកនាំក្រុមនារី ខ្ញុំបានឃើញពីសក្ដានុពលរបស់កីឡាការិនីរបស់យើង ប៉ុន្តែដោយសារយើងមិនទាន់ធ្វើអស់ពីសមត្ថភាពទេ ទាក់ទងជាមួយការអភិវឌ្ឍពួកគាត់។ ឧទាហរណ៍ យើងមានតែលីគនារី ប៉ុន្តែលីគ​យុវជនរបស់នារីគឺអត់មាន។ ដូច្នេះ​បច្ចេកទេសមូលដ្ឋានគ្រឹះ​​​របស់​ពួក​គាត់​មិន​ល្អ​ទេ។ ប្រសិនមានការប្រកួតកម្រិតយុវជននារីបន្ថែម យើងនឹងសំបូរ​ធនធានកីឡាការិនីច្រើន»។

អត្ថបទ៖ ផា រតនា

The post កម្ពុជា ត្រូវបង្កើន​ការប្រកួតនារីឲ្យ​ច្រើន​ ទើប​អាច​ប្រជែង​នឹង​ក្រុមកម្រិតខ្ពស់ appeared first on Kampuchea Thmey Daily.

ការប្រកួតពានរង្វាន់ AFF Women’s Cup 2024 ឡាវធ្វើជាម្ចាស់ផ្ទះ ក្រុមនឹងត្រូវជួបក្រុមឥណ្ឌូណេសុី វេលា​ម៉ោង​៣​រសៀល ថ្ងៃ​ទី​​២៣ ខែ​វិច្ឆិកា និងប៉ះ ម៉ាឡេសុី នៅ​ថ្ងៃ​ទី​២៩ ខែ​វិច្ឆិកា។

ក្នុងសន្និសទីសារព័ត៌មានមុនការប្រកួត លោក ឃួន ឡាបូរ៉ាវី បាននិយាយថា ៖«សម្រាប់ក្រុមយើងតាំងពីចាប់ផ្ដើមដំបូងគឺយើងមកទីនេះដើម្បីឈ្នះ ហើយខ្ញុំមើលថា ក្រុមទាំងអស់នៅក្នុងព្រឹត្តិការណ៍មានកម្រិតប្រហែលយើងដែរ។ យើងអាចប្រកួតប្រជែងជាមួយពួកគេបាន»។

លោក ឃួន ឡាបូរ៉ាវី បានបន្ថែមថា ៖«សម្រាប់ក្រុមរបស់ខ្ញុំ ទោះបីយើងមានត្រឹមតែ១០ថ្ងៃ មុនពេលព្រឹត្តិការណ៍នេះចាប់ផ្ដើមមែន។ ស្របពេលលីគ​នារីយើងក៏កំពុងដំណើរការ។ ខ្ញុំគ្រាន់តែប្រមូលផ្ដុំកីឡាការិនី ដែលកំពុង​លេង​ស្រាវ់​ ហើយខ្ញុំគ្រាន់តែបន្ថែមនូវយុទ្ធសាស្ត្រ​ប៉ុណ្ណោះ»។

ដូចអ្វីដែលគ្រូបង្វឹកក្រុមបាល់ទាត់ជម្រើសជាតិនារីកម្ពុជាបានលើកឡើងចឹង ឆ្នាំនេះសហព័ន្ធ​បាល់ទាត់​កម្ពុជា​បានបង្កើតលីគ​នារី​ឡើងវិញ ប្រៀប​ដូច​ជា​ការ​ត្រៀម​ខ្លួន​សម្រាប់​ពាន​រង្វាន់​អន្តរជាតិ​មាន​ដូច​ជា​ AFF Women’s Cup 2024 និង​សុីហ្គេម ជា​ដើម។

កីឡាការិនីជាប់ឈ្មោះក្នុងបញ្ជីឈ្មោះ២៣នាក់ចុងក្រោយ សុទ្ធជាកីឡាការិនីមានសមត្ថភាព និងបទពិសោធជាមួយក្រុមជម្រើសជាតិកម្ពុជា ក្នុង​នោះ​មាន​កីឡាការិនីកូនកាត់ខ្មែរ-កាណាដា ឈីវ សាលីណា ​ផង​ដែរ៕

ចំពោះរូបមន្ត​ ការប្រកួត AFF Women’s Cup 2024 មានក្រុមចូលរួម​ចំនូន៦ក្រុម បែងចែកជា២ពូល ក្នុងនោះក្រុមលេខ១និងលេខ២ នៃ​ពូលនីមួយៗនឹងបានឡើងទៅវគ្គ៤ក្រុមចុងក្រោយ​ដើម្បី ជ្រើស​រើស​៣​ក្រុម​ឡើង​ទៅ​ពាន​រង្វាន់​កម្រិត​ទី​១ ASEAN Women’s Championship ឆ្នាំ​២០២៥​ ដែល​មាន​ក្រុម​ខ្លាំង​កំពុង​រង់​ចាំ​គឺ ហ្វីលីពីន ថៃ និង​វៀតណាម៕

អត្ថបទ៖ ផា រតនា

The post ឃួន ឡាបូរ៉ាវី ថា ក្រុមនារីក្នុងពាន AFF Women’s Cup មានកម្រិតមិនលើកម្ពុជា appeared first on Kampuchea Thmey Daily.