ការ​បង្ក្រាប​នេះ​ដែរ​បាន​ធ្វើ​ឡើង​កាលពី​វេលា​ម៉ោង ៤ ល្ងាច ថ្ងៃ​ទី ៣០ ខែ​សីហា ឆ្នាំ ២០២៥ នៅ​ចំណុច​ហាង​សាឡ​ន ១ កន្លែង តាម​បណ្ដោយ​ផ្លូវ​លេខ ២០០ សង្កាត់​បឹងរាំង ខណ្ឌ​ដូនពេញ រាជធានី​ភ្នំពេញ។ ជនសង្ស័យ​ឈ្មោះ KIDIKILA NGANDA GLODIE ភេទ​ស្រី អាយុ ៣៣ ឆ្នាំ សញ្ជាតិ កុង​ហ្គោ។

ប្រភព​កម្លាំង​ការិយាល័យ​នគរបាល​ព្រហ្មទណ្ឌ​កម្រិត​ស្រាល និង​កម្រិត​ធ្ងន់ បាន​ឲ្យ​ដឹង​ថា ដោយ​អនុវត្ត​តាម​បទបញ្ជា​ផ្ទាល់​របស់​លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ សហការ​ជាមួយ​កម្លាំង​ជំនាញ​អធិការដ្ឋាន​នគរបាល​ខណ្ឌ​ចំការមន និង​កម្លាំង​អធិការដ្ឋាន​នគរបាល​ខណ្ឌ​ដូនពេញ បាន​ស្រាវជ្រាវ​ស៊ើបអង្កេត​ឈាន​ទៅ​ដល់​បង្ក្រាប​បាន​ស្ត្រី សង្ស័យ​ជនជាតិ​កុង​ហ្គោ ១ នាក់ ក្រោយ​ធ្វើ​សកម្មភាព​យក​កូនកាំបិត​ចាក់ និង​អារ.ក សម្លាប់​ស្ត្រី​រងគ្រោះ ១ នាក់ ជា​ជនជាតិ​អង់គ្លេស បណ្តាល​ឲ្យ​ដេក​ស្លាប់​លើ​សួនច្បារ​កោះ​ពេជ្រ។ យោង​តាម​ចម្លើយ​សារភាព​របស់​ជនសង្ស័យ គឺ បណ្តាល​មកពី​ស្នេហា​ត្រីកោណ។ បច្ចុប្បន្ន ជនសង្ស័យ នគរបាល​ជំនាញ បាន​បញ្ជូន​ទៅកាន់​ស្នងការដ្ឋាន​នគរបាល​រាជធានី​ភ្នំពេញ ដើម្បី​បន្ត​នីតិវិធី​ច្បាប់។

គួរ​បញ្ជាក់​ផង​ដែរ​ថា កាលពី​វេលា​ម៉ោង ១១ យប់ ថ្ងៃ​ទី ២៩ ខែ​សីហា ឆ្នាំ ២០២៥ ស្ថិត​ក្នុង​ទីក្រុង​កោះ​ពេជ្រ សង្កាត់​ទន្លេបាសាក់ ខណ្ឌ​ចំការមន រាជធានី​ភ្នំពេញ ដោយ​មុន​កើតហេតុ សាក្សី​ដែល​ឃើញ គឺ​គាត់​បាន​ជិះ​ម៉ូតូ​អង្គុយលេង​ក្បែរ​កន្លែង​កើតហេតុ ក៏​ឃើញ​នារី​រង​គ្រោះ​ខាង​លើ​ឈ្លោះ​ប្រកែក​យ៉ាង​ខ្លាំង​ជាមួយ​ជនសង្ស័យ ប៉ុន្តែ​គាត់​មិន​ចាប់​អារម្មណ៍​នោះ​ឡើយ ហើយក៏​ជិះ​ម៉ូតូ​ចេញទៅ​បាត់។ មួយ​សន្ទុះ​ក្រោយ​មក គាត់​បាន​ជិះ​ម៉ូតូ​ត្រឡប់មកវិញ ឆ្លងកាត់​ចំណុច​កើតហេតុ ក៏​ប្រទះឃើញ​នារី​រង​គ្រោះ​ដេក​ស្លាប់​លើ​សួនច្បារ និង​សភាព​លើ​ខ្លួន​ពោរពេញ​ទៅ​ដោយ​ឈាម និង មាន​កាំបិត​ក្បែរ​សព រួម​ទាំង​ម៉ូតូ ១ គ្រឿង​ទៀត ដែល​មាន​ស្លាក​លេខ ភ្នំពេញ 1AM-7957 នៅ​ជិត​កន្លែង​កើតហេតុ៕

អត្ថបទ ៖ រដ្ឋា

The post នគរបាលព្រហ្មទណ្ឌបំបែកសំណុំរឿងស្នេហាត្រីកោណ ឃាត់ខ្លួនឃាតកស្រី ១ នាក់ ចាក់សម្លាប់ជនរងគ្រោះនៅកោះពេជ្រ appeared first on Kampuchea Thmey Daily.

ជនសង្ស័យមានឈ្មោះ Tony Williams អាយុ ៤២ ឆ្នាំ បានចូលទៅក្នុង​ទីតាំង​កើត​ហេតុ​នៅម៉ោងប្រហែល ៧:១៥ យប់ ហើយបន្ទាប់មកបានចាប់ផ្តើមចាក់សម្លាប់មនុស្សជាច្រើននាក់។ អ្នកដែលឃើញហេតុការណ៍បានព្យាយាមធ្វើ​អន្តរាគមន៍ ក៏រងរបួសផងដែរ ហើយក្រោយមក Williams បានវាយប្រហារអ្នកផ្សេងទៀតនៅខាងក្រៅអគារ។

ប៉ូលិសបានចាប់ខ្លួន Williams នៅតាមផ្លូវភ្លាមៗបន្ទាប់ពីហេតុការណ៍។ ជនរងគ្រោះចំនួន ១១នាក់ រួមទាំងបុគ្គលិក​អង្គការ​ពីរនាក់ ត្រូវបានបញ្ជូនទៅមន្ទីរពេទ្យ ក្នុង​នោះ​មានមនសុ្ស​៥​នាក់ស្ថិតក្នុងស្ថានភាពធ្ងន់ធ្ងរ។ អាជ្ញាធរ​មិន​បានបង្ហាញ​ពី​មូលហេតុនាំឲ្យមានការវាយប្រហារដ៏រន្ធត់នេះ​ទេ ប៉ុន្តែ​បាន​បញ្ជាក់​ថា ការ​វាយ​ប្រហារ​នេះ​មិន​បាន​កំណត់​គោលដៅ​ជាក់លាក់​លើ​ជន​អនាថា​នោះ​ទេ។

មុនហេតុការណ៍​ដ៏​អាក្រក់​នេះ Williams បានធ្វើដំណើរពីទីក្រុងPortlandមកដល់ទីក្រុង Salem កាលពីមួយថ្ងៃមុន ហើយបានទៅលេងកន្លែង​​កើត​ហេតុ​ដែល​គាត់​ធ្លាប់​ស្នាក់នៅពីមុន និងបានបង្កហេតុនេះឡើងមក។ បុគ្គលិក និងមន្ត្រីមូលដ្ឋានបានសម្តែងការតក់ស្លុត និងសោកសៅ ដោយការពិភាក្សាកំពុងដំណើរការដើម្បីកែលម្អវិធានការសុវត្ថិភាព ខណៈហេតុការណ៍នេះក្លាយជាហេតុការណ៍ដ៏ឃោរឃៅបំផុតមួយនៅក្នុងប្រវត្តិសាស្ត្ររបស់ទីជម្រកសម្រាប់ជន​អនាថា៕

អត្ថបទ៖ ប៊ុន សុភាព

The post មនុស្ស១២នាក់រងរបួសក្នុងហេតុការណ៍ចាក់សម្លាប់នៅ​អង្គការ​ទី​ជម្រក​ជន​អនាថា​រដ្ឋ Oregon appeared first on Kampuchea Thmey Daily.

ការវាយប្រហារនេះបានកើតឡើងនៅសាលាឯកជន Notre-Dame-de-Toutes-Aides ក្នុងទីក្រុង Nantes កាលពីរសៀលថ្ងៃព្រហស្បតិ៍បណ្ដាលឲ្យ​ក្មេងស្រី​សិស្សសាលាអាយុ១៥ឆ្នាំម្នាក់ស្លាប់និង៣នាក់ទៀតបានរងរបួស ត្រូវ​បញ្ជូនទៅមន្ទីពេទ្យ។

ហេតុការណ៍នេះបានធ្វើឲ្យសិស្សជាច្រើនភ័យស្លន់ស្លោ ដោយខ្លះត្រូវបានេជម្លៀសចេញ។ ចំពោះសិស្សវិទ្យាល័យដែលជាជនបង្កត្រូវបានគ្រូបង្រៀនឃាត់ខ្លួននៅកន្លែង​កើត​ហេតុ​ ប្រគល់ឲ្យប៉ូលិស ខណៈ​ឈ្មោះ​របស់ជនសង្ស័យមិនត្រូវបានបញ្ចេញជា​សាធារណៈ​នោះទេ។

គួរបញ្ជាក់ថាសាលានេះមានសិស្សប្រហែល ២០០០ នាក់ និងអប់រំសិស្សចាប់ពីថ្នាក់មត្តេយ្យរហូតដល់វិទ្យាល័យ។
ការវាយប្រហារដ៏សាហាវបែបនេះគឺកម្រមានណាស់នៅក្នុងសាលាបារាំង ខណៈមូលហេតុដែលនាំឲ្យមានការចាក់សម្លាប់នេះមិនត្រូវបានដឹងនៅឡើយនោះទេ។

ពាក់ព័ន្ធនឹងបញ្ហានេះប្រធានាធិបតីបារាំងលោក Emmanuel Macron បានបញ្ជាក់អំពីការស្លាប់ និងរបួសនៅលើX ហើយបានសរសើរគ្រូបង្រៀនដែលបានធ្វើអន្តរាគមន៍នៅកន្លែងកើតហេតុផងដែរ។

ជាមួយគ្នានេះនាយករដ្ឋមន្រ្តីបារាំងលោក Francois Bayrou បានបញ្ជាឱ្យរឹតបន្តឹងសន្តិសុខនៅខាងក្រៅ និងខាងក្នុងសាលារៀនទូទាំងប្រទេស ក្នុងរយៈពេល ៤ សប្តាហ៍ដើម្បីទប់ស្កាត់ និងដាក់ទណ្ឌកម្មលើអំពើហិង្សាដោយកាំបិតពីក្មេងជំទង់ និងកុមារ៕

អត្ថបទ៖ ប៊ុន សុភាព

The post សិស្សវិទ្យាល័យចាក់សម្លាប់សិស្សគ្នាឯងនៅបារាំង appeared first on Kampuchea Thmey Daily.

ករណី​ចាក់​សម្លាប់​នេះ​បង្ក​ឲ្យ​មាន​ការ​ភ្ញាក់ផ្អើល​កាលពី​វេលា​ម៉ោង ០៩ និង ៣០ នាទី​ព្រឹក ថ្ងៃ​ទី ១៨ ខែ​មីនា ឆ្នាំ ២០២៥ នៅ​ចំណុច​ផ្ទះ​ម៉ាស្សា​យីហោ «គេ​ណេស» តាម​បណ្ដោយ​ផ្លូវ​លេខ ៤២០ សង្កាត់​បឹងត្របែក ខណ្ឌ​ចំការមន រាជធានី​ភ្នំពេញ។

សព​ជនរងគ្រោះ​មាន​ឈ្មោះ ពៅ ភេទ​ប្រុស អាយុ ៣៦ ឆ្នាំ ជនជាតិ​ខ្មែរ មុខរបរ​ជា​មេការ(ស្លាប់​ពេល​នៅ​មន្ទីរពេទ្យ)។ ចំណែក​ឯ​ជនសង្ស័យ​ភេទប្រុស មិន​ទាន់​ស្គាល់​អត្តសញ្ញាណ​នៅឡើយ​ទេ សមត្ថកិច្ច​កំពុង​ធ្វើការ​ស្រាវជ្រាវ។

តាម​ប្រភព​ព័ត៌មាន​ពី​ប្រជាពលរដ្ឋ​បាន​ប្រាប់​ឲ្យ​ដឹង​ថា មុន​កើតហេតុ កាលពី​វេលា​ម៉ោង ០៩ យប់ ថ្ងៃ​ទី ១៦ ខែ​មីនា ឆ្នាំ ២០២៥ បុរស​រងគ្រោះ​បាន​ហៅ​ជនសង្ស័យ​មក​ជួប ដើម្បី​និយាយ​ពី​រឿង​ការងារ និង​ប្រាប់​ទៅកាន់​ជនសង្ស័យ​ថា «គាត់​ឈប់​ឲ្យ​នៅ​ធ្វើការ​ទៀតហើយ ដោយសារ​តែ​ជនសង្ស័យ​មាន​ដៃ​មាន​ជើង​លួច​អីវ៉ាន់»។ ខណៈ​នោះ ជនសង្ស័យ​បាន​សុំ​អង្វរ​ទៅកាន់​ជនរងគ្រោះ ប៉ុន្តែ​ជនរងគ្រោះ​មិន​ព្រមឲ្យ​នៅ​បន្ត ក៏​កើត​មាន​ការ​ទាស់​សម្តី​គ្នា រហូត​ឈាន​ដល់​ជនសង្ស័យ​យក​កូនកាំបិត​ចិត​ផ្លែ​ឈើ​ចាក់​ទៅ​លើ​បុរស​រងគ្រោះ​ជាច្រើន​កាំបិត បណ្តាល​ឲ្យ​រង​របួស​ធ្ងន់។ ស្រប​ពេលនោះ ឆ្លៀត​ឱកាស​ល្អ ជនសង្ស័យ​បាន​លួច​យក​ទូរស័ព្ទ​ដៃ​ចំនួន ០១ គ្រឿង និង​ជំរិត​បង្ខំ​បុរស​រង​គ្រោះ​ឲ្យ​ប្រាប់​លេខ​កូដ​ធនាគារ ហើយក៏​រត់​គេច​ខ្លួន​បាត់​ស្រមោល។ ភ្លាមៗ បង្ក​ឲ្យ​មាន​ការ​ឆោឡោ​ផ្អើល​បុគ្គលិក​ដូចគ្នា​ទាក់ទង​ហៅ​រថយន្ត​សង្គ្រោះ​បញ្ជូន​ទៅកាន់​មន្ទីរពេទ្យ ប៉ុន្តែ​ជា​អកុសល​បុរស​រងគ្រោះ​បាន​ស្លាប់​បាត់បង់​ជីវិត​នៅ​មន្ទីរពេទ្យ​កាលពី​ម្សិលមិញ​នេះ​បាត់​ទៅ​ហើយ។

បច្ចុប្បន្ន​សព​ជនរងគ្រោះ​ត្រូវ​បាន​សមត្ថកិច្ច​ធ្វើ​កោសល្យវិច័យ រួច​តម្កល់​នៅ​មន្ទីរពេទ្យ​រុស្សី រង់ចាំ​ប្រគល់​ជូន​ក្រុម​គ្រួសារ​យក​ទៅ​ធ្វើបុណ្យ៕

អត្ថបទ ៖ រដ្ឋា

The post សុំអង្វរនៅធ្វើការបន្តមិនបាន ទាស់សម្ដីគ្នា ឈានដល់ចាក់សម្លាប់ ប្លន់យកទូរស័ព្ទ និងបង្ខំជនរងគ្រោះប្រាប់លេខកូដធនាគារ appeared first on Kampuchea Thmey Daily.

ជនសង្ស័យអាយុ៤២ឆ្នាំ ភេទប្រុស ឈ្មោះ Kenichi Takano បាន​ចាក់សម្លាប់នារីវ័យក្មេងឈ្មោះ Airi Sato អាយុ ២២ឆ្នាំកាលពីព្រឹកថ្ងៃអង្គារ ខណៈពេលដែលនាងកំពុងដើរតែម្នាក់ឯងនៅក្នុងតំបន់លំនៅដ្ឋាននៃ Shinjuku ដែលផ្លូវដ៏មមាញឹកបំផុតមួយរបស់ទីក្រុងតូក្យូ។ នាងបានរងរបួសត្រង់កនិងត្រង់ដើម​ទ្រូងនិងបានស្លាប់ពេលបញ្ជូនទៅដល់មន្ទីពេទ្យ។

ជនបង្ក Takano បានប្រាប់ប៉ូលិសថា គាត់បានយកប្រាក់សន្សំរបស់គាត់ទៅឱ្យជនរងគ្រោះខ្ចីរាប់លានយ៉េន តែជនរងគ្រោះ​មិនព្រម​សងត្រឡប់មកវិញ។ គាត់បានប្រាប់ប៉ូលិសថា គាត់«មិនអាចទទួលយកបានទេ ដែលនាងរកលុយពីការ​ឡាយ​ស្រ្ទីម ខណៈពេលដែលជំពាក់លុយខ្ញុំ»។

យោងតាមការសារភាពរបស់ Takano បាននិយាយថាគាត់បានទិញកាំបិតដើរព្រៃ(survival knife) សម្រាប់ធ្វើឃាតនេះពី ២ ទៅ ៣ ខែមុន ហើយបានយកវាពីផ្ទះរបស់គាត់នៅទីក្រុង Oyama ខេត្ត Tochigi ទៅកាន់ស្រុក Takadanobaba នៅជិតទីក្រុងតូក្យូ។ គាត់​បាន​តាម​ដាន​ទីតាំង​របស់ Sato តាម​រយៈការឡាយរបស់នាង មុនឈានទៅដល់ការសម្លាប់នេះ។

យោងតាមប៉ូលីស Takano បានស្គាល់ Sato ជាលើកដំបូងតាមរយៈការឡាយរបស់នាងក្នុងខែកុម្ភៈឆ្នាំ២០២១។ នៅ​ខែ​សីហា ឆ្នាំ ២០២២ គាត់បានចាប់ផ្តើមទៅហូប​អាហារនៅកន្លែងដែលនាងធ្វើការញឹកញាប់ ហើយក្រោយមកនាងបានចាប់ផ្តើមខ្ចីប្រាក់របស់គាត់ ដោយអះអាងថា នាងកំពុងជួបការលំបាកក្នុងការចំណាយលើការរស់នៅ។

ក្រោយមក Takano បានប្តឹង Sato ក្នុងឆ្នាំ ២០២៣ ពីបទមិនសងប្រាក់វិញ ជាមួយនឹងឯកសារបង្ហាញថាគាត់បានឲ្យនាងខ្ចីប្រាក់សរុបចំនួន ២.៥៤ លានយ៉េន ស្មើនឹង៧០០០ដុល្លារ ក្នុងរយៈពេល១០ ដងចាប់ពីខែកញ្ញាដល់ខែវិច្ឆិកា ឆ្នាំ ២០២២។ សេចក្តីសម្រេចបានបង្គាប់ឱ្យនាងបង់ប្រាក់ចំនួន ២.៥ លានយ៉េនដល់ Takano វិញ។ ប៉ុន្តែនៅក្នុងខែមករាឆ្នាំ ២០២៤ គាត់បានរាយការណ៍ទៅប៉ូលិសនៅក្នុងខេត្ត Tochigi ថា Sato បានបាត់ខ្លួនបន្ទាប់ពីការសម្រេចនេះ៕

អត្ថបទ៖ ប៊ុន សុភាព

.

The post ខឹងជំពាក់​លុយមិនព្រម​សង ស្ត្រី​​ជប៉ុនម្នាក់​ត្រូវ​ម្ចាស់​លុយ​​ចាក់​ជាង​៣០កាំបិត ពេល​កំពុង​Live appeared first on Kampuchea Thmey Daily.

អ្នកស្លាប់ស្ថិតក្នុង​ចំណោមអ្នករងរបួសធ្ងន់ធ្ងរ ហើយ​​ក្រោយមក​​ប៉ូលិសបាន​បញ្ជាក់​ថា​ អ្នក​ទាំង​ពីរ​បាន​ស្លាប់​។ ការវាយប្រហារនេះបានកើតឡើងនៅក្នុងទីក្រុង Hradec Kralove ចម្ងាយប្រហែល១០០គីឡូម៉ែត្រភាគខាងកើតទីក្រុង Prague ​ប៉ុន្តែ​សមត្ថកិច្ច​​មិន​ទាន់​លាត​ត្រដាង​​អំពីមូលហេតុនោះទេ​។​

ប៉ូលិសបានឲ្យដឹងថា ការវាយប្រហារនេះមិនមែនជាការវាយប្រហារភេរវកម្មនោះទេ ហើយអ្នកវាយប្រហារទំនងជាវាយប្រហារជនរងគ្រោះដោយចៃដន្យ ខណៈជនរងគ្រោះមិនត្រូវបានស្គាល់អត្តសញ្ញាណភ្លាមៗនោះទេ។

បន្ទាប់ពីកើតហេតុប៉ូលិសបានឃាត់ខ្លួនក្មេងប្រុសជនជាតិឆេកអាយុ ១៦ ឆ្នាំប្រហែល ១ គីឡូម៉ែត្រ ពីកន្លែងកើតហេតុភ្លាមៗបន្ទាប់ពីការវាយប្រហារ។ កាំបិតមួយក៏ត្រូវបានគេរកឃើញនៅក្បែរនោះ ខណៈព័ត៌មានលម្អិតអំពីហេតុការណ៍មិនត្រូវបានដឹងនៅឡើយនោះទេ

នាយករដ្ឋមន្ត្រីលោក Petr Fiala ក៏បានបង្ហោះនៅលើXចូលរួមរំលែកទុក្ខដល់សាច់ញាតិសពផងដែរ។

ប៉ូលិសកំពុងធ្វើការស៉ើបអង្គេតលើករណីនេះនៅឡើយ។ មកដល់ពេលនេះស្ថានការណ៍ស្ថិតក្រោមការគ្រប់គ្រង គ្មានគ្រោះថ្នាក់ដល់សាធារណជន ហើយសន្តិសុខនៅក្នុងទីក្រុងមិនត្រូវបានពង្រឹងនោះទេ៕

អត្ថបទ៖ ប៊ុន សុភាព

The post ​ប៉ូលិស​ឆេក​ច្រាន​ចោលការវាយប្រហារ​ក្នុងសាលា​រៀន​​ជាអំពើភេរវកម្ម appeared first on Kampuchea Thmey Daily.

បន្ទាប់ពីមានការជូនដំណឹងថាក្មេងស្រីបានបាត់ខ្លួន ប៉ូលិសបានរកឃើញក្មេងស្រីនិងគ្រូបង្រៀនមានរបួសស្នាមនៅជាន់ទីពីរនៃអគារសាលាបឋមសិក្សាមួយក្នុងទីក្រុង Daejeon ចម្ងាយ១៦០គីឡូម៉ែត្រភាគខាងត្បូងទីក្រុងសេអ៊ូលនៅម៉ោងប្រហែល៦ល្ងាច។

ក្រុម​គ្រួសារ​របស់​នាង​បាន​និយាយ​ថា ក្មេងស្រី​បាន​រង​របួស​យ៉ាង​ធ្ងន់ធ្ងរ​ដោយ​មាន​ស្នាម​ចាក់​ច្រើន​កន្លែង​នៅ​ផ្នែក​ម្ខាង​នៃ​ដង​ខ្លួន​របស់​នាង​ពេល​ប៉ូលិស​រក​ឃើញ។ ក្មេងស្រីត្រូវបានក្រុមអ្នកជួយសង្គ្រោះដឹកទៅមន្ទីរពេទ្យក្នុងស្ថានភាពសន្លប់ ប៉ុន្តែក្រោយមកនាងបានស្លាប់។ ចំណែកគ្រូ​ដែល​ត្រូវ​បាន​គេ​ប្រទះ​ឃើញ​នៅ​ក្បែរ​នោះ មាន​ស្នាម​របួស​ត្រង់​ក និង​ដៃ និងត្រូវ​បាន​គេ​រាយការណ៍​ថានៅ​ដឹង​ខ្លួននិងមិនមានគ្រោះថ្នាក់ដល់ជីវិត​ទេ​​។

ប៉ូលិស​បាន​និយាយ​ថា គ្រូ​បាន​សារភាព​​​ទទួលស្គាល់​ការ​ប្រព្រឹត្ត​បទ​ល្មើស​នោះ​​នៅ​ម៉ោង​ប្រហែល៩យប់ ហើយ​បើកការស៊ើបអង្កេតដោយដាក់ឈ្មោះនាងជាជនសង្ស័យសំខាន់។ ប៉ូលិសក៏បានឲ្យដឹងដែរថា គ្រូបង្រៀនរូបនេះ ទំនងជាបាន​យក​កាំបិតចាក់ខ្លួនឯង បណ្ដាលឲ្យមាន​របួសស្នាម និង​កំពុងត្រូវបានវះកាត់។ ប៉ូលិសគ្រោងនឹងស៊ើបអង្កេតពីមូលហេតុពិតប្រាកដនិងកាលៈទេសៈនៃឧក្រិដ្ឋកម្ម នៅពេលដែលការវះកាត់បញ្ចប់។

គួរបញ្ជាក់ថា មុនពេលកើត​ហេតុ​ក្មេងស្រីនេះស្នាក់នៅក្នុងសាលាដែលផ្តល់សេវាថែទាំ​ដល់​សិស្ស បន្ទាប់ពីបញ្ចប់​ម៉ោង​​រៀន​ធម្មតា មុនពេលនាងត្រូវទៅរៀនថ្នាក់សិល្បៈនៅសាលាឯកជននៅម៉ោង ៤:៤០រសៀល។ ឪពុកម្តាយរបស់នាងត្រូវបាន​ជូនដំណឹងដោយសាលាសិល្បៈឯកជនថា ក្មេងស្រីមិនបានមករៀន និងរាយការណ៍ថា នាងបាត់ខ្លួននៅម៉ោងប្រហែល ៥:១៨​ល្ងាច។

ចំំណែកសាលា​របស់​ក្មេងស្រីក៏​បាន​រាយការណ៍​ទៅ​ប៉ូលិស​នៅ​ម៉ោង៥ និង៥០នាទី​ល្ងាច ថាមាននរណាម្នាក់ជាប់នៅក្នុងបន្ទប់នៅជាន់ទីពីរនៃអគារសាលា។ ប៉ូលិស​ត្រូវ​បាន​បញ្ជូន​ទៅ​សាលា និង​បាន​រក​ឃើញពួកគេ។

ពាក់ព័ន្ធករណីនេះ ប៉ូលិស​បាន​រកឃើញថា គ្រូបង្រៀននេះជាគ្រូបង្រៀនពេញម៉ោងធ្លាប់បានឈប់សម្រាកពីការងារដោយសារជំងឺបាក់ទឹកចិត្ត ហើយបានត្រឡប់មកបង្រៀននៅសាលាវិញកាលពីចុងឆ្នាំមុន៕

អត្ថបទ៖ ប៊ុន សុភាព

The post ​អ្នក​គ្រូ​មាន​ប្រវត្តិ​បាក់ទឹកចិត្ត​​ចាក់​សម្លាប់សិស្ស​​​កុមារី​អាយុ​​ទើប​៨​ឆ្នាំ​​​​នៅ​កូរ៉េខាងត្បូង​ appeared first on Kampuchea Thmey Daily.

ប៉ូលិស​មូលដ្ឋាន​បាន​ជនសង្ស័យ​អាយុ​១៨​ឆ្នាំភេទប្រុស ជា​សិស្ស​សាលាកីឡា។ បន្ទាប់ពីកើតហេតុ ជនសង្ស័យបានកំុឲ្យគេទៅជិតគាត់។ យ៉ាង​ណា​មិញគាត់​ត្រូវ​បាន​ចាប់​ខ្លួន​មួយ​រយៈ​ក្រោយ​មក។ ក្មេង​រង​គ្រោះ​ជា​សិស្ស​២​នាក់ និង​គ្រូ​ម្នាក់។

ការវាយប្រហារនេះបានកើតឡើងនៅ Spisska Stara Ves ដែលជាភូមិមួយដែលមានប្រជាជនចំនួន ២០០នាក់នៅជិតព្រំដែនប្រទេសប៉ូឡូញប្រហែល ៣៨០ គីឡូម៉ែត្រ ភាគខាងជើងឆៀងខាងកើតនៃរដ្ឋធានី Bratislava នៅម៉ោងប្រហែល ១៣:០០ ម៉ោងក្នុងស្រុក។

រដ្ឋមន្ត្រីក្រសួងអប់រំ និងរដ្ឋមន្ត្រីក្រសួងមហាផ្ទៃ បានធ្វើដំណើរទៅកាន់កន្លែងកើតហេតុ ហើយលោកនាយករដ្ឋមន្ដ្រី Robert Fico ក៏បានចូលរួមរំលែកទុក្ខដល់ក្រុមគ្រួសារជនរងគ្រោះដែលបាត់បង់ជីវិតផងដែរ។

បន្ទាប់ពីហេតុការណ៍នេះក្រុមសិស្សមួយចំនួនបានរិះគន់ថាសាលារៀនជាកន្លែងអបរំ​ តែវាបានក្លាយទៅជាកន្លែងផ្ទុះអមពើហិង្សាបង្កគ្រោះថ្នាក់ទៅវិញ៕

អត្ថបទ៖ ប៊ុន សុភាព

The post ការ​វាយ​ប្រហារ​ដោយ​កាំបិត​នៅ​ក្នុងសាលា​រៀនបណ្តាល​ឱ្យ​ស្ត្រី​ពីរ​នាក់​ស្លាប់​នៅ​ស្លូវ៉ាគី​ appeared first on Kampuchea Thmey Daily.