ឆ្នាំឆុង ២០២២ Archives - Kampuchea Thmey Daily

ចូលឆ្នាំ ២០២២ ហើយ វក ម្សាញ់ កុរ និង ខាល ត្រូវធ្វើរឿងនេះ ជីវិតនឹងឈប់ឡាក់ឆុងពេញមួយឆ្នាំ

សាង ស្រីល័ក្ខ — Tue, 11 Jan 2022 00:58:00 +0000

ឆ្នាំឆុង ជាឆ្នាំដែលមានគ្រោះពេញមួយឆ្នាំ ពិបាករកសំណាង និងភាពក្សេមក្សាន្តបានដូចគេណាស់។ ម្ល៉ោះហើយ ដើមឆ្នាំ ២០២២ ក៏បានខិតមកដល់ ឆ្នាំទាំង៤ ត្រូវប្រញាប់សែនកាត់គ្រោះ និងរកវិធីនាំយកលាភសំណាង មកឲ្យជីវិតវិញបាន។

មនុស្សកើតក្នុងឆ្នាំវក

ឆ្នាំវកក៏ឆុងនឹងខាលខ្លាំងមិនធម្មតាដែរ មានន័យថា នឹងមានការផ្លាស់ប្តូរដ៏ធំមួយភ្លាមៗនៅ ក្នុងជីវិត។ នៅក្នុងឆ្នាំ ២០២២ មានមនុស្សមួយចំនួនក្នុងឆ្នាំស្វា អាចនៅសុខៗស្រាប់តែល្បីឈ្មោះក្នុងជួរការងារ ឬវិនិយោគ ហើយក្លាយជាអ្នកមានដោយមិននឹកស្មានដល់។ ខណៈដែលអ្នកផ្សេងទៀត ជាច្រើន អាចមានផលវិបាកអវិជ្ជមាន ដូចជាភាពចលាចល។

ឧបសគ្គក្នុងជីវិត ភាពវឹកវរពីគ្រួសារឬបន្ត មានការមិនសប្បាយចិត្តជាច្រើន រួមទាំងកង្វះការសាទរ។ កង្វះថាមពល ឬក្ដីសុខក្នុងជីវិត លើសពីនេះ មានឱកាសត្រូវគេជិះជាន់ មានបញ្ហា ហើយអាចជួបនឹងគ្រោះថ្នាក់ ដែលមិននឹកស្មានដល់ ដូច្នេះហើយ អ្នកដែលកើតឆ្នាំវក គួរតែធ្វើបុណ្យឲ្យបានញឹកញាប់ ហើយរស់នៅ កុំខ្វល់ខ្វាយច្រើនពេក។ ចូរអត់ធ្មត់និងធ្វើការបួងសួងដល់ព្រះដោយស្មោះត្រង់ ហើយត្រូវហូបអាហារបួស ធ្វើសមាធិ នោះជីវិត នឹងត្រូវបានផ្លាស់ប្ដូរឲ្យកាន់តែប្រសើរឡើងជាងមុន។ សំខាន់បំផុត គួរតែផ្តោតលើការជួយអ្នកក្រីក្រ នោះវានឹងជួយសម្រាលរឿងអាក្រក់ក្នុងឆ្នាំថ្មី ឲ្យបានតិចជាងមុន។

មនុស្សកើតឆ្នាំម្សាញ់

ឆ្នាំម្សាញ់ ឆុងបន្ទាប់ពីវក ជាលទ្ធផលមានបញ្ហានៃការនិយាយដើម ពីអ្នកជុំវិញខ្លួន ឬត្រូវគេបង្កាច់បង្ខូច រងសម្ពាធ មានសភាពក្តៅ ក្រហាយ ត្រូវបានគេបោះបង់ចោល រហូតធ្វើឲ្យឆ្នាំម្សាញ់ រងការខូចខាតផងដែរ។ ដូច្នេះហើយ អ្នកកើតឆ្នាំម្សាញ់ គួរតែធ្វើកុសលដែលទាក់ទងនឹងការបំភ្លឺ ឲ្យបានញឹកញាប់ ដូចជា ទិញទៀនវស្សាយកទៅ វត្ត និងបរិច្ចាគភ្លើងដល់វត្ត ឬការជួយជនក្រីក្រជាងខ្លួន។

ការធ្វើបែបនេះ នឹងជួយបញ្ចៀសរឿងអាក្រក់ ដែលបម្រុងចូលមកក្នុងជីវិត ឲ្យចេញឆ្ងាយ ឬសល់តិចតួចបំផុត។

មនុស្សកើតក្នុងឆ្នាំកុរ

ឆ្នាំ ២០២២ អ្នកនឹងជួបបញ្ហាខ្លះៗ ពិបាកស្មាន ជាពិសេសនឹងមានមនុស្សព្រងើយកន្តើយ និងមិនយកចិត្តទុកដាក់ មានជម្លោះ ការចាកចេញណាមួយមិនបានបំរុងទុក ឬត្រូវតែបំបែកចេញពីផ្ទះ ។ ដូច្នេះអ្នកដែលកើតក្នុងឆ្នាំកុរ គួរតែធ្វើបុណ្យទាក់ទងនឹងការបរិច្ចាគទឹកផឹក និងធ្វើបុណ្យអំពីទឹក ឬដើម្បីថ្វាយបង្គំអ្នកមានគុណ និងគោរពទីសក្ការៈ នៅ ជិតប្រភពទឹក ឬប្រាសាទក្បែរមាត់ទឹក ដើម្បីសុំសេចក្ដីសុខត្រលប់មកវិញ។

មនុស្សកើតក្នុងឆ្នាំខាល

ឆ្នាំថ្មីអាចមានបញ្ហាជារបស់ខ្លួន (ធ្វើខ្លួនឯង) ដូចជាបង្កឲ្យមានការច្របូកច្របល់ ។ មានបញ្ហានៅ កន្លែងធ្វើការ រួមទាំងឧបសគ្គតូចៗដែលកើតឡើងក្នុងជីវិត ដែលត្រូវព្យាយាមឆ្លងកាត់។ ដូច្នេះ អ្នកដែលកើតឆ្នាំខាល ត្រូវតែធ្វើបុណ្យចម្រើនព្រះជន្ម គោរពព្រះពុទ្ធបដិមា (ថ្វាយបង្គំ៩វត្ត) ឬផ្ដល់ជីវិតដល់សត្វជាទាន ឲ្យបាយដល់ឆ្កែវង្វេង បរិច្ចាគនូវអ្វីដែលអាចធ្វើទៅ បាន ។

យ៉ាងណាមិញ ក្រោយធ្វើបុណ្យកាត់គ្រោះរួចរាល់ ប្រសិនបើឆ្នាំទាំង ៤ ដែលឆុងនឹងខាល ប្រញាប់ធ្វើរឿងដូចបានរៀបរាប់ នោះដូចបណ្ដេញចេញនូវសំណាងអាក្រក់ក្នុងផ្លូវអាក្រក់ឲ្យទៅ ជាល្អ នាំមកនូវទ្រព្យសម្បត្តិ និងសុភមង្គលពេញមួយឆ្នាំ បានមកវិញមិនខាន៕

គ្រូ ណុប

ចុចអាន៖វក ម្សាញ់ កុរ និង ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ

ចុចអាន៖អាហារ ៦ មុខជនជាតិ ចិន ជឿថា ហូបក្នុងពិធីបុណ្យសែននំអ៊ី នាំសុភមង្គល និង អាយុវែងក្នុងគ្រួសារ

The post ចូលឆ្នាំ ២០២២ ហើយ វក ម្សាញ់ កុរ និង ខាល ត្រូវធ្វើរឿងនេះ ជីវិតនឹងឈប់ឡាក់ឆុងពេញមួយឆ្នាំ appeared first on Kampuchea Thmey Daily.

វក ម្សាញ់ កុរ និង ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ

សាង ស្រីល័ក្ខ — Wed, 08 Dec 2021 01:02:00 +0000

ជាទូទៅ ប្រជាពលរដ្ឋខ្មែរកាត់ចិន តែងប្រារព្ធពិធីសែនកាត់ឆុង ជារៀងរាល់ឆ្នាំ អាស្រ័យទៅ លើបុគ្គលរូបណាដែលមានឆ្នាំឆុង។ ជាក់ស្ដែងសម្រាប់ឆ្នាំ ២០២២ នេះផងដែរ ឆ្នាំដែលឆុងជាមួយឆ្នាំ ខាល មានដូចជា វក ម្សាញ់ កុរ និងខាល។

ចំណែកឆ្នាំដែលឆុងជាងគេ គឺ កុរ គឺជាឆ្នាំចោតជាមួយខ្លា មានការប៉ះទង្គិចគ្នាខ្លាំង។

របៀបកាត់ឆុងឆ្នាំ ២០២២ និងដង្វាយកាត់ឆុង

តាមជំនឿរបស់ជនជាតិចិន បុគ្គលដែលឆុងជាមួយឆ្នាំខាល ចូរប្រញាប់សូត្រធម៌ថ្វាយបង្គំព្រះ ដើម្បីជួយសម្រាលទុក្ខលំបាក បរិច្ចាគដើម្បីជួយជីវិតសត្វ ដូចជាការប្រោសឬលែងសត្វស្លាប លែងត្រី និងបរិច្ចាគឈាមជាដើម។ ការធ្វើសក្ការបូជាចំពោះព្រះ Tai Shui Ye អាចជួយសម្រាលទុក្ខសោកក្នុងឆ្នាំ២០២២ ឲ្យកាន់តែស្រាល ហើយគួរតែគោរពបូជាច្រើន ដើម្បីបណ្ដេញចេញ និងលើកតម្កើងលាភសំណាងសម្រាប់ខ្លួនឯង។

ដោយឡែក សម្រាប់ប្រជាពលរដ្ឋខ្មែរជាប់សែស្រឡាយចិនភាគច្រើន បាននាំគ្នាទៅ វិហារលោកតាព្រះចៅ នៅ វត្តភ្នំ ឬវិហារនៅ តាខ្មៅ ធ្វើការសែនកាត់ឆុង ដោយអ្នកដែលមានឆ្នាំឆុងទាំងអស់ ត្រូវយកស៊ុតទាឆៅ សាច់ជ្រូក ៣ជាន់ ទៅ ដាក់ក្នុងមាត់រូបសំណាកទេវតាខ្លានៅ ទីនោះ ដើម្បីកាត់គ្រោះចង្រៃទាំងអស់ ឲ្យចៀសផុតចេញឆ្ងាយ និងនាំមកវិញនូវលាភសំណាងត្រឡប់មកវិញ។

ឆ្នាំឆុងត្រូវតមដូចខាងក្រោម

ឆ្នាំ វក តមអាហារមានសាច់និងត្រូវហូបបួស អនុវត្តសមាធិ
ឆ្នាំ ម្សាញ់ ថ្វាយបង្គំព្រះ អុជទៀនធូប
ឆ្នាំ ជ្រូក ផ្តល់ទឹកផឹក ធ្វើបុណ្យអំពីទឹក។
ឆ្នាំ ខាល លោះគោក្របី និងលែងត្រី

សម្រាប់តង្វាយសែនផ្ដាច់ឆ្នាំ មិនអាចខ្វះបានក្នុងចំណោមរបស់ជាច្រើននោះ មានដូចតទៅ ៖ ផ្លែក្រូចឃ្វិច១ ចាន នំអ៊ី ម្ហូប ទឹកតែ ទៀន ធូប ក្រដាសសែន ជាដើមត្រូវដាក់សែនបែរទៅ ទិសខាងកើត។

ក្រោយពីបានគោរពរួច ក៏យកទៅ ផ្ទះហូប ដើម្បីជាលាភសំណាងសម្រាប់ខ្លួនឯង ឲ្យមានសំណាងនិងមានទ្រព្យសម្បត្តិពេញមួយឆ្នាំ៕

គ្រូ ណុប

ចុចអាន៖អត្ថន័យនៃពិធីបុណ្យសែននំអ៊ី សម្រាប់កូនខ្មែរជាប់សែស្រឡាយ ចិន គួរដឹង

The post វក ម្សាញ់ កុរ និង ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ appeared first on Kampuchea Thmey Daily.

ឆ្នាំឆុង ២០២២ Archives - Kampuchea Thmey Daily

ចូលឆ្នាំ ២០២២ ហើយ វក ម្សាញ់ កុរ និង ខាល ត្រូវធ្វើរឿងនេះ ជីវិតនឹងឈប់ឡាក់ឆុងពេញមួយឆ្នាំ

​វក​ ម្សាញ់​ កុរ​ និង​ ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ

វក ម្សាញ់ កុរ និង ខាល ឡាក់ឆុងឆ្នាំ ២០២២ ប្រញាប់កាត់គ្រោះសែនផ្តាច់ឆ្នាំ យកលាភសំណាងមកវិញ