១ លុយកាក់

យោងទៅតាមហោរាសាស្ត្រចិនឆ្នាំ២០២៤ ដែលជាឆ្នាំរោង អាចមានភាពមិនអំណោយផលបន្តិចបន្តួចទាក់ទងនឹងលុយកាក់ និងហិរញ្ញវត្ថុមនុស្សឆ្នាំឆ្លូវ ដូច្នេះ កុំព្យាយាមប្រថុយប្រថានក្នុងការវិនិយោគហិរញ្ញវត្ថុធំៗ។ មិនត្រូវឱ្យគេខ្ចីប្រាក់ ដាក់ឥណទានយកការ​ បណ្តាក់ទុនជាមួយមិត្តភ័ក្តិ ឬសាច់ញាតិនៅឡើយទេ ព្រោះអាចបាត់បង់។ ចូរផ្តោតលើការងាររបស់អ្នក និងអនុវត្តឱ្យបានល្អ ដើម្បីបន្តប្រាក់ចំណូលដែលមានស្ថិរភាព។

២ ស្នេហា​និងទំនាក់ទំនងថ្មី

សត្វនាគឈើ គឺអំណោយផលខ្ពស់សម្រាប់រាសីចក្រ​ឆ្លូវ​លើស្នេហានិងទំនាក់ទំនង។ ទំនាក់ទំនងថ្មីជាមួយគ្រឹះដ៏រឹងមាំនឹងអភិវឌ្ឍកើតមាន​ក្នុងឆ្នាំនេះ។ ទំនាក់ទំនង​ទាំងនេះ​នឹង​ស្ថិតស្ថេរ​យូរ​អង្វែង ​អាចឈាន​ទៅដល់ជា​អាពាហ៍ពិពាហ៍ផង​។ឮ

៣​​ សុខភាព

ប្រសិនបើយើងនិយាយអំពីបញ្ហាសុខភាព ឆ្លូវទទួលរងឥទ្ធិពលជំងឺបន្តិចបន្តួចដោយសារតែភាពតានតឹង និងការងារហួសកម្លាំង។ អារម្មណ៍ទន់ខ្សោយបាក់ទឹកចិត្ត​អាច​ងាយនឹងកើតមាន​​ដូច្នេះ​ត្រូវ​ប្រយ័ត្ន​កុំ​ធ្វើ​ឱ្យ ​ហួស​កម្លាំង​ផ្លូវចិត្ត ហើយ​អនុវត្ត​សមាធិ និង​ការពង្រឹងសន្តិភាពចិត្ត​។

៤ ការងារនិងអាជីព

យោងទៅតាមហោរាសាស្ត្រចិនឆ្នាំ ២០២៤នេះ ឆ្នាំឆ្លូវ នឹងមានអំណោយផល ក្នុងការទទួលបានភាពរីកចម្រើនជោគជ័យក្នុងអាជីពការងារ។ ឆ្លូវដែលធ្វើការក្នុងវិស័យសេវាកម្មស៊ីវិល និងផ្នែកច្នៃប្រឌិតដូចជាសិល្បៈ ល្ខោន ភាពយន្ត ប្រព័ន្ធផ្សព្វផ្សាយ សិល្បករជាដើម និងបានឡើងឋានៈ​ឬបាន​ការទទួលស្គាល់ឬទាំងពីរយ៉ាង។ តារាសំណាងពីរ ‘Tai Yin’ និង ‘Guo Yin’ នឹងផ្តល់កម្លាំងចិត្តអាជីពដល់មនុស្សឆ្នាំឆ្លូវពេញមួយឆ្នាំ ដែលជាហេតុនាំមកនូវលទ្ធផលល្អលើគ្រប់ Project ណាដែលទាមទារការច្នៃប្រដិត្ឋបែបសិល្បៈ។

ពណ៌នាំសំណាង៖ ស លឿង និងបៃតង។

លេខ​នាំ​សំណាង៖ ១ និង ៤

ខែសំណាង៖ ឧសភា កុម្ភៈ និងធ្នូ។

ផ្កានាំសំណាង៖ ផ្កា Tulip និង Peach Blossoms។

ទិសដៅនាំសំណាង៖ ខាងជើង និងខាងត្បូង។

ថ្ងៃនាំសំណាង៖ ថ្ងៃទី ១៣ និង ១៧ នៃរៀងរាល់ខែតាមច័ន្ទគតិចិន។

ខែ​សំណាង៖ ខែ​មេសា និង​វិច្ឆិកា។

ប្រសិនអាចចូររកវត្ថុទាំងនេះដាក់តាំង៖

Wu Lou​ (ឃ្លោក​) ជានិមិត្តរូបនៃសុខភាពវិជ្ជមាន និងអាយុវែង មនុស្សឆ្នាំឆ្លូវអាចស្រូបយកថាមពលអវិជ្ជមាន នាំមកនូវសុខភាពល្អ និងវិបុលភាព។ គួរតែដាក់ Wu Lou នៅទិសនិរតីនៃផ្ទះឬការិយាល័យ ។ ពណ៌ល្អបំផុតរបស់ Wu Lou គឺ ស មាស និងប្រាក់។ ខែដែលសក្តិសមនឹងដាក់ Wu Lou គឺខែមិថុនា ខែកញ្ញា និងខែធ្នូ ខណៈដែលខែដែលមិនស័ក្តិសមគឺខែមករា កុម្ភៈ និងខែសីហា។

Money Tree ដើមលុយ៖

ដើមលុយណាដែលធ្វើអំពីគជ់ឬអ្វីក្តី នឹង​នាំមក​នូវ​សុខភាព​ល្អ ការលូតលាស់ និង​វិបុលភាព ហើយ​ក៏​ជួយ​លើក​ស្ទួយ​ស្ថានភាព​ហិរញ្ញវត្ថុ​ផង។ ​គួរ​ដាក់​ដើម​លុយ​នៅ​ទិស​អាគ្នេយ៍​នៃ​គេហដ្ឋាន ឬ​ការិយាល័យ ដែល​ជា​ទិស​នៃ​ទ្រព្យសម្បត្តិ និង​បរិបូរណ៍​។ ពណ៌ដែលស័ក្តិសមដើមលុយគឺ គឺពណ៌បៃតង និងពណ៌ស្វាយ៕

គ្រូ ឯម

ចុចអាន៖ជូតនិងរាសីចក្រនាគត្រូវគ្នា និងគាំទ្រគ្នា មនុស្សឆ្នាំជូតនឹងឡើងខ្ពស់ត្រដែត

The post ២០២៤ នឹង​ក្លាយជាឆ្នាំចម្រុះ ដែលមនុស្ស​ឆ្នាំឆ្លូវប្រឈម​ទាំងទិដ្ឋភាពហិរញ្ញវត្ថុ និងអាជីព appeared first on Kampuchea Thmey Daily.

ឆ្នាំជូត (កណ្ដុរ)

​រាសី​របស់​កណ្តុរ​ប្រសើរជាងពេលមុន​បន្តិច​ ប៉ុន្តែ​អ្នក​នៅតែ​ត្រូវ​យកចិត្តទុកដាក់​លើ​សុខភាព ជាពិសេស​ចំពោះមនុស្ស​​វ័យ​ចំណាស់​។ ចូរតែយកចិត្តទុកដាក់លើភាពទៀងទាត់នៃការហូបចុក និងសម្រាកឱ្យបានគ្រប់គ្រាន់ បើមិនដូច្នេះទេនឹងងាយកើតជំងឺក្រពះពោះវៀន ដែលនឹងបង្កជាបន្ទុកធ្ងន់ធ្ងរដល់រាងកាយ។ ចងចាំថាមិនត្រូវញ៉ាំច្រើនពេកទេ ហើយចូរញ៉ាំអាហារក្តៅៗ និងងាយរំលាយ។

ឆ្នាំឆ្លូវ (គោ)

រាសីគោមានការ​ឡើង​ចុះមិនទៀង​ ប៉ុន្តែរឿង​ចម្បងដែលត្រូវផ្ដោតលើគឺសុខភាព ​ជាពិសេស​គឺ​របប​អាហារ។ ​មិន​គួរ​ពិសា​គ្រឿង​ស្រវឹង​ច្រើន​ពេក​ទេ ដើម្បី​កុំ​ឱ្យ​មាន​បន្ទុក​ដល់​ប្រព័ន្ធ​រំលាយ​អាហារ ព្រោះ​វា​អាច​បង្ក​ឱ្យ​មាន​ជំងឺ​រ៉ាំរ៉ៃ​ជា​ច្រើន ហើយ​បើ​មាន​អារម្មណ៍​មិន​ស្រួល ​គួរ​ទៅ​ពេទ្យ​ពិនិត្យ​ព្យាបាល​ កុំ​បង្អង់​យូរ។

ចំពោះការងារ មិនគួរបន្ថែមម៉ោងក្នុងពេលអំឡុងពេលនេះទេ វានឹងធ្វើឱ្យសុខទ្រុឌទ្រោម។

ឆ្នាំខាល (ខ្លា)

រាសី​របស់​លោក​អ្នក​នឹង​ធ្លាក់​ចុះ​ក្នុង​រយៈពេលដ៏​ខ្លី​នេះ ជា​ចម្បង​វាងទាក់ទង​នឹង​លាភ​សំណាង ។ មិនថាជីវិតនៅការងារ ឬជីវិតនៅផ្ទះ ខ្លាត្រូវយកចិត្តទុកដាក់លើសុវត្ថិភាពផ្ទាល់ខ្លួននៅពេលអ្នកចេញទៅក្រៅ។ កុំមើលទូរសព្ទដៃពេលដើរលេង ហើយត្រូវចាំថាកុំផឹកស្រា ហើយបើកបរ បើមិនដូច្នេះទេ វាអាចប្រឈមនឹងគ្រោះថ្នាក់ចរាចរណ៍ខ្ពស់។

ឆ្នាំរោង (នាគ)

សុខភាព​របស់​នាគមានភាព​យ៉ាប់​យ៉ឺន ដោយ​សារ​ងាយ​នឹង​កើត​ជំងឺ​តូចតាច ឬ​ការឈឺ​ចាប់ផ្លូវចិត្ត។ ជាចម្បងដើម្បីចៀសវាងបញ្ហាសុខភាពផ្លូវចិត្ត ចូរនាគចៀសវាងការផ្តោតទៅលើរឿងតូចតាចក្នុងអំឡុងពេលនេះ ហើយផ្តោតលើអនាគត។ ចូររក្សាអារម្មណ៍ល្អៗ ហើយបន្ទាប់ពីអារម្មណ៍បានប្រសើរឡើង រាងកាយក៏ប្រសើរឡើងបន្តិចម្តងៗផងដែរ ដោយហេតុនេះការពង្រឹងសុខភាពចជារឿងសំខាន់ទី១។

ឆ្នាំវក (ស្វា)

ស្វានឹងនៅតែមានបញ្ហាប្រឈមមួយចំនួន ប៉ុន្តែមិនមែនជារឿងធំដុំអ្វីទេ។ ការងារផ្លូវការដែលមមាញឹកនឹងធ្វើឱ្យអ្នកមានអារម្មណ៍ធុញថប់។ ចូររកកន្លែងស្ងប់ស្ងាត់ ហើយគិតមួយជំហានម្ដងៗ ដើម្បីដោះស្រាយបញ្ហាឱ្យបានឆាប់រហ័ស។

មិនតែប៉ុណ្ណោះត្រូវយកចិត្តទុកដាក់បន្ថែមទៀតចំពោះការគ្រប់គ្រងទ្រព្យសម្បត្តិ ព្រោះនឹងមានហានិភ័យនៃការបាត់បង់ហិរញ្ញវត្ថុ។ គួរតែប្រយ័ត្នចំពោះការវិនិយោគថ្មី ឬយុទ្ធសាស្ត្រគ្រប់គ្រងហិរញ្ញវត្ថុ ដើម្បីចៀសវាងការផុងខ្លួន។

ឆ្នាំច (ឆ្កែ)

ជោគជតារាសីក្នុងការងាររបស់មនុស្សឆ្នាំចនឹងងធ្លាក់ចុះបន្តិច ហើយនឹងជួបប្រទះបញ្ហាខ្លះនៅកន្លែងធ្វើការ។ ទាំងនេះនឹងធ្វើឱ្យអ្នកមានអារម្មណ៍ធ្លាក់ទឹកចិត្តយ៉ាងខ្លាំង។ នៅពេលនេះ កុំបោះបង់ខ្លួនឯង។ ​ត្រូវ​តែ​លើក​ទឹក​ចិត្ត​ខ្លួនឯងឱ្យខ្លាំង។ ពេលខ្លះនៅពេលគិតអំពីជ្រុងផ្សេង អ្នកនឹងរកឃើញគន្លឹះថ្មីៗ។

រាសី​ស្នេហា​របស់​អ្នកនឹង​នៅតែ​កើនឡើង ជាពិសេស​ចំពោះ​បុរស​នៅលីវ។ អ្នកនឹងមានឱកាសជួយស្នេហាត្រឹមត្រូវមួយ៕

អត្ថបទ៖ សន្យា

ចុចអាន៖ ឆ្នាំ៣ ទាំងអាជីពនិងជីវិតនឹងផ្លាស់ប្ដូរនៅដើមឆ្នាំ ២០២៤

The post ពីនេះដល់ថ្ងៃទី១២ ខែធ្នូ មនុស្សកើតឆ្នាំ «ជូត ឆ្លូវ ខាល រោង វក ច» រាសីមិនសូវសមប្រកប appeared first on Kampuchea Thmey Daily.

ឆ្នាំជូត (កណ្ដុរ)

រាសីកណ្ដុរឡើង​ខ្ពស់​ត្រដែត ក្នុងកំលុងពេលនេះ។ កណ្តុរនៅកន្លែងធ្វើការ នឹងត្រូវបានកោតសរសើរដោយអ្នកដឹកនាំ ហើយអ្នកនឹងនាំមុខគេក្នុងគម្រោងជាច្រើន ព្រមទាំងមានឱកាសទទួលបានការតំឡើងឋានៈ ឬការតំឡើងប្រាក់ខែ។

ទោះជាយ៉ាងណាក៏ដោយ ចូរប្រុងប្រយ័ត្នចំពោះ​ការបង្ខូចកេរ្តិ៍ឈ្មោះពី Hater ។ អំឡុងពេលនេះ ក៏មានអ្នកនិយាយមិនល្អពីក្រោយខ្នងដោយសារការច្រណែន ហើយបើ​មាន​រឿង​បែបនេះ​កើត​ឡើង ​គប្បីកុំ​​អើពើ និង​ខំធ្វើ​ការខ្លួនឯងឱ្យ​បាន​ល្អបំផុត។

ឆ្នាំឆ្លូវ (គោ)

រាសី​ស្នេហា​របស់​គោ​នឹង​បន្ត​ធ្លាក់​ចុះ​ក្នុង​កំលុង​នេះ ហើយ​ការ​រំពឹង​ទុក​អំពីទំនាក់ទំនង​ស្នេហា​ក៏​មិនល្អប៉ុន្មាន​ដែរ។

មនុស្សនៅលីវ ជាទូទៅមិនមានលទ្ធភាពបង្កើតទំនាក់ទំនងថ្មីជាមួយភេទផ្ទុយក្នុងខែនេះទេ។ អ្នក​ដែល​មាន​ដៃគូ​រួច​ហើយ នឹងកើត​មាន​ជម្លោះ​ជាមួយ​ដៃគូ​ជា​ញឹកញាប់​ ដែលវា​សុទ្ធតែ​បណ្តាលមកពី​រឿង​តូចតាច​មិន​សមហេតុផល។

ឆ្នាំខាល (ខ្លា)

អ្នក​មិនមានឱកាស​ការងារ​​ល្អទេ​ក្នុង​ខែ​នេះ។ ​ខ្លា​នៅ​កន្លែង​ធ្វើការ ទទួលរងការស្ដីបន្ទោស ដោយសារ​មិន​យកចិត្តទុកដាក់​ក្នុង​ការងារ​ ហើយវានឹង​នាំឱ្យ​មាន​កំហុស​ក្នុង​គម្រោងរបស់ស្ថាប័ន។ អ្នក​ក៏​អាចកើតមាន​វិវាទ​ជាមួយ​មិត្ត​រួម​ការងារ​ដោយ​សារ​តែ​ការ​មិន​ចុះ​សម្រុង​គ្នា​ទាក់​ទង​នឹង​គម្រោង​រួម ហើយ​អាច​នឹង​ត្រូវ​ទទួល​ការពិន័យពីក្រុមហ៊ុនទៀតផង។ មិនតែប៉ុណ្ណោះ នៅក្នុងអង្គភាព នឹងមានជនអគតិ​​ប្រើ​អណ្តាត​ឆ្កឹះឆ្កៀល ​ធ្វើ​ឱ្យខ្លាមាន​ការ​លំបាក​ក្នុងការវិវត្តន៍ទៅមុខ។

ខ្លាដែលមានមុខជំនួញផ្ទាល់ខ្លួន ពេលសហការជាមួយអ្នកដទៃក្នុងខែនេះ គួរតែប្រយ័ត្នឲ្យបានច្រើន ដើម្បីចៀសវាងការចាញ់ល្បិចពីភាគីម្ខាងទៀត និងជាប់អន្ទាក់ក្នុងកិច្ចសន្យា។

ឆ្នាំថោះ (ទន្សាយ)

រាសីទន្សាយ​​នឹង​ធ្លាក់​ចុះ​ក្នុង​ខែ​នេះ ជា​ពិសេសក្នុង​វិស័យ​ការងារ។ ទន្សាយ ងាយនឹងវង្វេង ឬភ្លេចខ្លួនជាមួយសក​ម្មភាពខ្លួនឯង ព្រោះគ្មានការប្រុងប្រយ័ត្ន។ ទោះបីអ្នកបានឡើងកាន់តំណែងខ្ពស់ក៏ដោយ ក៏ងាយនឹងបរាជ័យទៅវិញ ប្រសិនមិនកែតម្រូវអាកប្បកិរិយាអំនួត។ ដោយសារអ្នកចេះតែប្រកាន់ចរិតមិនស្ដាប់យោបល់អ្នកក្រោមបង្គាប់ ជាលទ្ធផល ប្រសិទ្ធភាពការងារនឹងថយចុះ ព្រមទាំងជាប់គាំងជាច្រើនអន្លើ។

បើនិយាយពីស្នេហាវិញ សម្រាប់អ្នកនៅលីវ មិនមានអ្វីប្រសើរឡើងទេក្នុងពេលនេះ ហើយគ្មានឱកាសជួបមនុស្សភេទផ្ទុយឡើយ។

ទន្សាយគួរអញ្ជើញមិត្តភក្តិទទួលទានអាហារពេលល្ងាចជុំគ្នា ដើម្បីចែករំលែកបញ្ហានៅក្នុងចិត្ត ពុំនោះទេបញ្ហារបស់អ្នកមុខតែរាំងស្ទះ ពិបាកដោះស្រាយណាស់ បើព្យាយាមរែកពុនតែឯង៕

អត្ថបទ៖ សន្យា

ចុចអាន៖ បុរសមានប្រជ្រុយតំបន់ប្រដាប់ភេទ ជាបុរសឆ្វាក់ស្នេហ៍?

ចុចអាន៖ ប្រជ្រុយបរិវេណផ្ចិតទាំង ៥ ទីតាំង បុរាណចារជាមនុស្សសំណាងខ្លាំង

The post ហោរាសាស្ត្ររបស់អ្នកកើតឆ្នាំ “ជូត ឆ្លូវ ខាល ថោះ” សម្រាប់ថ្ងៃទី១៩ ឧសភា-១៧ មិថុនា appeared first on Kampuchea Thmey Daily.

នៅពេលប្រាស្រ័យទាក់ទងជាមួយអ្នកដទៃ គួរតែយកចិត្តទុកដាក់លើពាក្យសម្ដីដែលត្រូវប្រើប្រាស់ ចៀសវាងកំហុស​អចេតនានាំ​ឱ្យ​ភាគី​ម្ខាង​ទៀត​យល់​ខុស និង​ប្រព្រឹត្ត​ខុស។

នៅសប្ដាហ៍នេះ រាសីឆ្នាំ «ឆ្លូវ» ផ្អែកតាមក្បួនទស្សន៍ទាយ ជីវិតហត់នឿយច្រើន ទាមទារការតស៊ូខ្ពស់ និងខិតខំប្រឹងប្រែងខ្លាំងណាស់។ វាសនាមនុស្សឆ្នាំ «ឆ្លូវ» ​មិនទទួលបានអ្វី​ងាយៗ​​ទេ គ្រប់យ៉ាងដែលចង់បានក៏មិនសូវសមបំណង។ មិនថាអាជីព ឬរបររកស៊ីភាគច្រើនមិនសូវមានសក្តានុពលផ្នែកហិរញ្ញវត្ថុ។

ចំពោះអ្នកធ្វើការ​ឬមានជំនួញផ្ទាល់ខ្លួន ឬជាថ្នាក់ដឹកនាំចូរចាកចេញពីទីក្រុងទៅទីជនបទ ដើម្បីទទួលបានភាពស្ងប់ស្ងាត់ផ្នែកជីវិតឯកជនខ្លះ ពុំនោះទេ បញ្ហាការងារនិងគ្រួសារ អាចរួមរឹតកាន់តែតឹង ឈានដល់កើតជំងឺផ្លូវចិត្ត។

ចំពោះស្នេហា វាជាពេលវេលាមិនអំណោយផលសម្រាប់បង្កើតទំនាក់ទំនងនោះទេ។

ថ្វីត្បិតជីវិតហត់នឿយ ដូចនៅទីលានប្រណាំង ប៉ុន្តែបើនៅតែក្រាញននៀលមិនព្រមបោះបង់ អ្វីៗនឹងល្អប្រសើរឡើងវិញ៕

អត្ថបទ៖ សន្យា

The post ទស្សន៍ទាយលាភសំណាងមនុស្សកើតឆ្នាំ “ឆ្លូវ” សម្រាប់ថ្ងៃទី៧-១៣ ​ខែឧសភា appeared first on Kampuchea Thmey Daily.

អ្នកឆ្នាំ “ឆ្លូវ” នឹងមានតែ​មនុស្សចោមរោមស្រឡាញ់ ព្រមទាំងជួយទុក្ខធុរៈ។​ គ្រប់​ការងារ មានមនុស្សចាំគាំទ្រ និងសាទរជានិច្ច។ ​រាសីឡើងខ្ពស់ត្រដែត ក្នុងរវាង៣ខែ ដើមឆ្នាំ២០២៣ ព្រោះអ្នកមានទេវតា​ប្រទាន​សម្បត្តិ​ មាន​លុយ​ចូលហូរហែ។ ចំណែកការ​រកស៊ី​ មានភ្ញៀវចេញចូលឥតដាច់ លក់ដូរ​​មានតែផលចំណេញ។ បើ​​បើក​របរ​ថ្មី នឹងកាក់កបណាស់។

ចំពោះអ្នកកំពុងធ្វើការ ស៊ីប្រាក់ខែ នឹងបានឡើងប្រាក់ខែក្នុងដើមឆ្នាំនេះឯង។ ត្បិតតែឆ្នាំ “ឆ្លូវ” មិនសូវជោគជ័យកិច្ចការធំៗ តែក្នុងបណ្ដាញការងារមិនថាធំតូច នឹងដំណើរការរលូនល្អ។

ដើម​ឆ្នាំនេះ ជាវេលាល្អ សម្រាប់អាជីពនានា ធ្វើអ្វីក៏ចម្រើន ជាពិសេសហិរញ្ញវត្ថុ មានលុយចាយហូរហៀរ​។ គូស្នេហ៍វិញ មានការយល់ចិត្តថ្លើម ស្អិតរមួត បើស្វាមីភរិយា មិនទាន់មានបុត្រ យកបុត្រពេលនេះ​ពិតជាល្អបំផុត។ យ៉ាងណាមិញ ចំពោះអ្នកនៅលីវ  ពេលនេះ​ជាពេលនៅម្នាក់ឯងសិន ឯអ្នកទើបតែខូចចិត្តរួចក្ដៅៗ កុំទាន់ចាប់ផ្ដើមថ្មី។

ទោះយ៉ាងណា សូមប្រយ័ត្នចំពោះបញ្ហាផ្លូវដង្ហើម អាឡ័កស៊ី និងភាពមិនប្រក្រតីនៃអរម៉ូន។ គួរចៀសវាងការផឹកស្រា និងជក់បារីឱ្យបាន។

ថ្វីត្បិតអ្នកអាចនឹងជួបបញ្ហាសុខភាព ប៉ុន្តែប្រសិនបើបានប្រគេន​ទេយ្យទាន​ដល់​ព្រះសង្ឃ​ បុណ្យកុសលអាចជួយពង្រឹងសុខភាព និងកម្លាំងរបស់អ្នកឱ្យរឹងមាំឡើង៕

អត្ថបទ៖ សន្យា

ចុចអាន៖ រាសីឆ្នាំ “ជូត” ចុះខ្សោយ នៅដើមឆ្នាំ២០២៣នេះ

The post ដើមឆ្នាំ២០២៣ មនុស្សឆ្នាំ “ឆ្លូវ” កំពូលសំណាងជាងគេ appeared first on Kampuchea Thmey Daily.

មនុស្ស​ប្រុស​ស្រី ​ដែល​មាន​កំណើត​ក្នុង​ឆ្នាំ​ដូច​ខាងក្រោម​ នៅ​តែ​អាច​មាន​សំណាង​រឿង​លុយកាក់​ និង​មាន​ទ្រព្យ​ហូរ​ចូល​មក​ដូចគ្នា។ យ៉ាងណាមិញ ​ចាប់​ពី​ខែ​ក្រោយ​ទៅ ​ឆ្លូវ​ ថោះ​ មមី​ និង​វក ​ចាប់ផ្ដើម​មាន​រាសី​ឡើង​ស្រឺត​ៗ​វិញ​ហើយ។ ជា​ពិសេស​ ទាក់ទង​នឹង​ការ​បើកហាង​ថ្មី​ ចាប់​ដៃគូ​ជំនួញ​ដាក់​ទុន​ ក្នុង​រឿង​រកស៊ី​ផ្សេងៗ។

១ ឆ្នាំឆ្លូវ

ក្នុងឆ្នាំនេះអាច​ថា​ជា​ឆ្នាំ​មួយ​ល្អ​ប្រសើរ​​​ ក្នុង​ការ​ចាប់ផ្ដើម​រកស៊ី​ ប៉ុន្តែយ៉ាងណាមិញ ​មនុស្សឆ្នាំឆ្លូវ ក៏ត្រូវ​មានការ​ព្យាយាម​និងក្លាហាន​ ទើបឆាប់ទទួលបានជោគជ័យ។ ទន្ទឹមនោះ​ អ្នក​កំពុង​មាន​គេ​ចូលចិត្ត​ច្រើន ពីមនុស្សក្នុង​សហគមន៍ បើបើករកស៊ី គេក៏ស្គាល់​និង​មាន​ជំនួយ​បន្ថែម​ទៀត ​ពី​ក្រុម​មនុស្ស​ក្បែរខ្លួន។

២ ឆ្នាំ​ថោះ

មនុស្ស​ឆ្នាំ​នេះ​បើ​ព្យាយាម​ដាក់ចិត្តដាក់កាយ ​អាចថាហត់បន្តិច​ គ្មាន​ពេល​សម្រាក​ទាល់​តែ​សោះ។ ប៉ុន្តែ​ទន្ទឹម​នោះ​ ភាព​ហត់នឿយ​របស់​អ្នក​ នឹង​បាន​ផល​សម្រេច​ក្នុង​ឆ្នាំ​នេះ ​ឬ​ក្នុង​ខែ​ទៅ​មុខ​ បើ​សិន​អ្នក​បាន​ដាក់​ចិត្ត​នឹង​ការ​រកស៊ី​បាន​ល្អ។ កុំ​ប្រហែស​ ហើយ​ត្រូវ​ប្រុងប្រយ័ត្ន​ជា​ពិសេស ​អ្នកណា​មិន​ច្បាស់​ជាមួយ​យើង​ អាច​ថា​មក​មាន​បំណង​អាក្រក់ ​ឬ​បោក​លុយ​ក៏​មាន។

៣ ឆ្នាំ​មមី

ចាប់​ពី​ខែ​ក្រោយ​ទៅ ​អ្នក​នឹង​មាន​លាភ​ចូល​ពេញ​ខ្លួន​ ចំណែក​ការ​រកស៊ី​ចូល​ហ៊ុន​នឹង​ទទួល​បាន​លាភ​សំណាង។ ប៉ុន្តែ​ត្រូវ​ចាប់​មួយ​ដឹង​មួយ​ កុំ​ចាប់​នេះ​តិច​នោះ​តិច​ អាច​បណ្ដាល​ឲ្យ​របូត​អស់​គ្មាន​សល់​សូម្បី​តែ​មួយ។

៤ ឆ្នាំវក

អាច​ថា​ឆ្នាំ​នេះ​ជា​ឆ្នាំ​ពិបាក ​សម្រាប់​មនុស្ស​ឆ្នាំ​វក ​ប៉ុន្តែ​គេ​ក៏​អាច​មាន​ឱកាស​ទទួល​បាន​លាភ​សំណាង​ និង​ការ​រកស៊ី​ដើរ​ទៅ​មុខ​បាន​ជោគជ័យ​ដែរ។ ក្នុងពេលនេះ ​អ្នក​អាច​បណ្ដាក់ទុន​រកស៊ីជាមួយ​មនុស្សចង់ចាប់ដៃគូ​ នោះភាពជោគជ័យនឹងលេចចេញមកមិនខាន។ នេះ​ជា​ពេល​វេលា​មួយ​ដែល​មនុស្ស​ឆ្នាំវក ​បាន​ទន្ទឹង​រង់ចាំ​ជាយូរ។ ដូច្នេះ ​ចូរ​ឈោង​ឆាប់​ឱកាស​មាស​ប្រាក់​នេះ​ ហើយ​កុំ​ខ្ជិល​ច្រអូស​ដាក់​មុខ​ នោះ​លទ្ធផល​នឹង​ឃើញ​ឯង ​នា​ខែ​ខាង​មុខ​នេះ៕

គ្រូ ណុប

ចុចអាន៖«ខាល» ឆ្នាំ ១៩៨៦ ក្នុងខែកុម្ភៈនេះ អាជីពកំពុងមានគេប្រកួតប្រជែង ត្រូវចេះអត់ធ្មត់

ចុចអាន៖ច្បាស់ៗ៖ ហោរាសាស្ត្រឆ្នាំ ២០២២ សម្រាប់ «រកា»  វ័យ ៣៨ កើតក្នុងឆ្នាំ ១៩៨១

The post ឆ្លូវ ថោះ មមី និងវក ខែក្រោយទៅរាសីកាក់កបខ្លាំងរឿងលុយ អាចបើករបរ​រកស៊ីបានរលូន appeared first on Kampuchea Thmey Daily.

ឆ្នាំជូត ​(កណ្តុរ)

ក្នុងអំឡុងខែមីនា បុរស និងស្ត្រីដែលមានឆ្នាំកំណើតជាកណ្ដុរ ត្រូវប្រឈមនឹងបញ្ហាផ្សេងៗជាច្រើនទាំងហិរញ្ញវត្ថុ និងអាជីព។ មិនតែប៉ុណ្ណោះភាពតានតឹងនឹងរត់មករកអ្នកយ៉ាងគំហុកផងដែរ។ ដូច្នេះ​គ្រប់បញ្ហាធំៗ កុំទាន់ធ្វើការសម្រេចចិត្តភ្លាមៗ ហើយប្រសិនបើវាជាការបន្ទាន់ខ្លាំង ចូរពិគ្រោះជាមួយតែមនុស្សជិតស្និទ្ធបំផុតបានហើយ។

ចំណែកឯការវិនិយោគ ឬការជួញដូរនានា ហាក់មិនសមប្រកបឡើយ ចាប់ពីពេលនេះ រហូតដល់ដាច់ខែ។ ដោយឡែកក្នុងខែមីនា ថ្ងៃនាំសំណាងល្អចំពោះឆ្នាំជូត មានតែ ៣ថ្ងៃប៉ុណ្ណោះ គឺថ្ងៃទី ០៨, ១២ និង ១៣។  

ឆ្នាំឆ្លូវ (គោ)

មនុស្សឆ្នាំឆ្លូវ ក៏មានរាសីធ្លាក់ចុះខ្លាំងផងដែរ ក្នុងខែមីនា។ ​រាល់កិច្ចការសំខាន់ៗ ហាក់មិនអាចសម្រេចអ្វី គួរឱ្យពេញចិត្ត ថែមទាំង​មាន​អារម្មណ៍​​ឆាប់​ខឹង​ពី​មនុស្ស​ជុំវិញ​ខ្លួនទៀតផង។ ​ខាងផ្នែកអាជីព ឆ្នាំផ្លូវរងបន្ទុក និងសម្ពាធខ្លាំង សឹងរត់ចោលជួរ។

ដោយឡែករបររកស៊ីទទួលទាន ល្គឹកណា​ខំ​ប្រឹង​ប្រែង​ណាស់ ទើប​ទទួល​បាន​ប្រាក់​ចំណេញ​ខ្លះ យកមកទុក​។

សម្រាប់ខែមីនានេះ មនុស្សឆ្នាំឆ្លូវ ចូរប្រយ័ត្នចំពោះការធ្វើដំណើរឱ្យបានខ្ពស់បំផុត និងមិនត្រូវចេញដើរផ្លូវឆ្ងាយចន្លោះម៉ោង ១-៣ រសៀលនោះទេ។

ឆ្នាំមមែ (​ពពែ)

សត្វពពែនឹងត្រូវធ្វើកិច្ចសន្យាមួយចំនួន តែមិនគួរចុះហត្ថលេខា កំលុងខែនេះទេ។ ដោយហេតុថា ការ​ចរចា​រឿង​សំខាន់​ៗអំឡុងខែមីនា ជាវេលា​អាក្រក់ចំពោះឆ្នាំមមែ ព្រោះអ្នកអាចផុងខ្លួន ងើបមិនរួច។

ចំពោះមនុស្ស​ឆ្នាំមមែ ដែលនៅលីវ មិនគួរណាត់ជួបក្នុងខែនេះដែរ ត្បិតអីគ្មានប្រយោជន៍ ក្រៅពីចំណាយពេលចោល ហើយអាចខកចិត្តខ្លាំងទៀតផង៕

អត្ថបទ៖ សន្យា

ចុចអាន៖ សំណាងរត់រកពេញមួយខែមីនា ប្រសិនបើធ្វើរឿងទាំងនេះ

ចុចអាន៖ មនុស្សទម្លាប់សម្ញែងអ្វីៗស្រោម មាស ព្រោះគេមានជំនឿលើរឿងនេះខ្លាំង

The post មនុស្សកើតឆ្នាំ ជូត ឆ្លូវ មមែ ឆាកជីវិតជួបនឹងវិបត្តិទាំងនេះ appeared first on Kampuchea Thmey Daily.

ដើមឆ្នាំ ២០២២មកដល់ភ្លាម រាសីឆ្នាំ «ឆ្លូវ» ផ្អែកតាមក្បួនទស្សន៍ទាយ ជីវិតហត់នឿយច្រើន ទាមទារការតស៊ូខ្ពស់ និងខិតខំប្រឹងប្រែងខ្លាំងណាស់។ វាសនាមនុស្សឆ្នាំ «ឆ្លូវ» ​មិនទទួលបានអ្វី​ងាយៗ​​ទេ គ្រប់យ៉ាងដែលចង់បានក៏មិនសមបំណង។ អំឡុងឆ្នាំ ២០២២ គោត្រូវស្វែងរកចម្លើយចំពោះសំណួរជាច្រើនដែលវាយប្រហារខ្លួនផ្នែកអាជីព និងមុខរបរ។ មិនថាអាជីព ឬរបររកស៊ីភាគច្រើនមិនសូវមានសក្តានុពលផ្នែកហិរញ្ញវត្ថុ ហើយជួបភាពបរាជ័យជារឿយៗ។

ចំពោះអ្នកធ្វើការ​ឬមានជំនួញផ្ទាល់ខ្លួន ឬជាថ្នាក់ដឹកនាំអាចត្រូវផ្លាស់ប្ដូរចេញពីទីក្រុងទៅកទីជនបទ ដើម្បីទទួលបានភាពស្ងប់ស្ងាត់ផ្នែកជីវិតឯកជនខ្លះ ពុំនោះទេ បញ្ហាការងារនិងគ្រួសារ អាចរួមរឹកាន់តែតឹង ឈានដល់កើតជំងឺផ្លូវចិត្ត។

ឆ្នាំ ២០២២ «ឆ្លូវ» ត្រូវប្រុងប្រយ័ត្នខ្ពស់ទាំងនៅកន្លែងធ្វើការ ក៏ដូចជាក្នុងរឿងស្នេហា ព្រោះថា សកម្មភាពលំបាកៗក្នុងអាជីពកើនឡើងជាលំដាប់ ឯជីវិតគូច្រើនតែភ័ន្តច្រឡំគ្នា រហូតបង្កឱ្យម្នាក់ៗ សម្រេចនៅដាច់ដោយឡែករៀងខ្លួន។ ក្នុងឆ្នាំនេះដែរ គោ ត្រូវតែចៀសវាងការធ្វើដំណើរផ្សងព្រេងតែម្នាក់ឯង ដោយហេតុថា គ្រោះកំពុងតាមប្រកៀកប្រកិតនឹងពួកគេ។

ចាប់ពីថ្ងៃបុណ្យចូលឆ្នាំចិន កំលុងខែកុម្ភៈ ដល់ខែមេសា ឆ្នាំ២០០២២ ឆ្នាំ «ឆ្លូវ» ត្រូវប្រឈមជាមួយឧបសគ្គច្រើន មានរឿងច្របូកច្រប់សឹងគ្រប់ផ្នែកនៃជីវិត។ ដូច្នេះហើយ ទើបបានជាក្នុងរយៈពេលនោះ «ឆ្លូវ» ទាមទារឱ្យមានការអត់ធ្មត់ រៀនសម្របខ្លួន និងត្រៀមខ្លួនសម្រាប់បញ្ហាលំបាកៗ ដែលនឹងចូលមកដល់។

យ៉ាងណាមិញ ក្រោយចូលឆ្នាំខ្មែរ ២០២២ ឆ្នាំ «ឆ្លូវ» មាននឹងមានរាសីប្រសើរឡើងវិញ ឯស្ថិរភាពហិរញ្ញវត្ថុចាប់ផ្ដើមមានលំនឹង៕

អត្ថបទ៖ សន្យា

ចុចអាន៖ ទំនាយជោគជតារាសីមនុស្សឆ្នាំ «ខាល» កំលុងឆ្នាំ ២០២២​

ចុចអាន៖ អ្នកទស្សន៍ទាយល្បីឈ្មោះម្នាក់ទៀត ប្រាប់ព្រឹត្តិការណ៍កើតឡើងក្នុងឆ្នាំ ២០២២ ខាងមុខ

The post គួរត្រៀមខ្លួន! «ឆ្លូវ» ឆ្នាំ២០២២ ឆាកជីវិតជួបបញ្ហាច្រើនណាស់ appeared first on Kampuchea Thmey Daily.