ចរិតមិនល្អ Archives - Kampuchea Thmey Daily

ទម្លាប់មិនល្អរបស់ឪពុកម្ដាយ ធ្វើឲ្យកូនចរិតអាក្រក់ពេលធំឡើង

Sonya — Fri, 11 Jun 2021 02:11:58 +0000

ពិតណាស់ថា គ្មានប៉ាម៉ាក់ណាចង់ឲ្យកូនមានចរិតមិនល្អនោះទេ តែទង្វើរបស់ប៉ាម៉ាក់មួយចំនួនអាចធ្វើឲ្យកូនខូចបាន។ តើទង្វើទាំងនោះមានអ្វីខ្លះ? ស្វែងយល់ទាំងអស់គ្នា។

១. មិនធ្វើតាមការនិយាយ

បើប៉ាម៉ាក់ថាមិនឲ្យរបស់អ្វីមួយដល់កូនហើយ សូមធ្វើឲ្យបាន។ ប៉ាម៉ាក់ខ្លះថាមិនឲ្យកូនញ៉ាំស្ករគ្រាប់ទេ តែពេលកូនខឹងគប់របស់របរចោល ក៏ប្ដូរចិត្តឲ្យកូនញ៉ាំវិញ។ ការធ្វើដូចនេះ ធ្វើឲ្យកូនដឹងចិត្តប៉ាម៉ាក់ថាពេលគេខឹង គេនឹងបានអ្វីដែលត្រូវការ ហើយអ្វីដែលប៉ាម៉ាក់និយាយមិនយកជាការនោះទេ។

ដូចគ្នាដែរ ប៉ាម៉ាក់ខ្លះទៀត បានគំរាមកូនថាបើមិនធ្វើតាមនឹងមិនបានរបស់នេះរបស់នោះ មិនឲ្យមើលទូរសព្ទ ឬមិនបានដើរលេងជាដើម។ ប៉ុន្តែនៅពេលកូនមិនធ្វើតាម ប៉ាម៉ាក់នៅតែមិនបានធ្វើតាមអ្វីដែលខ្លួនប្រាប់កូនដដែល។ ការធ្វើដូចនេះ ធ្វើឲ្យកូនដឹងថា ទោះបីជាគេមិនស្ដាប់តាមប៉ាម៉ាក់ ក៏គេមិនទទួលពិន័យអ្វីដែរ។

២.រកលេសជំនួសកូន

ពេលកូនធ្វើខុសអ្វីមួយ ប៉ាម៉ាក់ខ្លះខំរកលេសជំនួសកូនថាមកពីកូននៅតូចពេក មកពីកូនមិនដឹង ឬមកពីកូនឃ្លានជាដើម។ ការរកលេសជំនួសកូននេះ នឹងធ្វើឲ្យកូនមិនចេះទទួលស្គាល់កំហុស ហើយយូរៗទៅកូននឹងលែងមានការទទួលខុសត្រូវលើទង្វើខ្លួន។

៣. ចូលចិត្តស្រែកដាក់កូន

ប៉ាម៉ាក់ខ្លះទំនងជាគិតថាការស្រែកគំហកដាក់កូនធ្វើឲ្យកូនស្ដាប់ឮ និងធ្វើតាម ប៉ុន្តែការធ្វើបែបនេះមានប្រសិទ្ធភាពរយៈពេលខ្លីប៉ុណ្ណោះ មិនបានយូរអង្វែងទេ និងថែមទាំងអាចធ្វើឲ្យទំនាក់ទំនងប៉ាម៉ាក់និងកូនល្អក់កករនឹងគ្នាទៅវិញ។ និយាយជាមួយកូនដោយសម្ដីទន់ភ្លន់ តែច្បាស់លាស់ នឹងធ្វើឲ្យកូនយល់ ហើយអាចពង្រឹងទំនាក់ទំនងប៉ាម៉ាក់ និងកូនបានរឹងមាំល្អទៀតផង។

ដូចគ្នាដែរ ប៉ាម៉ាក់ខ្លះទៀត ចូលចិត្តគំរាមដាក់ទណ្ឌកម្មកូន បើហ៊ានធ្វើខុសអ្វីមួយ តែជាក់ស្ដែងពេលកូនធ្វើខុសបែរជាមិនដាក់ទោស នាំឲ្យកូនដឹងថាគេគ្មានហេតុផលអ្វីត្រូវធ្វើតាមការបង្គាប់ ឬណែនាំរបស់ប៉ាម៉ាក់នោះដែរ។

៤. វាយកូន

ការសិក្សាបានរកឃើញថា ការអប់រំកូនដោយការវាយដំ នឹងធ្វើឲ្យកូនអាចក្លាយជាមនុស្សហិង្សាពេលធំឡើង កូនបាត់បង់ការចេះអាណិតអាសូរ និងអាចមានចារិតឫកពាមិនសូវចុះសម្រុងក្នុងសង្គមផងដែរ។ ការអប់រំកូនដោយរំពាត់ មិនមានប្រសិទ្ធភាពយូរអង្វែងទេ តែនឹងធ្វើឲ្យកូនរកវិធីគេចពីការត្រូវរំពាត់ទៅវិញ ជាជាងខំកែប្រែខ្លួនឲ្យបានត្រឹមត្រូវតាមច្បាប់ទម្លាប់។

៥. មិនប្រាប់កូនពីឥរិយាបថនៅទីសាធារណៈ

ប៉ាម៉ាក់ខ្លះមិនបានណែនាំកូនទេ ពេលកូនលោតចុះឡើងលើតុកៅអី ឬញ៉ាំគ្មានរបៀបនៅទីសាធារណៈ ឬនៅអាហារដ្ឋាន តែបែរជាសើច ឬញញឹមចំពោះទង្វើកូនទៅវិញ។ ថ្វីបើកូនតូច មានសកម្មភាពបែបនេះ មើលទៅដូចជាកំប្លែងសប្បាយ តែសម្រាប់អ្នកនៅជុំវិញយើងមិនបានគិតដូច្នេះទេ។ ពេលយើងមិនប្រាប់កូន ហើយបន្តឲ្យកូនធ្វើដូចនេះជាហូរហែ កូននឹងមានទម្លាប់មិនល្អនៅទីសាធារណៈ ដូចជាសើចឮៗ នាំឲ្យរំខានដល់អ្នកដទៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ បើកូនខូច និយាយអត់ស្ដាប់ នេះជាវិធីអប់រំបែបធម៌ត្រជាក់

ចុចអាន៖ ចរិត និងអាកប្បកិរិយាមិនល្អរបស់កូន ៥យ៉ាង ឪពុកម្ដាយគួរកែតម្រូវភ្លាម

The post ទម្លាប់មិនល្អរបស់ឪពុកម្ដាយ ធ្វើឲ្យកូនចរិតអាក្រក់ពេលធំឡើង appeared first on Kampuchea Thmey Daily.

កុំទាន់អួតខ្លួនថាជា “បុគ្គលជោគជ័យ” បើនៅប្រកាន់ចរិត៦នេះ

Sonya — Thu, 12 Nov 2020 02:46:48 +0000

ពាក្យថាបុគ្គលជោគជ័យ ពេលខ្លះ ក្លាយជារឿងចំអកលេងសើចពិតមែនដែរទេ?

ចម្លើយ គឺមកតែពីបុគ្គលហ្នឹងឯង ដែលធ្វើឱ្យពាក្យនេះក្លាយជា «ប្រឡាក់»។

ត្រួតពិនិត្យមើល! ប្រសិនបើអ្នក មានចំណុចទំាងប៉ុន្មាននេះ អ្នកមិនទាន់ជាបុគ្គលជោគជ័យនៅឡើយ ទោះជាឋានៈអ្វីក្តី មានលុយច្រើនយ៉ាងណាក៏ដោយ!

១ ចរិតកម្សាក

បុគ្គលជោគជ័យមិនមែនចៅហ្វាយទេ តែជាមេដឹកនាំ ជាអ្នកនៅមុខ ពេលមានគ្រោះថ្នាក់ ហើយនៅក្រោយពេលមានគុណសម្បិត្ត។ បើអ្នកធ្វើផ្ទុយ កុំចង់បានឈ្មោះនេះ។

២ ឆេវឆាវ

ឆេវឆាវតាមពិតមិនមែនមើលឃើញដោយសម្តីឡូឡាឬអត់ទេ តែតាមរយៈថា ត្រចៀកអ្នកស្រាលដែរអត់? ចេះដោះ ចេះចង? ចេះស្គាល់មនុស្សណារណប មនុស្សណាទៀងត្រង់? មានភាពអត់ធ្មត់ហើយព្រមអប់រំកែលម្អឬបន្ទោសបង្អាប់ រុញដាក់មេផ្សេងឱ្យដោះស្រាយ ខ្លួនយករួចអត្មា?

៣ គ្មានភាពស្មោះត្រង់

ភាពស្មោះត្រង់នេះវាពិបាករកណាស់ តែបើអ្នកគ្មានវាជាប់ខ្លួន គេងាយមើលដឹង ទោះអ្នកប្រឹងបំភ័ន្តក៏អត់បានការ ព្រោះគ្មានមនុស្សណាល្ងង់ ឱ្យយើងបោកបានដល់ទៅបីដងទេ។

៤ តណ្ហា

តណ្ហាត្រង់ណេះសម្តៅលើ ការចង់ល្បី ចង់អស្ចារ្យ អួតអាង ប្រៀបធៀប ចេញមុខមាត់ពេក សំញ៉ែង និយាយតែអំពីគុណសម្បត្តិខ្លួនឯង អំនួតនឹងលទ្ធផលមួយ ខណៈ១០ទៀតមិនបានការ ចូលចិត្តយកពិន្ទុ មិនដែលនិយាយពីកូនចៅ លើកតែពីខ្លួនឯងល្អ ទំាងដែលមិនសូវធ្វើការ។ បើមនុស្សបែបនេះ ជាបុគ្គលជោគជ័យ នៅផ្សារត្រីខ្វះអី?

៥ ក្បត់សម្តី

ភាពថ្លៃថ្នូរកំណត់មាយាទពិតនៃមនុស្សជោគជ័យ។ មនុស្សដែលធ្វើធ្លាប់ជាមេគេ មិនដែលឱ្យអ្វីគេ គេនៅតែតាមកោតគោរព ហេតុអ្វីមនុស្សខ្លះមានលុយច្រើនតែនៅជាបុគ្គលដែលគេស្អប់ខ្ពើម? ព្រោះមនុស្សគ្រប់គ្នា ស្អប់ណាស់ទង្វើក្បត់សម្តី និយាយល្អ តែទង្វើផ្ទុយ ប្រសិនមនុស្សបែបនេះជាបុគ្គលជោគជ័យ ប្រជាជាតិនោះកំពុងលិចលង់មិនខាងក្នុងភាពល្ងង់ខ្លៅ។

៦ អាត្មានិយម

បានឆី ឆ្អែតម្នាក់ឯង ឥតគិតក្រែងដល់គ្នីគ្នា ។ ស្រុកមានបញ្ហារត់ទៅបរទេសចោលកូនចៅ? ពេលកូនចៅឈឺថ្កាត់មិនដែលឃើញមុខ ឃើញសម្តីមកសួរនាំ ។ នេះឬបុគ្គលជោគជ័យ? អ្នកណាខ្លះចង់បានបុគ្គលបែបនេះមកជាមេដឹកនាំ?

អត្ថបទ៖ Mr Tomorrow

ចុចអាន៖ បើមិនចេះប្រជែង មិនគួរចេញរកស៊ីខ្លួនឯងទេ!

The post កុំទាន់អួតខ្លួនថាជា “បុគ្គលជោគជ័យ” បើនៅប្រកាន់ចរិត៦នេះ appeared first on Kampuchea Thmey Daily.

ចរិតមិនល្អ Archives - Kampuchea Thmey Daily

​ទម្លាប់​មិនល្អរបស់ឪពុកម្ដាយ ធ្វើ​ឲ្យ​កូនចរិតអាក្រក់ពេលធំឡើង

១. មិ​ន​ធ្វើ​តាម​ការ​និយាយ​

​​២.​រក​លេស​ជំនួស​កូន​

៣. ចូល​ចិត្ត​ស្រែក​ដាក់​កូន​

៤. វាយ​កូន​