លោកបន្ថែមទៀតក្រៅពីការដាក់ស្នើរឯកសារតាមប្រព័ន្ធអនឡាញ នោះទៀតសោត ប្រជាពលរដ្ឋអាចទទួលយកសេវា ដឹកជញ្ជូនឯកសារដែលបានស្នើមកច្រកចេញតែមួយរដ្ឋបាលរាជធានីភ្នំពេញ ដល់ខ្នងផ្ទះរបស់ពលរដ្ឋ ដោយក្នុងតម្លៃតែ៥ពាន់រៀលប៉ុណ្ណោះ។

ស្របទៅនឹងយុគ្គសម័យឌីជីថល រដ្ឋបាលរាជធានីភ្នំពេញ បាននឹងកំពុងយកចិត្តទុកដាក់ខ្ពស់លើការផ្តល់សេវាសាធារណៈតាមប្រព័ន្ធអនឡាញ លើវិស័យជាច្រើនជូនដល់ពលរដ្ឋ ដើម្បីបង្កលក្ខណៈកាន់តែងាយស្រួលនិងឆាប់រហ័ស។

ដោយអនុវត្តតាមគោលនយោបាយដឹកនាំ និង ចក្ខុវិស័យវែងឆ្ងាយរបស់ រាជរដ្ឋាភិបាលអាណត្តិទី៧នេះ រដ្ឋបាលរាជធានីភ្នំពេញ បាននឹងកំពុងធ្វើទំនើបបកម្មលើការបម្រើសេវាសាធារណៈជូនពលរដ្ឋតាមប្រព័ន្ធឌីជីថល ស្របទៅនឹងគន្លឹះអាទិភាព០១ក្នុងចំណោមគន្លឹះអាទិភាពទាំង០៥របស់រាជរដ្ឋាភិបាលគឺ«បច្ចេកវិទ្យា»។

ក្នុងនោះដែរពលរដ្ឋក៏បានសម្តែងនូវក្តីរីករាយចំពោះ ការផ្តល់សេវាប្រកបដោយភាពច្បាស់លាស់លឿនរហ័សពិសេសការទទួលសួរនាំព័ត៌មាននៃការបំពេញឯកសារ ដោយសុជីវធម៌ សីលធម៌ និង ភាពរ៉ាក់ទាក់ជាមួយពលរដ្ឋ ដោយមិនមានប្រកាន់និន្នាការ។

គួរបញ្ជាក់ថា៖ក្នុងរាជរដ្ឋាភិបាលអាណត្តិទី៧នេះសម្តេចធិបតីហ៊ុនម៉ាណែតនាយករដ្ឋមន្ត្រីតែងតែជម្រុញខ្ពស់ដល់មន្ត្រីនៅតាមថ្នាក់រដ្ឋបាលក្រោមជាតិឲ្យបង្កើនការយកចិត្តទុកដាក់ខ្ពស់លើការធ្វើសេវាជូនពលរដ្ឋដោយមិនត្រូវខ្ជះខ្ជាយក្នុងការផ្តល់ឯកសារដែលជាកត្តាធ្វើឲ្យពលរដ្ឋមានការថ្នាំងថ្នាក់ព្រោះតែការយឺតយ៉ាវលើការបំពេញការងាររបស់មន្ត្រីនោះឡើយ៕អត្ថបទ៖សុភា

The post រដ្ឋបាលរាជធានីភ្នំពេញ បន្តយកចិត្តទុកដាក់លើការផ្តល់សេវាសាធារណៈ តាមអនឡាញលើវិស័យជាច្រើនជូនពលរដ្ឋ appeared first on Kampuchea Thmey Daily.

តាមរបាយការណ៍រអគ្គនាយកដ្ឋានរដ្ឋបាល នៃក្រសួងមហាផ្ទៃ ដោយគិតចាប់ពីខែមករា ដល់ខែមេសា ឆ្នាំ២០២៦ អង្គភាពច្រកចេញចូលតែមួយរាជធានី-ខេត្ត បានផ្តល់សេវារដ្ឋបាលជូនប្រជាពលរដ្ឋសរុបចំនួន ២៧០.២៧៤សេវា ដោយទទួលបានចំណូលសរុបចំនួន ៤៨.៤៥៨.០៣៩.៤៣០រៀល ស្មើនឹង ១២.១១៤.៥០៩,៨៥ដុល្លារអាម៉េរិក។

របាយការណ៍ បានឱ្យដឹងថា ក្នុងចំណោមវិស័យទាំង១៤ប្រភេទសេវានោះ វិស័យផ្តល់ច្រើនជាងគេ គឺវិស័យរៀបចំដែនដី នគរូបនីយកម្ម និងសំណង់ មាន៨៨.៤៣៨សេវា បន្ទាប់មក គឺវិស័យសាធារណការ និងដឹកជញ្ជូន មាន៨៧.១៩៨សេវា ខណៈសេវាស្នើសុំតិចជាងគេ គឺវិស័យពាណិជ្ជកម្ម ផ្តល់បាន២សេវា។

របាយការណ៍ ក៏បានបញ្ជាក់ពីការពង្រីកការផ្ដល់សេវារបស់អង្គភាពច្រកចេញចូលតែមួយរាជធានី-ខេត្ត ដោយជំរុញការផ្តល់សេវារដ្ឋបាលតាមប្រព័ន្ធអនឡាញនៅតាមបណ្តាខេត្តគោលដៅចំនួន១២ រួមមាន វិស័យទេសចរណ៍ វប្បធម៌ និងវិចិត្រសិល្បៈ ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងវិស័យកសិកម្ម រុក្ខាប្រមាញ់ និងនេសាទ ដោយទទួលបានចំណូលសរុបចំនួន ៥៤.៤៥០.០០០រៀល។

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីពេលថ្មីៗនេះ បានប្រកាសដាក់ឱ្យអនុវត្តជាផ្លូវការនូវកម្មវិធីព័ត៌មានវិទ្យាសម្រាប់ទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញនៅគ្រប់អង្គភាពច្រកចេញចូលតែមួយនៃរដ្ឋបាលរាជធានី-ខេត្ត។ សេវានេះ ក៏អាចស្នើសុំតាមប្រតិបត្តិការជាមួយអេប(APP)គណនីធនាគារបានដែរ។

ការធ្វើទំនើបកម្មនេះ គឺសំដៅពង្រឹង និងលើកកម្ពស់គុណភាព ប្រសិទ្ធភាព នៃការផ្តល់សេវារដ្ឋបាលឱ្យកាន់តែកៀកជិតប្រជាពលរដ្ឋ ប្រកបដោយភាពងាយស្រួល ឆាប់រហ័ស តម្លាភាព និងគណនេយ្យភាព ស្របតាមគោលការណ៍បែបបទ និងនីតិវិធីនៃយន្តការច្រកចេញចូលតែមួយ។

លោក ស សុខា ចាត់ទុកការដាក់ឱ្យប្រើប្រាស់ប្រព័ន្ធអនឡាញនេះ ជាសមិទ្ធផលយុទ្ធសាស្ត្រថ្មីមួយទៀត ដើរតាមលំនាំថ្នាលឌីជីថលរបស់រាជរដ្ឋាភិបាល ក្នុងដំណើរការធ្វើកំណែទម្រង់រដ្ឋបាលសាធារណៈ ស្របតាមយុទ្ធសាស្ត្របញ្ចកោណ ជាពិសេសការប្រើប្រាស់បច្ចេកវិទ្យាឌីជីថល ដើម្បីឈានទៅសម្រេចបាននូវរដ្ឋាភិបាលឌីជីថលពេញលក្ខណៈ។

ជាការកត់សម្គាល់ ជោគជ័យនៃយន្តការច្រកចេញចូលតែមួយ និងការធ្វើទំនើបកម្មសេវាសាធារណតាមប្រព័ន្ធឌីជីថលនេះ បានក្លាយជាគំរូដ៏ទាក់ទាញសម្រាប់តំបន់ ដែលក្នុងនោះប្រទេសទីម័រឡេស្តេ បានកំពុងដកស្រង់បទពិសោធជាក់ស្តែងពីក្រសួងមហាផ្ទៃកម្ពុជា ដើម្បីយកទៅអនុវត្តក្នុងប្រទេសរបស់ខ្លួនឱ្យមានប្រសិទ្ធភាព៕

The post ច្រកចេញចូលតែមួយរាជធានីខេត្ត រកចំណូលបានខ្ទង់១២លានដុល្លារ ក្នុងពេល៤ខែឆ្នាំនេះ appeared first on Kampuchea Thmey Daily.

លោក ឃុត ប៊ុនធឿន ប្រធានអង្គភាពច្រកចេញចូលតែមួយរបស់រដ្ឋបាលខេត្តតាកែវ បានថ្លែងឱ្យដឹងថា ក្នុងរយៈពេលពេញមួយឆ្នាំ២០២៥ អង្គភាពច្រកចេញចូលតែមួយរបស់រដ្ឋបាលខេត្តតាកែវ រកចំណូលបានសរុបចំនួន​៥,២១៥,៨០៣,៧៥០រៀល ឬប្រមាណ១លាន៣សែនដុល្លារសហរដ្ឋអាមេរិក កើនឡើងចំនួន៧,១៤ភាគរយ។

លោកបញ្ជាក់ថា ចំណូលទាំងអស់នេះ បានមកពីសេវាលើវិស័យចំនួន១៤ ដែលបានធ្វើការបម្រើសេវាជូនប្រជាពលរដ្ឋបានចំនួន ៣០,២៣២សេវា កើនឡើងប្រមាណ៦,៣៩ ហើយចំណូលដែលទទួលបានច្រើនជាងគេ គឺទទួលបានពីវិស័យសូរិយោដី វិស័យកសិកម្ម និងវិស័យសាធារណការ។

លោក ឃុត ប៊ុនធឿន បានថ្លែងបន្តទៀតថា ពាក់ព័ន្ធទៅនឹងកំណើនសេវាមានការកើនឡើង ជាពិសេសប្រាក់ចំណូលក៏កើនឡើងខ្ពស់ដែលនោះ គឺបណ្ដាលមកពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការថែរក្សាសុខសន្តិភាព ស្ថិរភាពនយោបាយ ជាពិសេសថ្នាក់ដឹកនាំខេត្តតាកែវ លោក វ៉ី សំណាង បានប្រឹងប្រែងកៀរគរ និងអូសទាញឱ្យក្រុមហ៊ុនវិនិយោគជាច្រើន បានចូលមកបណ្ដាក់ទុន នៅក្នុងខេត្តតាកែវ ដែលក្នុងឆ្នាំនេះមានក្រុមហ៊ុនថ្មីចំនួន៩៥ បានមកចូលបណ្ដាក់ទុនបើករោងចក្រថ្មីៗ ក្នុងខេត្តតាកែវ។

ជាមួយគ្នានេះដែរ លោក ឃុត ប៊ុនធឿន ប្រធានអង្គភាពច្រកចេញចូលតែមួយរបស់រដ្ឋបាលខេត្តតាកែវ បានអំពាវនាវប្រជាពលរដ្ឋដែលត្រូវការសេវាផ្សេងៗ សូមអញ្ជើញមកទទួលសេវា នៅអង្គភាពច្រកចេញចូលតែមួយរបស់រដ្ឋបាលខេត្ត ឬនៅតាមអង្គភាពច្រកចេញចូលតែមួយ នៅតាមបណ្ដាក្រុងស្រុកដោយផ្ទាល់ ហើយត្រូវចៀសវាងពឹងអ្នករត់ការជំនួស ដែលនាំឲ្យមានការយកតម្លៃសេវាលើសពីតារាងតម្លៃរបស់រដ្ឋ៕

អត្ថបទ៖ វីរៈ

The post ឆ្នាំ២០២៥ ច្រកចេញចូលតែមួយរដ្ឋបាលខេត្តតាកែវ រកចំណូលបានជាងមួយលានដុល្លារ appeared first on Kampuchea Thmey Daily.

របាយការណ៍ខាងលើបានឱ្យដឹងថា គិតចាប់ពីខែធ្នូ ឆ្នាំ២០២៤ ដល់ខែកញ្ញា ឆ្នាំ២០២៥ អង្គភាពច្រកចេញចូលតែមួយខេត្តក្រចេះបានបម្រើសេវាប្រជាពលរដ្ឋសរុបចំនួន៣ ៥៥៣សេវា និងទទួលបានចំណូលសរុប៥៩០ ៤៧២ ៣០០រៀល ស្មើប្រមាណជិត១៥ម៉ឺនដុល្លារអាមេរិក។

បើតាមរបាយការណ៍ ៩ខែនោះ សេវាប្រជាពលរដ្ឋស្នើសុំច្រើនជាងគេ រួមមានវិស័យកសិកម្ម រុក្ខាប្រមាញ់ និងនេសាទចំនួន១ ៤៣៤សេវា វិស័យរៀបចំដែនដី នគរូបនីយកម្ម សំណង់ និងសុរិយោដីចំនួន៨១៣សេវា ដែលក្នុងនោះតាមប្រព័ន្ធអនឡាញបានចំនួន៤៦០សេវា។ វិស័យតាមពីក្រោយ គឺវិស័យសាធារណការ និងដឹកជញ្ជូន ចំនួន៥៤៣សេវា វិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ចំនួន១៣២សេវា ការងារនីត្យានុកូលកម្មផ្តល់បានចំនួន៨១សេវា វិស័យព័ត៌មានចំនួន៣១សេវា វិស័យសុខាភិបាលចំនួន២៤សេវា វិស័យទេសចរណ៍ចំនួន១៦សេវា ការងាររដ្ឋបាលចំនួន១០សេវា និងវិស័យរ៉ែ និងថាមពលមានចំនួន៩សេវា។

ការិយាល័យច្រកចេញចូលតែមួយក្រុងស្រុកទាំង៧របស់ខេត្តក្រចេះ ក្នុងរយៈពេលដូចគ្នានេះ មន្ត្រីបានបម្រើពលរដ្ឋចំនួន៨៣ ១៣៥សេវា ទទួលបានចំណូលសរុប៩០ ៧២៨ ២៣៣រៀល ខណៈយន្តការច្រកចេញចូលតែមួយរបស់រដ្ឋបាលឃុំសង្កាត់ បានផ្តល់សេវាជូនប្រជាពលរដ្ឋចំនួន៣៥ ៧២៣សេវា និងទទួលបានចំណូលសរុប៥៦ ៥៤០ ២៣៦រៀល៕

The post ខេត្តក្រចេះបានចំណូលជាង៥០០លានរៀលពីសេវាច្រកចេញចូលតែមួយ ក្នុងពេល៩ខែ appeared first on Kampuchea Thmey Daily.

បើតាមលោកអភិបាលរងខេត្ត ក្នុងចំណោមសេវាជាង២សែននោះ អង្គភាពច្រកចេញចូលតែមួយខេត្តផ្ដល់បានជាង៤ម៉ឺនសេវា ការិយាល័យច្រកចេញចូលតែមួយក្រុងស្រុកខណ្ឌផ្ដល់បានជាង១សែនសេវា និងយន្តការច្រកចេញចូលតែមួយឃុំ សង្កាត់ផ្ដល់បាន៧ម៉ឺនសេវា។

លោក ស្រី សុភ័ក្ត្រ បានបន្ថែមថា រដ្ឋបាលខេត្ត ក៏បានយកចិត្តទុកដាក់ជំរុញ និងធ្វើទំនើបកម្មសេវាសាធារណៈ ដោយប្រជាពលរដ្ឋអាចស្នើសុំសេវាតាមប្រព័ន្ធអនឡាញ ដែលងាយស្រួលតាមដានការស្នើសុំសេវាពោលគឺត្រូវទទួលបាននៅថ្ងៃណា និងពេលណា ខណៈការបង់សេវា ពលរដ្ឋមានជម្រើសបង់ ដោយអាចបង់ថ្លៃសេវាតាមប្រព័ន្ធដែលស្នើសុំ និងអាចមកបង់ផ្ទាល់នៅកន្លែងតែម្ដក៏បាន។

លោកអភិបាលរងខេត្ត បានអះអាងថា រដ្ឋបាលខេត្តកំពង់ចាម ក៏បានរៀបចំការប្រឡងប្រណាំងការផ្ដល់សេវាសាធារណៈបន្ថែមលើការប្រឡងប្រណាំងថ្នាក់ជាតិ ដើម្បីជំរុញការផ្ដល់សេវានៅតាមច្រកចេញចូលនីមួយៗកាន់តែប្រសើរឡើង និងធ្វើឱ្យប្រជាពលរដ្ឋមានទំនុកចិត្តខ្ពស់ចំពោះមន្ត្រី ពិសេសការបម្រើសេវាបានយ៉ាងល្អនេះក៏បានជួយទាក់ទាញអ្នកវិនិយោគកាន់តែច្រើនឡើងៗផងដែរ៕

The post ៦ខែឆ្នាំនេះ ខេត្តកំពង់ចាមផ្ដល់សេវាច្រកចេញចូលតែមួយជាង២សែនសេវា   appeared first on Kampuchea Thmey Daily.

កន្លះឆ្នាំមកនេះ សេវាផ្ដល់ច្រើនជាងគេគឺវិស័យរដ្ឋបាលចំនួន១២ ៨៦០សេវា ទទួលបានចំណូលជាង២៦៧លានរៀល បន្ទាប់មកវិស័យសាធារណការ និងដឹកជញ្ជូន មានចំនួន៥ ១១០សេវា ទទួលបានចំណូលជាង៤៣២លានរៀល វិស័យសុខាភិបាលមាន៤.៨៧០សេវា ទទួលបានចំណូល ជាង៦៧លានរៀល និងវិស័យរៀបចំដែនដី នគរូបនីយកម្ម និងសំណង់ មាន២៨៩សេវា ទទួលបានចំណូលជាង២៣៣លានរៀល ខណៈវិស័យពុំមានអ្នកមកស្នើសុំសោះនោះ គឺវិស័យការងារ និងបណ្តុះបណ្តាលវិជ្ជាជីវៈ។

លោកស្រី បាន ស្រីមុំ អភិបាលខេត្តប៉ៃលិន លើកឡើងថា នាប៉ុន្មានឆ្នាំចុងក្រោយនេះ រដ្ឋបាលខេត្តប៉ៃលិនបានខិតខំធ្វើទំនើបកម្ម ដោយអភិវឌ្ឍន៍យន្តការច្រកចេញចូលតែមួយខេត្តឱ្យមានលក្ខណៈស្តង់ដា ស័ក្តិសមសម្រាប់ការបំពេញភារកិច្ចបម្រើប្រជាពលរដ្ឋរបស់មន្ត្រី និងការអញ្ជើញមកស្នើសុំ និងសេវារបស់ប្រជាពលរដ្ឋ ទាំងអគារបំពេញការងារ សម្ភារៈបច្ចេកទេសផ្សារភ្ជាប់នឹងប្រព័ន្ធឌីជីថល ដើម្បីធ្វើយ៉ាងណាឱ្យការផ្ដល់សេវាមានភាពលឿនរហ័សស្របតាមការកំណត់ និងបើធ្វើបានកាន់តែលឿន គឺកាន់តែប្រសើរ។

លោកស្រី អភិបាលខេត្ត បន្តថា ឈរលើមរតកនយោបាយដឹកនាំដ៏ឈ្លាសវៃរបស់សម្ដេចតេជោ អតីតនាយករដ្ឋមន្ត្រី និងនីតិកាលទី៧នេះ បន្តដឹកនាំដោយសម្ដេចធិបតី ហ៊ុន ម៉ាណែត នាយករដ្ឋមន្ត្រី រដ្ឋបាលខេត្តប៉ៃលិន ដោយមានការដឹកនាំតម្រង់ទិសជាប្រចាំពីសម្ដេចក្រឡាហោម បន្តមកដល់បច្ចុប្បន្នមានលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានផ្ដល់ការលើកទឹកចិត្ត និងណែនាំតម្រង់ទិសដល់មន្ត្រីជាប់ជាប្រចាំ ឱ្យអនុវត្តការងារច្រកចេញចូលតែមួយ ប្រកបដោយសីលធម៌ និងវិជ្ជាជីវៈ ទាំងផ្នែកជួរមុខ និងផ្នែកជួរក្រោយ ដោយបង្កើនទំនាក់ទំនង និងកិច្ចសហការល្អជាមួយទីចាត់ការ អង្គភាពចំណុះរដ្ឋបាលខេត្ត និងមន្ទីរ អង្គភាពពាក់ព័ន្ធជុំវិញខេត្ត ដើម្បីផ្តល់សេវាជូនប្រជាពលរដ្ឋ បានឆាប់រហ័ស និងប្រកបដោយតម្លាភាព។

ផ្អែកលើបទពិសោធន៍នៃការអនុវត្តការងារច្រកចេញចូលតែមួយជាច្រើនឆ្នាំមកដល់បច្ចុប្បន្ន រដ្ឋបាលខេត្តប៉ៃលិន បានលើកសំណូមពរត្រង់ៗមកក្រសួងស្ថាប័នថ្នាក់ជាតិ ស្នើសុំឱ្យមានការសម្របសម្រួលពីក្រុមការងារបច្ចេកទេសរបស់ក្រសួងសាធារណការ និងដឹកជញ្ជូន ដែលនៅមានភាពយឺតយ៉ាវ ក្នុងការឆ្លើយតបលើការងារ បច្ចេកទេស នៃការផ្តល់សេវា និងស្នើក្រសួងសាធារណការ និងដឹកជញ្ជូន និងក្រសួងមហាផ្ទៃ ពន្លឿនការធ្វើសន្ធានកម្ម ប្រព័ន្ធគ្រប់គ្រងទិន្នន័យចុះបញ្ជីឱ្យចូលគ្នា ដើម្បីឈានទៅបញ្ចប់ការចុះបញ្ជីសេវា១ ប្រើពេល២ដង។

ចំពោះ វិស័យការងារនិងបណ្ដុះបណ្ដាលវិជ្ជាជីវៈ ដែលក្នុងរយៈពេល៦ខែ ដើមឆ្នាំ២០២៥នេះ នៅពុំទាន់បានទទួលការស្នើសុំសេវាណាមួយពីប្រជាពលរដ្ឋនោះ រដ្ឋបាលខេត្តប៉ៃលិនបានគូសបញ្ជាក់ក្នុងរបាយការណ៍របស់ខ្លួនថា វិស័យការងារ និងបណ្តុះបណ្តាលវិជ្ជាជីវៈ នៅមិនទាន់មានបែបបទ នីតិវិធីច្បាស់លាស់នៅឡើយ ខណៈអង្គភាពច្រកចេញចូលតែមួយខេត្ត ក៏នៅមិនទាន់មានគណនី សម្រាប់ចូលប្រើប្រាស់ប្រព័ន្ធចុះបញ្ជីសេវា នៅតាមអនឡាញនៅឡើយដែរ៕

The post កន្លះឆ្នាំ ច្រកចេញចូលតែមួយខេត្តប៉ៃលិន បម្រើពលរដ្ឋបានជាង២ម៉ឺនសេវា appeared first on Kampuchea Thmey Daily.

បើតាមការណ៍របស់អគ្គនាយកដ្ឋានរដ្ឋបាល នៃក្រសួងមហាផ្ទៃ ក្នុងត្រីមាសទី១ ឆ្នាំ២០២៥នេះ ការិយាល័យច្រកចេញចូលតែមួយនៃរដ្ឋបាលក្រុង ស្រុក ខណ្ឌ បានផ្តល់សេវាជូនពលរដ្ឋសរុបចំនួន ១ ១៧៦ ៤០៦សេវានៅទូទាំងប្រទេស។ នៅក្នុងចំណោមសេវាផ្តល់ជាង១លាននោះ បើប្រៀបធៀបចំនួនសេវាក្នុងវិស័យទាំង១៧ គឺការងារអត្រានុកូលដ្ឋានបានផ្តល់សេវាច្រើនជាងគេ គឺមានចំនួន ៦២៤ ៧១៤សេវា និងតាមពីក្រោយ គឺការងារនីត្យានុកូលកម្ម បានផ្តល់សេវាចំនួន ៤៦៣ ៦៧៩សេវា ខណៈដែលវិស័យបរិស្ថាន បានផ្តល់សេវាតិចជាងគេ ត្រឹមតែ១សេវាប៉ុណ្ណោះ។

បើគិតជាចំណូលដែលទទួលបាន គឺមានសរុបចំនួន ៣ ៤៩១ ០២៥ ៣២០រៀល ស្មើនឹងប្រមាណ ៨៧២ ៧៥៦ដុល្លារអាមេរិក ដែលក្នុងនោះ បើប្រៀបធៀបចំណូលដែលទទួលបានក្នុងវិស័យទាំង១៧ ឃើញថា វិស័យសំណង់ទទួលបានចំណូលខ្ពស់ជាងគេ គឺចំនួន ៩១៦ ៨៧៣ ៦០០រៀល បន្ទាប់មកវិស័យសុរិយោដី ទទួលចំណូលបាន៦១៨ ១១០ ០០០ រៀល។ ចំពោះវិស័យដែលបានទទួលចំណូលតិចជាងគេ គឺវិស័យពាណិជ្ជកម្ម មានចំនួន ១២៥ ០០០រៀល និងវិស័យដែលមិនទទួលបានចំណូល គឺការងារអត្រានុកូលដ្ឋាន និងវិស័យធម្មការ និងសាសនា។

គួរជម្រាបថា ការិយាល័យច្រកចេញចូលតែមួយនៅតាមបណ្តាក្រុង ស្រុក ខណ្ឌ បាននិងកំពុងផ្តល់សេវាជូនប្រជាពលរដ្ឋ ក្នុងវិស័យជំនាញចំនួន១៧ រួមមាន៖ ទេសចរណ៍ វប្បធម៌ ពាណិជ្ជកម្ម សាធារណការ ឧស្សាហកម្ម សំណង់ កសិកម្ម សុខាភិបាល អប់រំ រ៉ែ-ថាមពល បរិស្ថាន ការងារ ធម្មការ-សាសនា ការងារអត្រានុកូលដ្ឋាន នីត្យានុកូលកម្ម ការងាររដ្ឋបាល និងការផ្ទេរសិទ្ធិកាន់កាប់អចលទ្រព្យដែលមិនទាន់ចុះបញ្ជី៕

The post ៣ខែឆ្នាំនេះ ច្រកចេញចូលតែមួយថ្នាក់ក្រុងស្រុកខណ្ឌ ទទួលចំណូលបានជាង៨៧ម៉ឺនដុល្លារ appeared first on Kampuchea Thmey Daily.

របាយការណ៍របស់លោកឧត្តមសេនីយ៍ឯក ផាត សុផានិត គឺបានបង្ហាញថា ក្នុងឆ្នាំ២០២៤កន្លងទៅ យន្តការច្រកចេញចូលតែមួយទូទាំងប្រទេស បានផ្តល់សេវារដ្ឋបាលសរុបចំនួន ៥ ២០៦ ៣៤៨សេវា និងទទួលបានចំណូលសរុបចំនួន ១៤១ពាន់លានរៀល សមមូលនឹង ៣៥,៣ដុល្លារអាមេរិក ដោយក្នុងនោះនៅថ្នាក់រាជធានី-ខេត្ត ចំនួន ៨៨៥ ១១៧សេវា ទទួលបានចំណូល ១៣០ពាន់លានរៀល ស្មើ ៣២,៥លានដុល្លា និងថ្នាក់ក្រុង-ស្រុក-ខណ្ឌ មានចំនួន ៤ ៤២១ ២៣១សេវា ទទួលបានចំណូល ១១ពាន់លានរៀល ស្មើ ២,៨លានដុល្លា។

លោកឧត្តមសេនីយ៍ឯក ក៏បានឱ្យដឹងទៀតថា ការងារផ្តល់សេវារដ្ឋបាលដែលបានរៀបចំដាក់ឱ្យអនុវត្តជាផ្លូវការនូវប្រព័ន្ធទូទាត់វិក្កយបត្រ (Payment Hub) នៅគ្រប់អង្គភាពច្រកចេញចូលតែមួយនៃរដ្ឋបាលរាជធានី ខេត្ត និងបានពង្រីកការអនុវត្តសាកល្បងកម្មវិធីព័ត៌មានវិទ្យាសម្រាប់ទទួលពាក្យស្នើសុំ និងផ្តល់សេវារដ្ឋបាលតាមប្រព័ន្ធអនឡាញនៅរដ្ឋបាលរាធានី ខេត្តចំនួន១២។ ទន្ទឹមគ្នានេះ ក៏បានរៀបចំដាក់ឱ្យអនុវត្តសាកល្បងការស្នើសុំសេវារដ្ឋបាលតាមប្រព័ន្ធអនឡាញលើប្រភេទសេវាចំនួន៩ នៅការិយាល័យច្រកចេញចូលតែមួយនៃរដ្ឋបាលក្រុង ស្រុក គោលដៅចំនួន៩ ផងដែរ។

បើតាមឧត្តមសេនីយ៍ឯក ផាត សុផានិត តាមរយៈយន្តការច្រកចេញចូលតែមួយ គឺរដ្ឋបាលថ្នាក់ក្រោមជាតិបានខិតខំផ្តល់សេវារដ្ឋបាលជូនប្រជាពលរដ្ឋយ៉ាងឆាប់រហ័ស ប្រកបដោយប្រសិទ្ធភាព តម្លាភាព និងគណនេយ្យភាព ស្របតាម គោលការណ៍ នីតិវិធី និងស្តង់ដាសេវាដែលបានកំណត់៕

The post ច្រកចេញចូលតែមួយរកចំណូលបានជាង៣៥លានដុល្លារនៅទូទាំងប្រទេសសម្រាប់ឆ្នាំ២០២៤ appeared first on Kampuchea Thmey Daily.