លោកបណ្ឌិត យង់ ពៅ អះអាងនៅក្នុងវីដេអូដូច្នេះ ៖« ថ្ងៃនេះ ថ្ងៃអាទិត្យ រសៀលថ្ងៃអាទិត្យទី០៩ មិថុនា ២០២៤ ខ្ញុំបានមកដល់តំបន់ប្រាសាទព្រះវិហារ ហើយនេះគឺជាតំបន់ព្រំដែនដែលយើង(កម្ពុជា) បិទច្រក កាលពីមានទំនាស់កម្ពុជា-ថៃ នៅឆ្នាំ២០០៨ ហើយយើងបានបិទ ហើយថ្ងៃនេះគឺនៅតែបិទនៅឡើយទេ»។

តាមការអះអាងរបស់លោកបណ្ឌិត ការណ៍ដែលលោក ចុះទៅដល់ទីតាំង និងអធិប្បាយវីដេអូនៅមុខច្រកចូលប្រាសាទព្រះវិហារពីខាងថៃចូលមកកម្ពុជាដូច្នេះ គឺបន្ទាប់ពីមានការផ្សព្វផ្សាយបំផ្លើស បំភ្លៃលើបណ្ដាញទំនាក់ទំនងសង្គមថា មានការបើកច្រកចូលប្រាសាទព្រះវិហារពីខាងថៃចូលមកកម្ពុជា។​

គួររម្លឹកថា កាលពីឆ្នាំ២០២៣ និងនៅដើមឆ្នាំ២០២៤ ភាគីថៃធ្លាប់មានបំណងចង់ឱ្យបើកច្រកចូលប្រាសាទព្រះវិហារដែលបានចាក់សោរជាប់យ៉ាងជិត។ ប៉ុន្តែបំណងនេះ មិនបានក្លាយជាការពិតឡើយ។

ដោយឡែកតាមសម្ដីដែលលោក យង់ ពៅ អះអាងនៅក្នុងវីដេអូដដែល ក្នុងពេលលោកជួបជាមួយកងទ័ពកម្ពុជាដែលឈរជើងតាមបន្ទាត់ព្រំដែននៅតំបន់ប្រាសាទព្រះវិហារ កងទ័ពមិនចង់ឱ្យបើកច្រកចូលឡើយ ត្បិតថាមិនផ្ដល់ជាផលចំណេញអ្វីសម្រាប់កម្ពុជាឡើយ៕

សូមទស្សនាវីដេអូ​ដែល លោកបណ្ឌិត យង់ ពៅ អត្ថាធិប្បាយពីខាងមុខច្រកចូលប្រាសាទព្រះវិហារពីខាងប្រទេសថៃចូលមកកម្ពុជា ទាំងស្រុង៖

The post បណ្ឌិត យង់ ពៅ ៖ ត្រឹមថ្ងៃ៩ មិថុនា ២០២៤ គ្មានការបើកច្រកប្រាសាទព្រះវិហារពីខាងថៃចូលមកកម្ពុជាឡើយ appeared first on Kampuchea Thmey Daily.

លោក ហ្សង់ ហ្វ្រង់ស្វ័រតាន់ សង្កត់ធ្ងន់ដូច្នេះ “ ជាការពិតមុនទស្សនកិច្ចរបស់សម្ដេចធិបតី នៅថៃ មានមែនការលើកឡើងតាមរយៈសារព័ត៌មាន ការលើកឡើងពីសំណាក់ព្រឹទ្ធសមាជិក និងអ្នកតំណាងរាស្ត្រថៃមួយចំនួន ដែលចង់ឃើញនាយករដ្ឋមន្ត្រីថៃ ឯកឧត្ដម សេដ្ឋា ថាវីស៊ីន លើកមកពិភាក្សាជាមួយសម្ដេចធិបតី នូវលទ្ធភាពនៃការបើកច្រកព្រំដែនព្រះវិហារឡើងវិញ ប៉ុន្តែនៅថ្ងៃនេះ​ នៅបាងកក ការពិតជាក់ស្ដែង គឺខាងភាគីថៃមិនបានលើកមកពិភាក្សាទេ”។

គួរឱ្យដឹងថា កាលពីចុងខែមករាកន្លងទៅ សារព័ត៌មានរបស់ប្រទេសថៃបានចុះផ្សាយថា គណបក្សភឿថៃ បានជំរុញឱ្យនាយករដ្ឋមន្ត្រីថៃ លោក សេដ្ឋា ថាវីស៊ីន លើកយកបញ្ហាបើកច្រកចូលទស្សនាប្រាសាទព្រះវិហារឡើងវិញ ជជែកជាមួយសម្ដេចធិបតី ហ៊ុន ម៉ាណែត ក្នុងទស្សនកិច្ចផ្លូវការ។

ជាការកត់សម្គាល់ នេះមិនមែនជាលើកទីមួយ ឬទើបតែជាលើកទីពីរឡើយដែលថៃចង់ឱ្យមានការបើកច្រកចូលទស្សនាប្រាសាទព្រះវិហារនេះ ពោលគឺបញ្ហានេះ ស្ទើរតែរាប់ភ្លេចទៅភាគីថៃតែងតែចិញ្ចឹមចិត្តសុំឱ្យកម្ពុជាបើកច្រកចូលប្រាសាទព្រះវិហារតាមស្រុក Kantharalak របស់ខេត្តស៊ីសាកេត ត្រូវបានបិទ ចាប់តាំងពីឆ្នាំ២០០៨មក ក្រោយមានការប៉ះទង្គិចនៅព្រំដែនរវាងកងទ័ពថៃ។

ជាក់ស្ដែងកាលពីឆ្នាំមុន អភិបាលខេត្ត Ubon Ratchathani ក៏បានស្នើកម្ពុជាសុំអនុញ្ញាតឲ្យភ្ញៀវទេសចរចូលប្រាសាទព្រះវិហារ តាមច្រកចូលស៊ីសាកេតផងដែរ ប៉ុន្តែសំណើរនេះ​ មិនទទួលបានការយល់ព្រមពីសំណាក់ភាគីខ្មែរឡើយ៕

The post ថៃមិនបានជជែករឿងបើកច្រកចូលប្រាសាទព្រះវិហារជាមួយកម្ពុជាឡើយ appeared first on Kampuchea Thmey Daily.