យោងតាមរបាយការណ៍ពី Politico កាលពីថ្ងៃអាទិត្យបានឲ្យដឹងថា កងឆ្មាំជាតិចំនួន៧,០០០នាក់នឹងបន្តនៅក្នុងទីក្រុងវ៉ាស៊ីនតោនរហូតដល់ការកាត់ក្តីលោក Trump ចាប់ផ្តើមនៅខែកុម្ភៈ។ បន្ទាប់ពីនោះ ឆ្មាំ៥,០០០នាក់នឹងបន្តឈរជើងរហូតដល់ការជំនុំជម្រះបញ្ចប់ដែលទំនងជានៅពាក់កណ្តាលខែមីនា។

ប្រភពពី Politico និយាយថា ការដាក់ពង្រាយនេះគឺចាំបាច់ណាស់ដោយសារតែក្តីបារម្ភផ្នែកសន្តិសុខអំឡុងពេលជំនុំជម្រះ ប៉ុន្តែកងទ័ពនិយាយថា ពួកគេត្រូវបានគេផ្តល់ព័ត៌មានតិចតួចបំផុតអំពីបេសកកម្មនេះ។

កងទ័ពឆ្មាំជាតិប្រមាណ២៥,០០០នាក់ ត្រូវបានដាក់ពង្រាយទៅរដ្ឋធានីបន្ទាប់ពីមានកុបកម្មគាំទ្រលោក Trump នៅវិមានកាពីតូលកាលពីដើមខែនេះ។ កងទ័ពបានបន្តការយាមល្បាតក្នុងអំឡុងពិធីស្បថឡើងកាន់តំណែងរបស់លោកប្រធានាធិបតី Joe Biden។

ការដាក់ពង្រាយនេះបានធ្វើឲ្យអ្នកសាធារណរដ្ឋមួយចំនួនខឹងសម្បា ដោយពួកគេយល់ថា វាជាល្ខោននយោបាយដែលរៀបចំឡើងដោយគណបក្សប្រជាធិបតេយ្យ ជាជាងតម្រូវការសន្តិសុខ។

មានអភិបាលរដ្ឋខាងគណបក្សសាធារណរដ្ឋយ៉ាងតិច៨រូបដោយក្នុងនោះមានទាំងលោក Ron DeSantis នៃរដ្ឋ Florida និងលោក Greg Abbott នៃរដ្ឋ Texas ផងដែរ បានហៅកងទ័ពឲ្យត្រឡប់មករដ្ឋរបស់ពួកគេវិញ។ លោក DeSantis បានប្រាប់ Fox News កាលពីថ្ងៃសៅរ៍ថា ពួកគេគឺជាទាហាន ពួកគេមិនមែនជាអ្នកបម្រើរបស់ប្រធានសភាលោកស្រី Nancy Pelosi ទេ។

ក្រៅពីទាហានដែលនៅសេសសល់, វិមានកាពីតូលអាមេរិកនៅតែព័ទ្ធជុំវិញដោយរបងសន្តិសុខកម្ពស់៣.៦ម៉ែត្រដាក់បន្លាលួស ហើយកំពុងមានផែនការដាក់របងនេះជាអចិន្រ្តៃយ៍៕

ប្រែសម្រួលដោយ៖ Vann Vann

ប្រភព៖ RT

ចុចអាន៖ ឃើញហើយគួរឲ្យអាណិត! បណ្តុំរូបភាព ឆ្មាំជាតិអាមេរិកនៅ វ៉ាស៊ីនតោន មុនពិធីស្បថចូលកាន់តំណែងរបស់ Joe Biden

The post ឆ្មាំជាតិបន្តនៅ វ៉ាស៊ីនតោន រហូតដល់ខែមីនាដើម្បីផ្តល់សន្តិសុខអំឡុងការកាត់ក្តីលោកTrump appeared first on Kampuchea Thmey Daily.

ការសម្រេចចិត្តរបស់រដ្ឋមន្រ្តីក្រសួងការពារជាតិអាមេរិកលោក Ryan McCarthy បានកើតឡើងស្របពេល FBI បានព្រមានអំពីការតវ៉ាប្រដាប់អាវុធ ដែលគ្រោងធ្វើឡើងក្នុងទីក្រុងវ៉ាស៊ីនតោនមុនពិធីស្បថចូលកាន់តំណែងថ្ងៃទី២០ខែមករា។

ទោះបីជាយ៉ាងណាក៏ដោយ មន្ត្រីអាមេរិកមិនបាននិយាយទេថាតើនឹងមានឆ្មាំប៉ុន្មាននាក់ដែលត្រូវប្រដាប់ដោយអាវុធ ប៉ុន្តែបានកត់សម្គាល់ថា កងទ័ពឆ្មាំដែលជួយធានាសន្តិសុខនៅអគារកាពីតូលនឹងមានអាវុធ។

កងទ័ពមិនបានធ្វើអត្ថាធិប្បាយភ្លាមៗទេ។

ខាងក្រោមនេះគឺជារូបភាពរបស់ឆ្មាំជាតិដែលបានទៅដល់ទីក្រុង វ៉ាស៊ីនតោន ឌីស៊ី៖

ប្រែសម្រួលដោយ៖ Vann Vann

ប្រភព៖ Al Jazeera

The post ឃើញហើយគួរឲ្យអាណិត! បណ្តុំរូបភាព ឆ្មាំជាតិអាមេរិកនៅ វ៉ាស៊ីនតោន មុនពិធីស្បថចូលកាន់តំណែងរបស់ Joe Biden appeared first on Kampuchea Thmey Daily.

កាសែតយោធា Military Times បាននិយាយថា “បេសកកម្មរបស់ពួកគេមានដូចជាជួយការពារប្រព័ន្ធអ៊ីនធើណិត ជួយដល់ការបោះឆ្នោតនិងប្រុងជើងការក្នុងករណីមានភាពវឹកវរស៊ីវិលក្រោយការបោះឆ្នោត” ។

ក្នុងចំណោមរដ្ឋទាំងអស់ Texas, Pennsylvania និង Massachusetts បានដាក់ពង្រាយឆ្មាំជាតិចំនួន១,០០០នាក់ដើម្បីប្រុងប្រៀបទប់ទល់នឹងភាពចលាចលស៊ីវិលនិងអំពើហិង្សាខណៈរដ្ឋ Arizona និង Alabama មានកងទ័ពចំនួន៣០០នាក់ក្នុងមួយរដ្ឋៗ។

ជនជាតិអាមេរិកកំពុងធ្វើដំណើរទៅកាន់ស្ថានីយ៍បោះឆ្នោតនៅទូទាំងប្រទេសនៅថ្ងៃអង្គារ (ថ្ងៃពុធនៅកម្ពុជា) សម្រាប់ការបោះឆ្នោតឆ្នាំ២០២០។ មនុស្សជាច្រើនមានការព្រួយបារម្ភអំពីតថភាពនៃប្រជាជាតិដែលបែកបាក់គ្នាកាន់តែខ្លាំងឡើងដូចជាជម្លោះជាតិសាសន៍និងអំពើអយុត្ដិធម៌សង្គមដែលកាន់តែអាក្រក់ទៅៗ។

កាលពីរដូវក្តៅកន្លងទៅនេះ កងកម្លាំងឆ្មាំជាតិត្រូវបានបញ្ចេញទៅរដ្ឋមួយចំនួននៅទូទាំងប្រទេសដើម្បីឆ្លើយតបទៅនឹងភាពវឹកវរស៊ីវិលបន្ទាប់ពីមរណភាពរបស់លោក George Floyd ដែលជាជនជាតិអាមេរិកដើមកំណើតអាហ្វ្រិកដែលត្រូវបានសម្លាប់ដោយប៉ូលិស៕

ប្រែសម្រួលដោយ៖ Vann Vann

ប្រភព៖ Xinhua

The post អាមេរិកដាក់ពង្រាយឆ្មាំជាតិរាប់ពាន់នាក់ដើម្បីទប់ទល់នឹងភាពចលាចលនៅថ្ងៃបោះឆ្នោត appeared first on Kampuchea Thmey Daily.