សួស វីហ្សា ត្រូវបានក្រុមគ្រូពេទ្យចុះយកសំណាកម្តងទៀតដល់មុខផ្ទះ

Sokhom Khon — Tue, 20 Apr 2021 01:00:02 +0000

នៅរសៀលថ្ងៃទី១៩ ខែមេសា ឆ្នាំ២០២១នេះ ក្រុមគ្រូពេទ្យបានចុះទៅដល់ទីតាំងខាងមុខផ្ទះរបស់តារាចម្រៀងអ្នកនាង សួស វីហ្សា បង្កការភ្ញាក់ផ្អើល។ ប៉ុន្តែភ្លាមៗនោះនាងក៏បានចេញមុខបញ្ជាក់ប្រាក់ការពិតពីគោលបំណងដែលក្រុមគ្រូពេទ្យចុះទៅថ្ងៃនេះផងដែរ។

ដើម្បីស្រាយចម្ងល់មហាជន និងកុំឲ្យមានការភាន់ច្រឡំនោះតារាស្រី សួស វីហ្សា បានចេញមុខបញ្ជាក់ប្រាប់អ្នកជិតខាង និងអ្នកគាំទ្រថា សូមបងប្អូនកុំមានការភ័យខ្លាច ឬភ្ញាក់ផ្អើលខណៈឃើញក្រុមគ្រូពេទ្យចុះមកយកសំណាកម្តងទៀតដល់ផ្ទះនេះ គឺធ្វើឡើងតាមការណាត់រវាងនាងហើយក្រុមគ្រួពេទ្យប៉ុណ្ណោះ ពោលគឺពុំមាននណាម្នាក់ដែលជាសមាជិកនៅក្នុងក្រុមគ្រួសារកើតកូវីដឡើយ។

សួស វីហ្សា បានលើកឡើងថា ជាការពិតថ្ងៃនេះទី១៩ ខែមេសា ឆ្នាំ២០២១នេះ គឺក្រុមគ្រូពេទ្យបានចុះមកយកសំណាករបស់នាងម្តងទៀតជាលើកចុងក្រោយនៅផ្ទះរបស់នាងរួចរាល់ហើយ លទ្ធផលយ៉ាងណានោះ យើងនឹងរង់ចាំទាំងអស់គ្នា រយៈពេល៤ថ្ងៃបន្ទាប់ពីយកសំណាកនេះ សូមអរគុណ។

នាងបានបន្ថែមទៀតថា ចំពោះការចុះយកសំណាក់ជាលើកចុងក្រោយរបស់ក្រុមគ្រូពេទ្យនេះ គឺដើម្បីបានដឹងប្រាកដថា នាងពិតជាជាសះស្បើយ១០០ភាគរយពីកូវីដ-១៩ ឬយ៉ាងណាបន្ទាប់ពីព្យាបាលជាសះស្បើយហើយត្រូវបានអនុញ្ញាតឲ្យចេញមកផ្ទះវិញតែត្រូវបន្តធ្វើចត្តាឡីស័ក១៤ថ្ងៃទៀតដើម្បីតាមដានសុខភាព៕

អត្ថបទ ៖ ចាន់រ៉ា

The post សួស វីហ្សា ត្រូវបានក្រុមគ្រូពេទ្យចុះយកសំណាកម្តងទៀតដល់មុខផ្ទះ appeared first on Kampuchea Thmey Daily.

កុំភ្ញាក់ផ្អើល គ្រូពេទ្យចុះយកសំណាកលើកទី២នៅស្ទឹងមានជ័យ២ ក្នុងព្រឹត្តិការសហគមន៍២០កុម្ភៈ

Kang Tola — Thu, 25 Mar 2021 11:02:31 +0000

ភ្នំពេញ ៖ ក្រុមគ្រូពេទ្យនៃមន្ទីរពេទ្យបង្អែកខណ្ឌច្បារអំពៅ បានចុះយកសំណាកលើកទី២ពាក់ព័ន្ធនឹងព្រឹត្តិការថ្ងៃ២០កុម្ភៈ។

តាមប្រភពពីលោកសេង វ៉ាន់ថា ចៅរងទី១សង្កាត់ស្ទឹងមានជ័យទី២បានឲ្យដឹងថា នៅរសៀលថ្ងៃទី២៥ខែមីនានេះ ក្រុមគ្រូពេទ្យបង្អែកខណ្ឌច្បារអំពៅបានចុះទៅយកសំណាកមនុស្ស៣នាក់ក្នុងនោះស្ត្រីម្នាក់ស្ថិតក្នុងភូមិឫស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

លោកចៅរងទី១បន្តថា អ្នកពាក់ព័ន្ធទាំង៣នាក់ខាងលើនេះ បន្ទាប់ពីយកសំណាកលើកទី១គឺអវិជ្ជមាន។ ដូច្នេះរង់ចាំការយកសំណាកលើកទី២ទៅពិនិត្យជាបន្ត។

ក្នុងនោះលោកសេង វ៉ាន់ថា បានសំណូមពរដល់បងប្អូនដែលពាក់ព័ន្ធនឹងអ្នកជំងឺកូវីដ១៩នេះ សុំកុំចេញក្រៅផ្ទះ រហូតដល់បញ្ចប់ការធ្វើចត្តាឡីសក័រួចរាល់សិន។ ពិសេសសូមកុំភ្លេចនូវវិធានរបស់ក្រសួងសុខាភិបាលឲ្យសោះ៕

ដោយ ៖ នរា

The post កុំភ្ញាក់ផ្អើល គ្រូពេទ្យចុះយកសំណាកលើកទី២នៅស្ទឹងមានជ័យ២ ក្នុងព្រឹត្តិការសហគមន៍២០កុម្ភៈ appeared first on Kampuchea Thmey Daily.

ចុះយកសំណាក់ Archives - Kampuchea Thmey Daily

សួស វី​ហ្សា ត្រូវបានក្រុមគ្រូពេទ្យចុះយកសំណាកម្តងទៀត​ដល់​មុខផ្ទះ​

កុំ​ភ្ញាក់ផ្អើល គ្រូពេទ្យ​ចុះ​យក​សំណាក​លើក​ទី​២​នៅ​ស្ទឹងមានជ័យ​២​ ក្នុង​ព្រឹត្តិការ​សហគមន៍​២០​កុ​ម្ភៈ

សួស វីហ្សា ត្រូវបានក្រុមគ្រូពេទ្យចុះយកសំណាកម្តងទៀតដល់មុខផ្ទះ

កុំភ្ញាក់ផ្អើល គ្រូពេទ្យចុះយកសំណាកលើកទី២នៅស្ទឹងមានជ័យ២ ក្នុងព្រឹត្តិការសហគមន៍២០កុម្ភៈ