មនុស្សកើតក្នុងឆ្នាំខាល ជាបុគ្គលមានភាពវិជ្ជមាន រីករាយ និងក្លាហានគ្រប់គ្រាន់ក្នុងការទទួលយកបញ្ហាប្រឈម។ បុរសមានភាពម៉ឺងម៉ាត់ និងមិនចុះចាញ់ ខណៈពេលដែលស្ត្រីមានសុទិដ្ឋិនិយម និងមានទំនុកចិត្តខ្ពស់។ ក្នុងវ័យកុមារភាព អ្នកមានទំនោរទទួលបានពរជ័យ ហើយអ្វីៗនឹងដំណើរការទៅដោយរលូន។ ក្នុងវ័យកណ្តាល ជីវិតរបស់អ្នកនឹងពោរពេញដោយការឡើងចុះ ប៉ុន្តែអាចមានឱកាសល្អនៅពេលក្រោយ។ នៅពេលចាស់ទៅ អ្នកនឹងមានកិត្តិយស និងទទួលបានការសរសើរ និងការទទួលស្គាល់ពីមនុស្សគ្រប់គ្នា។

ស្នេហា និងទំនាក់ទំនងក្នុងពេលនេះ អាចបង្កឲ្យមានការប្រែប្រួលអារម្មណ៍ ធ្វើឲ្យអ្នកកាន់តែដកថយ ឬរឹងរូសក្នុងស្នេហា និងទំនាក់ទំនង។ ដៃគូអាចកត់សម្គាល់ឃើញទំនោររបស់អ្នកក្នុងការដកថយទៅក្នុងខ្លួនអ្នក។ ហេតុដូច្នេះ ត្រូវធ្វើរឿងនោះឲ្យស្រាល ស្តាប់ឲ្យបានច្រើន និងបន្ទន់ជំហរផ្ទាល់ខ្លួន ដោយការអនុវត្តការអត់ធ្មត់ និងភាពបើកចំហ។ សម្រាប់អ្នក គ្មានអ្វីល្អបានមកដោយងាយស្រួលទាក់ទងនឹងទំនាក់ទំនងស្នេហានោះទេ។ មិនថាដៃគូ ឬគូស្នេហ៍ណាដែលស្រលាញ់គ្នាខ្លាំងនោះទេ អ្នកគួរតែអត់ឱន និងស្មោះត្រង់ចំពោះគ្នាទៅវិញទៅមក ហើយគួរកុំធ្វើរឿងមិនសមហេតុផល បើមិនដូច្នោះទេ អ្នកអាចនឹងប្រេះឆាគ្នាជាក់ជាមិនខានឡើយ។

ចំពោះអាជីពឯណោះទាក់ទិននឹងបញ្ហាការងារមានអារម្មណ៍ដូចជាសមរភូមិនៅពេលខ្លះដែរ ជាមួយនឹងការផ្លាស់ប្តូរជាញឹកញាប់ជាមួយមិត្តរួមការងារ និងអ្នកត្រួតពិនិត្យ។ វត្តមាននៃគូប្រជែង អាចជំរុញការប្រកួតប្រជែង ហើយបរិយាកាសសម្ពាធខ្ពស់ អាចសាកល្បងការអត់ធ្មត់របស់អ្នកនាពេលនេះ។ សូមរក្សាមហិច្ឆតារបស់អ្នក ប៉ុន្តែចៀសវាងការផ្លាស់ប្តូរដោយមិនប្រុងប្រយ័ត្ន។ ចូរប្រើវិធីសាស្រ្តដ៏រឹងមាំ ហើយសម្ព័ន្ធភាពគាំទ្រអាចជួយអ្នកឲ្យឡើងភ្នំ ទោះបីជាមានឧបសគ្គក៏ដោយ។ ប្រសិនបើខាល ចង់ទទួលបានជោគជ័យក្នុងអាជីព អ្នកគួរតែទំនាក់ទំនង និងចុះសម្រុងជាមួយមនុស្សកើតនៅក្នុងឆ្នាំ ជ្រូក សេះ និងឆ្កែ ដើម្បីទទួលបានជំនួយសម្រាប់ការកើនឡើងជាលំដាប់នៃអាជីព។

ចំណែកទ្រព្យសម្បត្តិ អ្នកដែលកើតក្នុងឆ្នាំខាលតែងមានចិត្តទូលាយ និងចូលចិត្តចំណាយច្រើន មិនសូវជាឲ្យតម្លៃលើលុយ ហើយក៏មិនពូកែសន្សំដែរ បើទោះបីជាមានប្រាក់ចំណូលល្អក៏ដោយ។ ដរាបណាអ្នកមិនយកចិត្តទុកដាក់លើវាទេ នោះអ្នកក៏គ្មានសំណាងល្អសម្រាប់ទ្រព្យសម្បត្តិផងដែរ។ ដូច្នេះហើយ នេះមិនមែនជាឆ្នាំសម្រាប់ការវិនិយោគដែលមានហានិភ័យនោះទេ។ ប៉ុន្តែត្រូវសង្កេតមើលស្ថានភាពឥណទាន និងហិរញ្ញវត្ថុជាមុនសិន! ការស្តាប់យោបល់របស់ចាស់ទុំជុំវិញអ្នកឲ្យបានច្រើនមុនពេលវិនិយោគ នឹងកាត់បន្ថយការខាតបង់ទ្រព្យសម្បត្តិនាពេលក្រោយ។

ទិសសំណាងសម្រាប់ប្រាក់ចំណូលការងារ៖ ឦសាន និរតី ចំណែកទិសសំណាងសម្រាប់លាភសំណាង៖ ឦសាន ពាយ័ព្យ។ ក្នុងជីវិតប្រចាំថ្ងៃ ខាលត្រូវបានគេណែនាំឲ្យពាក់ ឬដាក់រូបសញ្ញាជ្រូក សេះ ឬឆ្កែនៅលើតុ។ លើសពីនេះ អ្នកគួរតែប៉ះវត្ថុសំណាងដែលអ្នកពាក់ជាញឹកញាប់ ដែលបង្កើនសំណាងក្នុងការរកលុយក្នុងកម្រិតជាក់លាក់មួយ។ វត្ថុស្វា ឬពស់គួរតែត្រូវបានចៀសវាងក្នុងជីវិតរបស់អ្នក។ ប្រសិនបើអាចធ្វើទៅបាន គួរតែព្យាយាមស្វែងរកឱកាសនៃការរកលុយនៅទិសឦសាន និរតី អាគ្នេយ៍ និងពាយ័ព្យវិញ។

ងាកមកាន់សុខភាពរបស់សត្វខ្លានៅក្នុងកំឡុងឆ្នាំ២០២៦និងពេលចូលឆ្នាំចិនខាងមុខ ក្នុងពេលនេះអាចនឹងមានការឡើងចុះនៃអារម្មណ៍ ធ្វើឲ្យមិនស្រួលខ្លួន ជាមួយនឹងរោគសញ្ញាដូចជាការគេងមិនលក់ ញ័រទ្រូង ឬសុបិនអាក្រក់។ ដូច្នេះ ការគ្រប់គ្រងភាពតានតឹងគឺជាគន្លឹះក្នុងការរក្សាតុល្យភាពក្នុងឆ្នាំនេះ។ ដោយសារខ្លាស្ថិតនៅក្នុងធាតុឈើនៃធាតុទាំង៥របស់ចិន ខណៈពេលដែលឈើតំណាងឲ្យថ្លើមនៃរាងកាយមនុស្ស អ្នកនឹងងាយនឹងឈឺថ្លើមដោយសារតែអារម្មណ៍មិនស្ថិតស្ថេរ និងរបៀបរស់នៅមិនទៀងទាត់ ហើយងាយនឹងកើតជំងឺឈាមកក និងជំងឺសរសៃប្រសាទ។ ដូច្នេះ អ្នកគួរតែរក្សាភាពស្ងប់សុខក្នុងចិត្ត ហើយទប់ចិត្តកុំឲ្យវាជ្រាបចូល ដើម្បីអាយុវែង និងសុខភាពល្អ៕

គ្រូ ណុប

ឆ្នាំ «ឆ្លូវ» មានអាជីពមិនសូវរលូន តែមានគេជួយយឹតយោងឲ្យឆ្លងផុត

The post ឆ្នាំ«ខាល» រាសីហាក់ឡើងខ្ពស់ក្នុងឆ្នាំ២០២៦ តែរាងខ្ជីខ្ជាលុយកាក់បន្តិច appeared first on Kampuchea Thmey Daily.

១ លុយកាក់និងអាជីព

ត្បិតតែខាលមាន​បញ្ហា​លុយកាក់ ​តែអាជីពគេមិនថយក្រោយទេក្នុងឆ្នាំនេះ។ យោងតាម ​ហោរាចិន ទោះណាជាមិនឃើញ​មិនមានការតម្លើងប្រាក់ខែ ឬប្រាក់ឈ្នួល ឬមានចំណូលថេរគួរឱ្យកត់សម្គាល់ ប៉ុន្តែមនុស្ស​ឆ្នាំនេះ ត្រូវបានគេទទួលស្គាល់និងតាម​ហែរហមជួយដោយអ្នកតូចនិងអ្នកធំ។ សត្វខាលតែងមានលក្ខណៈសម្បត្តិ ជាមនុស្សឧស្សាហ៍ព្យាយាម ហើយលក្ខណៈទាំងនេះនឹងជួយពួកគេក្នុងការទទួលបានឱកាសរីកចម្រើនក្នុងអាជីពថ្មី ៗនិងគួរឱ្យរំភើប។ កេរ្តិ៍ឈ្មោះឆ្នាំនេះនឹងកើនឡើងហើយទទួលបាននិងការកោតសរសើរ។

២ ស្នេហានិងទំនាក់ទំនង

យោងតាមហោរាចក្រចិន  ​​គ្រប់ទំនាក់ទំនងសម្រាប់អ្នកកើតឆ្នាំខ្លា ត្រូវបានគេរំពឹងថា​ នឹងជួបមនុស្សថ្មី មានឱកាសដ៏គួរឱ្យរំភើបក្នុងទំនាក់ទំនង ប៉ុន្តែត្រូវដើរគ្រប់ជំហានដោយប្រុងប្រយ័ត្ននិងបន្តិចម្តងៗ សន្សឹមៗមិនប្រញិបប្រញាប់មុនសម្រេចចិត្ត។

ការយល់ច្រឡំ និងជម្លោះអាចកើតឡើង ដូច្នេះ​សូម​ណែនាំ​ឲ្យ​ដៃគូ ស្តាប់​គ្នា​ទៅវិញទៅមក និង​គោរព​គ្នា​ អត់ធ្មត់ និងការយោគយល់គ្នាឱ្យបានខ្ពស់។ មនុស្ស​ឆ្នាំខាលដែលបានរៀបការហើយ​ នឹងរីករាយនឹងទំនាក់ទំនងដែលមានស្ថេរភាព។

៣ សុខភាព

កុំបារម្ភ! សុខភាពមនុស្សឆ្នាំខាលក្នុងរាសីចក្ររោងឈើនេះនឹងល្អប្រសើរ រាល់ការធ្វើដំណើរនឹងមាន​សុវត្ថិភាព។ រាសីចក្រខាល​គួរផ្តើម​ធ្វើយូហ្គា ឬ TaiChi​​​ ប្រចាំថ្ងៃ ដើម្បីរក្សាសុខភាពផ្លូវកាយ និងផ្លូវចិត្តក្នុងឆ្នាំនេះ។

ក្បួនដោះស្រាយហុងស៊ុយ សម្រាប់អ្នកកើតឆ្នាំខាលក្នុងរាសីនាគ ឆ្នាំ២០២៤៖

Feng-Shui គឺជាទម្លាប់ប្រពៃណីចិនបុរាណមួយ ដើម្បីរៀបចំកន្លែងរស់នៅ ធ្វើឲ្យមានតុល្យភាពរវាងពិភពសម្ភារៈនិយម និងធម្មជាតិ (អរូប) វាជួយក្នុងការប្រមូលផ្តុំកម្លាំងថាមពល និងបង្កើតភាពសុខដុមរមនារវាងមនុស្ស និងបរិស្ថានរបស់ពួកគេ។ ដូច្នេះ សូម​ពិភាក្សា​អំពីការបន្ថែមថាមពលហុងស៊ុយ និង​មន្ត​ស្នេហ៍​ដែល​សត្វ​ខ្លា​អាច​ប្រើ​ដើម្បី​ទាក់ទាញ​បន្ថែមឱកាស​សុខភាព ទ្រព្យសម្បត្តិ ភាពរុងរឿង និង​សន្តិភាពចិត្តមានជាអាថ៌៖

ការដាក់ចានទ្រព្យសម្បត្តិដែលពោរពេញទៅដោយកាក់ គ្រីស្តាល់ និងនិមិត្តសញ្ញាផ្សេងទៀតនៃសុខភាព និងភាពបរិបូរណ៍នៅជ្រុងអាគ្នេយ៍នៃផ្ទះ និងការិយាល័យ។

ព្យួរ ឬតាំងកង្កែបជើងបីជាមួយនឹងកាក់នៅក្នុងមាត់ នៅជិតច្រកចូលការិយាល័យ ឬផ្ទះ ដើម្បីទាក់ទាញភាពសម្បូរបែប និងវិបុលភាព។ អ្នកក៏អាចពាក់គ្រឿងអលង្កា Pi-Yao ដែលជនជាតិចិនជឿថា​ នឹងនាំមកនូវសំណាងល្អនិងការពារ ពីកម្លាំងអវិជ្ជមាន។ ជ្រើសយកការស្លៀកពាក់ពណ៌ស លឿង ឬបៃតង ឬដាក់វត្ថុដែលមានពណ៌ទាំងនេះនៅក្នុងផ្ទះ ឬការិយាល័យក៏បាន។ មួយទៀត អ្នកអាចជូនផ្លែឈើដល់ចាស់ព្រឹទ្ធាចារ្យឬអ្នកមានគុណ៕

គ្រូ ឯម

ចុចអាន៖២០២៤ នឹង​ក្លាយជាឆ្នាំចម្រុះ ដែលមនុស្ស​ឆ្នាំឆ្លូវប្រឈម​ទាំងទិដ្ឋភាពហិរញ្ញវត្ថុ និងអាជីព

The post រាសីចក្រខ្លាក្នុងឆ្នាំនាគឈើ ជាឆ្នាំមមាញឹក ក្លៀវក្លា គួររក្សាខ្លួនឱ្យស្ងប់ appeared first on Kampuchea Thmey Daily.

ឆ្នាំជូត (កណ្ដុរ)

​រាសី​របស់​កណ្តុរ​ប្រសើរជាងពេលមុន​បន្តិច​ ប៉ុន្តែ​អ្នក​នៅតែ​ត្រូវ​យកចិត្តទុកដាក់​លើ​សុខភាព ជាពិសេស​ចំពោះមនុស្ស​​វ័យ​ចំណាស់​។ ចូរតែយកចិត្តទុកដាក់លើភាពទៀងទាត់នៃការហូបចុក និងសម្រាកឱ្យបានគ្រប់គ្រាន់ បើមិនដូច្នេះទេនឹងងាយកើតជំងឺក្រពះពោះវៀន ដែលនឹងបង្កជាបន្ទុកធ្ងន់ធ្ងរដល់រាងកាយ។ ចងចាំថាមិនត្រូវញ៉ាំច្រើនពេកទេ ហើយចូរញ៉ាំអាហារក្តៅៗ និងងាយរំលាយ។

ឆ្នាំឆ្លូវ (គោ)

រាសីគោមានការ​ឡើង​ចុះមិនទៀង​ ប៉ុន្តែរឿង​ចម្បងដែលត្រូវផ្ដោតលើគឺសុខភាព ​ជាពិសេស​គឺ​របប​អាហារ។ ​មិន​គួរ​ពិសា​គ្រឿង​ស្រវឹង​ច្រើន​ពេក​ទេ ដើម្បី​កុំ​ឱ្យ​មាន​បន្ទុក​ដល់​ប្រព័ន្ធ​រំលាយ​អាហារ ព្រោះ​វា​អាច​បង្ក​ឱ្យ​មាន​ជំងឺ​រ៉ាំរ៉ៃ​ជា​ច្រើន ហើយ​បើ​មាន​អារម្មណ៍​មិន​ស្រួល ​គួរ​ទៅ​ពេទ្យ​ពិនិត្យ​ព្យាបាល​ កុំ​បង្អង់​យូរ។

ចំពោះការងារ មិនគួរបន្ថែមម៉ោងក្នុងពេលអំឡុងពេលនេះទេ វានឹងធ្វើឱ្យសុខទ្រុឌទ្រោម។

ឆ្នាំខាល (ខ្លា)

រាសី​របស់​លោក​អ្នក​នឹង​ធ្លាក់​ចុះ​ក្នុង​រយៈពេលដ៏​ខ្លី​នេះ ជា​ចម្បង​វាងទាក់ទង​នឹង​លាភ​សំណាង ។ មិនថាជីវិតនៅការងារ ឬជីវិតនៅផ្ទះ ខ្លាត្រូវយកចិត្តទុកដាក់លើសុវត្ថិភាពផ្ទាល់ខ្លួននៅពេលអ្នកចេញទៅក្រៅ។ កុំមើលទូរសព្ទដៃពេលដើរលេង ហើយត្រូវចាំថាកុំផឹកស្រា ហើយបើកបរ បើមិនដូច្នេះទេ វាអាចប្រឈមនឹងគ្រោះថ្នាក់ចរាចរណ៍ខ្ពស់។

ឆ្នាំរោង (នាគ)

សុខភាព​របស់​នាគមានភាព​យ៉ាប់​យ៉ឺន ដោយ​សារ​ងាយ​នឹង​កើត​ជំងឺ​តូចតាច ឬ​ការឈឺ​ចាប់ផ្លូវចិត្ត។ ជាចម្បងដើម្បីចៀសវាងបញ្ហាសុខភាពផ្លូវចិត្ត ចូរនាគចៀសវាងការផ្តោតទៅលើរឿងតូចតាចក្នុងអំឡុងពេលនេះ ហើយផ្តោតលើអនាគត។ ចូររក្សាអារម្មណ៍ល្អៗ ហើយបន្ទាប់ពីអារម្មណ៍បានប្រសើរឡើង រាងកាយក៏ប្រសើរឡើងបន្តិចម្តងៗផងដែរ ដោយហេតុនេះការពង្រឹងសុខភាពចជារឿងសំខាន់ទី១។

ឆ្នាំវក (ស្វា)

ស្វានឹងនៅតែមានបញ្ហាប្រឈមមួយចំនួន ប៉ុន្តែមិនមែនជារឿងធំដុំអ្វីទេ។ ការងារផ្លូវការដែលមមាញឹកនឹងធ្វើឱ្យអ្នកមានអារម្មណ៍ធុញថប់។ ចូររកកន្លែងស្ងប់ស្ងាត់ ហើយគិតមួយជំហានម្ដងៗ ដើម្បីដោះស្រាយបញ្ហាឱ្យបានឆាប់រហ័ស។

មិនតែប៉ុណ្ណោះត្រូវយកចិត្តទុកដាក់បន្ថែមទៀតចំពោះការគ្រប់គ្រងទ្រព្យសម្បត្តិ ព្រោះនឹងមានហានិភ័យនៃការបាត់បង់ហិរញ្ញវត្ថុ។ គួរតែប្រយ័ត្នចំពោះការវិនិយោគថ្មី ឬយុទ្ធសាស្ត្រគ្រប់គ្រងហិរញ្ញវត្ថុ ដើម្បីចៀសវាងការផុងខ្លួន។

ឆ្នាំច (ឆ្កែ)

ជោគជតារាសីក្នុងការងាររបស់មនុស្សឆ្នាំចនឹងងធ្លាក់ចុះបន្តិច ហើយនឹងជួបប្រទះបញ្ហាខ្លះនៅកន្លែងធ្វើការ។ ទាំងនេះនឹងធ្វើឱ្យអ្នកមានអារម្មណ៍ធ្លាក់ទឹកចិត្តយ៉ាងខ្លាំង។ នៅពេលនេះ កុំបោះបង់ខ្លួនឯង។ ​ត្រូវ​តែ​លើក​ទឹក​ចិត្ត​ខ្លួនឯងឱ្យខ្លាំង។ ពេលខ្លះនៅពេលគិតអំពីជ្រុងផ្សេង អ្នកនឹងរកឃើញគន្លឹះថ្មីៗ។

រាសី​ស្នេហា​របស់​អ្នកនឹង​នៅតែ​កើនឡើង ជាពិសេស​ចំពោះ​បុរស​នៅលីវ។ អ្នកនឹងមានឱកាសជួយស្នេហាត្រឹមត្រូវមួយ៕

អត្ថបទ៖ សន្យា

ចុចអាន៖ ឆ្នាំ៣ ទាំងអាជីពនិងជីវិតនឹងផ្លាស់ប្ដូរនៅដើមឆ្នាំ ២០២៤

The post ពីនេះដល់ថ្ងៃទី១២ ខែធ្នូ មនុស្សកើតឆ្នាំ «ជូត ឆ្លូវ ខាល រោង វក ច» រាសីមិនសូវសមប្រកប appeared first on Kampuchea Thmey Daily.

ឆ្នាំជូត (កណ្ដុរ)

រាសីកណ្ដុរឡើង​ខ្ពស់​ត្រដែត ក្នុងកំលុងពេលនេះ។ កណ្តុរនៅកន្លែងធ្វើការ នឹងត្រូវបានកោតសរសើរដោយអ្នកដឹកនាំ ហើយអ្នកនឹងនាំមុខគេក្នុងគម្រោងជាច្រើន ព្រមទាំងមានឱកាសទទួលបានការតំឡើងឋានៈ ឬការតំឡើងប្រាក់ខែ។

ទោះជាយ៉ាងណាក៏ដោយ ចូរប្រុងប្រយ័ត្នចំពោះ​ការបង្ខូចកេរ្តិ៍ឈ្មោះពី Hater ។ អំឡុងពេលនេះ ក៏មានអ្នកនិយាយមិនល្អពីក្រោយខ្នងដោយសារការច្រណែន ហើយបើ​មាន​រឿង​បែបនេះ​កើត​ឡើង ​គប្បីកុំ​​អើពើ និង​ខំធ្វើ​ការខ្លួនឯងឱ្យ​បាន​ល្អបំផុត។

ឆ្នាំឆ្លូវ (គោ)

រាសី​ស្នេហា​របស់​គោ​នឹង​បន្ត​ធ្លាក់​ចុះ​ក្នុង​កំលុង​នេះ ហើយ​ការ​រំពឹង​ទុក​អំពីទំនាក់ទំនង​ស្នេហា​ក៏​មិនល្អប៉ុន្មាន​ដែរ។

មនុស្សនៅលីវ ជាទូទៅមិនមានលទ្ធភាពបង្កើតទំនាក់ទំនងថ្មីជាមួយភេទផ្ទុយក្នុងខែនេះទេ។ អ្នក​ដែល​មាន​ដៃគូ​រួច​ហើយ នឹងកើត​មាន​ជម្លោះ​ជាមួយ​ដៃគូ​ជា​ញឹកញាប់​ ដែលវា​សុទ្ធតែ​បណ្តាលមកពី​រឿង​តូចតាច​មិន​សមហេតុផល។

ឆ្នាំខាល (ខ្លា)

អ្នក​មិនមានឱកាស​ការងារ​​ល្អទេ​ក្នុង​ខែ​នេះ។ ​ខ្លា​នៅ​កន្លែង​ធ្វើការ ទទួលរងការស្ដីបន្ទោស ដោយសារ​មិន​យកចិត្តទុកដាក់​ក្នុង​ការងារ​ ហើយវានឹង​នាំឱ្យ​មាន​កំហុស​ក្នុង​គម្រោងរបស់ស្ថាប័ន។ អ្នក​ក៏​អាចកើតមាន​វិវាទ​ជាមួយ​មិត្ត​រួម​ការងារ​ដោយ​សារ​តែ​ការ​មិន​ចុះ​សម្រុង​គ្នា​ទាក់​ទង​នឹង​គម្រោង​រួម ហើយ​អាច​នឹង​ត្រូវ​ទទួល​ការពិន័យពីក្រុមហ៊ុនទៀតផង។ មិនតែប៉ុណ្ណោះ នៅក្នុងអង្គភាព នឹងមានជនអគតិ​​ប្រើ​អណ្តាត​ឆ្កឹះឆ្កៀល ​ធ្វើ​ឱ្យខ្លាមាន​ការ​លំបាក​ក្នុងការវិវត្តន៍ទៅមុខ។

ខ្លាដែលមានមុខជំនួញផ្ទាល់ខ្លួន ពេលសហការជាមួយអ្នកដទៃក្នុងខែនេះ គួរតែប្រយ័ត្នឲ្យបានច្រើន ដើម្បីចៀសវាងការចាញ់ល្បិចពីភាគីម្ខាងទៀត និងជាប់អន្ទាក់ក្នុងកិច្ចសន្យា។

ឆ្នាំថោះ (ទន្សាយ)

រាសីទន្សាយ​​នឹង​ធ្លាក់​ចុះ​ក្នុង​ខែ​នេះ ជា​ពិសេសក្នុង​វិស័យ​ការងារ។ ទន្សាយ ងាយនឹងវង្វេង ឬភ្លេចខ្លួនជាមួយសក​ម្មភាពខ្លួនឯង ព្រោះគ្មានការប្រុងប្រយ័ត្ន។ ទោះបីអ្នកបានឡើងកាន់តំណែងខ្ពស់ក៏ដោយ ក៏ងាយនឹងបរាជ័យទៅវិញ ប្រសិនមិនកែតម្រូវអាកប្បកិរិយាអំនួត។ ដោយសារអ្នកចេះតែប្រកាន់ចរិតមិនស្ដាប់យោបល់អ្នកក្រោមបង្គាប់ ជាលទ្ធផល ប្រសិទ្ធភាពការងារនឹងថយចុះ ព្រមទាំងជាប់គាំងជាច្រើនអន្លើ។

បើនិយាយពីស្នេហាវិញ សម្រាប់អ្នកនៅលីវ មិនមានអ្វីប្រសើរឡើងទេក្នុងពេលនេះ ហើយគ្មានឱកាសជួបមនុស្សភេទផ្ទុយឡើយ។

ទន្សាយគួរអញ្ជើញមិត្តភក្តិទទួលទានអាហារពេលល្ងាចជុំគ្នា ដើម្បីចែករំលែកបញ្ហានៅក្នុងចិត្ត ពុំនោះទេបញ្ហារបស់អ្នកមុខតែរាំងស្ទះ ពិបាកដោះស្រាយណាស់ បើព្យាយាមរែកពុនតែឯង៕

អត្ថបទ៖ សន្យា

ចុចអាន៖ បុរសមានប្រជ្រុយតំបន់ប្រដាប់ភេទ ជាបុរសឆ្វាក់ស្នេហ៍?

ចុចអាន៖ ប្រជ្រុយបរិវេណផ្ចិតទាំង ៥ ទីតាំង បុរាណចារជាមនុស្សសំណាងខ្លាំង

The post ហោរាសាស្ត្ររបស់អ្នកកើតឆ្នាំ “ជូត ឆ្លូវ ខាល ថោះ” សម្រាប់ថ្ងៃទី១៩ ឧសភា-១៧ មិថុនា appeared first on Kampuchea Thmey Daily.

ម្យ៉ាងវិញទៀត ខ្លា ត្រូវយកចិត្តទុកដាក់ចំពោះសុខភាពឲ្យបានច្រើន ​ព្រោះជំងឺតម្កាត់អាច​​កើតមានគ្រប់ពេលចំពោះអ្នក។ ​ ជាពិសេសចាស់ៗដែលមានជំងឺរ៉ាំរ៉ៃ បើមានបញ្ហាតិចតួចដូចជាផ្តាសាយ និងគ្រុនក្ដៅ វានឹងកាន់តែពិបាកក្នុងការព្យាបាល ហើយវាក៏នឹងនាំមកនូវភាពតានតឹងយ៉ាងខ្លាំងដល់រាងកាយផងដែរ។ ដើម្បីបង្ការបញ្ហាធំ គួរតែចូលគេងឱ្យបានឆាប់ បើមិនដូច្នោះទេភាពអស់កម្លាំង នឹងបង្ករោគធ្ងន់។

ខ្លា នៅកន្លែងការងារ ត្រូវថ្នាក់ដឹកនាំមើលឃើញពីសក្តានុពល និងសមត្ថភាព ហើយអ្នកនឹងត្រូវផ្តល់ឱកាសឱ្យបានឡើងឋានៈ និងប្រាក់ខែ រីឯ​ទ្រព្យសម្បត្តិនឹងកើនឡើងទ្វេដង។ អាជីពទំនងជាអាចឡើងឋានៈ ឬប្ដូរតួនាទីល្អជាងមុន ចំណែក​ជំនួញជួញដូរ លុយកាក់ហូរ​ចូលល្អប្រពៃ។ ​

ចំពោះប្ដីប្រពន្ធមានភាពល្អូកល្អឺនគ្នាល្អណាស់ ពុំមានឧបសគ្គអ្វីរារាំងជីវិតគូនោះទេ។ ផ្ទុយទៅវិញ ប្រសិនបើអ្នកនៅលីវ មិនទាន់មានសំណាងជួបគាប់ល្អនៅឡើយ៕

អត្ថបទ៖ សន្យា

The post ទស្សន៍ទាយលាភសំណាងមនុស្សកើតឆ្នាំ “ខាល” សម្រាប់ថ្ងៃទី៧-១៣ ​ខែឧសភា appeared first on Kampuchea Thmey Daily.

ដើមឆ្នាំ២០២៣ ​​ឆ្នាំខាល​ ​នៅ​ក្នុងអាជីពតូច​ធំ ​នឹងមនុស្សតាមជួយយឹតយោង ជ្រោមជ្រែង​សព្វគ្រប់​បែប​យ៉ាង។ មិនថាអ្នកទៅទីណា សេចក្ដីសុខ សុវត្ថិភាព នឹងកើតមានគ្រប់ពេល។

ចំពោះប្ដីប្រពន្ធមានភាពល្អូកល្អឺនគ្នាល្អណាស់ ពុំមានឧបសគ្គអ្វីរារាំងជីវិតគូឡើយ។ ផ្ទុយទៅវិញ ប្រសិនបើអ្នកនៅលីវ ការចាប់ផ្ដើមពេលនេះ អាចបង្កឱ្យមានការឈឺចាប់ពេលខាងមុខ។ ដូច្នេះកុំទាន់សម្រេចចិត្តមានគូពេលនេះឱ្យសោះ។

ដោយឡែកផ្នែកសុខភាព អ្នកនឹងមានបញ្ហាឆ្អឹង ប្រព័ន្ធឈាម និងការឈឺចាប់ខ្លួនប្រាណ។ ដើម្បីបង្ការបញ្ហាធំ គួរតែចូលគេងឱ្យបានឆាប់ បើមិនដូច្នោះទេភាពអស់កម្លាំង នឹងបង្ករោគធ្ងន់។

ទោះជាយ៉ាងណាក្ដី អ្នកអាចបង្កើនសំណាងខ្លួនឯង ដោយព្យាយាមធ្វើសមាធិនៅព្រះវិហារ ព្រោះនឹងជួយឱ្យអ្នកជួបតែរឿងល្អៗ៕

អត្ថបទ៖ សន្យា

ចុចអាន៖ ដើមឆ្នាំ២០២៣ មនុស្សឆ្នាំ “ឆ្លូវ” កំពូលសំណាងជាងគេ

ចុចអាន៖ រាសីឆ្នាំ “ជូត” ចុះខ្សោយ នៅដើមឆ្នាំ២០២៣នេះ

The post “ខាល” ដើមឆ្នាំ២០២៣ អាជីពជោគជ័យ ទ្រព្យសម្បត្តិនឹងកើនឡើងទ្វេ appeared first on Kampuchea Thmey Daily.

លោក អ៊ឹម បុរិន្ទ លើកឡើងថា៖ “សុំរៀបរាប់តែគ្រាសដែលមើលឃើញពិតប្រាកដ នៅក្នុងព្រះរាជាណាចក្រកម្ពុជា គឺនៅល្ងាចថ្ងៃអង្គារ ១៥ កើត ខែកត្តិត ឆ្នាំខាល ចត្វាស័ក ត្រូវនឹងថ្ងៃ ទី០៨ ខែវិច្ឆិកា ឆ្នាំ២០២២ មានចន្ទគ្រាសជាសារពើគ្រាស (គ្រាសទាំងស្រុង) ចាប់ផ្តើមពីម៉ោង ១៦:០៩ នាទី ហើយបញ្ចប់ នៅម៉ោង ១៩:៤៩នាទី”។

លោក អ៊ឹម បុរិន្ទ បង្ហាញថា៖ “នៅក្នុងតំបន់ភ្នំពេញនៃកម្ពុជា មើលឃើញជាសារពើគ្រាស ចាប់ពីម៉ោង ១៧:៣១ នាទី រាហូថយចេញពីមណ្ឌលព្រះចន្ទនៅវេលាម៉ោង ១៨:៤១ នាទី រហូត ដល់ម៉ោង ១៩:៤៩ នាទី គឺជាពេលបញ្ចប់នៃគ្រាស”។

នាយក នៃគណៈកម្មការស្រាវជ្រាវវិជ្ជាហោរាសាស្ត្រ និងប្រពៃណីទំនៀមទម្លាប់ខ្មែរ  រូបនេះ បញ្ជាក់ថា ព្រះអាទិត្យរះម៉ោង ៥:៥៤ នាទី លិចម៉ោង ១៧:៣៣ នាទី ព្រះចន្ទរះ ១៧:២៩នាទីលិច ៥:៣១ នាទី។

អ្នកស្រាវជ្រាវវិជ្ជាហោរាសាស្ត្រខ្មែរ ចិន សាកល រូបនេះ លើកឡើងថា ចន្ទគ្រាសខាងលើ មើលឃើញនៅអឺរ៉ុបខាងជើងឆៀងខាងកើត អាស៊ី អូស្ត្រាលី ភាគច្រើនខាងជើងអាមេរិក  អាមេរិកខាងត្បូង ប៉ាស៊ីហ្វិក អាត្លង់ទិក មហាសមុទ្រឥណ្ឌា អង់តាក់ទិក អាក់ទិក។

គួរបញ្ជាក់ថា មហាសង្ក្រាន្ត ឆ្នាំខាល ចត្វាស័ក ពុទ្ធសករាជ ២៥៦៦ គ្រិស្តសករាជ ២០២២ នឹងចូលនៅថ្ងៃព្រហស្បតិ៍ ១៣កើត ខែចេត្រ ត្រូវនឹងថ្ងៃទី១៤ ខែមេសា គ្រិស្ដសករាជ ២០២២ វេលាម៉ោង ១០:០០នាទី។ ទេវធីតាឆ្នាំថ្មី ព្រះនាម កិរិណីទេវី ជារាជបុត្រីទី៥ នៃកបិលមហាព្រហ្ម គង់នៅចាតុម្មហារាជិកា ទ្រង់អម្ពរពណ៌បតង លម្អនៅព្រះកាណ៌ដោយសៀតផ្កាមន្ទា អភរណៈកែវមរកត ភក្សាហារទ្រង់សណ្ដែក-ល្ង ព្រះហស្ដស្តាំទ្រង់ កង្វេរ ព្រហស្តឆ្វេងទ្រង់កាំភ្លើង ទ្រង់គង់ឈរបើកព្រះនេត្រនៅលើខ្នង ដំរី (គជសារ) ជាយានពាហនៈ៕

អត្ថបទ៖ ច័ន្ទ វីរៈ

The post ទំនាយបាតុភូតសូរ្យគ្រាស ចន្ទគ្រាស ប្រចាំឆ្នាំខាល កម្ពុជាអាចមើលឃើញ ១ ចន្ទគ្រាស appeared first on Kampuchea Thmey Daily.

ខ្លាត្រូវ​បាន​គេ​ចាត់​ទុក​ថា​ជា “ព្រះ​អម្ចាស់​នៃ​ព្រៃ” គឺជា​និមិត្តរូប​នៃ​ភាព​ក្លាហាន មានទំនុកចិត្តខ្លាំង និង​មាន​សមត្ថភាព​ដឹកនាំខ្ពស់។ ពួកគេ​អាច​ស៊ូទ្រាំ​នឹង​សម្ពាធ ហើយ​មាន​ឆន្ទៈ​គាំទ្រ​មនុស្ស​ជុំវិញ​ខ្លួន។

នៅ​ឆ្នាំ​នេះ​ ការងារអាចមានបញ្ហា និង​ការ​កកស្ទះ ឬ​ត្រូវ​បាន​មិត្តភ័ក្ដិ​ទាញ​យក​ប្រយោជន៍​ ដោយសារ​តែ​យើង​ស្មោះត្រង់​ពេក ​គិត​ថា​គេ​ល្អ​នឹង​ខ្លួន​ដែរ។ ឆ្នាំនេះជាឆ្នាំដែលគេប្រជែងការងារខ្លាំងក្លា ម្លោះហើយ ជួនក៏ធ្វើឲ្យខ្លាពិបាកចិត្ត ឬស្មុគស្មាញខ្លាំងដែរ។ ដូច្នេះ​ក្នុង​អំឡុង​ពេល​នេះ មនុស្ស​ឆ្នាំ​ខាល​ គួរ​ទៅ​ធ្វើបុណ្យ​ជាមួយ​ព្រះសង្ឃ​​ ឲ្យ​បាន​ញឹកញាប់​ ឬដាក់ទានខ្លះៗ។

ប៉ុន្តែបញ្ហា​ដែល​កើតឡើង​ នឹង​ត្រូវបានដោះស្រាយ ឬទទួលបានជំនួយពីមនុស្សពេញវ័យ ឬវត្ថុផ្សេងៗ ។ចងចាំថាអំពើអាក្រក់នឹងត្រូវ​លាត​ត្រដាង អ្នកត្រូវព្យាយាម​​ប្រើ​គោលការណ៍​ការងារបែបត្រឹមត្រូវនឹងយកឈ្នះគេបានមិនខាន។

ស្ថិត​ក្នុង​ស្ថានភាព​បែបនេះ ​កុំ​ធ្វើអ្វី​ដោយ​ការ​ខ្វះ​ភាព​អត់ធ្មត់ ឬ​វិនិច្ឆ័យ​បញ្ហា​ជាមួយ​នឹង​អារម្មណ៍​ ប្រយ័ត្ន​ក្លាយ​ជា​ទឹកភ្នែក​មួយ​ពព្រិច​ភ្នែក​ ដោយ​មិន​ដឹងខ្លួន។

ចំណែក​ឯ​ហិរញ្ញវត្ថុ​ក្នុង​រយៈពេល​នេះ ​ស្ថិត​ក្នុង​ស្ថានភាព​ល្អ​តិចតួច ​មិន​ច្រើន ​ឬ​តិច ​អាច​ថា​ចាយ​សម​ល្មម។យ៉ាងណាមិញ​ ក្នុង​នោះ​អ្នក​នឹង​មាន​សំណាងល្អ ពីចៅហ្វាយ​និង​មិត្តភ័ក្ដិ​ជួយ​គាំទ្រដែរ។

ស្នេហា​ក្នុង​រយៈពេល​នេះ​ អាច​នឹង​មាន​បញ្ហា​ជម្លោះ​ ដោយសារ​តែ​មិន​ព្រម​បើក​ចិត្ត​យល់​ពី​គ្នា។ ជាពិសេស​បញ្ហា​លុយកាក់​និង​បញ្ហា​ផ្សេងៗ។ ចំណែក​មនុស្ស​នៅ​លីវ​ ឆ្នាំនេះ​ជា​ឆ្នាំ​មួយ​ជួប​គូគ្រង​សម​ប្រកប​ហើយ។

សុខភាព​ក្នុង​អំឡុង​ពេល​នេះ​ ត្រូវ​ប្រយ័ត្ន​នឹង​ជំងឺ​ដំកាត់​ផ្សេងៗ ជាពិសេស ជំងឺ​ទាក់ទង​នឹងសួត ឬ​ក្នុង​ទ្រូង ការ​ដកដង្ហើម​អាច​មាន​បញ្ហា​ជាមួយ​នឹង​ជំងឺ​ផ្ដាសាយ អាឡ័កស៊ី រលាក​ក្រពះ ជំងឺ​មាត់​ឬ​ធ្មេញ​ជាដើម។

ដើម្បី​ពង្រឹង​សំណាង​ក្នុង​ខែ​កុម្ភៈ​នេះ​ម នុស្ស​ឆ្នាំ​ខ្លា ​ត្រូវ​ឧស្សាហ៍​ធ្វើ​បុណ្យ​ដាក់​ទាន ជួយ​ផ្សព្វផ្សាយ​សាសនា ឲ្យដល់អ្នកផងទាំងពួង។ គោរព​ចាស់​ព្រឹទ្ធាចារ្យ​ រៀមច្បង​ ជា​ការ​ដឹង​គុណ ​ទើប​អាច​បង្កើត​អំណាច​ចក្រា​ឲ្យ​អង់អាច​ជាង​មុន។

ខាលក្នុងឆ្នាំនេះដែរ​ ត្រូវ​នឹង​មនុស្ស​ដែល​កើត​ឆ្នាំ​ម្សាញ់ និងច ខណៈ​គួរ​ចៀសវាង​ធ្វើជា​ដៃគូ​ជាមួយ​មនុស្ស​ស្វា ពស់ និង​ជ្រូក​។

ម៉្យាងវិញទៀត ​​ក្នុង​អំឡុង​ពេល​នេះ អ្នក​មិន​គួរ​ប្រើ​អារម្មណ៍​ដើម្បី​វិនិច្ឆ័យ​បញ្ហា​ណាមួយ​ឡើយ។ ព្រោះ​វា​នឹង​នាំមកនូវ​បញ្ហា​នៅ​ពេល​ក្រោយ ឬ​នាំ​ទុក្ខ​ទោស​មក​ឲ្យ​មួយ​ជីវិត​មិន​ខាន​ឡើយ៕

គ្រូ ណុប

ចុចអាន៖ច្បាស់ៗ៖ ហោរាសាស្ត្រឆ្នាំ ២០២២ សម្រាប់ «រកា»  វ័យ ៣៨ កើតក្នុងឆ្នាំ ១៩៨១

ចុចអាន៖មនុស្សឆ្នាំ «ជូត» ១៩៨៤ អាយុ ៣៨ អាជីពអាចរងការប្រកួតប្រជែង ឬប្ដូរការងារ

The post «ខាល» ឆ្នាំ ១៩៨៦ ក្នុងខែកុម្ភៈនេះ អាជីពកំពុងមានគេប្រកួតប្រជែង ត្រូវចេះអត់ធ្មត់ appeared first on Kampuchea Thmey Daily.