ខណៈដែលកំពុងផ្ទុះការចាប់អារម្មណ៍លើចម្រៀងថ្មីៗរបស់តារាល្បីឈ្មោះមួយចំនួន ទាក់ទងនឹងការលាយបញ្ចូលដោយឧបករណ៍បុរាណខ្មែរ “ចាបុីវែងដងវែង” តាមរយៈសារនេះ លោកចង់បញ្ជាក់ថា បទថ្មីរបស់លោកដែលមានចំណងជើងថា «សារិកាលោមចិត្ត» តាក់តែងនិពន្ធឱ្យចេញជារូបរាងឡើង ពុំមែនជាការជោតាមគ្នានោះទេ។

តួយ៉ាង មួយបទនេះ លោកបានចេញ Teaser តាំងពីថ្ងៃទី២១ វិច្ឆិកា ហើយក៏ចេញ Full MV ជាផ្លូវការនៅថ្ងៃទី២៥ វិច្ឆិកា ឆ្នាំ២០២៤ ពោលគឺតាំងពីមុនពេលដែលតារាចម្រៀងដទៃទៀត មិនទាន់បញ្ចេញចម្រៀងថ្មីរបស់ខ្លួនមកម្ល៉េះ។

គួរជម្រាបថា ក្នុងឱកាសអបអរខួបលើកទី៨ នៃការដាក់បញ្ចូលចាបុីដងវែង ក្នុងបញ្ជីបេតិកភណ្ឌអរូបីនៃមនុស្សជាតិ របស់អង្ការយូណេស្កូ តារាចម្រៀងមួយចំនួនបានបញ្ចេញ MV ចម្រៀងថ្មីរបស់ខ្លួន ដែលសុទ្ធសឹងតែមានការលាយបញ្ចូលដោយឧបករណ៍ភ្លេចបុរាណខ្មែរមួយនេះ ដែលរួមមាន នេន ទុំ; ខេម និងលោក ព្រាប សុវត្ថិ។ ខណៈចម្រៀងទាំង ៣បទនេះ សុទ្ធតែមានអត្ថន័យនៃការលួងលោមស្នេហា ព្រមទាំងចំណុចពិសេសរៀងខ្លួន និងទទួលបានការគាំទ្រផងដែរ៕

The post បទចម្រៀងភ្ជាប់នឹងចាបុីដងវែង! នេន ទុំ ថា មិនមែនជោតាមគ្នាទេ គេហៅថាតាម Trad appeared first on Kampuchea Thmey Daily.

ចំណែកតារាចម្រៀងសំឡេងស្អកលោក ខេម ក៏មិនខុសគ្នាពីប្រជាជនខ្មែរទូទៅដែរដោយលោកបានចេញសារចូលរួមអបអរសាទរខួបលើកទី៨ដែលចាប៉ីដងវែង ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ។ លោកថាចាប៉ីដងវែងរបស់កម្ពុជា ត្រូវបានដាក់បញ្ចូលក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូនៅទីក្រុងអាឌីសអាបាបា ប្រទេសអេត្យូពី កាលពីថ្ងៃទី៣០ ខែវិច្ឆិកា ឆ្នាំ២០១៦ ។

តារាចម្រៀង ខេម លើកឡើងថា ចាប៉ីដងវែង គឺជាឧបករណ៍តន្ត្រីវ័យចំណាស់មួយរបស់កម្ពុជា ដែលជាឧបករណ៍ដែលមានឆ្លាក់នៅជញ្ជាំងប្រាសាទអង្គរវត្តផងដែរ។ ចាប៉ីអាចលេងបានមានអមជាមួយបទចម្រៀង ព្រមទាំងអាចច្នៃប្រឌិត និងបង្កើតបទថ្មីៗដោយខ្លួនឯងទៀតផង។ បទចម្រៀងចាប៉ីជាទូទៅរៀបរាប់អំពីរឿងបុរាណ ឬរឿងអប់រំខ្លីៗ ដល់ប្រជាជនពីគុណធម៌ និងវប្បធម៌ជាដើម។

ជាមួយគ្នានោះលោក ខេម បានបញ្ចេញបទចម្រៀងរបស់ខ្លួនមួយបទផងដែរ ដើម្បីជាការចូលរួមអបអរសាទរខួប ៨ឆ្នាំនៃការដាក់បញ្ចូលចាប៉ីដងវែង ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គកាយូណេស្កូ។ ដោយឡែកក៏មានការលើកឡើងដែរថា ក្នុងនាមជាពលរដ្ឋខ្មែរ សូមបងប្អូនទាំងអស់ចូលរួមអបអរសាទរនិងបង្ហាញមោទនភាពក្នុងនាមជាកូនខ្មែរដែលជាអ្នកបន្តវេននៃវប្បធម៌ដ៏ល្អឯកមួយនេះ៕ អត្ថបទ៖ ចាន់រ៉ា

The post ខេម ចេញសារអមដោយចម្រៀង អបអរខួបលើកទី៨ ចាប៉ីដងវែង ត្រូវបានចុះក្នុងបញ្ជីបេតិកភណ្ឌវប្បធម៌អរូបី appeared first on Kampuchea Thmey Daily.