តារាសម្ដែងជើងចាស់អ្នកស្រី ច័ន្ទ តារាទី ថ្មីៗនេះបានធ្វើឱ្យប្រើប្រាស់បណ្ដាញសង្គមមានការចាប់អារម្មណ៍ និងភ្ញាក់ផ្អើលជាខ្លាំង ព្រោះតែកាលពីថ្ងៃទី ៥ ខែមករា ឆ្នាំ២០២៦ អ្នកស្រីបានបង្ហោះសារជូនធៀបការអញ្ជើញលោកជំទាវចិត្តធម៌ ហ៊ុន ស៊ីណាត ចូលរួមមង្គលការរបស់អ្នកស្រី។

ទន្ទឹមគ្នានេះដែរក៏មានការចូលរួមអបអរសាទរពេលឃើញអ្នកស្រីដើរចែកធៀបការ និងគិតថា ប្រាកដជាបញ្ចប់ជីវិតមេម៉ាយត្រឹមឆ្នាំ២០២៦នេះ ប៉ុន្តែការពិតជាមង្គលការកូនប្រុសពោលគឺពុំមែនអ្នកស្រី រៀបការប្តីថ្មីទេ។

អ្នកស្រី ច័ន្ទ តារាទី បានបង្ហោះសំណេរភ្ជាប់រូបភាព១ សន្លឹកថា”ដោយមានការចាប់អារម្មណ៍ ចង់ឃើញមុខកូនកំលោះរបស់នាងខ្ញុំ ថ្ងៃនេះនាងខ្ញុំសុំបង្ហាញមុខកូ នកំលោះរបស់នាងខ្ញុំឱ្យបងប្អូនទាំងអស់គ្នាបានឃើ ញជួបគ្នាថ្ងៃទី១៧.ខែមករាឆ្នាំ២០២៦”។

តាមរយ:ការផ្តល់សម្ភាសន៍អ្នកស្រី ច័ន្ទ តារាទី បានប ញ្ជាក់ថា តាមពិតកម្មវិធីនោះជាមង្គលការកូនបុ្រសរប ស់អ្នកស្រីទេ ។មង្គលការកូនប្រុសរបស់អ្នកស្រី នៅថ្ងៃទី១៧ ខែមករា ឆ្នាំ២០២៦ ដោយពិធីជប់លៀងធំ នៅភោជនីយដ្ឋានទន្លេបាសាក់២(ក្បាលថ្នល់) ។ គួរកត់សម្គាល់ថាអ្នកស្រី ច័ន្ទ តារាទី បានប្រើជីវិតជាស្រ្ដីមេម៉ាយជាច្រើនឆ្នាំមកហើយក្រោយចែកផ្លូវជាមួយអតីតស្វាមីដោយបន្សល់ចំណងដៃកូន ៣នាក់ (ស្រី១ ប្រុស២)។ អ្នកស្រីតារាទីនៅតែបន្ដអាជីពភាពយន្ដសម្ដែងជាតួអង្គម្ដាយ និងលក់ផ្អកត្រីងៀតជាដើម ពោលគឺប្រើជីវិតយ៉ាងសាមញ្ញបំផុត៕ ដោយ ៖ ចាន់រ៉ា

The post ច័ន្ទ តារាទី បង្ហាញមុខកូនកំលោះពិត ក្រោយមានការយល់ច្រឡំថាអ្នកស្រីគ្រោងការគូថ្មី appeared first on Kampuchea Thmey Daily.

ទន្ទឹមគ្នាដែលកំពុងមានការវែកវែកលើរឿងខាងលើនេះ ស្រាប់តែកូនប្រុសអ្នកស្រី ច័ន្ទ តារាទី បានចេញមុខបកស្រាយជំនួសម្តាយ ខណ:រូបគេយល់ថានេះពុំមែនជារឿងដែលត្រូវយកមកវែកញែករិះគន់នោះទេ ព្រោះតាមគ្រួសារនីមួយៗសុទ្ធតែមានវិន័យខុសគ្នា។

នៅលើទំព័រហ្វេសប៊ុកឈ្មោះ Panharith Thorn បានសរសេររៀបរាប់ថា ថ្ងៃនេះ ផ្ទុះការវែកញែកពាក្យថា “ម៉ែ”  ដែលអ្នកម្តាយរបស់ខ្ញុំបានហាម និងមិនចង់ឲ្យអ្នកដទៃហៅគាត់ពាក្យនេះ ឥឡូវវនេះក្លាយជាប្រធានបទយ៉ាងក្តៅគគុក តាមពិតទៅមនុស្ស និងគ្រួសារនីមួយៗ មានវិន័យរៀងៗខ្លួន។

លោកបន្តថា ម្តាយលោកគ្រាន់តែចង់បញ្ជាក់ថា “បុគ្គលដែលអាចហៅគាត់ថា ម៉ែបានលុះត្រាតែជាកូនបង្កើតឬអ្នកដែលគាត់រាប់ទុកជាកូន។ តែបងប្អូនមួយ ចំនួនបែរជាយល់ខុស ទៅជាគិតថាគាត់ចាស់ហើយមិនចង់ចាស់បានឌឺដងថា “ចង់ឲ្យគេហៅអូនមែន? ពាក្យថា”ម៉ែ”នេះក្នុងសង្គមសម័យឥឡូវគឺវាមានន័យច្រើន ដូច្នេះហើយទើបគាត់មិនចង់ឲ្យបងប្អូនហៅគាត់ថាម៉ែ”។ 

កូនប្រុសតារាភាពយន្តអ្នកស្រី ច័ន្ទ តារាទី បន្តទៀតថា “គាត់មានបានហាមបងប្អូនមិនឲ្យហៅគាត់ថា បងស្រី អ្នកមីង អ៊ុំស្រី ឬលោកយាយឯណា? ពាក្យរបស់ខ្មែរយើង គឺមានគ្រប់គ្រាន់សម្រាប់ប្អូនយកទៅប្រើប្រាស់បានតាមកាលៈទេសៈគ្រាន់តែគាត់មិនចង់ឲ្យបងប្អូនហៅគាត់ថា ម៉ែ បែរជានិយាយថា គាត់គ្មានសីលធម៌ ព្រមទាំងប្រើពាក្យប្រមាថមាក់ងាយដល់គាត់ទាំងដែលរូបគាត់ជាវីរសិល្បករជើងចាស់មួយរូប”។

លោកនិយាយថា “សូមបន្ថែមមួយទៀតអំពីពាក្យ”អ្នកគ្រូ”គាត់មិនបានហាមបងប្អូនមិនឲ្យហៅគាត់ថា “អ្នកគ្រូ” នោះទេកាលដែលគាត់បានហាមមិនគួឲ្យហៅថា “អ្នកគ្រូ” នោះគឺគាត់ចង់សំដៅទៅលើការហៅទៅកាន់បុគ្គលដែលមិនធ្លាប់ឆ្លងកាត់សាលាសិល្បៈត្រឹមត្រូវ និងគ្មានបទពិសោធ។ បងប្អូន ពូ មីង ដែលធ្លាប់បានស្គាល់អ្នកម្តាយលោកប្រាកដជាដឹងហើយថា គាត់ជាមនុស្សបែបណា”។

លោកបានបន្ថែមថា គាត់គឺជាបុគ្គលម្នាក់ ដែលគ្មានរឿងអាស្រូវម្តងណាឡើយក្នុងសង្គមសិល្បៈ មានតែចូលរួមជួយសង្គមជាតិនិងសប្បុរសធម៌នានា។ ក្នុងនាមជាកូនប្រុសរបស់គាត់ខ្ញុំពិតជាមិនអាចទទួលយកបានទេនូវពាក្យដែលបងប្អូនមួយចំនួនបានប្រើមកលើគាត់បែបចំអកបែបនេះ”។ ចំណែកអ្នកស្រី ច័ន្ទ តារាទី បាននិយាយដោយខ្លីថា “គ្រាន់តែមិនឲ្យអ្ន កដទៃហៅខ្ញុំថាម៉ែតើខ្ញុំមានកំហុសដែរមែនទេ”៕ ចាន់រ៉ា

The post កូនប្រុសអ្នកស្រី ច័ន្ទ តារាទី បញ្ជាក់ន័យរឿងហៅ “ម៉ែ” និងសង្ឃឹមថាឈប់មានការរិះគន់ប្រមាថម្តាយខ្លួន appeared first on Kampuchea Thmey Daily.

ថ្វីត្បិតតែមានការសរសើរនិងយល់ឃើញថា តារាភាពយន្តជើងចាស់រូបនេះ ជាស្ត្រីរឹងមាំតស៊ូគ្រប់កាល:ទេស:ដើម្បីគ្រួសារនិងខ្លួនឯងក្តី ប៉ុន្តែអ្នកស្រី ច័ន្ទ តារាទី ទម្លាយទៅកាន់អ្នកគាំទ្រថា គ្មានអ្នកណាអាចដឹងពីទុក្ខលំបាករបស់គាត់ទេ ទោះបីពេលខ្លះមើលឃើញនូវភាពរឹងមាំក៏ដោយ។

អ្នកស្រី ច័ន្ទ តារាទី បាននិយាយពាក្យពេចន៍ខ្លីថា “ខ្ញុំហត់ ខ្ញុំឈឺ ខ្ញុំយំគ្មានអ្នកណាដឹងទេ គ្រប់គ្នាដឹងត្រឹមថាខ្ញុំជាមនុស្សស្រីរឹងមាំ” ។ តាមរយ:ខ្លឹមសារនេះ បានធ្វើឲ្យអ្នកគាំទ្រកាន់តែកោតសរសើរនឹងការខិតខំប្រឹងជំនះការលំបាក និងភាពនឿយហត់បំពេញតួនាទីក្នុងនាមជាម្តាយ និងជាមេគ្រួសារដ៏ល្អរហូតលោកជំទាវចិត្តធម៌ ហ៊ុន ស៊ីណាត បានលើកឡើងថា លោកជំទាវយល់ពីអារម្មណ៍មួយនេះ មនុស្សស្រីដែលរឹងមាំហើយឈរបានមកដល់ថ្ងៃនេះ ថែកូនបានល្អទៀត សុំ សរសើរដោយស្មោះហើយ”។

គួរជម្រាបថា អ្នកស្រី ច័ន្ទ តារាទី គឺតារាសម្តែងភាពយន្តជើងចាស់ល្បីឈ្មោះ និងមានភាពលេចធ្លោខ្លាំងលើវិថីសិល្បៈមួយរូប កាលអំឡុងទសវត្សរ៍ឆ្នាំ៨០ និង ៩០ រួមជំនាន់ជាមួយលោក សាវិន ហ្វីលីព, អ្នកនាង អម្ពរ ទេវី និងតារាសម្តែងលោក ទេព រិន្ទដារ៉ូ ដែលជាដៃគូសម្តែងដ៏ស័ក្តិសមបំផុតនាសម័យនោះ។ គិតរហូតមកទល់បច្ចុប្បន្ននេះ សម្រាប់តារាសម្ដែងជើងចាស់ ច័ន្ទ តារាទី បានប្រឡូកក្នុងវិស័យសិល្ប:រយ:ពេលប្រមាណជាជាង ៤៣ឆ្នាំមកហើយ ខណ:ទីផ្សារសម្តែងរបស់គាត់ នៅតែរក្សាបានដូចដើម៕ អត្ថបទ៖ ចាន់រ៉ា

The post រស់ជាស្រ្តីរឹងមាំ! តារាភាពយន្តជើងចាស់ ច័ន្ទ តារាទី ទម្លាយថា គ្មានអ្នកណាអាចដឹងពីទុក្ខលំបាកខ្លួនទេ appeared first on Kampuchea Thmey Daily.

ជាការ​ពិត​អ្នកស្រី ច័ន្ទ តារាទី គឺ​តារា​សម្តែង​ភាពយន្ត​ជើង​ចាស់​ល្បីឈ្មោះ និង​មាន​ភាព​លេច​ធ្លោ​ខ្លាំង​នៅ​លើវិថី​សិល្បៈ​នាអំឡុង​ក្នុង​ទសវត្សរ៍ឆ្នាំ៨០ និង ៩០ រួមជំនាន់​ជាមួយលោក សាវិន ហ្វីលីព, អម្ពរ ទេវី និង​តារា​សម្តែង​លោក ទេព រិន្ទដារ៉ូ ដែល​ជា​ដៃគូ​សម្តែង​ដ៏​សក្ដិសម​បំផុត​នាសម័យនោះ។

បើគិតរហូតមក​ទល់បច្ចុប្បន្ន​នេះ​សម្រាប់​តារា​សម្ដែង​ជើងចាស់ ច័ន្ទ តារាទី បាន​ប្រឡូក​ក្នុង​វិស័យ​សិល្បៈ​ មាន​រយៈ​ពេលជាង ៤៣ឆ្នាំ ហើយ ខណៈ​ដែល​ទីផ្សារ​សម្តែង​នៅតែ​រក្សាបាន​ការគាំទ្រ​ខ្ពស់មិនមាន​ការ​ចុះថមថយ​ឡើយ។

ដោយ​ឡែក​រឿង​ដែល​គេ​សរសើរ គឺតារាជើងចាស់រូបនេះ​ប្រកាន់​ភ្ជាប់​ទស្សនៈ​មិន​លើក​ដៃសុំ​ជំនួយ​ ទោះបីជួប​ការលំបាក​សម្រាប់​ជីវភាព​យ៉ាងណាក្តី។ តួយ៉ាង​លោក សាវិន ហ្វីលីព បាន​បង្ហាញ​ទស្សនៈ​ខ្លួន​​ទៅ​កាន់​មិត្តចាស់ថា “ខ្ញុំនៅតែ​សរសើរ ច័ន្ទ តារាទី ជា​តារាថ្លៃថ្នូរ មិនលើក​ដៃសុំលុយអ្នកណាទ្បើយ“។

តារា​សម្តែង​ជើង​ចាស់​ល្បី​ឈ្មោះ​អ្នក​ស្រី ច័ន្ទ តារាទី កាលពីថ្មីៗកន្លង​ទៅបានធ្វើឲ្យ​ទស្សនិកជន និង​អ្នក​គាំទ្រ​ភ្ញាក់​ផ្អើល​គ្រប់គ្នា ខណៈ​អ្នកស្រី​បាន​ប្រកាស​ហាក់​បង្ហាញ​តម្រុយ​ចង់ឈប់ពីអាជីពសិល្បៈ​ដែលខំសាង​ប្រជាប្រិយភាព​ប្រមាណ​ជាង ៤០ឆ្នាំកន្លងមកនេះ។

ប្រាកដ​ណាស់​អ្នកស្រី ច័ន្ទ តា រា​ទី ធ្លាប់​បាន​បង្ហាញ​បំណង​​ចង់​វិល​ត្រឡប់​ទៅ​រស់នៅ​ស្រុក​កំណើត​វិញ​បន្ទាប់​ពី​អ្នកស្រី​បាន​ប្រឡូក​ក្នុង​អាជីព​សិល្បៈ​យ៉ាង​ជោកជាំ​មានរយៈ​ពេលយូរឆ្នាំមកនេះ៕

អត្ថបទ៖ ចាន់រ៉ា

The post សាវិន ហ្វីលីព សរសើរអ្នកស្រី ច័ន្ទ តារាទី ថាជាតារាភាពយន្តថ្លៃថ្នូរ មិនលើកដៃសុំជំនួយអ្នកដទៃ appeared first on Kampuchea Thmey Daily.

តាមរយៈ​កិច្ច សម្ភាសន៍​​មួយ​កាល​ពី​ថ្មី​ៗ​កន្លង​មក​នេះ​តារា​ភាពយន្ត​ទសវត្សរ៍​ឆ្នាំ៨០-៩០ អ្នកស្រី ច័ន្ទ តារាទី បាន​រៀបរាប់​ទាំង​ហួស​ចិត្ត​ថា មនុស្ស​សម័យ​ឥឡូវ​គេ​រាប់​អាន​សុទ្ធ​មើល​បំណាំ​គ្នា​បើ​សិន​ឃើញ​នរណា​ម្នាក់​មាន​ជីវភាព​ធូរធារ​ហ៊ឺហា គឺ​មិន​ខ្វះ​ទេ​អ្នក​ទៅ​អែបអប ។ ម្យ៉ាង​ទៀត​បើ​មាន​កម្មវិធី​អ្វីមួយ​នោះ ក៏​មិន​ខ្វះ​អ្នក​ទៅ​ចូលរួម​ហែរហម​អម​ដំណើរ​ដែរ ប៉ុន្តែ​ប្រសិន​គ្នា​ជា​អ្នក​ខ្វះខាត​មិន​សូវ​មាន​គេ​រាប់​រក​ឡើយ។

ក្នុង​នោះ​អ្នកនាង ច័ន្ទ តារាទី បាន​និយាយ​ដោយ​លើក​ពីរឿង​ជាក់ស្តែង​របស់​តារា​រួម​ជំនាន់​លោក ពេជ្រ ភារុន ដែរ​ថា ថ្ងៃ​បុណ្យ​សព្វ​​គឺ​ពុំសូវ​មាន​តារា​សិល្បៈ​ណា​ទៅ​ចូលរួម​ច្រើន​ទេ​តែបើរឿង​អែបអប​ដើម្បើ​បាន​ផល​ប្រយោជន៍ ឬ​លាភសក្ការៈ​មក​វិញ​មិន​ចេះ​ខ្វះ​ទេ​នាំ​គ្នា​សម្រុក​ទៅ​តែ​ម្តង។

សូមបញ្ជាក់ថា តារា​សម្តែង​ជើង​ចាស់​អ្នកស្រី ច័ន្ទ តារា​ទី កាលពីថ្មីៗធ្លាប់បាន​បង្ហាញ​បំណង​ដ៏​គួរ​ឲ្យ​ ភ្ញាក់ ផ្អើល​មួយដោយ​អ្នកស្រី​ចង់​វិល​ត្រឡប់​ទៅ​រស់នៅ​ស្រុក​កំណើត​វិញ​បន្ទាប់​ពី​អ្នកស្រី​បាន​ប្រឡូក​ក្នុង​អាជីព​សិល្បៈ​យ៉ាង​ជោក​ជាំ​គឺ​មាន​រយៈ​ពេលយូឆ្នាំកន្លងទៅនេះ។

ជា​ការ​ពិត​ណាស់​អ្នកស្រី ច័ន្ទ តារាទី គឺ​តា​រា​សម្តែង​ភាពយន្ត​ជើងចាស់​ល្បីឈ្មោះ និង​មាន​ភាព​លេចធ្លោ​ខ្លាំង​លើ​វិថី​សិល្បៈ​នា​អំឡុង​ក្នុង​ទសវត្សរ៍​ឆ្នាំ​៨០ និង​​៩០ រួមជំនាន់​ជាមួយ​តារា​សម្តែង​លោក ទេព រិន្ទដារ៉ូ ដែល​ជា​ដៃ​គូ​សម្ដែង​ដ៏​ស័ក្ដិសម​បំផុត​នា​សម័យ​នោះ។ គិត​រហូត​មក​ទល់​បច្ចុប្បន្ន​នេះ​សម្រាប់​តារា​សម្ដែង​ជើង​ចាស់ ច័ន្ទ តារាទី បាន​ប្រឡូក​ក្នុង​វិស័យ​សិល្បៈ​មានរយៈ​ពេលជាង ៤៣ឆ្នាំ​ហើយ​ខណៈ​ទីផ្សារ​សម្ដែង​នៅ​​តែ​រក្សា​បាន​ការ​គាំទ្រ​ខ្ពស់​មិនមាន​​ការ​ចុះ​ថមថយ​ឡើយ៕

អត្ថបទ៖ ចាន់រ៉ា

The post តារាជើងចាស់ ច័ន្ទ តារាទី ហួសចិត្តអ្នកសិល្បៈសម័យនេះភាគច្រើនរាប់អានដើម្បីលាភសក្ការៈ appeared first on Kampuchea Thmey Daily.

ជា​ការ​ពិត​ណាស់​អ្នក​ស្រី ច័ន្ទ តារាទី គឺ​តារា​សម្តែង​ភាពយន្ត​ជើង​ចាស់​ល្បី​ឈ្មោះ និង មាន​ភាព​លេច​ធ្លោ ខ្លាំង​លើ​វិថី​សិល្បៈ​នា​អំឡុង​ក្នុង​ទសវត្សរ៍​ឆ្នាំ​ ៨០​ និង​៩០ រួម​ជំនាន់​ជា​​មួយ​តារា​​សម្តែង​លោក ទេព រិន្ទដារ៉ូ ដែល​ជា​ដៃ​គូ​សម្ដែង​ដ៏​​ស័ក្ដិសម​បំផុត​​នា​សម័យ​នោះ។ គិត​រហូត​មក​ទល់​​បច្ចុប្បន្ន​នេះ​សម្រាប់​តារា​​សម្ដែង​ជើ​​ងចាស់​ ច័ន្ទ តារាទី បាន​ប្រឡូក​ក្នុង​វិស័យ​សិល្បៈ​មាន​រយៈ​ពេល​ជាង ៤៣ឆ្នាំ​​​ហើយ​ ខណៈ​ទីផ្សារ​សម្ដែង​នៅ​តែ​រក្សា​បានការគាំទ្រ​ខ្ពស់​មិនមាន​ការ​ចុះ​ថមថយ​ឡើយ។

ដោយ​ឡែក​អ្វីដែល​មហាជនចាប់អារម្មណ៍ស្រាប់តែថ្មីៗមុននេះ តារាសម្តែង​អ្នកស្រីច័ន្ទ តារាទី បាន​បញ្ចេញ​រូបភាពប្រមាន ៣ឬ ៤សន្លឹក ភ្ជាប់ខ្លឹមសារថា “ប្រើជីវិតជាមួយសិល្បៈ អស់​រយៈ​ពេលជាង ៤៣ឆ្នាំ ចុង​ក្រោយ​ក៏វិលត្រលប់​មកស្រុកកំណើតវិញ ប្រើជីវិត​ជាកសិករ​ដូចដើម “។

យ៉ាង​ណាមិញ​គេក៏មិន​ទាន់ដឹង​ច្បាស់នៅឡើយទេ​ ថា​តើតារាជើង​ចាស់រូបនេះ​ពិត​ជាមានបំណង​ចង់បញ្ចប់​អាជីពសិល្បៈ​ ឬគ្រាន់តែជាការនិយាយលេងនោះទេ? ។ ប៉ុន្តែ​ក៏មាន​លើកឡើងដែរថាអ្នកស្រី ច័ន្ទ តារាទី អាច​ជាការ​និយាយលេង​តែប៉ុណ្ណោះ​ ព្រោះ​បច្ចុប្បន្ន​អាជីព និង​ទីផ្សា​សិល្បៈ​របស់អ្នកស្រី​នៅតែ​រក្សាបានការ​គាំទ្រ​ច្រើន​ពីទស្សនិកជន​ព្រមទាំង​បណ្តាផលិតករ​ផងដែរ៕

អត្ថបទ៖ ចាន់រ៉ា

The post តារាភាពយន្តជើងចាស់ ច័ន្ទ តារាទី បង្ហាញតម្រុយចង់បញ្ចប់អាជីពសិល្បៈខំសាងឡើងជាង ៤០ឆ្នាំ appeared first on Kampuchea Thmey Daily.

ដំណឹង​មរណទុក្ខ​ដ៏​ក្រៀមក្រំ និង​សោកសៅ​នេះ ត្រូវ​បាន​តារា​សម្តែង​អ្នកនាង ច័ន្ទ តារា​ទី បញ្ជាក់​ឲ្យ​ដឹង​នៅ​ព្រឹក​ថ្ងៃ​ទី ១៩ ខែ​តុលា ឆ្នាំ ២០២៣ ដោយ​ភាព​សោកសៅ​ថា «នាង​ខ្ញុំ មាន​ទុក្ខ​ជា​ទម្ងន់ ព្រោះ​បាន​បាត់បង់​ប្អូនប្រុស​ពៅ​នា​ព្រឹក​នេះ វេលា​ម៉ោង ៩ និង ១០ នាទី ថ្ងៃ​ទី ១៩ ខែ​តុលា ឆ្នាំ ២០២៣»។

តារា​សម្តែង​ជើងចាស់​រូប​នេះ បញ្ជាក់​ទៀត​ថា «សូម​ឲ្យ​វិញ្ញាណក្ខន្ធ​ប្អូនប្រុស​ពៅ បាន​ទៅកាន់​សុគតិភព ហើយ​បើ​មាន​ជាតិ​ក្រោយ សូម​ឲ្យ​បាន​ជួប​ជា​បងប្អូន​នឹង​គ្នា​ម្តង​ទៀត»។ ទោះ​យ៉ាង​ណា អ្នកនាង ច័ន្ទ តារា​ទី មិន​បាន​បញ្ជាក់​ទេ​ថា ប្អូនប្រុស​ពៅ​របស់​គាត់​ស្លាប់​ដោយសារ​ជំងឺ​អ្វី។

តាមរយៈ​ដំណឹង នៃ​មរណភាព​ប្អូនប្រុស​ពៅ​បង្កើត​របស់​តារា​សម្តែង​អ្នកនាង ច័ន្ទ តារា​ទី ខាង​លើ​នេះ គេ​ឃើញ​មាន​អ្នកគាំទ្រ ព្រមទាំង​សិល្បករ​សិល្ប​ការិនី​ជា​ច្រើន បាន​សម្តែង​ការ​ចូលរួម​សោកស្ដាយ និង​ផ្ញើ​សារ​ចូលរួម​រំលែក​មរណទុក្ខ​ដ៏​សោកសៅ​ជាមួយ​គ្រួសារ​សព​ផង​ដែរ៕

អត្ថបទ ៖ ចាន់រ៉ា

The post ចូលរួមរំលែកទុក្ខ ! តារាសម្តែង ច័ន្ទ តារាទី ជួបទុក្ខធំក្នុងគ្រួសារ appeared first on Kampuchea Thmey Daily.